Astrologer Manoj Kumar Dhunna

02/01/2018

Namashkar Dosto Aaj Hum aapko Vrishab (Tauras) Rashi ke baare mein btaayenge.... Varsh 2018 Vrishab rashi waalo ke liye bohot he shubh samachar leke aa raha hai... Lekin aapko varsh 2018 mein apne sehat (health) ka dhyaan rakhna padega aap apne saubhaav (nature) mein gussa laa sakte hai..Bohot krodh aata rahega Jiske chalte aapke apne kaam kharaab honge sambandh kharaab honge... Bante kaam bigdenge Yaani aisa kaha jaaye ki aapki puri zindagi aapki har tarah negative parinaam dekhne ko milega... Toh aapko yeh sujhaav dete hai ki Apne krodh Aur apni utejna par pura control 2018 mein rakhna padega... Dheere Dheere aapke andar ichha shakti ka vikas hoga Aur aap kisi bhi mukaam ko prapt karne mein aap safal ho paayenge.. Aapke andar Will Power Jaagegi Agar aap aage badkar kaam karenge toh aapko safalta zaroor milegi Aur Vrishab rashi waalo ke apne pita ke liye bhi achha nahi ho sakta hai....Unko sehat sambandhi koi samasya ho sakti hai.... Vrishab rashi waale Jua Aur Lottery se dhoor rahe Kyuki aisa karne se unko aarthik samasya hone ki zada sambhavna hai....Aur inko Padaayi mein bhi aapka bhagya aapke saath hai Bas aap apne lakshya ko paane ke liye jee jaan se joot jaaye Iss se aapki samaj bhi badegi... Premi jodo ke liye yeh saal kisi tofey (gift) se kam nahi hai Aap ek dusre ke saath kaafi samay bitaayenge.... Kul milaakar yeh 2018 ka saal aapke liye Mila joola Rahega....

JAI MATA DI

01/01/2018

Namashkar Dosto Aaj Hum aapko Mesh Rashi ke baare mein bataane jaa rahe hai.... Iss 2018 mein aapki rashi mein naya kya hai... Aur kis kaam ko karne se 2018 mein Dhan Business aur Aapki life kaisi rahegi...Mesh Rashi waale jo log hai Unke business (Vyapaar) mein tarraki hogi... Aur aapka swasth (Health) achha bana rahega.. Iska kaaran hai Dev guru Bhraspati ki Kirpa Drishti October ke mahine tak sehat mand bani rahegi... Agar aapko Heart ki yaa Seene ki koi taqleef hai.. toh uska aapko dhyaan rakhne ki salaah di jaati hai.... Aur Raahu aur Shani ka upaaye karaane ki salaah di jaati hai.... Aur barsaat mein vahaan (vehicle) na chalaane ki salaah di jaati hai... Mesh rashi waalo ki padaayi par bhi dhyaan dene wala hai..... Raahu apne chauthe bhaao (4th house) mein hai.... Jo padaayi se dhyaan hataane ki koshish kar sakta hai... Lekin october tak ki Guru ki drishti aapke pehle bhaao (1st house ) par hai.... Jo aapke dimag ko chetan rakhegi Aur aap inn sabko paar karte hue Apne lakshya ko prapt karenge.... Lekin 11 october ke baad ka samay thoda sa kamzor reh sakta hai.... Uss samay apne mann ko thoda shaant rakhe.. Aisa karne se aap apne lakshya ko prapt kar sakte hai.... Mesh rashi waalo ko apne business mein bhi laabh mil sakta hai.. iska kaaran hai Mesh Guru ki drishti aapke laabh bhaao par rahegi...Aur rashifal 2018 ke anusaar shadi prem sambandh ke liye bhi achha reh sakta hai.... Kyuki Jeevan mein soubhagya kholne waale Dev guru Bhraspati aapke Saatve Bhaao (7th house) mein hai...Shadi Beha karaane mein ye aapke kaafi madad ke mood mein hai...

