Ayursparsham

27/03/2025

👨‍⚕️വൈദ്യൻ ചികിത്സയുടെ ഭാഗമായി വ്യക്തിയെ സമീപിക്കുന്നത് ദോഷങ്ങൾ എന്ന ഭാഷ ഉപയോഗിച്ചുകൊണ്ടാണ്.
🔷️എന്നാല്‍, ഇവയെ ശരീരത്തെ പ്രവർത്തനസജ്ജമാക്കുന്ന ഘടകങ്ങൾ എന്ന അർത്ഥത്തിലാണ് മനസ്സിലാക്കേണ്ടത്.
🟢ത്രിദോഷങ്ങളായ വാതം, പിത്തം, കഫം വഴിയാണ് വൈദ്യൻ വ്യക്തിയുടെ ശാരീരിക ഘടനയെ മനസ്സിലാക്കി വിശകലനം ചെയ്യുന്നത്.

⚪️കഫം ശരീരത്തിന്റെ ഉപചയ (അനബോളിക്) പ്രവർത്തനങ്ങൾ പ്രതിനിധീകരിക്കുന്നു.

🔴പിത്തം ശരീരത്തിലെ അപചയ (കാറ്റബോളിക്) പ്രവർത്തനങ്ങൾ പ്രതിനിധീകരിക്കുന്നു.

🔵വാതം ഉപചയത്തെയും അപചയത്തെയും വേണ്ടതുപോലെ തുലനം ചെയ്തു, ശരീരത്തിലെ എല്ലാ ഫിസിയോളജിക്കൽ പ്രവർത്തനങ്ങളും നിയന്ത്രിക്കുന്ന ഘടകമാണ്.

🔶️ഈ മൂന്നു ദോഷങ്ങളും തങ്ങളുടെ സ്വാഭാവിക അവസ്ഥയിൽ പ്രവർത്തിക്കുന്നത് ആരോഗ്യം (സ്വാസ്ഥ്യം) എന്ന് വ്യാഖ്യാനിക്കപ്പെടുന്നു.

🟩രോഗാവസ്ഥയിൽ, ദോഷങ്ങളുടെ സംതുലിതാവസ്ഥ നഷ്ടപ്പെടുകയും, അതിനെ തിരിച്ചുപിടിക്കാനുള്ള ഔഷധങ്ങളും പഥ്യങ്ങളുമാണ് വൈദ്യൻ ചികിത്സയിലൂടെ നിർദ്ദേശിക്കുന്നത്.

25/03/2025

😫പഥ്യത്തോട് മുഖം ചുളിക്കല്ലേ..😫

💡ശരിയായ ആഹാരം, ശരിയായ വിഹാരം എന്നിവ അടങ്ങുന്നതാണ് പഥ്യം.

💡ആയുർവ്വേദ പ്രകാരം ആരോഗ്യത്തിന്റെ അടിസ്ഥാന ഉപാധിയാണ് പഥ്യം, ഈ സങ്കൽപം ആയുർവ്വേദ ചികിത്സയിലും നിത്യജീവിതത്തിലും നിഷ്കർഷിക്കുന്നു.

💡ശരിയല്ലാത്ത ആഹാര വിഹാരങ്ങളാണ് രോഗകാരണമായി ആരോഗ്യത്തെ നശിപ്പിക്കുന്നത്, ചികിത്സകൻ ഈ കാരണങ്ങള കണ്ടെത്തി അവ ഒഴിവാക്കാൻ രോഗിയോട് പറയുന്നു. അതിനു ശേഷം മാത്രമേ മരുന്നു കുറിക്കാറുള്ളു.

💡പഥ്യത്തിലൂടെ രോഗിയെ രോഗത്തിൻ്റെ വഴിയിൽ നിന്നും മാറ്റി ആരോഗ്യത്തിൻ്റെ വഴിയിലൂടെ സഞ്ചരിക്കാൻ സഹായിക്കുന്നു.

