Dr.Rede Multispeciality Dental Clinic

17/08/2025

02/07/2025

मुले किंवा खेळाडूंमध्ये दात चिरणे सामान्य आहे. ते प्रामुख्याने अपघातांमुळे होतात.
रूट कॅनल ट्रीटमेंट ही एक दंत प्रक्रिया आहे जी दाताच्या आत खोलवर झालेल्या संसर्गावर किंवा नुकसानावर उपचार करण्यासाठी वापरली जाते.
Post and core ही एक दात दुरुस्त करण्याची प्रक्रिया आहे, जी दाताला मजबुती देऊन त्यावर नवीन दात (क्राउन) बसवण्यास मदत करते.
ही उपचारपद्धती नैसर्गिक दात वाचवण्यास मदत करते.

07/05/2025

मशीन द्वारे दात स्वच्छ करणे म्हणजेच स्केलिंग (SCALING) ही दात व हिरड्या स्वच्छ आणि सुदृढ ठेवण्यासाठी करण्यात येणारी उपचार पद्धती आहे.
यामध्ये दात व हिरड्या वर जमा झालेले प्लाक (plaque) , कॅल्क्युलस (calculas) व डाग काढण्यात येतात.

जर ही घाण काढली नाही तर त्यामुळे दातामध्ये इन्फेक्शन होऊन हिरड्या कमकुवत होतात आणि पायरिया सारखे आजार होऊ शकतात, ज्यात दातही गमवावा लागू शकतो.
दात स्वच्छ करणे म्हणजेच स्केलिंग हा एक अत्यंत सुरक्षित आणि नेहमी करण्यात येणारा उपचार आहे . यामध्ये दाताच्या कुठल्याही भागाला कुठल्याही प्रकारची इजा होत नाही.

30/04/2025

पूर्ण तोंड पुनर्वसन (Full Mouth Rehabilitation) म्हणजे दातांच्या विविध समस्यांवर उपचार करण्यासाठी आणि तोंडाला त्याचे नैसर्गिक स्वरूप परत मिळवण्यासाठी विविध दंत उपचार आणि प्रक्रिया एकत्र करणे. या प्रक्रियेत, दात गमवणे, खराब झालेले दात, किंवा इतर समस्यांचा सामना करणाऱ्या व्यक्तींना त्यांच्या दातांची आरोग्यपूर्ण आणि आकर्षक स्थिती सुधारण्यास मदत केली जाते.
पूर्ण तोंड पुनर्वसन प्रक्रियेचे फायदे:
दातांचे आरोग्य:
पूर्ण तोंड पुनर्वसन दातांना मजबूत आणि निरोगी बनवते, ज्यामुळे ते दीर्घकाळ टिकून राहतात.
स्मिरणे:
दात पुनर्वसन केल्याने स्मिरणे सुधारते आणि आत्मविश्वास वाढतो.
उच्च कार्यक्षमता:
या प्रक्रियेमुळे बोलणे, खाणे आणि इतर क्रिया करणे सोपे होते.
आत्मविश्वास:
नवीन, मजबूत दात आणि सुधारलेले स्मिरणे व्यक्तीला अधिक आत्मविश्वास देतात.

14/08/2024

ब्रिजच्या सहाय्याने कृत्रिम दात बसवणे

08/08/2024

दातामधील फटी वरील उपचार..(Diastema closure)
समोरील 2 दातांमध्ये फट असणे यालाच वैद्यकीय भाषेत मिडलाईन डायस्टेमा (midline diastema) म्हणतात.

याची कारणे खालील प्रमाणे आहेत:-

1)काही वेळेस ही फट ही दुधाचे दात पडून कायमचे दात येताना तयार होते. अशा वेळेस काळजीचे काही कारण नाही, कारण ही फट कायमचे दात उगवले की आपोआप नाहीशी होते.
2)काही वेळेस दातांचा आकार हा नेहमीच्या दातांच्या आकारापेक्षा लहान असतो, त्यावेळेस पण अशी फट निर्माण होऊ शकते.
3)काही वेळेस जबड्याचा आकार हा नेहमीपेक्षा मोठा असतो. त्यामुळे दातांची वाढ ही जवळजवळ न होता थोडे अंतर ठेवून होते, अशावेळेस फट तयार होते.
4)जबड्याला आणि वरच्या ओठांना एका स्नायूने जोडलेले असते, यालाच फ्रेनम (frenam) म्हणतात. जर हे फ्रेनम नेहमीपेक्षा जाड असेल तर अशी फट निर्माण होते.
5)अंगठा चोखणे, सारखी जीभ दाताला लावणे यासारख्या सवयी पण दातांमध्ये फट तयार करतात.
आणि काहीवेळेस आनुवंशिक कारणांमुळे अशी फट तयार होते.

