View of village adhi

27/11/2023

ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਦੀਆਂ ਆਪ ਜੀ ਨੂੰ ਵਧਾਈਆਂ ਹੋਣ ਜੀ 🌹❤️🙏

27/11/2023

ਧੰਨ ਗੁਰੂ ਨਾਨਕ ਦੇਵ ਜੀ🙏🏻

06/09/2023

ਸਤਿ ਸ੍ਰੀ ਅਕਾਲ ਜੀ ਸਾਰਿਆ ਨੂੰ ।
ਅੱਜ ਅਸੀ ਇੱਕੋ ਵਿਸ਼ੇ ਤੇ ਗੱਲ ਕਰਾਂਗੇ ਕੂੜੇ ਨੂੰ ਸੁੱਟਣ ਨੂੰ ਲੈ ਕੇ ।

ਨਗਰ ਨਿਵਾਸੀਆ ,ਪੰਚਾਇਤ ,ਸਾਰੇ ਪਿੰਡ ਦੇ ਪ੍ਰਮੁੱਖ ਮੋਹਤਬਰ ਬੰਦਿਆ ਨੂੰ ਕੂੜੇ ਦੇ ਵਿਸ਼ੇ ਬਾਰੇ ਦੱਸਿਆ ਸਭ ਨੂੰ ਪਤਾ ।
ਕੁਝ ਦਿਨ ਪਹਿਲਾ ਅਨਾਊਂਸਮੈਂਟ ਵੀ ਦੋ ਦਿਨ ਕਰਵਾਈ ਦੋ ਵਾਰ ਪੂਰੇ ਪਿੰਡ ਚੋ ਗਿਣੇ ਚੁਣੇ ਨਗਰ ਨਿਵਾਸੀ ਆਏ । ਕਿਸੇ ਨੂੰ ਕੋਈ ਜਿਆਦਾ ਜਰੂਰੀ ਨਹੀ ਲੱਗਾ । ਉਸ ਦਿਨ ਪੰਚਾਇਤ ਕੁਝ ਪਿੰਡ ਦੇ ਬੰਦਿਆ ਚ ਸਲਾਹ ਹੋਈ ਹੋਰ ਪਾਸੇ ਟੋਆ ਪੁੱਟਣ ਲਈ ਪਰ ਉਸ ਦਾ ਵੀ ਕੋਈ ਹੱਲ ਨਹੀ ਹੋਇਆ ।

ਅਸੀ ਪਹਿਲਾਂ ਦੋ ਪੋਸਟਾ ਚ ਸਾਫ ਕਿਹਾ ਕੇ ਕੂੜੇ ਦਾ ਜੇ ਕੋਈ ਹੱਲ ਨਿਕਲਿਆ ਤਾਂ ਬਹੁਤ ਵਧੀਆ ਗੱਲ ਹੈ ਨਹੀ ਤਾਂ ਸਾਰੇ ਆਪਣੀ ਜਿੰਮੇਵਾਰੀ ਤੇ ਕੂੜਾ ਜਿਵੇ ਪਹਿਲਾ ਸੁੱਟਦੇ ਸੁੱਟ ਸਕਦੇ ਨੇ ।
ਅਨਾਊਂਸਮੈਂਟ ਵਿੱਚ ਵੀ ਬੁਲਾਇਆ ਗਿਆ ।

ਅਸੀ ਪਿੰਡ ਚੋ ਗੰਦਗੀ ਦੇ ਢੇਰ ਚੁੱਕਵਾ ਕੇ ਕੋਈ ਗੁਨਾਹ ਨਹੀ ਕੀਤਾ ਨਾ ਹੀ ਇਸ ਚ ਸਾਡਾ ਕੋਈ ਨਿੱਜੀ ਸਵਾਰਥ ਆ । ਨਾ ਸਰਪੰਚੀ ਨਾ ਪੰਚੀ ਨਾ ਹੀ ਅਸੀ ਕਿਸੇ ਰਾਜਨੀਤਕ ਪਾਰਟੀ ਨਾਲ ਜੁੜੇ ਹਾਂ

ਸਾਡਾ ਮਕਸਦ ਪਿੰਡ ਨੂੰ ਸਾਫ ਸੁਥਰਾ ਬਣਾਉਣਾ ਸੀ । ਸਾਥ ਦੀ ਲੋੜ ਸੀ ਸਾਰੇ ਨਗਰ ਦੀ ਪਰ ਕਿਸੇ ਨੇ ਦਿਲਚਸਪੀ ਨਹੀ ਲਈ।

ਸਾਰੀ ਗੱਲ ਦਾ ਪਤਾ ਹੋਣ ਤੇ ਵੀ ਰਸਤੇ ਚ ਜਾਂਦਿਆਂ ਸਾਨੂੰ ਪੁੱਛਦੇ ਕੀ ਬਣਿਆ ਕੂੜੇ ਦੇ ਮਸਲੇ ਦਾ 😊 ਦੋ ਚਾਰ ਗੱਲਾ ਵੀ ਸੁਣਾ ਜਾਦੇ ਆਂ ਇਹ ਵੀ ਪਿੰਡ ਦਾ ਪਿਆਰ ਸਮਝ ਕੇ ਸਾਂਭ ਕੇ ਰੱਖ ਰਹੇ ਆ ਸਾਇਦ ਚੰਗੇ ਕੰਮ ਚ ਏਵੇ ਹੀ ਹੱਲਾਸ਼ੇਰੀ ਮਿਲਦੀ ਹੋਵੇ ।

