Shri Gulabrao Deokar Multispeciality Medical & Ayush Hospital

14/10/2023

Happy Birthday Viju bhau 🎂🎉

22/02/2023

21/02/2023

सर्व वैद्यकीय सुविधा एकाच रुग्णालयात

विभागनिहाय सुसज्ज अत्याधुनिक यंत्रणा


रेडिओलॉजी विभाग

रुग्णालयात अत्याधुनिक उपकरणांनी सुसज्ज असा रेडिओलॉजी विभाग कार्यरत असून एम.डी. डॉक्टरांची सेवा त्यासाठी उपलब्ध आहे. त्यात सि.टी. स्कॅन, सोनोग्राफी व एक्स-रे या सुविधा अत्यल्प दरात उपलब्ध व्हाव्यात, यासाठी रुग्णालयाचे संस्थापक अध्यक्ष आप्पासाहेब गुलाबराव देवकर यांनी मांडलेल्या संकल्पनेनुसार कुठलीही सि.टी.स्कॅन चाचणी अवघ्या ७०० ते ३१०० रुपयांपर्यंत करण्याचा निर्णय रुग्णालयाने घेतला आहे. यात सोनोग्राफी चाचणी ३०० ते ८०० रुपयांपर्यंत तर एक्स-रे प्रति कॉपी अवघ्या १५० रुपयात उपलब्ध करुन देण्यात आली आहे.
रुग्णालयात सर्वप्रकारच्या सोनोग्राफीतून विविध आजारांचे व्यवस्थित आणि अचूक निदान शोधले जावे, यासाठी ३०० एमए क्षमतेचे सॅमसंग कंपनीचे अत्याधुनिक तीन सोनोग्राफी मशीन उपलब्ध आहेत. तर १०० एम ए क्षमतेचे अॅलंजर्स कंपनीचे सोनोग्राफी यंत्रही येथे उपलब्ध करून देण्यात आले आहे. याद्वारे सर्व प्रकारच्या सोनोग्राफी व टूडी इको (हृदययाचा एक्सस्त्रे) ची सुविधाही उपलब्ध आहे. एक्स-रे डेव्हलपिंगसाठी सीआर सिस्टीम या द्वारे डिजिटल व गुणवत्तापूर्ण एक्स-रे रिपोर्ट मिळणार आहे.

अतिदक्षता विभाग (I.C.U.)

रुग्णालयात १४ खाटांचा स्वतंत्र अतिदक्षता विभाग कार्यरत आहे. या ठिकाणी २४ तास डॉक्टर व परिचारिकांची उपलब्धता रुग्णसेवेसाठी आहे. आयसीयूसाठी ९ व्हेन्टिलेटर्सची उपलब्धता आहे. फिलिप्स व नोकेअर या कंपनींच्या ही व्हेन्टिलेटर्स असून यामुळे रुग्णांना उत्कृष्ट कृत्रिम श्वाच्छोश्वास देण्याची हमी रुग्णालयाने घेतली आहे. या शिवाय कृत्रिम श्वाच्छोश्वासासाठी ६ बायोपॅफ यंत्रेदेखील उपलब्ध करून देण्यात आली आहेत. या कक्षात तीन भूलतज्ज्ञासह ३० जणांचा स्टॉफ कार्यरत आहे. येथील प्रत्येक बेडसाठी फिलिफ्स कंपनीचे अत्याधुनिक मॉनिटर्स उपलब्ध आहेत. या शिवाय फिजिओथेरपीची सेवा देखील या विभागात उपलब्ध आहे. या विभागाचे आणखी एक वैशिष्ट्ये म्हणजे अतिदक्षता विभागात सेंट्रल मॉनिटरिंग सिस्टीम कक्ष स्थापन करण्यात आलेला आहे. त्यातील अत्याधुनिक यंत्रांमुळे प्रत्येक बेडवरील प्रत्येक रुग्णांच्या सद्य:स्थितीवर या रूममध्ये काटेकोरपणे २४ तास लक्ष ठेवले जाते. या ठिकाणी दोन स्वतंत्र आयसोलेशन रूम अत्याधुनिक यंत्रांनी सज्ज आहेत. सर्वात महत्त्वाचे म्हणजे या रूममधील फ्लोरिंग ही अँटिबॅक्टिरीयल अशी आहे.

अर्थोपेडिक विभाग ...

या विभागात कृत्रिम खुबा व गुडघेरोपण, या शिवाय अपघातातील जखमी, खेळांच्या व अपघातील दुखापती, मणक्याच्या शस्त्रक्रिया, टाचेचे हाड वाढल्याच्या शस्त्रक्रिया, संधिवातापासून होणारे दुखणे, हाडातील ठिसूळपणा, पाठदुखी, कंबरदुखी, मानदुखी, संधिवात, गुडघ्याचे व खांद्याचे दुर्बिणीद्वारे लिगामेंटची शस्त्रक्रिया, लहानमुलांचे वेडेवाकडे हाडे व व्यंग दुरुस्ती शस्त्रक्रिया तसेच सर्व जुनाट व्याधींवर परिपूर्ण उपचारांची सुविधा उपलब्ध आहे. या विभागासाठी स्वतंत्र हायटेक ऑपरेशन थिएटर उपलब्ध करून देण्यात आले आहे.

फिजिओथेरपी विभाग

रुग्णालयातील फिजिओथेरपी हा विभाग अत्याधुनिक उपकरणांनी सुसज्ज करण्यात आला आहे. यात संधिवात, आम वात, मानेचा व कमरेचा स्पॉन्डेलिसीस, गुडघ्याचा अर्थोरायटीस (गुडघे दुखी), कंबरदुखी, सियाटीका, जखडलेला खांदा, टाच दुखी, गुडघा, सांधेरोपणानंतरचे उपचार व व्यायाम, लकवा, फेशीयल पालसी, फूट ड्रॉप, सेरेबल पालसी, डाऊन सिन्ड्रोम, सीओपीडी, मधुमेह सेल्युलायटीस, खेळाशी निगडित समस्या, वेटलॉस व डायट मॅनेजमेंट, डोकेदुखी व सर्व प्रकारच्या शस्त्रक्रियेनंतर रुग्णाच्या रिकव्हरीसाठी विविध प्रकारचे व्यायाम व उपचार उपलब्ध आहेत.

