बुद्धिराम बसुमतारी

10/03/2022

गोजोन हरनि सम आंगोफोर

13/12/2021

Copy paste
13 डिसेम्बर, 2021

दुलाराय बर' फरायसा आफादनि बारग' बोसोनगिरि मानगोनां मुस्रि मनेस्वर दैमारी(मानावगेदेद) आदानि गोथार जुलिनि खालार थि खालामनाय हाबाफारियाव बागसानि कलबारिनि मदायगामियाव ....

बे गोथार हाबाफारियाव मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीनि दैदेननायाव मिरु एबसुनि मोनसे हानाजाया बाहागो लाहैनायजों लोगोसे बे हाबाफारियाव बिटिआरनि गाहाइ मावफुं सोद्रोमा मानगोनां मुस्रि प्रमद बर', मुस्रिमा पारुल बरालि, एम.एल.ए. मुस्रि लरेन्स इस्लारी, एम.एल.ए. मुस्रि जलेन दैमारी, बिटिआरनि बुंथिगिरि कातिराम बर', इ.एम. रेवरेवा नार्जारीजों लोगोसे गोबां राइजो राजाफोरा बाहागो लायो ।

11/12/2021

Copy paste-All Bodo Students Union-ABSU
बड'फा हाउस, क'क्राझार
11 डिसेम्बर, 2021

मिरु एबसुनि आफादगिरि मानगोनां मुस्रि दिपेन बर'नि दैदेननायाव दिनै एबसुनिफ्राइ क'क्राझारनि CITयाव मानगोनां भारतनि MoS Dr. Rk. Ranjan Singh, External Affairs & Education खौ लोगो हमनानै बि.टि.आर गोरोबथा, बारग' एन.डि.एफ.बिनि सोद्रोमाफोरनि केस, अनसुंथाइ आरो सोलोंथाइनि सायाव गोसोखांलाइ गथायो ।
बे हाबाफारियाव एबसुजों लोगोसे चि.चि.बि.टि.आर(CCBTR) नि दैदेनगिरिफ्राबो बाहागो लादोंमोन ।

लोगोसे गुबुन मोनसे हाबाफारियाव बर' बिफान फोरोंगिरि गौथुमनि बानजाइनायाव साननैनि हाबाफारिजों रंगिया फरायसालिमायाव खुफुंजानाय खुंगा 20थि हायुंङारी सावरायमेलाव दान्दिसे दुलाराय बर' फरायसा आफादनि गाहाइ नेहाथारि मानगोनां मुस्रि खनिन्द्र बसुमतारीआ बाहागो लाहैयो ।

07/12/2021

Copy paste-All Bodo Students Union-ABSU
बड'फा हाउस, क'क्राझार
7 डिसेम्बर, 2021

क'क्राझार ओनसोलनि बनरगाव हालामनि सासे गोख्रों दैदेनगिरि, सांग्रां समाज सिबियारि, गुण गोनां फोरोंगिरि आरो बनरगाव दख'रा दुलाराय बर' फरायसा आफादनि गाइसनगिबि आफादगिरि मानाव गेदेर अजित सिं ब्रह्मनि अबथिरायै रुंसारि जानाय खौरांखौ मिथिनानै मिरु दुलाराय बर' फरायसा आफादा जोबोद दुखु मोनबाय लोगोसे नखर आरो नखरनि बाइ बाहागिजों लोगोसेनो दुखुनि बाहागोदारि जाफाहरबाय । बिथांनि जिउमाखौ अबं गसाइआ आलो गोजोनै अराय गावजों लोगोसेनो लाफाथों ।

बिथांनि दुलाराय बर' फरायसा आफाद आरो बर' हारिनो होलांनाय बिहोमाफोरखौ अरायसम गोसोखांगोन....

