Deepali's Yoga Classes

27/06/2023

Subscribe My Yoga YouTube Channel 🙏

26/06/2023

International Yoga day .,..We daily Celebrate yoga aabhyas With My regular, Consistent hard working Students in Our Classes.

13/06/2023

C.P (forworded)
Hypertension - The silent killer

ब्लड प्रेशर वाढण्याचा त्रास असणे किंवा कधीकधी काही कारणाने ते वाढणे या गोष्टी आपण खूप साध्या समजतो. बीपी वाढलं? मग काय, सोपं आहे! बीपी ची एक गोळी सुरू करून टाकायची की काम झालं. परंतु हायपरटेन्शन हे अनेक आजारांचे मूळ आहे. Cardiovascular diseases चा ग्रुप, ज्यात हृदयाशी आणि रक्त वाहून नेणाऱ्या धमन्यांशी निगडित आजार गणले जातात, त्यात उच्च रक्तदाब सुद्धा गणला जातो! कारण साधा वाटणारा हा त्रास जर दुर्लक्षित राहिला तर अनेक गंभीर आजारांना निमंत्रण देतो.

जागतिक डेटा सांगतो की पूर्ण जगात उच्च रक्तदाब असणाऱ्यांची संख्या आणि त्यामुळे हृदयरोग होणाऱ्यांची संख्या जलद गतीने वाढत आहे. आपली बदलेलेली जीवनशैली याला मुख्यत्वे कारणीभूत आहे. पुरेशी झोप नाही, दिवसभर कामात गुंतून राहणे, मेट्रो शहरातील कठीण प्रवास, खाण्याच्या पदार्थातील भेसळ, कामाचे वाढलेले तास आणि अशक्य जबाबदाऱ्या, कौटुंबिक तणाव, अशी अनेक कारणे रक्तदाब वाढण्यास जबाबदार आहेत.

नॉर्मल बीपी 120/80 असते. यातील 120 हे systolic BP म्हणजेच हृदय जेव्हा आकुंचन पावून झटक्यात प्रसारण पावते (म्हणजेच heart beat) तेव्हा या हालचालीमुळे रक्त धमनी मध्ये दबावाने पुढे ढकलले जाते. या वेळी जे रक्ताचे जे प्रेशर धमनी वर पडते ते म्हणजे systolic BP.
80 हे diastolic BP आहे. म्हणजेच दोन heart beat मध्ये जेव्हा हृदय क्षणिक विश्रांती घेते त्या वेळी आपोआप रक्ताचे धमनी वर पडणारे प्रेशर कमी होते.

हे दोन्ही आकडे प्रमाण मानले गेले आहेत. लहान मुलांमध्ये हेच प्रमाण 110/70 असू शकते. 130/90 हे रिडिंग हलक्या प्रमाणात उच्च रक्तदाबाची सुरुवात दर्शवते. याहून जास्त रिडिंग असेल तर तो खरोखरच उच्च रक्तदाब मानला जातो.

उच्च रक्तदाब कधी क्षणिक असतो तर कधी कायम राहतो. क्षणिक वाढणारा रक्तदाब काही विशिष्ठ कारणांनी वाढतो. जसे की अचानक टेन्शन येणे, खूप राग येणे, खूप रडू येणे, किंवा रात्रभर जागरण होणे. अशा वेळी वाढलेले बीपी काही काळाने पुन्हा नॉर्मल होते. याला रक्तदाबाचा आजार म्हणत नाहीत. मात्र असे सतत घडत राहिल्यास हा आजार होऊ शकतो. मला स्वतः ला रक्तदाबाचा आजार नाही. मात्र कधी काही कारणाने रात्रीची झोप लागलीच नाही, तर दुसऱ्या दिवशी बीपी वाढते. थोडा आराम केला की पुन्हा नॉर्मल होते. आराम म्हणजे केवळ शारीरिक आराम नव्हे! अशा प्रसंगी तणाव निर्माण करेल अशा गोष्टींपासून दूर राहणे, आवडीचे संगीत ऐकणे, हलकी फुलकी पुस्तके वाचणे किंवा टीव्हीवर काहीतरी विनोदी कार्यक्रम पाहणे असे सोपे उपाय सुद्धा खूप उपयोगी पडतात.