स्त्री रोग व प्रसूती विभाग

या विभागासाठी स्वतंत्र ऑपरेशन थिएटर
आय.सी.यु. सपोर्टसह सिझेरियन, गर्भपिशवीचे ऑपरेशन, स्तनाच्या गाठी, मासिकपाळी संबंधीच्या समस्यांवर उपचार व मार्गदर्शन, दुर्बिणीद्वारे महिलांच्या सर्व शस्त्रक्रिया, कुटूंबनियोजन शस्त्रक्रिया, प्रसुतीपूर्व सर्व सोनोग्राफी अत्यल्प दरात केले जातात. या शिवाय आवश्यक असलेल्या गरोदर महिलांच्या सिझेरियनसाठी अत्याधुनिक यंत्रांसह ऑपरेशन थिएटर देखील उपलब्ध आहे.
रुग्णालयात कोणत्याही आजारावरील तातडीच्या उपचारानंतर किंवा शस्त्रक्रियेनंतर पुरुष आणि महिलांसाठी प्रत्येकी ११ बेडचे स्वतंत्र रिकव्हरी रूम सज्ज ठेवण्यात आले आहे.

ऑपरेशन थिएटर

रुग्णालयात तब्बल चार वेगवेगळे ऑपरेशन थिएटर उपलब्ध आहेत. त्यात आर्थोपेडिक, मेंदूविकार, स्त्रीरोग, नेत्ररोग व जनरल सर्जरी यासाठी आधुनिक उपकरणांनी सुसज्ज असे स्वतंत्र ऑपरेशन थिएटर्स कार्यरत आहेत. यात आर्थोपेडिक ऑपरेशन थिएटरमध्ये सीआर्म हे अॅलेंजर कंपनीचे अत्याधुनिक यंत्र उपलब्ध आहे. या शिवाय कार्डियाक मॉनिटर, पीसीएफओ मशीन अॅनेस्थेशिया मशीन, लॅमिनार फ्लो यासह सर्व साहित्य निर्जंतुकीकरणासाठी पास बॉक्स तयार करण्यात आले आहेत. त्यामुळे कितीही जिकरिची शस्त्रक्रिया या ठिकाणी यशस्वीरीत्या पूर्ण केली जात आहे.

स्टरलायझेशन विभाग

या विभागात ऑटोक्लेव यंत्राद्वारे संपूर्ण रुग्णालयातील ऑपरेशनचे साहित्य, कपडे, बेडशिट्स, परिचारिकांचे गणवेश, ऑपरेशन थिएटरमधील गणवेश हे दररोज निर्जंतूक केले जातात. यामुळे रुग्णालयात कार्यरत संपूर्ण स्टाफला हे निर्जंतूक केलेले कपडेच वापरावे लागतात. प्रत्येक बेडवर निर्जंतूक केलेल बेडशिटच घालावे लागतात. यामुळे रुग्णांना होणारा कुठलाही प्रकारचा संभाव्य संसर्ग रोखण्यास मदत होते.

एनआयसीयू

लहान मुलांवर उपचारासाठी हा अत्याधुनिक अतिदक्षता विभाग तयार करण्यात आला आहे. यात पाच बेड आणि मुलांच्या सुरक्षितेसाठी पाच वॉर्मर, दोन फोटा थेरपी एक व्हेंटिलेटर उपलब्ध आहे. त्यामुळे गंभीर आजारी असलेल्या बालकांवर अत्याधुनिक उपचार करणे सोपे झाले आहे. या शिवाय महिलांसाठी या कक्षात स्वतंत्र स्तनपान कक्ष स्थापन करण्यात आले आहे. यात माता आपल्या नवजात शिशूला स्तनपान करू शकतात.

स्पेशल, सेमी-स्पेशल रुम्स व जनरल वॉर्ड

रुग्णालयात १०० खाटांचा महिला व पुरुषांसाठी स्वतंत्र जनरल वॉर्डची व्यवस्था आहे. याशिवाय रुग्णालयात इच्छुक रुग्णांसाठी स्पेशल रुम व सेमी स्पेशल रुमची व्यवस्था उपलब्ध करून देण्यात आली आहे.

अत्याधुनिक पॅथॉलॉजी लॅब

रुग्णालयात सर्व रोगनिदान सुविधांसाठी येथील अत्याधुनिक पॅथॉलॉजी लॅब २४ तास रुग्णांच्या सेवेत कार्यरत आहे.
Áरक्त, रक्तातील शुगरपासून ते कर्करोगापर्यंत सर्व चाचण्या केल्या जातात.
Áशरीरावरील गाठींच्या FNAC यासह शरीरातील गाठ काढल्यानंतरची HISTO PATH ही तपासणी देखील लॅब मध्ये केली जाते.
Áगर्भाशयाच्या मुखाची PAPSMEAR ही तपासणी या ठिकाणी होते.
Á मधुमेहासाठी उपयुक्त Hb1C या तपासणीसह सर्व हार्मोनल तपासण्या या लॅबमध्ये केल्या जातात.
रुग्णालयात आयसीयू व विविध विभागांमध्येही उपकरणांना विजेची मोठ्या प्रमाणावर गरज असते. ही गरज भागविण्यासाठी रुग्णालयाने स्वत:चा सौर ऊर्जा प्रकल्प तयार केला असून या माध्यमातून संपूर्ण रुग्णालयात उपकरणांना २४ तास वीजपुरवठा करणे शक्य होत आहे. या शिवाय वीज पुरवठ्यासाठी स्वतंत्र दोन जनरेटर्स व संगणक प्रणालीसाठी यूपीएस उपलब्ध करून देण्यात आले आहे.

माेतीबिंदू शस्त्रक्रियांचा विक्रम ...

रुग्णालयात दर गुरुवारी २१ रुग्णांवर मोतीबिंदू व फेको शस्त्रक्रिया तसेच डोळ्यावरील साय काढणे या शस्त्रक्रिया केल्या जातात. आतापर्यंत हजारावर रुग्णांना नवी दृष्टी देण्याचे काम देवकर रुग्णालयाने केले आहे. विशेष म्हणजे नाममात्र दरात म्हणजेच मोतीबिंदू शस्त्रक्रिया केवळ २५०० रुपये तर फेको शस्त्रक्रिया अवघ्या ६००० रुपयात केली जात आहे. रुग्णांचा निवास व भोजनाची व्यवस्था तसेच प्राथमिक औषधी याच दरात रुग्णालयातर्फे देण्यात येत आहे. याशिवाय डोळ्यांच्या सर्व आजारांचे निदान व उपचार, चष्म्याचा नंबर काढणे, डोळ्यातले मास काढणे यावरही उपचार केले जातात.

