27/04/2026
*എ എം എ ഐ 2025-26 ലെ അവാർഡുകൾ പ്രഖ്യാപിച്ചു*
എ എം എ ഐ സംസ്ഥാന സമ്മേളനത്തോടനുബന്ധിച്ച് വിവിധ മേഖലകളിൽ മികവ് തെളിയിച്ച വ്യക്തികൾക്കുള്ള അവാർഡുകൾ പ്രഖ്യാപിച്ചു.
സംഘടനയ്ക്ക് നിസ്തുലമായ സംഭാവനകൾ നൽകിയ മുതിർന്ന അംഗങ്ങൾക്ക് ഏർപ്പെടുത്തിയ പ്രഥമ “ഡോ. ടി. ഗോപിനാഥ്– ആയുർവേദ വിഭൂഷൺ -ലൈഫ് ടൈം അച്ചീവ്മെന്റ് അവാർഡ് (₹50,000) ജേതാവായി മുതിർന്ന നേതാവും മുൻ പ്രസിഡൻ്റുമായ ഡോ. ജി. വിനോദ് കുമാർ അർഹനായി. എറണാകുളം ജില്ലക്കാരനായ ഇദ്ദേഹത്തിൻ്റെ നാല് പതിറ്റാണ്ടിലേറെയുള്ള ഉജ്ജ്വലമായ സംഘടന പ്രവർത്തനം , വിവിധ പദവികളിൽ
വഹിച്ച ഉത്തരവാദിത്വങ്ങൾ, വിജയകരമായി നടപ്പാക്കിയ ആശയങ്ങൾ എന്നിവ പരിഗണിച്ചാണ് അവാർഡ് നൽകുന്നത്. തിരുവനന്തപുരം ഗവൺമെൻ്റ് ആയുർവേദ കോളേജിൽ പഞ്ചകർമ്മ വിഭാഗം പ്രൊഫസർ and HOD ആയും CCIM മെമ്പറായും പ്രവർത്തിച്ചുണ്ട്.
നിലവിൽ എ എം എ ഐ സ്റ്റേറ്റ് അഡ്വൈസറി ബോർഡ് ചെയർമാനാണ്.
ചികിത്സാരംഗത്തെ മികവ്, സേവന പ്രതിബദ്ധത, യുവ ഡോക്ടർമാർക്ക് അറിവ് പകരാനുള്ള സന്നദ്ധത, പുതിയ ചികിത്സാ സമീപനങ്ങൾ എന്നിവ കണക്കിലെടുത്ത് നൽകുന്ന “ഭിഷക് രത്ന" അവാർഡിന് (₹30,000) ആലപ്പുഴ ജില്ലയിലെ ഡോ. എ. സൈനുലാബ്ദീൻ അർഹനായി.
ഇ എസ് ഐ വകുപ്പിൽ അസി.ഇൻഷുറസ് മെഡിക്കൽ ഓഫീസറായി വിരമിച്ച അദ്ദേഹം നിലവിൽ “കളത്തിൽ ആയുർവേദ ഹോസ്പിറ്റൽ ആൻഡ് മാനുഫാക്ചറിംഗ്” എന്ന സ്ഥാപനം നടത്തിവരുന്നു. വൈദ്യസേവനത്തിലെ അർപ്പണബോധം, സാമൂഹിക ആരോഗ്യ
പ്രവർത്തനങ്ങൾ എന്നിവ മുൻനിർത്തിയാണ് അവാർഡ്.
മികച്ച യുവ ഡോക്ടർമാർക്ക് നൽകുന്ന “ഭിഷക് പ്രതിഭ" അവാർഡിന് (₹25,000) കോഴിക്കോട് ജില്ലയിലെ ഡോ. പ്രവീൺ കളത്തിങ്കൽ അർഹനായി. ചികിത്സയിലെ മികവ്, അറിവ് പങ്കുവെക്കാനുള്ള മനോഭാവം എന്നിവ പരിഗണിച്ചാണ് അവാർഡ് നൽകുന്നത്.