07/12/2021

Copy paste-All Bodo Students Union-ABSU
बड'फा हाउस, क'क्राझार
7 डिसेम्बर, 2021

बिथा गैयै बाथ्राफोरखौ लानानै एबसुखौ मुं सुनायनिफ्राइ जायखिजाया थाखोनि सुबुंङानो गोजानाव थानांगौ : खनिन्द्र बसुमतारी

चापागुरि ककलाबारि दख'रा एबसुनि खुंगा 28थि बोसोरसालिया जथुमाया दांगारिगाव दिउल मन्दिर फोथाराव साननैनि मेहेरगोनां हाबाफारिनि गेजेरजों दिनै जोबनानै थाङो। बे जथुमानिनो गेवलां मेलाव गाहाइ आलासि महरै मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीआ बाहागो लायो।

गाहाइ आलासि महरै बाहागो लानानै बिथाङा थांनाय गोलाव समाव एबसुखौ हारिनि जेंनाफोरखौ सुस्रांनायाव हेफाजाब होबोबाय थानायनि थाखाय चापागुरि ककलाबारि ओनसोलनि साफ्रोमबो राइजो राजाफोरजों लोगोसे बर' हारिनिनो साफ्रोमबो मेलेमजिबि सानसुमैमोननिफ्राइ जागायनानै राइजो राजाफोरनिसिम रोजा रोजा साबायखर बाउहरनानै, इयुनावबो बेबादिनो जोथोन आरो अननायखौ मोनलांबाय थागोनखौ मिजिंक थिबाय होननानै गावनि बिबुंथियाव बुंङो।

लोगोसेनो ससियेल मेडियानि गेजेरजों बिथा गैयै बाथ्राफोरखौ लानानै एबसुखौ मुं सुनायनिफ्राइ जायखिजाया थाखोनि सुबुंङानो गोजानाव थानांगौ होननानैबो गावनि बेसेनगोनां बिबुंथिफोरजों लोगोसे दाजाबदेरनानै बुंबावो ।
बे हाबाफारियाव मिरु एबसुनि सोलोंथाइ नेहाथारि सोमावसार बसुमतारी, बागसा जिल्ला एबसुनि आफादगिरि उमेस दैमारिजों लोगोसे जिल्ला आफादनि दैदेनगिरिफोर आरो हांख्रायजानाय आलासिफोरनि बाहागो लानायजों गेवलां मेला जोबनानै थाङो।

लोगोसे जमदुवार दख'रा एबसुनि खुंगा 4थि बोसोरसालिया जथुमायाबो 1नं कुसुमबिल गेलेग्रा फोथाराव सानसेनि मेहेरगोनां हाबाफारिनि गेजेरजों जोबनानै थाङो। बे जथुमानिनो गेवलां मेलाव गाहाइ आलासि महरै बाहागो लायो मिरु एबसुनि लेङाइ आफादगिरि आरो बाउण्डारि कमिसननि सोद्रोमा मानगोनां मुस्रि खोरोमदाव औवारीआ।

गेवलां मेलाव गाहाइ आलासि महरै बाहागो लानानै बिथाङा एबसुआ हर सान खामानि मावनायनि थाखायसो दिनै बर' हारियाव बेबादि गोजोना फैदों होननानै, जिखिजाया थासारियावनो एबसुखौ हारिनि थाखाय खामानि मावनो थाखाय बयबो उदांङै खाबु होनांगौ होननानै गावनि बेसेनगोनां बिबुंथियाव बुंथियो।

बे हाबाफारियाव मिरु एबसुनि मावख' नेहाथारि बुद्दिराम बसुमतारी, लोगो थुनलाइयारि नेहाथारि मनिराम बरगयारी, क'क्राराझार जिल्ला एबसुनि आफादगिरि कृपेस दैमारि आरो गाहाइ नेहाथारि काम्पा बसुमतारी, गसाइगाव समस्टिनि एम.एल.ए. मुस्रि जिर'न बसुमतारीजों लोगोसे ओनसोलनि गोबां मेलेमजिबि आरो राइजो राजाफोरनि बाहागो लानायजों हाबाफारिया मोजाङैनो जोबनानै थाङो।

06/12/2021

Copy paste-All Bodo Students Union-ABSU
बड'फा हाउस, क'क्राझार
6 डिसेम्बर, 2021

बिटिआर गोरोबथानि दफा बादियै मावफुंनायनि थाखाय आसाम सरकारखौ साबायखर बाउहरनानै आद्रा थानाय दफाफोरखौबो थाबैनो मावफुंनांगौ : दिपेन बर'

