21/10/2025
মীওইবনা পোকপদগী মৃত্যু গী অরোইবা মীকুপ য়ৌবা ফাওবা তৌখিবা কর্ম অদুনা অশিবা হকচাং দগী আত্মা না মীৎ, চিন, নাতোন, নাকোং, কোক্কি কি মথক থংবা শরুক অমসুং মখা মাগৈ গী মপান থোকফম, অমাংবা থোকফম অমসুং অরোইবদা খোং দগী থোখিবা ওই।
মীৎ তগী থোখিবা ওইরদি মীৎ পাংলগা লৈখিদবা থোকই, চিন দগী থোখিবা ওইরদি মচিন কারগা লৈখিদবা থোকই। মীৎ, চিন, নাকোং অমসুং নাতোন দগী থোখিবদি মংগোল ওইবগী খুদম নি। মদু শিরবা তুংদা আত্মা গী (উর্দ্ধ গতি) অৱাংবা থাক্তা চৎখিদৌরে হায়না লৌবিগনি। নাকোং অমসুং নাতোন দগী থোখিবদা খংবা ঙমদ্রদি লৈখিদবা গী মাইথোংদো পাখৎপা অমা লৈতনা ইংনা লৈবা নত্রগা মোন্ মোন্ নোকপা শক্তম ওইরদি শোয়দনা আত্মা গী অফবা গতি ফংই।
পাপ য়াম্না তৌখিবা মীওইবগী অরোইবা তাংকক্তা যম না থারকপা যমদুত গী অকিবা শক্তম অমসুং মখোইনা পায়বা (চেং গী বোরা কোৎলগা চিংবা য়োৎলি) গুম ওইবদু উবদা কিবা হেন্দুনা আত্মা অদু হকচাং গী মখা থংবা মাগৈদা চৎখিবদগী মখা মাগৈ গী মপান থোকফম, অমাংবা থোকফম অমসুং অরোইবদা খোং দগী থোখিবা ওই। কনা কনা গুম্বগী অমাংবা অমসুং মপান থোখিবসু থেংনগল্লি। মদু মংগোল ওইদবগী খুদম নি হায়না গরুর পুরাণ না তাকলি।
অঙাং অমসুং নহা ওরিঙৈদা অশোইবা কর্ম কয়া তৌখিবা লৈরবসু কলি অসিদা শিরমদাইদা কনবা ঙম্বা শোয়দবা লম্বী দি তুলসী (বৃন্দা দেবী) সেবা, হরিগী মহামন্ত্র, শ্রী গুরুদগী দীক্ষা লৌবা অমসুং একাদশী ব্রতনি। হায়রিবা পুন্নমক শিং অসি মীওইবনা ষা-ঙা চাদনা তৌবা ঙম্বদা শিরমদাইদা মংগোল ওইবা অমসুং ঙমদবদা মংগোল ওইদবা শোয়দ্রবনি।
Important Note- কোক্কি মথক তগি থোকপদি অমুক হন্না অৱা অনা নাংনবা পোকপা নংদে। মুক্তি অমসুং মোক্ষ ফংই। আসিগুম্বা মতমদা মীৎকী মনি অদু মথক রোমদা লৈগল্লি। (Very rare)
