21/02/2026
ഒരല്പം 'വട്ട്' ഇല്ലാത്തവരായി ആരുണ്ട്?
വിചിത്രങ്ങളായ ചില കിറുക്കുകൾ !
ഒരു മനശ്ശാസ്ത്രജ്ഞൻ്റെ കണ്ണിലൂടെ നോക്കുമ്പോൾ ലോകം ഒരു വലിയ കോമഡി സർക്കസ് പോലെ ചിലപ്പോഴെങ്കിലും തോന്നാനിടയുണ്ട്. ഗൗരവകരമായ മാനസികരോഗങ്ങൾ ഒരുവശത്ത് കാണപ്പെടുമ്പോൾ, മറുവശത്ത് നമ്മെ ചിരിപ്പിക്കുകയും അതേസമയം "ഇതെന്തൊരു വട്ട്!" എന്ന് തോന്നിപ്പിക്കുകയും ചെയ്യുന്ന ചില 'കുസൃതി' വൈകൃതങ്ങളുണ്ട്. ഇതിനെ മനശ്ശാസ്ത്ര ഭാഷയിൽ 'തിരുപദ്രവങ്ങൾ' എന്ന് വിളിക്കാമോ എന്നറിയില്ല, എങ്കിലും ഇവരിൽ പലരും തങ്ങൾ ചെയ്യുന്നത് എന്താണെന്ന് പോലും അറിയാതെ വല്ലാത്തൊരു ലോകത്തായിരിക്കും.
അത്തരത്തിലുള്ള ചില രസകരമായ മനോവൈകൃതങ്ങളിലൂടെ നമുക്ക് ഒരു കൗതുകയാത്ര നടത്താം.
1. ഫോറിൻ ആക്സൻ്റ് സിൻഡ്രോം (Foreign Accent Syndrome)
തലേദിവസം വരെ പച്ചമലയാളം സംസാരിച്ചിരുന്ന ഒരാൾ, ഒരു ചെറിയ തലവേദനയോ വീഴ്ചയോ കഴിഞ്ഞ് എഴുന്നേൽക്കുമ്പോൾ പക്കാ അമേരിക്കൻ ഇംഗ്ലീഷിലോ അല്ലെങ്കിൽ ഫ്രഞ്ച് ചുവയുള്ള മലയാളത്തിലോ സംസാരിച്ചു തുടങ്ങിയാൽ എങ്ങനെയുണ്ടാകും? വീട്ടുകാർ വിചാരിക്കും ഇയാൾക്ക് 'ബാധ' കൂടിയതാണെന്ന്. എന്നാൽ സംഗതി തലച്ചോറിലെ സംസാരശേഷിയെ നിയന്ത്രിക്കുന്ന ഭാഗത്തുണ്ടാകുന്ന ചെറിയൊരു മാറ്റമാണ്. കേൾക്കുന്നവർക്ക് ഇതൊരു തമാശയാണെങ്കിലും, സംസാരിക്കുന്ന ആൾക്ക് സ്വന്തം നാവ് തന്റെ നിയന്ത്രണത്തിലല്ലാത്ത വല്ലാത്തൊരവസ്ഥയാണത്.
2. ബൂആൻത്രോപ്പി (Boanthropy) -
"ഞാനൊരു പശുവാണേ..."
ചിലർക്ക് പെട്ടെന്നൊരു തോന്നുണ്ടാകും—താൻ ഒരു മനുഷ്യനല്ല, മറിച്ച് ഒരു പശുവോ കാളയോ ആണെന്ന്! ഇവർ നേരെ പറമ്പിലിറങ്ങി പുല്ല് തിന്നാനും നാലുകാലിൽ നടക്കാനും തുടങ്ങും. പുരാതന കാലത്ത് ബാബിലോണിയൻ രാജാവായിരുന്ന നെബൂഖദ്നേസറിന് ഈ അസുഖം ഉണ്ടായിരുന്നതായി പറയപ്പെടുന്നു. ചുറ്റുമുള്ളവർ ബിരിയാണി കഴിക്കുമ്പോൾ ഇവരെ പറമ്പിലെ പച്ചപ്പുല്ല് നോക്കി നാവിൽ വെള്ള മൂറുന്ന അവസ്ഥയിൽ കാണുന്നത് അല്പം വിചിത്രമായ കാഴ്ച തന്നെയല്ലേ?
3. ഡോർമൻ്റ് ജിനി സിൻഡ്രോം (Dormant Genie Syndrome )
ഇതൊരു ഔദ്യോഗിക മെഡിക്കൽ ടേം അല്ലെങ്കിലും, പലരിലും കണ്ടുവരുന്ന ഒരു സ്വഭാവമാണിത്. ഒന്നിനും ഒരു വൃത്തിയില്ലാത്തവർ, പെട്ടെന്നൊരു ദിവസം വീട് മുഴുവൻ അടിച്ചുവാരി തുടച്ച് വൃത്തിയാക്കാൻ തുടങ്ങും. രാത്രി പന്ത്രണ്ട് മണിക്ക് എഴുന്നേറ്റ് അടുക്കള കഴുകുന്നവരെയൊക്കെ കണ്ടിട്ടില്ലേ? ഒരുതരം 'ക്ലീനിംഗ് വൈകൃതം'. തടയാൻ ചെന്നാൽ അവർക്ക് ദേഷ്യം വരും. തുടക്കത്തിലെ ആവേശമൊന്നടങ്ങിയാൽ ഇവർ പഴയതുപോലെ കസേരയിലോ സോഫയിലോ റിലാക്സ്ഡ് ആയി ഇരിപ്പുറപ്പിക്കുകയും ചെയ്യും.