അദ്ദേഹം നേത്രരോഗ ചികിത്സ രംഗത്ത് മികച്ച സംഭാവനകൾ നൽകിയ വ്യക്തിയാണ്. കട്ടിപ്പാറ ആദിവാസി മേഖലയിൽ ആയുർവേദ ചികിത്സ ലഭ്യമാക്കുന്നതിനായി “ഹരി കിരണം പദ്ധതി” നടപ്പിലാക്കുന്നതിൽ നിർണായക പങ്കുവഹിച്ചു. നിലവിൽ തലക്കുളത്തൂർ ഗവൺമെൻ്റ് ആയുർവേദ ആശുപത്രിയിൽ മെഡിക്കൽ ഓഫീസറാണ്.
എ എം എ ഐ യുടെ “ആയുർവേദ പ്രചാരൺ" അവാർഡിന് (₹15,000) എറണാകുളം ജില്ലയിലെ ഡോ.കെ വത്സലാദേവി അർഹയായി. അച്ചടി-ദൃശ്യ- ശ്രാവ്യ സാമൂഹ്യമാധ്യമങ്ങൾ വഴിയുള്ള ആയുർവേദ പ്രചരണം, “ഹെൽത്തി ആയുർവേദത്തിലൂടെ” എന്ന പ്രചാരണ പ്രവർത്തനങ്ങൾ, ബ്ലോഗുകൾ, പൊതുജന ബോധവത്കരണ പരിപാടികൾ എന്നിവ കണക്കിലെടുത്താണ് അവാർഡ്.
ചികിത്സാ രംഗത്തെ സവിശേഷ സംഭാവനകൾ പരിഗണിച്ച് രണ്ട് ഡോക്ടർമാരെ സ്പെഷ്യൽ ജൂറി അവാർഡിന് തിരഞ്ഞെടുത്തു. പാലക്കാട് ജില്ലയിലെ ഡോ. ശ്രീജിത്ത് മുക്കടേക്കാട്, കോഴിക്കോട് ജില്ലയിലെ ഡോ. ഷൈജു ഒലവക്കോട് എന്നിവരാണ് ഈ പ്രത്യേക അവാർഡിന് അർഹരായത്.
ഡോ. ശ്രീജിത്ത് മുക്കടേക്കാട് ആയുർവേദ നേത്രചികിത്സാ രംഗത്ത് ശ്രദ്ധേയമായ പ്രവീണ്യം തെളിയിച്ച വ്യക്തിയാണ്. നിലവിൽ മുക്കടേക്കാട് ആയുർവേദ നേത്രരോഗ ചികിത്സാ കേന്ദ്രത്തിൽ ചീഫ് ഫിസിഷ്യനായി പ്രവർത്തിക്കുന്നു.
ഡോ. ഷൈജു ഒലവക്കോട് ആയുർവേദ ഗവേഷണ രംഗത്ത് തന്റെ കഴിവ് തെളിയിച്ച വ്യക്തിയാണ്. മോളിക്കുലാർ ജെനറ്റിക്സിൽ പി.എച്ച്.ഡി നേടുന്ന ഇന്ത്യയിലെ ആദ്യ ആയുർവേദ ഡോക്ടറാണ് അദ്ദേഹം. നിലവിൽ കോഴിക്കോട് മാവൂർ ഗവൺമെൻ്റ് ആയുർവേദ ഡിസ്പെൻസറിയിൽ സീനിയർ മെഡിക്കൽ ഓഫീസറായി സേവനമനുഷ്ഠിക്കുന്നു.
*അവാർഡ് ജേതാക്കൾക്ക് അഭിനന്ദനങ്ങൾ...!!*
അവാർഡ് കമ്മിറ്റിക്കു വേണ്ടി.
ഡോ. വി ജി ഉദയകുമാർ
(ചെയർമാൻ)
ഡോ. ഇട്ടുപ്പ് ജെ അഞ്ചേരിൽ
(കൺവീനർ)-
പ്രസിഡണ്ട് & ജനറൽ സെക്രട്ടറി
എ എം എ ഐ
