Dr Shanu’s Homeopathy & SDC

01/07/2025

Happy doctors day. We are happy to announce the new up step in our clinic, collaborating with DrJafar Sadiq of Kanmani Fertility Clinic . Looking forward for your support.Thank you

14/02/2025

05/12/2024

29/09/2024

World Heart day 2024.

ഹൃദയത്തെ കുറിച്ചും അത് സംരക്ഷിക്കേണ്ടതിൻ്റെ പ്രധാന്യത്തെ കുറിച്ചും പൊതുജനങ്ങളെ ബോധവാൻമാരിക്കാനായി World heart Foundation 2000 ൽ വിഭാവന ചെയ്തതാണ് ലോക ഹൃദയദിനാചരണം.
ഹൃദയത്തിൻ്റെ ആരോഗ്യം നിലനിർത്താനും രോഗാവസ്ഥകളെ പ്രതിരോധിക്കാനുമുള്ള ബോധവത്കരണമാണ് ഇതിലൂടെ ലക്ഷ്യം വെക്കുന്നത്. ഹൃദ്രോഗ സാധ്യത പോലെ തന്നെ പ്രധാനപ്പെട്ട ഒന്നാണ് Stroke അഥവാ പക്ഷാഘാതം.

വിവിധതരം പ്രതിരോധ മാർഗ്ഗങ്ങളും അതിനായി പാലിക്കേണ്ട ജീവിത ശൈലിയും എല്ലാം ഈ ദിനത്തിൽ കൂടുതൽ ജനങ്ങളിലേക്കെത്തിക്കാൻ ഉദ്ദേശിക്കുന്നു.
ആരോഗ്യപരമായ പല നിർദ്ദേശങ്ങളും നൽകുന്നതിലൂടെ ഹൃദ്രോഗ സാധ്യതയും പക്ഷാഘാത സാധ്യതയും കുറച്ചു കൊണ്ടു വരാനാണ് ശ്രമിക്കുന്നത്.

എന്നാൽ 3 വർഷത്തിനിപ്പുറം ഇത്തരം രോഗാവസ്ഥകൾ വളരെയധികം വർദ്ധിച്ചിരിക്കുന്നു. കൃത്യമായി പറഞ്ഞാൽ കോവിഡും അതിൻ്റെ പ്രതിരോധ പ്രവർത്തനങ്ങളും കഴിഞ്ഞതിനു ശേഷം വിവിധ ഹൃദ്രോഗങ്ങളും പക്ഷാഘാതവും ബാധിച്ചു വരുന്ന രോഗികളുടെ എണ്ണം അഭൂത പൂർവമായി കൂടിയിരിക്കുന്നു.
പ്രധാനമായും മുൻകാലങ്ങളിൽ നിശ്ചിത പ്രായക്കാരിലാണ് ഇത്തരം രോഗാവസ്ഥകൾ കണ്ടു വന്നിരുന്നത്. എന്നാൽ അതിൽ നിന്നും വിഭിന്നമായി പ്രായഭേദമന്യേ സ്ത്രീ പുരുഷ വ്യത്യാസമില്ലാതെ ഈ രോഗാവസ്ഥകൾ പിടി മുറുക്കിയിരിക്കുന്നു.

പലപ്പോഴും അടിയന്തിര ചികിത്സ പോലും നൽകാൻ സാധിക്കാത്ത വിധം കാര്യങ്ങൾ ഗുരുതരമായിക്കൊണ്ടിരിക്കുന്നു. ഇന്ന് കാണുന്നത് വർദ്ധിച്ചു വരുന്ന കുഴഞ്ഞു വീണുമരണങ്ങളാണ്. കുഴഞ്ഞു വീണു മരണങ്ങൾക്ക് കാരണമാകുന്നത് 80 ശതമാനവും ഹൃദയസംബന്ധമായ അസുഖം മൂലമാണ്.
വിവിധ പ്രായത്തിലുള്ളവർ, 10 വയസ്സിനും 60 വയസ്സിനും ഇടയിലുള്ളവർ രോഗലക്ഷണങ്ങൾ ഒന്നും ഇല്ലാതെ സാധാരണ ജീവിത തിരക്കിനിടയിൽ പെട്ടെന്ന് കുഴഞ്ഞു വീണുമരിക്കുന്നു.

ശാരിരിക വ്യായാമം ഹൃദ്രോഗ സാധ്യത കുറക്കും എന്നു അവകാശപ്പെടുമ്പോഴും കൃത്യമായ വ്യായമവും ഭക്ഷണരീതികൾ ശ്രദ്ധിക്കുന്ന ആളുകളിലും ഇത്തരം മരണങ്ങൾ സർവ്വസാധാരണയായി .
എല്ലാ വിഭാഗം ആളുകളിലും ഇന്ന് വലിയ ഒരു പ്രശ്നമായി ആശങ്ക ഉയർത്തുന്ന ഒന്നാണ് ഈ കുഴഞ്ഞുവീഴൽ മരണങ്ങൾ.