💡"പഥം" എന്ന വാക്കിൽ നിന്നാണ് പഥ്യം ഉണ്ടായത്, ആരോഗ്യത്തിലേക്കുള്ള വഴിയാകുന്നു പഥ്യം.

💡 അപ്പോൾ ഇനി പഥ്യമെന്നു കേട്ടാൽ മുഖം ചുളിക്കണ്ട. പഥ്യം ശീലിച്ച് രോഗത്തെ ഒഴിവാക്കി നിർത്താം ഇനി നമുക്ക്☺️

21/02/2025

🔊ചുമ ബാധിച്ച രോഗിക്കുള്ള പത്ഥ്യവും അപത്ഥ്യവും.🔊

🔴മലബന്ധമുണ്ടാക്കുന്ന ഭക്ഷണങ്ങൾ. ഒഴിവാക്കുക.
🟢നാരുകൾ അടങ്ങിയ ഭക്ഷണം കഴിക്കുക.
🔴അധികമായി വ്യായാമം ചെയ്യുകയോ നടക്കുകയോ ചെയ്യരുത്.
🔴വയറുനിറച്ചു യാതൊന്നും ഭക്ഷിക്കരുത്.
🔴ദഹിക്കാൻ പ്രയാസമുള്ള ആഹാരസാധനങ്ങളെ ഒഴിവാക്കുക.
🔴നെഞ്ചിൽ ശീതവായു ഏൽക്കാതെ വേണ്ട കരുതലുകൾ ചെയ്തിരിക്കണം.
🟢സാമാന്യേന ഉഷ്ണമായ അന്തരീക്ഷം സുഖവും രോഗശമനവുമാകുന്നു

20/02/2025

💊പനി പണി ആക്കരുതേ..🥵

📢പനി വരുമ്പോൾ ശ്രദ്ധിക്കേണ്ട പത്ഥ്യങ്ങളും അപത്ഥ്യങ്ങളും.

✅️പനിയുടെ ലക്ഷണങ്ങൾ കണ്ടു തുടങ്ങുന്ന ദിവസം അവരവരുടെ ശരീരബലത്തിനനുസരിച്ച് ഉപവസിക്കുന്നത് ഗുണകരമാണ്
✅️ഉപവാസം അജീർണ്ണമായ ഭക്ഷണത്തെ ദഹിപ്പിക്കുന്നതിനു സഹായിക്കുന്നു.
✅️ഭക്ഷണത്തിന്, നല്ലവണ്ണം വേവിച്ച അരി ഉപയോഗിച്ചുള്ള കഞ്ഞി കുറച്ച് കുടിക്കാവുന്നതാണ്.
✅️കറിയുപ്പിന് പകരം ഇന്തുപ്പ് ചേർത്തുള്ള കഞ്ഞി കുടിക്കുക
✅️ശരീരപ്രകൃതിക്കും രോഗാവസ്ഥക്കും അനുസരിച്ച്, കുരുമുളക് ആവിശ്യത്തിന് കഞ്ഞിയിൽ പൊടിച്ച് ചേർക്കാവുന്നതാണ്.
✅️ചൂടുവെള്ളം ആവിശ്യത്തിന് കുടിക്കുക.
❌️പുളി ചേർത്തതും, എളുപ്പം ദഹിക്കാത്തതുമായ ആഹാരം ഒഴിവാക്കുക.
✅️വിശ്രമം അത്യാവശ്യമാണ്
✅️പനി മാറി രുചി വന്നതിനു ശേഷം കുളിക്കാവുന്നതാണ്.
✅️പൂവാംകുരുന്തൽ വെന്ത വെള്ളത്തിൽ കുളിക്കുന്നത് ഉത്തമമാണ്

22/10/2022

🍇Food for daily use 🍇

☘️നിത്യവും ശീലമാക്കാൻ പറ്റുന്ന ഭക്ഷണ പദാർത്ഥങ്ങൾ ആയുർവ്വേദത്തിൽ തിരഞ്ഞെടുത്തു പറയുന്നുണ്ട്.
ഇത്തരത്തിലുള്ള അറിവുകൾ ഈ കാലഘട്ടത്തിൻ്റെ ആവിശ്യകഥയാണ്.☘️

