City Laboratory Bugga Kalan

25/12/2024

30/12/2022

ਕੈਨੇਡਾ ਵਿੱਚ ਹੋ ਰਹੀਆਂ ਪੰਜਾਬੀ ਮੁੰਡਿਆਂ ਦੀਆਂ ਹਾਰਟ ਅਟੈਕ ਨਾਲ ਮੌਤਾਂ ਦਾ ਕਾਰਨ ਅਫ਼ੀਮ ਵਿੱਚ ਮਿਲਾਈ ਜਾ ਰਹੀ ਫੈਨਟਾਨਿਲ (Fentanyl) ਹੈ। ਫੈਂਨਟਾਨਿਲ ਹੈਰੋਇਨ ਤੋਂ ਵੀ 100 ਗੁਣਾ ਜਿਆਦਾ ਸਟਰੋਂਗ ਹੈ। CDC ਮੁਤਾਬਕ ਇਕੱਲੇ ਅਮਰਿਕਾ ਵਿੱਚ 107375 ਮੌਤਾਂ ਫੈਂਟਾਨਿਲ ਦੀ ਓਵਰਡੋਜ਼ ਨਾਲ ਸਾਲ 2021 ਵਿੱਚ ਹੋ ਚੁੱਕੀਆਂ ਹਨ। ਫੈਂਟਾਨਿਲ ਦੀ 2MG ਡੋਜ ਤੁਹਾਨੂੰ ਮਾਰਨ ਲਈ ਬਹੁਤ ਹੈ। ਜਿਨ੍ਹਾਂ ਦੇ ਵੀ ਬੱਚੇ ਜਾਂ ਦੋਸਤ ਕੈਨੇਡਾ ਵਿੱਚ ਹਨ, ਉਨ੍ਹਾਂ ਤੱਕ ਇਹ ਜਾਣਕਾਰੀ ਜ਼ਰੂਰ ਪਹੁੰਚਾਓ। ਜੋ ਵੀ ਅਫ਼ੀਮ ਲੈਣ ਦੇ ਸ਼ੋਕੀਨ ਹਨ, ਜਰਾ ਧਿਆਨ ਨਾਲ, ਕਿਉਂਕਿ ਇਹ ਤੁਹਾਡੀ ਆਖ਼ਰੀ ਗਲਤੀ ਵੀ ਹੋ ਸਕਦੀ ਹੈ।

30/12/2022

ਹੁਣ ਦੇ ਜ਼ਮਾਨੇ ਵਿੱਚ ਹਰ ਇੱਕ ਨੂੰ ਹੀ ਖੂਨ ਅਤੇ ਖੂਨ ਦੇ ਗਰੁੱਪਾਂ ਬਾਰੇ ਪੂਰਾ ਪਤਾ ਹੋਣਾ ਚਾਹੀਦਾ ਹੈ ਕਿ ਕਿਹੜੇ ਗਰੁੱਪ ਵਾਲੇ ਕਿਹੜੇ ਖੂਨ ਗਰੁੱਪ ਵਾਲੇ ਨੂੰ ਖੂਨ ਦੇ ਸਕਦੇ ਹਨ।
ਅਸਲ ਵਿੱਚ ਖੂਨ ਚਾਰ ਤਰਾਂ ਦਾ A, B, AB, O ਹੁੰਦਾ ਹੈ। ਹਰੇਕ ਖੂਨ ਅੱਗੇ ਨੈਗੇਟਿਵ ਤੇ ਪੌਜ਼ਿਟਿਵ ਹੁੰਦਾ ਹੈ ਜਿਵੇਂ ਏ ਨੈਗੇਟਿਵ ਤੇ ਏ ਪੌਜ਼ਿਟਿਵ। ਇਉਂ ਇਹ ਅੱਠ ਤਰਾਂ ਦੇ ਹੋ ਜਾਂਦੇ ਹਨ।
ਏ ਪੌਜ਼ਿਟਿਵ ਸਿਰਫ ਦੋ ਖੂਨ ਗਰੁੱਪ ਵਾਲਿਆਂ ਨੂੰ ਖੂਨ ਦੇ ਸਕਦਾ ਹੈ, ਏ ਪੌਜ਼ਿਟਿਵ ਅਤੇ ਏ ਬੀ ਪੌਜ਼ਿਟਿਵ। ਏ ਨੈਗਿਟਿਵ ਚਾਰ ਗਰੁੱਪ ਨੂੰ ਖੂਨ ਦੇ ਸਕਦਾ ਹੈ, ਏ ਨੈਗੇਟਿਵ, ਏ ਪੌਜ਼ਿਟਿਵ, ਏ ਬੀ ਨੈਗੇਟਿਵ ਅਤੇ ਏ ਬੀ ਪੌਜ਼ਿਟਿਵ ਨੂੰ। ਇਸੇ ਤਰਾਂ ਬੀ ਪੌਜ਼ਿਟਿਵ ਵੀ ਸਿਰਫ ਦੋ ਨੂੰ ਈ ਖੂਨ ਦੇ ਸਕਦਾ ਹੈ, ਏ ਪੌਜ਼ਿਟਿਵ ਅਤੇ ਬੀ ਪੌਜ਼ਿਟਿਵ ਨੂੰ। ਬੀ ਨੈਗੇਟਿਵ ਚਾਰ ਗਰੁੱਪ ਨੂੰ ਖੂਨ ਦੇ ਸਕਦਾ ਹੈ ਬੀ ਨੈਗੇਟਿਵ, ਬੀ ਪੌਜ਼ਿਟਿਵ, ਏ ਬੀ ਨੈਗੇਟਿਵ ਅਤੇ ਏ ਬੀ ਪੌਜ਼ਿਟਿਵ।
ਓ ਪੌਜ਼ਿਟਿਵ ਵੀ ਚਾਰ ਗਰੁੱਪ ਚ ਖੂਨ ਦੇ ਸਕਦਾ ਹੈ, ਏ ਪੌਜ਼ਿਟਿਵ, ਬੀ ਪੌਜ਼ਿਟਿਵ ,ਏ ਬੀ ਪੌਜ਼ਿਟਿਵ ਅਤੇ ਓ ਪੌਜ਼ਿਟਿਵ ਨੂੰ। ਲੇਕਿਨ ਓ ਨੈਗੇਟਿਵ ਸਭ ਨੂੰ ਹੀ ਖੂਨ ਦੇ ਸਕਦਾ ਹੈ ਯਾਨੀ ਕਿ ਏ ਪੌਜ਼ਿਟਿਵ, ਏ ਨੈਗੇਟਿਵ, ਬੀ ਪੌਜ਼ਿਟਿਵ, ਬੀ ਨੈਗੇਟਿਵ, ਏਬੀ ਨੈਗੇਟਿਵ, ਏਬੀ ਪੌਜ਼ਿਟਿਵ, ਓ ਨੈਗੇਟਿਵ ਅਤੇ ਓ ਪੌਜ਼ਿਟਿਵ ਨੂੰ।
ਏ ਬੀ ਨੈਗੇਟਿਵ ਸਿਰਫ ਦੋ ਗਰੁੱਪ ਚ ਖੂਨ ਦੇ ਸਕਦਾ ਹੈ, ਏਬੀ ਨੈਗੇਟਿਵ ਤੇ ਏਬੀ ਪੌਜ਼ਿਟਿਵ ਨੂੰ। ਇਵੇਂ ਈ ਏਬੀ ਪੌਜ਼ਿਟਿਵ ਸਿਰਫ ਏਬੀ ਪੌਜ਼ਿਟਿਵ ਨੂੰ ਹੀ ਖੂਨ ਦੇ ਸਕਦਾ ਹੈ।
ਸਤਿਗੁਰ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਸਭ ਦੇ ਸਿਰ ਤੇ ਮੇਹਰ ਭਰਿਆ ਹੱਥ ਰੱਖਣ, ਕਿਸੇ ਨਾਲ ਵੀ ਐਸਾ ਹਾਦਸਾ ਨਾਂ ਹੋਵੇ ਕਿ ਖੂਨ ਦੀ ਜ਼ਰੂਰਤ ਪਵੇ। ਫਿਰ ਵੀ ਪੂਰੀ ਦੁਨੀਆਂ ਵਿੱਚ ਈ ਸੜਕ ਹਾਦਸੇ ਦੀ ਹਾਲਤ, ਡਿਲਿਵਰੀ ਵੇਲੇ, ਕਿਸੇ ਸਰਜਰੀ ਵੇਲੇ ਜਾਂ ਕਿਸੇ ਹੋਰ ਰੋਗ ਕਾਰਣ ਖੂਨ ਲੈਣ ਜਾਂ ਦੇਣ ਦੀ ਲੋੜ ਪੈ ਸਕਦੀ ਹੈ।
ਇਸ ਲਈ ਸਾਰੇ ਪਰਿਵਾਰ ਦੇ ਖੂਨ ਗਰੁੱਪ ਦਾ ਪਤਾ ਰੱਖੋ ਤੇ ਇਹ ਵੀ ਯਾਦ ਰੱਖੋ ਕਿ ਤੁਸੀਂ ਕਿਸ ਕਿਸ ਗਰੁੱਪ ਨੂੰ ਖੂਨ ਦੇ ਸਕਦੇ ਹੋ ਤੇ ਕਿਸ ਗਰੁੱਪ ਤੋੰ ਖੂਨ ਲੈ ਸਕਦੇ ਹੋ।
ਬਲਕਿ ਆਂਢ ਗੁਆਂਢ ਤੇ ਜਿਹਨਾਂ ਨਾਲ ਵਰਤ ਵਿਹਾਰ ਹੈ ਜਾਂ ਅਪਣੇ ਰਿਸ਼ਤੇਦਾਰਾਂ ਦੇ ਖੂਨ ਗਰੁੱਪਾਂ ਦਾ ਵੀ ਪਤਾ ਰੱਖੋ। ਬਲਕਿ ਫੋਨ ਵਿੱਚ ਈ ਉਹਨਾਂ ਦੇ ਨਾਂ ਦੇ ਨਾਲ ਈ ਉਹਨਾਂ ਦਾ ਖੂਨ ਗਰੁੱਪ ਵੀ ਲਿਖ ਲਵੋ।
ਖੂਨ ਦਾਨ ਕਰਦੇ ਰਹਿਣ ਵਾਲੇ ਨੂੰ ਹਾਰਟ ਅਟੈਕ, ਅਧਰੰਗ, ਬੋਨ ਮੈਰੋ ਕੈਂਸਰ, ਤਿਲੀ ਰੋਗ, ਗੁਰਦੇ ਫੇਲ੍ਹ, ਜਿਗਰ ਫੇਲ੍ਹ ਆਦਿ ਖਤਰਨਾਕ ਰੋਗ ਹੋਣ ਦੇ ਚਾਂਸ ਘਟਦੇ ਹਨ। ਕਿਉਂਕਿ ਉਹਦੇ ਖੂਨ ਨਵਾਂ ਲਗਾਤਾਰ ਜ਼ਿਆਦਾ ਬਣਦਾ ਹੈ।
ਇਵੇਂ ਈ ਖੂਨ ਦਾਨ ਕਰਦੇ ਰਹਿਣ ਵਾਲੇ ਨਾਲ ਜੇ ਕਿਸੇ ਕਿਸਮ ਦਾ ਹਾਦਸਾ ਹੋ ਜਾਏ ਜਿਸ ਚ ਉਹਦੇ ਬਲੀਡਿੰਗ ਜ਼ਿਆਦਾ ਹੋ ਗਈ ਹੋਵੇ ਜਾਂ ਉਹਨੂੰ ਕਿਸੇ ਕਿਸਮ ਦੀ ਸਰਜਰੀ ਕਰਾਉਣੀ ਪਵੇ ਤਾਂ ਉਹਦੀ ਮੌਤ ਦੇ ਚਾਂਸ ਘਟਦੇ ਹਨ ਕਿਉਂਕਿ ਉਹਦੇ ਜਲਦੀ ਤੇ ਵਧੀਆ ਖੂਨ ਬਣਦਾ ਹੈ। ਅਸੀਂ ਆਪ ਦੋਨੋਂ ਪਤੀ ਪਤਨੀ ਹਰ ਸਾਲ ਦੋ ਤਿੰਨ ਵਾਰ ਲੋੜਵੰਦਾਂ ਨੂੰ ਖੂਨ ਦਾਨ ਕਰਦੇ ਰਹਿੰਦੇ ਹਾਂ।
ਅਸੀੰ ਇੰਡੀਅਨ ਰੈੱਡ ਕਰਾਸ ਬਲੱਡ ਬੈਂਕ ਅਤੇ ਗੁਰੂ ਤੇਗ ਬਹਾਦਰ ਹਸਪਤਾਲ ਲੁਧਿਆਣਾ, ਡੀਐਮਸੀ ਹਸਪਤਾਲ ਲੁਧਿਆਣਾ ਦੇ ਬਲੱਡ ਬੈਂਕਾਂ ਚ ਵੀ ਖੂਨ ਦਾਨ ਕਰਦੇ ਹਾਂ ਤੇ ਕੁੱਝ ਕੂ ਹੋਰ ਸਰਜਰੀ ਵਾਲੇ ਡਾਕਟਰਜ਼ ਨੂੰ ਅਪਣੇ ਪਰਸਨਲ ਨੰਬਰ ਵੀ ਦੇ ਰੱਖੇ ਹਨ ਕਿ ਜੇ ਕਿਤੇ ਕਿਸੇ ਲੋੜਵੰਦ ਨੂੰ ਖੂਨ ਮਿਲ ਈ ਨਾਂ ਰਿਹਾ ਹੋਵੇ ਤਾਂ ਸਾਡਾ ਏ ਨੈਗੇਟਿਵ ਤੇ ਏ ਪੌਜ਼ਿਟਿਵ ਖੂਨ ਯਾਦ ਰੱਖਣਾ ਤੇ ਸਾਨੂੰ ਕਿਸੇ ਵੀ ਵੇਲੇ ਫੋਨ ਕਰ ਦੇਣਾ।
ਅਸੀਂ ਅਪਣਾ ਕੋਈ ਵੀ ਕੰਮ ਛੱਡਕੇ ਕਿਸੇ ਦੀ ਜਾਨ ਬਚਾਉਣ ਨੂੰ ਅਪਣਾ ਸੁਭਾਗ ਸਮਝਾਂਗੇ। ਯਾਦ ਰੱਖੋ ਕੋਈ ਵੀ ਵਿਅਕਤੀ ਜੋ18 ਸਾਲ ਤੋਂ 60 ਸਾਲ ਦਾ ਹੋਵੇ ਤੇ ਭਾਰ 45 ਕਿੱਲੋ ਤੋਂ ਉੱਪਰ ਹੋਵੇ ਇੱਕ ਵਾਰ ਚ 350 ਮਿਲੀ ਲਿਟਰ ਖੂਨ ਯਾਨੀ ਕਿ ਇੱਕ ਯੁਨਿਟ ਦੇ ਸਕਦਾ ਹੈ।
ਕੋਈ ਵੀ ਵਿਅਕਤੀ ਦੋ ਮਹੀਨੇ ਬਾਅਦ ਖੂਨ ਦਾਨ ਕਰ ਸਕਦਾ ਹੈ। ਖੂਨਦਾਨ ਕਰਨ ਲੱਗਿਆਂ ਹਰ ਔਰਤ ਦਾ ਐਚ ਬੀ ਘੱਟੋ ਘੱਟ 12.5 ਹੋਣਾ ਚਾਹੀਦਾ ਹੈ ਤੇ ਮਰਦ ਦਾ 13 ਹੋਣਾ ਚਾਹੀਦਾ ਹੈ। ਕਿਸੇ ਦੇ ਵੀ ਖੂਨ ਦਾਨ ਕਰਨ ਬਾਅਦ ਸਿਰਫ 24 ਘੰਟਿਆਂ ਚ ਖੂਨ ਪੂਰਾ ਹੋ ਜਾਂਦਾ ਹੈ ਤੇ ਹੀਮੋਗਲੋਬਿਨ ਕਾਉਂਟ ਵੀ ਪੂਰਾ ਹੋ ਜਾਂਦਾ ਹੈ।
ਇਸੇ ਤਰਾਂ ਖੂਨ ਲੈਣ ਵਾਲੇ ਕੁੱਝ ਟੈਸਟ ਕੀਤੇ ਜਾਂਦੇ ਹਨ ਜਿਵੇਂ ਕਿ Unexpected red blood cell antibodies that are a result of prior transfusion, pregnancy or ither factors...antibody to HIV-1/2, indicator of infection with human immunodeficiency virus(HIV), nucleic Acid test(NAT) For Hepatitis C(HCV), hepatitis B(HCV) abd HIV ,Screening test for syphilis. ਖੂਨ ਦਾਨ ਕਰਨ ਤੋਂ ਪਹਿਲਾਂ ਇੱਕ ਦੋ ਗਿਲਾਸ ਪਾਣੀ ਜ਼ਰੂਰ ਪੀਕੇ ਜਾਉ ਤੇ ਪਿਛਲੇ ਚਾਰ ਘੰਟਿਆਂ ਦੇ ਅੰਦਰ ਵਧੀਆ ਖਾਣਾ ਖਾਧਾ ਹੋਵੇ।
ਲੇਕਿਨ ਕੌਫੀ ਨਾਂ ਪੀਤੀ ਹੋਵੇ। ਖੂਨ ਦਾਨ ਕਰਨ ਬਾਅਦ ਪਾਲਕ, ਦਾਖਾਂ, ਖਜੂਰਾਂ, ਡਰਾਈ ਫਰੂਟਸ, ਦਹੀਂ, ਘਿਉ ਸ਼ੱਕਰ ਦੀ ਚੂਰੀ, ਸੇਬ, ਅਨਾਰ,ਅੰਜੀਰਾਂ, ਮੱਛੀ, ਅੰਡੇ, ਮੀਟ, ਚਿਕਨ ਆਦਿ ਖਾ ਸਕਦੇ ਹੋ।
ਖੂਨ ਦਾਨ ਕਰਨ ਬਾਅਦ ਕਦੇ ਵੀ ਸ਼ਰਾਬ ਨਹੀਂ ਪੀਣੀ ਚਾਹੀਦੀ ਹੈ। ਤੇ ਨਾੱ ਹੀ ਭੁੱਖੇ ਰਹਿਣਾ ਚਾਹੀਦਾ ਹੈ ਤੇ ਨਾਂ ਈ ਇੱਕ ਦਿਨ ਤੱਕ ਕੋਈ ਸਖਤ ਮਿਹਣਤ ਕਰਨੀ ਚਾਹੀਦੀ ਹੈ।...ਇਸ ਤਰ੍ਹਾਂ ਦੀ ਹੋਰ ਜਾਣਕਾਰੀ ਲਈ ਸਾਡੇ ਪੇਜ ਨੂੰ ਲਾਈਕ ਤੇ ਫੋਲੋ ਕਰੋ ਜੀ ਧੰਨਵਾਦ।।