ഇത്തരം സാഹചര്യങ്ങളെ മുൻകൂട്ടി മനസ്സിലാക്കാൻ കൂടുതൽ പരിശോധനകളും പഠനങ്ങളും ആവശ്യമാണ്. അതിനനുസരിച്ചുള്ള ചികിത്സാരീതികളും ജീവിത ശൈലീ മാറ്റങ്ങളും ഒരു പരിധി വരെ ആകസ്മികമായ ഇത്തരം സാഹചര്യങ്ങളെ ഒഴിവാക്കാൻ സാധിക്കും.

സാധാരണ ചെയ്യുന്ന രക്ത പരിശോധനയിൽ നിന്നും വിഭിന്നമായി പ്രധാന പ്പെട്ട ചില പരിശോധനകൾ ചെയ്യുന്നതിലൂടെ ഹൃദ്രോഗവും സ്ട്രോക്കും വരാൻ സാധ്യത ഉണ്ടോ എന്നത് മുൻകൂട്ടി മനസ്സിലാക്കാം.
ഹൃദയധമനികളിലും മറ്റും രക്തം കട്ടപിടിക്കാനുള്ള സാധ്യത മുൻകൂട്ടി അറിയാൻ ഇത്തരം ടെസ്റ്റുകളിലൂടെ ഒരു പരിധിവരെ സാധിക്കും. മുൻകാലങ്ങളിൽ ഹൃദ്‌രോഗങ്ങൾ ഉള്ള കുടുംബത്തിൽപ്പെട്ടവർ, ഹൃദ്‌രോഗ ലക്ഷണമുള്ളവർ എന്നിവരിലാണ് ഇത്തരം ടെസ്റ്റുകൾ നടത്തിയിരുന്നത്.
എന്നാൽ ഇന്ന് എല്ലാവരിലും ഈ ടെസ്റ്റ് ചെയ്യേണ്ടതായ ഒരു സ്ഥിതി വിശേഷമാണ് നിലവിലുള്ളത്.

Lipid profile, Uric Acid, LFT, Na, K, എന്നിവ സാധാരണ പരിശോധിക്കുന്നതാണ്.
മേൽ സൂചിപ്പിച്ച ടെസ്റ്റുകൾ എല്ലാം നോർമ്മൽ ആയാലും പെട്ടെന്നുള്ള ഹൃദ് രോഗ സാധ്യത നിലനിൽക്കുന്നു എന്നതാണ് മറ്റു ടെസ്റ്റുകൾ ചെയ്യണം എന്നതിൻ്റെ പ്രാധാന്യം.
HS-CRP, Lipoprotein A, Apolipoprotein B( ApoB-48, ApoB-100), Serum Insulin എന്നീ ബ്ലഡ് ടെസ്റ്റുകൾ
ഹൃദ്രോഗ സാധ്യതകളും സ്ട്രോക്ക് വരാനുള്ള സാധ്യതകളും മുൻകൂട്ടി മനസ്സിലാക്കാൻ സഹായിക്കുന്നു..

ഇന്നത്തെ സാഹചര്യത്തിൽ എല്ലാവരും ഈ ടെസ്റ്റുകൾ ചെയ്യാനും അസാധാരണമായ അളവ് ശ്രദ്ധയിൽപ്പെട്ടാൽ അത് നോർമ്മൽ ആവാൻ വേണ്ട മുൻകരുതലുകൾ എടുക്കുകയും വേണം.

ഹോമിയോപ്പതിയിൽ ഹൃദ് രോഗ സാധ്യതകളെ പ്രതിരോധിക്കാൻ കഴിയുന്ന ചികിത്സ ലഭ്യമാണ്. ഒരോ വ്യക്തിയുടെയും പ്രത്യേകതകൾ , പാരമ്പര്യ ഘടകങ്ങൾ, മുൻകാല രോഗാവസ്ഥകൾ എന്നിവയെ അടിസ്ഥാനമാക്കി ചികിത്സ നിശ്ചയിക്കാവുന്നതാണ്.