4. മഞ്ചൗസെൻ സിൻഡ്രോം (Munchausen Syndrome)
ഇതൊരു വല്ലാത്ത പരിപാടിയാണ്. അസുഖമൊന്നുമില്ലെങ്കിലും തനിക്ക് കഠിനമായ അസുഖമാണെന്ന് വരുത്തിത്തീർക്കാൻ ഇവർ കാട്ടിക്കൂട്ടുന്ന സർക്കസുകൾ കണ്ടാൽ ചിരി വരും. ഡോക്ടറെ കാണാൻ വേണ്ടി മാത്രം ഇവർ ലക്ഷണങ്ങൾ അഭിനയിച്ചുണ്ടാക്കും. ചിലർ തെർമോമീറ്റർ ചൂടുവെള്ളത്തിൽ മുക്കി പനിയാണെന്ന് പറയും, മറ്റുചിലർ മുറിവുകൾ ഉണ്ടാക്കി ചോര വരുത്തും. മറ്റുള്ളവരുടെ ശ്രദ്ധ പിടിച്ചുപറ്റാനുള്ള ഈ 'അറ്റൻഷൻ സീക്കിംഗ്' പരിപാടി പലപ്പോഴും ഡോക്ടർമാരെ ആശയക്കുഴപ്പത്തിലാക്കാറുണ്ട്.
5. ഗാൻസർ സിൻഡ്രോം (Ganser Syndrome) - 'ഏകദേശ' ഉത്തരങ്ങൾ
പ്രതിക്ഷിക്കാവുന്ന ചോദ്യങ്ങൾക്ക് മനഃപൂർവ്വം തെറ്റായ, എന്നാൽ സത്യത്തിനടുത്തുള്ള ഉത്തരങ്ങൾ പറയുന്ന ചിലരുടെ സ്വഭാവമാണിത്. ഉദാഹരണത്തിന്, "ഒരു പശുവിന് എത്ര കാലുണ്ട്?" എന്ന് ചോദിച്ചാൽ ഇവർ "അഞ്ച്" അല്ലെങ്കിൽ "മൂന്ന്" എന്ന് പറയും. "രണ്ടും രണ്ടും എത്ര?" എന്ന് ചോദിച്ചാൽ "അഞ്ച്" എന്ന് പറയും. ഇവർക്ക് ഉത്തരം അറിയാഞ്ഞിട്ടല്ല, മറിച്ച് തലച്ചോറ് നൽകുന്ന ഒരു വിചിത്രമായ പ്രതികരണമാണിത്. 'കണ്ടാൽ അറിയാം, പക്ഷെ പറയില്ല' എന്ന മട്ടിലുള്ള ഒരു തരം കളി
മനുഷ്യ മനസ്സ് ഒരു വിചിത്ര ലോകമാണ്. അവിടെ യുക്തിയേക്കാൾ കൂടുതൽ അയുക്തികൾക്കാണ് ചിലപ്പോൾ സ്ഥാനം. മേൽപ്പറഞ്ഞവയെല്ലാം ചികിത്സ ആവശ്യമുള്ള അവസ്ഥകളാണെങ്കിലും, ഒരു പുറംലോക നിരീക്ഷകന് ഇവയെല്ലാം പലപ്പോഴും കൗതുകകരമായ കഥകൾ പോലെ തോന്നും.
നിങ്ങളുടെ കൂട്ടത്തിലോ കുടുംബത്തിലോ ഇങ്ങനെയുള്ള 'കിറുക്കുകൾ' ഉള്ള ആരെങ്കിലും ഉണ്ടോ? അവരെ കളിയാക്കുന്നതിന് പകരം, അവരുടെ ആ കൊച്ചു ലോകത്തെ ഒന്ന് നിരീക്ഷിച്ചു നോക്കൂ,
ചിരിയും കരച്ചിലും ഒരുപോല വരും!
P.K.A. Rasheed,
Consultant Psychologist,
shareNcure Counselling Centre
Mukkam, Kozhikode.
Ph: 7907488461, 9400413594
SERVICES OFFERED
· Family Counselling
· Individual Counselling
· Couples Counselling
· Counselling for Breakup, Relationship issues etc.
· Child and Adolescent Counselling
· Counselling for Students.
· Stress Management Counselling
· Counselling for Psychiatric Patients
· Motivational Counselling
· Counselling for Women’s Issues