BTR गोरोबथानि 9.2 दफा बादियै हाथियार गथायनानै गुबै दाहाराव फैनाय बारग' एन.डि.एफ.बि सोद्रोमाफोरखौ फसंथाफिननो थाखाय गेदेरथार खान्थियारि मावबिथांखि राननानै होनाय साननैनि गेदेरथार हाबाफारिखौ दिनै क'क्राझार जिल्लानि क'क्राझाराव थानाय कालसारेल कमफ्लेक्सआव राननायजों दिनै फोजोबथ'बाय । दिनैनि बे हाबाफारियाव गाहायै क'क्राझार आरो चिलां जिल्लानि बारग' एन.डि.एफ.बिनि सोद्रोमाफोरनो गथायनाय जाबाय । बे हाबाफारिखौ गुबैयै आसाम आरो बिटिआर सरकारजों जयै खुंफुंनाय जादोंमोन ।
मिरु एबसुनि आफादगिरि मानगोनां मुस्रि दिपेन बर'आ बिटिआर गोरोबथानि दफा बादियै मावफुंनायनि थाखाय आसाम सरकारखौ साबायखर बाउहरनानै आद्रा थानाय दफाफोरखौबो थाबैनो मावफुंनो थाखाय खावलाय बाउओ ।
लोगोसे थालांबावनाय बारग' एन.डि.एफ.बि सोद्रोमाफोरनोबो गोरोबथानि सार्थआव थाबैनो गथायनो थाखाय दाबि दैखांहरबावो ।

05/12/2021

Copy paste-All Bodo Students Union-ABSU
बड'फा हाउस, क'क्राझार
5 डिसेम्बर, 2021

बिटिआर गोरोबथानि बाउण्डारि कमिसननि लांदां जानानै थानाय सेयारमेननि मासिखौ डिसेम्बर डाननि गेजेरावनो गोदानै थिसनफिननो थाखाय एबसुआ खामानि मावगासिनो : दिपेन बर'

सनितपुर जिल्ला बर' थुनलाइ आफादनि सनाथि मायथाइ फोर्बो फालिथाइजों लोगोसे आफादनि खुंगा 50थि बोसोरारि जथुमानि गेवलां मेलाव जर'खा आलासि महरै मिरु एबसुनि आफादगिरि मानगोनां मुस्रि दिपेन बर'आ बाहागो लायो ।
गेवलां मेलाव जर'खा आलासि महरै बाहागो लानानै बिटिआर बाउण्डारि कमिसननि लांदां जानानै थानाय सेयारमेननि मासिखौ डिसेम्बर डाननि गेजेरावनो थिसनफिननो थाखाय एबसुआ खामानि मावगासिनो होननानै बिथाङा बिटिआरनि सिमाखौ सानजाथिंथ' बारायखागोनानो होननानै खोलाथिंबो बारायगोन होननानै गावनि बेसेनगोसा बिबुंथिनि गेजेरजों फोरमायथियो ।
बे गेवलां मेलाव मिरु एबसुनि बोसोनगिरि मानगोनां मुस्रि खुंख्रा सर्गियारीयाबो हांख्राइजानाय आलासि महरै बाहागो लायो ।

05/12/2021

Copy paste-All Bodo Students Union-ABSU
बड'फा हाउस, क'क्राझार
5 डिसेम्बर, 2021

BTR गोरोबथानि 9.2 दफा बादियै हाथियार गथायनानै गुबै दाहाराव फैनाय बारग' एन.डि.एफ.बि सोद्रोमाफोरखौ फसंथाफिननो थाखाय गेदेरथार खान्थियारि मावबिथांखि राननानै होनाय साननैनि गेदेरथार हाबाफारिखौ दिनै बागसा जिल्लानि तामुलपुराव जागायजेनबाय । दिनैनि बे हाबाफारियाव गाहायै अदालगुरि आरो बागसा जिल्लानि बारग' एन.डि.एफ.बिनि सोद्रोमाफोरनो गथायनाय जाबाय ।

लोगोसे बे एखे हाबाफारिखौनो गाबोन 6 डिसेम्बर खालाराव चिरां आरो क'क्राझार जिल्लानि थाखाय क'क्राझाराव थानाय काल्सारेल कमफ्लेक्सआव सानजौफुनि 12 रिंगानिफ्राय मावफुंनो थाखाय थि खालामदों ।

04/12/2021

Copy paste-All Bodo Students Union-ABSU

बड'फा हाउस, क'क्राझार
4 डिसेम्बर, 2021

बड'फानि मोनफ्रोमबो आद्रा थानाय सिमांखौ जाफुं होनाया जोंनि थांखि : दिपेन बर'