24/08/2022

ਕੁਝ ਸਮਾਜਿਕ ਨਿਯਮ ਜੋ ਤੁਹਾਡੀ ਜਿੰਦਗ਼ੀ ਨੂੰ ਵਧੀਆ ਬਣਾ ਸਕਦੇ ਹਨ।

1. ਕਿਸੇ ਵੀ ਵਿਅਕਤੀ ਨੂੰ ਦੋ ਤੋਂ ਵੱਧ ਵਾਰ ਇਕੱਠੇ ਕਾਲ ਨਾ ਕਰੋ, ਜੇ ਕੋਈ ਦੋ ਵਾਰ ਫੋਨ ਨਹੀਂ ਚੱਕਦਾ ਸਮਝੋ ਉਹ ਜਾਂ ਤਾਂ ਫੋਨ ਕੋਲ ਨਹੀਂ ਹੈ ਜਾਂ ਕੋਈ ਜਰੂਰੀ ਕੰਮ ਵਿੱਚ ਹੈ।ਕਿਉਕਿ ਫੋਨ ਕੋਈ ਡਾਕਖਾਨਾ ਤਾਂ ਹੈ ਨਹੀਂ ਜਿਸਨੂੰ ਇੱਕ ਚਿੱਠੀ ਪਾਈ ਤੇ ਪਹੁੰਚੀ ਨਾ ਹੋਵੇ। ਇਹਦੇ 'ਤੇ ਹਰ ਮਿਸ ਕਾਲ ਦਾ ਪਤਾ ਲੱਗਦਾ ਹੈ।

2. ਉਧਾਰ ਲੈ ਪੈਸੇ ਮਾਲਿਕ ਦੇ ਯਾਦ ਕਰਵਾਉਣ ਤੋਂ ਪਹਿਲਾਂ ਵਾਪਿਸ ਕਰੋ, ਇਹ ਤੁਹਾਡੀ ਚਰਿੱਤਰ ਦੀਆਂ ਧੁੰਮਾਂ ਪਾ ਦੇਵੇਗਾ।

3. ਕਿਸੇ ਵੱਲੋਂ ਦਿੱਤੀ ਪਾਰਟੀ ਵਿੱਚ ਕਦੇ ਵੀ ਸਭ ਤੋਂ ਮਹਿੰਗੇ ਆਈਟਮ ਆਰਡਰ ਨਾ ਕਰੋ।

4. ਕਦੇ ਕਿਸੇ ਨੂੰ ਨਿੱਜੀ ਸਵਾਲ ਨੇ ਪੁਛੋ ਜੇ ਉਹ ਨਹੀਂ ਦੱਸਣਾ ਨਹੀਂ ਚਾਹੇ ਜਿਵੇਂ ਵਿਆਹ ਬਾਰੇ, ਕੁਝ ਖਰੀਦਣ ਬਾਰੇ।

5. ਆਪਣੇ ਪਿੱਛੇ ਆ ਰਹੇ ਵਿਅਕਤੀ ਲਈ ਹਮੇਸ਼ਾ ਦਰਵਾਜ਼ਾ ਖੋਲ੍ਹੋ, ਭਾਵੇਂ ਉਹ ਤੁਹਾਡੇ ਤੋਂ ਵੱਡਾ ਹੈ ,ਛੋਟਾ ਹੈ, ਔਰਤ ਹੈ ਜਾਂ ਮਰਦ ਇਹ ਤੁਹਾਡੀ ਕਿਸੇ ਨੂੰ ਇੱਜਤ ਦੇਣ ਦਾ ਪ੍ਰਤੀਕ ਹੈ।

