OJAS Health Care Centre

08/04/2026

ਕੀ ਦਿਨ ਵਿੱਚ ਤਿੰਨ ਵਾਰ ਖਾਣਾ ਸਹੀ ਹੈ ਜਾਂ ਗਲਤ?

ਅੱਜ ਇਹ ਸਾਨੂੰ ਬਿਲਕੁਲ ਆਮ ਗੱਲ ਲੱਗਦੀ ਹੈ — ਸਵੇਰੇ, ਦੁਪਹਿਰ ਅਤੇ ਰਾਤ ਤਿੰਨ ਵਾਰ ਖਾਣਾ। ਪਰ ਜੇ ਅਸੀਂ ਧਿਆਨ ਨਾਲ ਵੇਖੀਏ, ਤਾਂ ਸਰੀਰ ਦੀ ਆਪਣੀ ਕੁਦਰਤੀ ਪ੍ਰਕਿਰਿਆ ਇਸ ਤਰ੍ਹਾਂ ਨਹੀਂ ਚੱਲਦੀ। ਸਰੀਰ ਦੇ ਕੁਦਰਤੀ ਨਿਯਮਾਂ ਅਨੁਸਾਰ ਭੁੱਖ ਹਰ ਵੇਲੇ ਇੱਕੋ ਜਿਹੀ ਨਹੀਂ ਹੁੰਦੀ। ਇਹ ਦਿਨ ਵਿੱਚ ਮੁੱਖ ਤੌਰ ’ਤੇ ਦੋ ਸਮਿਆਂ ’ਤੇ ਆਪਣੇ ਸਭ ਤੋਂ ਮਜ਼ਬੂਤ ਰੂਪ ਵਿੱਚ ਉਭਰਦੀ ਹੈ —
ਸਵੇਰੇ ਲਗਭਗ 6 ਤੋਂ 10 ਵਜੇ ਦੇ ਵਿਚਕਾਰ,
ਅਤੇ ਦੂਜਾ ਸ਼ਾਮ ਨੂੰ, ਸੂਰਜ ਡੁੱਬਣ ਤੋਂ ਪਹਿਲਾਂ।
ਇਹ ਦੋਵੇਂ ਸਮੇਂ ਖਾਣੇ ਲਈ ਸਭ ਤੋਂ ਉਚਿਤ ਮੰਨੇ ਜਾਂਦੇ ਹਨ, ਕਿਉਂਕਿ ਉਸ ਵੇਲੇ ਸਰੀਰ ਖਾਣੇ ਨੂੰ ਪਚਾਉਣ ਲਈ ਕੁਦਰਤੀ ਤੌਰ ’ਤੇ ਤਿਆਰ ਹੁੰਦਾ ਹੈ। ਪਰ ਅੱਜ ਸਾਡੀਆਂ ਆਦਤਾਂ ਇਸ ਕੁਦਰਤੀ ਨਿਯਮ ਦੇ ਅਨੁਸਾਰ ਨਹੀਂ ਰਹੀਆਂ। ਅਸੀਂ ਭੁੱਖ ਦੇ ਸੰਕੇਤਾਂ ਨੂੰ ਸਮਝਣ ਦੀ ਬਜਾਏ, ਆਦਤਾਂ ਦੇ ਅਧਾਰ ’ਤੇ ਵਾਰ-ਵਾਰ ਖਾਣਾ ਸ਼ੁਰੂ ਕਰ ਦਿੱਤਾ ਹੈ —
ਤਿੰਨ ਵਾਰ ਦਾ ਖਾਣਾ ਅਤੇ ਵਿਚਕਾਰ ਸਨੈਕਿੰਗ। ਜਦੋਂ ਅਸੀਂ ਕੁਦਰਤੀ ਭੁੱਖ ਦੇ ਸਮੇਂ ਨੂੰ ਛੋਟੇ-ਮੋਟੇ ਸਨੈਕਸ, ਬਿਸਕਿਟ ਜਾਂ ਚਾਹ ਨਾਲ ਦਬਾ ਦਿੰਦੇ ਹਾਂ, ਤਾਂ ਇਹ ਸਰੀਰ ਦੀ ਕੁਦਰਤੀ ਪ੍ਰਕਿਰਿਆ ਨਾਲ ਖਿਲਵਾੜ ਬਣ ਜਾਂਦਾ ਹੈ। ਹੌਲੀ-ਹੌਲੀ ਇਹੀ ਆਦਤਾਂ ਸਰੀਰ ਵਿੱਚ ਅਸੰਤੁਲਨ ਪੈਦਾ ਕਰਦੀਆਂ ਹਨ, ਜੋ ਅੱਗੇ ਚੱਲ ਕੇ ਕਈ ਬਿਮਾਰੀਆਂ ਦਾ ਕਾਰਨ ਬਣਦੀਆਂ ਹਨ। ਇਸ ਲਈ ਸਹੀ ਸਵਾਲ ਇਹ ਨਹੀਂ ਕਿ ਅਸੀਂ ਕਿੰਨੀ ਵਾਰ ਖਾਂਦੇ ਹਾਂ, ਸਵਾਲ ਇਹ ਹੈ ਕਿ ਕੀ ਅਸੀਂ ਸਰੀਰ ਦੇ ਕੁਦਰਤੀ ਸੰਕੇਤਾਂ ਦੇ ਅਨੁਸਾਰ ਖਾ ਰਹੇ ਹਾਂ?
ਕੁਦਰਤੀ ਪ੍ਰਕਿਰਿਆ ਦੇ ਅਨੁਸਾਰ
ਦੋ ਵਾਰ, ਸਹੀ ਸਮੇਂ ’ਤੇ ਖਾਣਾ ਹੀ ਸਹੀ ਖਾਣਾ ਹੈ।
ਜਦੋਂ ਅਸੀਂ ਇਸ ਤੋਂ ਵੱਧ ਖਾਂਦੇ ਹਾਂ,
ਤਾਂ ਅਸੀਂ ਅਣਜਾਣੇ ਹੀ ਬਿਮਾਰੀਆਂ ਨੂੰ ਸੱਦਾ ਦੇ ਰਹੇ ਹੁੰਦੇ ਹਾਂ।

