24/10/2025
ଏହା ହେଉଛି ଗରିବଙ୍କ ସମ୍ମାନର ବୋଝ, ନିରାଶ୍ରୟଙ୍କ ଆଶ୍ରୟର ବିଛଣା ଓ ଅସହାୟଙ୍କ ଆଶାର ସଞ୍ଚାର... ❤️
ଭାବନ୍ତୁ ତ ଜଣେ ଅସହାୟ ନିରାଶ୍ରୟ ଲୋକ ଯାହା ପାଖରେ ରହିବାକୁ ଖଣ୍ଡିଏ ଘର ନଥିବ, ତାକୁ ଯଦି ଏମିତି ବ୍ୟାଗ୍ ମିଳିଯାଏ ଯାହାକୁ ଖୋଲିଦେଲେ ତାହା ଏକ ସୁରକ୍ଷିତ ଘର ସହ ବିଛଣାରେ ପରିବର୍ତ୍ତନ ହୋଇଯାଉଥିବ ତେବେ କେମିତି ଲାଗିବ??! 🥰
ଜର୍ମାନୀର ଏକ ନୂତନ ସଂସ୍ଥା ସହାନୁଭୂତି ଏବଂ ବୁଦ୍ଧିମତ୍ତାର ସମ୍ମିଶ୍ରଣରେ ଏକ ଅତ୍ୟାଧୁନିକ ବ୍ୟାକପ୍ୟାକ୍ ପ୍ରସ୍ତୁତ କରିଛି ଯାହାକି ସମ୍ପୂର୍ଣ୍ଣ ଇନସୁଲେଟେଡ୍ ବିଛଣାରେ ପରିଣତ ହୋଇପାରିବ ଏବଂ ଏଥିରେ ସୋଲାର୍ ପ୍ୟାନେଲ୍ ଲାଗିଛି।
ଏହା ଯାତାୟାତ ସମୟରେ ସହଜରେ ବୁହାଯାଇ ପାରୁଥିବା ଏକ ହାଲୁକା ଓ ସୁବିଧାଜନକ ବ୍ୟାକପ୍ୟାକ୍ ହୋଇ ରହେ। ଶୋଇବା ସମୟରେ ଏହା ଖୋଲିଯାଇ ଏକ ଉଷ୍ମ, ପାଗ ଅନୁକୂଳ ଶୋଇବା ସ୍ଥାନରେ ପରିଣତ ହୋଇଯାଏ, ଯାହା ଶୀତ, ବର୍ଷା ଏବଂ ପବନରୁ ରକ୍ଷା କରେ। ଏଥିରେ ଲାଗିଥିବା ସୋଲାର୍ ପ୍ୟାନେଲ୍ ଦ୍ଵାରା ଫୋନ୍ କିମ୍ବା ଲାଇଟ୍ ଚାର୍ଜ କରିହେବ। କିନ୍ତୁ ଏହି ବ୍ୟାକପ୍ୟାକ କେବଳ ସେହିମାନଙ୍କ ପାଇଁ ପ୍ରସ୍ତୁତ କରାଯାଇଛି ଯେଉଁମାନଙ୍କ ପାଖରେ ଘର ନଥିବ।
Recycled ସାମଗ୍ରୀରେ ଏହି ବ୍ୟାକପ୍ୟାକ ନିର୍ମିତ ହୋଇଛି। ଏହା କେବଳ ଏକ ଉପକରଣ ନୁହେଁ, ବରଂ ଏହା ସମ୍ମାନର ସହ ବଞ୍ଚିବା ସହିତ ଏକ ନୂତନ ଆଶାର ପ୍ରତୀକ। ଏଭଳି ଉଦ୍ଭାବନ ସେତେବେଳେ ସମ୍ଭବ ହୁଏ ଯେତେବେଳେ ମଣିଷ ଭିତରେ ମାନବିକତା ଓ ଦୟା ପ୍ରେମର ରୂପ ନିଏ... ନୁହେଁ?!