👍നിത്യവും ശീലിക്കേണ്ടവ:

🔸ചെന്നെല്ലരി
🔸നവരയരി
🔸ഗോതമ്പ്
🔸യവം
🔸നീരാരൽ
🔸അടപതിയൻ കിഴങ്ങ്
🔸മൂക്കാത്ത മുള്ളങ്കി
🔸വാസ്തുച്ചീര
🔸കടുക്ക
🔸നെല്ലിക്ക
🔸മുന്തിരിങ്ങ
🔸പടവലം
🔸ചെറുപയർ
🔸നെയ്യ്
🔸ശുദ്ധമായ വെള്ളം
🔸പാൽ
🔸തേൻ
🔸മാതളപ്പഴം
🔸ഇന്ദുപ്പ്
🔸 ജാംഗലമാംസം(Meat of animals of dry land)

🟢ആരോഗ്യവാനായ ഒരാൾക്ക് മുകളിൽ പറയുന്നവ നിത്യ ഭക്ഷണത്തിൽ ഉൾപെടുത്താവുന്നതാണ്. 🟢

♦️ഇവയുടെ സ്വാഭാവിക ഗുണങ്ങൾക്ക് വ്യത്യാസം വരാതെ ഇവയെ പരിഷ്കരിച്ച് വ്യത്യസ്തമായ ഭക്ഷണങ്ങൾ ഉണ്ടാക്കിയും നിത്യേന കഴിക്കാവുന്നതാണ്.♦️

15/11/2020

The ongoing Covid-19 pandemic must otherwise be called the 'pandemic of chaos. The mere fact that the complications can vary from one individual to other tells us how dangerous the virus is. Apart from complications such as mental traumas, lack of access to livelihood and even death, the impact of a...

13/11/2020

🍀ഇന്ന് ലോക ആയുർവേദ ദിനം🍀

ആയുർവേദത്തിൻ്റെ ആരോഗ്യ സങ്കൽപ്പങ്ങൾ കൃത്യമായ ആരോഗ്യ ഇടപെടലുകളിലൂടെ നടപ്പിലാക്കി ഒരു വലിയ സമൂഹത്തിന് സമഗ്രമായ ആരോഗ്യം നേടിയെടുക്കാൻ സാധിച്ചിട്ടുണ്ട്. കോവിഡ് പകർച്ചവ്യാധിക്കപ്പുറം ഭാവിയിൽ വരാവുന്ന പകർച്ച വ്യാധികൾക്കു മുന്നിലും ആയുർവേദ ചികിത്സയേയും തത്വങ്ങളേയും നിരന്തരം നടപ്പിലാക്കി കൊണ്ട് ആരോഗ്യ സ്വയംപര്യാപ്തരായ ഒരു സമുഹത്തെ നമുക്ക് നേടിയെടുക്കാൻ ശ്രമിക്കാം. ഇന്ന് ആയുർവേദ ചികിത്സയെ അപ്രസക്തമാക്കാനുള്ള ശ്രമങ്ങൾക്കെതിരെ ശക്തമായ പ്രതിരോധം തീർക്കേണ്ടത് അത്യാവശ്യമാണ്.

05/11/2020

04/11/2020

🔊ഇത്തിരി എണ്ണക്കാര്യം🔊

✳️എണ്ണകൾ സ്ഥിരമായി ഉള്ളിലേക്ക് ശീലിക്കാൻ അത്ര നല്ലതല്ല.
✳ഇന്ന് ആഹാരവും മററും ഉണ്ടാക്കുന്നതിനായി നെയ്യ്ക്കു പകരം എണ്ണയാണ് ഉപയോഗിച്ചു വരുന്നത്.
✳സ്ഥിരമായി ഉള്ളിലേക്ക് ശീലിക്കാൻ നെയ്യാണ് നന്ന്, പുറമെ തേയ്ക്കാൻ എണ്ണയും.