ਜੇ ਸਫਾਈ ਪਸੰਦ ਹੁੰਦੀ ਸਾਰਾ ਨਗਰ ਆਉਦਾ ਸਾਰੇ ਸਲਾਹ ਨਾਲ ਕੋਈ ਹੱਲ ਕੱਢ ਦੇ

ਸਾਡੀ ਬੇਨਤੀ ਹੈ ਕਿ ਕੂੜੇ ਦਾ ਮਸਲਾ ਹੱਲ ਨਹੀ ਜਿਹਨਾਂ ਘਰਾਂ ਦੇ 50 ਰੁ: ਵੱਧ ਆਏ ਨੇ ਉਹ ਉਹਨਾਂ ਘਰਾਂ ਨੂੰ ਵਾਪਸ ਕਰਨ ਦੀ ਜਿੰਮੇਵਾਰੀ ਸਾਡੀ ਹੈ ।
ਪਿੰਡ ਦੀ ਪੰਚਾਇਤੀ ਜ਼ਮੀਨ ਹੋਣ ਤੇ ਵੀ ਪਿੰਡ ਚੋ ਗੰਦਗੀ ਲਈ ਇੱਕ ਦੋ ਕਨਾਲ ਚ ਟੋਆ ਨੀ ਪੁੱਟ ਹੋ ਰਿਹਾ ਹੋਰ ਕੰਮ ਸਿਰੇ ਲੱਗਣ ਗਏ ਕਿਵੇ ।

ਪਹਿਲਾ ਰੋਸ ਇਹ ਸੀ ਕਿ ਪਿੰਡ ਚ ਕੋਈ ਕੰਮ ਹੋ ਨੀ ਰਿਹਾ ।
ਜਦੋਂ ਹੋਣ ਲੱਗਾ ਇਕਜੁਟਤਾ ਤਾਂ ਉਦੋਂ ਵੀ ਨਹੀ ਹੋ ਰਹੀ ।
ਕੂੜੇ ਦਾ ਮਸਲਾ ਪੂਰੇ ਪਿੰਡ ਤੇ ਪੰਚਾਇਤ ਨੇ ਮਿਲ ਕੇ ਹੱਲ ਕਰਨਾ ਸੀ ।
ਇਸ ਲਈ ਕੂੜਾ ਕਿਥੇ ਸੁੱਟਣਾ ਹੈ ਇਹ ਆਪਣੀ ਆਪਣੀ ਜਿੰਮੇਵਾਰੀ ਹੈ ਤੇ ਸੱਟ ਸਕਦੇ ਹੋ ।

ਅਸੀ ਸੇਵਾ ਭਾਵਨਾ ਤੇ ਪਿੰਡ ਨੂੰ ਅਗਾਂਹ ਵਾਧੂ ਕਰਨ ਲਈ ਹੁਣ ਵੀ ਹਰ ਸੰਭਵ ਕੋਸ਼ਿਸ਼ ਕਰਦੇ ਰਹਾਂਗੇ । ਕੂੜੇ ਦਾ ਮਸਲਾ ਹੱਲ ਹੋਵੇ ਜਾਂ ਨਾ ਪਰ ਪਿੰਡ ਚ ਬਾਕੀ ਕੰਮ ਪੂਰੇ ਕਰਨ ਦੀ ਕੋਸ਼ਿਸ਼ ਸਾਡੇ ਵੱਲੋ ਜਿਵੇ ਚੱਲਦੀ ਹੈ ਚੱਲਦੀ ਰਹੇਗੀ ।

ਧੰਨਵਾਦ ਜੀ ।

28/08/2023

ਕੂੜੇ ਨੂੰ ਸੁੱਟਣ ਦਾ ਸਮਾਂ ਸਰਪੰਚ ਸਾਬ ਅਤੇ ਪਿੰਡ ਦੇ ਹੋਰ ਨਿਵਾਸੀਆ ਵੱਲੋਂ ਇੱਕ ਮਹੀਨੇ ਦਾ ਸਮਾਂ ਲਿਆ ਗਿਆ ਸੀ ।
ਪੰਚਾਇਤ ਭੰਗ ਹੋਣ ਕਰਕੇ ਸਰਪੰਚ ਸਾਬ ਵੱਲੋ ਹੁਣ ਕੋਈ ਵੀ ਕਾਰਜ ਨਹੀ ਹੋ ਸਕਦਾ । ਨਿਸ਼ਾਨ ਦੇਹੀ ਸਾਇਦ ਸਰਪੰਚ ਵੱਲੋਂ ਕਿਹਾ ਗਿਆ ਸੀ ਨਿਸ਼ਾਨਦੇਹੀ ਹੋਈ ਨੀ । ਚਾਰ ਦੀਵਾਰੀ ਤਾਂ ਹੀ ਹੋ ਸਕਦੀ ਸੀ ਜੇ ਪਟਵਾਰੀ ਵੱਲੋਂ ਜਮੀਨ ਦੀ ਨਿਸ਼ਾਨਦੇਹੀ ਹੋ ਜਾਦੀ ।
ਕੂੜਾ ਹੁਣ ਉਸ ਟੋਏ ਚ ਨਹੀ ਸੁੱਟਿਆ ਜਾਦਾ । ਜੇ ਤਾਂ ਪੂਰੇ ਨਗਰ ਨਿਵਾਸੀਆ ਵੱਲੋ ਟੋਆ ਹੋਰ ਪੰਚਾਇਤੀ ਜ਼ਮੀਨ ਜਾਂ ਉਸ ਦੀ ਚਾਰ ਦੀਵਾਰੀ ਜਾ ਕੋਈ ਹੋਰ ਵਿਚਲਾ ਹੱਲ ਲੱਭ ਕੇ ਕਰ ਦਿੱਤਾ ਗਿਆ ਤਾਂ ਕੂੜੇ ਦਾ ਹੱਲ ਕੋਈ ਹੋ ਸਕਦਾ ਆ । ਅਸੀ ਜੋ ਸੋਚ ਕੇ ਲੱਗੇ ਸੀ ਜਾਂ ਕਰ ਰਹੇ ਆ ਕਈਆ ਨੂੰ ਉਸ ਤੇ ਵੀ ਕਿੰਤੂ ਪ੍ਰੰਤੂ ਹੈ । ਪਰ ਇਹ ਕੋਈ ਸਾਡਾ ਨਿੱਜੀ ਕੰਮ ਨਹੀ ਹੈ ਪੂਰੇ ਪਿੰਡ ਦੀ ਸਫਾਈ ਦੀ ਸਮਸਿਆ ਹੈ ।
ਇੱਕ ਵਾਰ ਪੂਰੇ ਨਗਰ ਨਿਵਾਸੀਆ ਨੂੰ ਸਾਡੇ ਵੱਲੋਂ ਅਪੀਲ ਹੈ ਕੇ ਨਵੀ ਪੰਚਾਇਤ ਬਣਨ ਤੱਕ ਜਾਂ ਪੱਕੇ ਤੌਰ ਤੇ ਇਸ ਦਾ ਹੱਲ ਲੱਭਿਆ ਜਾਵੇ । ਤਾਂ ਜੋ ਪਿੰਡ ਦੀ ਸਫਾਈ ਕੀਤੀ ਜਾ ਸਕੇ ।

