Srushti Hospital Jalgaon - Dr Radheshyam Chaudhari

08/05/2023

धन्यवाद लोकमत समुहाचे…

आमच्याजागी कोणत्याही डॅाक्टरांनी आम्ही केल तेच केल असतं.
रूग्ण व नातेवाईकांनी पूर्ण विश्वास टाकला तर डॅाक्टरांना चौकटीबाहेर जावून जीवापाड प्रयत्न करणे अधिक सोपे जाते.

07/05/2023

#कौटुंबिक_सहवास_हुकुनही_गंभीर_रूग्णाचे_आरोग्यरक्षण_हा_आनंददायी_अनुभूति देणारा, #व्यावसायिकदृष्ट्या_उन्नत करणारा अनुभव ठरला.

काल रात्री आई-बापूंना भेटायला गावी गेलो.रात्री गप्पा मारता मारता उशिरा झोपलो.सकाळी हॅास्पिटलमधुन असिस्टंट डॅाक्टरांच्या फोनने झोप उघडली.

एक आदिवासी भिल्ल समुदायाची भगिनी,आठव्या महिन्याच्या जुळ्या गर्भारणासह एकमेव जुन्या रिपोर्टसहित रक्तस्त्राव व पोटदूखीच्या तक्रारीसह दाखल झालीय,रक्तात प्रमाण फार कमी वाटत असा असिस्टंट डॅा चा फोनवर निरोप होता.

सहकारी प्रसुतितज्ञांना असिस्टंटने बोलावून रूग्ण तपासणी केल्यावर त्यांचाही अभिप्राय टेंशन वाढवणारा होता.प्रसुति थांबणे अशक्य वाटत असुन,एका बाळाचे ह्दयाचे ठोके ऐकू नसुन पेंशंटचे रक्ताचे प्रमाण फार कमी वाटते.एकंदरीत रूग्ण गंभीर स्थितीत होता.

अनेक गुंतागुंत,अडचणी एकत्र आल्याने रूग्णाची तब्येत गंभीर आहे,जीवाला धोका आहे म्हणून शासकीय दवाखान्यात जाण्याचा सल्ला दिला तर ते जाण्यास तयार नव्हते.”जे काही होईल ते होवू द्या पण इथेच प्रयत्न करा,आमचा तुमच्यावर विश्वास आहे,डॅाक्टरांना सांगा.”

तासभर हे सुरू असतांना
बापू-आईंसोबत रविवार निवांत गावाकडे घालवण्याच्या प्लॅन धोक्यात आलेला वाटत होता.

आई म्हटली लवकर जेवण तयार करते,जेवून निघ.मी म्हटलो,पेशंट अशा स्थितीत आहे कि २-३ तास विलंब घातक ठरू शकतो.मग बापू म्हटले,”चहा घे अन् तातडीने निघ..आमच्यापेक्षा त्या रूग्णाला तुझी जास्त आवश्यकता आहे.”

पटकन आंघोळही न करता निघालो,दिड तासात पोहोचलो.पेशंट तपासला.जुळ्यांपैकी एक बाळ पोटातच वारल होत,गर्भाशयात वार सुटून आतच मोठा रक्तस्त्राव झालेला वाटत होता,रक्तदाब वाढलेला होता,रूग्णाचे डोळे फिके दिसत होते ,बाह्यरक्तस्त्राव ही सुरू होता.(Diagnosis-Primi:Twins with First IUFD,Second Breech-32weeks-PIH-Abruptio placenta-Severe Anaemia) पुन्हा नातेवाईकांना रूग्णांची तब्येत गंभीर असुन पहिल मृत बाळ सरळ तर दुसर बाळ पायाळू आहे,रक्त द्याव लागेल,कोणत्याही परिणामांना तयार रहा,प्रयत्न शर्थीने करू म्हणत कामाला लागलो.

उपचार सुरू होते,हिमोग्लोबीन ६% असल्याचा रिपोर्ट आला,रक्ताच्या पिशव्या ही #गोळवलकर_रक्तपेढीद्वारा तात्काळ हॅास्पिटलला पोहोच मिळाल्या.दोन सहकार्यांना मदतीसाठी पूर्व कल्पना दिली.

दोन तासानंतर पहिल मृत बाळ नैसर्गिक प्रसुति मार्गाद्वारे जन्मल.२०-२५ मिनीटांच्या प्रतिक्षेने दुसर पायाळू बाळही जन्मल,रक्त देण सुरू होत..औषधेपचारास अपेक्षेप्रमाणे रूग्ण प्रतिसाद देत होती..दोन्हीही वारं,त्याखालच्या साधारणत: ४५० ग्रॅम रक्ताच्या गुठळ्यांसह बाहेर आल्या होत्या ,रक्तस्त्राव नियंत्रणात वाटत होता.जगण्यासाठी धडपडणार्या,कन्हणार्या बाळास नवजात अतिदक्षता विभागात शिफ्ट केले…दोन रक्ताच्या बॅग दिल्यावर रूग्ण स्थिराल्यासारखी वाटत होते.

