https://www.facebook.com/107363575045052/

Aarogya Maitri, Dombivli (2025)

01/01/2025

🎊 *नवीन वर्षाच्या हार्दिक शुभेच्छा* 🎊🎆🥳

प्रत्येक वर्षाचं फायनान्शिअल प्लॅनिंग आपण जसं करतो तसंच हेल्थ प्लॅनिंगची गरज वाढणाऱ्या वयानुसार प्रत्येकाला असते.

वयानुसार शरीरात अनेक बदल घडत असतात आणि शरीराची सतत झीज होत असते, आपल्या पेशी आणि स्नायू कमकुवत बनत असतात.

*त्यामुळे यावर्षी आपल्या हेल्थ प्लॅनिंगसाठीची ही चेकलिस्ट.......*

1. आपले हिमोग्लोबिन योग्य आहे की नाही याची तपासणी करा. नसल्यास आहारात योग्य बदल करा.
2. कॅल्शियम आणि विटामिन डी हे उत्तम हाडे, सांधे आणि स्नायूंसाठी आवश्यक असते. त्यासाठी आहारात योग्य बदल, व्यायाम सुरु करा.
3. चांगल्या फिटनेससाठी नुसता चालणे हा व्यायाम पुरेसा नसतो. चालण्याबरोबरच मसल्सची ताकद वाढवणारे व्यायाम आणि लवचिकता वाढवणारे व्यायाम अत्यावश्यक असतात.
4. महिलांनी कमी हिमोग्लोबिन, पाळीच्या समस्या, सतत राहणारा थकवा, भूक नसणे या गोष्टींकडे दुर्लक्ष करू नये. या समस्या पुढे जाऊन मोठ्या आजाराचे कारण बनतात.
5. शरीराच्या व्यायामाबरोबरच मेंदूच्या आणि मनाच्या स्वास्थ्यासाठी मेंदूचे व्यायाम, छंद, चांगले वाचन, स्ट्रेस मॅनेजमेंट या गोष्टी अत्यंत गरजेच्या आहेत.
6. आज-काल बीपी, डायबिटीस, हार्मोनल इम्बॅलन्सेस हे आजार चुकीच्या जीवनशैलीशी निगडित असतात. त्यामुळे योग्य आहार म्हणजेच माईंड फुल इटिंग, योग्य झोप, आणि व्यायाम ही उत्तम आरोग्याची त्रिसूत्री आहे. त्याचा नक्की अवलंब करावा.

डाॅ. गायत्री मुळ्ये
*अमृतवेद आयुर्वेदिक क्लिनिक*
पत्ता - शॉप नं 8. महालक्ष्मी को. हौ. सोसायटी, एम. जी.रोड, अंबिका नगर, एल. आय. सी.ऑफिस जवळ, डोंबिवली वेस्ट
*मोबाईल नंबर*- 8422882215

03/10/2024

Women health check up camp on the occasion of Navratri
Pls call on 8422882215 for more details

25/09/2024

Suvarnaprashan @ AmrutVed Ayurvedic clinic
Date - 27th Sept 24

24/09/2024

श्री गणेशाच्या शुभाशीर्वादाने, डोंबिवली पश्चिम येथे सुरु असलेले क्लिनिक नव्या रूपात आणि अधिक सुविधांसह सेवेत रूजू करत आहोत.

अमृतवेद आयुर्वेदिक क्लिनिक,
शॉप नंबर 8, महालक्ष्मी कृपा सोसायटी, भावे सभागृहाजवळ, डोंबिवली पश्चिम.
फोन - 8422882215

10/05/2024

अक्षय्य तृतीयेच्या हार्दिक शुभेच्छा
विशेष उपचार शिबिर
अधिक माहितीसाठी, संपर्क - @8422882215

09/12/2023

केसातील कोंड्यावर ( Dandruff )बऱ्याच वेळी फक्त घरगुती उपचार केले जातात. यामुळे केसातील कोंडा व केस गळती वाढलेली दिसते. *दोन महिन्यापेक्षा अधिक काळ कोंडा असेल तर डॉक्टरांच्या सल्ल्यानेच उपचार केले पाहिजेत. कोंड्याच्या मागे बऱ्याच वेळेला काही त्वचेचे आजार असण्याची शक्यता असते.* या आजाराचे योग्य निदान व उपचार आयुर्वेदिक पद्धतीने योग्य प्रकारे होऊ शकतात.

तुम्हालाही त्वचा व केसांच्या समस्या अवश्य संपर्क साधा @8422882215

06/12/2023

*मुलांचे वजन, वय व उंचीप्रमाणे वाढत नसल्यास* .........