ഹൃദയ സംരക്ഷണത്തിനായി ഹോമിയോപ്പതി ഫലപ്രദമാണ്.
Arnica, crataegus , cardus, Beriberis Vulg, Adonis
Convalleria, Cactus, എന്നീ മരുന്നുകൾ പ്രതിരോധ ചികിത്സായി ഉപയോഗിക്കാവുന്നതാണ്. ഹൃദ്‌രോഗ സാധ്യത ഉള്ള അടിയന്തിര ഘട്ടങ്ങളിൽ Acon, Aonica , Ginko Biloba , Amyle Nit . എന്നീ മരുന്നുകളുടെ ഉപയോഗം രോഗ തീവ്രത കുറക്കാനും രോഗിക്ക് ആശ്വാസം നൽകാനും സഹായകമാണ്. രക്തം കട്ടപിടിക്കുന്നതും ബ്ളോക്ക് രൂപപ്പെടുന്നതും തടയാൻ ഈ മരുന്നുകൾ സഹായിക്കുന്നു.

ഹൃദ്രോഗ പ്രതിരോധ പ്രവർത്തനങ്ങളിൽ ഏറ്റവും പ്രധാനപ്പെട്ടത് കൃത്യമായ ഇടവേളകളിലെ രക്തപരിശോധനയും ചികിത്സയും ജീവിത ശൈലിയിലുള്ള ആരോഗ്യപരമായ സമീപനവുമാണ്. ഹൃദ്രോഗ സാധ്യത മുൻകൂട്ടി മനസ്സിലാക്കുന്നതിലൂടെ ആവശ്യമായ മുൻകരുതലുകളും ചികിത്സയും എടുക്കാം.
Courtesy
Dr. Ansar

15/09/2024

Happy Onam

13/08/2024

*_മുലയൂട്ടലും _ഭക്ഷണക്രമവും_*_

"കുഞ്ഞിന് പാല് കൊടുക്കുന്നതല്ലേ ഇരട്ടി ഭക്ഷണം കഴിക്കണം ." പലപ്പോഴും മുലയൂട്ടുന്ന അമ്മമാർ കേൾക്കുന്ന ഒരു പല്ലവിയാണിത്. മുലയൂട്ടുന്ന അമ്മയ്ക്ക് 600Kcal ഊർജമാണ് അധികം ലഭിക്കേണ്ടത്. ശരിക്കും ഇരട്ടി ഭക്ഷണം കഴിക്കേണ്ടതുണ്ടോ ?! കൂടുതൽ ഭക്ഷണം എന്നതിനേക്കാൾ പോഷക സമൃദ്ധമായ ഭക്ഷമാണ് കഴിക്കേണ്ടത്.
മുലപ്പാൽ വർദ്ധിപ്പിക്കാൻ സഹായിക്കുന്ന ഭക്ഷണങ്ങൾ ( _Galactogogues_ ) ഏവയെന്നു നോക്കാം :
**പഴങ്ങളും പച്ചക്കറികളും* - മുരിങ്ങയില, പച്ച ചീര, ബ്രൊക്കോളി തുടങ്ങിയ പച്ച ഇലക്കറികൾ ഇരുമ്പ്, കാൽസ്യം, ഫോളേറ്റ്, ബീറ്റാ കരോട്ടിൻ, റൈബോഫ്ലാവിൻ എന്നിവയാൽ സമ്പന്നം. മധുരക്കിഴങ്ങ്, ചേന, കാരറ്റ്, ബീറ്റ്‌റൂട്ട് എന്നിവയിലും ബീറ്റാ കരോട്ടിൻ ധാരാളം. ചുരയ്ക്ക, പാവയ്ക്ക, മുരിങ്ങയ്ക്ക പാൽ വർദ്ധിപ്പിക്കുന്നു. പഴങ്ങളിൽ അവക്കഡോയിൽ അടങ്ങിയിട്ടുള്ള ആരോഗ്യകരമായ കൊഴുപ്പുകൾ കുഞ്ഞിൻ്റെ മസ്തിഷ്ക വികാസത്തിന് നിർണായകമാണ്.
**ഓട്സ്* ( അര കപ്പ്) - നാരുകളുടെ നല്ല ഉറവിടം. അമ്മയുടെ പ്രമേഹ സാദ്ധ്യത കുറയ്ക്കുന്നു. പ്രഭാത ഭക്ഷണത്തിനോ ഇട നേരത്തിലോ ഒരു ബൗൾ കഴിക്കാം അല്ലെങ്കിൽ വൈകീട്ട് ഓട്സ് കുക്കികൾ കഴിക്കാം.
* *ശതാവരി* - മുലപ്പാൽ വർദ്ധിപ്പിക്കാൻ നിർബന്ധമായും കഴിക്കേണ്ട ഒന്ന്. നാരുകൾ, വിറ്റാമിൻ A, K എന്നിവയാൽ സമ്പന്നം. ശതാവരിയുടെ കിഴങ്ങ് അരിഞ്ഞു പാലിൽ ചേർത്ത് തിളപ്പിച്ച് അരിച്ച ശേഷം കുടിക്കുക. ഉണക്കി പൊടിച്ച് പാലിൽ ചേർത്തും കുടിക്കാം.
* *മുളപ്പിച്ച പയർ* - പ്രോട്ടീൻ, വിറ്റാമിനുകൾ എന്നിവയുടെ കലവറ. മലശോധന സുഗമമാക്കുന്നു. വെളുത്തുള്ളിയും , ചെറു നാരങ്ങാനീരും ചേർത്ത് മറ്റു പച്ചക്കറികളോടൊപ്പം സലാഡ് ആയി കഴിക്കാം.
* *തവിട് കളയാത്ത ധാന്യങ്ങൾ* : വെളുത്ത അരിക്ക് പകരം ബ്രൗൺ റൈസ് ഉപയോഗിക്കാം. തേങ്ങാപ്പാൽ ചേർത്ത കഞ്ഞി പാൽ ഉല്പാദനം കൂട്ടുന്നു.
* *നട്സ് , ഡ്രൈ ഫ്രൂട്ട്സ്* :
അണ്ടിപരിപ്പ് , ബദാം, വാൾനട്ട്, ഫ്ലാക്സ്സീഡ്, ഈന്തപ്പഴം, ഫിഗ്- നല്ല കൊഴുപ്പുകളും ആൻ്റി ഓ്സിഡൻ്റുകളും , ഒമേഗ 3 ഫാറ്റി ആസിഡുകളും, വിറ്റാമിനുകളും, ധാതുക്കളും മുലപ്പാൽ വർദ്ധിപ്പിക്കുന്നു.
* *ജീരകം, അയമോദകം* : മുലപ്പാൽ വർദ്ധിപ്പിക്കുക കൂടാതെ ദഹനം മെച്ചപ്പെടുത്തുന്നു. മലബന്ധം, അസിഡിറ്റി അകറ്റുന്നു.
**എള്ള്* : കാൽസ്യം, കോപ്പർ, ഒമേഗ 3 ഫാറ്റി ആസിഡ് എന്നിവ ധാരാളം. എള്ള് ഉണ്ടയാക്കി കഴിക്കാം, വറുത്ത് പൊടിച്ച് സലാഡുകളിലും കറികളിലും ചേർക്കാം.
* *ഉലുവ, പെരുംജീരകം* : തലേന്ന് വെള്ളത്തിൽ കുതിർത്ത് പിറ്റേന്ന് രാവിലെ ഈ വെള്ളം കുടിക്കാം. പച്ചക്കറികളിൽ ചേർത്ത് കഴിക്കാം .
* *മത്തി, അയല, ചെറിയ മത്സ്യങ്ങൾ* : ഒമേഗ 3 ഫാറ്റി ആസിഡ്, കാൽസ്യം.