परंतु जेव्हा उच्च रक्तदाब कायम तसाच राहू लागतो तेव्हा मात्र तो मर्यादेत ठेवण्यासाठी गोळी सुरू करावी लागते.
कारण जर तो दुर्लक्षिला गेला तर मेंदू,हृदय, किडणी या अवयवांवर विपरीत परिणाम करतो. परिणामी ब्रेन स्ट्रोक, cardiac arrest, kidney failure असे आजार संभवतात.

Hypertension कमी करण्यासाठी जी diet therapy पूर्ण जगाने मान्य केली आहे ती म्हणजे DASH: Dietary Approach to Stop Hypertension
यात whole grains, भरपूर फळे आणि भाज्या, कमी मिठाचे पदार्थ, no processed food, low fat dairy products, योग्य प्रमाणात प्रोटीन्स, आठवड्यातून किमान पाच दिवस अर्धा तास aerobics/ cardio workout... यांचा समावेश होतो. तसेच वजन BMI range मध्ये ठेवणे अत्यंत आवश्यक असते. म्हणूनच खूप जास्त वजन असणाऱ्या पेशंट ना डॉक्टर वजन कमी करण्याचा सल्ला देतात.

उच्च रक्तदाब टाळण्यासाठी fast food, junk food यांचा वापर कटाक्षाने टाळावा. तसेच refined sugar, refined carbs जितके टाळता येतील तितके टाळावेत. अल्कोहोल चे प्रमाण कमीतकमी ठेवावे आणि smoking पूर्णपणे बंद करावे!

काही खास detox drinks, metabolism improvement, योग्य व्यायाम प्रकार, आहारात आणि एकूणच जीवनशैलीत बदल याद्वारे दिवसेंदिवस गंभीर रूप धारण करणाऱ्या या silent killer ला दूर ठेवण्यात आपण यशस्वी होऊ शकतो.
लेख साभार🙏
दीप्ती मेस्त्री (certified आहारतज्ञ)

17/05/2023

daily exercise +pranayam+ Nutritious food = healthy body

16/04/2023

15/04/2023

Watch my yoga class activities On My YouTube Channel....Do Subscribe 👍

07/04/2023

अपचन,पोट फुगणे,पोटात गॅस होण्याची समस्या खूप त्रासदायक असते. परंतु, गॅस असणे खूप सामान्य आहे. पोटात गॅस तयार होणे हा पचनाचा एक भाग आहे. पण, जेव्हा हा वायू तुमच्या आतड्यात तयार होतो आणि बाहेर पडू शकत नाही, तेव्हा तुमचे पोट फुगायला लागते आणि वेदना आणि अस्वस्थता होते.

एक सामान्य प्रौढ व्यक्ती दिवसातून 13 ते 21 वेळा गॅस सोडते. पोटात भरलेला वायू बाहेर पडू शकत नाही तेव्हा व्यक्तीचा गुदमरतो आणि उठणे आणि बसणे कठीण होते. हा वायू कोणत्याही एका ठिकाणी अडकला तर तीव्र वेदना होतात.

एकंदरीत अशा किरकोळ वाटणाऱ्या समस्येला किती मोठा फटका बसू शकतो हे फक्त पीडितांनाच माहीत आहे. योगामध्ये अशी अनेक आसने आहेत जी वायू बाहेर काढण्यास मदत करतात.
गॅस आणि ब्लोटिंगसाठी घरगुती उपाय
हिंग
जिरे
ओवा
हरड
काळे मीठ
आले
पाणी हे सर्व एकत्र करून पिऊ शकता.

गॅस कशामुळे होतो?

पोटात गॅस तयार होणे आणि त्रासाचे कारण बनणे हे देखील आपल्या खाण्याच्या सवयींवर बरेच अंशी अवलंबून असते. ही समस्या वयानुसार वाढते. याची मुख्य कारणे अशी असू शकतात:

जास्त खाणे
इनहेलेशन
सतत च्युइंगम
सिगारेट ओढणे
असे अन्न जे जास्त गॅस बनवते

तुमच्या आहारात समाविष्ट असलेल्या कोणत्या पदार्थांमुळे गॅस वाढतो?

