27/07/2024
ஒருவர் காதல் வயப்பட வேண்டும் என்றால் ஒருவர் மீது காதல் கவர்ச்சியை ஏற்படுத்துகின்ற சுக்கிரனும் மனதை இயக்குகின்ற சந்திரனும் மிக முக்கியமான காரணிகளாக அமையும். இது தான் சாதாரண ஜோதிட அடிப்படை. இந்த இரண்டு கிரகங்களே ஒருவர் மீது காதல் ஏற்பட காரணமாக இருக்கிறது. ஆனால் அந்த காதல் சுகமானதாகவும் வலுவானதாகவும் இருக்க வேண்டும் என்றால் அவரின் ஜாதகத்தில் செவ்வாய் என்ன நிலையில் இருக்கிறது என்பதை தெரிந்து கொள்வது அவசியம். செவ்வாய் வீரத்திற்கு உரிய கிரகம். அதே சமயம் காதலிலும் செக்ஸ் உறவிலும் அதிக சுகத்தை ஏற்படுத்துவதில் மிக முக்கிய பங்கு செவ்வாய்க்கு உண்டு. ஆண் பெண் இருவர் உடலிலும் காதல் வேகத்தை ஏற்படுத்தும் கிரகம் செவ்வாய். ஆண்களின் ஆண்மைக்கு காரணமான டெஸ்டோடிரான் ஹார்மோனுக்கும் பெண்களின் பெண்மைக்கு காரணமான ஈஸ்ட்ரோஜன் ஹார்மோனுக்கும் காரணமான கிரகம் செவ்வாய். இதனால் தாம்பத்ய உறவில் வீரியத்தையும் வேகத்தையும் தரும் கிரகம்.
சமீப காலத்தில் காதல் என்ற ஒற்றைவார்த்தை மாறிப்போய் LUST...CRUSH...BESTY என்று பல வார்த்தைகள் சொல்லப்படுகின்றன. ஆனால் அடிப்படை ஒன்றுதான். அன்போடு காமம் கலக்கும் போது அது காதலாக மாறுகிறது. காமக் கலந்த அன்பு தம்பத்யத்தின் துவக்கமாக இருக்கும்.
பெண்களின் செக்ஸ் ஆசைகள் மற்றும் தேவைகளை பொருத்தவரை அவர்களின் ஜென்ம ஜாதகத்தில் செவ்வாவாயின் நிலை பணிரெண்டாம் பாவமான தாம்பத்ய ஸ்தானம் , நட்சத்திர யோணியின் தன்மை மற்றும் நால்வகை பெண்களில் அவள் எந்த இனத்தை சார்ந்தவள் என்ற நான்கு காரணிகளை கொண்டு அறிந்துகொள்ளலாம்.