आता यावर उपाय काय?

ऑर्थोपेडिक उपचार (दातांना तार लावणे)
अशी फट ही दात उगवत असतानाच्या काळात तयार झाली असेल तर याला उपचाराची गरज नसते, ती फट आपोआप भरून येते. आणि जर ती फट बाकी कोणत्या कारणामुळे तयार झाली असेल तर त्यासाठी ऑर्थोडोंटिक उपचार करून घ्यावे लागतील

कंपोझिट फिलिंग/ स्माईल इन्हान्सर (composite feeling)
दातांमध्ये मोठी फट असेल किंवा तुमचे दात अगदी थोड्याफार फरकाने वेडेवाकडे असतील.तर कंपोझिट फिलिंगच्या मदतीने तुमचे दात हल्ली नीट केले जातात. तुमच्या दातासारख्याच असणाऱ्या मटेरिअलचा उपयोग करुन तुमच्या दातांमधील फट भरली जाते. हे करताना तुम्हाला अजिबात दुखत नाही.

तुमचे दात आधी स्वच्छ केले जातात. त्यानंतर ते फिल करुन ते फिलिंग घट्ट किंवा कडक करण्यासाठी त्यावर एक मशीन फिरवली जाते.
तुमचे समोरचे दात असल्यामुळे साधारण 20 ते 30 मिनिटे त्यासाठी लागतात. पण एकदा कंपोझिट फिलिंग झाल्यानंतर तुमचे हसणे इतके खुलते की, तुम्हाला तुमच्या चेहऱ्यात झालेला बदल लगेच दिसून येतो.या नव्या ट्रिटमेंटमुळे तुम्हाला दातांना तारा लावण्याची गरजही भासत नाही.

14/04/2024

समोरच्या दातांसाठी डेंटल ब्रिज..

पडलेल्या दातांमुळे बिघडलंय हास्य? समोरच्या दातांसाठी डेंटल ब्रिजचा या उपचाराने तुमच्या स्मितहास्याच्या दिसण्यामध्ये लक्षणीय सुधारणा होते.
डेंटल ब्रिज हा उपचार तुमच्या सुंदर दंतपंक्तीसाठी जादूची छडी आहे !

तुमचे एक किंवा अधिक दात पडलेले असल्यास ते बदलण्याचे अनेक मार्ग आहेत. ब्रिज, अर्धवट किंवा पूर्ण दातांसाठी दंतरोपण हा पर्याय असू शकतो. पडलेल्या दातांऐवजी कृत्रिम दात लावणे म्हणजे डेंटल इम्प्लांट (दंतरोपण). हे दात अगदी नैसर्गिक दातांसारखे दिसतात.

25/10/2023

Mouth rehabilitation

20/10/2023

दात स्वच्छ करणे (स्केलिंग) म्हणजे नेमके काय..?

डेंटिस्ट कडून मशीन द्वारे दात स्वच्छ करणे म्हणजेच स्केलिंग (SCALING) ही दात व हिरड्या स्वच्छ आणि सुदृढ ठेवण्यासाठी करण्यात येणारी उपचार पद्धती आहे.यामध्ये दात व हिरड्या वर जमा झालेले प्लाक (plaque) , कॅल्क्युलस (calculas) व डाग काढण्यात येतात.
जर ही घाण काढली नाही तर त्यामुळे दातामध्ये इन्फेक्शन होऊन हिरड्या कमकुवत होतात आणि पायरिया सारखे आजार होऊ शकतात, ज्यात दातही गमवावा लागू शकतो.
दात स्वच्छ करणे म्हणजेच स्केलिंग हा एक अत्यंत सुरक्षित आणि नेहमी करण्यात येणारा उपचार आहे . यामध्ये दाताच्या कुठल्याही भागाला कुठल्याही प्रकारची इजा होत नाही. फक्त हे योग्य पद्धतीने दंतवैद्याकडून करून घ्यावे लागते.

डेंटल प्लाक म्हणजे काय?

दातांवर जमा असणारे चिकट आणि रंगहीन पदार्थ ज्यामध्ये अन्नकण आणि बॅक्टेरिया असतात त्याला डेंटल प्लाक असे म्हणतात.
या मध्ये बॅक्टेरिया असतात आणि ते जलद पद्धतीने आपली संख्या वाढवतात त्यामुळे हिरड्यांना इन्फेक्‍शन होते.
इन्फेक्शन झाल्यानंतर हिरड्यांना सूज येते, हिरड्यांमधून रक्त येऊ शकते.
जर हे डेंटल प्लाक दहा ते पंधरा तासाच्या आत ब्रश करून नाही काढलं तर त्यामध्ये क्षार जमा होतात आणि कॅल्क्युलस किंवा टार्टर तयार होते.
एकदा का हे कॅल्क्युलस जमा झाले की ते ब्रशने सहजासहजी निघत नाही. त्याला काढण्यासाठी स्केलिंग ची गरज असते.