कृष्टि पटार(Krishti Pathar)आ देग्लाइनि कृष्टि एवार्ड 2021 (Krishti Award 2021)खौ सायख'जानाय सुबुंनो दिनै हाउलि साहित्य सभा भवनाव गथायबाय ।
कृष्टि पटारआ बोसोरफ्रोमबो थुनलाइ, हारिमु, समाजारि फोथाराव खामानि मावनाय सुबुंनो गुबैयै बे बान्थाखौ गथायनाय जाबोदों । मुंख'जायोदि, बे आफादा उपेन्द्रनाथ ब्रह्मनि मुङैबो थांनाय 2019 मायथाइनिफ्राइनो बान्था होबोदों ।
गिबि खेबनि उपेन्द्रनाथ ब्रह्म बान्थाखौ क'क्राझार इउ.एन.एकाडेमिनि बिथोनगिरि मानगोनां मुस्रि कृष्ण गपाल बसुमतारीनो गथायनाय जादोंमोन । कृष्टि पटारआ देग्लाइनि नैथि उपेन्द्रनाथ ब्रह्म बान्थाखौ दुलाराय बर' फरायसा आफादनि आफादगिरि मानगोनां मुस्रि दिपेन बर'नो गथायबाय ।

बान्था होनाय हाबाफारियाव बाहागो लाहैनानै मिरु एबसुनि आफादगिरि मानगोनां मुस्रि दिपेन बर'आ कृष्टि पटारनि मान होनायखौ आजावदों नाथाय गावखौ बे बान्थाखौ आजावनायनि जग्यता गैयामोन होननानै गावनि बिबुंथियाव बुंथिनानै बड'फानि मोनफ्रोमबो आद्रा थानाय सिमांखौ जाफुं होनाया जोंनि थांखि होननानै दाजाबदेरनानै बुंबावो ।
उपेन्द्रनाथ ब्रह्म बान्थाजों लोगोसे देग्लाइनि ड० बानिकान्त काक'टि बान्थाखौ बरपेटानि रबिन्द्रनाथ ठेगर मालुगसोलोंसालिनि भि.चि. ड० अमलेण्डु चक्रबर्ति आरो जि.एल. आगरवाल्ला खौरांगिरि बान्थाखौ मुनिन बायननो गथायनाय जाबाय ।

04/12/2021

Copy paste- All Bodo Students Union- ABSU

बड'फा हाउस, क'क्राझार
4 डिसेम्बर, 2021

सरकारा दानसोरां नार्जारीनि नखरनो रांनि अनसुथाइ होनांगौ : दिपेन बर'

बागसा जिल्लानि सिङाव थानाय बालनारि गामिनि दानसोरां नार्जारीआ बावैसो सान सिगां GOAयाव जानाय WAKO INDIA KICKBOXING CHAMPIONSHIP-2021 आव बाहागो लाहैनानै सनानि मेडेलजों देरहासाद जानानै न' फार्से गिदिंबोफिननाय समावनो हरखाबै रुंसारि जायो ।

बेखौनो दिनै रुंसारि पंबायनि नखराव मिरु एबसुनि आफादगिरि मानगोनां मुस्रि दिपेन बर'आ खौरां लाहैनानै नखर आरो बाइ-बाहागिजों दुखुनि बाहागोदारि लाफाहैनानै नखरनो रांनि अनसुंथाइ होनांगौ होननानै सरकारनिसिम दाबि दैखाङो ।
पंबाय दानसोरां नार्जारीआ उत्तराखंड राइजो डेराडुननि रायपुराव थानाय महाराना प्रताप स्पर्टस कलेजाव WAKO INDIA FEDERATION CUP 2019 (National Kick Boxing Championship)यावबो सनानि मेडेल आवग्रिनो हादोंमोन । दायो बिथांनि गोथै देहाखौ एबसु आरो बिटिआर सरकारनि हेफाजाबाव आंगो गामिसिम लाबोगासिनो आरो बेलासि समाव नखराव सफैगोन ।

