22/05/2026
𝐑𝐢𝐬𝐡𝐚𝐛𝐚𝐦 𝐑𝐚𝐬𝐢 ♉ - ரிஷபம் ராசி - குரு பெயர்ச்சி பலன்கள் 2026 பற்றி காண்போம்.
✍🏻 திருக்கணித பஞ்சாங்க முறைப்படி வருகின்ற 𝟎𝟐-𝟎𝟔-𝟐𝟎𝟐𝟔 அதிகாலை 𝟎𝟏:𝟓𝟗 𝐀𝐦 மணி அளவில் கடகம் ராசிக்கு #குருபகவான் பெயர்ச்சி பெறுகிறார்.
குருபகவான் பயண விவரம் :
✍🏻 குரு (நேர் கதி) : 𝟐𝟔𝟖 நாட்கள் பயணம்.
✍🏻 குரு (வக்ர கதி) : 𝟏𝟐𝟏 நாட்கள் பயணம்.
✍🏻 குரு (அஸ்தங்க கதி) : 𝟐𝟕 நாட்கள் பயணம்.
✍🏻 குரு (அதிசார சிம்மம் பயணம்) : 𝟖𝟓 நாட்கள் பயணம்.
ரிஷபம் ராசிக்கு குரு 2-ல் இருந்து 3-ம் இடத்திற்கு பெயர்ச்சி பெறுகிறார். இந்த இடப்பெயர்வு எவ்வித மாற்றம் தரும் என்பதை காண்போம்.
#ரிஷபம் - ராசிக்கு குருபகவான் 8 மற்றும் 11 இடத்திற்கு உரியவர். அவர் 3-ல் உச்சம் பெறுகிறார்.
அவர் உச்சம் பெற்று பார்வைப்படும் இடம்,
ராசிக்கு 𝟕-𝟗-𝟏𝟏
இடங்களை பார்வை செய்வார். பார்வையப்படும் இடம் சுபத்தன்மை பெரும்.
குரு எப்பொழுதுமே, இருக்கும் இடத்தை கெடுத்து, பார்க்கும் இடங்களை விருத்தி செய்வார்.
✍🏻 குரு 3-ம் இடத்தில் பயணிக்கும் பலன் :
இளைய சகோதரரோடு மனஸ்தாபங்களும், இடையூறுகள் ஏற்படும், உடல் அசமந்தம், சோர்வு, மார்பு பகுதிகளில் வலிகள், தோள்பட்டை தசைப்பிடிப்பு போன்ற உபாதைகள் தரக்கூடும். செய்யும் காரியங்களில் கவனத்துடன் இருப்பது நல்லது. சிறு தவறுகளால் கஷ்டமான சூழ்நிலைகள் உருவாகும் வாய்ப்பினை ஏற்படுத்தும். எந்த ஒரு விஷயத்தையும் தாமதப்படுத்தாமல் செயலாக்கத்தில் வைத்திருப்பது நல்லது. புத்திரர்களுக்கு வாகனங்களை கையாளும் பொழுது விழிப்புடன் இருப்பது நல்லது. நீண்ட நாளாக புத்திர பாக்கியத்திற்காக காத்திருப்பவர்களுக்கு கரு உண்டாகும். திருமணமாகாதவர்களுக்கு வரன் நிச்சயமாகும், ஒன்றன்பின் ஒன்றாக சுபகாரியங்கள் நடைபெறும் வாய்ப்பினை தரும். சுப வாய்ப்புகள் வரும்பொழுது இந்த காலகட்டத்தை பயன்படுத்திக் கொள்வது நல்லது. தாமதம் செய்தால் பின்பு முயற்சிக்கும் அனைத்திலும் தடை தாமதங்கள் ஏற்பட வாய்ப்பு உண்டு. புதிதாக கடன் முயற்சி செய்பவர்களுக்கு விரைவில் பூர்த்தியாகும். இடம் வாங்குதல், வாகனம் வாங்குதல், பழைய வீடு வாங்குதல் போன்ற வாய்ப்புகளும் கைகூடிவரும்.
