http://www.youtube.com/@happykidz5946

Happy Kidz Health & Wellness, Jasola, Pocket 1, Delhi (2026)

30/12/2025

အသက် ၁ နှစ်အောက် ကလေးငယ်လေးတွေကို မကျွေးသင့်တဲ့ အစားအစာများ‼️

&Wellness

29/12/2025

ကလေးတစ်ယောက် ကျန်းကျန်းမာမာနဲ့ ကြီးပြင်းလာစေဖို့ လုပ်ဆောင်ပေးသင့်တဲ့ အချက် ၅ ချက်

✅✅✅✅✅✅✅✅✅✅✅✅✅✅

ကလေးတစ်ယောက်ကို ကျန်းကျန်းမာမာနဲ့ ကြီးပြင်းလာစေချင်တာက မိဘတိုင်းရဲ့ စေတနာပါပဲ။ ဒီတော့ ကလေးတစ်ယောက်ရဲ့ ကျန်းမာရေးကို ဘယ်လိုအခြေခံအချက်တွေနဲ့ ထိန်းသိမ်းမလဲဆိုတာ ပြောပြချင်ပါတယ်။ ဒါတွေဟာ ရှုပ်ထွေးတဲ့ဆေးပညာတွေမဟုတ်ဘဲ နေ့စဉ်ဘဝမှာ အာရုံစိုက်သင့်တဲ့ အချက်လေးတွေပါ။

☑️ပထမဆုံး အာဟာရပြည့်ဝဖို့ပါပဲ။�ကလေးရဲ့ ခန္ဓာကိုယ်နဲ့ ဦးနှောက်ဖွံ့ဖြိုးမှုအတွက် အာဟာရဟာ လောင်စာလိုပါပဲ။ အသက်အရွယ်အလိုက် မိခင်နို့ရည်ကနေ စတင်ပြီး၊ ဖြည့်စွက်စာတွေ၊ ပြီးရင် အုပ်စုလိုက်စုံလင်တဲ့ အစားအစာတွေဆီကို တဖြည်းဖြည်းပြောင်းပေးရပါမယ်။ သစ်သီးဝလံတွေ၊ ဟင်းသီးဟင်းရွက်တွေ၊ ပရိုတင်းတွေ၊ ကာဗိုဟိုက်ဒရိတ်တွေကို မျှတအောင် ကျွေးမွေးဖို့လိုပါတယ်။ ကလေးတွေရဲ့ ဗိုက်က သေးတာမို့ အကြိမ်ရေခွဲပြီး နည်းနည်းချင်းစီကျွေးတာ ပိုကောင်းပါတယ်။

☑️ဒုတိယအချက်အနေနဲ့ ကောင်းမွန်တဲ့အိပ်စက်မှုပုံစံပါ။�ကလေးတွေဟာ အိပ်နေချိန်မှာ ကြီးထွားပါတယ်။ သူတို့ရဲ့ ဦးနှောက်က အိပ်နေစဉ်မှာ နေ့တစ်နေ့က သင်ယူခဲ့တဲ့အရာတွေကို စုစည်းပါတယ်။ အသက်အရွယ်အလိုက် လိုအပ်တဲ့ အိပ်ချိန်ကို သေချာပေးဖို့ အရမ်းအရေးကြီးပါတယ်။ ညဘက်မှာ မှောင်ပြီးတိတ်ဆိတ်တဲ့ ပတ်ဝန်းကျင်လေးဖန်တီးပေးတာ၊ အိပ်ချိန်မှန်အောင် ထိန်းတာတွေက ကလေးကို အိပ်ပျော်စေဖို့ အထောက်အကူပြုပါတယ်။

☑️တတိယအချက်အနေနဲ့ ကာကွယ်ဆေးအပြည့်အဝထိုးပေးဖို့ပါ။�ဒါကတော့ အရေးကြီးဆုံးအချက်တစ်ခုလို့ ပြောချင်ပါတယ်။ ကာကွယ်ဆေးတွေဟာ ကြောက်စရာကောင်းတဲ့ ရောဂါတွေကနေ ကလေးကို အကာအကွယ်ပေးပါတယ်။ နိုင်ငံအလိုက် အတည်ပြုထားတဲ့ အခမဲ့ကာကွယ်ဆေးစာရင်းကို ကလေးရဲ့အသက်အလိုက် မှန်မှန်ထိုးပေးသွားဖို့က မိဘတွေရဲ့တာဝန်ပါပဲ။ ဆေးထိုးပြီးရင် ဖျားတာ၊ နီရဲတာလေးတွေ ဖြစ်တတ်ပေမယ့် ဒါတွေက ပုံမှန်တုံ့ပြန်မှုတွေသာဖြစ်ပြီး ရက်အနည်းငယ်အတွင်း ပျောက်သွားတတ်ပါတယ်။

☑️စတုတ္ထအချက်အနေနဲ့ စိတ်ချမ်းသာမှုနဲ့ လုံခြုံမှုကိုပေးပါ။�ကလေးတစ်ယောက် ကျန်းမာဖို့ဆိုတာ ခန္ဓာကိုယ်တစ်ခုတည်း ကျန်းမာရေးတင် မကပါဘူး။ စိတ်ပိုင်းဆိုင်ရာ ကျန်းမာဖို့လည်း အရေးကြီးပါတယ်။ ကလေးကို ချစ်ခြင်းမေတ္တာပြသပါ။ သူတို့ပြောသမျှကို နားထောင်ပေးပါ။ အားပေးအားမြှောက်ပြုပါ။ မိသားစုအတွင်း လုံခြုံတဲ့၊ တည်ငြိမ်တဲ့ ပတ်ဝန်းကျင်ကို ဖန်တီးပေးနိုင်ရင် ကလေးရဲ့စိတ်ကျန်းမာရေးအတွက် အကောင်းဆုံးအာဟာရပါပဲ။

☑️နောက်ဆုံးအနေနဲ့ ဆရာဝန်နဲ့ ပုံမှန်ပြသပါ။�ကလေးကို နေမကောင်းမှပဲ ဆေးခန်းခေါ်သွားတာမျိုးထက်၊ ပုံမှန်ကျန်းမာရေးစစ်ဆေးမှုတွေ (Well-child visit) အတွက် ခေါ်သွားတာက ပိုကောင်းပါတယ်။ ဒီအချိန်မှာ ကလေးရဲ့ကြီးထွားမှုကို တိုင်းတာမယ်၊ ဖွံ့ဖြိုးမှုကို စစ်ဆေးမယ်၊ မိဘတွေရဲ့မေးခွန်းတွေကို ဖြေပေးမယ်၊ နောက်ထပ် ဘာတွေဂရုစိုက်ရမလဲဆိုတာ ညွှန်ကြားပေးနိုင်ပါတယ်။

ကလေးကျန်းမာရေးဆိုတာ ကြီးကြီးမားမား ပညာတစ်ခုလို့ မြင်နေရင်တော့ ရှုပ်ထွေးနေမှာပါ။ ဒါပေမယ့် ဒီအခြေခံအချက်လေးတွေကို မှတ်ထားပြီး နေ့စဉ်ဘဝမှာ ဂရုတစိုက်နဲ့ လုပ်ဆောင်သွားမယ်ဆိုရင် ကလေးတွေဟာ ကျန်းမာပျော်ရွှင်တဲ့ကလေးတစ်ယောက်အဖြစ် ကြီးပြင်းလာမှာ သေချာပါတယ်။

Ref: AAP, WHO, CDC, MOHS (Myanmar)

Dr. Lwin

🌻🌻🌻🌻🌻🌻🌻🌻🌻🌻🌻🌻🌻🌻

(တခြား ကလေးမိဘများအတွက်လည်း ဗဟုသုတ တိုးပွားအောင် share ပေးခြင်းဖြင့် ကူညီနိုင်ပါတယ်။ တဆင့် ပြန်လည် ကူးယူရေးသားခြင်း ခွင့်မပြုပါဘူး။)

&Wellness

28/12/2025

ဘီစီဂျီ BCG ကာကွယ်ဆေးထိုးပြီး အနာ မြန်မြန်ကျက်အောင် ဘာလုပ်ရမလဲ❓အမာရွတ် မကျန်ရင်ကော ဆေးထပ်ထိုးဖို့ လိုလား❓

&Wellness

27/12/2025

ကလေးပါးစပ်ထဲမှာ (Oral thrush) အဖြူဖတ် မှက်ခရုတွေ ပေါက်နေရင် ဘာလုပ်ရမလဲ?

👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️

👉ကလေးလေးရဲ့ ပါးစပ်ထဲမှာ နို့ဖတ်တွေလို ကပ်နေတဲ့ အဖြူကွက်တွေ တွေ့တဲ့အခါ သန့်ရှင်းရေးလုပ်ပေမယ့် မပျောက်ဘူးဆိုရင် စိတ်ပူမိတတ်ကြပါတယ်။ ဒါဟာ Oral Thrush လို့ခေါ်တဲ့ ပါးစပ်ထဲက မှက်ခရုပေါက်တာဖြစ်နိုင်ပါတယ်။ ကြောက်စရာမကောင်းပေမယ့် ဂရုစိုက်ကုသဖို့တော့ လိုပါတယ်။ မကုသဘဲထားရင် ကလေးက နို့မစို့နိုင်တော့တာလို ပြဿနာတွေ ဖြစ်လာနိုင်ပါတယ်”

👉မှက်ခရုက ဘာကြောင့်ပေါက်ရတာလဲ?
ဒါက Candida albicans လို့ခေါ်တဲ့ မှိုပိုးတစ်မျိုးကြောင့် ဖြစ်ပါတယ်။ ဒီမှိုပိုးက ခန္ဓာကိုယ်ထဲမှာ ပုံမှန် နေနေကျပါပဲ။ ဒါပေမယ့် ကလေးရဲ့ ခုခံအားစနစ်က ပြည့်ဝမှုမရှိသေးတဲ့အခါ သို့မဟုတ် ပိုးသတ်ဆေး (Antibiotics) သောက်နေရတဲ့အခါမျိုးမှာ ပေါက်ဖွားလာတတ်ပါတယ်။ မွေးကင်းစကလေးတွေမှာ ပိုအဖြစ်များပါတယ်။

👉ဘယ်လိုလက္ခဏာတွေပြတတ်လဲ?
-လျှာ၊ ပါးစောင်တွေ၊ သွားဖုံးတွေမှာ နို့ဖတ်လိုမျိုး အဖြူကွက်တွေ၊ အစင်းတွေပေါ်နေတတ်ပါတယ်။
-သန့်ရှင်းရေးလုပ်ရင် ပျောက်မသွားဘဲ အနာဖြစ်ပြီး အနည်းငယ်သွေးယိုတာမျိုး ရှိတတ်ပါတယ်။
-ကလေးက နို့စို့တာ စားသောက်တာ သက်သောင့်သက်သာမရှိဘဲ ငိုတာ ဂျီကျတာမျိုးဖြစ်နိုင်ပါတယ်။
-ပါးစပ်ထဲ မှက်ခရုရှိတဲ့ ကလေးတွေမှာ မှိုပိုးကြောင့် diaper rash ဒိုင်ယာဘာ လောင်တာပါ ဖြစ်တတ်ပါတယ်။

👉ဘယ်လိုကုသရမလဲ?
အဓိကက ဆရာဝန်ညွှန်ကြားချက်နဲ့အညီ မှိုပိုးသတ်ဆေး (Antifungal medicine) ကိုသုံးရပါတယ်။
-ပါးစပ်ထဲလိမ်းဖို့ ဂျယ်လ်သို့မဟုတ် ဆေးရည်ကို လိမ်းရတတ်ပါတယ်။ ဆေးကို သန့်ရှင်းတဲ့လက်ချောင်းနဲ့ သို့မဟုတ် ပတ်တီးစသန့်သန့်ပတ်ထားတဲ့ လက်ချောင်းနဲ့ ယူပြီး အဖြူဖတ်ရှိနေတဲ့နေရာတွေမှာ ညင်သာစွာ လိမ်းပေးရပါတယ်။
-ဆေးကို ဆရာဝန်ညွှန်ကြားတဲ့အတိုင်း ရက်ပြည့်အောင်သုံးဖို့ အရေးကြီးပါတယ်။
-နို့ဗူးစို့တဲ့ကလေးဆိုရင် နို့သီးခေါင်းတွေကို ရေနွေးဆူဆူနဲ့ ပိုးသတ်ပြီး သန့်ရှင်းရပါမယ်။
-မိခင်က ကလေးကို နို့တိုက်နေရင် မိခင်ရဲ့နို့သီးခေါင်းမှာပါ ယားယံတာ၊ နာတာ၊ အဖြူကွက်တွေ ပေါက်နိုင်တာမို့ ဆရာဝန်နဲ့ပြသဖို့လိုပါတယ်။

👉အိမ်မှာ ဂရုစိုက်နည်းလေးတွေက
-ကလေးရဲ့ပါးစပ်ကို သန့်ရှင်းအောင်ထားပေးပါ။ သန့်ရှင်းပြီး ရေဆွတ်ထားတဲ့ အဝတ်နုနုလေးနဲ့ ညင်ညင်သာသာ သုတ်ပေးနိုင်ပါတယ်။
-အဖြူဖတ်တွေကို အတင်းမခြစ်ပါနဲ့၊ နာပြီး သွေးယိုနိုင်ပါတယ်။
-ကလေးရဲ့လက်တွေ၊ ကစားစရာတွေကို မကြာခဏသန့်ရှင်းပေးပါ။
-ကလေးကို ရေဓာတ်ပြည့်ဝအောင် နို့အပြည့်အဝတိုက်ပေးပါ။

👉ဘယ်အချိန် ဆရာဝန်ပြသင့်လဲ?
ကလေးပါးစပ်ထဲက အဖြူကွက်တွေကို သတိထားမိပြီး မပျောက်ဘူးဆိုရင်၊ ကလေးက နို့/အစာကို ကောင်းကောင်းမစို့/မစားနိုင်ဘူးဆိုရင် ဆရာဝန်နဲ့ ပြသဖို့ အကြံပြုပါတယ်နော်။

Ref: AAP, Mayo Clinic, NHS UK, Stanford Children's Health

Dr. Lwin

🌻🌻🌻🌻🌻🌻🌻🌻🌻🌻🌻🌻🌻🌻

(တခြား ကလေးမိဘများအတွက်လည်း ဗဟုသုတ တိုးပွားအောင် share ပေးခြင်းဖြင့် ကူညီနိုင်ပါတယ်။ တဆင့် ပြန်လည် ကူးယူရေးသားခြင်း ခွင့်မပြုပါဘူး။)

&Wellness

26/12/2025

ဘေဘီလေးတွေတွက် ကျန်းမာရေးအရ သတိထားသင့်တဲ့ အချက်များ

✔️ဦးခေါင်း အချိုးအစား မညီခြင်း
မွေးကင်းစကလေး တွေ ဦးခေါင်း ခွံအချိုးအစား မညီတာ ရှိတတ်ကြပါတယ်။ ပုံမှန်တော့ အချိုးအစား မညီတာ ကြည့်မကောင်းရုံလောက်ပဲ ဖြစ်နိုင်ပေမယ့် Plagiocephaly ရဲ့ ရှေ့ပြေးလက္ခဏာ လည်းဖြစ်နိုင်ပါတယ်။ Plagiocephaly က ဦးခေါင်းခွံရိုး ပုံစံမမှန်တာကြောင့်ဖြစ်ပြီး ရောဂါပြင်းထန်လျှင် ဦးနှောက်ဖွံ့ဖြိုးမှု နှောင့်နှေးနိုင်ပါတယ်။
အဲဒိလို အချိုးအစားမညီလျှင် ကလေးအိပ်နေစဉ် ပုံစံပြောင်းပေးသင့်ပါတယ်။ ကလေးမအိပ်တဲ့ အချိန် အများစုမှာ ချီထားလို့ရပါတယ်။ ထိုသို့လုပ်ပေးလျှင် ကလေး အသက် ၆ လ လောက်ဆို ဦးခေါင်း ပုံစံ ပုံမှန်ပြန်ဖြစ်ပါမယ်