1️⃣എള്ളെണ്ണ

✅എണ്ണകളിൽ വച്ച് ശ്രേഷ്ടമായത്.
✅തീക്ഷ്ണം, ഉഷ്ണം, സൂക്ഷ്മം, പെട്ടെന്ന് വ്യാപിക്കാനുള്ള കഴിവ് എന്നിവ എള്ളെണ്ണയുടെ പ്രത്യേകതകളാണ്.
✅മെലിഞ്ഞവരെ തടിപ്പിക്കുകയും തടിച്ചവരെ മെലിയിപ്പിക്കുകയും ചെയ്യുന്നു.
✅അകത്തോട്ട് ഉപയോഗിക്കുമ്പോൾ ത്വഗ് ദോഷത്തെ ഉണ്ടാക്കുകയും പുറത്തുപയോഗിക്കുമ്പോൾ ത്വഗ് ദോഷത്തെ നശിപ്പിക്കുകയും ചെയ്യുന്നു.
✅ കൃമി ഹരം ആണ്.
✅തേച്ച് കുളിക്കുന്നതിന് നല്ലതാണ്.
✅മരുന്നിനുപയോഗിക്കുന്ന എണ്ണകൾ ഭൂരിഭാഗവും എള്ളെണ്ണ ഉപയോഗിച്ചാണ് ഉണ്ടാക്കുന്നത്.

2️⃣വെളിച്ചെണ്ണ

✅തലമുടിക്ക് വളരെ നല്ലതാണ്.
✅ഗുരു, ശീതം, രൂക്ഷം എന്നീ ഗുണങ്ങൾ ഉണ്ട്
✅വാതപിത്തങ്ങളെ ജയിക്കുന്നു.
✅പഴകിയ വെളിച്ചെണ്ണ വ്രണത്തെ ഉണക്കുന്നു.
✅വെന്ത വെളിച്ചെണ്ണ കുട്ടികൾക്ക് പത്ഥ്യവും ത്വഗ് ദോഷഹരവുമാണ്.

3️⃣ആവണക്കെണ്ണ

✅കയ്പ്പും മധുര രസവുമുള്ളതാണ്.
✅ഉഷ്ണം, ഗുരു എന്നീ ഗുണങ്ങൾ ഉണ്ട്.
✅മൃദുവായി വയറിളക്കുന്നു.
✅ബദ്ധമായി നിൽക്കുന്ന വായുവിനെ അനുലോമിപ്പിക്കുന്നു.
✅അരക്കെട്ട്, ഗുഹ്യഭാഗം, പുറം, ആമ പക്വാശയങ്ങൾ ഇവിടെ ഉണ്ടാകുന്ന വേദനകളെയും നീരിനെയും ശമിപ്പിക്കുന്നു.
✅വൃദ്ധി, ഉദരം, ഗുൽമം, വിഷമ ജ്വരം എന്നിവയെ ശമിപ്പുക്കുന്നു.
✅രാസ്നാദിയോടു കൂടി തലയിൽ തളംവക്കുന്നത് നീർ പിടുത്തത്തിന് നല്ലതാണ്.

4️⃣കടുകെണ്ണ

✅എരിവുള്ളതും ഉഷ്ണവും തീക്ഷ്ണവുമാണ്.
🔴ശുക്രത്തെ ക്ഷയിപ്പിക്കുന്നു. പിത്ത രക്തങ്ങളെ ദുഷിപ്പിക്കുന്നു.
✅ത്വഗ് വികാരങ്ങളെ ജയിക്കുന്നു.
✅വ്രണം ഉണക്കുന്നു.
✅കൃമി രോഗത്തിന് ശ്രേഷ്ടമാണ്.

5️⃣വേപ്പെണ്ണ

✅കൃമി,ത്വഗ് വികാരങ്ങൾ, കഫദോഷം എന്നിവയെ ശമിപ്പിക്കുന്നു.

6️⃣താന്നിയെണ്ണ

✅മുടിക്ക് ഏറ്റവും നല്ലതാണ്.
✅ഗുരുവും ശീതവുമാണ്.
✅പിത്തവാതങ്ങളെ ശമിപ്പിക്കുന്നു.

