06/04/2026
عندك أرق (insomnia) عليك بالنبق ‼️
ماتستغرب كمل البوست للاخر وساهم في توصيل المعلومة لغيرك ..
النبق أو السدر شجرة شوكية الاسم العلمي للشجرة (Ziziphus spina-christi) ❗ هي شجرة شوكية دائمة الخضرة موطنها الأصلي أفريقيا وآسيا، ويُعتقد تقليدياً أنها مصدر إكليل الشوك الذي وُضع على رأس يسوع عليه السلام.(والله تعالي اعلم لو في زول عندو معلومة يفيدنا) علشان كده بسموها ب شوك المسيح(Christ's thorn) بتنتمي للفصيلة النبقية Rhamnaceae وتتمتع بانتشار واسع في المناطق الاستوائية وشبه الاستوائية حول العالم .
في مجال الطب البديل تستخدم علي نطاق واسع للمساعدة في تحسين جودة النوم والتخفيف من حدة القلق‼️(في زول مرت عليه المعلومة دي او جربها اكتب لينا بالله)..
النبق منخض السعرات الحرارية وغني بالألياف والفيتامينات والمعادن.
كالعادة ح اخلي ليك في اول تعليق القديمة الغذائية ل 100 جرام من النبق 👇🏼
تحتوي ثمار النبق علي كميات ممتازة من فيتامين C وهو فيتامين مهم يتمتع بخصائص مضادة للأكسدة (طوالي ترجع لبوست شجرة الخصوبة لانه مشتركين في الفوائد) ومعززة للمناعة.
وبرضو يحتوي علي البوتاسيوم الذي بلعب دور حيوية في التحكم بالعضلات والحفاظ علي توازن الإلكتروليتات في الجسم.
تحتوي ثمار النبق علي الكربوهيدرات في صورة سكريات طبيعية تمد الجسم بالطاقة (ممتازة ك اسناك للشفع).
ثمار السدر(في منطقتك بسموها شنو) مرتفعة القيمة الغذائية وليها إستخدامات في الطب الشعبي فهي مفيدة في حالات أمراض الصدر والتنفس ومسهله ومنقية للدم.
أكد علماء التغذية أن مسحوق ثمار النبق علي نفس القيمة الغذائية للحبوب تقريبا فسموها الحبوب غير الحقيقة .
زمان كان الناس بجففو ثمار السدر ويطحنوها (الطبقة الخارجية الحلوة) ويستخدمو ك دقيق في صنع الخبز وأنواع من الحلويات.
بالنسبة صفق السدر(ح اخصص ليها بوست كامل للفوائد العلاجية والتجميلة) تستخدم لعلاج الجرب والبثور ومنقوع الصفق مفيد لعلاج آلام المفاصل والتهاب الفم واللثة(يعني خطله مع الصمغ المفعول بكون رهيب) .
يتغدي نحل العسل 🐝 علي رحيق أزهار شجرة السدر وينتج عسل السدر 🍯 أغلي أنواع العسل البري (سعر الكيلو يصل الي 400 الف سوداني ده مشروع ناجح وساهل جدا ).
يستخدم مغلي لحاء شجرة النبق كمسكن لألام الأسنان وملطف للحرارة ومقوي عام ❗️. (اكتب لنا في منطقتك بتسخدم لشنو ❓️).
الاستخدامات الصيدلانية:👇🏽
يستخدم السدر في خفض مستويات السكر في الدم ❗️لانه يمتلك تأثير خافض لسكر الدم.. الأبحاث بتقول استخدام المستخلص المائي للنبات لدي الفئران المصابة بالسكري (المحدث تجريبيا) يؤدي لخفض مستوي الجلوكوز في الدم عبر آليتين :
الأولي تتمثل في التأثير علي استتباب الجلوكوز (Glucose Homeostasis ) بطريقة خارج-بنكرياسية ، والثانية تكمن في تحسين وظائف الكبد وتوجيه الجلوكوز لعملية انتاج الجليكوجين.
Saponin glycoside موجود في السدر يخفض مستوي هرمون الجلوكاجون هرمون مسوؤل من إطلاق الجلكوز في مجري الدم وبالتالي يحدث إنخفاض في سكر الدم بطريقة غير مباشرة.
وكمان يستخدم في علاج حالات إنخفاض ضغط الدم ومكافحة السرطان وعلاج الالتهاب.
يحتوي شجر النبق علي التانينات Tannins عندها تأثير مضاد للبكتيريا.
يستخدم نبات السدر كعلاج فعال لحالات الإسهال وتشتجات القولون.. وتستخدم الفروع المطحونة في علاج الروماتيزم وعلاج لسعات العقارب 🦂 وكمان تعزيز وتقوية جهاز المناعة.
يستخدم صفق السدر في علاج الصداع وآلام العظام وعلاج الخراجات وتضميد الجروح السطحية وكمسكن للآلام لانه بحتوي علي (B-sitosterol) ودي براها كنز فوائد 👇🏽
تخفض الكوليستيرول الضار LDL .
تحسين أعرض تضخم البروستاتا الحميد BPH والوقاية من سرطان البروستاتا.
علاج الصلع الوراثي male pattern baldness.
مضاد للألتهابات علاج للروماتيزم.
خصائص مضادة للقلق.
تثبيط الخلايا السرطانية في الثدي والبروستاتا.
ممتاز لعلاج الحرووق والجروح السطحية (خلطه مع شمع العسل وزيت السمسم ح يكون قريب لمرهم mebo).
تستخدم الأفرع الصغيرة في علاج التهابات العين ❗️(في الطب التقليدي).
يغلي الصفق في الماء ويستخدم كغسول للوجه ويخلط مع الليمون ويستخدم كشامبو لتنعيم الشعر وتنقية البشرة .
يستخدم شاي الثمار لعلاج الحصبة ❗️وتستخدم الثمار لعلاج الآم الصدر واضطرابات الجهاز التنفسي وتنقية الدم من الشوائب.
يستخدم صفق السدر للتخلص من الطعم غير المستساغ في الأدوية الفموية وللحفاظ علي نظافة اللثة .
يمكن ان يسبب نبات السدر النعاس وتباطؤ التنفس زي المهدئات(CNS Depressants )مايتاخد بكميات كبيرة مع الادوية المهدئة لانه ممكن يعمل مشاكل في التنفس وفرط في النعاس.
يستخدم الناس السدر لعلاج حالات الإمساك ومرض السكري وشيخوخة الجلد وارتفاع الكوليستيرول والأرق وكتير من الحالات الصحية الاخري.(لكن الموضوع محتاج دراسات اكتر اصحاب الامراض المزمنة ماتاخدو اي حاجة الا بأستشارة الطبيب المتابع للحالة).
ممكن يسبب انخفاض حاد‼️ في مستويات سكر الدم لو اتاخد مع ادوية السكري .
الترجمة والتلخيص بتاخد مني وقت طويل ف ياريت ماتبخل بالنشر ودمتم بخير وعافية.
#السدر #النبق