✔️ခြေမဖြင့် လမ်းလျှောက်ခြင်း
တချို့ ကလေးလေးတွေ လမ်းစလျှောက်တတ်ပြီးဆို ဘဲလေး အကမယ်လိုမျိုး ခြေဖျား၊ ခြေမဖြင့် ထောက်ပြီး လျှောက်တတ်ကြပါတယ်။ အဲဒိလိုလမ်းလျှောက် လျှင် အာရုံကြောနဲ့ ဆိုင်တဲ့ စမ်းသပ်မှုတွေ ပြုလုပ်သင့်ပါတယ်။ စမ်းသပ်ကြည့်လို့ပုံမှန်ပဲဆိုလျှင်တော့ ဘာမှမဖြစ်ပါဘူး။ ခြေမဖြင့် ထောက်ပြီးလမ်းလျှောက်တာဟာ ရောဂါတခုခုရဲ့ လက္ခဏာမျိုးဖြစ်နိုင်လို့ပါ။

✔️အိပ်နေစဉ် သွားကြိတ်ခြင်း
အိပ်နေစဉ်သွားကြိတ်တာဟာ ကလေးမှာ စိတ်ဖိစီးမှု၊ စိုးရိမ်စိတ်တွေများနေလို့ဖြစ်ပါတယ်။ နည်းနည်းကြီးတဲ့ကလေးတွေ ကျောင်း သူငယ်ချင်းနဲ့ ရန်ဖြစ်ပြီး၊ အငြင်းအခုံပြုလုပ်ပြီး ညအိပ်တဲ့ အခါ သွားကြိတ်တတ်ပါတယ်။ သွားကြိတ်တာ ခဏခဏဖြစ်နေတယ်ဆိုလျှင် သွားပေါက်တဲ့ အနေအထားပုံစံမမှန်တာလည်းဖြစ်နိုင်တာမလို သွားဆရာဝန်နဲ့သွားပြသင့်ပါတယ်။

✔️ပျော့ပျောင်းတဲ့ အရုုပ်၊ စောင် နှင့် ခေါင်းအုံးများ
ပျော့ပြောင်းတဲ့ အရာတွေက ကလေးတွေ မျက်နှာနဲ့ ဖိမိလျှင် ကလေးကို အသက်ရှုကြပ်စေနိုင်ခြေ ၅ ဆ ပိုများပါတယ်။ ကလေးငယ်လေးတွေဆို စောင်၊ ခေါင်းအုံးတွေကို မျက်နာနဲ့ဖိမိလျှင် လက်နဲ့ပြန်မဖယ်နိုင်ပါဘူး။ ဒါကြောင့် ပျော့ပြောင်းတဲ့ အရာတွေကို ကလေးငယ်လေးတွေအတွက် အသက်အန္တရယ် ရှိပါတယ်။

25/12/2025

ချောင်းဆိုးနေတဲ့ ကလေးလေးတွေအတွက် အိမ်မှာပြုစုနိုင်တဲ့ နည်းလမ်းများ

မိဘတွေအတွက် ကလေး နေမကောင်း ချောင်းဆိုးနေပြီဆိုလျှင် တော်တော် စိတ်ကသိကအောက် ဖြစ်ကြရပါတယ်။ ပျမ်းမျှအားဖြင့် ကလေးတွေဟာ တနှစ်ကို အအေးမိ၊ နှာစေး၊ ချောင်းဆိုး ၈ ကြိမ်ခန့် ဖြစ်နိုင်ပါတယ်။ ချောင်းတဟွတ်ဟွတ် ဆိုးနေပါက ဘေဘီလေးတွေ သက်တောင့်သက်သာ နားနေဖို့အတွက် ခက်ခဲလှပါတယ်။ ကလေး ချောင်းဆိုးတာ အရမ်းမဆိုးသေးဘူး၊ ဆေးခန်းသွားပြဖို့လည်း အဆင်မပြေသေးဘူး ဆိုလျှင် မိဘတွေ အိမ်မှာပဲ ကလေး ချောင်းဆိုးသက်သာ အောင်ပြုစုနိုင်မယ့် နည်းလမ်းလေးတွေ မျှဝေပေးချင်ပါတယ်။

✔️အရည်များများတိုက်ပါ
ကလေး ချောင်းဆိုးနေပြီဆိုလျှင် အရည်များများတိုက်ပေးတာဟာ လည်ချောင်းထဲမှာရှိတဲ့ အကျိအချွဲတွေကို စီးဆင်မှုကောင်းစေ လို ချောင်းဆိုးသက်သာနိုင်ပါတယ်။ ကလေးက ရေဓတ်ခမ်းခြောက်နေပြီဆို လည်ချောင်း ခြောက်ကပ်နေတဲ့အတွက်ကြောင့် ချောင်းဟန့်တဲ့ အခါမှာတောင် အခက်အခဲဖြစ်နိုင်ပါတယ်။
အသက် ၆ လနှင့်အောက် ကလေးတွေ အတွက်ကတော့ မိခင်နို့ သို့မဟုတ် နို့ဗူး များများ တိ်ုက်ပေးသင့်ပါတယ်။ ရေတိ်ုက်ဖို့ မလိုအပ်ပါဘူး။ ၆ လကျော်တဲ့ ကလေးတွေကတော့ အရည်များများတိုက်ပါ။

✔️နှာခေါင်း အစက်ချဆေး ထည့်ပါ (စေလိုင်း Saline drop)
ကလေးတွေ ရဲ့ နှာခေါင်း လည်းချောင်းက တဆက်တည်းမလို့ နှာခေါင်း အစက်ချစေကလည်း အကျိအချွဲတွေကို ဖယ်ရှားပေးနိုင်လို့ ချောင်းဆိုးသက်သာနိုင်ပါတယ်။ နောက်တချက် ကလေးမှာ နှာစေး ချောင်းဆိုး က တွဲလျက်ဖြစ်တာများလို နှာစေး၊ နှာပိတ်တာပါ သက်သာနိုင်ပါတယ်။

✔️Humidifier ဖွင့်ထားပါ
Humidifier ဖွင့်ထားပါက လေထု စိုစွတ်နေတဲ့ အတွက် ကလေးအသက်ရှုတာတာ ကောင်းပြီး ချောင်းဆိုးသက်သာ နိုင်ပါတယ်။ Humidifier မရှိပါက ရေချိုးခန်း သို့မဟုတ် အလုံပိတ် အခန်း တခုထဲမှာ ရေဇလုံထဲ ရေနွေးထည့်ထားပြီး ၁၀ မိနစ် – ၁၅ မိနစ်ခန့် ကလေးနဲ့ အတူ နေပါ။ ရေနွေးငွေ့က Humidifier နဲ့ သဘောတရားချင်းတူပြီး ကလေး ချောင်းဆိုးသက်သာစေမျာပါ။ နောက် တချက်က ကလေး လေထုတ်သလိုပဲ ကလေး နောက်ကျောကို လက်နဲ့ပုတ်ပဲပေးပါက အကျိအချွဲတွေကို ကွာကျစေနိုင်လို့ ချောင်းဆိုး သက်သာစေပါတယ်။

✔️အိမ်မှာ ဓတ်မတည့်နိုင်တဲ့ အရာတွေဖယ်ရှားပါ
အထူးသဖြင့် ပန်းနာရင်ကြပ်ကြောင့် ချောင်းဆိုးတာမျိုးဆို ဓတ်မတည့်တာတွေက အရေးကြီးပါတယ်။ ကလေး နားမှာ ဆေးလိပ်ငွေ့၊ ဖုန်မှုန့်၊ မီးခိုမွန်တာတွေ ရှိမနေသင့်ပါဘူး။

ကလေးတွေမှာ ချောင်းတာက ဖြစ်စေတဲ့ အကြောင်းအရင်းတွေ အများကြီးပါ။ အဖြစ်များတဲ့ ဗိုင်းရပ်စ် ရောဂါပိုး ဝင်လို့ ချောင်းဆိုလျှင်တော့ ရက်အနည်းငယ် ကြာတဲ့အခါ မြန်မြန်ပြန်ပျောက်သွားနိုင်ပါတယ်။ တခြား ချောင်းဆိုးတဲ့ အကြောင်းအရင်းတွေကတော့ –

ပန်းနာရင်ကြပ်
တီဘီ
အဆုတ် အအေးမိ
ကြက်ညှာချောင်းဆိုး
အစာအိမ်ထဲက အစာပြန်တက်လာလို့ ချောင်းဆိုတာ၊ အန်တာ