29/10/2020

🚫"എണ്ണയിട്ടു തിരുമ്മി കുളമാക്കല്ലേ..."🚫

🤕സാധാരണയായി വീഴ്ചകളിലും മറ്റും കണ്ടു വരുന്ന രോഗാവസ്ഥകളാണ് ഒടിവ് (Fracture ), സന്ധി മോക്ഷം (Dislocation), ഉളുക്ക് (sprain/strain), ചതവ് (contusion) .

👉ഒടിവ് പറ്റിയ ഭാഗത്ത് നീരും ഇടക്കിടെ വരുന്ന വേദനയും പ്രകടമാണ്.

👉സന്ധി മോക്ഷത്തിൽ സഹിക്കാനാവാത്ത വേദനയും നീരും പ്രകടമാണ്. കാഴ്ചയിൽ തന്നെ അവസ്ഥ മനസ്സിലാക്കാൻ സാധിക്കും. തോൾസന്ധി, കൈകാൽമുട്ടിലെ സന്ധി, വിരലിലെ സന്ധികൾ എന്നിവയിലാണ് സാധരണയായി കണ്ടുവരുന്നത്.

👉ഉളുക്കിൽ വേദന താരതമ്യേന കൂടുതലും നീരു കുറവും ആയിരിക്കും. ലിഗമെൻ്റ്സിലും മസിൽസിലുമാണ് ഇത് സംഭവിക്കുന്നത്.

👉ചതവിൽ ചുവപ്പ് നിറത്തിൽ കട്ടിയായി നിൽക്കുന്നത് പ്രകടമാണ്.

⛑പ്രാഥമിക സുശ്രൂഷകൾ എന്തൊക്കെ ?⛑

✅അപകടം പറ്റിയ അവയവത്തെ സംരക്ഷിക്കുക.

✅അപകടം പറ്റിയ ഭാഗം അനക്കാതെ വക്കുക. കാലിലാണെങ്കിൽ കാൽ നിലത്തു കുത്താതെ നോക്കുക. നട്ടെല്ലിലാണെങ്കിൽ അവിടെ ഇളക്കം തട്ടാതെയും നോക്കുക.

✅ശീതോപചാരം ചെയ്യാനായി ഐസ് ഒരു പ്ലാസ്റ്റിക് കവറിൽ പൊതിഞ്ഞ് വേദനയുള്ള ഭാഗത്ത് പത്ത് മിനിറ്റ് വക്കുക. ഇത് ചെയ്യുന്നതിലൂടെ ആ ഭാഗത്തേക്കുള്ള രക്തയോട്ടം കുറക്കാൻ സാധിക്കുന്നതോടപ്പം വേദനയും കുറയന്നു.

✅അപകടം പറ്റിയ ഭാഗത്തെ വളരെ മുറുക്കാതെ ബാൻ്റേജിംഗ് ചെയ്യുക. കയ്യിലാണ് അപകടം എങ്കിൽ ചിത്രത്തിൽ കാണുന്നത് പോലെ തോർത്ത് ഉപയോഗിച്ച് സ്ലിംഗ് ഇടുന്നതിലൂടെ വേദനയും നീരും കുറയുന്നു.

✅മുറിവെണ്ണ പഞ്ഞിയിൽ മുക്കി ചിത്രത്തിൽ കാണുന്നത് പോലെ ഇടുക.

🏪പ്രാഥമികമായ ഈ സുശ്രൂഷകൾക്ക് ശേഷം വൈദ്യസഹായം ഉറപ്പ് വരുത്തുക.

🚫അപകടം പറ്റിയ ഭാഗത്ത് ചെയ്യാൻ പാടില്ലാത്ത കാര്യങ്ങൾ.🚫

❌എണ്ണയിട്ട് തടവൽ.

❌ചൂട് വക്കൽ.

❌ബലമായി പിടിച്ച് വലിക്കലും തിരിക്കലും.