थंडीच्या काळात शरीरातील अग्नि म्हणजेच पचनशक्ती ही उत्तम असते. मुलांची भूकही या काळात वाढलेली असते. अशावेळी योग्य आहाराचा, योग्य पोषणमूल्यांचा विचार करून जर लहान मुलांचा आहार नियोजित केला तर नक्कीच मुलांच्या वजनात वाढ झालेली दिसते.

1. सर्वप्रथम मुलांना जंताचे औषध देणे विसरू नका. चेहऱ्यावर पांढरे डाग येणे, अति भूक किंवा कमी भूक लागणे, माती खाणे अशी लक्षणे असल्यास डॉक्टरांशी संपर्क साधा.

2. मुलांच्या नाश्त्याला दूध - बिस्किट, चहा - पोळी, जाम पोळी असे पदार्थ देण्यापेक्षा पौष्टिक आणि तुपाने युक्त असे पदार्थ द्या. कारण नाश्त्याच्या वेळी आठ ते दहा तास झोपेनंतर आणि प्रातःविधीनंतर पोटाला कडकडीत भूक लागलेली असते. अशावेळी सांजा, उपीट, बटाटा/ चीज/ पनीर यांचे पराठे अशा प्रकारचा नाश्ता द्या.

3. दुपारचे जेवण बऱ्याचदा शाळेत असते अशावेळी जेवण कोरडे होणार नाही याची काळजी घ्या. त्यासाठी सुकी भाजी असल्यास कोशिंबीर आवर्जून द्या. पोळीला तूप लावायला विसरू नका.

4. संध्याकाळी भुकेच्या वेळेला प्लेन दूध देण्यापेक्षा नाचणी सत्व / नाचणी खीर / गाजराची / दुधी भोपळ्याची खीर / अंडी असे पदार्थ समाविष्ट करा.

5. दिवसभरातून दोन वाटी तरी घट्ट वरण, उसळ असे प्रोटीन युक्त पदार्थ लहान मुलांच्या आहारात असावेत. वेगवेगळ्या भाज्यांची सुपं आणि परोठे डब्यामधून दिल्यास पोषण मूल्यांची कमतरताही भरून निघते.

6. या सर्वांच्या आधी तुमच्या मुलाची भूक योग्य आहे की नाही व पोटाच्या काही तक्रारी आहेत का? याची मात्र चाचपणी करा. नसल्यास डॉक्टरांचा अवश्य सल्ला घ्या.

*भूक व पचनशक्ती योग्य नसताना ड्रायफ्रूट्सचा / प्रोटीन पावडरचा कितीही मारा केला तरी वजन वाढत नाही उलट त्याचे अपायच होताना दिसतात. अशावेळी मुलांवर प्रयोग न करता डॉक्टरांचा जरूर सल्ला घ्या* .

🏥 **ऑर्थोवेद आणि रेडियंट आयुर्वेद क्लिनिक*
पत्ता: शॉप नं 8, महालक्ष्मी को.हो. सोसायटी, एम.जी. रोड, अंबिका नगर, एल. आय. सी. ऑफिस जवळ ,
*डोंबिवली वेस्ट* 🚉

Call on - 8422882215

21/10/2023

*नवरात्रीनिमित्त महिला आरोग्यविषयक लेखमालिका - भाग 6* - *महिलांमधील केसांच्या समस्या*

केस गळणे, केस पातळ होणे, केसात कोंडा होणे, चाई पडणे अशा अनेक तक्रारी जवळपास प्रत्येक महिलेमध्ये दिसतातच. फक्त त्या वेगवेगळ्या वयात उद्भवताना दिसतात.

या सर्व समस्यांमध्ये 80 टक्के कारणं ही आहाराशी निगडित असतात. योग्य वयोमानाप्रमाणे योग्य पोषणमूल्यांचा अभाव आणि कमी जास्त होणाऱ्या हार्मोन्सचा परिणाम केसांवरती झालेला दिसतो.

तरुण मुलींमध्ये तळलेले आणि खारवलेले पदार्थ अत्यंत प्रमाणात खाणे, जंक फूड यातच भर म्हणून व्यायामाचा अभाव या सगळ्यांमुळे योग्य पोषण न मिळाल्यामुळे केसांच्या समस्या दिसून येतात. यातच ट्रॅव्हलिंग स्वरूपाचे काम असेल सतत हवामान बदल, धूळ, धूर आणि बाहेरचे खाणे त्यामुळे तर हा त्रास जास्त होताना दिसतो किंवा अकाली केस पिकणे ही समस्या दिसते.