6. ਜੇ ਤੁਸੀ ਕਿਸੇ ਨਾਲ ਸਾਂਝੇ ਸਫ਼ਰ/ਭੋਜਨ ਵਿੱਚ ਹੋ ਤੇ ਇਸ ਵਾਰ ਉਹ ਬਿਲ ਦੇ ਰਿਹਾ ਹੈ ਅਗਲੀ ਵਾਰ ਤੁਸੀਂ ਦੇਵੋ।

7. ਸਫਾਈ ਕਰਨ ਵਾਲੇ ਨੂੰ ਉਵੇਂ ਹੀ ਇੱਜਤ ਤੇ ਮਾਣ ਨਾਲ ਬੁਲਾਓ ਜਿਵੇਂ ਤੁਸੀ ਆਪਣੇ ਬੌਸ ਨੂੰ ਬੁਲਾਉਂਦੇ ਹੋ। ਕੋਈ ਇਹ ਨੋਟ ਕਰੇ ਜਾਂ ਨਾ ਕਿ ਤੁਸੀਂ ਆਪ ਤੋਂ ਛੋਟੇ ਨੂੰ ਕਿੰਨੀਂ ਬਦਤਮੀਜ਼ੀ ਨਾਲ ਬੁਲਾਉਂਦੇ ਹੋ ਪਰ ਇਹ ਜ਼ਰੂਰ ਕਰਦਾ ਹੈ ਕਿ ਤੁਸੀਂ ਕਿੰਨੀ ਇੱਜਤ ਨਾਲ ਬੁਲਾਉਂਦੇ ਹੋ।

8. ਆਪਣੇ ਤੋਂ ਅਲੱਗ ਵਿਚਾਰਾਂ ਦੀ ਕਦਰ ਕਰੋ। ਸੋਚੋ ਜੋ ਤੁਹਾਨੂੰ 6 ਦਿਖਾਈ ਦਿੰਦਾ ਕਿਸੇ ਨੂੰ 9 ਵੀ ਦਿਖਾਈ ਦੇ ਸਕਦਾ।

9. ਲੋਕਾਂ ਨੂੰ ਬੋਲਦੇ ਹੋਏ ਟੋਕੋ ਨਾ, ਕਿਹਾ ਜਾਂਦਾ ਹੈ ਪੂਰਾ ਸੁਣੋ ਤੇ ਆਪਣੇ ਲਈ ਜਰੂਰੀ ਚੀਜ਼ ਸੁਣਕੇ ਬਾਕੀ ਕੱਟ ਦੇਵੋ।

10. ਤੁਸੀਂ ਕਿਸੇ ਨੂੰ ਮਜ਼ਾਕ ਕਰ ਰਹੇ ਹੋ ਤੇ ਉਹਨੂੰ ਪ੍ਸੰਦ ਨਹੀਂ ਤਾਂ ਤੁਸੀਂ ਬੰਦ ਕਰ ਦੇਵੋ ,ਤੇ ਦੁਬਾਰਾ ਉਸ ਗਲ ਤੇ ਮਜ਼ਾਕ ਨਾ ਕਰੋ।

11. ਜੇ ਕੋਈ ਤੁਹਾਡੀ ਸਹਾਇਤਾ ਕਰਦਾ,ਧੰਨਵਾਦ ਜਰੂਰ ਕਰੋ।

12. ਤਾਰੀਫ਼ ਸਭ ਦੇ ਸਾਹਮਣੇ ਕਰੋ, ਆਲੋਚਨਾ ਕੱਲ੍ਹੇ ਹੋਕੇ।

13. ਕਿਸੇ ਦੀ ਕਮੀ ਬਾਰੇ ਬਾਰ ਬਾਰ ਗੱਲ ਨਾ ਕਰੋ ਚਾਹੇ ਭਾਰ ਹੋਵੇ, ਰੰਗ ਹੋਵੇ,ਨਿਗ੍ਹਾ ਹੋਵੇ ਜਾਂ ਕੁਝ ਹੋਰ।

14. ਜਦੋਂ ਕੋਈ ਤੁਹਾਨੂੰ ਆਪਣਾ ਫੋਨ ਤੇ ਕੁਝ ਵੇਖਣ ਲਈ ਦੇਵੇ ਤਾਂ ਕਦੇ ਵੀ ਸੱਜੇ ਜਾਂ ਖੱਬੇ ਨਾ ਵੇਖੋ, ਕਦੇ ਗੈਲਰੀ ਜਾਂ ਸੋਸ਼ਲ ਮੀਡੀਆ ਨਾ ਓਪਨ ਨਾ ਕਰੋ। ਹਰ ਇੱਕ ਦੀ ਨਿੱਜਤਾ ਦਾ ਸਨਮਾਨ ਕਰੋ।

15. ਜੇਕਰ ਕੋਈ ਤੁਹਾਡੇ ਨਾਲ ਸਿਧੇ ਗੱਲ ਕਰ ਰਿਹਾ ਅਜਿਹੇ ਵੇਲੇ ਫੋਨ ਵੱਲ ਵੇਖਣਾ ਘਟੀਆਪਣ ਹੈ।

16. ਕਦੇ ਵੀ ਸਲਾਹ ਨੇ ਦੇਵੋ ਜੇ ਤੁਹਾਡੇ ਕੋਲੋਂ ਮੰਗੀ ਨਾ ਗਈ ਹੋਵੇ।

17. ਜੇਕਰ ਕਿਸੇ ਨੂੰ ਲੰਮੇ ਸਮੇਂ ਮਗਰੋਂ ਮਿਲ ਰਹੇ ਹੋਵੋ ਤਾਂ ਕਦੇ ਉਸਦੀ ਉਮਰ ਜਾਂ ਤਨਖਾਹ ਬਾਰੇ ਨਾ ਪੁਛੋ ਜੇ ਉਹ ਨਾ ਦੱਸਣਾ ਚਾਹੇ।

18. ਕਿਸੇ ਵੱਲੋਂ ਭੇਜੇ ਵਧੀਆ ਮੇਸੇਜ ਨੂੰ ਪੜ੍ਹਕੇ ਉਸ ਨੂੰ ਧੰਨਵਾਦ ਜਰੂਰ ਕਰੋ।

19. ਜੇਕਰ ਕੋਈ ਤੁਹਾਡੇ ਰੋਜ ਦੇ ਗੁੱਡ ਮਾਰਨਿੰਗ ਜਾਂ ਗੁੱਡ ਨਾਈਟ ਦਾ ਦੋ ਤੋਂ ਵੱਧ ਦਿਨ ਜਵਾਬ ਨਹੀਂ ਦਿੰਦਾ, ਤੁਹਾਨੂੰ ਇਹ ਵਟਸਐਪ ਫਾਰਵਰਡ ਬੰਦ ਕਰ ਦੇਣੇ ਚਾਹੀਦੇ।

20. ਬਿਨਾਂ ਜਾਂਚ ਕੀਤੇ ਸੱਚ ਜਾਣੇ ਕੋਈ ਮੈਸੇਜ ਜਾਂ ਵੀਡੀਓ ਜਾਂ ਫੋਟੋ ਫਾਰਵਰਡ ਨਾ ਕਰੋ ਇਹ ਕਿਸੇ ਦੀ ਜਾਨ ਜਾਣ ਤੋਂ ਬਚਾ ਸਕਦਾ ਹੈ। ਸੋਸ਼ਲ ਮੀਡੀਆ ਉੱਤੇ ਝੂਠ ਦੇ ਫੈਲਣ ਦੀ ਰਫ਼ਤਾਰ ਸਹੀ ਖਬਰ ਫੈਲਣ ਨਾਲੋਂ 100 ਗੁਣਾ ਹੈ। ਜੇਕਰ ਤੁਸੀਂ ਰੋਕ ਦਵੋਗੇ ਤਾਂ ਇੱਕ ਕੱਟ ਲੱਗ ਜਾਏਗਾ।

21. ਕਿਸੇ ਨਾਲ ਗੱਲ ਬੰਦ ਕਰਨ ਤੋਂ ਪਹਿਲਾਂ ਉਸਨੂੰ ਸਾਫ ਸਾਫ਼ ਕਾਰਨ ਜਰੂਰ ਦੱਸੋ। ਦੋਵੇਂ ਪਾਸਿਓਂ ਗ਼ਲਤਫ਼ਹਿਮੀ ਦੂਰ ਕਰਕੇ ਰਿਸ਼ਤੇ ਨੂੰ ਖ਼ਤਮ ਕਰ ਲੈਣਾ ਚੰਗੀ ਗੱਲ ਹੈ।

22. ਅਖੀਰ ਕੋਈ ਬੋਲਚਾਲ ਬੰਦ ਕਰ ਹੀ ਗਿਆ ਤਾਂ ਕਿਆਮਤ ਤੱਕ ਉਹਦੀ ਉਡੀਕ ਕਰਨ ਦਾ ਭਰਮ ਨਾ ਪਾਲੋ। ਜੇਕਰ ਤੁਸੀਂ ਸਹੀ ਹੋਏ ਉਹ ਆਏਗਾ, ਨਹੀਂ ਵੀ ਆਇਆ ਤਾਂ ਆਪਣੇ ਆਪ ਨੂੰ ਸਹੀ ਸਾਬਿਤ ਕਰਨ ਲਈ ਉਹਦੇ ਕੋਲ ਵਾਰ ਵਾਰ ਨਾ ਜਾਓ। ਸੱਚ ਨੂੰ ਚੀਕ ਚੀਕ ਕੇ ਬੋਲਣ ਨਾਲ ਉਹ ਝੂਠ ਲੱਗਣ ਲੱਗ ਜਾਂਦਾ ਹੈ।

23. ਕਿਸੇ ਦੇ ਘਰ ਜਾ ਕੇ ਖਾਣ ਵਾਲੀਆਂ ਚੀਜ਼ਾਂ ਨਾਲ ਭਰੇ ਹੋਏ ਟੇਬਲ ਦੀ ਉਮੀਦ ਨਾ ਕਰੋ ਕਿਉਕਿ ਤੁਸੀਂ ਬੰਦੇ ਨੂੰ ਮਿਲਣ ਗਏ ਹੋ ਨਾ ਕਿ ਵਸਤੂਆਂ ਖਾਣ ਵਾਸਤੇ ਗਏ ਹੋ।

24. ਜੇ ਇਹ ਅਨੁਵਾਦ ਪ੍ਸੰਦ ਆਇਆ ਤੇ ਮੇਰੇ ਵੱਲੋਂ ਜੋੜੇ ਹੋਏ ਨਿਯਮ ਵੀ ਤਾਂ ਅੱਗੇ ਸਾਂਝਾ ਕਰੋ। ਤੁਸੀ ਵੀ ਨਵੇਂ ਨਿਯਮ ਜੋੜ ਸਕਦੇ ਹੋ
Copy paste Harjot di kalam