ਜੇ ਕੋਈ ਹੱਲ ਨਹੀ ਮਿਲਦਾ ਫਿਰ ਜਿਵੇ ਸਭ ਨੂੰ ਪਤਾ ਹੀ ਹੈ ਗੰਦਗੀ ਦੇ ਢੇਰ ਜਿਥੇ ਪਹਿਲਾ ਲੱਗੇ ਲੱਗਣੇ ਸੁਰੂ ਹੋ ਜਾਣਗੇ ।

24/08/2023

ਸਤਨਾਮ ਸਿੰਘ ਸਪੁੱਤਰ ਧਰਮ ਸਿੰਘ ਵੱਲੋਂ ਜੋ 6250 ਰੁ: ਸੇਵਾ ਦਰਵਾਜੇ ਤੇ ਬਾਰੀ ਲਈ ਭੇਜੀ ਗਈ ਸੀ । ਉਸ ਕਮਰੇ ਨੂੰ ਲਵਾ ਦਿੱਤੀ ਗਈ ਹੈ ।

ਦਰਵਾਜਾ ਤੇ ਬਾਰੀ ਬਣਾਉਣ ਤੇ ਖਰਚ 7000 ਰੁ:
ਲਵਾਈ ਤੇ ਕਮਰੇ ਦੀ ਮੁਰੰਮਤ ਤੇ ਖਰਚ 2000 ਰੁ
ਸੀਮੇਂਟ ਦੋ ਬੋਰੇ ਤੇ ਰੇਤਾ ਦਾ ਖਰਚ 1000 ਰੁ:

21/08/2023

ਪਿੰਡ ਛੋਟਾ ਹੋਵੇ ਜਾਂ ਵੱਡਾ ਪਿੰਡ ਚ ਵੱਖ ਵੱਖ ਪਾਰਟੀਆਂ ਦੇ ਆਪਣੇ ਆਪਣੇ ਪ੍ਰਸ਼ੰਸਕ,ਮੁੱਖੀ ਅਤੇ ਪ੍ਰਚਾਰਕ ਹੁੰਦੇ ਹਨ । ਆਪਣੀ ਆਪਣੀ ਪਾਰਟੀ ਦੀਆਂ ਪ੍ਰਾਪਤੀਆਂ ਕਰਵਾਏ ਕੰਮ ਦੱਸ ਦੇ ਹਨ ਕਰਵਾਏ ਜਾਣ ਵਾਲੇ ਕੰਮ ਦੱਸ ਦੇ ਹਨ ਵੋਟਾਂ ਨੂੰ ਆਪਣੇ ਹੱਕ ਚ ਕਰਨ ਦਾ ਯਤਨ ਕਰਦੇ ਹਨ ।