डिलेवरी नंतर सामान्यतः कमी झालेले हिमोग्लोबिन, कॅल्शियम आणि प्रोटीनचा अभाव या तीन कारणांमुळे हेअर फॉल दिसतो. अशावेळी आहारातील योग्य बदलाने सुद्धा केस निरोगी राहू शकतात.

पेरी मेनोपॉझल वयामध्ये हार्मोन्सच्या कमी जास्त प्रमाणामुळे केस गळताना दिसतात अशावेळी आयुर्वेदिक औषधांचा उत्तम फायदा होताना दिसतो.

आहारात योग्य मात्रेत प्रोटीन, नाचणी, दूध, राजगिऱ्याच्या लाह्या काळे खजूर, तीळ यासारखे कॅल्शियमयुक्त पदार्थ महिलांच्या आहारात असणे अत्यंत गरजेचे आहे. योग्य वेळेला येणारी पाळी ही आतील आरोग्याचे इंडिकेटर असते. यातील बिघाड्याकडे त्वरित लक्ष देणे अत्यंत आवश्यक आहे.

याशिवाय योग्य तेल, स्वतःच्या प्रकृतीनुसार केसांची प्रकृती ओळखून केलेले बाह्य उपचार यामुळे केसांच्या समस्या दूर होतात.

कोणत्याही तेलाची कितीही मोठे ॲड झाली तरी केसांच्या समस्यांचे मूळ कारण हे शरीरातील समस्येची निगडित असते. योग्य वेळी योग्य निदान व वेळेत उपचार चालू करणे हे केसांच्या समस्यांसाठी अत्यंत गरजेचे असते. बऱ्याच वेळेला केसांसाठी द्यावी लागणारी ट्रीटमेंट ही तीन ते सहा महिन्यांची असते त्यामुळे केसांच्या समस्या मुळातून नष्ट होण्यासाठी ती ट्रीटमेंट पूर्ण होणे हे तितकेच गरजेचे असते.

केसांच्या समस्यांसाठी त्यामागील कारण शोधणे अत्यंत आवश्यक आहे त्याचा विचार करूनच उपचारांना सुरुवात करा.

या देवी सर्वभूतेषु *आरोग्य-रूपेण* संस्थिता।
नमस्तस्यै नमस्तस्यै नमस्तस्यै नमो नमः॥

*डॉ. गायत्री मुळये*
एम.डी. (आयुर्वेद)
ऑर्थोवेद क्लिनिक, डोंबिवली वेस्ट
अधिक माहितीसाठी, संपर्क - 8422882215

20/10/2023

*नवरात्रीनिमित्त महिला आरोग्यविषयक लेखमालिका - भाग 5* - *महिलांमधील लठ्ठपणा*

प्रत्येक महिलेला वयोमानाप्रमाणे विविध शारीरिक बदलांना आणि हार्मोनल चेंजेसना सामोरे जावे लागते. महिलांना पाळी येणे, त्यानंतर प्रेग्नेंसीचा काळ, प्रेग्नेंसी पश्चात काळ, मेनोपॉजच्या आजूबाजूची वर्षे आणि मेनोपॉज नंतरचा काळ या सर्व बदलांना सामोरे जावे लागते. यात होणाऱ्या बदलानुसार महिलांनी स्वतःची योग्य काळजी घेतली नाही तर लठ्ठपणा मागे लागतो.

लग्नात माझं वजन अगदी 50 किलो होतं आणि आता ते 80 किलो झालं आहे पासून ते पाळी गेल्यानंतर माझं अचानक वजन वाढलं अशा अनेक समस्या घेऊन महिला येतात.

सर्वात महत्त्वाचं म्हणजे वाढलेलं वजन हे अनेक आजारांना बरोबर घेऊन येताना दिसतं. तरुण वयात वाढलेलं वजन हे पी.सी.ओ.डी, इन्फर्टिलिटी अशा समस्यांना कारणीभूत ठरताना दिसतं तर प्रेग्नेंसी नंतर वाढलेलं वजन हे अनेक वातांच्या आजाराला निमंत्रण देतं. वाढलेला लठ्ठपणा हा गुडघेदुखी, टाचदुखी अशा अनेक समस्या निर्माण करतो. मेनोपॉज नंतर अचानक वाढलेलं वजन हे डायबिटीस, ब्लडप्रेशर अशा समस्या निर्माण करतं.

