17/11/2025
॥श्रीमहामृत्युंजय स्तोत्रम्॥
ॐ अस्य श्रीमहामृत्युंजयस्तोत्रस्यश्रीमार्कण्डेय ऋषिः।
अनुष्टुप् छन्दः। श्री मृत्युंजयो देवता। गौरी शक्तिः।
मम आयुष्य-आरोग्य-ऐश्वर्य-सिद्ध्यर्थं जपे विनियोगः॥
स्तोत्रम्
ॐ रुद्रं पशुपतिं स्थाणुं नीलकण्ठं उमापतिम्,
नमामि शिरसा देवं किं नो मृत्यु: करिष्यति॥ १॥
त्र्यक्षं चतुर्भुजं शान्तं जटामुकुटधारणम्,
नमामि शिरसा देवं किं नो मृत्यु: करिष्यति॥ २॥
भस्मोद्धूलितसर्वाङ्गं नागाभरणभूषितम्,
नमामि शिरसा देवं किं नो मृत्यु: करिष्यति॥ ३॥
नीलकण्ठं विरूपाक्षं निर्मलं निरुपद्रवम्,
नमामि शिरसा देवं किं नो मृत्यु: करिष्यति॥ ४॥
वामदेवं महादेवं लोकनाथं जगद्गुरुम्,
नमामि शिरसा देवं किं नो मृत्यु: करिष्यति॥ ५॥
देवदेवं जगन्नाथं देवेशं वृषभध्वजम्,
नमामि शिरसा देवं किं नो मृत्यु: करिष्यति॥ ६॥
अनन्तमव्ययं शान्तमक्षमालाधरं हरम्,
नमामि शिरसा देवं किं नो मृत्यु: करिष्यति॥ ७॥
आनन्दं परमं नित्यं कैवल्यपदकारणम्,
नमामि शिरसा देवं किं नो मृत्यु: करिष्यति॥ ८॥
स्वर्गापवर्गदातारं सृष्टिस्थित्यन्तकारिणम्,
नमामि शिरसा देवं किं नो मृत्यु: करिष्यति॥ ९॥
प्रलयस्थितिकर्तारमादिकर्तारमीश्वरम्,
नमामि शिरसा देवं किं नो मृत्यु: करिष्यति॥ १०॥
उत्पत्तिस्थितिसंहारकर्तारमीश्वरं गुरुम्,
नमामि शिरसा देवं किं नो मृत्यु: करिष्यति॥ ११॥
शिवेशानं महादेवं वामदेवं सदाशिवम्,
नमामि शिरसा देवं किं नो मृत्यु: करिष्यति॥ १२॥
॥ इति श्रीमार्कण्डेयकृतं श्रीमहामृत्युंजयस्तोत्रं ॥