Ojas Healthcare centre
Awareness before treatment.

04/04/2026

ਵੱਧਿਆ ਹੋਇਆ ਕੋਲੇਸਟਰੋਲ ਸਰੀਰ ਦੇ ਅੰਦਰਲੇ ਅਸੰਤੁਲਨ ਦਾ ਸੰਕੇਤ ਹੈ। ਅਕਸਰ ਜਦੋਂ ਰਿਪੋਰਟ ਵਿੱਚ ਕੋਲੇਸਟਰੋਲ ਵੱਧਿਆ ਹੋਇਆ ਆਉਂਦਾ ਹੈ, ਅਸੀਂ ਇਸਨੂੰ ਇੱਕ ਵੱਖਰੀ ਸਮੱਸਿਆ ਵਜੋਂ ਦੇਖਦੇ ਹਾਂ ਅਤੇ ਤੁਰੰਤ ਇਸਨੂੰ ਘਟਾਉਣ ਵੱਲ ਧਿਆਨ ਦੇਂਦੇ ਹਾਂ — ਚਾਹੇ ਉਹ ਡਾਇਟ ਰਾਹੀਂ ਹੋਵੇ ਜਾਂ ਦਵਾਈ ਰਾਹੀਂ। ਪਰ ਸੱਚਾਈ ਇਹ ਹੈ ਕਿ ਕੋਲੇਸਟਰੋਲ ਆਪਣੇ ਆਪ ਵਿੱਚ ਸਮੱਸਿਆ ਨਹੀਂ ਹੁੰਦਾ। ਇਹ ਸਰੀਰ ਦੀ ਇੱਕ ਕੁਦਰਤੀ ਪ੍ਰਕਿਰਿਆ ਦਾ ਹਿੱਸਾ ਹੈ, ਅਤੇ ਸਰੀਰ ਖੁਦ ਵੀ ਇਸਨੂੰ ਬਣਾਉਂਦਾ ਹੈ।