अनेकदा आपल्या अन्नामुळे आणि त्यात असलेल्या पदार्थांमुळे आपल्याला गॅस होतो. आपले अन्न प्रामुख्याने लहान आतड्यात पचले जाते. जे पदार्थ पचवता येत नाहीत ते मोठ्या आतड्यात असलेल्या बॅक्टेरिया आणि बुरशीद्वारे आंबवले जातात. ही पचनाची प्रक्रिया आहे ज्यामध्ये मिथेन आणि हायड्रोजन वायू बाहेर पडतात.

जेव्हा हा वायू भरपूर प्रमाणात तयार होऊ लागतो आणि शरीरातून बाहेर पडू शकत नाही, तेव्हा ते पोटफुगीचे कारण बनते. आहारात थोडासा बदल करून अनेकांना गॅसच्या समस्येपासून आराम मिळतो. जर तुम्हाला अनेकदा गॅसचा त्रास होत असेल तर तुमच्या खाण्यावर लक्ष ठेवा, आवश्यक असल्यास ते लिहून ठेवा. त्यामुळे कोणते पदार्थ तुमच्या शरीरात गॅस वाढवत आहेत हे समजणे तुम्हाला सोपे जाईल.

ज्या अन्नपदार्थांमुळे बहुतेक लोकांना गॅसची समस्या उद्भवते ते खालीलप्रमाणे आहेत.

उच्च फायबर अन्न
चरबीयुक्त अन्न पदार्थ
तळलेले आणि मसालेदार अन्न
सोडा पेय
साखरेच्या जागी कृत्रिम स्वीटनर्स वापरतात
डाळींसारख्या उच्च प्रथिनयुक्त पदार्थ
फ्लॉवर, कोबी
दूध, चीज आणि दुग्धजन्य पदार्थ
जेव्हा तुम्ही तुमचा आहार पाहता आणि तुम्हाला कोणत्या गोष्टी पचत नाहीत आणि त्यामुळे गॅस होत आहे हे समजल्यावर त्यांचे सेवन बंद करा.
गॅस आणि ब्लोटिंगसाठी घरगुती उपाय
जेव्हा पोटात गॅसमुळे तीव्र वेदना होतात आणि फुगणे सुरू होते, तेव्हा त्याचा उपचार आपल्या स्वयंपाकघरातच असतो, मग त्यांचा गॅसवर औषध म्हणून उपयोग का करू नये. या अतिशय सोप्या पद्धती आणि अन्नामध्ये वापरल्या जाणार्‍या गोष्टींमुळे तुम्ही गॅस आणि त्यामुळे होणाऱ्या वेदनांपासून मुक्त होऊ शकता.

एक चमचा देशी गाईचे तूप गरम करा. त्यानंतर २ चिमूट मीठ टाका, हे मिश्रण दुपारच्या जेवणापूर्वी आणि रात्रीच्या जेवणापूर्वी फक्त आठवडाभर घ्या. यामुळे पोट फुगण्याच्या समस्येपासून आराम मिळू शकतो.

पोट फुगण्याच्या समस्येवर मात करण्यासाठी तुम्ही कोरफडीची मदत घेऊ शकता. कोरफडीमध्ये दाहक-विरोधी गुणधर्म भरपूर प्रमाणात असतात, ज्यामुळे पोट फुगणे आणि पोटातील जळजळ, गॅसेसपासून आराम मिळतो. यासोबतच संसर्गास कारणीभूत असलेल्या बॅक्टेरियांना मारण्यातही ते प्रभावी आहे

दही हे प्रोबायोटिक आहे., दह्यात थोडे सैंधव मीठ टाकून सकाळ संध्याकाळ घेतले की पचन सुधारते व आराम मिळतो.

घरगुती पदार्थ ओवा,बडीशेप,लिंबूपाणी देखील पचन वाढवून गॅस चा त्रास कमी करण्यास उपयोगी पडतात.
C.P

