19/07/2022
নিচাযুক্ত বা ৰাগিয়াল দ্ৰব্য বুলিলে মদ, ভাং, বিড়ি, চিগাৰেট, ধঁপাত, পানমছলা, গুট্খা, হেৰ'ইন, ক'কেইন, ব্ৰাউন ছুগাৰ আদি দ্ৰব্যসমূহক বুজায়।
নিচাযুক্ত দ্ৰব্যৰ সৰবৰাহ মানে হৈছে আইনে নিষেধ কৰা নিচাযুক্ত দ্ৰব্যৰ উৎপাদন, বিতৰণ আৰু কিনা বেচা কৰা। ৰাষ্ট্ৰসংঘই ১৯৮৯ চনৰ পৰা প্ৰতিবছৰে ২৬ জুন তাৰিখটো 'আন্তৰ্জাতিক নিচাযুক্ত দ্ৰব্যৰ ব্যৱহাৰ আৰু অবৈধ সৰবৰাহ বিৰোধী দিৱস' পালন হিচাপে পালন কৰিবলৈ সিদ্ধান্ত গ্ৰহণ কৰে । ইয়াৰ মূল উদ্দেশ্য হৈছে সমাজক নিচাযুক্ত দ্ৰব্যৰ ধ্বংসাত্মক প্ৰভাৱৰ পৰা মুক্ত কৰিবলৈ জনসজাগতা সৃষ্টি কৰা।
ড্ৰাগছৰ ঘাটি ‘Golden Triangle’হৈছে Thailand, Laos, and Myanmar এই তিনিখন দেশক সংযোগ কৰিলে পোৱা এক ত্ৰিভূজ আকৃতিৰ ভূমি।
‘Golden crescent' এ Iran, Pakistan and Afghanistan সামৰি লয়। ইয়াৰে মাজত পৰি ভাৰতবৰ্ষই নিচাযুক্ত দ্ৰব্যৰ সৰবৰাহ কৰে।
১৯৮৫ চনত এই সমস্যা সমাধানৰ বাবে “narcotic drugs and psychotropic substance ” আইন প্ৰৱৰ্তন কৰে।
এই দ্ৰব্যবোৰ সেৱনৰ ফলত ব্যক্তিগত জীৱনত শাৰীৰিক, মানসিক ক্ষতি আৰু সামাজিক জীৱনত বিশৃংখলতাই দেখা দিয়ে। কিন্তু সেৱনকাৰীসকলে প্ৰথমতে এইটো উপলব্ধি কৰিব নোৱাৰে বা উপলব্ধি কৰিলেও সেৱনৰ অভ্যাস সহজতে আঁতৰাব নোৱাৰে।
দীৰ্ঘদিন নিচাযুক্ত দ্ৰব্য সেৱনৰ ফলত স্মৃতিশক্তি, দৃষ্টিশক্তি, দুৰ্বল হয়; হাওঁফাওঁৰ ৰোগ, হৃদযন্ত্ৰৰ ৰোগ, স্নায়ুদুৰ্বলতা আৰু ৰক্তচাপ বৃদ্ধি ৰোগৰ সৃষ্টি কৰে। পাকস্থলী, যকৃত, অন্ত্ৰ আদিত কৰ্কট ৰোগ আৰু যকৃতত ছিৰ'ছিছ নিচাযুক্ত দ্ৰব্যৰ সেৱনৰ ফলতে হোৱা দেখা যায়। তদুপৰি নিচাযুক্ত দ্ৰব্য লোৱাৰ বিভিন্ন পদ্ধতিৰ দ্বাৰা হেপাটাইটিছ, এইচ আই ভি আদি ৰোগ বিয়পাৰ সম্ভাৱনা থাকে।
নিচাসক্ত হোৱাটো এক প্ৰকাৰৰ মানসিক ৰোগ। এই ৰোগৰ চিকিৎসা সম্ভৱ। নিচাসক্ততাত আক্ৰান্ত ব্যক্তি এজন মানসিক ৰোগ বিশেষজ্ঞৰ কাষ চপাটো নিতান্তই প্ৰয়োজনীয়।
নিচাযুক্ত দ্ৰব্যৰ পৰা এজন ব্যক্তিক আঁতৰাই ৰাখিবলৈ পৰিয়ালৰ প্ৰতিজন সদস্যই এইটো মানি লোৱা উচিত যে নিয়মিত নিচাযুক্ত দ্ৰব্যৰ সেৱন এক বেমাৰ। ই কোনো চৰিত্ৰৰ দোষ নহয় আৰু অন্য ৰোগৰ দৰেই এই ৰোগৰ চিকিৎসা সম্ভৱ। এই ৰোগৰ চিকিৎসা পৰিয়ালৰ সদস্যৰ সক্ৰিয় অংশ গ্ৰহনৰ অবিহনে সম্ভৱ নহয়। সেয়ে পৰিয়ালৰ প্ৰতিজন ব্যক্তিয়ে ৰোগীজনৰ লগত সময় কটাবলৈ চেষ্টা কৰা উচিত।
⚕️