ਇਸ ਲਈ ਸਿਰਫ਼ ਫੈਟ ਘਟਾਉਣ ਜਾਂ ਡਾਇਟ ਬਦਲਣ ਨਾਲ ਹੀ ਹਰ ਵਾਰ ਕੋਲੇਸਟਰੋਲ ਕੰਟਰੋਲ ਨਹੀਂ ਹੁੰਦਾ। ਜਦੋਂ ਕੋਲੇਸਟਰੋਲ ਵੱਧਦਾ ਹੈ, ਇਹ ਅਕਸਰ ਸਰੀਰ ਦੇ ਅੰਦਰ ਚੱਲ ਰਹੇ ਮੈਟਾਬੋਲਿਕ ਅਸੰਤੁਲਨ ਜਾਂ ਅੰਦਰਲੇ ਡੈਮੇਜ ਦਾ ਸੰਕੇਤ ਹੁੰਦਾ ਹੈ। ਅਸਲ ਗਲਤੀ ਅਸੀਂ ਉਸ ਵੇਲੇ ਕਰਦੇ ਹਾਂ, ਜਦੋਂ ਅਸੀਂ ਸਿਰਫ਼ ਨੰਬਰ ਘਟਾਉਣ ’ਤੇ ਧਿਆਨ ਦੇਂਦੇ ਹਾਂ, ਪਰ ਇਹ ਨਹੀਂ ਸਮਝਦੇ ਕਿ ਇਹ ਵਾਧਾ ਹੋਇਆ ਕਿਉਂ ਹੈ।

ਆਯੁਰਵੇਦ ਵਿੱਚ ਇਲਾਜ ਦਾ ਮਤਲਬ ਸਿਰਫ਼ ਲੱਛਣ ਘਟਾਉਣਾ ਨਹੀਂ,
ਬਲਕਿ ਸਰੀਰ ਦੇ ਵਿਗੜੇ ਹੋਏ ਤੰਤਰ ਨੂੰ ਦੁਬਾਰਾ ਸੰਤੁਲਿਤ ਕਰਨਾ ਹੈ —
ਜਿੱਥੇ ਪਾਚਨ, ਮੈਟਾਬੋਲਿਜ਼ਮ ਅਤੇ ਸਰੀਰ ਦੀ ਕੁਦਰਤੀ ਪ੍ਰਕਿਰਿਆ ਨੂੰ ਸੰਤੁਲਿਤ ਕੀਤਾ ਜਾਂਦਾ ਹੈ।

ਇਸ ਲਈ ਇਲਾਜ ਦੀ ਸ਼ੁਰੂਆਤ ਹਮੇਸ਼ਾ ਇੱਕ ਸਵਾਲ ਨਾਲ ਹੋਣੀ ਚਾਹੀਦੀ ਹੈ —
ਕੀ ਅਸੀਂ ਸਿਰਫ਼ ਕੋਲੇਸਟਰੋਲ ਘਟਾ ਰਹੇ ਹਾਂ, ਜਾਂ ਉਸਦੇ ਕਾਰਨ ਨੂੰ ਵੀ ਸਮਝ ਰਹੇ ਹਾਂ?

Ojas Healthcare Centre
Awareness before treatment.

30/03/2026

ਅਕਸਰ ਜਦੋਂ ਰਿਪੋਰਟ ਵਿੱਚ ਕੋਲੈਸਟ੍ਰੋਲ ਵੱਧਿਆ ਹੋਇਆ ਆਉਂਦਾ ਹੈ, ਤਾਂ ਸਭ ਤੋਂ ਪਹਿਲੀ ਪ੍ਰਤੀਕ੍ਰਿਆ ਹੁੰਦੀ ਹੈ —
ਘਬਰਾਹਟ ਅਤੇ ਤੁਰੰਤ ਦਵਾਈ ਵੱਲ ਮੋੜ।
ਪਰ ਇੱਕ ਮਹੱਤਵਪੂਰਨ ਸਵਾਲ ਅਸੀਂ ਅਕਸਰ ਪੁੱਛਦੇ ਹੀ ਨਹੀਂ —
ਕੋਲੈਸਟ੍ਰੋਲ ਵੱਧਿਆ ਕਿਉਂ?
ਕੋਲੈਸਟ੍ਰੋਲ ਆਪਣੇ ਆਪ ਵਿੱਚ ਹਮੇਸ਼ਾ ਸਮੱਸਿਆ ਨਹੀਂ ਹੁੰਦਾ।
ਇਹ ਅਕਸਰ ਸਰੀਰ ਦੇ ਅੰਦਰ ਚੱਲ ਰਹੇ ਮੈਟਾਬੋਲਿਕ ਅਸੰਤੁਲਨ ਦਾ ਇਕ ਸੰਕੇਤ ਹੁੰਦਾ ਹੈ।
ਜਦੋਂ ਅਸੀਂ ਸਿਰਫ਼ ਇਸਨੂੰ ਘਟਾਉਣ ’ਤੇ ਧਿਆਨ ਦੇਂਦੇ ਹਾਂ,
ਅਸੀਂ ਉਸ ਅਸਲ ਕਾਰਨ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ, ਜਿਸ ਕਰਕੇ ਇਹ ਵੱਧਿਆ ਹੈ।
ਅਸਲ ਸਮਝ ਇਹ ਹੈ ਕਿ ਸਰੀਰ ਦੇ ਸੰਕੇਤਾਂ ਨੂੰ ਕੇਵਲ ਦਬਾਉਣਾ ਨਹੀਂ,
ਬਲਕਿ ਉਹਨਾਂ ਨੂੰ ਸਮਝਣਾ ਜ਼ਰੂਰੀ ਹੈ।
ਇਸ ਲਈ ਕਿਸੇ ਵੀ ਇਲਾਜ ਦੀ ਸ਼ੁਰੂਆਤ ਤੋਂ ਪਹਿਲਾਂ,
ਇਹ ਸਵਾਲ ਜ਼ਰੂਰ ਪੁੱਛੋ —
ਕੀ ਅਸੀਂ ਸਿਰਫ਼ ਨੰਬਰ ਠੀਕ ਕਰ ਰਹੇ ਹਾਂ, ਜਾਂ ਕਾਰਨ ਨੂੰ ਵੀ ਸਮਝ ਰਹੇ ਹਾਂ ?