स्केलिंग का करतात..

आपण दैनंदिन ब्रश केल्यामुळे दातांवर जमा होणारे अन्नकण आणि प्लाक स्वच्छ होत असते पण जी कडक घाण असते आणि जी घाण हिरडी च्या खाली असते त्याला ब्रशने स्वच्छ करणं शक्य नाही.

त्यासाठी डेंटिस्ट कडून स्केलिंग प्रोसिजर करून घेणे योग्य.वेळीच उपचार करून घेतल्यास हिरडी आणि हाडांमध्ये होणारे इन्फेक्शन टाळता येते . जर इन्फेक्शन हाडापर्यंत गेलं तर काही वेळेस हिरड्यांची शस्त्रक्रिया करायची गरज पडू शकते.

स्केलींग कशी करतात..

दातांची स्केलींग करण्याच्या दोन पद्धती आहेत. हाताने वापरणारे विशिष्ट प्रकारच्या इंस्ट्रुमेंट ने किंवा अल्ट्रासोनिक मशीन द्वारे.

हाताने करण्यात येणारे स्केलींग मध्ये इन्स्ट्रुमेंट च्या सहाय्याने दात आणि हिरड्या मधील घाण आणि कॅल्क्युलस काढण्यात येते . यामध्ये वेळ थोडा जास्त लागतो .
अल्ट्रासोनिक मशीन ने दात स्वच्छ जलद आणि चांगल्या प्रकारे होतात . अल्ट्रासोनिक मशीन मधून कंपन तयार होतात जे प्लाक आणि कॅल्क्युलस ला काढतात. तसेच पाण्याचा वापर होतो ज्यामुळे दात स्वच्छ होतात. दोन्ही पद्धती अत्यंत वेदनारहित असतात . पेशंटला कुठल्या प्रकारचा त्रास होत नाही किंवा इंजेक्शन घ्यायची आवश्यकता नसते.

स्केलिंग कधी करावे

प्लाक जमा होण्याची प्रक्रिया निरंतर चालू असते. आधी सांगितल्याप्रमाणे जर दहा ते पंधरा तासांमध्ये ती घाण स्वच्छ नाही केली तर कडक असे कॅल्क्युलस तयार होते.
इंडियन डेंटल असोसिएशनच्या अनुसार दर सहा महिन्यांनी आपल्या दंतरोग तज्ञांकडून तपासणी करून घ्यावे.
तुमचे दंतवैद्य तपासणीनंतर सांगू शकतील की तुम्हाला स्केलिंग ट्रीटमेंट ची आवश्यकता आहे की नाही.

यावेळेस हे विशेष नमूद करावेसे वाटते की दात स्वच्छ केल्यामुळे कधीही दात कमकुवत होत नाही किंवा हिरड्यांना त्रास होत नाही .याउलट दात स्वच्छ केल्यानंतर हिरड्यांना बळकटी येते आणि हिरड्यातून रक्त येणे , व तोंडातून वास येणे ही थांबते.
नियमित पणे आपल्या डॉक्टरांच्या सल्ल्याने स्केलिंग ट्रीटमेंट करून घेतल्यास दातांचे व हिरडीचे आजार होण्याचे प्रमाण नक्कीच कमी होऊ शकते.

20/10/2023

3 वर्ष 10 महिने वयाचा मुलाला त्याचे पालक क्लिनिक मध्ये घेऊन आले होते. त्याच्या दोन दाढींना सूज आली होती आणि चेहरा सुजला होता.
एक्स-रे केला असता दाताची कीड ही नसापर्यंत गेल्याचे आढळून आले. त्यामुळे दातांचे रूट कॅनल करण्यात आले.

