26/02/2026
Agrinext - Agriculture - Startups കൃഷിയുമായ് ബന്ധമുള്ളവർ മാത്രം വായിക്കുക അല്ലെങ്കിൽ ഒന്നും മനസ്സിലാവില്ല
കഴിഞ്ഞ ദിവസം കളമശ്ശേരി മേക്കർ വില്ലേജിൽ സ്റ്റാർട്ടപ്പ്മിഷനും KERA യും ചേർന്ന് സംഘടിപ്പിച്ച കർഷകരുടേയും കാർഷിക സംരംഭകരുടേയും ഒരു ഒത്തുചേരൽ ആയിരുന്നു അഗ്രിനെക്സ്റ്റ്.കൃഷിയുമായ് ബന്ധപ്പെട്ട സ്റ്റാർട്ടപ്പുകളെ കർഷകരുമായ് ബന്ധിപ്പിക്കുക അതുവഴി കൃഷിയേയും കർഷകരേയും മെച്ചപ്പെടുത്തുക എന്നതായിരുന്നു പ്രധാന ലക്ഷ്യം ,അത് സംഭവിച്ചോ? അത് സംഭവിക്കുമോ ?
സംഭവിച്ചേക്കാം ,സംഭവിക്കണം പക്ഷേ കർഷകർക്കു വേണ്ടത് എന്താണ് എന്ന് മനസ്സിലാക്കി ഉണ്ടാക്കപ്പെടുന്ന സ്റ്റാർട്ടപ്പുകൾ അല്ലെങ്കിൽ ബിസിനസ്സുകൾ മാത്രമേ കർഷകർ ഏറ്റെടുക്കു. നിലവിൽ ഉണ്ടായിക്കൊണ്ടിരിക്കുന്ന സ്റ്റാർട്ടപ്പുകൾ എല്ലാം തന്നെ മണ്ണിലെ NPK, ഈർപ്പം, EC എത്രയാണെന്ന് കണ്ടെത്തുന്ന ഡിവൈസുകൾ അല്ലെങ്കിൽ അന്തരീക്ഷത്തിലെ ഈർപ്പം, കാലാവസ്ഥ അടിസ്ഥാനത്തിൽ നാളെ എന്ത് രോഗം വരും കീടം വരും എന്ന് ഇന്ന് അറിയിപ്പു തരുന്ന എന്തെങ്കിലും ആപ്ലിക്കേഷൻ കേന്ദ്രീകരിച്ച് വർക്ക് ചെയ്യുന്നവയാണ് ഇത് രണ്ടും കഴിഞ്ഞ 10 കൊല്ലവായ് ഇവിടെയുള്ളവ തന്നെയാണ് ഇതറിയാത്ത ആളുകൾ ഇതൊരു പുതിയ സംഭവമാണെന്ന രീതിയിൽ അവതരിപ്പിക്കുകയും ഇതിനെപ്പറ്റി കേട്ടിട്ടില്ലാത്ത കൃഷിവകുപ്പ് ഉദ്ധ്യോഗസ്ഥരും സ്റ്റാർട്ടപ്പ്മിഷൻകാരും അവരെ പ്രോത്സാഹിപ്പിക്കുകയും ചെയ്ത് സ്റ്റാർട്ടപ്പുകാരെ ഒരു വഴിക്കാക്കും കാരണം കൃഷിയെ മനസ്സിലാക്കിയ ശരാശരി കർഷകന് ഇതൊക്കെ അറിയാം ഇല്ലെങ്കിൽ അവന് അതുമായ് ബന്ധപ്പെട്ട എന്തെങ്കിലും ആധുനിക സാങ്കേതിക വിദ്യ അറിയുകയും ചെയ്യും .2017 മുതൽ ഞങ്ങൾ ഉപയോഗിക്കുന്ന ഒരാപ്ലിക്കേഷനാണ് പ്ലാൻ്റിക്സ് കൃഷി അറിയാത്ത ഒരു കർഷകന് പോലും ഈ ആപ്ലിക്കേഷൻ ഉപയോഗിച്ച് കൃഷി ചെയ്യാം .ഒര് ചെടിയുടെ ഇലയുടെ ഫോട്ടോ അപ്ലോഡ് ചെയ്താൽ ആ ചെടിക്ക് എന്തൊെക്കെ മൂലകങ്ങളുടെ കുറവുണ്ടെന്നും, ഏത് കീടത്തിൻ്റെ ആക്രമണമാണെന്നും, എത് രോഗലെക്ഷണമാണെന്നും കൃത്യമായി പറഞ്ഞു തരും കൂടാതെ നമ്മുടെ സ്ഥലത്ത് അടുത്ത ദിവസങ്ങളിൽ വരാൻ പോകുന്ന കാലാവസ്ഥ അതിനാൽ വരാൻ പോകുന്ന കീട രോഗബാധകൾ നമ്മളെ മുൻകൂട്ടി ഓർമ്മപ്പെടുത്തും ഇതിനേക്കാൾ മികച്ച ഒരു കർഷക സഹായ സ്റ്റാർട്ടപ്പിനെ, ആപ്ലിക്കേഷനെ വേറെ കണ്ടിട്ടില്ല ,കൃഷിയുമായ് ബന്ധമില്ലാത്ത പുതിയ സംരംഭകരെല്ലാം ഇതിൽ തന്നെ കിടന്ന് കറങ്ങുകയാണ് .
കേരളത്തിലെ കർഷകരുടെ ശക്തിയറിയാൻ മറ്റൊന്നും ചെയ്യണ്ട ഒരു ന്യായവില പ്രഖ്യാപിച്ചുകൊണ്ട് കർഷകൻ ഉത്പാദിപ്പിക്കുന്ന മുഴുവൻ സാധനങ്ങളും ഗവൺമെൻ്റോ സംരംഭകരോ സംഭരിക്കും എന്ന ഒരു ഉറപ്പ് കൊടുത്താൽ മാത്രം മതി കേരളം ഭക്ഷ്യ സമൃത്ഥമാവും .സംഭരിക്കുന്ന സാധനങ്ങളിൽ നിന്നും മൂല്യവർദ്ധിത ഉത്പന്നങ്ങൾ ഉണ്ടാക്കി വിൽക്കുകയോ അങ്ങനെ ചെയ്യാൻ താൽപ്പര്യമുള്ളവർക്ക് സഹായം നൽകിസംരംഭകരാക്കുകയോ ചെയ്യാമ് .ഇതൊന്നും ചെയ്യാതെ കർഷകരേയും കാർഷിക സംരംഭകരും തമ്മിലുള്ള വിടവു നികത്താൻ കോടികൾ മുടക്കിയിട്ടു കാര്യമില്ല.
ക്ഷുദ്രജീവികളെ തുരത്തുന്ന യന്ത്രങ്ങൾ ഡി വൈസുകൾ വികസിപ്പിക്കുക. തേങ്ങ, ചക്ക, മാങ്ങ തുടങ്ങിയവ വിളവെടുക്കുന്ന യന്ത്രങ്ങൾ രൂപകൽപ്പന ചെയ്യുക തുടങ്ങിയ സംരംഭങ്ങളെ പ്രോത്സാഹിപ്പിക്കുക