တို့ပဲဖြစ်ပြီး တခြားအကြောင်းအရင်းတွေ လည်းရှိပါသေးတယ်။

ချောင်းဆိုးလျှင် ချောင်းဆိုးပျောက်ဆေးတွေ အများကြီးရှိပေမဲ့ ကလေး တွေဆိုလျှင် ဆရာဝန်နှင့် သေချာပြသပြီးမှ ဆေးတိုက်သင့်ပါတယ်။ ကလေးတွေမှာ အသက်၊ ကိုယ်လေးချိန်ပေါ်မူတည်ပြီး ဆေး ပမာဏ၊ တရက်ဘယ်နှကြိမ်တိုက်ပြီး ဘယ်လောက်ကြာအောင် တိုက်ရမလဲဆိုတာ အရေးကြီးပါတယ်။ ချောင်းဆိုးပျောက်ဆေးပဲ ဆိုပြီး တိုက်ချင်တိုင်း မတိုက်သင့်ပါဘူး။

24/12/2025

ဘေဘီလေးတွကို ချိုလိမ် ဘယ်အချိန်မှာ ပေးလို့ရလဲ

ကလေးတွေကို သင်မပေးပဲ နို့စို့တတ်တာဟာ သဘာဝပေးထား တဲ့လိုအလျောက်တုံ့ပြန်မှု တခုပါ။ အဲဒိအလိုအလျောက်တုံ့ပြန်မှုကြောင့် မိခင်သားအိမ်ထဲမှာတောင် ကလေးဟာ သူ့လက်မကိုသူ စုပ်နေတတ်ပါတယ်။ မိဘတွေ အနေနဲ့ ကလေးကို ချိုလိမ် ပေးသင့်မပေးသင့် စဉ်းစားဆုံးဖြတ်နိုင်ရန် ချိုလိမ် ရဲ့ ကောင်းကျိုး ဆိုးကျိုးလေးတွေ ဖော်ပြပေးချင်ပါတယ်။

#ကောင်းကျိုး
▪️ကလေး အော်ငိုပြီဆိုလျှင် ချိုလိမ်ပေးထားပါက ငိုတာရပ်နိုင်ပါတယ်။ သူတို့အတွက် ချိုလိမ်ကို စုပ်နေခြင်းက ပျော်ရွင်စေပါတယ်
▪️ချိုလိမ်က ကလေးကို ကောင်းကောင်းအိပ်ပျော်စေပါတယ်။
▪️ချိုလိမ်က ကလေးတွေမှာ ဖြစ်တတ်တဲ့ SIDS ကလေးရုတ်တရက်သေဆုံခြင်း အန္တရယ်ကို လျော့ကျစေပါတယ်။
▪️ကလေးက ချိုလိမ် မသုံးလျှင် သူ့ လက်မကို စုပ်တတ်ပြီး လက်မစုပ်တဲ့ အကျင့်က ပိုပြီး ဖျောက်ရခက်တတ်ပါတယ်

#ဆိုးကျိုး
▪️ကလေးက ချိုလိမ်ကို အရမ်းစွဲလမ်းတာမျိုးဖြစ်တတ်ပါတယ်။ ညအိပ်နေတုန်း ချိုလိမ် က ကလေးပါးစပ်ကနေ ပြုတ်ကျသွားပြီဆို ကလေးနိုးပြီး အော်ငိုတာမျိုး ဖြစ်တတ်ပါတယ်။
▪️ချိုလိမ်ကို အကြာကြီး အသုံးပြုမယ်ဆိုလျှင် ကလေး သွား အတွက် ပြသနာဖြစ်နိုင်ပါတယ်။ အသက် တနှစ်အောက် ကလေးတွေ အတွက်တော့ ပြသနာမဖြစ်နိုင်ပေမဲ့ နှစ်နှစ်ကျော်ရင်တော့ ပြသနာဖြစ်နိုင်ပါတယ်။
▪️အသက် ၆ လကျော်တဲ့ ကလေးတွေ ချိုလိမ်သုံးလျှင် နား အလယ်ပိုင်း ရောဂါပိုး ဝင်နိုင်ပါတယ်။
▪️မိခင် နို့စို့တာ အတွက် အနှောက်အယှက်ဖြစ်နိုင်ပါတယ်။ အဲဒါကြောင့် မိခင်နို့တိုက်မယ်ဆိုလျှင် နို့စို့တာ ကျင့်သားရပြီးချိန် ကလေး အသက် ၃ ပတ် ၄ ပတ်လောက်မှ ချိုလ်ိမ်ပေးသင့်ပါတယ်။

#သတိထားရမည့်အချက်များ
▪️ကလေးက ချိုလိမ် ကိုစိတ်မဝင်စားဘူး ဆိုလျှင် အတင်းသုံးပြုဖို့ မပေးပါနှင့်
▪️သန့်သန့်ရှင်းရှင်းထားပါ။အသက် ၆ လအောက် ကလေး အတွက် ချိုလိမ်ကို ရေနွေး ပွက်ပွက် ဆူထဲထည့်ပြီး သန့်ရှင်းသင့်ပါတယ်။ ၆ လအထက် ကလေး အတွက် ဆိုလျှင် ချိုလိမ်ကို ရေ၊ ဆပ်ပြာဖြင့် သေချာ ဆေးကြောပေးသင့်ပါတယ်။
▪️ချိုလိမ်ကို သကြားရည်ကဲ့သို့ ချိုတဲ့ အရာတွေနဲ့ မသုတ်လိမ်းသင့်ပါ။
▪️ကလေး အသက်ကြီးလာတာနဲ့အမျှ ချိုလိမ် အရွယ်အစားကို ပြောင်းလဲပေးသင့်ပါတယ်

ချိုလိမ် စပေးသင့်သည့်အရွယ် 👉 ၃ ပတ် - ၄ ပတ်
ချိုလိမ် ရပ်သင့်သည့်အရွယ် 👉 ၂ နှစ် - ၄ နှစ်

23/12/2025

အသားမကြိုက်တဲ့ ကလေးတွေအတွက် အာဟာရဓာတ် မချို့တဲ့အောင် ဘာတွေကျွေးမွေးသင့်သလဲ?

👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️👩‍⚕️
ဖေဖေတို့ မေမေတို့ရေ... ကလေးက အသားမကြိုက်ဘူးဆိုတာနဲ့ စိတ်ပူပန်မှုတွေ စဖြစ်လာတတ်ပါတယ်။ "ဒီလိုဆို ပရိုတင်းဓာတ် ဘယ်ကရမလဲ၊ အားအင်မရှိဘဲ ဖြူဖျော့နေမှာလား" ဆိုပြီး စဉ်းစားမိတတ်ကြပါတယ်။ အသားမကြိုက်တဲ့ ကလေးတွေကိုလည်း အာဟာရပြည့်ဝအောင် ပြုစုကျွေးမွေးလို့ ရပါတယ်။

အရင်ဆုံး ကလေးက အသားကို ဘာကြောင့်မကြိုက်တာလဲဆိုတာ သိဖို့လိုပါတယ်။ တစ်ခါတလေမှာ အသားအမျှင်တွေက ဝါးရခက်တာ၊ အနံ့ပြင်းတာ၊ စားရတာအဆင်မပြေတာကြောင့် မစားချင်တာမျိုးဖြစ်နိုင်ပါတယ်။ ဒီတော့ သူတို့လေးတွေ စိတ်ဝင်စားမယ့် နည်းလမ်းလေးတွေနဲ့ အာဟာရဓာတ်တူတဲ့ အစားအစာ အခြား ရွေးချယ်စရာတွေ ရှိပါတယ်။

အသားနေရာမှာ အစားထိုးကျွေးလို့ရတဲ့ အစားအစာတွေက_

၁။ ဥအမျိုးမျိုး�ကြက်ဥ၊ ဘဲဥတွေဟာ ပရိုတင်းဓာတ်အပြည့်စုံဆုံး အရင်းအမြစ်တွေပါပဲ။ ကြော်တာ၊ ပြုတ်တာ၊ မွှေကြော်လုပ်တာ၊ ဟင်းချိုထဲထည့်တာ စသဖြင့် ပုံစံအမျိုးမျိုးလုပ်ပြီး ကျွေးလို့ရပါတယ်။ အသက် ၆ လကျော် ကလေးတွေမှာ allergy ဓာတ်မတည့်တာ မရှိရင် ပုံစံအမျိုးမျိုး လုပ်ပြီး ကျွေးနိုင်ပါတယ်။