लोगोसे बै बादायलायनायावनो सनितपुर जिल्लानि सिङाव थानाय 1 नं गनेसगुरि(हुग्राजुलि) गामिनिफ्राय बाहागो लाहैनानै ब्रणजनि मेडेल देरहानो हानाय पंबाय राजु खेरखातारीनि न' फार्से फैबाय थानायावनो हरखाबै मोनथि मोनै बेराम जों गाग्लोब जानानै KARNATAKA INSTITUTE OF MEDICAL SCIENCE, HUBLI, Pin- 580029 हसपिटालाव फाहामथाय लागासिनो थानायखौबो दुखु फोरमायनानै आसाम सरकारखौ बिनि सायाव नायबिजिरनो थाखायबो मिरु एबसुनि आफादगिरि मानगोनां मुस्रि दिपेन बर'आ खावलायो ।

30/11/2021

³⁰ नभेम्बर ²⁰²¹

धेमाजि जिल्लानि आवथायाव थानाय गासै दख'रा एबसुखौ लानानै सिमेन चापरिनि सानजारि नोगोराव थानाय जिल्ला एबसुनि गाहाइ मावख'आव दुलाराय बर' फरायसा आफादनि गेदेरथार नोजोर : थां, माव आरो जौगा (Live, Work and Prosper), आदब आरो गुनगोनां सोलोंथाइनि मावथांखि (Mission Skill and Quality Education), बड'फा गोजोरथियारि सोलायनाय मावथांखि (Bodofa Mission For Sustainable Change) आरो आफादारि बिथिङाव आजावनाय माखासे थांखि/मावथांखिफोरखौ आबुङै मावफुंलांनायनि थांखि आरो नोजोरखौ लानानै दिनै बेलासेनि 1:00 रिंगानिफ्राइ "मावफारिया मावबादा" खुंनाय जायो।

मुंख'जाथावदि "मावफारिया मावबादा" खौ मेहेरगोनाङै बेखेवनानै होयो मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीआ । हाबाफारियाव दुलाराय बर' फरायसा आफादनि आफादगिरि मानगोनां मुस्रि दिपेन बर'आ आफादनि थांखि आरो मावथांखिफोरनि सायाव गुवारै बिबुंथि लाखियो । लोगोसेयैनो बे "मावफारिया मावबादा" याव मिरु एबसुनिनो लेङाइ आफादगिरि मानगोनां मुस्रि खोरोमदाव औवारीयाबो बाहागो लानानै आफादनि आफादारि बिथिंनि सोमोन्दै बुंथियो ।
बे हाबाफारियाव मिरु एबसुनिफ्राइ फारियै नेहाथारि निजोम बसुमतारी, बिरदाव बर', आनान्द दैमारि, सुबुं फोनांजाब नेहाथारि बड'सा ब्रह्म आरो गेलेमु नेहाथारि गनेस बसुमतारीआबो बाहागो लायो ।

21/11/2021

17/11/2021

बड'फा हाउस, क'क्राझार
17 नबेम्बर, 2021

जेब्लासिम दाबिफोरा सुस्रां जाया अब्लासिम सोमावसारलांबाय थागोन : सोमावसार बसुमतारी

बड'लेण्ड मुलुगसोलोंसालिनि जेंनाफोरखौ लानानै दिनैबो बागसा जिल्लानि बेन्दोंङाव थानाय गं 10निबो बांसिन फरायसालिमानि लांगोनायाव 2 घन्टा धर्णा हाबाफारि लादों ।

गोबाव समनिफ्रायनो दुलाराय बर' फरायसा आफादा बड'लेण्ड मुलुगसोलोंसालियाव सोलिबाय थानाय जेंनाफोरखौ सुस्रांनांगौनि थाखाय भि.चि. लाइश्राम लाडु सिंजों सावरायनानै गोबां खेब गोसोखांबिलाइ गथायबोदोंमोन । नाथाय बिथाङा बड'लेण्ड मुलुगसोलोंसालिनि जेंनाफोरखौ सुस्रांनो इसेबो गोसो होदिया ।