ਪਿੰਡ ਚ ਹੋਣ ਵਾਲੇ ਕੰਮ ਤੋਂ ਪਹਿਲਾ ਇਹ ਕੰਮ ਕਿਸ ਪਾਰਟੀ ਲੀਡਰਸ਼ਿਪ ਦੇ ਹੇਠ ਹੋ ਰਿਹਾ ਇਹ ਵੀ ਦੇਖਿਆ ਜਾਦਾ ਹੈ ।
ਪਿੰਡ ਦੇ ਕੰਮ ਕਈ ਇਸ ਕਰਕੇ ਹੀ ਰਹਿ ਜਾਦੇ ਨੇ ਸਹਿਮਤੀ ਹੀ ਨਹੀ ਬਣਦੀ । ਕੋਈ ਵਿਚਲਾ ਹੱਲ ਲੱਭ ਕੇ ਕੰਮ ਨੇਪਰੇ ਨਹੀ ਚੜਿਆ ਜਾਦਾ ਤੇ ਕੰਮ ਸਾਲਾਂ ਤੱਕ ਲਟਕ ਜਾਦਾਂ ਹੈ ।
ਕਈ ਵਾਰ ਛੋਟੀ ਛੋਟੀ ਨੋਕ ਝੋਕ ਕਿਸੇ ਗੱਲ ਤੇ ਹੋ ਜਾਵੇ ਤਾਂ ਮਨ ਮੁਟਾਵ ਪੈਦਾ ਹੋ ਜਾਦੇ ਹਨ । ਦੋ ਦੋ ਚਾਰ ਚਾਰ ਪਿੰਡ ਦੇ ਬੰਦੇ ਇਕ ਦੂਜੇ ਦੀ ਹਮਾਇਤ ਲਈ ਜੁੜ ਜਾਦੇ ਹਨ । ਹਰ ਵਾਰ ਕੋਈ ਕੰਮ ਹੋਣਾ ਇਕ ਦੂਜੇ ਦਾ ਵਿਰੋਧ ਹੋਣਾ ਕਿਉਕਿ ਪਹਿਲਾ ਇਸ ਨੇ ਕੰਮ ਰੋਕਿਆ ਸੀ ਅੱਜ ਸਾਡੀ ਵਾਰੀ ਹੈ । ਇਹ ਸਿਲਸਿਲੇ ਸੁਰੂ ਹੋ ਜਾਦੇ ਨੇ । ਪਿੰਡ ਪਾਸਿਆ ਚ ਧੜੇਬਾਜ਼ੀ ਚ ਵੰਡਣਾ ਸੁਰੂ ਹੋ ਜਾਦਾ ਹੈ । ਆਪਸੀ ਭਾਈਚਾਰਕ ਸਾਂਝ ਏਕਤਾ ਟੁੱਟ ਜਾਦੀ ਹੈ ।
ਗਲਤ ਸਹੀ ਨਹੀ ਫਿਰ ਇਹ ਦੇਖਿਆ ਜਾਦਾ ਕੇ ਇਹ ਕੰਮ ਇਸ ਪਾਰਟੀ ਜਾ ਇਸ ਪਾਸੇ ਵੱਲੋਂ ਨਹੀ ਹੋਣਾ ਚਾਹੀਦਾ ।

ਭਾਈਚਾਰਕ ਸਾਂਝ ਨਹੀ ਟੁੱਟਣੀ ਚਾਹੀਦੀ ਸਾਰਿਆ ਨੂੰ ਪਿੰਡ ਨੂੰ ਪਹਿਲ ਦੇਣੀ ਚਾਹੀਦੀ ਹੈ ਜਿੱਥੇ ਅਸੀ ਜੰਮੇ ਪਲੇ ਤੇ ਵੱਡੇ ਹੋਏ ਤੇ ਅੰਤ ਵੇਲਾ ਵੀ ਇਸ ਪਿੰਡ ਦੀ ਧਰਤੀ ਤੇ ਹੋਣਾ ਹੈ । ਜੋ ਗਲਤ ਹੈ ਏਕਤਾ ਨਾਲ ਰੋਕੋ ਤੇ ਜੋ ਪਿੰਡ ਚ ਕੰਮ ਹੋਣ ਵਾਲੇ ਨੇ ਏਕਤਾ ਨਾਲ ਅੱਗੇ ਹੋ ਕੇ ਕਰੋ ।