၂။ နို့နဲ့ နို့ထွက်ပစ္စည်းတွေ�နွားနို့၊ ဒိန်ချဉ်၊ ချိစ်၊ ဒိန်ခဲတွေမှာ ပရိုတင်းနဲ့ ကယ်လ်စီယမ်ဓာတ်တွေ အများကြီးပါဝင်ပါတယ်။ ဒိန်ချဉ်ထဲ သစ်သီးလေးတွေထည့်ပြီး သောက်ခိုင်းတာ၊ ချိစ်ကို ပေါင်မုန့်နဲ့တို့ပြီး ကျွေးတာမျိုး လုပ်ပေးနိုင်ပါတယ်။ ၁ နှစ်အောက် ကလေးတွေမှာတော့ နွားနို့ကို main drink အဓိက အစားအစာအနေနဲ့ မကျွေးသင့်ပဲနဲ့ သရေစာ အနေနဲ့ ကျွေးပေးသင့်ပါတယ်။

၃။ ပဲအမျိုးမျိုး�ပဲအမျိုးမျိုးဟာ သက်သတ်လွတ်ပရိုတင်းတွေပါ။ ပဲပြုတ်၊ တို့ဟူး၊ ပဲပြားကြော်၊ မှိုနဲ့ဟင်းချိုကြိုက်ရင် ပဲနီလေးထည့်ချက်တဲ့ ဟင်းလျာတွေ ဖန်တီးပေးလို့ရပါတယ်။ သံဓာတ်နဲ့ ဇင့်ဓာတ်တို့ စုပ်ယူမှု ပိုကောင်းအောင် ပဲအမျိုးမျိုးပါတဲ့ အစားအစာတွေကို vitamin C ပါတဲ့ အစားအစာနဲ့ တွဲကျွေးရင် ပိုကောင်းပါတယ်။

၄။ ပင်လယ်စာတွေ (ငါး၊ ပုဇွန်)�ကလေးအများစုက အသားထက် ငါးကို ပိုကြိုက်တတ်ကြပါတယ်။ ငါးကင်လေးတွေ၊ ငါးပြုတ်လေးတွေဟာ ပရိုတင်းအပြင် Omega-3 လို ကောင်းမွန်တဲ့ အဆီဓာတ်တွေပါ ရရှိစေနိုင်ပါတယ်။ ပုဇွန်ကိုလည်း အသားနေရာ အစားထိုးသုံးနိုင်တဲ့ အကောင်းဆုံး အရင်းအမြစ်တစ်ခုပါပဲ။ ဓာတ်မတည့်မှု မရှိရင် ပြဿနာမရှိပါဘူး။

၅။ အစေ့အဆန်တွေ�မြေပဲ၊ သီဟိုဠ်စေ့၊ နှမ်းကြတ်စေ့တွေမှာလည်း ပရိုတင်းနဲ့ ကောင်းတဲ့ အဆီဓာတ်တွေ ပါဝင်နေပါတယ်။ သုပ်စားရင် မြေပဲထည့်တာ၊ နှမ်းကြတ်စေ့ထောင်းပြီး ထမင်းနဲ့ရောကျွေးတာ စတဲ့နည်းတွေနဲ့ ထည့်သွင်းပေးနိုင်ပါတယ်။ သတိထားရမှာက အစေ့အဆံတွေ ကျွေးရင် Choking risk အစာသီးနိုင်တဲ့ အတွက်ကြောင့်မို့လို့ အသက်၁နှစ်အောက် ကလေးတွေဆို ကြိတ်ချေပြီး၊ အမှုန့်ဖြစ်အောင် လုပ်ပြီးမှသာ ကျွေးသင့်ပါတယ်။

အရေးကြီးတဲ့ အချက်လေးတွေ အနေနဲ့
-ကလေးကို အတင်းမကျွေးပါနဲ့။ စားချင်စိတ်ကို ပျောက်သွားစေနိုင်ပါတယ်။
-အသားကို သေးသေးလေးတွေလှီး၊ အရောင်အသွေးစုံအောင် ဟင်းသီးဟင်းရွက်လေးတွေနဲ့ရောပြီး ချက်ပြုတ်ကြည့်ပါ။
-ကလေးကိုယ်တိုင်လည်း အသားမဟုတ်တဲ့ ပရိုတင်းရွေးချယ်စရာတွေထဲက ဘာကြိုက်လဲ မေးကြည့်ပါ။

အာဟာရဆိုတာ နည်းလမ်းအမျိုးမျိုးကနေ ရရှိနိုင်တာမို့ အသားတစ်မျိုးတည်းကို အာရုံစိုက်မနေပဲ ကျန်းမာရေးနဲ့ညီညွတ်တဲ့ အစားအစာအမျိုးစုံကို ကလေးစိတ်ဝင်စားအောင် ပြင်ဆင်ကျွေးမွေးကြည့်ဖို့ တိုက်တွန်းလိုက်ပါတယ်နော်။

Ref: AAP, Academy of Nutrition and Dietetics, Mayo Clinic, Stanford Children's Health

🌻🌻🌻🌻🌻🌻🌻🌻🌻🌻🌻🌻🌻🌻

(တခြား ကလေးမိဘများအတွက်လည်း ဗဟုသုတ တိုးပွားအောင် share ပေးခြင်းဖြင့် ကူညီနိုင်ပါတယ်။ တဆင့် ပြန်လည် ကူးယူရေးသားခြင်း ခွင့်မပြုပါဘူး။)

&Wellness

22/12/2025

ကလေးကျန်းမာရေး Video တွေကို ရှာဖွေကြည့်ရှုလို့လွယ်အောင် link လေးတွေ စုထားပေးပါတယ်။ နောက်ထပ်တင်တာတွေကိုလည်း Update ထပ်လုပ်ပေးပါမယ်နော်။ 👩‍⚕️❤️

မွေးကင်းစကလေးတွေ အသားဝါရင် စိုးရိမ်ရလား❓ဘာလုပ်ရမလဲ❓ https://www.facebook.com/share/v/17Zi4aFT6H/?mibextid=wwXIfr

ကလေးငယ်လေးတွေမှာ မျက်ဝတ်၊ မျက်ချေးတွေ ထွက်နေရင် ဘာလုပ်ပေးရမလဲ❓ဘယ်အခါမှာ စိတ်ပူရမလဲ❓
https://www.facebook.com/share/v/17tFDvvZLY/?mibextid=wwXIfr

ရာသီဥတုအပြောင်းအလဲမှာ ဘေဘီလေးတွေ နေမကောင်း မဖြစ်အောင် ဂရုစိုက်ပေးရမယ့် အချက် (၅) ချက် https://m.facebook.com/story.php?story_fbid=886691873699352&id=100070756422318&mibextid=wwXIfr

လည်ချောင်းနာတတ်တဲ့ ကလေးတွေတွက် မြန်မြန်သက်သာစေနိုင်မယ့် နည်းလမ်း ၅ ချက် https://m.facebook.com/story.php?story_fbid=883853100649896&id=100070756422318&mibextid=wwXIfr

ဘေဘီလေးတွေ နှာစေးနှာပိတ်ပြီး နှပ်ချေးတွဲလောင်း ဖြစ်နေတာကို မြန်မြန်သက်သာစေမယ့် နည်းလမ်း ၅ ချက် https://www.facebook.com/share/v/17SxQ7KVna/?mibextid=wwXIfr

ကလေးလေးတွေရဲ့ ဘယ်လို ဝမ်းအရောင်တွေက ဆေးရုံသွားဖို့လိုအပ်သလဲ? https://www.facebook.com/share/v/1CuUUir1v3/?mibextid=wwXIfr

ကလေးမျက်နှာပေါ်က စပါးညှင်း (Pityriasis Alba) အဖြူကွက်လေးတွေ ပျောက်အောင် ဘာလုပ်ရမလဲ? https://www.facebook.com/share/v/1DNAdE2eaF/?mibextid=wwXIfr

ကလေးတွေ ဖျားပြီး အနီစက်တွေ ထွက်လာရင် ဘယ်လိုမျိုးဆို စိုးရိမ်ရမလဲ? https://www.facebook.com/share/v/1SXQQeLULJ/?mibextid=wwXIfr