जनरल सर्जरी विभाग

रुग्णालयात अत्याधुनिक ऑपरेशन थिएटरसह जनरल सर्जरी विभाग कार्यरत आहे. या विभागात आतड्याच्या गुंतागुंतीच्या शस्त्रक्रिया, हर्निया, अॅपेंडिक्स, थायरॉईड, मुळव्याध भगंदर, हायड्रोसिल, स्तनाच्या गाठी, पायातील कुरुप काढणे, अंगावरील चरबीच्या गाठी काढणे, बद्धकोष्ठता, पोटाची सर्जरी, जठर व आतड्याच्या गुंतागुंतीची शस्त्रक्रिया, अल्सर, पित्ताशय यावरील शस्त्रक्रिया, यकृताच्या आजारावर उपलचार केले जातात. लहान मुलांच्या शस्त्रक्रिया, डायबेटीक फुट केअर इत्यादी आजारांवर तज्ज्ञ डॉक्टरांकडून शस्त्रक्रिया व उपचार उपलब्घ आहे. तसेच या विभागातील बहुतांशी शस्त्रक्रिया दुर्बिणीद्वारे करण्याची सुविधा उपलब्ध आहे.

गॅस्ट्रोस्कोपी विभाग

याविभागांतर्गत अॅसिडीटी, मळमळ होणे, उलटी होणे, उलटीतून रक्त पडणे, पोटात गॅसेस होणे, जेवतांना गिळायला त्रास होणे, आतड्यातील जखमा व गाठी तसेच आतड्यासंबंधीचे आजार व पोटातील कृमी होणे या तपासण्या दर बुधवारी सवलतीच्या दरात म्हणजेच अवघ्या १५०० रुपयात केल्या जातात. तसेच कोलोनोस्कोपी अंतर्गत संडासद्वारे रक्त जाणे, संडासच्या जागेवरील आजार.

किडनी व मूत्रविकार विभाग

याविभागांतर्गत रुग्णालयात शुगर (मधुमेह) संबंधीत किडनीचे आजार, उच्च रक्तदाब संबंधी किडनीचे आजार, लघवी व किडनीचे इन्फेक्शन, किडनी ट्रान्सप्लांट संबंधी मार्गदर्शन व उपचार, क्रिएटीनीन वाढणे, दुर्बिणीने लेसरद्वारे मुतखड्याचे आॅपरेशन, पुरुषग्रंथीच्या (Prostate) आजारासाठी दुर्बिणीद्वारे शस्त्रक्रिया, मुत्रमार्गाचे कर्करोग, निदान व शस्त्रक्रिया, पुरुष वंध्यत्व निदान व उपचार, स्त्रीयांचे मुत्रमार्गाचे आजार व उपचार केले जातात. इतर किडनी संबंधित आजारांवर उपचार उपलब्ध आहेत. याशिवाय किडनी रुग्णांसाठी डायलिसीसची सुविधा 24x7 उपलब्ध आहे. यात पेरीटोनीयल डायलिसीस, प्लास्मोफेरसीस, किडनी बायाॅप्सी, पर्मकॅथ आणि डायलिसीस कॅथ बसवणे, लहान मुलांचे किडनीचे आजार यावर उपचार व शस्त्रक्रिया केल्या जातात. यासाठी रुग्णालयात तज्ज्ञ डॉक्टरांची सेवा उपलब्ध करुन देण्यात आली आहे.

या तज्ज्ञ डॉक्टरांची सेवा

न्यूरोसर्जन-
* डॉ. प्रशांत साठे
* डॉ. मनोज पाटील

गॅस्ट्रो एन्ट्रोलॉजी-
* डॉ. आशिष पाटील
किडनी विकार तज्ज्ञ-
* डॉ. अमित भंगाळे

मेंदूविकार तज्ज्ञ-
* डॉ. चेतन चौधरी

प्लास्टिक सर्जरी-
* डॉ. श्रीराज महाजन
* डॉ. प्रणव ठुसे

कार्डियालॉजी-
* डॉ. हर्षल पाटील

बालरोग शस्त्रक्रिया विभाग -
* डॉ. मिलिंद जोशी

मुत्रविकार तज्ज्ञ

* डॉ. हेमंत केळकर
* डॉ. अभय चौधरी
* डॉ. नीरज चौधरी

कॅन्सर तज्ज्ञ -

* डॉ. सचिन इंगळे

मेडिसीन-

* डॉ. शशिकांत गाजरे
* डॉ. पंकज महाजन
* डॉ. मंदार पंडित
* डॉ. तेजस राणे
* डॉ. श्रीकांत पुरी

बालरोग विभाग

* डॉ. राजेश पाटील
* डॉ. शैलजा पवार
* डॉ. अविनाश खेलवडे
* डॉ. अमित नारखेडे
* डॉ. मजिद खान
* डॉ. हितेंद्र भोळे

अस्थिरोग विभाग-
* डॉ. सुनिल नाहाटा
* डॉ. मनिष चौधरी
* डॉ. नरेंद्र भोळे
* डॉ. उमेश वानखेडे
* डॉ. हषीता नाहाटा
* डॉ. अभिजीत पाटील
* डॉ. अजय सोनवणे
* डॉ. पराग नाहाटा
* डॉ. गौरव बाफना

रेडिऑलॉजी-
* डॉ. मनिष सुरवाडे
* डॉ. प्रणाली तोष्णीवाल
* डॉ. कल्याणी वाणी

स्त्रीरोग व प्रसुती शास्त्र

*डॉ. सिमा पाटील
* डॉ. अनिता बाविस्कर
* डॉ. गजाननसिंग पाटील
* डॉ. शाहीद खान
* डॉ. प्रियांका वायकोळे
* डॉ. प्रियांका देवरे

फिजिओथेरपी -

* डॉ. अमित नेमाडे

जनरल सर्जरी-

* डॉ. समीर चौधरी
* डॉ. रोहन पाटील

नेत्रतज्ज्ञ-

* डॉ. प्रेमलता महाजन
* डॉ. वृषाली पाटील
* डॉ. दिपक पाटील
* डॉ. अाम्रपाली काकलिया

भूलतज्ज्ञ -

* डॉ. प्रियंका एन. पाटील
* डॉ. दिपाली साठे
* डॉ. गणेश भारुडे
* डॉ. उदय पाटील
* डॉ. सुनिल तायडे

