05/03/2026
Thank you for the feedback *വാക്കുകൾക്കപ്പുറം: എടവണ്ണ EMC ഹോസ്പിറ്റലിനോട് ഹൃദയപൂർവ്വം നന്ദി*
കഫക്കെട്ട് കാരണം ചെറിയ ശ്വാസതടസ്സം അനുഭവപ്പെട്ട എൻ്റെ ഉപ്പയെ ആദ്യം ഒരു പ്രൈവറ്റ് ഹോസ്പിറ്റലിൽ അഡ്മിറ്റ് ചെയ്തു. ഇൻഞ്ചക്ഷനുകളും വലിയ ഡോസിലുള്ള ഗുളികകളും നൽകിയെങ്കിലും ഫലമുണ്ടായില്ലെന്ന് മാത്രമല്ല, ദിവസങ്ങൾ കഴിയുന്തോറും ഉപ്പയുടെ ആരോഗ്യനില വളരെ വഷളായിക്കൊണ്ടിരുന്നു.
നാലാം ദിവസമായപ്പോഴേക്കും ഉപ്പയുടെ ശരീരം ആകെ തളർന്നു. അഞ്ചാം ദിവസം ഞായറാഴ്ച അതിരാവിലെ ഡോക്ടർ പറഞ്ഞു: “ഇനി ഞങ്ങൾക്ക് ഒന്നും ചെയ്യാനില്ല, പൾസ് കുറയുന്നുണ്ട്, വീട്ടിലേക്ക് കൊണ്ടുപോയ്ക്കോളൂ.” തളർന്നുപോയ ഉപ്പയെ ആംബുലൻസിൽ വീട്ടിലെത്തിക്കുമ്പോൾ ഞങ്ങൾ ആകെ തകർന്നുപോയിരുന്നു. ഇനി എന്ത്? എങ്ങോട്ട് കൊണ്ടുപോകും? ഈ അവസ്ഥയിൽ എവിടെപ്പോയാലും ഐ.സി.യുവിൽ ഇടും എന്ന ഭയം, ഉപ്പയ്ക്കാണെങ്കിൽ അത് ഒട്ടും ഇഷ്ടവുമല്ല.
ആ ആലോചനകൾക്കൊടുവിലാണ് കഴിഞ്ഞ വർഷം എൻ്റെ ജ്യേഷ്ഠന് മികച്ച ചികിത്സയും പരിചരണവും ലഭിച്ച എടവണ്ണയിലെ EMC ഹോസ്പിറ്റലിനെ കുറിച്ച് ഓർത്തത്. ഉടനെ ഉപ്പയെ അവിടെ എത്തിച്ചു. ഡോ. മുബീൻ ഇസ്മാഈൽ സാറിൻ്റെ നേതൃത്വത്തിൽ ചികിത്സ തുടങ്ങി.
രണ്ട് ദിവസം കൊണ്ട് എല്ലാം ശരിയാകുമെന്ന് ഡോക്ടർ പറഞ്ഞപ്പോൾ ഞങ്ങൾക്ക് അത്ഭുതമായിരുന്നു. എന്നാൽ ഒരു ദിവസം കഴിഞ്ഞപ്പോൾ തന്നെ ഉപ്പയിൽ വലിയ മാറ്റം കണ്ടുതുടങ്ങി. മൂന്നാം ദിവസം 99 ശതമാനവും രോഗം മാറി, അൽഹംദുലില്ലാഹ്! അന്ന് വൈകുന്നേരം തന്നെ ഡിസ്ചാർജ് ചെയ്തു.
ശരീരം തളർന്ന് ആംബുലൻസിൽ വീട്ടിലേക്ക് കൊണ്ടുവന്ന ഉപ്പ, മൂന്നാം ദിവസം ആ ആശുപത്രിയിലെ ചികിത്സയ്ക്ക് ശേഷം സ്വന്തം കാലിൽ നടന്നു കൊണ്ടാണ് വീട്ടിലേക്ക് വന്നത്. ചികിത്സയ്ക്ക് നേതൃത്വം നൽകിയ ഡോ. മുബീൻ സാർ, ജോലിയെ ഒരു സേവനമായി കാണുന്ന നഴ്സുമാർ, സ്വന്തക്കാരെപ്പോലെ ഞങ്ങളെ ചേർത്തുപിടിച്ച ഹോസ്പിറ്റൽ MD മൻസൂർ സാർ എന്നിവരോടുള്ള നന്ദി ഹൃദയത്തിൻ്റെ ആഴങ്ങളിൽ നിന്ന് രേഖപ്പെടുത്തുന്നു.
അബ്ദുൽ ബാരി കെ.സി തവനൂർ