24/03/2023

Hey .... welcome to my YouTube Channel. 🙏

23/03/2023

https://youtube.com/watch?v=G6mRtxIie0c&feature=share

19/03/2023

C.P
तरुण वयातच केस पांढरे होण्याचे प्रमाण सध्या वेगाने वाढल्याचे दिसते. कधी कामाचा ताण म्हणून तर कधी आहारातून पोषण मिळत नसल्याने तर कधी आनुवंशिकता अशा एक ना अनेक कारणांनी पांढऱ्या केसांची समस्या उद्भवते. एकदा हे केस पांढरे झाले की सगळे आपल्याला म्हातारी म्हणून चिडवायला लागतात. मग या केसांना मेहंदी लावणे, कलर करणे असे काही ना काही उपाय केले जातात. पण या उपायांनी केसांचा पोत खराब होण्याची शक्यता नाकारता येत नाही. कमी वयातच केस पांढरे झाल्यामुळे आपण तणावात येतो आणि या केसांचे प्रमाण वाढायला लागले की मग काय करायचे आपल्याला काहीही सुचत नाही. पण केसांवर केमिकलचा मारा करुन ते खराब करण्यापेक्षा काही घरगुती उपायांनी या समस्येवर मात करता आली तर पाहूया.
शरीरामध्ये प्रोटीन, लोह, व्हिटॅमिन बी १२ अशा पोषक तत्त्वांची कमतरता असल्यास, केस पांढरे होऊ लागतात. प्रमाणापेक्षा जास्त तणाव घेतल्यास किंवा तणावपूर्ण वातावरणात काम केल्यास, केस लवकर पांढरे होतात.

पारंपरिक उपाय किंवा आयुर्वेदीक पदार्थांचा केस काळे होण्यासाठी उपयोग होती.
तेल लावण्याबरोबरच, हेअर मास्क आणि आहारातही काही गोष्टी जाणे गरजेचे
तरुण वयातच केस पांढरे होण्याचे प्रमाण सध्या वेगाने वाढल्याचे दिसते. कधी कामाचा ताण म्हणून तर कधी आहारातून पोषण मिळत नसल्याने तर कधी आनुवंशिकता अशा एक ना अनेक कारणांनी पांढऱ्या केसांची समस्या उद्भवते. कमी वयातच केस पांढरे झाल्यामुळे आपण तणावात येतो आणि या केसांचे प्रमाण वाढायला लागले की मग काय करायचे आपल्याला काहीही सुचत नाही. पण केसांवर केमिकलचा मारा करुन ते खराब करण्यापेक्षा काही घरगुती उपायांनी या समस्येवर मात करता आली तर पाहूया

१. पित्त नियंत्रणात ठेवा

शरीरात पित्तदोष असेल तर केस पांढरे होण्याची समस्या उद्भवते. आता पित्त होण्याची साधारण कारणे आपल्याला माहित आहेत. जागरण, जेवणाच्या चुकीच्या वेळा, जंक फूड, मसालेदार पदार्थ खाणे, व्यसने, सतत चहा-कॉफीचे सेवन अशा अनेक कारणांनी पित्त होऊ शकते. त्यामुळे पित्त नियंत्रणात ठेवल्यास केस पांढरे होण्याची समस्या काही प्रमाणात कमी होऊ शकते.

२. रोज एक फळ खा

फळ खाणे आरोग्यासाठी चांगले असते हे आपल्याला माहित आहे. दिवसातून तुम्ही कोणतेही एक फळ खाल्ले तर तुमचे केस पांढरे होण्यापासून वाचवू शकता. फळांमुळे मेटाबॉलिझम चांगला राहण्यास मदत होते तसेच फळांमध्ये फायबर असल्याने शरीर डिट़ॉक्स व्हायला मदत होते. त्यामुळे न चुकता फळे खाणे संपूर्ण तब्येतीबरोबरच केसांसाठीही चांगले असते.

३. आवळ्याचा वापर करा

आवळा आहारात घेण्यासाठी ज्याप्रमाणे चांगला असतो त्याचप्रमाणे केसांसाठीही आवळा अतिशय उपयुक्त असतो. आवळ्याच्या रसात खोबरेल तेल घालून त्याने केसांच्या मूळांना मसाज करा. यामुळे तुमचे केस पांढरे होण्यापासून वाचू शकतात. इतकेच नाही तर पांढरे व्हायला सुरुवात झाली असेल तरी त्याचे प्रमाण कमी होऊ शकते. आपण आवळ्याचा हेअर मास्कही तयार करुन तो केसांना लावू शकतो. त्याचाही चांगला फायदा होऊ शकतो. केसांना आवळा लावण्याबरोबरच दररोज न चुकता आहारात आवळ्याचा समावेश केल्यास त्याचाही फायदा होतो.

