20/01/2026
जामखेड येथे मोफत शुगर, बीपी, ईसीजी व त्वचारोग तपासणी शिबिर
जामखेड शहरात लोंढे हॉस्पिटल, आय.सी.यू. व स्कीन क्लिनिक यांच्या वतीने प्रजासत्ताक दिनानिमित्त सोमवार, २६ जानेवारी २०२६ रोजी मोफत शुगर, बीपी, ईसीजी तसेच त्वचारोग तपासणी शिबिराचे आयोजन करण्यात आले आहे. हे शिबिर सकाळी १० ते संध्याकाळी ५ वाजेपर्यंत नागरिकांसाठी खुले राहणार आहे.
या शिबिरात तज्ज्ञ डॉ. आनंद लोंढे (MBBS, DNB Medicine, Intensivist MNAMS fellowship Diabetology) हे तपासणी व मार्गदर्शन करणार असून, ते गेल्या १५ वर्षांपासून या परिसरात वैद्यकीय सेवा देत आहेत. मधुमेह, उच्च रक्तदाब, हृदयविकार तसेच गंभीर आजारांवरील त्यांच्या अनुभवाचा लाभ रुग्णांना मिळणार आहे.
तसेच त्वचारोग तज्ज्ञ डॉ. भक्ती लोंढे या त्वचा विकारांवरील तपासणी व सल्ला देणार आहेत. त्यांनी आजवर अनेक गरजू रुग्णांना कमी व माफक दरात दर्जेदार उपचार देत सामाजिक बांधिलकी जपली आहे.
या शिबिराच्या माध्यमातून तपासणी झाल्यानंतर शिबिरातून अॅडमिट होणाऱ्या रुग्णांना हॉस्पिटल बिलामध्ये थेट ५० टक्के सवलत देण्यात येणार आहे. यासोबतच त्वचारोग विभागात करण्यात येणाऱ्या विविध उपचारात्मक प्रक्रियांवर व प्रोसीजर्सवरही ५० टक्के सवलत देण्यात येणार असून, त्यामुळे सामान्य व गरजू रुग्णांना मोठा दिलासा मिळणार आहे.
या शिबिराच्या निमित्ताने प्रणव मेडिकल यांचे विशेष सहकार्य लाभले असून, हे या परिसरातील योग्य व दर्जेदार औषधे मिळण्याचे एकमेव विश्वासार्ह ठिकाण म्हणून ओळखले जाते. फक्त शिबिराच्या दिवशी सर्व प्रकारच्या औषधांवर १० टक्के सवलत देण्यात येणार आहे.
नागरिकांनी या मोफत तपासणी शिबिराचा लाभ घेऊन आपल्या आरोग्याची वेळेत तपासणी करून घ्यावी, असे आवाहन आयोजकांच्या वतीने करण्यात आले आहे.