**लहान मुलांच्या दुधाच्या दाताचे रूट कॅनाल ट्रिटमेंट**

सुहास्यवदन म्हणजे सर्वोत्तम शारीरिक, मानसिक आरोग्याचे लक्षण आहे. दुधाचे दात पडणारच, म्हणून ट्रीटमेंटची गरज नाही, हा गैरसमज आहे. दुधाचे समोरचे दात सहाव्या वर्षापासून पडायला सुरूवात होते. पण दुधाचे दाढा पडणे, पक्के दाढ येणे ही प्रक्रिया 12-13 वर्षापर्यंत सुरू असते. तोपर्यंत दुधाच्या दातांचे आरोग्य राखले गेले पाहिजे. मानसिक, शारीरिक सर्वांगीण व्यक्तीमत्व विकासासाठी पोषक अशी प्रकृती ठेवणे अत्यावश्यक आहे. यासाठीच दुधाच्या दातांची काळजी, उपचार केल्यास भविष्यातील त्रास वाचतो.

1. औषधे घेवून किंवा दातांवर औषध लावून दातांची ट्रीटमेंट होते की नाही?

उत्तर : नाही. दातांची कीड (caries, decay) हा जीवाणूंमुळे होणारा आजार आहे. दातांच्या 2 थरांमध्ये रक्त प्रवाह नसल्याने औषधे जीवाणूंचा प्रतिकार करण्यासाठी त्यांच्यापर्यंत पोहचत नाहीत. त्यामुळे लहान मुलांच्या दातांच्या डॉक्टरांकडून दात मशिनने स्वच्छ करुन सिमेंट फिलींग करणे हाच पर्याय असतो. ट्रीटमेंट न केल्यास दातांमध्ये खड्डे (Cavities) होवून जेवण अडकते, तोंडाचा वास येतो. कीड दातांच्या नसेपर्यंत पोहचते, दुखते, इन्फेक्शन हाडापर्यंत, हिरडीपर्यंत पोहोचून पू, सूज, ताप येतो. औषधे घेवून हिरड्यांची सूज तात्पुरती उतरते. परंतू दातातील इन्फेक्शन तसेच राहते, मुलाला वारंवार खातापिताना दुखते, अशाही परिस्थितीत दुर्लक्ष केले तर कीड पक्क्या दातांवर पसरते. शेवटची अवस्था म्हणजे कीड लागल्यामुळे दात तुटणे/काढून टाकावा लागणे, त्यामुळे दात वेडेवाकडे येतात. पुढचे दात वेळेआधी पडल्यास, उच्चारात दोष निर्माण होतो. थोडक्यात मुलांच्या दातांकडे दुर्लक्ष केले तर गंभीर परिणाम होवू शकतात. लहान मुलांच्या दातांना कीड लागू नये म्हणून फ्लोराईड, सिलंट ट्रीटमेंट, दातांची सफाई डॉक्टरांकडून करवून घेवू शकता. फिलींग, रुट कॅनाल ट्रीटमेंट, कॅपसुध्दा लहान मुलांच्या दातात कराव्या लागतात. जर दात काढावे लागले असतील तर पक्के दात वेडेवाकडे येवू नयेत म्हणून स्पेस मेंटेनर बसविता येतात.

2. दुधाच्या दाताची रुट कॅनाल ट्रिटमेंट/काढणे यापैकी काय सुरक्षित?

नैसर्गिक वाढीच्या क्रमाअगोदर दुधाचे दात काढण्याचे दुष्परिणाम असतात. दुधाचे दात काढणे/रुट कॅनाल करणे, दोन्ही ट्रिटमेंटसाठी दाताना भूल देणे आवश्यक असते. दात काढण्यास रुट कॅनालपेक्षा जास्त भूलीची आवश्यकता असते. त्याचबरोबर दात काढण्यापेक्षा रुट कॅनाल ट्रिटमेंटची उपचारपध्दती हळूवार असते. रुट कॅनाल करताना आधुनिक तंत्रज्ञान, संसाधने वापरल्याने रुट कॅनाल सुरक्षितपणे, वेदनारहित होतात. विशिष्ट जेल, स्प्रे वापरुन सुई टोचण्याआधी हिरड्या बधिर करतात, त्यामुळे सुई टोचल्याची संवेदना जाणवत नाही. मुलांच्या मनात भीती असते, बौध्दिक वाढही पूर्ण नसते. तसेच, डॉक्टर इंजेक्शन देणार, दात काढणार अशी समजूत असते. याचा विचार करता मुलांची भिती दूर करणे, खेळीमेळीचे मित्रत्वाचे वातावरण तयार करणे, ट्रीटमेंटसाठी मुलांची मानसिक तयारी करणे यातच लहान मुलांच्या दातांच्या डॉक्टरचे कौशल्य असते. काही मुले ट्रीटमेंट करण्यासाठी आवश्यक सहकार्य देवू शकत नाहीत, अशावेळी उत्तम प्रतीची ट्रीटमेंट करण्यासाठी पूर्ण भूल (General Anaesthesia) देवून ट्रीटमेंट करण्याची गरज असते