त्वचा विकार तज्ज्ञ -
* डॉ. सुभा महाजन
* डॉ. स्वप्नील पाटील

मानसोपचार तज्ज्ञ -

* डॉ. सतीश पाटील
* डॉ. कांचन नारखेडे

छाती व दमा विकार तज्ज्ञ-

* डॉ. चेतन चौधरी

पॅथॉलॉजी -

* डॉ. अतुल सोनार

संधीवात तज्ज्ञ-

* डॉ. आस्था गनेरीवाल

दंतरोग तज्ज्ञ -
* डॉ. अश्विनी मराठे
* डॉ.प्रियंका पंडित

20/02/2023

ज
ळगाव शहर हे मेडिकल हब होण्याच्या मार्गाने वाटचाल करीत आहे. त्यात आपलाही वाटा असावा या उद्देशाने श्रीकृष्ण शैक्षणिक मंडळातर्फे गेल्या २२ जुलै २०२१ पासून शिरसोली रोड, जळगाव येथे श्री गुलाबराव देवकर मल्टिस्पेशालिटी वैद्यकीय व आयुष रुग्णालय जनतेच्या सेवेसाठी सुरू करण्यात आले आहे. १५० खाटांच्या या रुग्णालयात सर्व आजारांवर एकाच इमारतीमध्ये परिपूर्ण उपचार व्हावेत यासाठी अत्याधुनिक सुविधांनी सुसज्ज अशी रुग्णसेवा उपलब्ध करून देण्यात आली आहे.
या रुग्णालयाची संपूर्ण रचना ही एनएबीएचच्या मानंकनानुसार तंतोतंत करण्यात आली आहे. हॉस्पिटलमध्ये ९ ओपीडींसह वेगवेगळ्या आजारांवर उपचार केले जात आहेत.
देवकर रुग्णालयात महात्मा जोतिराव फुले जनआरोग्य योजना, प्रधानमंत्री जनआरोग्य आयुषमान भारत योजना, ESIC योजनेंतर्गत रुग्णांवर मोफत उपचार केले जात आहेत. तसेच विविध कंपन्यांच्या आरोग्य विमा धारकांसाठी कॅशलेस सुविधा उपलब्ध आहे. जे रुग्णांचे आजार कोणत्याही योजनेत बसत नसतील त्यांच्यावर जिल्ह्यातील इतर खासगी व मल्टीस्पेशालिटी रुग्णालयांपेक्षा अत्यंत कमी खर्चात उपचार व शस्त्रक्रिया रुग्णालयात केल्या जात आहेत.
सर्व विभागांमध्ये त्या-त्या आजारांवरील तज्ज्ञ आणि नामांकीत डॉक्टरांची सेवा उपलब्ध करून देण्यात आलेली आहे.

20/02/2023

अल्पावधीतच शेकडो रुग्णांवर मोफत शस्त्रक्रिया

जळगाव । येथील शिरसोली रस्त्यावरील श्री गुलाबराव देवकर मल्टीस्पेशालिटी वैद्यकीय व आयुष रुग्णालयात अल्पावधीत विविध आजारांवरच्या शेकडो रुग्णांवर शस्त्रक्रिया मोफत करण्यात आल्या आहेत. या रुग्णांना शासनाच्या महात्मा फुले जन आरोग्य व आयुष्मान भारत योजनेचा लाभ मिळाला आहे.
रुग्णालयात एकाच छताखाली उपलब्ध असलेल्या अत्याधुनिक वैद्यकीय सुविधा, तज्ञ आणि शस्त्रक्रियानिपुण डॉक्टरांची उपलब्धता यामुळे विविध शस्त्रक्रियांसाठी रुग्णांचा ओघ वाढला आहे.
आतापर्यंत योजनेअंतर्गत झालेल्या शस्त्रक्रियांमध्ये सर्वाधिक शस्त्रक्रिया या हाडांशी संबंधित तसेच अॅपेंडिक्स, मुतखडा आणि कॅन्सरच्या शस्त्रक्रिया देखील योजनेअंतर्गत मोफत झाल्या आहेत. योजनांतर्गत उपचार घेणाऱ्या रुग्णाकडून कुठलेही जास्तीचे पैसे घेतले जात नाहीत. त्यामुळे लोकांचा देवकर रुग्णालयाकडे कल वाढला आहे.