ਹੁਣ ਗੱਲ ਕਰਦੇ ਹਾਂ ਸਰਪੰਚੀ ਦੀ ਜਿਵੇ ਪਹਿਲਾ ਪੋਸਟ ਪਾਈ ਗਈ ਸੀ ।

ਸਰਪੰਚੀ ਜੇ ਵੋਟਾਂ ਪਾ ਕੇ ਹੁੰਦੀ ਹੈ ਸਹੀ ਹੈ ਕੇ ਗਲਤ ਇਸ ਦੇ ਜਵਾਬ ਚ ਕਈ ਮੈਸੇਜ ਆਏ ।

ਸਰਪੰਚੀ ਜੇ ਵੋਟਾ ਪਾ ਕੇ ਹੁੰਦੀ ਹੈ ਸਰਪੰਚੀ ਲਈ ਦੋ ਜਾਂ ਤਿੰਨ ਚਾਹਵਾਨ ਹੋਣਗੇ ।
ਮੰਨ ਲਉ ਵੋਟਾਂ ਪੈਣ ਤਾਂ ਹਰ ਚਾਹਵਾਨ ਆਪਣਾ ਪੂਰਾ ਜੋਰ ਲਾਵੇਗਾ ਕੇ ਸਰਪੰਚੀ ਮਿਲ ਜਾਵੇ ਸਹੀ ਗਲਤ ਕੋਈ ਵੀ ਸਾਇਦ ਤਰੀਕਾ ਵੀ ਅਪਣਾਵੇ ਕਿਉ ਕੇ ਸ਼ਾਖ ਦਾਅ ਤੇ ਲੱਗੀ ਹੁੰਦੀ ਹੈ ।
ਜੇ ਵੋਟਾ ਰਾਹੀ ਸਰਪੰਚ ਚੁਣਿਆ ਜਾਵੇਗਾ ਤਾਂ ਖਰਚ ਵੀ ਜਰੂਰ ਹੋਵੇਗਾ ।
3 ਚਾਹਵਾਨ ਖਰਚਾ ਇੱਕ ਇੱਕ ਚਾਹਵਾਨ 5 ਲੱਖ ਤੱਕ ਵੀ ਕਰੇਗਾ ਤਾਂ 15 ਲੱਖ ਤੱਕ ਚਲਾ ਜਾਵੇਗਾ ਇਹ ਤਾਂ ਘੱਟ ਤੋਂ ਘੱਟ ਲਿਖਿਆ ਗਿਆ ਖਰਚਾ ਕਰਨ ਵਾਲੇ ਤਾਂ 10 15 ਲੱਖ ਤੱਕ ਇੱਕਲੇ ਕਰ ਜਾਦੇ ਨੇ ਜਿਹਨਾਂ ਪਿੰਡਾ ਚ ਸਰਪੰਚੀ ਲੈਣ ਦਾ ਜਨੂੰਨ ਸਵਾਰ ਹੁੰਦਾ ਹੈ ।
ਖਰਚਾ ਕਰੂ ਵੀ ਉਹ ਜਿਸ ਕੋਲ ਪ੍ਰਮਾਤਮਾ ਨੇ ਖੁੱਲਾ ਖਰਚਾ ਦਿੱਤਾ ਹੋਵੇਗਾ । ਨਤੀਜਾ ਅਜੇ ਆਉਣਾ ਹੁੰਦਾ ਪਿੰਡ ਚੋ 15 ਲੱਖ ਚੱਲ ਜਾਣਾ । ਵਰਗ ਧੜੇਬਾਜ਼ੀ ਚ ਜੋ ਪਿੰਡ ਵੰਡਿਆ ਜਾਣਾ ਉਹ ਵੱਖਰਾ । ਕਈਆ ਪਿੰਡਾ ਚ ਤਾਂ ਲੜਾਈਆ ਤੱਕ ਹੋ ਜਾਦੀਆਂ ਪਰਚੇ ਤੱਕ ਹੋ ਜਾਦੇ ਨੇ ਤੇ ਧੜੇਬਾਜ਼ੀ ਨੂੰ ਪੱਕਾ ਪਲੱਸਤਰ ਹੋ ਜਾਦਾ ਹੈ ਤੇ ਸਾਲਾਂ ਤੱਕ ਫਿਰ ਪਿੰਡ ਚ ਪੱਕੀ ਨੀਂਹ ਪੁੱਟ ਹੋ ਜਾਦੀ ਹੈ । ਇੱਕ ਗੱਲ ਹੋਰ ਅਸੀ ਪੁੱਛਣਾ ਚਾਹੁੰਦੇ ਆ ।
ਅਸੀ ਕੋਈ ਵੀ ਕਾਰੋਬਾਰ ਕਰਦੇ ਹਾਂ ਪੈਸਾ ਲਾਉਂਦੇ ਹਾਂ । ਅਸੀ ਕਾਰੋਬਾਰ ਚੋ ਦੁਗਣਾ ਚੌਗਣਾ ਪੈਸਾ ਵਾਪਸ ਜਾਂ ਕਹਿ ਲਓ ਕਮਾਉਣਾ ਚਾਹੁੰਦੇ ਹਾਂ ।

ਹੁਣ ਜੇ ਕੋਈ ਸਰਪੰਚੀ ਤੇ 5 ਤੋਂ 10 ਲੱਖ ਲਾਵੇਗਾ ਉਸਦੀ ਤਨਖਾਹ ਕੋਈ ਲੱਖਾ ਚ ਨਹੀ ਹੁੰਦੀ । 5 ਸਾਲ ਲਈ ਬੈਕ ਚ ਜੇ ਪਿੰਡ ਲਈ 10 ਲੱਖ ਐਫ ਡੀ ਕਰਵਾ ਦਿੱਤੇ ਜਾਣ ਤਾਂ ਜਿੰਨੀ ਤਨਖਾਹ ਸਰਪੰਚੀ ਦੀ ਹੋਵੇਗੀ ਉਸ ਤੋਂ ਜਿਆਦਾ ਹੀ ਮਿਲ ਜਾਣਗੇ ।
ਰਕਮ ਵੀ ਕੋਲ ਰਹੇਗੀ ।

ਬਾਕੀ ਇਸ ਵਿਸ਼ੇ ਤੇ ਆਪਣੇ ਆਪਣੇ ਵਿਚਾਰ ਨੇ । ਪਰ ਚੋਣ ਉਹੀ ਸਹੀ ਹੈ ਜੋ ਪਿੰਡ ਦੇ ਹਿੱਤ ਲਈ ਹੋਵੇ

19/08/2023

ਚੋਣਾ ਦੀ ਗਹਿਮਾ ਗਹਿਮੀ ਜੋਰ ਫੜ ਰਹੀ ਹੈ । ਪੰਚਾਇਤੀ ਚੋਣਾ ,ਨਗਰ ਨਿਗਮ ਚੋਣਾ, ਬਲਾਕ ਸੰਮਤੀ ਚੋਣਾ ,ਐਮ ਪੀ ਦੀਆਂ ਚੋਣਾ ਵੀ ਆਉਣ ਵਾਲੀਆ ਹੋਣ ਗਈਆ। ਰਾਜਨੀਤਕ ਵਾਲਿਆ ਲਈ ਕਿਸੇ ਤਿਉਹਾਰ ਤੋਂ ਘੱਟ ਨਹੀ ਹੁੰਦੀਆ ਚੋਣਾ । ਪੂਰਾ ਜੋਸ਼ ਤੇ ਪੂਰਾ ਸਮਾਂ ਚੋਣਾ ਦੀ ਗੱਲਬਾਤ ਚ ਲੰਘਦਾ ਹੋਣਾ । ਹਰ ਪਾਰਟੀ ਦਾ ਹਰ ਪੱਖ ਤੋਂ ਪੂਰਾ ਜੋਰ ਲੱਗਾ ਹੁੰਦਾ ਕਿ ਨਤੀਜਾ ਉਹਨਾਂ ਦੇ ਪੱਖ ਚ ਆਵੇ ।
ਰਾਜਨੀਤਕ ਚ ਸਾਡੀ ਕੋਈ ਦਿਲਚਸਪੀ ਨੀ ਪਰ ਦੋ ਮਹੀਨੇ ਪਿੰਡ ਦੇ ਕੰਮਾ ਨੂੰ ਕਰਵਾਉਣ ਲਈ ਸਰਕਾਰੀ ਜਾਲ ਚ ਉਲਝਣਾ ਹਰ ਵਰਗ ਦੇ ਰਾਜਨੀਤਕ ਬੰਦਿਆ ਨੂੰ ਮਿਲਣਾ ਗੱਲਬਾਤ ਸੁਣੀ । ਜੇ ਪਿੰਡ ਪੱਧਰ ਤੇ ਚੋਣਾ ਸਮੇਂ ਐਨੀ ਗਹਿਮਾ ਗਹਿਮੀ ਹੈ ਤੇ ਉਪਰਲੇ ਪੱਧਰ ਤੇ ਕੀ ਬਣਦਾ ਹੋਵੇਗਾ ਸੋਚ ਤੋ ਪਰੇ ਗੱਲ ਹੈ ।