Ojas Healthcare CENTRE
Awareness before treatment.

21/03/2026

What we are witnessing today in India is not merely the rise of health coaches,
but the rise of second-hand knowing.
Ideas of health are imported from distant geographies —
different climates, different constitutions, different histories —
and then imposed here with the confidence of universality.
The body, however, does not obey borrowed frameworks.
It responds only to what is truly seen, truly inferred, and intelligently applied.
As Michel Foucault reminds us, knowledge is never innocent — it is shaped within structures of power and visibility (Power/Knowledge, 1980).
Today, visibility itself has become power.
So the one who speaks well is heard as one who knows well.
But Ayurveda never permitted such shortcuts.
It demanded that knowledge arise through pratyakṣa (direct observation), anumāna (inference), and yukti (contextual intelligence) —
a discipline where understanding is not collected, but ripened.
As the Charaka Samhita indicates, true knowledge of the body is grounded in lived engagement, not abstraction (Sūtrasthāna 11).
What happens when this discipline is bypassed?
Information replaces insight.
Confidence replaces clarity.
And slowly, teaching becomes a performance.
Many who speak of health today are still negotiating their own imbalance —
yet the language of certainty gives them authority.
Not because they know,
but because they appear to know.
Health, however, is not a concept to be explained.
It is a state that reveals itself —
in rhythm, in ease, in quiet coherence of the body.
It cannot be Googled.
It cannot be copied.
It cannot be displayed.
So the question is not whether these voices are right or wrong.
The question is deeper:
Has the body been truly encountered —
before it was turned into advice?

20/03/2026

ਮਰੀਜ਼ ਪਿਛਲੇ 8 ਮਹੀਨਿਆਂ ਤੋਂ ਲਗਾਤਾਰ ਸਾਇਟਿਕਾ ਦੇ ਦਰਦ ਨਾਲ ਜੂਝ ਰਹੀ ਸੀ, ਜਿਸਦਾ ਅਸਰ ਉਸਦੀ ਰੋਜ਼ਾਨਾ ਜੀਵਨਸ਼ੈਲੀ ਅਤੇ ਗਤੀਵਿਧੀਆਂ ’ਤੇ ਸਪਸ਼ਟ ਤੌਰ ’ਤੇ ਪੈ ਰਿਹਾ ਸੀ।
ਇਸ ਸਮੇਂ ਦੌਰਾਨ ਮਸਾਜ ਥੈਰਪੀ ਅਤੇ ਵੱਖ-ਵੱਖ ਦਵਾਈਆਂ ਦੇ ਬਾਵਜੂਦ, ਦਰਦ ਵਿੱਚ ਕੋਈ ਢੰਗ ਦਾ ਸੁਧਾਰ ਨਹੀਂ ਆਇਆ।
ਬਾਅਦ ਵਿੱਚ Reference ਰਾਹੀਂ ਉਹ Dr. Atwal ਕੋਲ ਪਹੁੰਚੀ।
ਮਰੀਜ਼ ਦੀ ਹਾਲਤ ਨੂੰ ਧਿਆਨ ਵਿੱਚ ਰੱਖਦਿਆਂ, ਕਾਰਨ-ਆਧਾਰਿਤ ਦ੍ਰਿਸ਼ਟੀਕੋਣ ਨਾਲ ਇਲਾਜ ਦੀ ਸ਼ੁਰੂਆਤ ਕੀਤੀ ਗਈ,
ਅਤੇ ਪਹਿਲੀ ਹੀ sitting ਤੋਂ ਬਾਅਦ ਮਰੀਜ਼ ਨੇ ਆਪਣੇ ਦਰਦ ਵਿੱਚ ਸਪਸ਼ਟ ਰਾਹਤ ਮਹਿਸੂਸ ਕੀਤੀ।