19/12/2021

Requirment Freser or experienced lab tech. Male and female

06/08/2021

New technolgy to remove kidney stone

21/06/2021

ਪੁਰਾਣੀ ਕਬਜ਼, ਬਵਾਸੀਰ, ਸੰਗ੍ਰਹਿਣੀ ਜਾਂ ਪੇਟ ਸੋਜ਼ ਆਦਿ ਵਾਲਿਆਂ ਦੇ ਅੰਤੜੀ ਕੈਂਸਰ ਬਣਨ ਦਾ ਖਤਰਾ ਵੱਧ ਹੁੰਦਾ ਹੈ। ਲੇਕਿਨ ਜੇ ਉਹ ਖਾਣ ਪੀਣ ਚ ਖ਼ੂਬ ਪਰਹੇਜ਼ ਰੱਖਣ ਅਤੇ ਰਹਿਣ ਸਹਿਣ ਚ ਤਬਦੀਲੀ ਕਰਨ ਤਾਂ ਉਹ ਇਹਨਾਂ ਬੀਮਾਰੀਆਂ ਤੇ ਕੰਟਰੋਲ ਵੀ ਕਰ ਸਕਦੇ ਹਨ ਤੇ ਇਨ੍ਹਾਂ ਨੂੰ ਵਿਗੜਨ ਤੋਂ ਬਚਾਅ ਵੀ ਸਕਦੇ ਹਨ।
ਮੁਢਲੇ ਤੌਰ ਤੇ ਲੂਣ ਮਿਰਚ ਮਸਾਲੇ ਮਿੱਠਾ ਜਿੰਨਾ ਹੋ ਸਕੇ ਥੋੜੇ ਖਾਣੇ ਚਾਹੀਦੇ ਹਨ। ਤਲੀਆਂ ਤੜਕੀਆਂ ਸਬਜ਼ੀਆਂ ਘੱਟ ਤੋਂ ਘੱਟ ਖਾਣ, ਬਾਜ਼ਾਰੂ ਖਾਣੇ, ਬਾਜ਼ਾਰੂ ਮਠਿਆਈਆਂ ਆਦਿ ਨਾ ਖਾਣ ਲੇਕਿਨ ਤਰੀਦਾਰ ਸਬਜ਼ੀਆਂ, ਪਤਲੀਆਂ ਦਾਲਾਂ ਅਤੇ ਹਰ ਖਾਣੇ ਨਾਲ ਸਲਾਦ ਜ਼ਰੂਰ ਖਾਣ ਤਾਂ ਉਹਨਾਂ ਦੇ ਅੰਤੜੀ ਕੈਂਸਰ ਦੇ ਇਲਾਵਾ ਕਿਸੇ ਵੀ ਅੰਗ ਦਾ ਕੈਂਸਰ ਕਿਸੇ ਵੀ ਹਾਲਤ ਨਹੀਂ ਬਣੇਗਾ।
ਜੇ ਉਹ ਸ਼ਾਮ ਵੇਲੇ ਜੌਂ ਦਲੀਆ ਜਾਂ ਓਟਸ ਖਾਣਾ ਸ਼ੁਰੂ ਕਰਨ ਤਾਂ ਅੰਤੜੀਆਂ ਦੇ ਜ਼ਖ਼ਮ ਵਿਗੜਨੋਂ ਹਟ ਜਾਂਦੇ ਹਨ। ਇਹ ਦਲੀਏ ਪਾਣੀ ਚ ਫਿੱਕੇ ਬਣਾ ਕੇ ਕਿਸੇ ਤਰੀਦਾਰ ਛਿਲਕਾ ਰਹਿਤ ਪਤਲੀ ਦਾਲ ਜਾਂ ਤਰੀਦਾਰ ਸਬਜ਼ੀ ਨਾਲ ਖਾਧੇ ਜਾ ਸਕਦੇ ਹਨ।
ਜੌਂ ਦਲੀਆ ਬਣਾ ਕੇ ਜੇ ਤੁਸੀਂ ਮਿਕਸੀ ਚ ਪਾ ਕੇ ਰਗੜ ਲੈਂਦੇ ਹੋ ਤਾਂ ਇਹ ਸੰਘਣਾ ਸੂਪ ਬਣ ਜਾਏਗਾ। ਇਸ ਵਿੱਚ ਹਲਕੀ ਸ਼ੱਕਰ ਵੀ ਮਿੱਠੇ ਲਈ ਪਾ ਸਕਦੇ ਹੋ ਤੇ ਕੋਈ ਸੇਬ ਵਰਗਾ ਫਲ ਵੀ ਇਹਦੇ ਸੂਪ ਚ ਰਗੜ ਸਕਦੇ ਹੋ। ਇਹ ਦਲੀਏ ਤੋਂ ਜ਼ਿਆਦਾ ਪੌਸ਼ਟਿਕ ਅਤੇ ਸੁਆਦੀ ਹੁੰਦਾ ਹੈ।
ਅਸਲ ਵਿੱਚ ਜੌਆਂ ਜਾਂ ਓਟਸ ਵਿਚਲਾ ਡਾਇਟਿਕ ਫਾਇਬਰ ਖਾਣਿਆਂ ਵਿਚਲੇ ਜ਼ਖਮ ਬਣਾਉਣ ਵਾਲੇ ਖਤਰਨਾਕ ਫਰੀ ਰੈਡੀਕਲਜ਼ ਨੂੰ ਬਾਹਰ ਕੱਢ ਦਿੰਦਾ ਹੈ।
ਜੌਂਆਂ ਵਿਚਲੇ ਤੱਤ ਕੈਂਸਰ ਬਣਨ ਤੋਂ ਵੀ ਬਚਾਅ ਕਰਦੇ ਹਨ।
ਜੌਂਆਂ ਵਿੱਚ ਸਿਲੇਨੀਅਮ, ਮੈਂਗਨੀਜ਼, ਕਾਪਰ, ਮੌਲੀਬਡਨਮ, ਫਾਸਫੋਰਸ, ਨਾਇਸਿਨ, ਕਰੋਮੀਅਮ, ਮੈਗਨੇਸ਼ੀਅਮ, ਥਾਇਆਮਿਨ ਅਤੇ ਦੋਨੋਂ ਤਰਾਂ ਦੇ ਫਾਇਬਰਜ਼ ਵੀ ਕਾਫ਼ੀ ਮਾਤਰਾ ਵਿੱਚ ਹੁੰਦੇ ਹਨ। ਇਹ ਤੱਤ ਵਿਅਕਤੀ ਦੀ ਮੈਂਟਲ, ਸੈਕਸੂਅਲ, ਫਿਜ਼ੀਕਲ ਅਤੇ ਇਮੋਸ਼ਨਲ ਹੈਲਥ ਨੂੰ ਵਧੀਆ ਬਣਾਉਂਦੇ ਹਨ।
ਯਾਨਿ ਕਿ ਜੌਂਆਂ ਵਿੱਚ ਅਜਿਹੇ ਤੱਤ ਵਧੇਰੇ ਹੁੰਦੇ ਹਨ ਜੋ ਹਰ ਇੱਕ ਦੀ ਤੰਦਰੁਸਤੀ ਅਤੇ ਸੁੰਦਰਤਾ ਵਧਾਉਂਦੇ ਹਨ ਤੇ ਉਮਰ ਲੰਬੀ ਕਰਦੇ ਹਨ। ਲੇਕਿਨ ਜੌਂ ਭੁੰਨ ਕੇ ਜਾਂ ਰੋਟੀ ਪਕਾ ਕੇ ਖਾਣ ਨਾਲੋਂ ਦਲੀਆ ਬਣਾ ਕੇ ਖਾਣੇ ਜ਼ਿਆਦਾ ਫਾਇਦੇਮੰਦ ਹਨ।
ਪੇਟ ਸੰਬੰਧੀ ਨੁਕਸ ਵਾਲੇ ਬਹੁਤ ਲੋਕ ਕਿਸੇ ਤਾਂਬੇ ਦੇ ਭਾਂਡੇ ਚ ਪਾਣੀ ਰੱਖਕੇ ਸਵੇਰੇ ਪੀਂਦੇ ਹਨ ਜੋ ਕਿ ਫ਼ਾਇਦਾ ਕਰਨ ਦੀ ਬਿਜਾਇ ਨੁਕਸਾਨ ਕਰ ਸਕਦਾ ਹੁੰਦਾ ਹੈ। ਕਿਉਂਕਿ ਅਪਣੇ ਸਰੀਰ ਨੂੰ ਕਾਪਰ ਮਿਨਰਲ ਚਾਹੀਦਾ ਹੈ ਨਾਂ ਕਿ ਕਾਪਰ ਮੈਟਲ।
ਬਰਤਨਾਂ ਵਾਲੇ ਕਾਪਰ ਨਾਲ ਮੈਟਲ ਟੌਕਸਿਟੀ ਹੋਣ ਦਾ ਖਤਰਾ ਰਹਿੰਦਾ ਹੈ। ਲਗਾਤਾਰ ਕੋਈ ਵੀ ਧਾਤੂ ਘੁਲਿਆ ਪਾਣੀ ਪੀਂਦੇ ਰਹਿਣ ਨਾਲ ਕੈਂਸਰ, ਗੁਰਦੇ ਰੋਗ, ਜਿਗਰ ਰੋਗ ਹੋਣ ਦਾ ਖਤਰਾ ਵਧ ਜਾਂਦਾ ਹੈ। ਇਸ ਲਈ ਕਦੇ ਵੀ ਤਾਂਬੇ, ਪਿੱਤਲ, ਅਲੂਮੀਨੀਅਮ ਆਦਿ ਦੇ ਬਰਤਨਾਂ ਚ ਕੋਈ ਵੀ ਤਰਲ ਰੱਖਕੇ ਨਾਂ ਪੀਉ ਤੇ ਨਾ ਹੀ ਤਾਂਬੇ ਦੇ ਬਰਤਨਾਂ ਚ ਕਿਸੇ ਤਰ੍ਹਾਂ ਦੀ ਕੁਕਿੰਗ ਕੀਤੀ ਜਾਵੇ। ਜੇ ਤੁਹਾਨੂੰ ਕਾਪਰ ਮਿਨਰਲ ਦੀ ਘਾਟ ਹੋਵੇ ਤਾਂ ਜੌਂ ਖਾਣਾ ਸ਼ੁਰੂ ਕਰੋ।
ਜੌਆਂ ਵਿਚਲੇ lignans ਇਕ ਤਰ੍ਹਾਂ ਦੇ ਫਾਇਟੋ ਈਸਟਰੋਜਨਜ਼ ਹੁੰਦੇ ਹਨ। ਇਹ ਈਸਟਰੋਜਨ ਮੈਟਾਬੋਲਿਜ਼ਮ ਨੂੰ ਬਦਲ ਸਕਦੇ ਹੁੰਦੇ ਹਨ। ਇਹ ਸਰੀਰ ਨੂੰ ਘੱਟ ਐਕਟਿਵ ਈਸਟਰੋਜਨ ਬਣਾਉਣ ਲਾਉਂਦੇ ਹਨ। 40 ਤੋਂ 65 ਸਾਲ ਦੀਆਂ ਔਰਤਾਂ ਦੇ ਕੈਂਸਰ ਬਣਨ ਦਾ ਖਤਰਾ ਸਭ ਤੋਂ ਵੱਧ ਹੁੰਦਾ ਹੈ।
ਜੌਆਂ ਵਿਚਲੇ lignans ਔਰਤਾਂ ਦੇ ਛਾਤੀ ਕੈਂਸਰ ਬਣਨੋਂ ਵੀ ਰੋਕਦੇ ਹਨ। ਅਤੇ ਬਣੇ ਹੋਏ ਕੈਂਸਰ ਨੂੰ ਹੋਰ ਵਧਣੋਂ ਵੀ ਰੋਕਦੇ ਹਨ। ਉਂਜ ਇਹ ਕਿਸੇ ਵੀ ਜ਼ਖ਼ਮ ਨੂੰ ਵਿਗੜਨੋਂ ਰੋਕਦੇ ਹਨ। ਇਉਂ ਪੁਰਾਣੀ ਕਬਜ਼ ਜਾਂ ਫੂਡ ਅਲੱਰਜੀ ਵਾਲਿਆਂ ਦੇ ਅੰਤੜੀ ਕੈਂਸਰ ਬਣਨ ਤੋਂ ਵੀ ਬਚਾਅ ਕਰਦੇ ਹਨ।
ਜਿਹਨਾਂ ਔਰਤਾਂ ਦੇ ਨਾਨਕਿਆਂ ਦਾਦਕਿਆਂ ਵਿੱਚ ਕਿਸੇ ਦੇ ਵੀ ਛਾਤੀ ਕੈਂਸਰ ਬਣਿਆ ਹੋਵੇ ਉਹਨਾਂ ਨੂੰ ਵੀ ਓਟਸ ਜਾਂ ਜੌਂ ਦਲੀਆ ਕਦੇ ਕਦਾਈਂ ਜ਼ਰੂਰ ਖਾਣਾ ਚਾਹੀਦਾ ਹੈ।
ਜਿਹਨਾਂ ਦੇ ਮੋਟਾਪਾ ਜ਼ਿਆਦਾ ਹੋਵੇ ਜਾਂ ਜਿਹਨਾਂ ਦੀ ਸਿਟਿੰਗ ਜ਼ਿਆਦਾ ਹੋਵੇ ਜਾਂ ਜਿਹਨਾਂ ਦੇ 12 ਸਾਲ ਦੀ ਉਮਰ ਤੋਂ ਪਹਿਲਾਂ ਮਾਹਵਾਰੀ ਸ਼ੁਰੂ ਹੋ ਗਈ ਸੀ, ਉਹਨਾਂ ਨੂੰ ਵੀ ਚਾਲੀ ਸਾਲ ਤੋਂ ਬਾਅਦ ਛਾਤੀ ਕੈਂਸਰ ਬਣਨ ਦੇ ਚਾਂਸ ਵਧ ਜਾਂਦੇ ਹਨ। ਉਹਨਾਂ ਨੂੰ ਵੀ ਜੌਆਂ ਦਾ ਦਲੀਆ ਜ਼ਰੂਰ ਖਾਣਾ ਚਾਹੀਦਾ ਹੈ।
ਲੇਕਿਨ ਇਹ ਦਲੀਆ ਹਮੇਸ਼ਾ ਘੱਟ ਮਿੱਠੇ ਵਾਲਾ ਖਾਣਾ ਚਾਹੀਦਾ ਹੈ। ਮਿੱਠਾ ਵੀ ਖੰਡ ਦੀ ਬਜਾਏ ਗੁੜ ਸ਼ੱਕਰ ਜਾਂ ਸ਼ਹਿਦ ਜਾਂ ਦਾਖਾਂ, ਖਜੂਰਾਂ ਜਾਂ ਕੋਈ ਹੋਰ ਫ਼ਲ ਪਾਕੇ ਖਾਧਾ ਜਾਏ ਤਾਂ ਹੋਰ ਵੀ ਚੰਗਾ ਹੈ। ਇਵੇਂ ਹੀ ਇਹ ਪਤਲਾ ਹੀ ਖਾਣਾ ਚਾਹੀਦਾ ਹੈ।
ਜੌਂ ਵਿਚਲੇ lignans ਮਰਦਾਂ ਨੂੰ ਹਾਰਟ ਅਟੈਕ ਤੋਂ ਬਚਾਉਂਦੇ ਹਨ। ਇਸ ਲਈ ਇਹ ਉਹਨਾਂ ਮਰਦਾਂ ਨੂੰ ਵੀ ਖਾਣਾ ਚਾਹੀਦਾ ਹੈ ਜਿਹਨਾਂ ਨੂੰ ਛੇਤੀ ਗੁੱਸਾ ਆਉਂਦਾ ਹੈ, ਜਲਦੀ ਤਣਾਉ ਫ਼ਿਕਰ ਕਰਦੇ ਹਨ, ਹਰ ਕੰਮ ਚ ਜਲਦੀ ਕਰਦੇ ਹਨ ਜਾਂ ਜਿਹਨਾਂ ਦਾ ਬੀਪੀ ਵਧਦਾ ਹੋਵੇ ਜਾਂ ਜੋ ਜ਼ਿਆਦਾ ਮੋਟਾਪੇ ਦਾ ਸ਼ਿਕਾਰ ਹੋਣ।
ਚਾਹ, ਕੌਫੀ, ਗਰੀਨ ਟੀ ਅਤੇ ਸ਼ਰਾਬ ਨੂੰ ਐਕਟਰ, ਅਫ਼ਸਰ ਜਾਂ ਅਮੀਰ ਲੋਕ ਇਸ ਕਰਕੇ ਪੀਂਦੇ ਹਨ ਕਿਉਂਕਿ ਉਹਨਾਂ ਨੂੰ ਦੱਸਿਆ ਗਿਆ ਹੈ ਕਿ ਇਹਨਾਂ ਵਿੱਚ ਪੌਲੀਫਿਨੌਲਜ਼ ਹੁੰਦੇ ਹਨ ਜੋ ਕਿ ਇੱਕ ਤਰ੍ਹਾਂ ਦੇ ਐਂਟੀਨਿਉਟਰੀਐਂਟ ਹੁੰਦੇ ਹਨ।