मला वजन कमी करायचा आहे कारण मला उत्तम आरोग्य मिळवायचा आहे हा हेतू घेऊन मुळात महिला येतच नाहीत. मला चांगलं दिसायचं आहे किंवा दिवाळीत कोणाचतरी लग्न आहे तोपर्यंत मला बारीक व्हायचं आहे असं काहीतरी चुकीचं गोल घेऊन वजन कमी करायला सुरुवात होते. त्यातही कमी दिवसात जास्तीत जास्त वजन कमी करण्याच्या नादामध्ये फॅन्सी, चुकीचा डाएट केला जातो. पोषण मूल्यांचा आधीच असलेला अभाव, चुकीच्या मात्रेत लादलं गेलेलं प्रोटीनचं प्रमाण अशा डाएट प्रकारांमुळे नवीन आजारांना सुरुवात झालेली महिलांमध्ये दिसून येते.

मुळात वजन नक्की कशामुळे वाढलं आहे, तुमचा जाठराग्नी, तुमची पचनशक्ती, तुमचं मेटाबोलिजम कसं आहे? तुमची प्रकृती कशी आहे? वयानुसार तुम्हाला कुठल्या पोषणमूल्यांची जास्त आवश्यकता आहे? या सगळ्यांचा विचार करून जर वजन कमी केलं तर तो हेल्दी वेट लॉस होतो.

महिलांमध्ये थंब रूल प्रमाणे आपण एकसारखा डाएट देऊ शकत नाही. मुळातच योग्य व्यायाम न करता कमी केलेले वजन हे जास्त काळ टिकतही नाही आणि त्याच्या शरीराला फायदाही होत नाही. त्यामुळे वेटलॉस करताना व्यायाम तितकाच महत्वाचा.

मुळात मला फिट व्हायचं आहे म्हणजेच उत्तम कार्डियाक कॅपॅसिटी, लवचिकता आणि मसल्स स्ट्रेंथ मिळवायची आहे म्हणून जर महिलांनी डाएट आणि व्यायामाला सुरुवात केली आणि वेटलॉस हा त्याचा बायप्रॉडक्ट म्हणून बघितला तर उत्तम आरोग्याकडे योग्य रीतीने वाटचाल होते.

योग्य डाएट व व्यायाम करून केलेला वेट लॉस प्रत्येक महिलेला आतून सुंदर, फिट आणि सामर्थ्यवान बनवतो. प्रत्येकीने 'चवळीची शेंग' दिसण्याची गरज नसते, पण उत्तम आरोग्यासाठी उत्तम फिटनेस आणि योग्य वजन मात्र गरजेचे असते.

या नवरात्रीपासून उत्तम फिटनेस आणि योग्य वजन याकडे जरूर लक्ष द्या.

या देवी सर्वभूतेषु *आरोग्य-रूपेण* संस्थिता।
नमस्तस्यै नमस्तस्यै नमस्तस्यै नमो नमः॥

*डॉ. गायत्री मुळये*
एम.डी. (आयुर्वेद)
ऑर्थोवेद क्लिनिक, डोंबिवली वेस्ट
अधिक माहितीसाठी, संपर्क - 8422882215

19/10/2023

*नवरात्रीनिमित्त महिला आरोग्यविषयक लेखमालिका - भाग 4* - *महिलांची धावपळ आणि जेवणाच्या चुकीच्या वेळा*

बऱ्याच वेळी सांधेदुखी, अंगदुखी अशा तक्रारी घेऊन आलेल्या महिलांची हिस्टरी घेताना लक्षात येते की या महिलांनी वर्षानुवर्ष नाश्त्याचे योग्य तंत्र सांभाळलेले नसते. सकाळी घरात डबे द्यायचे असतात, मुलांना शाळेत सोडायचे असते म्हणून वेळच मिळत नाही म्हणून चहा - बिस्किटे खाणे, चहा -पोळी खाणे किंवा फरसाणा, शेव सारखे कोरडे पदार्थ खाणे हे तंत्र चालू असते. सकाळी 7 ची लोकल पकडणाऱ्या महिला वर्गाला बाहेरचा नाष्टा, चहा- बिस्कीट, चहा -पोळी, ब्रेड शिवाय फारसे ऑप्शन्स मिळत नाहीत. या सर्वांचे परिवर्तन पुढे जाऊन ऍसिडिटी, मेटाबोलिझम बदलणे आणि मग वातांच्या आजारांमध्ये होते.

योग्य वेळी, योग्य पोषणमूल्य असणारा नाष्टा ही अत्यंत गरजेची गोष्ट आहे.