Awareness before treatment.
Ojas Healthcare Centre

16/03/2026

ਅਕਸਰ ਸਾਡੇ ਰੋਜ਼ਾਨਾ ਜੀਵਨ ਵਿੱਚ ਪੇਟ ਨਾਲ ਜੁੜੀਆਂ ਛੋਟੀਆਂ ਸਮੱਸਿਆਵਾਂ ਮਹਿਸੂਸ ਹੁੰਦੀਆਂ ਹਨ — ਜਿਵੇਂ ਫੁੱਲਣਾ, ਭਾਰਾਪਣ ਜਾਂ ਹਲਕੀ ਅਸੁਵਿਧਾ।
ਇਸ ਹਾਲਤ ਵਿੱਚ ਅਸੀਂ ਤੁਰੰਤ Eno, Pantoprazole ਜਾਂ ਕੋਈ appetizer ਲੈ ਕੇ ਆਰਾਮ ਲੈਣ ਦੀ ਕੋਸ਼ਿਸ਼ ਕਰਦੇ ਹਾਂ।
ਕੁਝ ਸਮੇਂ ਲਈ ਇਹਨਾਂ ਨਾਲ ਆਰਾਮ ਮਿਲ ਵੀ ਜਾਂਦਾ ਹੈ।
ਪਰ ਅਸੀਂ ਅਕਸਰ ਉਸ ਮੁੱਢਲੇ ਕਾਰਨ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ — ਪਾਚਨ ਦੀ ਕਮਜ਼ੋਰੀ।
ਆਯੁਰਵੇਦ ਦੇ ਅਨੁਸਾਰ ਜਦੋਂ ਖੁਰਾਕ ਸਹੀ ਤਰੀਕੇ ਨਾਲ ਨਹੀਂ ਪਚਦੀ, ਤਾਂ ਉਹ ਅਧਪਚੇ ਪਦਾਰਥ ਦੇ ਰੂਪ ਵਿੱਚ ਸਰੀਰ ਵਿੱਚ ਇਕੱਠੀ ਹੋਣ ਲੱਗਦੀ ਹੈ।
ਇਸ ਅਵਸਥਾ ਨੂੰ ਆਯੁਰਵੇਦ ਵਿੱਚ “ਆਮ (Aam)” ਕਿਹਾ ਜਾਂਦਾ ਹੈ।
ਜਦੋਂ ਇਹ ਆਮ ਲੰਬੇ ਸਮੇਂ ਤੱਕ ਸਰੀਰ ਵਿੱਚ ਇਕੱਠਾ ਰਹਿੰਦਾ ਹੈ, ਤਾਂ ਇਹ ਹੌਲੀ-ਹੌਲੀ ਕਈ ਕਿਸਮ ਦੀਆਂ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦਾ ਹੈ —
ਜਿਵੇਂ ਜੋੜਾਂ ਦੀ ਸਮੱਸਿਆ, ਚਮੜੀ ਦੇ ਰੋਗ, ਦਿਲ ਨਾਲ ਜੁੜੀਆਂ ਪਰੇਸ਼ਾਨੀਆਂ ਜਾਂ ਹੋਰ ਕਈ ਲੰਬੇ ਸਮੇਂ ਵਾਲੀਆਂ ਬਿਮਾਰੀਆਂ।
ਇਸ ਲਈ ਪੇਟ ਦੀ ਤਕਲੀਫ਼ ਨੂੰ ਹਰ ਵਾਰ ਸਿਰਫ਼ ਦਬਾਉਣ ਦੀ ਬਜਾਏ, ਉਸ ਦੇ ਅਸਲ ਕਾਰਨ — ਪਾਚਨ ਪ੍ਰਣਾਲੀ — ਨੂੰ ਸਮਝਣਾ ਅਤੇ ਠੀਕ ਕਰਨਾ ਜ਼ਰੂਰੀ ਹੈ।
ਸਿਹਤ ਦਾ ਅਸਲ ਅਧਾਰ ਸਹੀ ਪਾਚਨ ਹੈ।

Ojas Healthcare
Awareness before treatment.