बेखायनो दिनैबो (1) थाबैनो बिटिआर ओनसोलनिफ्राइ बड'लेण्ड मुलुगसोलोंसालियाव अरायथा(पार्मानेन्ट) रेजिस्ट्रार थिसननो (2) अरायथा रेजिस्ट्रार थिसनजासिम गेदेर थांखिफोर लानायखौ बन्द' खालामथनाय (3) इक्जुकिउटिब मिटिंनि सिगां इउनिभारसिटि कर्ट मिटिंखौ खुंनाय (4) बड'लेण्ड इउनिभारसिटिनि इक्जुकिउटिभ काउनसिलनि लांदां जानानै थानाय सोद्रोमाखौ थिसननाय आरो (5) थाखानाय बड'लेण्ड मुलुगसोलोंसालिनि भि.चि. प्रफेसार लाइश्राम लाडु सिंखौ बोखारनाय दाबिफोरखौ लानानै बागसा जिल्लानि बेन्दोंङाव थानाय गरेस्वर, तामुलपुर, तामुलपुर डिग्री, बाकसा डिग्रि, मुसलपुर, बर'मा, बि.बि. किसान, के.चि कलेज, आनान्द बाजार डिग्रि आरो सालबारि फरायसालिमानि दालाइसा एबसु आरो लिटारेरि गौथुम जथायै फरायसालिमानि लांगोना मोखांङाव 2 घन्टा धर्णा हाबाफारि लादों ।

07/11/2021

27/10/2021

बड'फा हाउस, क'क्राझार
27 अक्ट'बर, 2021

फरायनायजों लोगोसे बर' माहारिखौ जौगाहोनायाव साफ्रोमबो फरायसायानो बिबान लानांगोन : दिपेन बर'

क'क्राझार जिल्ला दुलाराय बर' फरायसा आफादनि बानजायनायाव दिनै कचुगाव, गसाईगाव आरो जमदुवार दख'रा आफादनि बेन्दोंङाव थानाय फरायसालिमा आरो मुलुगसोलोंसालियाव फरायफुबाय थानाय फरायसा आरो लाइमोनफोरखौ लानानै गुबुन गुबन थावनियाव सावराय मेल खुंदों ।

कचुगाव दख'रा एबसुनि बानजाइनायाव खुफुंजानाय लाइमोन जथुमाव मिरु एबसुनि आफादगिरि मानगोनां मुस्रि दिपेन बर'आ गाहाय आलासि महरै बाहागो लानानै फरायनायजों लोगोसे बर' माहारिखौ जौगाहोनायाव साफ्रोमबो फरायसायानो बिबान लानांगोन होननानै गावनि बेसेन गोनां बिबुंथिनि गेजेरजों लाइमोनफोरखौ खावलायो ।

बेबादिनो गसाईगाव दख'रा एबसुनि बानजायनायाव खुंनाय लाइमोन जथुमाव मिरु एबसुनि गाहाइ नेहाथारि मानगोनां मुस्रि खनिन्द्र बसुमतारीआ बाहागो लानानै फरायसाफोरनि गोसोखौ अराय गेबें आरो गोजोर जानायजों लोगोसे बुहुमाव रायजो जानाय बर'फोरनि साफा साफा दैदेनगिरि जानांगोन होनानै गावनि बेसेन बर्ह्रा बिबुंथिनि गेजेरजों लाइमोनफोरखौ खावलायो आरो मिरु एबसुनि बुंथिगिरि जनक उजिरा बाहागो लानानै लाइमोनफोरखौ गावनि जिउखौ दाफुंनायजों लोगोसे बर' माहारिखौ अराय जोथोन लालांनो गावनि बिबुंथिनि गेजेरजों खावलायो ।

गुबुन फार्से, जमदुवार दख'रा एबसुनि बानजायनायाव जानाय लाइमोन जथुमाव मिरु एबसुनि लेङाइ आफादगिरि मानगोनां मुस्रि खोरोमदाव औवारीआ गाहाइ आलासि महरै बाहागो लानानै लाइमोनफोरखौ फरायनाय समावनो गावनि जिउनि थांखिखौ थि खालामखानानै लाखानायजों लोगोसेनो समाजारि बेरखा हाबाफारिनिफ्राइ अराय गोजानाव थानो खावलायो ।

22/10/2021

https://www.facebook.com/Bodolandradabb/videos/1206637066499715/

14/10/2021

जाग्रा मुवाखौ नांनायनि बारा जायोब्ला देहाया खस्थ' मोनो थिख बेबायदिनो नंनायनि बारा एबा सिमा बारनानै खोथा बुङोब्ला खैफोदाव गोग्लैनो हागौ।