ဘေဘီလေးတွေ လေထိုးလေအောင့် သက်သာစေဖို့ နည်းလမ်းများ https://www.facebook.com/share/v/17pTUCJz41/?mibextid=wwXIfr

ကလေးချောင်းဆိုးရင် ဘာလုပ်ရမလဲ? https://www.facebook.com/share/v/1CmEpJMDtE/?mibextid=wwXIfr

ကလေးဝမ်းအစိမ်းရောင်သွားရင် ဘာဖြစ်နိုင်လဲ? https://www.facebook.com/share/r/1HVve5fZ5H/?mibextid=wwXIfr

လူကြီးက ကလေးကို ချစ်လို့ နမ်းရင် ဘာဖြစ်နိုင်လဲ https://www.facebook.com/share/v/1BPLGULN8a/?mibextid=wwXIfr

ကလေးကျန်းမာရေးနဲ့ ပတ်သက်ပြီး မှားလေ့ရှိတဲ့ အယူအဆများ အပိုင်း (၁) https://m.facebook.com/story.php?story_fbid=800946522273888&id=100070756422318&mibextid=wwXIfr

ကလေးကျန်းမာရေးနဲ့ ပတ်သက်ပြီး မှားလေ့ရှိတဲ့ အယူအဆများ အပိုင်း (၂) https://www.facebook.com/share/v/1VDPxCmaew/?mibextid=wwXIfr

ကလေးအိပ်ပျော်နေစဉ် ရုတ်တရက်သေဆုံးမှုကို ဘယ်လိုကာကွယ်မလဲ? https://www.facebook.com/share/v/15xzXt1wFh/?mibextid=wwXIfr

ကလေးဝမ်းချုပ်ရင် ဘာလုပ်ရမလဲ? https://www.facebook.com/share/v/16rkbVjMba/?mibextid=wwXIfr

ကလေးတွေ စကားပြော နောက်မကျစေဖို့ လုပ်ဆောင်သင့်သည့် နည်းလမ်းများ https://www.facebook.com/share/v/17Arnj9vGD/?mibextid=wwXIfr

ကလေးတွေ ဉာဏ်ကောင်းဖို့နဲ့ ကြီးထွားဖွံ့ဖြိုးစေဖို့ လုပ်ဆောင်သင့်သည့် အချက် ၅ချက် https://www.facebook.com/share/v/17dk3k8Vzi/?mibextid=wwXIfr

ကလေးတွေ ထိုးသင့်တဲ့ အပိုထပ်ဆောင်း ကာကွယ်ဆေးများ https://www.facebook.com/share/v/16u1mGDyBE/?mibextid=wwXIfr

ကလေးကြီးထွားချိန်မှာ ခြေထောက်ကြွက်သားတွေ နာကျင်မှု (Growing Pain) သက်သာစေဖို့ https://www.facebook.com/share/v/1YP5K8A27S/?mibextid=wwXIfr

ကလေးဝမ်းပျက်ရင် ရေဓာတ်ဆုံးရှုံးမှုရဲ့ အဓိက လက္ခဏာများ https://www.facebook.com/share/v/16TRsaZU5D/?mibextid=wwXIfr

ကလေးကို သန်ချဆေး ဘယ်လိုတိုက်ရမလဲ? https://www.facebook.com/share/v/19ibQLDRwR/?mibextid=wwXIfr

ကလေးခေါင်းချွေးပြန်တာ ဘာကြောင့်လဲ? စိုးရိမ်ရလား? https://www.facebook.com/share/v/18YivtwT6E/?mibextid=wwXIfr

ကလေးတွေ အစာစားဖို့ မေမေတို့ မဖြစ်မနေသိထားရမယ့် အချက် ၅ ချက် https://www.facebook.com/share/v/16xJLU7sW8/?mibextid=wwXIfr

ကလေးဆေးဗူးတွေ အဖုံးဖွင့်ပြီး ဘယ်လောက်ကြာကြာ သုံးလို့ရလဲ? (မိဘတိုင်း သိထားသင့်တဲ့ အရေးကြီးအချက်) https://www.facebook.com/share/v/1DQnh5S1fd/?mibextid=wwXIfr

ကလေးကို ဘာအားဆေးတိုက်ရင် ကောင်းမလဲ စဉ်းစားနေတဲ့ မေမေတို့အတွက် https://www.facebook.com/share/v/17CM211fMF/?mibextid=wwXIfr

သွေးလွန်တုပ်ကွေး ကာကွယ်ဆေး ထိုးရမှာလား? https://m.facebook.com/story.php?story_fbid=790754006626473&id=100070756422318&mibextid=wwXIfr

ကလေးငယ်လေးတွေရဲ့ ဝမ်းမှာ အချွဲပါနေရင် ဒီအချက်တွေ သတိပြုပါ https://www.facebook.com/share/v/1VwywDM4SN/?mibextid=wwXIfr

ဘေဘီလေးတွေ အန်နေလို့ အအန်ပျောက်ဆေး တိုက်တဲ့အခါ သတိပြုရမယ့် အရေးကြီးအချက် https://www.facebook.com/share/v/1T3jPpbpeF/?mibextid=wwXIfr

ကလေးလေးတွေရဲ့ အသက်အရွယ်အလိုက် အရေးကြီးဆုံး လိုအပ်တဲ့ အာဟာရဓာတ်တွေနဲ့ ဘယ်လို အစားအစာတွေကို ကျွေးပေးသင့်လဲ https://www.facebook.com/share/v/1DPCpugC54/?mibextid=wwXIfr

ကလေးတွေရဲ့ ရောဂါပေါ် မူတည်ပြီး တိုက်သင့်တဲ့ ချောင်းဆိုးပျောက်ဆေး အမျိုးအစားလေးတွေနဲ့ ဆေးထဲက ပါဝင်ပစ္စည်းအချို့ https://www.facebook.com/share/v/1BsoSNKHdd/?mibextid=wwXIfr

ကလေးအားဆေး ရွေးချယ်ဖို့အတွက် သိထားသင့်တဲ့ အချက်များ https://www.facebook.com/share/v/1CDKitSZ3e/?mibextid=wwXIfr

ကလေးဖွံ့ဖြိုးမှုနောက်ကျနေလား သိနိုင်မယ့် အရေးပေါ်လက္ခဏာ ၅ချက် https://www.facebook.com/share/v/1Fr2jScmJp/?mibextid=wwXIfr

ကလေးလေးတွေမှာ အော်တစ်ဇင် ရှိမရှိ ဘယ်အချိန်မှာ သိနိုင်မလဲ? https://www.facebook.com/share/v/179meD3hGV/?mibextid=wwXIfr

မိဘတိုင်း သိထားသင့်တဲ့ ကလေးလေးတွေ ခဏခဏ နေမကောင်း မဖြစ်အောင် ကာကွယ်နိုင်မယ့် နည်းလမ်း ၇ ချက် https://www.facebook.com/share/v/1S5TAdn9HM/?mibextid=wwXIfr

ချောင်းဆိုးတာ ရက်ကြာနေပြီလား❓
ကလေးတီဘီရောဂါ သတိပြုပါ❗ https://www.facebook.com/share/v/1FSCMhnXkC/?mibextid=wwXIfr

ကလေးငယ်လေးတွေမှာ နှလုံးရောဂါရှိနေခဲ့ရင် ဘယ်လိုလက္ခဏာတွေကို ကြည့်ပြီး စောစောကြိုသိနိုင်မလဲ? https://www.facebook.com/share/v/1Actv1w2xG/?mibextid=wwXIfr

ကလေးလေးတွေ ဘာကြောင့် ကြို့ထိုးရတာလဲ? ကြို့ထိုးတာ မြန်မြန်သက်သာစေဖို့ အိမ်တွင်းကုထုံးများ https://www.facebook.com/share/v/1BVD32RfXd/?mibextid=wwXIfr

အိမ်မှာ လူကြီးတစ်ယောက် နေမကောင်းဖြစ်ပြီဆိုလျှင် ကလေးကို မကူးအောင် ဘယ်လိုကာကွယ်ရမလဲ? https://www.facebook.com/share/v/17NZ8X7pWq/?mibextid=wwXIfr

ကလေးလေးတွေရဲ့ ဝမ်းသွားခြင်း အလေ့အထတွေနဲ့ ဘယ်နှရက်လောက် ဝမ်းမသွားရင် စိုးရိမ်ရမလဲ? ဘယ်နှကြိမ်ဆက်တိုက် ဝမ်းသွားနေရင်ကော စိုးရိမ်ရမလဲ? https://www.facebook.com/share/v/1KPffpkwKC/?mibextid=wwXIfr