ਰਾਜਨੀਤਿਕ ਕਰਨ ਵਾਲਿਆ ਦੀ ਪਰਖ ਆਮ ਲੋਕਾਂ ਦੀ ਸੋਚ ਤੋ ਬਹੁਤ ਦੂਰ ਦੀ ਗੱਲ ਹੈ । ਕੌਣ ਨਾਲ ਹੈ ਕੌਣ ਨਹੀ ,ਕੌਣ ਸਹੀ ਕਹਿ ਰਿਹਾ ਕੌਣ ਗਲਤ ਆਮ ਇਨਸਾਨ ਇਹਨਾਂ ਚ ਉਲਝ ਜਾਦਾ ਹੈ ।

ਹੁਣ ਪੰਚਾਇਤ ਚੋਣਾ ਹੋਣ ਜਾ ਰਹੀਆਂ ਹਨ । ਸਾਇਦ ਸਾਡੇ ਪਿੰਡ SC ਸ਼ੀਟ (ਔਰਤ) ਸਰਪੰਚੀ ਚ ਹੋਵੇਗੀ ।
ਸਾਡੇ ਪਿੰਡ ਸਰਵ ਸੰਮਤੀ ਨਾਲ ਹੀ ਸਰਪੰਚ ਬਣਦਾ ਹੈ ਜੋ ਬਹੁਤ ਹੀ ਚੰਗੀ ਸੋਚ ਤੇ ਚੰਗੀ ਗੱਲ ਹੈ । ਸਾਡਾ ਪਿੰਡ ਫਾਲਤੂ ਦੇ ਝਮੇਲਿਆਂ ਤੋ ਬੱਚ ਜਾਦਾ ਹੈ । ਪੈਸਾ ਵੀ ਜੋ ਖਰਾਬ ਹੋਣਾ ਉਹ ਵੀ ਨਹੀ ਹੁੰਦਾ । ਲੜਾਈ ਝਗੜਾ ਵੀ ਨਹੀ ਹੁੰਦਾ ਬਹੁਤ ਗੱਲਾਂ ਤੋ ਬਚਾਅ ਹੋ ਜਾਦਾ ਹੈ ।

ਆਮ ਪਿੰਡ ਨਿਵਾਸੀਆ ਨੂੰ ਵੀ ਚਾਹੀਦਾ ਹੈ ਕੇ ਪਿੰਡ ਦੀ ਜੋ ਵੀ ਪੰਚਾਇਤ ਚੁਣੀ ਜਾਦੀ ਹੈ ਉਸਦਾ ਸਾਥ ਦੇਣ । ਚੁਣਨ ਤੋਂ ਬਾਅਦ ਬਹੁਤ ਜਾਣੇ ਆਖਦੇ ਕਿ ਪੰਚਾਇਤ ਸਹੀ ਨੀ ਚੁਣੀ ਗਈ ਕੋਈ ਕੰਮ ਨੀ ਹੋਇਆ । ਚੁਣਦੇ ਆਪਾਂ ਪਿੰਡ ਨਿਵਾਸੀ ਆ ਫਿਰ ਗਲਤ ਕਿਵੇ ਕੋਈ ਹੋਇਆ ? ਸਰਪੰਚ ਐਵੇ ਦਾ ਹੋਵੇ ਜੋ ਸਾਰੇ ਪਿੰਡ ਨੂੰ ਇਕ ਪਰਿਵਾਰ ਵਾਂਗ ਬੰਨ ਕੇ ਰੱਖ ਸਕੇ । ਤੇ ਪਿੰਡ ਵਾਲੇ ਸਾਰੇ ਉਸਦਾ ਸਾਥ ਦੇਣ ।