ਆਮ ਤੌਰ ਤੇ ਅਮੀਰ ਲੋਕ ਜ਼ਿਆਦਾ ਅਤੇ ਵਧੇਰੇ ਪੌਸ਼ਟਿਕ ਖਾਂਦੇ ਹਨ ਪ੍ਰੰਤੂ ਸਰੀਰਕ ਮਿਹਨਤ ਘੱਟ ਕਰਦੇ ਹਨ। ਇਸੇ ਕਰਕੇ ਅਮੀਰਾਂ ਨੂੰ ਜ਼ਿਆਦਾ ਖਾਣ ਕਾਰਨ ਮੋਟਾਪਾ ਬਣਕੇ ਜਾਂ ਹਰ ਵਕਤ ਤਣਾਉ ਚ ਰਹਿਣ ਕਾਰਨ ਬੀਮਾਰੀਆਂ ਬਣਨ ਦੇ ਖ਼ਤਰੇ ਹੁੰਦੇ ਹਨ। ਪ੍ਰੰਤੂ ਉਹ ਕਿਸੇ ਦਵਾਈ ਦੇ ਬਜਾਏ ਖਾਣ ਪੀਣ ਨਾਲ ਤੰਦਰੁਸਤ ਰਹਿਣਾ ਪਸੰਦ ਕਰਦੇ ਹੁੰਦੇ ਹਨ।
ਉਹਨਾਂ ਨੂੰ ਐਂਟੀਨਿਉਟਰੀਐਂਟਸ ਵੀ ਲੈਣ ਲਈ ਕਿਹਾ ਜਾਂਦਾ ਹੈ। ਇਹ ਐਂਟੀਨਿਉਟਰੀਐਂਟ ਖਾਣੇ ਵਿਚਲੇ ਤੱਤਾਂ ਨੂੰ ਜ਼ਿਆਦਾ ਹਜ਼ਮ ਨਹੀਂ ਹੋਣ ਦਿੰਦੇ ਅਤੇ ਹਾਜ਼ਮਾ ਹੌਲੀ ਕਰ ਦਿੰਦੇ ਹਨ।
ਇਸੇ ਕਰਕੇ ਚਾਹ, ਕੌਫੀ, ਸ਼ਰਾਬ ਆਦਿ ਡਰਿੰਕਸ ਭੁੱਖ ਘਟਾਅ ਦਿੰਦੇ ਹਨ। ਅਸਲ ਵਿੱਚ ਅਜਿਹੇ ਡਰਿੰਕਸ ਲੈਣ ਦੀ ਬਜਾਏ ਉਹਨਾਂ ਨੂੰ ਕੁਦਰਤੀ ਖਾਣ ਪੀਣ ਵਾਲੀਆਂ ਚੀਜ਼ਾਂ ਹੀ ਢੰਗ ਸਿਰ ਲੈਣੀਆਂ ਚਾਹੀਦੀਆਂ ਹੁੰਦੀਆਂ ਹਨ। ਅਤੇ ਖ਼ੂਬ ਵਰਜਿਸ਼ ਕਰਨੀ ਚਾਹੀਦੀ ਹੈ ਤੇ ਖੁੱਲੀ ਹਵਾ ਅਤੇ ਧੁੱਪ ਚ ਵੀ ਨਿਕਲਣਾ ਚਾਹੀਦਾ ਹੈ।
ਆਮ ਲੋਕ ਤਾਂ ਪਹਿਲਾਂ ਹੀ ਅਮੀਰਾਂ ਦੇ ਮੁਕਾਬਲੇ ਘੱਟ ਖਾਂਦੇ ਹਨ ਅਤੇ ਬਹੁਤ ਜ਼ਿਆਦਾ ਮਿਹਣਤ ਕਰਦੇ ਹਨ। ਇਉਂ ਉਹਨਾਂ ਦੇ ਘਾਟ ਰੋਗ ਬਣਨ ਦੇ ਖਤਰੇ ਵਧ ਜਾਂਦੇ ਹਨ।
ਅਮੀਰਾਂ ਦੀ ਨਕਲ ਤੇ ਆਮ ਲੋਕ ਚਾਹ, ਕੌਫੀ, ਸ਼ਰਾਬ ਆਦਿ ਵਧੇਰੇ ਪੀਣ ਲੱਗ ਪਏ ਹਨ। ਇਸੇ ਕਰਕੇ ਆਮ ਲੋਕਾਂ ਦੀ ਸਿਹਤ ਜ਼ਿਆਦਾ ਵਿਗੜ ਰਹੀ ਹੈ। ਉਹਨਾਂ ਨੂੰ ਇਹ ਸਭ ਡਰਿੰਕਸ ਨੁਕਸਾਨ ਪਹੁੰਚਾ ਰਹੇ ਹਨ। ਉਹਨਾਂ ਦੇ ਆਇਰਨ, ਜ਼ਿੰਕ, ਕੈਲਸ਼ੀਅਮ ਆਦਿ ਤੱਤਾਂ ਦੀ ਘਾਟ ਆਉਣੀ ਸ਼ੁਰੂ ਹੋ ਗਈ ਹੈ।
ਚਾਹ, ਕੌਫੀ, ਸ਼ਰਾਬ ਆਦਿ ਨੂੰ ਜ਼ਿਆਦਾ ਸੁਆਦੀ ਬਣਾਉਣ ਲਈ ਅਨੇਕਾਂ ਕੈਮੀਕਲਜ਼, ਰੰਗ ਤੇ ਫਲੇਅਵਰਜ਼ ਵੀ ਮਿਲਾਏ ਜਾਂਦੇ ਹਨ ਜੋ ਕਿ ਸਿਹਤ ਦਾ ਬੇਹਦ ਨੁਕਸਾਨ ਕਰਦੇ ਹਨ।
ਇਸੇ ਕਾਰਨ ਅਸੀਂ ਇਹਨਾਂ ਸਭ ਨੂੰ ਸਿਹਤ ਵਿਗਾੜੂ ਡਰਿੰਕਸ ਕਹਿੰਦੇ ਹਾਂ। ਸ਼ਰਾਬ, ਚਾਹ, ਕੌਫੀ, ਗਰੀਨ ਟੀ ਆਦਿ ਦੀ ਵਧੇਰੇ ਵਰਤੋਂ ਕਰਨ ਵਾਲਿਆਂ ਦੇ ਚਮੜੀ, ਵਾਲ, ਦੰਦ, ਨਹੁੰ ਜ਼ਿਆਦਾ ਖਰਾਬ ਹੋਣ ਲਗਦੇ ਹਨ। ਉਹਨਾਂ ਦੇ ਜਲਦੀ ਝੁਰੜੀਆਂ ਪੈਂਦੀਆਂ ਹਨ, ਜਲਦੀ ਨਜ਼ਰ ਕਮਜ਼ੋਰ ਹੁੰਦੀ ਹੈ। ਦੰਦ, ਜਾੜਾਂ, ਨਹੁੰ ਅਤੇ ਮਾਸਪੇਸ਼ੀਆਂ ਜਾਂ ਜੋੜ ਵੀ ਜਲਦੀ ਖਰਾਬ ਹੁੰਦੇ ਹਨ।
ਟਮਾਟਰ, ਮਟਰ, ਬੈਂਗਣ, ਸ਼ਿਮਲਾ ਮਿਰਚ, ਕਿਨੁਆ, ਬਦਾਮ, ਨਿਉਜੇ, ਪਿਸਤੇ, ਮਗਜ਼ ਆਦਿ ਵਿੱਚ ਵੀ ਐਂਟੀਨਿਉਟਰੀਐਂਟ ਕਾਫ਼ੀ ਮਾਤਰਾ ਵਿੱਚ ਹੁੰਦੇ ਹਨ। ਜੋ ਕਿ ਚਾਹ, ਕੌਫੀ, ਸ਼ਰਾਬ ਆਦਿ ਵਾਲੇ ਐਂਟੀਨਿਉਟਰੀਐਂਟਸ ਤੋਂ ਚੰਗੇ ਹੁੰਦੇ ਹਨ। ਜੌਆਂ ਵਿਚ ਵੀ ਇਹ ਕਾਫ਼ੀ ਹੁੰਦੇ ਹਨ। ਪੁੰਗਰੇ ਅਨਾਜਾਂ, ਦਾਲਾਂ ਆਦਿ ਵਿੱਚ ਇਹ ਲੈਕਟਿਕਸ ਜਾਂ ਫਾਇਟੇਟਸ ਦੇ ਰੂਪ ਵਿੱਚ ਹੁੰਦੇ ਹਨ।
ਇਹਨਾਂ ਸਭ ਅਨਾਜਾਂ, ਦਾਲਾਂ ਆਦਿ ਵਿੱਚ ਬਹੁਤ ਭਾਰੀ ਮਾਤਰਾ ਵਿੱਚ ਹੋਰ ਤੱਤ ਹੋਣ ਕਾਰਨ ਇਹਨਾਂ ਦੇ ਐਂਟੀਨਿਉਟਰੀਐਂਟ ਸਰੀਰ ਲਈ ਜ਼ਿਆਦਾ ਫਾਇਦੇਮੰਦ ਹੁੰਦੇ ਹਨ। ਅਨਾਜਾਂ ਦੀ ਰੋਟੀ ਨਾਲੋਂ ਦਲੀਆ ਜਾਂ ਖੀਰ ਬਣਾਕੇ ਖਾਣੀ ਜ਼ਿਆਦਾ ਫਾਇਦੇਮੰਦ ਰਹਿੰਦੀ ਹੈ। ਇਸੇ ਤਰ੍ਹਾਂ ਦਾਲਾਂ ਭੁੰਨਕੇ ਖਾਣ ਜਾਂ ਪੰਜੀਰੀ ਬਣਾਕੇ ਖਾਣ ਨਾਲੋਂ ਦਾਲਾਂ ਨੂੰ ਰਾਤ ਭਰ ਭਿਉਂ ਕੇ ਰੱਖਣ ਬਾਅਦ ਉਬਾਲਕੇ ਖਾਣਾ ਹੋਰ ਵੀ ਸਿਹਤਵਰਧਕ ਹੈ। ਲੇਕਿਨ ਅਨਾਜਾਂ, ਦਾਲਾਂ ਜਾਂ ਮਿਲੱਟਸ ਨੂੰ ਪੁੰਗਾਰਕੇ ਖਾਣਾ ਸਭ ਤੋਂ ਸਿਹਤਵਰਧਕ ਹੁੰਦਾ ਹੈ।
ਕਾਫ਼ੀ ਲੋਕਾਂ ਦੀ ਜ਼ਿਆਦਾ ਸਿਟਿੰਗ ਹੋਣ ਕਾਰਨ ਜਾਂ ਜ਼ਿਆਦਾ ਭੁੱਖ ਕਾਰਨ ਮੋਟਾਪਾ ਬਹੁਤ ਵਧ ਜਾਂਦਾ ਹੈ। ਉਹਨਾਂ ਨੂੰ ਸ਼ਾਮ ਨੂੰ ਜੌਆਂ ਦਾ ਬਹੁਤ ਘੱਟ ਮਿੱਠੇ ਵਾਲਾ ਦਲੀਆ ਖਾਣਾ ਚਾਹੀਦਾ ਹੈ। ਇਉਂ ਉਹਨਾਂ ਦੀ ਭੁੱਖ ਘਟਦੀ ਹੈ ਤੇ ਸਰੀਰ ਚ ਚੁਸਤੀ ਫੁਰਤੀ ਆਉਂਦੀ ਹੈ ਅਤੇ ਤੰਦਰੁਸਤੀ ਵਧਦੀ ਹੈ।
ਜੌਆਂ ਵਿਚਲਾ ਘੁਲਣਸ਼ੀਲ ਬੀਟਾ ਗਲੂਕੈਨ ਭੁੱਖ ਘਟਾ ਕੇ ਮੋਟਾਪਾ ਤੇ ਕੋਲੈਸਟਰੋਲ ਵੀ ਘਟਾਉਂਦਾ ਹੈ। ਅੰਤੜੀਆਂ ਵਿਚਲੇ ਫਰੈਂਡਲੀ ਬੈਕਟੀਰੀਆ ਇਸਨੂੰ ਖਾ ਕੇ ਸ਼ੌਰਟ ਚੇਨ ਫੈਟੀ ਐਸਿਡਜ਼ ਬਣਾਉਂਦੇ ਹਨ। ਇਹ ਅੰਤੜੀਆਂ ਦੀ ਸੋਜ਼ ਬਣਨੋਂ ਰੋਕਦੇ ਹਨ। ਮੋਟਾਪੇ ਨੂੰ ਵੀ ਕੰਟਰੋਲ ਚ ਰਖਦੇ ਹਨ। ਅਤੇ ਖਾਣੇ ਵਿਚਲੇ ਲੋੜੀਂਦੇ ਨਿਉਟਰੀਐਂਟਸ ਨੂੰ ਹਜ਼ਮ ਕਰਨ ਚ ਮਦਦ ਕਰਦੇ ਹਨ।
ਜੌਂਆਂ ਵਿਚਲਾ ਇਨਸੌਲਿਬਲ ਫਾਇਬਰ ਅੰਤੜੀਆਂ, ਗੁਰਦੇ, ਮਿਹਦੇ ਦੇ ਇਲਾਵਾ ਦਿਲ, ਜਿਗਰ, ਪਿੱਤੇ ਅਤੇ ਤਿਲੀ ਸੰਬੰਧੀ ਰੋਗਾਂ ਤੋਂ ਬਚਾਉਂਦਾ ਹੈ।
ਅਕਸਰ ਜੌਂ ਦਾ ਦਲੀਆ ਖਾਂਦੇ ਰਹਿਣ ਵਾਲਿਆਂ ਦੇ ਪਿੱਤੇ ਦੀ ਪਥਰੀ ਨਹੀਂ ਬਣਦੀ। ਜੇ ਪਥਰੀ ਬਣੀ ਹੋਵੇ ਤਾਂ ਰੋਜ਼ਾਨਾ ਇਕ ਵਾਰ ਜੌਂ ਦਲੀਆ ਖਾਣ ਨਾਲ ਪਥਰੀ ਵਧਣੋਂ ਹਟ ਜਾਂਦੀ ਹੈ।
ਜੌਆਂ ਵਿਚਲਾ ਮੈਗਨੇਸ਼ੀਅਮ ਪੈਂਕਰੀਆਜ਼ ਨੂੰ ਇੰਸੁਲਿਨ ਵੱਧ ਬਣਾਉਣ ਲਾਉਂਦਾ ਹੈ। ਜੌਂ ਵਿਚਲੇ ਫਾਇਬਰਜ਼ ਬੈਡ ਕੋਲੈਸਟਰੋਲ ਨੂੰ ਵੀ ਸਰੀਰ ਚੋਂ ਬਾਹਰ ਕੱਢਣ ਚ ਮਦਦ ਕਰਦੇ ਹਨ। ਇਉਂ ਸ਼ੂਗਰ ਰੋਗੀ ਨੂੰ ਜੌਂ ਬਹੁਤ ਫਾਇਦਾ ਕਰਦੇ ਹਨ।
ਜਿਹਨਾਂ ਲੋਕਾਂ ਦੇ ਪ੍ਰਹੇਜ਼ ਦੇ ਬਾਵਜੂਦ ਵੀ ਬਲੱਡ ਸ਼ੂਗਰ ਸਵੇਰੇ ਖਾਲੀ ਪੇਟ ਵਧਣੋਂ ਨਾ ਹਟਦੀ ਹੋਵੇ, ਉਹਨਾਂ ਨੂੰ ਸ਼ਾਮ ਨੂੰ ਜੌਂ ਦਲੀਆ ਕਿਸੇ ਸਬਜ਼ੀ ਦਾਲ ਨਾਲ ਖਾਣਾ ਚਾਹੀਦਾ ਹੈ।
ਇਹ ਕਰੋਨਾ ਡਿਸੀਜ਼, ਕੈਂਸਰ, ਟੀਬੀ ਜਾਂ ਟਾਇਫਾਈਡ ਤੋਂ ਠੀਕ ਹੋਏ ਮਰੀਜ਼ ਨੂੰ ਵੀ ਦੇ ਸਕਦੇ ਹੋ ਤੇ ਵੈਸੇ ਹੀ ਕਮਜ਼ੋਰ ਵਿਅਕਤੀ ਨੂੰ ਵੀ ਦੇ ਸਕਦੇ ਹੋ।
ਸੰਸਾਰ ਦੇ ਸਭ ਤੋਂ ਪੁਰਾਣੇ ਅਤੇ ਸਭ ਤੋਂ ਵੱਧ ਤਰਾਂ ਦੀਆਂ ਰਹੁ-ਰੀਤਾਂ ਵਾਲੇ ਹਿੰਦੂ ਧਰਮ ਵਿੱਚ ਜੌਂ ਦਾ ਬਹੁਤ ਜ਼ਿਆਦਾ ਮਹੱਤਵ ਹੈ। ਹਿੰਦੂ ਧਰਮ ਦੇ ਪੁਰਾਣੇ ਸਨਾਤਨੀ ਗ੍ਰੰਥਾਂ ਵਿੱਚ ਜੌਂ ਦਾਨ ਨੂੰ ਸੋਨਾ ਦਾਨ ਦੇ ਬਰਾਬਰ ਮੰਨਿਆ ਗਿਆ ਹੈ।
ਹਿੰਦੂ ਧਰਮ ਵਿੱਚ ਬਹੁਤ ਤਰਾਂ ਦੀਆਂ ਪੂਜਾ ਹੁੰਦੀਆਂ ਹਨ ਜਿਹਨਾਂ ਵਿਚ ਜੌਂ ਵਰਤੇ ਜਾਂਦੇ ਹਨ। ਕੁੱਝ ਧਾਰਮਿਕ ਕੰਮ ਤਾਂ ਜੌਆਂ ਬਿਨਾਂ ਹੋ ਹੀ ਨਹੀਂ ਸਕਦੇ। ਕਿਹਾ ਜਾਂਦਾ ਹੈ ਕਿ ਭਗਵਾਨ ਕ੍ਰਿਸ਼ਨ ਜੀ ਨੂੰ ਜੌਂ ਬਹੁਤ ਪਸੰਦ ਸਨ।