*__എനിക്ക് മുലപ്പാൽ കുറവാണ്, ഞാൻ എന്ത് ചെയ്യണം?*_
_
കുഞ്ഞ് ആറോ ഏഴോ തവണ മൂത്രമൊഴിക്കുകയും തൂക്കം വർദ്ധിക്കുകയും ചെയ്യുന്നുണ്ട് എങ്കിൽ ആവശ്യത്തിന് മുലപ്പാൽ ഉണ്ട് എന്ന് മനസ്സിലാക്കേണ്ടതുണ്ട്. കുഞ്ഞ് പാൽ വലിച്ചു കുടിക്കുന്നതിനു ( sucking reflex) അനുസരിച്ചാണ് അമ്മയ്ക്കു പാൽ ഉണ്ടാകുന്നത്. കുഞ്ഞിന് കൂടുതൽ തവണ പാൽ കൊടുക്കുകയാണ് പാൽ ഉണ്ടാവാനുള്ള ഏറ്റവും നല്ല വഴി. 21/2 - 3 ലിറ്റർ വെള്ളമെങ്കിലും നിർബന്ധമായും കുടിക്കണം. മുലപ്പാലിൽ 80% വെള്ളമാണെന്ന് ഓർക്കുക. രണ്ട് നേരം പാൽ കുടിക്കുക. മുലയൂട്ടുന്നതിന് മുൻപും ശേഷവും അമ്മ വെള്ളമോ ദ്രവരൂപത്തിലുള്ള പദാർഥങ്ങളോ ( നാരങ്ങാ വെള്ളം, മോര്, സൂപ്പ്, ജ്യൂസ്) ആദ്യത്തെ ഒരു മാസം എങ്കിലും നിർബന്ധമായും കുടിക്കുക.
_പൊടിപ്പാലും പശുവിൻ പാലും മാറ്റിവെച്ച് സ്നേഹത്തോടെ മുലയൂട്ടാം, ആരോഗ്യമുള്ള കുഞ്ഞുങ്ങൾക്കായി.._
Courtesy

27/07/2024

The Magic of the Feminine Body 💞

27/07/2024

14/07/2024

13/07/2024