20/02/2023

.
*महिलेचे तिसरे सिझेरियन रुग्णालयात यशस्वी*
महिलेचे तिसरे सिझेरियन रुग्णालयात यशस्वी
जळगाव । येथील एका मसाला फॅक्टरीत काम करणारा गरीब कामगार... त्यांच्या पत्नीचे आधीच्या दोन प्रसूतीमध्ये सिझेरियन झालेले.. पुन्हा तिसऱ्यांदा सिझेरियन करण्याची वेळ आली... शहरातील मोठमोठ्या दवाखान्यांच्या पायऱ्या त्यांनी झिजविल्या... पण कोणी रिस्क घेतली नाही... शेवटी त्यांना शिरसोली रस्त्यावरील श्री गुलाबराव देवकर मल्टीस्पेशलिटी वैद्यकीय व आयुष रुग्णालयाची माहिती मिळाली... रुग्णालयात महिलेची अत्यंत जिकिरीची तिसरी सिझेरियन शस्त्रक्रिया यशस्वी झाली. लक्ष्मी जन्माला आली आणि या दंपत्याचा जीव भांड्यात पडला. विशेष म्हणजे त्यांना ईएसआयसी लागू असल्याने त्यांची शस्त्रक्रिया व औषधोपचार पूर्णपणे मोफत करण्यात आले
ही कहाणी आहे अंबाझरी येथील मूळ रहिवासी बारेला दांपत्याची... सध्या बारेला हे जळगाव येथील मसाला फॅक्टरीमध्ये कामाला आहेत. त्यांच्या पत्नीच्या यापूर्वी दोन सिझेरियन प्रसूती झाल्या आहेत. आता तिसऱ्या प्रसूतीची वेळ होती. त्यांनी शहरातील तीन नामांकित हॉस्पिटलमध्ये पत्नीला दाखविले. परंतु सिझेरियन शिवाय पर्याय नव्हता. आधीच दोन सिझेरियन झाल्याने तिसऱ्या सिझेरियनमध्ये श्रीमती बारेला यांच्या जीवाला धोका होता. त्यामुळे या डॉक्टरांनी हा धोका पत्करला नाही. एका रुग्णालयात आयसीयू व ऑक्सिजनची सुविधा नसल्याने त्यांनी देखील प्रसूती करण्यास नकार दिला. यानंतर त्यांच्या शेजारी राहणारे देवकर रुग्णालयाचे कर्मचारी संजय अहिरे त्यांना प्रसूतीसाठी घेऊन आले. येथील तज्ञ डॉक्टरांशी त्यांनी सल्लामसलत केली. रुग्णाची सर्व परिस्थिती डॉक्टरांना सांगितली. देवकर रुग्णालयात प्रशस्त आयसीयू, 24 तास ऑक्सिजनची सुविधा असल्याने रुग्णालयातील डॉक्टरांनी महिलेचे तिसरे सिझेरियन करण्याचा निर्णय घेतला. येथील तज्ञ डॉक्टरांनी आपले संपूर्ण कौशल्य पणाला लावून अखेर श्रीमती बारेला यांची तिसरी सिझेरियन यशस्वीरित्या पार पाडली. आपल्याला मुलगी झाल्याचा आनंद बारेला दांपत्याच्या चेहऱ्यावर तर होताच, पण बाळ बाळंतीण सुखरूप असल्याच्या आनंदात त्यांना आकाश ठेंगणे झाले. श्रीमती बारेला यांना आठवडाभर आयसीयूमध्ये ठेवून त्यांना पूर्ण बरे झाल्यावर डिस्चार्ज देण्यात आला.
एक नंबर हॉस्पिटल
आपल्या पत्नीच्या यशस्वी सिझेरियननंतर नितीन बारेला यांनी सांगितले की, जळगावात एकाहून एक मोठे हॉस्पिटल्स आहेत, पण आम्हाला प्रसूतीसाठी कोणी ऍडमिट करून घेतले नाही. मात्र, देवकर रुग्णालयातील डॉक्टरांनी सिझेरिअन यशस्वी करुन माझ्या पत्नीला नवा जन्म दिला. त्याबद्दल आम्ही देवकर रुग्णालयाचे ऋणी आहोत. येथील पंचतारांकित वैद्यकीय सुविधा, डॉक्टर व परिचारिकांचे समर्पण आणि प्रसन्न असे निसर्गरम्य वातावरण कुठल्याही हॉस्पिटलमध्ये आम्हाला दिसले नाही. आता मी माझ्या वडिलांनासुद्धा देवकर रुग्णालयात उपचारासाठी दाखल करणार आहे.
जळगाव । येथील एका मसाला फॅक्टरीत काम करणारा गरीब कामगार... त्यांच्या पत्नीचे आधीच्या दोन प्रसूतीमध्ये सिझेरियन झालेले.. पुन्हा तिसऱ्यांदा सिझेरियन करण्याची वेळ आली... शहरातील मोठमोठ्या दवाखान्यांच्या पायऱ्या त्यांनी झिजविल्या... पण कोणी रिस्क घेतली नाही... शेवटी त्यांना शिरसोली रस्त्यावरील श्री गुलाबराव देवकर मल्टीस्पेशलिटी वैद्यकीय व आयुष रुग्णालयाची माहिती मिळाली... रुग्णालयात महिलेची अत्यंत जिकिरीची तिसरी सिझेरियन शस्त्रक्रिया यशस्वी झाली. लक्ष्मी जन्माला आली आणि या दंपत्याचा जीव भांड्यात पडला. विशेष म्हणजे त्यांना ईएसआयसी लागू असल्याने त्यांची शस्त्रक्रिया व औषधोपचार पूर्णपणे मोफत करण्यात आले
ही कहाणी आहे अंबाझरी येथील मूळ रहिवासी बारेला दांपत्याची... सध्या बारेला हे जळगाव येथील मसाला फॅक्टरीमध्ये कामाला आहेत. त्यांच्या पत्नीच्या यापूर्वी दोन सिझेरियन प्रसूती झाल्या आहेत. आता तिसऱ्या प्रसूतीची वेळ होती. त्यांनी शहरातील तीन नामांकित हॉस्पिटलमध्ये पत्नीला दाखविले. परंतु सिझेरियन शिवाय पर्याय नव्हता. आधीच दोन सिझेरियन झाल्याने तिसऱ्या सिझेरियनमध्ये श्रीमती बारेला यांच्या जीवाला धोका होता. त्यामुळे या डॉक्टरांनी हा धोका पत्करला नाही. एका रुग्णालयात आयसीयू व ऑक्सिजनची सुविधा नसल्याने त्यांनी देखील प्रसूती करण्यास नकार दिला. यानंतर त्यांच्या शेजारी राहणारे देवकर रुग्णालयाचे कर्मचारी संजय अहिरे त्यांना प्रसूतीसाठी घेऊन आले. येथील तज्ञ डॉक्टरांशी त्यांनी सल्लामसलत केली. रुग्णाची सर्व परिस्थिती डॉक्टरांना सांगितली. देवकर रुग्णालयात प्रशस्त आयसीयू, 24 तास ऑक्सिजनची सुविधा असल्याने रुग्णालयातील डॉक्टरांनी महिलेचे तिसरे सिझेरियन करण्याचा निर्णय घेतला. येथील तज्ञ डॉक्टरांनी आपले संपूर्ण कौशल्य पणाला लावून अखेर श्रीमती बारेला यांची तिसरी सिझेरियन यशस्वीरित्या पार पाडली. आपल्याला मुलगी झाल्याचा आनंद बारेला दांपत्याच्या चेहऱ्यावर तर होताच, पण बाळ बाळंतीण सुखरूप असल्याच्या आनंदात त्यांना आकाश ठेंगणे झाले. श्रीमती बारेला यांना आठवडाभर आयसीयूमध्ये ठेवून त्यांना पूर्ण बरे झाल्यावर डिस्चार्ज देण्यात आला.
एक नंबर हॉस्पिटल
आपल्या पत्नीच्या यशस्वी सिझेरियननंतर नितीन बारेला यांनी सांगितले की, जळगावात एकाहून एक मोठे हॉस्पिटल्स आहेत, पण आम्हाला प्रसूतीसाठी कोणी ऍडमिट करून घेतले नाही. मात्र, देवकर रुग्णालयातील डॉक्टरांनी सिझेरिअन यशस्वी करुन माझ्या पत्नीला नवा जन्म दिला. त्याबद्दल आम्ही देवकर रुग्णालयाचे ऋणी आहोत. येथील पंचतारांकित वैद्यकीय सुविधा, डॉक्टर व परिचारिकांचे समर्पण आणि प्रसन्न असे निसर्गरम्य वातावरण कुठल्याही हॉस्पिटलमध्ये आम्हाला दिसले नाही. आता मी माझ्या वडिलांनासुद्धा देवकर रुग्णालयात उपचारासाठी दाखल करणार आहे.