17/08/2023

ਪੰਚਾਇਤਾਂ ਭੰਗ ਹੋਣ ਕਰਕੇ ਬਹੁਤ ਸਾਰੇ ਕੰਮ ਹੋਣ ਵਾਲੇ ਰੁੱਕ ਗਏ ਨੇ ਅਸੀ ਆਪਣੇ ਵੱਲੋਂ ਹਰ ਕੋਸ਼ਿਸ਼ ਕਰਾਂਗੇ ਕਰਦੇ ਰਹਾਂਗੇ ਕੇ ਪਿੰਡ ਦੇ ਹੋਣ ਵਾਲੇ ਕੰਮ ਚਲਦੇ ਰਹਿਣ ।
ਜੋ ਕੰਮ ਪਹਿਲਾਂ ਤੋਂ ਵੀ ਚਲ ਰਿਹਾ ਰੰਗ ਦਾ ਬਿਜਲੀ ਦਾ ਉਸ ਦਾ ਵੀ ਇੱਕ ਇੱਕ ਚੈੱਕ ਮਿਲਿਆ ਸੀ । ਬਾਕੀ ਜੋ ਸਮਾਨ ਲਿਆਉਣ ਵਾਲਾ ਉਸ ਦਾ ਅਜੇ ਕੋਈ ਲੜ ਸਿਰਾ ਨਹੀ ਮਿਲ ਰਿਹਾ । ਬਾਕੀ ਇਹ ਕੰਮ ਪਹਿਲਾਂ ਤੋਂ ਚੱਲ ਰਿਹਾ ਇੱਕ ਵਾਰ ਸੈਕਟਰੀ ਸਾਬ ਤੇ BDO ਨਾਲ ਗੱਲ ਕਰਕੇ ਦੇਖਦੇ ਆ ਇਸ ਦਾ ਕੀ ਹੱਲ ਨਿਕਲਦਾ ਹੈ ਸੈਕਟਰੀ ਸਾਬ ਵੱਲੋ ਇਹ ਕਿਹਾ ਗਿਆ ਕੇ ਅਜੇ ਕੋਈ ਹੱਲ ਨਹੀ ਜੇ ਪੰਚਾਇਤ ਨੂੰ ਇੱਕ ਮਹੀਨਾ ਹੋਰ ਸਰਕਾਰ ਵੱਲੋਂ ਮਿਲਦਾ ਹੈ ਤਾਂ ਕੰਮ ਹੋ ਸਕਦੇ ਆ ਪਰ ਜੋ ਕੰਮ ਚੱਲ ਰਿਹਾ ਉਸ ਨੂੰ ਵੀ ਪੂਰਾ ਕਰਨ ਦੀ ਕੋਈ ਹਾਮੀ ਨਹੀ ਭਰੀ ਗਈ। ਪਰ ਕੰਮ ਚੱਲਦਾ ਰੱਖਣ ਦੀ ਕੋਸ਼ਿਸ਼ ਜਾਰੀ ਰਹੇਗੀ ।

15/08/2023

15/08/2023

ਸਲਾਮ ਸ਼ਹੀਦਾਂ ਨੂੰ 🇮🇳 ਸ਼ਹੀਦ ਕੈਪਟਨ ਕਰਮ ਸਿੰਘ 🇮🇳 ਪਿੰਡ ਆਧੀ

07/08/2023

ਅੱਜ ਅਸੀ ਆਪਣੇ ਹਲਕਾ ਨਕੋਦਰ ਦੇ MLA ਸ੍ਰੀ ਮਤੀ ਇੰਦਰਜੀਤ ਕੌਰ ਮਾਨ ਜੀ ਨੂੰ ਮਿਲੇ ਪਿੰਡ ਦੀਆਂ ਸਾਰੀਆਂ ਸਮੱਸਿਆਵਾਂ ਤੇ ਤਕਰੀਬਨ 1 ਘੰਟਾ ਗੱਲਬਾਤ ਕੀਤੀ ।
ਤਕਰੀਬਨ ਸਾਰੀਆਂ ਸਮੱਸਿਆਵਾਂ ਦਾ ਹੱਲ ਵੀ ਕੱਢ ਦਿੱਤਾ ਗਿਆ।
ਡਿਸਪੈਂਸਰੀ ਲਈ ਬਾਥਰੂਮ ,ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ,ਗਰਾਊਂਡ ਚ ਪੀਣ ਵਾਲੇ ਪਾਣੀ ਤੇ ਬਾਥਰੂਮ ਦਾ ਪ੍ਰਬੰਧ
ਮੌਕੇ ਤੇ ਹੀ ਸੈਕਟਰੀ ਸਾਬ ਨੂੰ ਉਥੇ ਹੀ ਬੁਲਾ ਕੇ ਇਹ ਕੰਮ ਸੁਰੂ ਕਰਵਾਉਣ ਲਈ ਕਿਹਾ।

ਪਿੰਡ ਦੇ ਸੀਵਰੇਜ ਦੀ ਸਭ ਵੱਡੀ ਸਮੱਸਿਆ ਦਾ ਵੀ ਹੱਲ ਕੱਢ ਕੇ ਦਿੱਤਾ ਗਿਆ । ਸਾਰੇ ਪਿੰਡ ਨੂੰ ਹੁਣ ਸਹਿਯੋਗ ਦੇਣ ਦੀ ਲੋੜ ਹੈ । ਸੀਵਰੇਜ ਦਾ ਕੰਮ ਵੀ ਜੋ ਬਹੁਤ ਸਾਲਾਂ ਦਾ ਰੁਕਿਆ ਹੋਇਆ ਹੈ ਉਹ ਵੀ ਸਿਰੇ ਚੜ ਜਾਵੇਗਾ ।