४. ब्राम्ही तेल उपयुक्त

ताण हे केस पांढरे होण्यामागचे एक प्रमुख कारण असते. सध्या आपल्याला कामाचा, कौटुंबिक, नात्यांतील, सामाजिक असे अनेक प्रकारच्या ताणांना सामोरे जावे लागते. त्याचा आपल्या केसांवर परिणाम होऊन ते पांढरे होतात. अशावेळी ब्राम्ही तेल उत्तम उपाय ठरु शकते. तणाव घालवण्यासाठी ब्राम्ही हा एक उत्तम उपाय आहे. तणावामुळे केसांचा नैसर्गिक रंग जाऊन केस पांढरे झाले असल्यास ते पुन्हा पहिल्यासारखे होण्यासाठी ब्राम्ही तेलने मूळांना मसाज केल्यास उपयोग होतो. तसेच ब्राम्हीच्या पावडरचा हेअरमास्क करुनही तुम्ही तो केसांना लावू शकता.

५. कडीपत्ता तेल वापरा

खोबरेल तेलात कडीपत्त्याची पाने घालून ते चांगले उकळावे. यामध्ये तुम्ही आवळाही घालू शकता. कडीपत्त्याच्या पानांचा रंग गडद होईपर्यंत हे असेच उकळत ठेवावे. हे तेल गार झाल्यावर एका बाटलीत भरुन ठेवा आणि केसांच्या मूळांशी आणि केसांना या तेलाने चांगला मसाज करा. रात्रभर केसांना तेल तसेच ठेऊन दुसऱ्या दिवशी एखाद्या हलक्या शाम्पूने केस धुवून टाका.

शेवटचा आणि अत्यंत महत्वाचा उपाय म्हणजे आहारातील बदल..शरीरात,लोह तत्व पुरेसे जात आहे का याची काळजी घेणे..लोखंडाच्या कढईत पालेभाज्या केल्या तर जास्त उपयोग होतो. पुरेसे प्रोटीन खाण्यात येईल याकडे लक्ष देणे.. बायोटिन व बी ६ व बी १२ कमी पडत असतील ..किंवा व्हिटॅमिन सी किंवा ई ची कमतरता होत असेल तर योग्य आहार आणि सप्लिमेंट्स ठेवणे आवश्यक ठरते.
Post by .Dr.Mansi patil

15/03/2023

सोर्बीट्रेट.....
(लेख सर्वांना महितीकरता कॉपी पेस्ट केला आहे ,पण असे उपचार आपल्या doctors ना विचारून करावे .विनंती)

गेल्या तीन वर्षात माझ्या जवळच्या पाच व्यक्तींनी हृदय विकाराच्या झटक्यांनी जीव गमावला. सर्वांची कारणे बरिचशी मिळती जुळती; छातीत जळजळ होणे, श्वास घेण्यास त्रास होणे, अंगाला दरदरून घाम येणे, इतका की अगदी बनियन ओला होणे, मळमळणे, उलटी सदृश जाणीव होणे, पाठीत डाव्या बाजूला, डाव्या हातात, किव्वा जबड्यात विचित्र दुखणे, वगैरे या पैकी काही कारणे एकाच वेळेस भासू लागल्यास, समस्या गंभीर आहे हे ताबडतोब लक्षात येणे आवश्यक आहे.

या पाच व्यक्तींच्या शिवाय इतरही काही व्यक्ती, ज्यांचे निधन झाले, त्याबद्दल मुद्दाम लिहितो. यातील कुणालाच कसलाच त्रास आधी न्हवता, असे मी मुळीच म्हणणार नाही, केवळ त्यांनी तो त्रास अंगावर काढला, म्हणजे काय, "छे हो मला काय होतंय, आपण आज पर्यंत डॉक्टरांच्या दाराची पायरी चढलो नाही, अश्या किरकोळ शारीरिक तक्रारी मी घरीच सोडवतो, मी दोन तास व्यायाम करतो, दररोज 15 किमी सायकल चालवतो, पाच किमी दररोज चालतो, पोहतो, काही बहाद्दर म्हणतात चार पेग घेतल्याने हृदयाचे स्नायू लवचिक राहतात म्हणून दररोज पितो, वगैरे कारणे देत, फुशारकी मारत हृदयाने दिलेल्या धोक्याच्या सुचनेकडे कानाडोळा केला. या सो कॉल्ड "धट्टेकट्टे" ना आता जेव्हा झटका बसला, त्यानंतर विद्युत चपळाईने त्यांना जी मदत मिळायला हवी होती ती मिळाली नाही, व अकस्मात किव्वा दवाखान्यात घेऊन जाई पर्यंत, तोंडातून फेस येत शरीर कोसळले, व प्राण ज्योत मावळली.