डॅाक्टरांच्या आयुष्यात #कुटूंब_कि_रूग्ण,निवांतपणा कि धावपळ-स्ट्रेस…असे परिक्षेचे क्षण अनेकदा येत असतात. #सर्वच_डॅाक्टर_रूग्णाच्या_आरोग्यरक्षणास_प्राधान्य देत असतात अस मी मानतो.

आईच्या हातच आवडत जेवण सुटल होत,रविवार बापूंसोबत गप्पा मारत,गावाकडे शेतात घालवण्याचा मानस कोलमडला होता .पण धावपळ करून रूग्णाच्या नातेवाईकांच विश्वासपात्र होत केलेल आरोग्यरक्षण यातून मिळालेल समाधानही त्या सर्व भावनांवर भारी पडलेल जाणवत होत..

सकाळी ५ ते १२ वाजेपर्यंतच्या या घडामोडीत कुटूंब,गाव,घर आदिंचा विसर पडून सारा क्षीण नाहीसा झालेला होता.साडे १२ वाजता मग भूक जाणवत होती.

रूग्णसेवेद्वारे अशा गंभीर रूग्णाच्या यशस्वी उपचारातून मिळणार्या समाधानाच ,आनंदाच,कर्तव्यपूर्तीच मोल ,मोजदाद कशानेही होवू शकत नाही हे मात्र खरं!!
धन्यवाद.

डॅा राधेश्याम चौधरी,
सृष्टी हॅास्पिटल,जळगाव.

22/04/2023

YouTube : https://youtu.be/08fNeiIlHYI

Facebook : https://www.facebook.com/SrushtiHospitalJalgaon/videos/473089981173045/

नमस्कार.

आपणांस अक्षय तृतीयेच्या मनःपूर्वक शुभेच्छा !🌸🌸

आज अक्षय्य तृतीयेला सृष्टी हॅास्पिटलचे २० व्या वर्षात पदार्पण होत आहे.

आमच्यावर विश्वास दाखवणार्या रूग्ण,माता भगिनी,हितचिंतक या सर्वांचे मनपूर्वक आभार.

भविष्यातही असेच प्रेम ,स्नेह,विश्वास आम्हास लाभावे हि विनंतीवजा प्रार्थना!!

वरिल दोन्ही लिंक क्लिक करा.फेसबुक पेज व यु ट्युब चॅनेल ला भेट द्या.

👆🏻👆🏻

धन्यवाद .

डॅा राधेश्याम चौधरी,डॅा श्रद्धा चौधरी ,
सृष्टी हॅास्पिटल,जळगाव.

15/02/2023

#सृष्टी_हॅास्पिटल येथे #स्टार_हेल्थ_इन्शुरन्स च्या आरोग्य विमा धारक सदस्यांसाठी स्त्री रोग व प्रसुतिशास्त्र या संबंधित रूग्णांच्या उपचारासाठी #कॅशलेस सुविधा उपलब्ध झाली आहे.
गरजू रूग्ण याचा लाभ घेवू शकतात.

धन्यवाद !!

09/07/2022

नमस्कार माता भगिनींनो,

“ #सोनोग्राफी_आणि_गर्भावस्थेची_पहिली_तिमाही” या विषयावरील माहितीपर #व्हीडीयो बघायला विसरू नका.

जर तुमच्या मनांत खालील प्रश्न येत असतील तर नक्की बघा-

१) #सोनोग्राफी म्हणजे काय ?

२) #पहिल्यांदा सोनोग्राफी साधारणत केव्हा करतात?

३)पहिल्या #तिमाहीत सोनोग्राफी का करतात?

४)सोनोग्राफीच्या आधी काय #खबरदारी घ्यावी?

५)सोनोग्राफी करतांना काय आणि कशामुळे #अडचणी येतात?

६)सोनोग्राफीचे गर्भावर काही #दुष्परिणाम होतात का?

धन्यवाद.

डॅा राधेश्याम चौधरी,सृष्टी हॅास्पिटल,जळगाव .

08/07/2022

नमस्कार माता भगिनींनो,

“ #सोनोग्राफी_आणि_गर्भावस्थेची_पहिली_तिमाही” या विषयावरील माहितीपर #व्हीडीयो बघायला विसरू नका.

जर तुमच्या मनांत खालील प्रश्न येत असतील तर नक्की बघा-

१) #सोनोग्राफी म्हणजे काय ?

२) #पहिल्यांदा सोनोग्राफी साधारणत केव्हा करतात?

३)पहिल्या तिमाहीत सोनोग्राफी का करतात?

४)सोनोग्राफीच्या आधी काय #खबरदारी घ्यावी?

५)सोनोग्राफी करतांना काय आणि कशामुळे #अडचणी येतात?

६)सोनोग्राफीचे गर्भावर काही #दुष्परिणाम होतात का?

धन्यवाद.

डॅा राधेश्याम चौधरी,सृष्टी हॅास्पिटल,जळगाव .