09/03/2026

ਅਕਸਰ ਲੋਕ ਇਹ ਸਮਝ ਲੈਂਦੇ ਹਨ ਕਿ ਜੇ ਉਹ ਸਾਲਾਂ ਤੋਂ ਕਿਸੇ ਰੋਗ ਦੀ ਦਵਾਈ ਲੈ ਰਹੇ ਹਨ ਅਤੇ ਲੱਛਣ ਕਾਬੂ ਵਿੱਚ ਹਨ, ਤਾਂ ਰੋਗ ਠੀਕ ਹੋ ਗਿਆ ਹੈ।
ਪਰ ਆਰਾਮ ਅਤੇ ਇਲਾਜ ਦੋ ਵੱਖਰੀਆਂ ਗੱਲਾਂ ਹਨ।

ਦਵਾਈ ਲੱਛਣਾਂ ਨੂੰ ਕਾਬੂ ਵਿੱਚ ਰੱਖ ਸਕਦੀ ਹੈ, ਪਰ ਇਹ ਦੇਖਣਾ ਵੀ ਜ਼ਰੂਰੀ ਹੈ ਕਿ ਰੋਗ ਦਾ ਅਸਲ ਕਾਰਨ ਸਮਝ ਕੇ ਉਸਦਾ ਇਲਾਜ ਹੋਇਆ ਹੈ ਜਾਂ ਨਹੀਂ।
ਇਹ ਵੀ ਸੱਚ ਹੈ ਕਿ ਕੁਝ ਰੋਗ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਲਈ ਲੰਬੇ ਸਮੇਂ ਤੱਕ ਦਵਾਈ ਅਤੇ ਨਿਯਮਿਤ ਮੈਨੇਜਮੈਂਟ ਦੀ ਲੋੜ ਪੈਂਦੀ ਹੈ।
ਪਰ ਬਹੁਤ ਵਾਰ ਅਜਿਹੇ ਰੋਗ ਵੀ ਸਾਲਾਂ ਤੱਕ ਚੱਲਦੇ ਰਹਿੰਦੇ ਹਨ ਜੋ ਅਸਲ ਵਿੱਚ ਸਹੀ ਸਮਝ ਅਤੇ ਇਲਾਜ ਨਾਲ ਠੀਕ ਹੋ ਸਕਦੇ ਹਨ।
ਇਸ ਲਈ ਜਦੋਂ ਵੀ ਇਲਾਜ ਸ਼ੁਰੂ ਕਰੋ, ਆਪਣੇ ਡਾਕਟਰ ਨੂੰ ਇਹ ਸਵਾਲ ਜ਼ਰੂਰ ਪੁੱਛੋ —
ਇਹ ਦਵਾਈ ਕਿੰਨੇ ਸਮੇਂ ਲਈ ਲੈਣੀ ਪਏਗੀ, ਅਤੇ ਕੀ ਇਸ ਰੋਗ ਨੂੰ ਜੜ੍ਹ ਤੋਂ ਠੀਕ ਕੀਤਾ ਜਾ ਸਕਦਾ ਹੈ?

07/03/2026

Ojas health care centre
Awareness before treatment.

04/03/2026

ਅਕਸਰ ਪੰਜਾਬ ਵਿੱਚ ਇਹ ਗਲਤਫਹਮੀ ਹੁੰਦੀ ਹੈ, ਕਿ ਜਦੋਂ ਡਾਇਬਟੀਜ਼ ਦੀ ਦਵਾਈ ਸ਼ੁਰੂ ਹੋ ਜਾਵੇ ਅਤੇ ਰਿਪੋਰਟ ਨਾਰਮਲ ਆਉਣ ਲੱਗ ਪਵੇ, ਤਾਂ ਰੋਗ ਠੀਕ ਹੋ ਗਿਆ ਹੈ।