မီးပိုးကောင် အဆိပ်သင့်ရင် လူကြီးနဲ့ ကလေးမှာ လက္ခဏာတွေက ဘာကွာလဲ❓
ကလေးတွေမှာ ပိုပြင်းထန်ရတဲ့ အကြောင်းရင်း (၃) ချက် https://www.facebook.com/share/v/1CwmaHyyxb/?mibextid=wwXIfr

ကလေးလေးတွေမှာ ဆီးလမ်းကြောင်းပိုးဝင်ရင် ဘယ်လိုသိနိုင်မလဲ https://www.facebook.com/share/v/1Brm4C9gkp/?mibextid=wwXIfr

ကလေးလေးတွေရဲ့ အရေပြားပေါ်က အနီကွက်လေးတွေဟာ နို့ပွေးလား? နှင်းခူလား? ဘာကွာလဲ? ကလေးကြီးလာရင်ကော ပျောက်သွားမှာလား? https://www.facebook.com/share/v/1FLtqQjYSB/?mibextid=wwXIfr

ကလေးချောင်းဆိုးခြင်းနဲ့ Pneumonia အဆုတ်ရောင်ရောဂါ ❗မိဘတိုင်း သိထားသင့်တဲ့ အခြေခံအချက်များ https://www.facebook.com/share/v/1Cs2ikYTiu/?mibextid=wwXIfr

ကလေးလေးတွေရဲ့ အရေပြားမှာ ပွေးပေါက်ရင် ဘာလုပ်ရမလဲ? https://www.facebook.com/share/v/1DdWmCoCGE/?mibextid=wwXIfr

ကလေးခေါင်းပြားမှာကို ကြောက်နေရတဲ့ မေမေတို့အတွက် စိတ်ချရအောင် ကာကွယ်နည်းများ https://www.facebook.com/share/v/17f1KG7j9s/?mibextid=wwXIfr

ဘေဘီလေးတွေ ခေါင်းမှာ ဖြစ်တတ်တဲ့ ဗောက်လို အဖတ်တွေကို ပျောက်အောင် ဘယ်လိုလုပ်ရမလဲ? https://www.facebook.com/share/v/1BbCskufxD/?mibextid=wwXIfr

ကလေးအရပ်ရှည်စေဖို့ ငယ်စဉ်ကတည်းက လုပ်ပေးသင့်တဲ့အချက် (၃) ချက် https://www.facebook.com/share/v/17k5zZgJNc/?mibextid=wwXIfr

ကလေးလေးတွေ ဗိုက်အောင့်ရင် ဘယ်လိုအခြေအနေဆို ဆရာဝန်ပြသင့်လဲ? https://www.facebook.com/share/v/1AFif5svqT/?mibextid=wwXIfr

ဓါတ်ခဲသေးသေးလေးမျိုချမိလျှင် ဒီအချက်တွေကို ချက်ချင်းလုပ်ပါ၊ အန်အောင်မလုပ်ပါနှင့် https://www.facebook.com/share/v/19uaqhaCXP/?mibextid=wwXIfr

ကလေးတွေရဲ့ မျက်နှာမှာ အဖြူဖုသေးသေးလေးတွေ ထွက်နေပြီလား? Milia အကြောင်း သိကောင်းစရာ https://www.facebook.com/share/v/1Lw67gPxj1/?mibextid=wwXIfr

ကလေးအတွက် အားဆေးရွေးတဲ့အခါ Vitamin D နဲ့ ပတ်သက်ပြီး သတိထားရမယ့် အချက် https://www.facebook.com/share/v/16usYjkM1c/?mibextid=wwXIfr

ကလေးမှာ အနီဖုလေးတွေထွက်ရင် ဒါကမိတ်လား? https://www.facebook.com/share/v/1AiDfm59TC/?mibextid=wwXIfr

ကလေးက နို့အန်နေပြီဆိုရင် ဒီအချက်တွေကို ချက်ချင်းစစ်ဆေးပါ https://www.facebook.com/share/v/1BHNb5WQvE/?mibextid=wwXIfr

ဗီတာမင် D ချို့တဲ့နေတဲ့ ကလေးတွေမှာ တွေ့ရတတ်တဲ့ လက္ခဏာတွေ https://www.facebook.com/share/v/1E86NV6qs4/?mibextid=wwXIfr

ကြောင်ကုတ်ခြစ်ခံရရုံနဲ့ အသက်အန္တရာယ်ရှိနိုင်တယ်လား | မေမေတို့ လုံးဝမပေါ့ဆသင့်တဲ့ ခွေးရူးပြန်ရောဂါရဲ့ အန္တရာယ် https://www.facebook.com/share/v/1WKcFBuVMy/?mibextid=wwXIfr

RSV ကာကွယ်ဆေးထိုးပြီးရင်ကော စိတ်ချရပြီလား? https://www.facebook.com/share/v/1M7BNDMN9m/?mibextid=wwXIfr

ကလေးက ညဘက်ချောင်းဆိုးလွန်းလို့ အိပ်မရဘူးလား? ဒါဟာ ပန်းနာရင်ကြပ်ရဲ့ လက္ခဏာတစ်ခုလား? https://www.facebook.com/share/v/1BotRdzJSn/?mibextid=wwXIfr

RSV ဗိုင်းရပ်စ်! မိဘတိုင်းသိထားသင့်တဲ့ အသက်ရှုလမ်းကြောင်းရဲ့ ရန်သူ https://www.facebook.com/share/v/1BaxtZGysL/?mibextid=wwXIfr

ကလေးတွေမှာ သံဓာတ်ချို့တဲ့ရင် ဉာဏ်ရည်ထိခိုက်နိုင်သလား? https://www.facebook.com/share/v/1DN8jD6TL9/?mibextid=wwXIfr

ဘေဘီလေးတွေ ဉာဏ်ကောင်းစေဖို့ အကောင်းဆုံး Brain Foods များ https://www.facebook.com/share/v/1CqkLxcSAe/?mibextid=wwXIfr

မေမေတို့အတွက် Step-by-Step လမ်းညွှန် : ကလေးအဖျားကြီးပြီး တက်နေစဉ်နှင့် အတက်ကျပြီးချိန် လုပ်ဆောင်ရမည့်အဆင့်များ https://www.facebook.com/share/v/1AGaak8xPh/?mibextid=wwXIfr

ကလေး နှာစေးနှာပိတ်ဖြစ်ရင် ဒီလိုဖြေရှင်းပါ! 👶 အိမ်မှာ ပြုလုပ်ပေးနိုင်တဲ့ ကုထုံးလေးများ https://www.facebook.com/share/v/1AoMebC4kd/?mibextid=wwXIfr

မမေ့ပါနဲ့! 🚨 ကလေးအသက် (၂) နှစ်မပြည့်ခင် ဒီကာကွယ်ဆေး (၈) မျိုး အပြည့်အစုံထိုးပြီးပါစေ! https://www.facebook.com/share/v/17RKWxvscr/?mibextid=wwXIfr

ဒီ ၅ ချက်လုပ်ပြီး ကလေးကိုအိပ်ပျော်အောင်လုပ်လိုက်ပါ! 🤫 (မေမေတိုင်းသိထားသင့်တဲ့ ကလေးအိပ်ပျော်စေမယ့် နည်းလမ်းကောင်းများ) https://www.facebook.com/share/v/16Wn9PSxbe/?mibextid=wwXIfr

ကလေးဖျားတဲ့အခါ ဒီလက္ခဏာတွေရှိရင် ဆေးရုံအမြန်ဆုံးသွားပါ! 🚨 (မေ့မထားပါနဲ့) https://www.facebook.com/share/v/1E8rSLiH4G/?mibextid=wwXIfr

