01/04/2025
#ছালত_পৰা_বগা_দাগৰ_আয়ুৰ্বেদিক_চিকিৎসা
ধৱল ৰোগ বা ছাল বগা পৰা ৰোগত ভোগ্য ৰোগীৰ সংখ্যা দিনে দিনে বাঢ়িব ধৰিছে । এলোপেথিক ডাক্তৰৰ ভাষাত এই ৰোগটোক ' লিউকোডার্মা ' ( Leucoderma ) বা ' ভিটিলিগো ( Vitiligo ) বুলি কোৱা হয় । আয়ুর্বেদত ইয়াক শ্বিত্র , ধৱল ৰোগ , শ্বেতী বা শ্বেত কুষ্ট আদি নামেৰে জনা যায়৷
#বগা_দাগৰ_বাবে_দায়ী_কাৰকবোৰ_জীৱন_শৈলী_সম্বন্ধীয়_কাৰণ_কিছুমানৰ_ওপৰত_নিৰ্ভৰ_কৰে=
১) মল - মূত্র, বীর্য, ভোকপিয়াহ, বমি আমি শৰীৰ স্বাভাৱিক ক্ৰিয়াবোৰ দমন কৰিবলৈ চেষ্টা কৰা লোকসকলেই সাধাৰণতে এই ৰোগৰ চিকাৰ হয় ।
২) এইবিলাকৰ উপৰি নিজৰ শৰীৰৰ শক্তিৰ তুলনাত অধিক ব্যায়াম বা পৰিশ্রম কৰা৷
৩) বেছি ঠাণ্ডা, গৰম বা বেছি বৰষুণ হোৱা ঠাইত সদায় থাকিবলৈ লোৱা৷
৪) অতিমাত্রা ভোজনৰ পিছতে অধিক শাৰীৰিক শ্ৰম কৰা , সহবাস কৰা৷
৫) অধিক ভীতিগ্ৰস্ত হোৱা৷
৬) ধোৱা, ধূলি, ৰ'দ আৰু গৰমত আহি তৎক্ষনাত পানী খোৱা৷
৭) ভোক লাগিলে বেছিকৈ পানী খাই পেট ভৰোৱা, পিয়াহ লাগিলে পেট ভৰাই আহাৰ খোৱা৷
৮) গৰমত ঘাম ওলাই থকা অৱস্থাত গৰম চাহ আদি খোৱা অভ্যাস হলে৷
#খোৱা_বোৱা_সম্পৰ্কীয়_কাৰণ=
১) চাহৰ লগত হালোৱা , পায়স, ভাত, তিতা বা কেঁহা দ্ৰব্য খোৱা বা সুৰা সেবন কৰিলে শৰীৰত বগা দাগ দেখা দিয়াৰ আশংকা থাকে ।
২) খং-ৰাগ, ভয়, ভোক বা পিয়াহ লাগিলে চাহ খোৱা বা সুৰাপান কৰা, ধূমপান কৰা আদি কাৰণতো এই ৰোগ হোৱাৰ আশংকা থাকে৷
৩) গাখীৰৰ লগত মূলা, নিমখ, টেঙা, কেহা বা তিতা খাদ্য খোৱা , পায়সৰ লগতে দৈ দি বনোৱা খাদ্য
গাখীৰৰ লগত মাংস, মাছ, সুৰা, খিচিৰি, অমলেট, উৰদ দাইল, ৰাজমা, লোবিয়া, আদা, তেলেতীয়া দ্রব্য, পকা জলকীয়া বা শুকান জলকীয়া দি প্ৰস্তুত কৰা খাদ্য, ফিটকিৰি দিয়া খাদ্য বা পানীয়, সুৱগা দিয়া খাদ্য আদি প্রতিদিনে সেৱন কৰিলে বগা দাগৰ দৰে অন্যান্য ভালেমান ৰোগ হোৱাৰ সম্ভাৱনা থাকে ।
৪) বেছি পাতল আহাৰ বা গধুৰ আহাৰ বেছিকৈ খাই, ঠাণ্ডা পানী বা শীতল পানীয় খাই লগে লগে গৰম পানীয় খালেও এনেধৰণৰ ৰোগ হোৱাৰ আশংকা থাকে । গৰম পানীয় খাই উঠিয়েই পুনৰ অতি শীতল পানীয় আদি খালেও এনেধৰণৰ ৰোগ হোৱাৰ সম্ভাবনা থাকে ।
্বন্ধীয়_কাৰণ