20/02/2023

*आपुलकी, माणुसकी आणि बांधिलकी*

रुग्णालयात आलेल्या रुग्णांना आपुलकीची वागणूक माणुसकीची वागणूक व त्यांच्या उपचाराप्रति असलेली बांधिलकी या त्रिसूत्रीच्या नैतिक अधिष्ठानावर श्री गुलाबराव देवकर मल्टिस्पेशालिटी वैद्यकीय व आयुष रुग्णालयाची वाटचाल सुरू आहे. या त्रिसूत्रीमुळेच अतिशय कमी कालावधीत रुग्णांचा आम्हाला भरभरून प्रतिसाद मिळत आहे. रुग्णांच्या समाधानासाठी संपूर्ण उपचार व रुग्णांशी असलेली बांधिलकी जपण्यासाठी आम्ही कटिबद्ध आहोत. त्यामुळे पुढील काळात संपूर्ण जिल्ह्यातील प्रत्येक रुग्णाला आमचे रुग्णालय आपलेसे वाटेल यात अजिबात शंका नाही, असा विश्वास रुग्णालयाचे संस्थापक व माजी पालकमंत्री गुलाबराव देवकर यांनी व्यक्त केला.
जळगाव शहरात इतकी रुग्णालये असताना नवीन रुग्णालय काढण्याचा उद्देश काय, यावर श्री. देवकर म्हणाले की, जळगावकडे आता मल्टिस्पेशालिटी किंवा वैद्यकीय हब म्हणून पाहिले जात आहे. अनेक रुग्णालयांमध्ये वैद्यकीय सुविधा असल्या, तरी एकाच छताखाली सर्व आजारांवरील उपचार व सर्व सुविधा रुग्णांना मिळाव्यात, यातून रुग्णांचा वेळ वाचावा, फिरफिर वाचावी, म्हणून या रुग्णालयाची स्थापना केली आहे. शिवाय शासनातर्फे जनतेच्या आरोग्याला सर्वाधिक प्राधान्य दिले जात असल्याने गरीब रुग्णांपर्यंत चांगली आरोग्य सेवा पोहोचावी या उद्देशाने महात्मा फुले जन आरोग्यसारख्या काही चांगल्या योजना राबविल्या जात आहेत. परंतु या योजनेअंतर्गत मोफत आणि दर्जेदार उपचार मिळावा, म्हणून आपले लोक आजही मुंबई, पुण्याची वाट धरताना दिसतात. हे चित्र बदलण्यासाठी मुंबई-पुण्यात मिळणारे पंचतारांकित रुग्णालयातील उपचार पद्धती आपण या ठिकाणी उपलब्ध करून दिली आहे. या योजना आमच्या रुग्णालयात आणण्याचे प्रयत्न सुरू आहेत. लवकरच त्या लागूही होतील. त्यानंतर जिल्ह्यातील गरीब व गरजू रुग्णांना शासकीय योजनेअंतर्गत मोफत उपचाराची सोय आपण उपलब्ध करून
देणार आहोत. त्यासाठी आवश्यक असलेल्या सर्व सुविधा आपण रुग्णालयात उपलब्ध करून दिलेल्या आहेत. आमच्या रुग्णालयाचे वैशिष्ट्य म्हणजे अद्ययावत उपकरणांनी सज्ज असा अतिदक्षता विभाग आम्ही येथे कार्यरत केला आहे. कोणताही गंभीर रुग्ण अतिदक्षता विभागात दाखल झाल्यास त्याच्यावर तातडीने उपचार, गरज असल्यास त्यांच्यासाठी पुरेसा ऑक्सिजन पुरवठा आणि त्यापुढे जाऊन गरज पडलीच तर व्हेंटिलेटरची उपलब्धता देखील आमच्या रुग्णालयात आहे. या कक्षामध्ये रुग्णांच्या सेवेसाठी 24 तास डॉक्टर्स व परिचारिकांचा स्टाफ आहे. गावातून येणाऱ्या रुग्णांसाठी ॲम्बुलन्सची 24 तास व्यवस्था करण्यात आलेली आहे. अतिदक्षता विभाग किंवा इतर विभागातील कुठल्याही वैद्यकीय उपकरणांचा वीज पुरवठा खंडीत होऊ नये, विजेची 24 तास उपलब्धता राहावी, यासाठी रुग्णालयाने स्वतःचे सोलर युनिट सज्ज ठेवले आहे. याशिवाय प्रचंड क्षमतेचे दोन जनरेटर्स व संगणकीय प्रणालीसाठी सीपीयूची व्यवस्था करण्यात आली आहे. यामुळे रुग्णालयात 24 तास वीज पुरवठा उपलब्ध आहे.
राज्याचे उपमुख्यमंत्री अजितदादा पवार यांच्या वाढदिवसानिमित्त गेल्या 22 जुलै 2021 रोजी रुग्णालय सुरू करण्यात आले आहे. त्या दिवसापासून आपण रुग्णांची मोफत तपासणी व गरज असल्यास त्यांच्या पुढील उपचारासाठी रुग्णालयात इतर खासगी रुग्णालयांपेक्षा अत्यंत कमी दरात उपचार करून देत आहोत.
यासाठी आपण संपूर्ण जिल्ह्यात अनेक ठिकाणी मोफत आरोग्य शिबिरे घेवून हजारो रुग्णांची आरोग्य तपासणी केली. त्यातून ज्या रुग्णांना पुढील उपचाराची गरज होती, त्यांच्यावर आमच्या हॉस्पिटलमध्ये सवलतीच्या दरात उपचार करण्यात आले. याचे समाधान रुग्णांच्या चेहऱ्यावर निश्चितपणे दिसून आले. माजी महसूल मंत्री एकनाथराव खडसे यांच्या वाढदिवसानिमित्त नुकतेच एक महाआरोग्य शिबिर घेण्यात आले.
या शिबिरातून समोर आलेल्या रुग्णांना पुढील उपचारांची गरज असल्यास आमच्या हॉस्पिटलमध्ये सवलतीच्या दरात आम्ही उपचार करून देत आहोत.