शिळं फ्रिजमध्ये ठेवलेलं अन्न खाणे, फ्रिजमध्ये ठेवलेल्या कणकेच्या पोळ्या करणे, दुपारी जेवणात भाजी उरली नाही म्हणून लोणचं -पोळी किंवा दही साखर पोळी खाणे. वजन कमी करायचा आहे म्हणून फॅन्सी डायट करणे, यात नाश्त्याला कोणता तरी मिल्कशेक आणि रात्री जेवणात स्मुदी घेणे या सवयी महिला वर्गात मोठ्या प्रमाणात दिसतात. या सर्वांचे परिणाम पुढे जाऊन वेगवेगळ्या आजारात झालेले दिसते. फॅन्सी डायटने वजन कमी झाले परंतु केस गळणे, त्वचेची तरतरी जाणे, टाच दुखणे अशा अनेक समस्या घेऊन महिला येताना दिसतात.

या सर्व प्रकारांचे प्रमाण महिला वर्गात जास्त का आहे? हा मात्र चिंतनाचा विषय आहे. घरातील शिळं महिलावर्गानेच खाणं, मुलांसाठी हेल्दी रेसिपीज करताना आपण उरलं सुरलं खाणं, स्वतःच्या शरीराकडे, शारीरिक बलाकडे लक्ष न देता फक्त चांगलं दिसण्यासाठी वजन कमी करण्यासाठी चुकीचा आहार घेणं या सगळ्या पद्धती महिलांनीच बंद केल्या पाहिजेत.

कामाच्या निमित्ताने लांब जाणाऱ्या, धावपळ करणाऱ्या महिला वर्गांमध्ये जास्त डबे कॅरी करणं शक्य होत नाही, अशा वेळेला चौरस आहार जातोय की नाही हे बघणे अत्यंत गरजेचे आहे.

पोळी भाजीच्या नाश्ता ऐवजी उपमा, नाचणीचा डोसा, मुगाचा डोसा, दलिया, उकडलेले अंडी, ऑम्लेट मिलेट युक्त नाष्टा, नाचणीचे सूप, दूध व राजगिऱ्याच्या लाह्या, मुगाचे कढण असा नाष्टा योग्य ठरेल. तुम्हाला वजन कमी करायचे असल्यास नाश्त्याला प्रोटीन जास्त व कार्बोहाइड्रेट अत्यल्प अशा स्वरूपाचा नाश्ता योग्य ठरतो.

दुपारच्या जेवणामध्ये भाजी पोळी बरोबरच आठवड्यातून चार वेळेला भाजी मिश्रित घट्ट वरण, उसळ, पनीर आणि कोशिंबीर असे जेवण असावे.

संध्याकाळच्या वेळी वडापाव, समोसा, पाणीपुरी असे पदार्थ खाल्ले जातात आणि रात्रीची भूक जाते. त्याऐवजी यावेळी दोन काळे खजूर, दोन बदाम, 8-10 काळ्या मनुका किंवा मोड आलेले मूग, मखाणे असे हेल्दी स्नॅक्स घ्यावे. रात्रीच्या जेवणात खिचडी, थालीपीठ, भाकरी भाजी असा हलका आहार असावा. दिवसातून एक कप दूध, चार चमचे तूप हे महिलांसाठी अत्यंत गरजेचे आहे यामुळे योग्य कॅल्शियम मिळून हाडांची झीज होत नाही.

साधं आहाराचं इक्वेशन सांभाळलं तरी बरेच आजार दूर राहू शकतात कारण आपलं मेटाबोलिझम उत्तम राहण्यासाठी योग्य वेळेला, योग्य आहारघटक मिळणारं जेवण आवश्यक असतं.

आज नवरात्रीचा चौथा दिवस पिवळ्या रंगाचा या पिवळ्या रंगाची आहाराद्रव्य म्हणजे डाळी, तूप हे घटक महिलांसाठी अत्यंत उपयुक्त असतात. हे घटक योग्य प्रमाणात तुमच्या शरीरात जातात का? याचा नक्की विचार करा.

या देवी सर्वभूतेषु *आरोग्य-रूपेण* संस्थिता।
नमस्तस्यै नमस्तस्यै नमस्तस्यै नमो नमः॥

*डॉ. गायत्री मुळये*
एम.डी. (आयुर्वेद)
ऑर्थोवेद क्लिनिक, डोंबिवली वेस्ट
अधिक माहितीसाठी, संपर्क - 8422882215

Aarogya Maitri

01/01/2025

03/10/2024

25/09/2024

24/09/2024

10/05/2024

09/12/2023

06/12/2023

21/10/2023

20/10/2023

19/10/2023

Address

Website

Alerts

Contact The Practice

Shortcuts

Share

Category