ਬਜ਼ੁਰਗਾਂ ਨਾਲ ਵੱਧ ਤੋਂ ਵੱਧ ਟਾਈਮ ਬਿਤਾਉ। ਤਾਂ ਕਿ ਤੁਹਾਨੂੰ ਬੁਢਾਪੇ ਦੀਆਂ ਮੁਸ਼ਕਿਲਾਂ ਦਾ ਵੀ ਪਤਾ ਲੱਗੇ ਜਿਸਤੋਂ ਬੇਖਬਰ ਹੋ ਜੋ ਤੁਹਾਡੇ ਤੇ ਵੀ ਇੱਕ ਦਿਨ ਜ਼ਰੂਰ ਆਏਗਾ ਅਤੇ ਜਵਾਨੀ ਦੀ ਵੀ ਕੀਮਤ ਦਾ ਤੁਹਾਨੂੰ ਪਤਾ ਲੱਗ ਸਕੇ ਜਿਸਨੂੰ ਅੰਜ਼ਾਈਂ ਲੰਘਾ ਰਹੇ ਹੋ। ਬਜ਼ੁਰਗਾਂ ਦੀਆਂ ਹੱਡ ਬੀਤੀਆਂ ਸੁਣਨ ਬਾਅਦ ਤੁਸੀਂ ਵੀ ਅਪਣੇ ਜੀਵਨ ਸਾਥੀ ਦੀ ਸਿਹਤ ਦਾ ਜ਼ਿਆਦਾ ਧਿਆਨ ਰੱਖਣ ਲੱਗ ਜਾਉਗੇ।ਇਸ ਤਰ੍ਹਾਂ ਦੀ ਹੋਰ ਮਹਤਵਪੂਰਣ ਜਾਣਕਾਰੀ ਲਈ ਸਾਡੇ ਫੇਸਬੁੱਕ ਪੇਜ ਨੂੰ ਲਾਈਕ ਤੇ ਫੌਲੋ ਕਰੋ ਜੀ।ਧੰਨਵਾਦ