ਹਕੀਕਤ ਇਹ ਹੈ ਕਿ ਦਵਾਈ ਅਕਸਰ ਸ਼ੂਗਰ ਨੂੰ ਕੰਟਰੋਲ ਕਰਦੀ ਹੈ,
ਨਾ ਕਿ ਉਸਦੇ ਪੈਦਾ ਹੋਣ ਦੇ ਕਾਰਨ ਨੂੰ ਦੂਰ ਕਰਦੀ ਹੈ।
ਜੇ ਸਿਰਫ਼ ਦਵਾਈ ’ਤੇ ਨਿਰਭਰ ਰਹਿਆ ਜਾਵੇ ਅਤੇ ਜੀਵਨਸ਼ੈਲੀ, ਪਾਚਨ, ਆਦਤਾਂ ਅਤੇ ਸਰੀਰ ਦੇ ਅੰਦਰਲੇ ਅਸੰਤੁਲਨ ਨੂੰ ਨਾ ਸਮਝਿਆ ਜਾਵੇ, ਤਾਂ ਸਮੇਂ ਨਾਲ ਰੋਗ ਹੋਰ ਗੰਭੀਰ ਅਤੇ ਜਟਿਲ ਰੂਪ ਧਾਰ ਸਕਦਾ ਹੈ।

ਇਸ ਲਈ ਡਾਇਬਟੀਜ਼ ਵਿੱਚ ਸਿਰਫ਼ ਨੰਬਰ ਘਟਾਉਣਾ ਹੀ ਇਲਾਜ ਨਹੀਂ,
ਅਸਲ ਇਲਾਜ ਸਰੀਰ ਦੀ ਕਾਰਗੁਜ਼ਾਰੀ ਨੂੰ ਸਮਝ ਕੇ ਉਸਨੂੰ ਸੰਤੁਲਨ ਵਿੱਚ ਲਿਆਉਣਾ ਹੈ।

28/02/2026

ਅੱਜਕੱਲ੍ਹ ਬਹੁਤ ਵਾਰ ਇਲਾਜ ਦਾ ਅਰਥ ਸਿਰਫ਼ ਲੱਛਣਾਂ ਨੂੰ ਦਬਾਉਣਾ ਸਮਝ ਲਿਆ ਜਾਂਦਾ ਹੈ।

ਪਰ ਸਰੀਰ ਕੋਈ ਕੁਰਸੀ, ਮੇਜ਼ ਜਾਂ ਲੱਕੜ ਦੀ ਵਸਤੂ ਨਹੀਂ ਜਿਸ ਵਿੱਚ ਨਿਕਲਿਆ ਕੀਲ ਸਿਰਫ਼ ਹਥੌੜੇ ਨਾਲ ਠੋਕ ਦਿੱਤਾ ਜਾਵੇ। ਦਰਦ, ਸੁਜਨ ਜਾਂ ਹੋਰ ਲੱਛਣ ਕੋਈ ਅਚਾਨਕ ਪੈਦਾ ਹੋਈ ਸਮੱਸਿਆ ਨਹੀਂ ਹੁੰਦੇ, ਇਹ ਸਰੀਰ ਵੱਲੋਂ ਦਿੱਤੇ ਗਏ ਸੰਕੇਤ ਹੁੰਦੇ ਹਨ।
ਡਾਕਟਰ ਦੀ ਅਪ੍ਰੋਚ ਇਹ ਹੋਣੀ ਚਾਹੀਦੀ ਹੈ ਕਿ ਜਦੋਂ ਉਸਨੂੰ ਕੋਈ ਲੱਛਣ ਦਿੱਸੇ, ਉਹ ਸਿਰਫ਼ ਉਸਨੂੰ ਦਬਾਉਣ ਦੀ ਬਜਾਇ ਇਹ ਸਮਝੇ ਕਿ ਇਹ ਕਿਵੇਂ ਪੈਦਾ ਹੋਇਆ, ਕਿੰਨੇ ਸਮੇਂ ਤੋਂ ਹੈ ਅਤੇ ਕਿੰਨੇ ਸਮੇਂ ਵਿੱਚ ਠੀਕ ਹੋ ਸਕਦਾ ਹੈ। ਆਪਣੇ ਗਿਆਨ ਅਤੇ ਅਨੁਭਵ ਦੇ ਆਧਾਰ ’ਤੇ ਬਿਮਾਰੀ ਨੂੰ ਸਮਝਦਿਆਂ ਉਸਦਾ ਇਲਾਜ ਸ਼ੁਰੂ ਕਰਨਾ ਹੀ ਅਸਲ ਡਾਕਟਰੀ ਧਰਮ ਹੈ।

ਤੁਰੰਤ ਲੱਛਣ ਦਬਾਉਣਾ ਕਾਰਪੈਂਟਰ ਦਾ ਕੰਮ ਹੋ ਸਕਦਾ ਹੈ, ਡਾਕਟਰ ਦਾ ਨਹੀਂ।

Ojas health care centre
Awareness before treatment.