যিসকল মহিলাই সঘনাই গৰ্ভপাত কৰায় , গৰ্ভপাতৰ কাৰণে বেছি চোকা ঔষধ সেবন কৰে , তেওঁলোকৰ মাহেকীয়া অনিয়মীয়া হয়৷ কোনো কোনো মহিলাই মাহেকীয়া একেবাৰে বন্ধ কৰিবৰ বাবে এলোপেথিক ঔষধ গ্ৰহন কৰে৷ মাহেকীয়া ঋতুকালীন দিনত অধিক গৰম অথবা অধিক ঠাণ্ডা পৰিৱেশত অধিক পৰিশ্ৰম কৰিলে বগা দাগ পৰা ৰোগ হব পাৰে৷
#বগা_দাগৰ_ৰোগটো_নিৰাময়যোগ্য
এই ৰোগ হ'লে শৰীৰৰ ছালত ঠায়ে ঠায়ে বগা দাগ দেখা দিয়ে । বগা দাগ ওলোৱা অংশবিলাকত থকা নোমবিলাকো বগা হৈ পৰে। বগা দাগ ৰোগটো আৰম্ভণিতে কোনো কোনো ৰোগীৰ ওঁঠৰ পৰা হয় আৰু কাৰোবাৰ হাত বা ভৰিৰ পৰা হয়। কোনো কোনো ৰোগীৰ মূৰ অথবা চকুৰ পতাৰ পৰা আৰু কিছুমানৰ বুকুৰ পৰা হয়। এই ৰোগ হ'লে কেৱল ছালৰ ওপৰিভাগহে প্রভাবিত হয়। সেয়ে ৰোগীয়ে কেতিয়াও যন্ত্রণা অনুভৱ নকৰে, মাত্র তেওঁৰ শৰীৰটো দেখাত বেয়া লাগে।
এই ৰোগ হ'লে দাগবিলাকত বিশেষ বৈশিষ্ট্য এটা দেখিবলৈ পোৱা হয় যে , নতুনকৈ সৃষ্টি হোৱা দাগবোৰ প্ৰায়ে ৰঙা বৰণৰ হয় । অসতর্ক হ'লে এই ৰঙা দাগবোৰ ক্রমে তাম বৰণীয়া হ'বলৈ আৰম্ভ কৰে । তেতিয়াও যদি কোনো চিকিৎসা গ্রহণ কৰা নহয়, তেনেহ'লে সেইবোৰৰ বং বগা হৈ পৰে। যিসকল ৰোগীৰ দাগবোৰ ৰঙা হৈ থাকে বা নোমবোৰ বগা নোহোৱাকৈ থাকে , দাগবোৰ তেনেই ক্ষুদ্র ক্ষুদ্ৰ হৈ থাকে আৰু দাগবিলাক এটাই আনটোৰ লগত লগলগা নাই , দাগবোৰ নতুন হৈ আছে , সন্দেহজনক আৰু অস্বাভাৱিক নহয় তেনেবোৰ দাগৰ চিকিৎসা সম্ভব হয়।
কিন্তু যেতিয়া দাগবিলাকত থকা নোম বা চুলি বগা হৈ পৰিছে , দাগবোৰ বহুত পুৰণা হৈছে , যিবিলাক দাগৰ আৰম্ভণি শ্রোণীমগুল, যোনি , হাত - ভৰিৰ তলুৱা , ওঁঠ , আঙুলি আৰু অণ্ডকোষৰ পৰা হৈছে , তেনেবিলাক দাগ চিকিৎসাৰ দ্বাৰা নিৰাময় কৰিবলৈ বহু সময় আৰু ধৈৰ্য্যৰ প্ৰয়োজন হয়৷।
আয়ুৰ্বেদৰ মতে বগা দাগ ‘ ত্রিদোষজ ' বুলি ধৰা হয় । অর্থাৎ ই বাত , পিত্ত আৰু কফ , এই তিনি দোষৰ কাৰণে হোৱা ৰোগ । এই ৰোগ ৰক্ত, মাংস আৰু মেদ— এই তিনি ধাতুতে হয় । প্রকৃততে বগা দাগ দুই প্রকাৰৰ - 'ব্ৰণজ’ আৰু 'দোষজ’৷
শ্বেত কুষ্ঠ বা ধৱল ৰোগৰ চিকিৎসাত বিশেষভাৱে ধৈর্যৰ অতি প্রয়োজন । কাৰণ এই ৰোগৰ চিকিৎসা চলালেও তাৰ ফল পাবলৈ দীঘলীয়া সময়ৰ প্ৰয়োজন হয় । কিন্তু চিকিৎসাৰ ফল পাবই । ঔষধ সেৱন আৰু ঔষধ প্রয়োগ কৰাৰ লগে লগে কিছুমান খাদ্য খাব নেলাগে আৰু কিছুমান কাম কৰিব নেলাগে । চিকিৎসাৰ প্ৰক্ৰিয়াত ব্যক্তিবিশেষে আহাৰ তালিকা ৰোগীক দিয়া হয়৷