रुग्णांचे समाधान हे केवळ उपचारावर होत नसून, उपचार करणाऱ्या डॉक्टरांचा असलेला अॅप्रोच हा रुग्णांना अर्धा बरा करू शकतो, याची जाण ठेवून आमचा सर्व स्टाफ हा रुग्णांशी अतिशय आपुलकीने आणि माणुसकीने वागतो. यामुळे आमच्याकडे दाखल असलेला प्रत्येक रुग्ण हा घरी जाताना आपल्या चेहऱ्यावर हसू, आनंद आणि समाधान घेऊन जातो, त्यातच आम्ही आमच्या रुग्णालयाचे यश समजतो. रुग्णांवर उपचार सुरु करत असताना डॉक्टरांचा त्यांच्याशी असलेला सुसंवाद हा रुग्णांना लवकरात लवकर बरा करण्यात मदत करतो. याचा प्रत्यक्ष अनुभव आमच्या रुग्णालयांमध्ये येतो. महाभयानक आशा कोविडच्या दुसऱ्या लाटेत अनेकांना आपले नातलग गमवावे लागले आहेत. यात विशेषत: तरुणाईची संख्या जास्त होती. याच वेळी प्रशासनाला गरज असताना आपण देवकर हॉस्पिटल मध्ये कोविड केअर सेंटर सुरू केले. या ठिकाणी मे अखेरपर्यंत तब्बल 182 रुग्णांवर यशस्वी उपचार करून त्यांना डिस्चार्ज देण्यात आला. उपचार करताना केवळ डॉक्टरांच्या भरवशावर न राहता रुग्णांची मी स्वतः पी.पी.ई. किट घालून जातीने विचारपूस केली, त्यावेळी रुग्णांच्या चेहऱ्यावरील समाधान पाहून आपल्या रुग्णालयाचे सार्थक झाल्याची भावना माझ्याही मनात आहे. कोविडच्या या दुसर्‍या लाटेत देशभरात अनेक ठिकाणी ऑक्सिजनची कमतरता किंवा ऑक्सीजन पुरवठ्यामध्ये समन्वयाचा अभाव, यामुळे अनेक रुग्णांना आपला जीव गमवावा लागला. ही शोकांतिका पाहता आमच्या कोविड सेंटरवर अशी वेळ येऊ नये, ऑक्सिजन पुरवठा कमी पडू नये, यासाठी ऑक्सिजन निर्यातदारांवर अवलंबून न राहता आम्ही स्वतंत्र ऑक्सिजन निर्मिती प्रकल्प रूग्णालयात उभारला आहे. त्यामुळे रुग्णांना आवश्यक तेव्हा आवश्यक तितका ऑक्सिजन पुरवठा करण्यात आम्हाला कमालीचे यश आले आहे. याशिवाय कोरोनाग्रस्त रुग्णांवर उपचार करताना रुग्णालयातील फिजिओथेरपी यंत्रणेने मोलाचा सहभाग नोंदवला. त्यामुळे रुग्ण नियमित वेळेपेक्षा लवकर बरे होण्यास मदत झाली. ज्या कोरोनाग्रस्त वयोवृद्धांना इतर ठिकाणी उपचारास नकार देण्यात आला, अशा वृद्धांवर, विविध व्याधी असलेल्या रुग्णांवर आमच्या येथील वैविध्यपूर्ण उपचार पद्धतीमुळे यशस्वी उपचार करण्यात आले.
आता रुग्णालयाला शासकीय योजना लागू झाल्या आहेत. पंचतारांकित उपचारांची सुविधा आपल्याकडे आहे, त्यामुळे जळगाव जिल्ह्यातील कोणत्याही रुग्णाला योजनेअंतर्गत अत्याधुनिक उपचार घेण्यासाठी मुंबई किंवा पुण्याला जाण्याची अजिबात गरज नाही. त्या ठिकाणी असलेल्या सर्व सुविधा आम्ही एकाच छताखाली उपलब्ध करून दिल्या आहेत‌. याचा जिल्ह्यातील सर्व गरीब जनतेला वैद्यकीय उपचारासाठी, दर्जेदार उपचारासाठी फायदा होत आहे. मल्टीस्पेशालिटी हॉस्पिटल असल्यामुळे प्रत्येक आजारावरील तज्ञ कन्सल्टन्सची फौज आपल्याकडे उपलब्ध आहे. यामुळे कुठल्याही आजाराचा रुग्ण बरा करण्याची क्षमता आपल्या रुग्णालयांमध्ये आहे. संपूर्ण रूग्णालयात स्वच्छतेसाठी 24 तास स्वच्छता कर्मचारी कार्यरत आहेत.त्यामुळे रुग्णालयात कोठेही घाण दुर्गंधी आपणास दिसणार नाही. यामुळे येथील वातावरणही अगदी प्रसन्न असे आहे. याचा रुग्णांना व रुग्णांच्या नातेवाईकांना फायदा झाल्याचे दिसून आले आहे. यापुढे दर्जेदर रुग्णसेवा कायम ठेवतानाच रुग्णाच्या चेहऱ्यावर आनंद फुलवण्याचा विडा आमचे डॉक्टर्स परिचारिका व एकूणच रुग्णालयातील संपूर्ण स्टाफने उचलला आहे.
यामुळे जिल्हाभरातील गावा गावामध्ये रुग्णालयाचा नावलौकिक पोहोचला, यात आमच्या मनात तिळमात्र शंका नाही. सर्वे सुखिनः सन्तु सर्वे संतु निरामया हे ब्रीद घेऊन आमचे रुग्णालय वाटचाल करीत आहे. रुग्णसेवा हीच ईश्वरसेवा हे व्रत घेऊन आमचे सर्व सेवाव्रती डॉक्टर्स उत्तमोत्तम रुग्णसेवेला प्राधान्य देत आहोत. रुग्णांच्या चेहऱ्यावरील समाधान आणि आनंद हाच आमच्यासाठी आशीर्वाद ठरत आहे.

20/02/2023

*देवकर रुग्णालयात महागड्या तपासण्या अत्यल्प दरात*

*सिटीस्कॅन, सोनोग्राफी तपासण्यांना रुग्णांचा प्रचंड प्रतिसाद*

जळगाव : येथील शिरसोली रस्त्यावरील श्री गुलाबराव देवकर मल्टीस्पेशालिटी वैद्यकीय व आयुष्य रुग्णालयात सिटीस्कॅन, सोनोग्राफी, इसीजी व एक्स-रे च्या सुविधा अत्यल्प दरात उपलब्ध करून देण्यात आल्या आहेत. याला रुग्णालयातील तसेच बाहेरील रुग्णालयांचा रुग्णांचा मोठा प्रतिसाद लाभत आहे. त्याचा लाभ शेकडो सर्वसामान्य रुग्णांना होत आहे.