09/05/2022

#प्रामाणिकपणा_बोलण्यातून_नव्हे तर #कृतीतून सिद्ध करावा लागतो.

आमच्या #सृष्टी_हॅास्पिटलमधे एक ताई उपचारासाठी दाखल होत्या.
उपचारानंतर डिस्चार्ज झाल्यानंतर त्यांनी त्यांचे स्वताचे #सोन्याचे_पेंडल हॅास्पिटलमधील वास्तव्यात हरवल्याची शंका व्यक्त केली.हे मी सर्व कर्मचार्यांना सांगितले व त्या वस्तुचा सर्वांनी मिळून शोध सुरू केला.

आमच्या हॅास्पिटलच्या कर्मचारी श्रीमती चौथे यांना हे पेंडल सापडले .आपल्या #पगारापेक्षा जास्त किंमतीच्या या दागिन्याचा मोह न ठेवतां त्यांनी ते माझ्याकडे सुपुर्द केले.

आज त्या पेशंट ताईंना सृष्टी हॅास्पिटलला बोलवून त्यांचा सोन्याचा दागिना मी व डॅा श्रद्धा चौधरी यांनी त्यांच्या हवाली /त्यांना सुपुर्द केला.

त्या ताईंच्या चेहर्यावर #आनंद झळकत होता तर आमच्या चेहर्यावर #अभिमान…कारण #सचोटी व #प्रामाणिकपणा हा बोलून नाही तर कृतीतून आमच्या सिस्टरांनी दाखवला होता.

आमच्या #मूल्याधारित_वैद्यकिय_सेवेच अनुकरण स्टाफकडून होत असल्याने आनंद द्विगुणित झाला.आम्ही प्रतिकात्मक रक्कम देवून आमच्या सिस्टरांच कौतुक केल तर त्या ताईंनीही खुल्या दिलाने सिस्टरांना बक्षीस देवू केल.

We are proud of our staff serving in Srushti Hospital.

डॅा राधेश्याम चौधरी.

09/05/2022

07/05/2022

नमस्कार माता बघिनींनो.
सृष्टी हॅास्पिटलच्या यु ट्युब चॅनेलवर आपल स्वागत.

आजचा विषय : मासिक पाळी (Menstrual Cycle)

मासिक पाळी सुरू व बंद होण्याचे साधारण वयं किती असते?

मासिक पाळीला सामान्य केव्हा म्हणावं?

त्यांवर प्रभाव टाकणारे घटक कोणते?…

याविषयीच्या विविध प्रश्नांची उत्तरे शोधण्याचा प्रयत्न करायचा असल्यास जरूर ऐका.
👇🏻👇🏻

You tube 👇🏻👇🏻

https://youtu.be/1igVDCT081Y

डॅा राधेश्याम चौधरी,
सृष्टी हॅास्पिटल,जळगाव.

03/05/2022

Srushti Hospital - Dr Radheshyam Chaudhari | सृष्टी हॉस्पिटल - डॉ. राधेश्याम चौधरी

नमस्कार,
सर्वांना अक्षय तृतियेच्या मनःपूर्वक शुभेच्छा.

आज वैद्यकिय सेवेची १८ वर्षे पूर्ण झाल्याच्या निमित्ताने एक नविन संकल्प घेवून आपल्याशी हितगुज साधत आहे.आजपासून महिन्यातून ठराविक वेळी यु ट्युब चॅनेल व फेसबुक पेजच्या माध्यमातून व्हीडीयोद्वारे मातृशक्तीच्या आरोग्याविषयी हितगुज साधणार आहे.

स्त्री रोग व प्रसुति तज्ञ म्हणून माता बघिनींच्या आरोग्याच संरक्षण ,संवर्धन करण्याच काम आम्ही करत असतो. स्त्रियांना जीवनात किशोरावस्था, युवावस्था, मातृत्व, मेनोपॅाज आदि आमुलाग्र शारीरिक, भावनिक, मानसिक बदलाच्या विविध अवस्थांचा सामना करावा लागतो.स्वताच्या आरोग्या बरोबरच प्रचंड कौटूंबिच जबाबदार्यांचा भार आयुष्याच्या विविध टप्यावर मातृशक्तीला पेलावा लागतो. म्हणून महिला वर्गाच शारीरीक, भावनिक, मानसिक आरोग्य संवर्धनासाठी हा छोटासा प्रयत्न करत आहोत.

‘सर्वे भवन्तु सुखिन,
सर्वे सन्तु निरामय’

अर्थात सर्व सुखी राहो,सर्व रोगमुक्त राहो,सर्वच मंगलमय घटनांचे साक्षीदार राहो ,कुणाच्याही वाटेला दु:ख येवू नये.

या आपल्या वैश्विक धारणेला अनुसरून यापुढेही मातृशक्तीच्या आरोग्यरक्षणासाठी कार्यरत राहण्याचा संकल्प करतो.

धन्यवाद .
डॅा राधेश्याम चौधरी, डॅा श्रद्धा चौधरी ,
सृष्टी हॅास्पिटल,जळगाव.

02/05/2022