Dr.Rachana Pole's Saarathi Mind Care

06/06/2025

14/05/2025

21/04/2025

Vacancy

A sister/brother is required at saarathi clinic,emerald city aurangabad.
Qualification-ANM
Job profile part time
Contact 8830575891

24/02/2025

11/02/2025

03/12/2024

🌸🌸🌸🌸🌸🌸
नमस्कार
आजकाल जो तो बीपी आणि शुगरने त्रस्त आहे.सारख्या डॉक्टर्सच्या भेटी,फीस आणि आजाराविषयीचे अज्ञान व असंख्य शंका...आणि याचे निरसन करण्यास केवळ एक साधन-इन्स्टाग्राम किंवा यूट्यूब.बऱ्याचदा या माहितीमुळे होणाऱ्या नुकसानाची ट्रीटमेंट करावी लागते ते वेगळेच..
मग नेमके आहे काय हे बीपी किवा शुगर?
आपल्याला का होतेय? यासाठी करायचे काय?
पथ्य काय पाळायचे?
काय खायचे काय नाही?
मानसिक ताण म्हणजे काय?
त्याचा आणि बीपी शुगरचा संबंध काय?
आयुर्वेद यावर काय म्हणते?
आणि आयुर्वेदानुसार बीपी शुगरच्या रुग्णांसाठी कोणते डाएट योग्य?
या आणि अशा अनेक प्रश्नांची उत्तर देण्यासाठी सारथी क्लिनिक घेऊन आले आहे एक वेगळा ग्रुप!
फक्त १०० रुपयात रेजिस्टर करा आणि मिळवा ही सगळी माहिती फक्त एका तासात
वक्ते-डॉ.रचना पोळ,मानसोपचार तज्ञ
डॉ शीतल झाडबुके,आयुर्वेदीक आहार व त्वचारोगतज्ञ
फक्त १० नोंदणी उपलब्ध
तारीख २२/१२/२०२४
वेळ-सकाळी ११ ते १२.३०
स्थळ-सारथी क्लिनिक
इमराल्ड सिटी
गारखेडा
औरंगाबाद
नोंदणीसाठी संपर्क-8830575891.
🌸🌸🌸🌸🌸🌸🌸🌸

23/09/2024

आज एका सरकारी शाळेचे निमंत्रण होते..विषय सेक्स एज्युकेशन आणि व्यसनमुक्ती..मी एकच विनंती केली होती की कार्यक्रम वेळेवर सुरू व्हावा..मी अगदी ८.४५ च्या ठोक्याला हजर...बघते तर शाळा अजून तशी सुस्तावलेलीच..नाही म्हणायला वरून कुठूनतरी मुलामुलींचा आवाज येत होता..नमस्कार चमत्कार झाले..म्हटले कंप्यूटर आहे का? प्रेजेंटेशन दाखवता येईल का?
तर तिथले शिक्षक हो म्हणाले..मग कंप्यूटर आणा,स्क्रीन आणा,कनेक्ट करा असे सुरू झाले..ही कॉर्ड नाही,पेन ड्राइव नाही असेही झाले..आणि मग एकदाची अर्ध्या तासानंतर स्क्रीन लागली..तिला इंटरनेट मिळेना..आपण द्यावे म्हटले तर तेही कनेक्ट होईना..बर ती स्क्रिन आता लटकून त्या रूमच्या दरवाज्यासमोर आली होती..त्यामुळे आत प्रवेशाचा मार्गच बंद झाला होता...त्यात एक मुलगी आत जायला लागली तर आतले शिक्षक,"ए पागल आहे का गं?" असे जोरात खेकसले.. त्यांचा तो रुद्रावतार पाहून मी आत जाऊ की नको असा विचार करत थांबले...शेवटी मुख्याध्यापिका आल्या आणि "आत येते हो सर,ओरडू नका बरे",असे म्हणून त्यानी तो पेच सोडवला..एकदाची आत एंट्री झाली...
थोड्या वेळाने त्या स्क्रीनखालून थोड्या खुर्च्या पण आल्या..माझ्या डोक्यात पु.लं.देशपांडे यायला लागले..ते जिवंत असते तर त्यांनी हा प्रसंग किती छान सांगितला असता असे राहून राहुन वाटायला लागले..तो कॉम्प्युटर वाला शिक्षक युद्धात रथाचे चाक रुतून बसलेल्या कर्णासारखा केविलवाणा दिसायला लागला होता..मी म्हटले,"अहो नाहीच झाले ना,तर मला एक खडू द्या आणि बोर्ड,नाहीतर पेन आणि कागद..बास झाले,"
पण कर्ण पेटला होता..ह्या रथाचे चाक मी काढणारच असा आवेश पाहून सगळेच मागे फिरले...आता मी,मुख्याध्यापिका,बाकी स्टाफ,जवळ जवळ ५० मुली असे सगळे कर्णाकडे आणि त्याच्या धडपडीकडे पाहत होतो..तिकडे ओपीडीची वेळ झालेली..माझा जीव वर खाली..आमचे पेशंट धीरबीर धरायच्या फंदात सहसा पडत नाहीत..शेवटी धीर एकवटून मी म्हटले,"तुमचे चालू देत मी माझा टॉक सुरू करते.."
थोड्या अनिच्छेनेच कर्णाने संमती दिली..
आणि हुश...गाडी फलाटावरून निघाली..
सेक्स एजुकेशन म्हणाले की सगळे घाबरतात..शिक्षक वृंद आपण काय करावे काय नाही या विवंचनेत..तर मुले बिचारे कसायाच्या हाती लागलेल्या कोकराप्रमाणे पहातात..त्याना कम्फर्टेबल करत,कुठेही तोल ना ढळू देता,एकही वाक्य चुकीचे जाणार नाही याची काळजी घेत विषय सहज सोप्या भाषेत पण कंटाळा येणार नाही असा सांगायचा..आता कर्णाचा रोल माझा होता..पाव सत्रात आधीच्या कर्णाने हार मानून,स्क्रीन ची गुंडाळी करून सॉरी म्हणत हार मान्य केली होती...
बोर्डवर माझे नाव लिहिलेले होते..आणि मी डस्टर घेऊन तेच खोडले..आणि सरळ खडू आणि फळा यासहित वर्ग सुरु झाला...पुढचे एक तास मी आणि त्या मुलीनी मिळून धमाल केली...मजा आली..
हळू हळू कोकराला कळले कसाई कसाई नाहीच मुळी..लेकरे बोलती झाली...पाळी,अभ्यास,वडिलांचे दारू पिणे,टेन्शन अशा वेगवेगळ्या विषयांवर चर्चा झाली..
शेवटी आयुष्य जगा,मजा करा पण कोणत्याही घाणेरड्या लोकांच्या नादी लागू नका,स्वतःला जपा असे सांगून संपवताना सांगितले की
अळीचं फुलपाखरू होते तेव्हा ते सुंदर दिसते..फक्त त्याला जाणीव नसते की ते सुंदर दिसतंय..ते मस्त मजेत बागडते..या फुलपाखराला मजेत बागडताना कोणाची काळी नजर आपल्यावर पडत नाहीये ना एवढी काळजी घायचे सांगण्याचे दुर्दैव माझ्यावर आलय,पण आम्ही त्या फुलपाखराला स्ट्राँग करुनच सोडू,काळजी घ्या," असा समारोप केला..
कर्ण जिंकला होता..सत्र मस्त झाले..चाक निघाले...
ऑन टू द नेक्स्ट थिंग...
Dr.Rachana Pole