JAI MATA DI

06/08/2017

CHANDRA GREHEN -
Date 7 August 2017 Sharavan Shukal Paksh
Poornima Somawar Raat ko 10 bajkar 52 minute se chandra grehen shuru hoga.. Raat ke 12 bajkar 48 minute par khatam hoga Yeh Chandra Grehen purey Bharat varsh mein dikhaayi dega..

SUTAK - Date 7 August 2017 Sharavan ki poornima Raksha bandhan waale din Somwar ko hone waale chandra grehen ka sutak 1 bajkar 52 minute se shuru ho jaayega Rakhi waale din Somwar ko shaam ko mandir ke darwaar band rahenge

RAKSHA BANDHAN - Rakhi waale din Bhadra 11 bajkar 5 minute tak rahegi Shastro ke anusar bhadra mein rakhi bandhna ashubh hota hai... Rakhi waale din Somwar ko Bhadra Pataal mein vaas karegi Aur Bhadra jaha vaas karti hai Uska prabhaav bhi wahi hota hai
7 August somwar ko Surya uday ke baad beheney (sisters) Apne bhaiyo ki kalaayi mein rakhi baandhkar kumkum se tilak lagaakar Mangal kaamna kar sakti hai...
Raksha Bandhan ka sabse shubh samay Rakhi baandhne ke liye 7 August Somwar ke din 11 bajkar 5 minute se 1 bajkar 52 minute tak ka Uttam samay hai...

JAI MATA DI

24/07/2017

20/07/2017

"Chandra Grah"

Jin logo ka Chandra ashubh hoga Unki mata bimaar rehti hogi Aur Mirgi ka rog ,pagalpan ,behoshi ,fefado mein dikkat ,Mann mein ghabrahat ,Sardi jukhaam Aur Unn logo ke Mann mein aatma hatya karne ke vichaar baar baar aate hai...
Apna Chandra majboot karne ke liye yeh Upaaye kare...Apne Mata ke roz pair chhuye ,Somwaar (monday) ka vart rakhe ,24 Saal se pehle makaan na banaaye ,Moti Pehne...
Chawal ,Safed kapde , Safed chandan ,Safed phool aur cheeni ka daan kare.....

JAI MATA DI

16/07/2017

"Surya Grah"

Jin logo ka surya kharaab hota hai Unn logo ka jeevan bhar bhagya dava dol he rehta hai Unka maan sammaan vaibhav aur sampatti ki haani hoti hai...Surya kharab hone se Pita ko bhi kasht hota hai Unki apne pita se kabhi nahi banti Aur khudgarz aur vehmi bhi hota hai..
Apne Surya ke prabhaav ko badhaane ke liye yeh upaaye kare..
Buzurg aur Mata Pita ki jitni sewa karenge utna Surya ka bal badega Sone ki angoothi mein maanik pehne, Surya ko roz jal de, Gaaye (Cow) ko gehu aur gudd milakar khilaaye aur Sunday ko kisi bhraman ko gehu daan kare..

JAI MATA DI

16/07/2017

"Shani Grah"

Jinki Kundli mein shani kharaab ho toh woh insaan Aalsi, Daridra aur bimaar rehta hai aur jhooth ka putla hoga Kisi ki neki ko yaad na rakhne wala nirdhan kangaal hoga.
Shani kharaab hoga toh Rahu Ketu ka bhi fal manda hoga. Shani ki shanti ke liye aise kayi upaaye hai Jinke dwar insaan ke saare kasht dhoor hote hai....Jaise ki roz subha jaldi uthkar bhagwaan Bholenath par kaale til, kachha doodh chadana chaiye. Agar peepal ke pedd (tree) ke niche shivling ho toh bohot achha hoga aur Sharab , Maas (meat) ka Sevan na kare Aur Shanivaar ko Kaale kapde ka daan kare Aur kaale bhaise ko gudd khilaaye...

JAI MATA DI