27/10/2020

🔉"മോര് ഒഴിച്ച് നിർത്തി ഉണ്ണരുത് "🔉

✅തൈരിൽ നിന്നും വെണ്ണ കടഞ്ഞെടുത്ത മോര് ചവർപ്പും പുളിരസവും ഉള്ളതാണ്.

✅മോര് അഗ്നിബലം കൂട്ടുന്നതിന് പ്രധാനമാണ്.

✅കഫവാത ദോഷങ്ങളെ ശമിപ്പിക്കുന്നു.

✅നിത്യവും മോര് ശീലിക്കുന്നത് സ്രോതസ്സുകളെ ശുദ്ധമാക്കുന്നതിനൊപ്പം അർശസ്സിനെ (മൂലക്കുരു) ശമിപ്പിക്കുകയും ചെയ്യുന്നു.

✅കൊടുവേലിക്കിഴങ്ങ് പൊടിച്ച് ചേർത്ത് കാച്ചിയ പാലിൽ നിന്നുണ്ടാക്കുന്ന മോര് അർശസ്സിനെ ശമിപ്പിക്കുന്നു.

✅ഗ്രഹണിയിൽ മോര് പത്ഥ്യമാണ്.

✅കടുക്ക മോരിൽ ചേർത്ത് കഴിക്കുന്നത് ദഹനക്കേട്, മലബന്ധം എന്നിവക്ക് ഉത്തമമാണ്.

✅മരുന്ന് ചേർത്ത് പുളിപ്പിച്ച മോര് (തക്രാരിഷ്ടം) അഗ്നി ബലത്തെ വർദ്ധിപ്പിക്കുന്നതിന് ഉത്തമമാണ്.

✅ശോഫം, ഉദരം, മൂത്രത്തടവ്, അരുചി, ഗുൽമം, പ്ലീഹ, കൂട്ടുവിഷം, പാണ്ഡു എന്നീ രോഗങ്ങളിൽ അവസ്ഥക്കനുസരിച്ച് മറ്റു മരുന്നുകളോട് ചേർത്ത് മോര് ഉപയോഗിക്കാം.

✅ഊണിനോടപ്പം മോര് നിത്യവും ശീലിക്കുന്നത് ഉത്തമമാണ്.

26/10/2020

🔶️ മുത്തങ്ങയുടെ ഔഷധ ഗുണങ്ങൾ 👇

🍀 ജ്വരത്തിൽ മുത്തങ്ങ കഷായം അഗ്ര്യമാണ്.

🍀ദഹനക്ഷയം, വയറുവേദന, ഗ്രഹണി, അതിസാരം മുതലയായ രോഗങ്ങളിൽ അവസ്ഥക്കനുസരിച്ച് മുത്തങ്ങ ഇട്ടു കാച്ചിയ മോര് ഉപയോഗിക്കാം.

🍀 മുത്തങ്ങ അരച്ച് സ്തന ലേപനം ചെയ്യുന്നത് മുലപ്പാൽ വർദ്ധിപ്പിക്കുന്നു.

🍀 കുട്ടികൾക്ക് ഉണ്ടാകുന്ന മൂത്രതടസ്സത്തിന്‌ അരിക്കാടിയിൽ മുത്തങ്ങ അരച്ച് പൊക്കിളിൽ പുരട്ടിയാൽ മൂത്രതടസ്സം മാറിക്കിട്ടും.

🍀ഉദരസംബന്ധമായ അസുഖങ്ങൾക്ക് മുത്തങ്ങ, അരി ചേർത്ത് അരച്ച് അട ചുട്ട് കുട്ടികൾക്ക് നൽകാം.

🔶️Therapeutic utilities of Musta (Cyperus rotundus)

🍀 Musta is considered as the best drug of choice in fever.

🍀 Butter milk processed with Musta is ideal for indigestion, stomach ache, diarrhoea.

🍀 Paste of Musta can be applied over breast for enhancing breast milk production.

🍀 In case of urinary retention in children, paste of Musta with rice washed water can be applied over umbilical region.

🍀 For stomach ailments, foods which is prepared with Mutsa and rice flour is useful in children.