11/06/2021

ਕਿਰਪਾ ਕਰਕੇ ਮਾਪੇ ਧਿਆਨ ਦੇਣ

ਅੱਜ ਕੱਲ ਬੱਚੇ ਕਰਿਆਨੇ ਦੀਆਂ ਦੁਕਾਨਾਂ ਤੋਂ sting ਨਾਮ ਦੀ ਐਨਰਜੀ ਡਰਿੰਕ ਖਰੀਦ ਕੇ ਆਮ ਪੀ ਰਹੇ ਹਨ। 20 ਰੁਪਏ ਚ ਮਿਲਣ ਵਾਲੀ ਇਸ ਡਰਿੰਕ ਵਿਚ caffeine ਨਾਮ ਦਾ ਨਸ਼ਾ ਹੈ ਜਿਸ ਦੀ ਜਾਣਕਾਰੀ ਬੋਤਲ ਦੇ ਉਪਰ ਵੀ ਦਿੱਤੀ ਗਈ ਹੈ।
ਬੋਤਲ ਉਪਰ ਲਿਖਿਆ ਵੀ ਹੋਇਆ ਕਿ ਇਹ drink ਬੱਚਿਆਂ ਲਈ, ਗਰਭਵਤੀ ਔਰਤਾਂ, ਅਤੇ sensitive ਲੋਕਾਂ ਲਈ ਨਹੀਂ ਹੈ। ਪਰ ਇਸ ਸਭ ਦੇ ਬਾਵਜੂਦ ਬੱਚੇ ਜਾਣੇ ਅਣਜਾਣੇ ਵਿੱਚ ਏਸ ਡਰਿੰਕ ਦਾ ਸੇਵਨ ਕਰ ਰਹੇ ਹਨ, ਜੋ ਬੱਚਿਆਂ ਨੂੰ ਨਸ਼ੇ ਵੱਲ ਧੱਕ ਰਿਹਾ ਹੈ। caffeine ਆਮ ਤੌਰ ਤੇ ਖਾਂਸੀ ਦੀ ਦਵਾਈ ਚ ਵਰਤਿਆ ਜਾਂਦਾ ਹੈ ਤੇ ਅਜਿਹਾ ਨਸ਼ਾ ਹੈ ਜਿਸ ਨੂੰ ਛੱਡਣਾ ਮੁਸ਼ਕਿਲ ਹੈ ।
ਇਸ ਜਾਣਕਾਰੀ ਨੂੰ ਵੱਧ ਤੋਂ ਵੱਧ share ਕਰੋ ਤਾਂ ਜੋ ਲੋਕਾਂ ਨੂੰ ਪਤਾ ਲੱਗ ਸਕੇ|ਇਸ ਤਰ੍ਹਾਂ ਦੀ ਹੋਰ ਮਹਤਵਪੂਰਣ ਜਾਣਕਾਰੀ ਲਈ ਸਾਡੇ ਫੇਸਬੁੱਕ ਪੇਜ ਨੂੰ ਲਾਈਕ ਤੇ ਫੌਲੋ ਕਰੋ।

10/06/2021

ਸਾਈਕਲ ਚਲਾਉਣ ਵਾਲਾ...
ਅਰਥਵਿਵਸਥਾ ਦੇ ਲਈ ਹਾਨੀਕਾਰਕ ਹੈ...

ਇਹ ਤੁਹਾਨੂੰ ਮਖੌਲ ਲੱਗੇਗਾ.... ਪਰ ਸੱਚ ਹੈ
ਇੱਕ ਸਾਈਕਲ ਚਲਾਉਣ ਵਾਲਾ ਬੰਦਾ ਦੇਸ਼ ਦੇ ਲਈ ਬਹੁਤ ਵੱਡਾ ਖਤਰਾ ਹੈ..

ਕਿਉਂਕਿ ਉਹ ਕਾਰ ਨਹੀਂ ਖ੍ਰੀਦਦਾ......

ਉਹ ਕਰਜਾ ਨਹੀਂ ਲੈਂਦਾ....

ਉਹ ਕਾਰ ਦਾ ਬੀਮਾ ਨਹੀਂ ਕਰਵਾਉਂਦਾ...

ਉਹ ਤੇਲ ਨਹੀਂ ਖ੍ਰੀਦਦਾ...

ਉਹ ਕਾਰ ਦੀ ਸਰਵਿਸਿੰਗ ਨਹੀਂ ਕਰਵਾਉਂਦਾ...

ਉਹ ਪੈਸੇ ਦੇਕੇ ਗੱਡੀ ਪਾਰਕ ਨਹੀਂ ਕਰਦਾ

ਉਹ ਟੋਲ ਪਲਾਜ਼ਿਆਂ ਤੋਂ ਨਹੀਂ ਲੰਘਦਾ

ਉਹ ਮੋਟਾ (ਮੋਟਾਪਾ) ਨਹੀਂ ਹੁੰਦਾ..

ਜੀ ਹਾਂ .....
ਇਹ ਸੱਚ ਹੈ ਕਿ ਇੱਕ ਤੰਦਰੁਸਤ ਆਦਮੀ ਅਰਥਵਿਵਸਥਾ ਦੇ ਲਈ ਸਹੀ ਨਹੀਂ ਹੈ

ਕਿਉਂਕਿ ਉਹ ਦਵਾਈਆਂ ਨਹੀਂ ਖ੍ਰੀਦਦਾ..

ਉਹ ਹਸਪਤਾਲ ਵਿੱਚ ਡਾਕਟਰ ਦੇ ਕੋਲ ਨਹੀਂ ਜਾਂਦਾ..

ਉਹ ਰਾਸ਼ਟਰ ਦੀ GDP ਵਿੱਚ ਕੋਈ ਯੋਗਦਾਨ ਨਹੀਂ ਦਿੰਦਾ...

ਇਸ ਸਭ ਦੇ ਉਲਟ "ਇਕ ਫਾਸਟ ਫੂਡ ਦੀ ਦੁਕਾਨ" 30 ਨੌਕਰੀਆਂ ਪੈਦਾ ਕਰਦੀ ਹੈ...

10 ਦਿਲ ਦੇ ਰੋਗ ਡਾਕਟਰ..
10 ਦੰਦਾਂ ਦੇ ਰੋਗ ਡਾਕਟਰ..
10 ਵਜ਼ਨ ਘਟਾਉਣ ਵਾਲੇ ਸਪੈਸ਼ਲਿਸਟ..

👇ਬੁੱਧੀਬਲ ਅਤੇ ਸਮਝਦਾਰੀ ਨਾਲ ਚੋਣ ਕਰੋ..
ਇੱਕ ਸਾਈਕਲ ਜਾਂ ਸਵਾਦਿਸ਼ਟ ਫਾਸਟ ਫੂਡ ?

ਨੋਟ:- ਪੈਦਲ ਚੱਲਣਾ ਇਸ ਤੋਂ ਵੀ ਖਤਰਨਾਕ ਹੈ.. ਕਿਉਂਕਿ ਪੈਦਲ ਚੱਲਣ ਵਾਲਾ ਆਦਮੀ ਤਾਂ ਸਾਈਕਲ ਵੀ ਨਹੀਂ ਖ੍ਰੀਦਦਾ...