जिल्हा बँकेचे चेअरमन तथा रुग्णालयाचे संस्थापक गुलाबराव देवकर यांनी सर्वसामान्य रुग्णांची आर्थिक गैरसोय टळावी, म्हणून आपल्या रुग्णालयात अत्यंत कमी दरात विविध सवलती उपलब्ध करून देण्याच्या सूचना रुग्णालय प्रशासनाला दिल्या होत्या. त्यानुसार महागड्या समजल्या जाणाऱ्या सर्वसाधारण सिटीस्कॅनची सेवा केवळ 700 रुपये, तर जॉईंट सिटीस्कॅन 2100 रुपये, पोटाची कॉन्ट्रास्ट सिटी स्कॅन 2600 रुपये व मणक्यांचे थ्रीडी स्कॅन अवघ्या 1500 रुपयांत करण्यात येत आहे. सोनोग्राफीची सुविधा तीनशे रुपयांपासून पुढे उपलब्ध करून देण्यात आली असून, याचा गरोदर मातांना चांगला लाभ होत आहे. गरोदर मातांची पाचव्या महिन्यानंतरची सोनोग्राफी केवळ आठशे रुपयांत व ओबीएस डॉपलर सोनोग्राफी केवळ आठशे रुपयांत केली जात आहे.

याशिवाय ईसीजीची सुविधा अवघ्या 100 रुपयांत, तर एक्स-रे प्रतिकॉपी फक्त दीडशे रुपयात रुग्णांसाठी उपलब्ध करून देण्यात आले आहे. देवकर रुग्णालयात उपचार घेणाऱ्या रुग्णांना या अत्यल्प दराचा फायदा तर होतच आहे, याशिवाय शहरातील इतर डॉक्टरांनी शिफारस केलेल्या रुग्णांकडून सिटीस्कॅन, सोनोग्राफी, इसीजी सारख्या सुविधांचा लाभ मोठ्या प्रमाणावर घेण्यात येत आहे.

*मोतीबिंदू शस्त्रक्रियांचा विक्रम*
देवकर रुग्णालयात गेल्यावर्षीपासून आप्पासाहेब गुलाबराव देवकर यांनी वाढदिवसानिमित्त सुरू केलेल्या मोतीबिंदू मुक्त जिल्हा अभियानाला मोठा प्रतिसाद मिळत आहे. त्यासाठी रुग्णालयात केवळ 2500 रुपयात मोतीबिंदू व 6000 रुपयांत फेको शस्त्रक्रिया केल्या जात आहेत. या अभियानांतर्गत जिल्हाभरातून रुग्ण मोतीबिंदू शास्त्रक्रियेसाठी देवकर रुग्णालयात येत आहेत. शस्त्रक्रिया झाल्यानंतर रुग्णांना मिळालेली नवी दृष्टी त्यांची मोठ्या प्रमाणावर झालेली आर्थिक बचत व त्यांच्या चेहऱ्यावरील समाधान यातच रुग्णालयाचे मोठे यश असल्याचे दिसून येत आहे.

*सर्व योजना लागू*
देवकर रुग्णालयात महात्मा ज्योतिराव फुले जनआरोग्य योजना, आयुषमान भारत व ESIC सह सर्व कंपन्यांच्या आरोग्य विमाधारकांसाठी कॅशलेस सुविधा उपलब्ध करून देण्यात आली आहे. याचाही लाभ शेकडो रुग्णांना होत आहे. रुग्णालयात उपलब्ध पंचतारांकित वैद्यकीय सुविधा, अत्याधुनिक उपकरणे व सेवाभावी तज्ञ डॉक्टरांची टीम यामुळे रुग्णांकडून देवकर रुग्णालयाला सर्वाधिक पसंती दिली जात आहे.

19/02/2023

*देवकर रुग्णालयात आता डायलिसिस सुविधा उपलब्ध*

महात्मा ज्योतिराव फुले जनआरोग्य योजना व ESIC अंतर्गत होणार मोफत उपचार

जळगाव : येथील शिरसोली रस्त्यावरील श्री गुलाबराव देवकर मल्टीस्पेशलिटी व आयुष रुग्णालयात आजपासून डायलिसिस सुविधा उपलब्ध करून देण्यात आली आहे. विशेष म्हणजे शासनाच्या महात्मा ज्योतिराव फुले जनआरोग्य योजनेअंतर्गत तसेच ESIC च्या रुग्णांसाठी संपूर्णपणे मोफत डायलिसिस सुविधा उपलब्ध करून देण्यात आली आहे. याशिवाय आरोग्य विमाधारकांसाठी रुग्णालयात कॅशलेस सुविधा उपलब्ध आहे.

रुग्णालयात मूत्ररोग व किडनी रोगाच्या योग्य व अचूक निदानासाठी तज्ञ डॉक्टरांची टीम रुग्णालयात उपलब्ध आहे. या सुविधेचा आरोग्य योजनेतील पात्र लाभार्थ्यांसाठी मोठा फायदा होणार आहे. त्यांचा डायलिसिससारख्या आजारावर होणारा मोठा खर्च यातून वाचणार आहे.

*खालील लक्षणे असलेल्या रुग्णांनी देवकर रुग्णालयाची संपर्क साधावा*

* डायलिसिस चालू असलेले रुग्ण

* बीपी, डायबेटिसमुळे होणारे किडनीचे आजार

* चेहरा व हातापायांवर सूज असणे

* लघवी कमी होणे व लघवी लालसर होणे

* लघवीला जळजळ होणे किंवा लघवीतून पू येणे

* लघवीतून प्रोटीन जाणे

* भूक न लागणे व मळमळ, उलट्या होणे

* किडनी स्टोन (मुतखड्याचे आजार)

* लहान मुलांचे किडनी विकार

वरील लक्षणे दिसणाऱ्या रुग्णांनी देवकर रुग्णालयातील मो. क्र. ,9422977071 यावर संपर्क साधावा.

10/11/2022

Happy Birthday Dr. Rohan Patil sir (Piyush Hospital) 🎉🎂🎁