ਜੋ ਸਾਡੀ ਪੰਚਾਇਤੀ ਜ਼ਮੀਨ ਹੈ ਉਸ ਦੇ ਠੇਕੇ ਦਾ ਪੈਸਾ ਜੋ ਸਰਕਾਰ ਨੂੰ ਟੈਕਸ ਦੇ ਰੂਪ ਚ ਜਾਦਾ ਹੈ ਉਹ ਹਰ ਛੇ ਮਹੀਨੇ ਬਾਅਦ ਪਿੰਡ ਦੀ ਆਬਾਦੀ ਦੇ ਹਿਸਾਬ ਨਾਲ 600 ਰੁਪਏ ਪਰ ਵਿਕਅਤੀ ਦੇ ਹਿਸਾਬ ਨਾਲ ਪਿੰਡ ਨੂੰ ਵਾਪਸ ਮਿਲਦਾ ਆ । ਸਰਕਾਰ ਨੂੰ ਜੋ ਪੈਸਾ ਜਾਦਾ ਹੈ ਵਾਪਸ ਵੀ ਆਉਦਾ ਹੈ ਪਰ ਸਾਨੂੰ ਪਤਾ ਨੀ ਹੁੰਦਾ ਕਦੋਂ ਤੇ ਕਿਵੇ ਪੈਸਾ ਵਾਪਸ ਆਉਦਾ ਹੈ ।
ਅਸੀ ਵੀ ਐਨੀ ਜਾਣਕਾਰੀ ਰੱਖਣ ਚ ਦਿਲਚਸਪੀ ਨਹੀ ਰੱਖਦੇ । ਫਿਰ ਜਿਵੇ ਕੋਈ ਸਾਨੂੰ ਕਹਿ ਜਾਦਾ ਮੰਨ ਕੇ ਸਮਾਂ ਲੰਘਾਈ ਜਾਨੇ ਆ ।

ਅੱਜ ਇਹ ਵੀ ਸਾਫ ਹੋਇਆ ਕੇ ਪਿੰਡ ਵਿੱਚ ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਕਰਨ ਲਈ ਵਾਟਰ ਸਪਲਾਈ ਵਿਭਾਗ ਕੋਲ ਪਿੰਡ ਦਾ ਕਾਫੀ ਫੰਡ ਹੈ ਜੋ ਹੁਣ ਪਿੰਡ ਵਿਚ ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਕਰਨ ਲਈ ਗਰਾਊਂਡ ਤੇ ਪੰਚਾਇਤ ਘਰ ਚ ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਕੀਤਾ ਜਾਵੇਗਾ । ਇਹ ਪੈਸਾ ਵੀ ਸਰਕਾਰ ਵੱਲੋ ਸਮੇਂ ਸਮੇਂ ਤੇ ਪਿੰਡਾ ਚ ਦਿੱਤਾ ਜਾਦਾ ਹੈ ।
ਸਾਫ ਸਫਾਈ ਲਈ ਵੀ ਪੈਸਾ ਆਉਦਾ ਹੈ । ਪਰ ਗੱਲ ਹੈ ਪੈਸੇ ਨੂੰ ਲਾਉਣ ਦੇ ਤਰੀਕੇ ਘੱਟ ਤੇ ਨਾ ਲੱਗਣ ਦੇ ਤਰੀਕੇ ਜਿਆਦਾ ਦੱਸੇ ਜਾਦੇ ਨੇ । ਬਹੁਤ ਗੱਲਾ ਅੱਜ ਸਾਫ ਹੋਈਆ ਜੋ ਜਿਆਦਾਤਰ ਆਮ ਜਨਤਾ ਨੂੰ ਪਤਾ ਹੀ ਨਹੀ ਹੁੰਦੀਆ ।

ਕੂੜੇ ਦੇ ਪੱਕੇ ਪ੍ਰਬੰਧ ਲਈ ਸੋਲਿਡਵੇਸਟਿਡ ਵੀ ਬਣਿਆ ਜਾਵੇਗਾ ।

ਡਿਸਪੈਂਸਰੀ ਦੀ ਨਵੀ ਬਿਲਡਿੰਗ ਲਈ ਵੀ ਹਾਮੀ ਭਰ ਦਿੱਤੀ ਗਈ ਆ ।

ਐਮ ਐਲ ਏ ਜੀ ਨੇ ਸਾਰੀਆ ਗੱਲਾਂ ਧਿਆਨ ਪੂਰਵਕ ਸੁਣੀਆ ਤੇ ਉਹਨਾਂ ਨੂੰ ਹੱਲ ਵੀ ਕਰ ਦਿੱਤਾ ਗਿਆ। ਐਨਾ ਸਮਾਂ ਦੇਣ ਲਈ ਸਾਰੀਆ ਸਮੱਸਿਆਵਾਂ ਤੇ ਗੱਲਬਾਤ ਕਰਨ ਅਤੇ ਉਹਨਾਂ ਦੇ ਹੱਲ ਕੱਢ ਕੇ ਦੇਣ ਲਈ। ਸਾਰੇ ਨਗਰ ਨਿਵਾਸੀਆ ਵੱਲੋ ਬਹੁਤ-ਬਹੁਤ ਧੰਨਵਾਦ ।

ਸਾਰਾ ਕੁਝ ਹੀ ਇੱਕ ਇੱਕ ਕਰਕੇ ਕੰਮ ਸਿਰੇ ਚਾੜਨਗੇ । ਪਰ ਅਸੀ ਪਹਿਲਾ ਵਾਂਗ ਅੱਜ ਇਹੋ ਬੇਨਤੀ ਕਰਦੇ ਹਾਂ ਕਿ ਪਿੰਡ ਸਾਰੇ ਦੀ ਸਹਿਯੋਗ ਦੀ ਲੋੜ ਹੈ । ਐਨਾ ਕੁਝ ਤਾਂ ਹੀ ਸੰਭਵ ਹੈ ਜਦੋਂ ਸਾਰੇ ਇੱਕ ਹੋ ਕੇ ਚੱਲੀਏ।

ਧੰਨਵਾਦ ਜੀ Inderjit Kaur Mann