विषय अतिशय साधा पण महत्वाचा आहे, तो हा ही यातील जवळपास सर्व जण नक्की वाचलेच असते, जर त्यांनी *सोर्बीट्रेट* नावाची गोळी त्वरित जिभेखाली ठेऊन , डॉक्टरकडे गेले असते. *सोर्बीट्रेट* हे (लाईफ सेविंग ड्रॅग,) जीवन वाचविण्याचे औषध आहे, व किंमत रुपये दोन पेक्षाही कमी, म्हणजे रावा पासून रंकापर्यंत प्रत्येकाला परवडू शकणारे औषध.

ज्या लोकांना हृदयाच्या त्रास आहे हे माहीत आहे, अश्या व्यक्ती, नियमित औषधे घेत असल्याने त्यांना झटका होण्याचा धोका कमी किव्वा नसल्यागत दिसून आला आहे. या व्यक्ती हृदय विकाराच्या झटक्याने अचानक मरणे पाहण्यात येत नाही. केवळ त्याच व्यक्ती अचानक मरतात ज्यांचा आजारी असण्याचा, व्याधी असण्याचा इतिहास कोरा असल्याचा त्यांना व त्यांच्या जवळच्या लोकांना भ्रम असतो.

आजकालचे बैठे जीवनमान त्यात चमचमीत तेलकट खाणे, यामुळे वयाच्या तिशी पासूनच आपल्या देशात लोकांना हृदयाशी निगडित व्याधी दिसू लागतात. प्रश्न आहे तो हा की त्या वेळीच ओळखणे, व उपाय म्हणून नियमित औषध घेणे. ज्यांना औषधाची आवश्यकता नाही, थोडक्यात जे "धट्टेकट्टे," या श्रेणीत स्वतःला बसवतात, त्यांच्यासाठी हा लेख लिहिण्याचा प्रपंच आहे.

सोर्बीट्रेट ही गोळी प्रत्येक घरात हवी. अश्या किमान आठ ते दहा गोळ्या घरात अश्या ठिकाणी ठेवाव्यात की आवश्यकता भासल्यास काही सेकंदात उपलब्ध होऊ शकली पाहिजे. घरात जितक्या खोल्या असतील तिथे सहज सापडतील अश्या ठिकाणी किमान दोन गोळ्या ठेवा. दरवर्षी जुन्या टाकून नवीन गोळ्या त्या जागी ठेवा, म्हणतात ना "भूक नको पण शिदोरी हवी," अगदी तसेच काहीसे हे आहे, तुम्हाला याची गरज नाही या भ्रमात राहू नका, कारण असे म्हणणारेच हा हा म्हणता इहलोक सोडून गेले आहेत.

महिलांनी व पुरुषांनी किमान दोन सोर्बीट्रेट गोळ्या पर्स व पाकिटात विशेष कप्यात ठेवाव्या. हळदी कुंकवाच्या कार्यक्रमात किंवा तस्संम कार्यक्रमात ही द्याव्या. ही लाख मोलाची वस्तू आहे, हे लक्षात घ्या.

सोर्बीट्रेट गोळीचे महत्व घरातील अबाल वृद्धांना माहीत असायला हवे, तसेच गोळी कुणाच्याही हाताशी तात्काळ लागली पाहिजे, तरच जीव वाचविणे शक्य होईल.

मी डॉक्टर नाही, हा लेख नामवंत डॉक्टरांनी मला दिलेल्या माहितीच्या आधारे लिहिलेला आहे. यात काही शंका असल्यास आपल्या नजीकच्या डॉक्टरांचा, किंवा फॅमिली फिजिशियनचा सल्ला घ्यावा.💯🤞✨
कॉपी पेस्ट करून टाकले.
Facebook वरून साभार 🙏