27/02/2026

ਅਕਸਰ ਅਸੀਂ ਲੱਛਣਾਂ ਨੂੰ ਸਿਰਫ਼ ਇੱਕ ਬਿਮਾਰੀ ਸਮਝ ਲੈਂਦੇ ਹਾਂ —
ਚਾਹੇ ਉਹ ਸਿਰ ਦਰਦ ਹੋਵੇ, ਲੂਜ਼ ਮੋਸ਼ਨ, ਪੇਟ ਦਰਦ ਜਾਂ ਜੋੜਾਂ ਦਾ ਦਰਦ।
ਪਰ ਅਸਲ ਵਿੱਚ ਲੱਛਣ ਬਿਮਾਰੀ ਨਹੀਂ ਹੁੰਦੇ, ਉਹ ਸਰੀਰ ਦੇ ਸੰਕੇਤ ਹੁੰਦੇ ਹਨ | ਹਰ ਲੱਛਣ ਦੇ ਪਿੱਛੇ ਸਰੀਰ ਇਹ ਦੱਸਣ ਦੀ ਕੋਸ਼ਿਸ਼ ਕਰਦਾ ਹੈ, ਕਿ ਸਿਸਟਮ ਵਿੱਚ ਕਿਸੇ ਥਾਂ ਅਸੰਤੁਲਨ ਹੈ।

ਉਦਾਹਰਣ ਲਈ,
ਜੇ ਕਿਸੇ ਨੂੰ ਜੋੜਾਂ ਦਾ ਦਰਦ ਹੈ, ਤਾਂ ਇਹ ਸਾਫ਼ ਸੰਕੇਤ ਹੁੰਦਾ ਹੈ, ਕਿ ਉਸ ਜੋੜ ਵਿੱਚ ਸੁਜਨ ਹੈ ਜਾਂ ਲੁਬ੍ਰਿਕੇਸ਼ਨ ਦੀ ਘਾਟ ਹੈ। ਪਰ ਬਹੁਤ ਵਾਰ ਇਲਾਜ ਦੇ ਨਾਮ ’ਤੇ
ਅਸੀਂ ਸਿਰਫ਼ ਦਰਦ ਨੂੰ ਹੀ ਨਿਸ਼ਾਨਾ ਬਣਾਂਦੇ ਹਾਂ —
ਨਾ ਕਿ ਉਸ ਸੁਜਨ ਨੂੰ ਜਾਂ ਉਸ ਘਾਟ ਨੂੰ ਜਿਸ ਕਰਕੇ ਦਰਦ ਪੈਦਾ ਹੋ ਰਿਹਾ ਹੈ।ਡਾਕਟਰ ਵਜੋਂ ਵੀ ਅਤੇ ਮਰੀਜ਼ ਵਜੋਂ ਵੀ ਅਸੀਂ ਅਕਸਰ ਤੁਰੰਤ ਰਾਹਤ ਚਾਹੁੰਦੇ ਹਾਂ।
ਇਸ ਪ੍ਰਕਿਰਿਆ ਵਿੱਚ ਲੱਛਣਾਂ ਨੂੰ ਦਬਾ ਦਿੱਤਾ ਜਾਂਦਾ ਹੈ, ਪਰ ਅਸਲ ਕਾਰਨ
ਉੱਥੇ ਦਾ ਉੱਥੇ ਹੀ ਰਹਿ ਜਾਂਦਾ ਹੈ।

ਲੱਛਣ ਦਬਾਉਣਾ
ਇਲਾਜ ਨਹੀਂ ਹੁੰਦਾ —
ਇਹ ਸਿਰਫ਼ ਸਮੱਸਿਆ ਨੂੰ
ਕੁਝ ਸਮੇਂ ਲਈ ਟਾਲਣਾ ਹੁੰਦਾ ਹੈ।
ਅਸਲੀ ਇਲਾਜ ਉਦੋਂ ਸ਼ੁਰੂ ਹੁੰਦਾ ਹੈ ਜਦੋਂ ਅਸੀਂ ਲੱਛਣਾਂ ਤੋਂ ਪਿੱਛੇ
ਕਾਰਨ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਦੇ ਹਾਂ।

Ojas health care centre
Awareness before treatment.

18/09/2023