&Wellness

#ကလေးကျန်းမာရေး

21/12/2025

မွေးကင်းစကလေးတွေ အသားဝါရင် စိုးရိမ်ရလား❓ဘာလုပ်ရမလဲ❓

&Wellness

20/12/2025

မွေးကင်းစ ကလေးလေးတွေကို အနှီးထုပ်ပေးခြင်းဖြင့် ရနိုင်တဲ့ကောင်းကျိုးများ

✔️သက်တောင့်သက်သာရှိစေခြင်း
အနှီးထုပ်ထားဟာ ကလေးကို နွေးထွေးပြီး သက်တောင့်သက်သာရှိစေပါတယ်။ သူ့အမေရဲ့ သားအိမ်ထဲမှာ နေခဲ့ရသလိုမျိုး ပြန်လည်ခံစားစေရလိုပါ။ (အိမ်သေးသေးလေးကနေ အိမ်အကြီးကြီးကို စပြောင်းပြီးနေချိန် ကျင့်သားရအောင် ပြုလုပ်ပေးသလို ဖြစ်စေပါတယ်)။ အနှီးထုပ်ပေးတာဟာ ကလေးအတွက် မိခင်ခန္ဓာကိုယ်ထဲကနေ အပြင်လောကကြီးကို ရောက်လာတဲ့ ပြောင်းလဲမှုကို ကျင့်သားရအောင် ကူညီပေးပါတယ်။

✔️ကောင်းစွာ အိပ်ပျော်စေခြင်း
မွေးကင်းစ ကလေးတွေမှာ အလိုအလျောက်တုံ့ပြန်မှု Moro reflex ဆိုတာ ရှိပါတယ်။ အဲဒိ အလိုအလျောက်တုံ့ပြန်မှု Moro reflex ကြောင့် ကလေးအိပ်ပျော်တာကို ပြန်နိုးစေတတ်ပါတယ်။ မွေးကင်းစ ကလေးကို အနှီးထုပ်ပြီး သိပ်ထားပေးခြင်းအားဖြင့် Moro reflex ဖြစ်မှာကို တားစီးပေးနိုင်ပြီး ကလေးကို ကောင်းကောင်းအိပ်ပျော်စေပါတယ်။ #ကလေးခဏခဏနိုးနေလျှင်အနှီးသေချာထုပ်ပေးထားတာနည်းလမ်းကောင်းတခုပါ။

✔️လုံခြုံစိတ်ချရခြင်း
မွေးကင်းစကလေးလေးမှာ လက်သည်းလေးတွေရှိပြီး သူ့မျက်နှာကိုသူတို့ ပြန်ပြီး ခြစ်မိတတ်ပါတယ်။ အနှီးထုပ်ပေးခြင်းဟာ အဲဒိလိုပြုလုပ်မိခြင်းကိုလည်း ကာကွယ် ပေးရာရောက်ပါတယ်။

❗အနှီးထုပ်လျှင် သတိပြုရန်အချက်
ကလေးအနှီးထုပ်မယ် ဆိုလျှင် ဘယ်တော့မှ ကလေးခြေထောက်ကို အတင်းမဖြောင့်ပါနဲ့။ ပုံမှန်ကလေးခြေထောက် ခပ်ကွေးကွေးပုံစံထုပ်ပေးပါ။ ကလေးတင်ပါးနဲ့ ခြေထောက်ကို အလွယ်တကူလှုပ်လို့ရအောင် အောက်ပိုင်းနားကို ခပ်လျော့လျော့ ထုပ်ရပါမယ်။ ဘာဖြစ်လို့လဲဆိုတော့ တင်ပဆုံကွင်းနဲ့ ပေါင်းရိုးအဆက်နေရာမှာ ပြသနာဖြစ်ပြီး hip dysplasia ဖြစ်နိုင်လို့ပါ။

▪️ကလေးတိုင်းကရော အနှီးထုပ်ပေးတာ ကြိုက်ကြသလား
တချို့မွေးကင်းစကလေးတွေကတော့ အနှီးထုပ်ပေးတာကိုမကြိုက်ကြပါဘူး။ သူတို့ကို အနှီးထုပ်ပေးတာနဲ့ အတင်းရုန်းတာမျိုးတွေ ဖြစ်တတ်ပါတယ်။ နည်းလမ်းမျိုးစုံနဲ့တော့ ကြိုးစားကြည့်သင့်ပါတယ်။ ဒါပေမဲ့ တချို့ကလေးတွေက အနှီးထုပ်ထားရင် သက်တောင့်သက်သာ မရှိတာမျိုး ဖြစ်တတ်တာမလို့ အတင်းအကြပ်တော့ လုပ်မပေးသင့်ပါဘူး။ ကလေးက မှောက်တတ်တဲ့အရွယ်ဆိုရင်တော့ အနှီးထုပ်ပေးဖို့ မသင့်တော်တော့ပါဘူး။ နောက်တချက်က ရာသီဥတုအရမ်းပူတဲ့အချိန်မျိုးမှာ အနှီးထုပ်ထားရင် အပူချိန်လွန်ကဲတတ်လို့ ကလေးအတွက်မကောင်းပါဘူး။

▪️အနှီးထုပ်တာကို ဘယ်အချိန်မှာ ရပ်ရမလဲ

ကလေးက မှောက်တတ်ပြီးဆိုရင် အနှီးမထုပ်သင့်တော့ပါဘူး။ အနှီးကမတော်တဆ နှာခေါင်းကိုပိတ်ပြီး အသက်ရှုကြပ်မှာစိုးလို့ပါ။ ကလေး ခေါင်းထောင်ပြီး တလ ကြာတဲ့အခါ အနှီးထုပ်တာ ရပ်ချင်ရပ်လို့ရပါပြီ။

19/12/2025

''ကလေးလေးတွေရဲ့ ခန္ဓာကိုယ်လှုပ်ရှားပုံ အကြောင်း''

ကလေးလေးတွေရဲ့ ခန္ဓာကိုယ်လှုပ်ရှားပုံကို ကြည့်ပြီး သူ့တို့ ဘယ်လိုတွေခံစားနေရတယ် ဆိုတာခန့်မှန်းနိုင်ပါတယ်

📍နောက်ကျောကော့ခြင်း
အသက် ၂ လ အောက် ကလေးတွေ နောက်ကျောကော့ရင် လေထိုးလေအောင့်နာကျင်တာ ဖြစ်နိုင်ပါတယ်။ အစာစားပြီး အဲလိုကော့ရင်တော့ ဗိုက်ပြည့်နေပြီလို့ဆိုလိုခြင်းပါ။ အသက် ၂ လအထက် ကလေးတွေ နောက်ကျောကော့ရင်တော့ ပင်ပန်းနေတာ၊ စိတ် မကြည်လင်တာမျိုး ဖြစ်နိုင်ပါတယ်။

📍ခေါင်းကိုလှည့်နေခြင်း
ကလေးတွေ အိပ်ပျော်ခါနီးမှာ ခေါင်းကို ဟိုဘက်ဒီဘက် လှည့် နေတတ်ပါတယ်။ သူစိမ်းတွေ့ရင်လည်း ခေါင်းကိုလှည့်တတ်ပါတယ်။

📍နားကိုကိုင်ကြည့်နေခြင်း
ပုံမှန် အချိန်တော်တော်များများမှာတော့ သူတို့ ခန္တာကိုယ်ကို စူးစမ်းချင်လို့ အဲလိုလုပ်တာပါ။ ဒါပေမဲ့ နားကိုကိုင်နေပြီးတော့ ငိုနေတာမျိုးကို ခဏခဏ လုပ်နေရင်တော့ ဆရာဝန် နဲ့ ပြသင့်ပါတယ်

📍ခြေထောက်ကို မြှောက်ခြင်း
ကလေးတွေ ဗိုက်နာလျှင် ခြေထောက်ကို မြှောက်နေတတ်ပါတယ်

📍လက်မောင်း ဆတ်ခနဲလှုပ်ပြီးမြှောက်ခြင်း
အသံကျယ်တခုခုကြားပြီး ကြောက်လို့ လက်မောင်းကို ဆတ်ခနဲ့ လှုပ်ပြီးမြှောက်လိုက်တာမျိုး တုံ့ပြန်တတ်ပါတယ်။ အဲလိုမျိုးဆိုကလေးကို သက်တောင့်သက်သာ ပြန်ဖြစ်အောင်လုပ်ပေးသင့်ပါတယ်။

Happy Kidz Health & Wellness

30/12/2025

29/12/2025

28/12/2025

27/12/2025

26/12/2025

25/12/2025

24/12/2025

23/12/2025

22/12/2025

21/12/2025

20/12/2025

19/12/2025

Address

Website

Alerts

Shortcuts

Share

Category