- ਡਾ. ਸ਼ਮਸ਼ੇਰ ਮੋਹੀ

😉😉🤔🤔🤭🤔🤔😉😉

02/06/2021

ਜਿਹਨਾਂ ਲੋਕਾਂ ਨੂੰ ਫੈਟੀ ਲਿਵਰ ਡਿਸੀਜ਼ ਹੁੰਦੀ ਹੈ ਉਹਨਾਂ ਨੂੰ ਅਪਣੀ ਖ਼ੁਰਾਕ ਅਤੇ ਰਹਿਣ ਸਹਿਣ ਵਿੱਚ ਭਾਰੀ ਤਬਦੀਲੀ ਕਰਨੀ ਚਾਹੀਦੀ ਹੈ ਤਾਂ ਕਿ ਦਵਾਈਆਂ ਘੱਟ ਤੋਂ ਘੱਟ ਖਾਣੀਆਂ ਪੈਣ।
ਸਭ ਤੋਂ ਪਹਿਲਾਂ ਉਹਨਾਂ ਨੂੰ ਕੁੱਝ ਵੀ ਪੇਟ ਭਰ ਕੇ ਨਹੀਂ ਖਾਣਾ ਪੀਣਾ ਚਾਹੀਦਾ ਹੈ। ਹਰ ਚੀਜ਼ ਲਿਮਿਟ ਚ ਲੈਣੀ ਚਾਹੀਦੀ ਹੈ। ਤਾਂ ਕਿ ਮੋਟਾਪਾ ਨਾ ਵਧੇ। ਖ਼ਾਸ ਕਰਕੇ ਪੇਟ ਨਹੀਂ ਵਧਣ ਦੇਣਾ ਚਾਹੀਦਾ।
ਵੱਖੀਂਆਂ ਬਾਹਰ ਨੂੰ ਨਹੀਂ ਨਿਕਲਣ ਦੇਣੀਆਂ ਚਾਹੀਦੀਆਂ। ਧੌਣ ਅਤੇ ਗਲੇ ਤੇ ਚਰਬੀ ਨਹੀਂ ਚੜ੍ਹਨ ਦੇਣੀ ਚਾਹੀਦੀ। ਇਹਨਾਂ ਥਾਵਾਂ ਤੇ ਚਰਬੀ ਹੌਲੀ ਹੌਲੀ ਚੜ੍ਹਦੀ ਹੈ ਤੇ ਰੋਜ਼ਮਰਾ ਦੀਆਂ ਛੋਟੀਆਂ ਛੋਟੀਆਂ ਅਣਗਹਿਲੀਆਂ ਕਾਰਨ ਚੜਦੀ ਹੈ।
ਉਸਨੂੰ ਵਿਹਲੇ ਰਹਿਣ, ਜ਼ਿਆਦਾ ਬੈਠਣ, ਜ਼ਿਆਦਾ ਸੁਸਤਾਉਣ, ਛੋਟੀ ਛੋਟੀ ਗੱਲ ਤੇ ਗੁੱਸਾ ਕਰਨ ਜਾਂ ਜ਼ਰੂਰਤ ਤੋਂ ਜ਼ਿਆਦਾ ਚਿੰਤਾ ਕਰਨ ਆਦਿ ਤੋਂ ਬਚਣਾ ਚਾਹੀਦਾ ਹੈ।
ਪੈਦਲ ਚੱਲਣ, ਵਰਜਿਸ਼ ਕਰਨ, ਹੱਥੀਂ ਕੰਮ ਕਰਨ, ਖੁੱਲੀ ਹਵਾ ਅਤੇ ਧੁੱਪ ਚ ਨਿਕਲਣ, ਰੋਜ਼ਾਨਾ ਮਾਲਸ਼ ਕਰਕੇ ਕੋਸੇ ਪਾਣੀ ਨਾਲ ਨਹਾਉਣ, ਸਾਦਾ ਥੋੜਾ ਖਾਣ, ਲੋੜ ਤੋਂ ਘੱਟ ਅਤੇ ਵਰਾਇਟੀ ਚ ਖਾਣ, ਮਿਲਾਪੜਾ ਸੁਭਾਅ ਬਣਾਉਣ ਆਦਿ ਦੀਆਂ ਚੰਗੀਆਂ ਆਦਤਾਂ ਪਾਉਣੀਆਂ ਚਾਹੀਦੀਆਂ ਹਨ।
ਉਸਨੂੰ ਸੈਚੁਰੇਟਿਡ ਫੈਟਸ ਅਤੇ ਟਰਾਂਸ ਫੈਟਸ ਦੀ ਜਗ੍ਹਾ ਅਨਸੈਚੁਰਟਿਡ ਫੈਟਸ ਲੈਣੀਆਂ ਚਾਹੀਦੀਆਂ ਹਨ ਖਾਸ ਕਰਕੇ ਉਮੇਗਾ3 ਫੈਟੀ ਐਸਿਡਜ਼ ਲੈਣੇ ਚਾਹੀਦੇ ਹਨ। ਤਾਂ ਕਿ ਉਸਦੇ ਲਿਵਰ ਨੁਕਸ ਕਾਰਨ ਦਿਲ ਰੋਗ ਨਾ ਬਣਨ।
ਅਨਸੈਚੁਰੇਟਿਡ ਫੈਟਸ ਵਿੱਚ ਔਲਿਵ ਓਇਲ, ਕਨੋਲਾ ਓਇਲ, ਤਿਲ, ਐਵੋਕੈਡੋ, ਕੱਦੂ ਮਗ਼ਜ਼, ਬਦਾਮ, ਹੇਜ਼ਲ ਨਟ, ਅਖਰੋਟ, ਪਿਕਾਨਸ (pecans) ਆਦਿ ਆਉਂਦੇ ਹਨ। ਅੰਡੇ ਵਿੱਚ ਵੀ ਜ਼ਿਆਦਾ ਅਨਸੈਚੁਰੇਟਿਡ ਫੈਟ ਹੁੰਦੀ ਹੈ। ਦੁੱਧ ਵਿੱਚ ਕਰੀਬ 62 ਪ੍ਰਤੀਸ਼ਤ ਸੈਚੁਰੇਟਿਡ ਫੈਟਸ ਹੁੰਦੀਆਂ ਹਨ।
ਸੈਚੁਰੇਟਿਡ ਫੈਟਸ ਵਿੱਚ ਘਿਉ, ਸੰਘਣਾ ਦੁੱਧ, ਮੱਖਣ, ਮਲਾਈ, ਪਨੀਰ, ਨਾਰੀਅਲ ਤੇਲ, ਪਾਮ ਓਇਲ, ਕੇਕ, ਸਮੋਸੇ, ਫਰੈਂਚ ਫਰਾਈਜ਼, ਪੇਸਟਰੀ, ਬਾਜ਼ਾਰੂ ਤਲੀਆਂ ਤੜਕੀਆਂ ਚੀਜ਼ਾਂ, ਸੌਸ, ਸੂਰ ਦਾ ਮੀਟ, ਬੀਫ਼ ਆਦਿ ਆਉਂਦੇ ਹਨ।
ਉਸਨੂੰ ਲੋਅ ਗਲਾਈਸੀਮਿਕ ਇਨਡੈਕਸ ਖਾਣੇ ਜ਼ਿਆਦਾ ਲੈਣੇ ਚਾਹੀਦੇ ਹਨ। ਅਤੇ ਹਾਈ ਗਲਾਈਸੀਮਿਕ ਇਨਡੈਕਸ ਭੋਜਨ ਨਹੀਂ ਲੈਣੇ ਚਾਹੀਦੇ ਹਨ।
ਯਾਨਿ ਕਿ ਉਸਨੂੰ ਖੰਡ, ਸ਼ੱਕਰ, ਸ਼ਹਿਦ, ਗੁੜ, ਮਠਿਆਈਆਂ, ਆਲੂ, ਚੌਲ, ਪਾਸਟਾ, ਚਿੱਟਾ ਬਰੈੱਡ, ਸਨੈਕਸ ਅਤੇ ਮੈਦੇ ਵਾਲੀਆਂ ਚੀਜ਼ਾਂ ਜ਼ਿਆਦਾ ਨਹੀਂ ਖਾਣੀਆਂ ਚਾਹੀਦੀਆਂ ਹਨ।
ਲੇਕਿਨ ਉਸਨੂੰ ਤਰੀਦਾਰ ਸਬਜ਼ੀਆਂ, ਪਤਲੀਆਂ ਦਾਲਾਂ, ਸਲਾਦ, ਫਲ, ਪੁੰਗਰੀਆਂ ਦਾਲਾਂ, ਪੁੰਗਰੇ ਮਿਲੱਟਸ ਅਨਾਜ ਆਦਿ ਵੱਧ ਖਾਣੇ ਚਾਹੀਦੇ ਹਨ।
ਉਸਨੂੰ ਬੰਦ ਗੋਭੀ, ਗੰਢ ਗੋਭੀ, ਗਾਜਰ, ਮੂਲੀ, ਤਰ, ਵੰਗੇ, ਖੱਖੜੀ, ਬਰੌਕਲੀ, ਕੇਲ, ਹਰਾ ਧਣੀਆ, ਮੇਥੀ, ਹਾਲੋਂ ਆਦਿ ਰੁੱਤ ਮੁਤਾਬਕ ਖਾਣੇ ਚ ਸ਼ਾਮਲ ਕਰਨੇ ਚਾਹੀਦੇ ਹਨ। ਉਸਨੂੰ ਉਬਲੀਆਂ ਜਾਂ ਸਟੀਮ ਕੀਤੀਆਂ ਸਬਜ਼ੀਆਂ ਖਾਣੀਆਂ ਚਾਹੀਦੀਆਂ ਹਨ।
ਉਸਨੂੰ ਭਿੰਡੀ, ਅਰਬੀ, ਬੈਂਗਣ, ਕਰੇਲੇ, ਫਲੀਆਂ, ਸਾਗ, ਆਮਲੇਟ, ਪਰੌਂਠੇ, ਪਿੰਨੀਆਂ, ਮੱਠੀਆਂ, ਪੂੜੀਆਂ, ਗੁਲਗੁਲੇ, ਕੜਾਹ ਆਦਿ ਜ਼ਿਆਦਾ ਨਹੀਂ ਖਾਣੇ ਚਾਹੀਦੇ।
ਉਸਨੂੰ ਵਾਰ ਵਾਰ ਚਾਹ ਪੀਣ ਤੋਂ ਬਚਣਾ ਚਾਹੀਦਾ ਹੈ। ਕੋਲਡ ਡਰਿੰਕਸ, ਸੌਫਟ ਡਰਿੰਕਸ, ਸਪੋਰਟਸ ਡਰਿੰਕਸ, ਰੂਹ ਅਫ਼ਜ਼ਾ, ਵਾਈਨ, ਵਿਸਕੀ, ਰੱਮ, ਬੀਅਰ, ਫਰੂਟੀ, ਆਈਸਕ੍ਰੀਮ, ਕੁਲਫੀਆਂ, ਚਾਕਲੇਟ, ਟੌਫੀਆਂ, ਬਾਜ਼ਾਰੂ ਬਿਸਕੁਟ ਆਦਿ ਨਹੀਂ ਖਾਣੇ ਪੀਣੇ ਚਾਹੀਦੇ ਹਨ।

ਰੋਜ਼ਾਨਾ ਕੁੱਝ ਨਾ ਕੁੱਝ ਸਿੱਖਣ ਦੀ ਆਦਤ ਪਾਓ। ਰੋਜ਼ਾਨਾ ਹੱਥੀਂ ਕੰਮ ਕਰਨ ਦਾ ਸ਼ੌਕ ਪਾਲੋ। ਜਦ ਤੱਕ ਨਵਾਂ ਸਿੱਖਣ ਅਤੇ ਹੱਥੀਂ ਕੰਮ ਦੀ ਤਮੰਨਾ ਰੱਖੋਗੇ ਤਦ ਤੱਕ ਹੀ ਤੁਹਾਡਾ ਦਿਮਾਗ਼ ਤੇ ਸਰੀਰ ਜ਼ਿਆਦਾ ਐਕਟਿਵ ਰਹੇਗਾ। ਸਦਾ ਜਵਾਨ ਬਣੇ ਰਹਿਣ ਲਈ ਦਿਮਾਗ ਅਤੇ ਸਰੀਰ ਦਾ ਵੱਧ ਤੋਂ ਵੱਧ ਐਕਟਿਵ ਰਹਿਣਾ ਜ਼ਰੂਰੀ ਹੁੰਦਾ ਹੈ। ਇਸ ਤਰ੍ਹਾਂ ਦੀ ਹੋਰ ਜਾਣਕਾਰੀ ਲਈ ਸਾਡੇ ਇਸ ਪੇਜ ਨੂੰ ਲਾਈਕ ਤੇ ਫੌਲੋ ਕਰੋ। ਧੰਨਵਾਦ।