✍🏻 குரு பார்க்கும் இடங்களான 𝟕-𝟗-𝟏𝟏 இடங்களின் பலன்கள் :
களத்திர வாழ்வில் பிரச்சனைகள் நீங்கி, ஒற்றுமையோடு வாழும் வாய்ப்பு உண்டாகும். கணவன் மனைவியின் அன்னியோன்யம் மெருகேறும், களத்திரத்தின் பெயரில் தொடங்கும் தொழில் வளர்ச்சியும் வெற்றி வாய்ப்பினையும் தரும். உத்யோகத்திற்காக காத்திருப்பவர்களுக்கு நினைத்த சம்பளத்திற்கு ஏற்ற வேலைவாய்ப்புகள் அமையும். தந்தையோடு இருந்த கருத்து வேறுபாடுகள் விலகும், தந்தையோடு தொழிலில் சேர்ந்து பயணிக்கும் வாய்ப்புகளும் தரும். தந்தை வழியால் சொத்துக்களால் எதிர்பாராத லாபம் உண்டு. தந்தைக்கு இருக்கும் உடல் பாதை நீங்கும். தந்தை வழி உறவுகளில் இருந்த பகை விலகும். தங்கள் மீது மதிப்பு உயரும், சிறியவராக இருந்தாலும் பெரியோருக்கு இணையான அந்தஸ்தும் கிடைக்கக்கூடும். பிறருக்கு அறிவுரை சொல்லும் அளவிற்கு தங்களது மதிப்புகள் உயரும் வாய்ப்புகளும் உண்டு. நட்பு வட்டாரத்தால் எதிர்பாராத உதவிகள் அமையும். காதலர்களுக்கு தங்களது குடும்பத்தின் ஒத்துழைப்போடு திருமணம் நிகழும் வாய்ப்புகளும் உண்டாகும். சிலருக்கு புதிதாக காதல் வயப்பட வாய்ப்புகளும் உண்டு. கல்வியில் ஆர்வம் சற்று குறையக்கூடும், போட்டித் தேர்வுகளில் தோல்விகள் வந்தாலும் தொடர்ச்சியாக முயற்சித்து வருவது நல்லது. கிடைக்கும் உத்தியோக வாய்ப்பினை இக்காலகட்டத்தில் பயன்படுத்திக் கொள்வது நல்லது. மூத்த சகோதரருக்கு எதிர்பாராத லாபம் கிடைக்கும். மனதிற்கும் மகிழ்ச்சிகரமான சூழ்நிலைகள் இந்த குரு பெயர்ச்சி உருவாக்கித் தரும்.
✍🏻 குரு பெயர்ச்சி - ரிஷபம் ராசி + லக்னம் ரீதியான பலன்:
1. ரிஷபம் ராசி + மேஷம் லக்னம் (குரு பெயர்வு 70% நன்மை)
2. ரிஷபம் ராசி + ரிஷபம் லக்னம் (குரு பெயர்வு 85% நன்மை)
3. ரிஷபம் ராசி + மிதுனம் லக்னம் (குரு பெயர்வு 75% நன்மை)
4. ரிஷபம் ராசி + கடகம் லக்னம் (குரு பெயர்வு 55% நன்மை)
5. ரிஷபம் ராசி + சிம்மம் லக்னம் (குரு பெயர்வு 65% நன்மை)
6. ரிஷபம் ராசி + கன்னி லக்னம் (குரு பெயர்வு 65% நன்மை)
7. ரிஷபம் ராசி + துலாம் லக்னம் (குரு பெயர்வு 60% நன்மை)
8. ரிஷபம் ராசி + விருச்சிகம் லக்னம் (குரு பெயர்வு 80% நன்மை)
9. ரிஷபம் ராசி + தனுசு லக்னம் (குரு பெயர்வு 60% நன்மை)
10. ரிஷபம் ராசி + மகரம் லக்னம் (குரு பெயர்வு 70% நன்மை)
11. ரிஷபம் ராசி + கும்பம் லக்னம் (குரு பெயர்வு 30% நன்மை)
12. ரிஷபம் ராசி + மீனம் லக்னம் (குரு பெயர்வு 50% நன்மை)
#பரிகாரம் : வியாழக்கிழமை அன்று திருச்செந்தூர் முருகனை வழிபடுவது குரு பகவானின் தீமைகள் குறையும். குருவின் நட்சத்திரம் பயணிக்கும் வியாழக்கிழமை அன்று தட்சிணாமூர்த்திக்கு கொண்டைக்கடலை மாலை, மஞ்சள் வஸ்திரம், அர்ச்சனை செய்து வழிபட குருபகவானின் கெடுதல்கள் குறையும். ஆதரவற்ற சிறு பிள்ளைகளுக்கு உடைகள், கல்விக்கு தேவையான உபகரணம், உணவு தானம் செய்வது குருவின் கெடுபலனை குறைக்கும்.
நன்றி !
வாழ்க வளமுடன் !!
𝐒𝐫𝐢 𝐊𝐮𝐦𝐚𝐫𝐚𝐲𝐢 𝐉𝐨𝐭𝐡𝐢𝐝𝐚 𝐍𝐢𝐥𝐚𝐢𝐲𝐚𝐦 - ஶ்ரீ குமராயி ஜோதிட நிலையம்
ஜோதிடர் : 𝐃𝐫.𝐁.சதாசிவன் 𝐒𝐌𝐏, 𝐁𝐂𝐨𝐦, 𝐃.𝐀
𝐂𝐨𝐧𝐭𝐚𝐜𝐭 𝐍𝐮𝐦𝐛𝐞𝐫 : +𝟗𝟏 𝟔𝟑𝟖𝟏𝟒𝟓𝟑𝟒𝟑𝟐.
மேலும், ஜோதிட கருத்துக்களை விரும்பக் கூடியவர்கள், எனது 𝐖𝐡𝐚𝐭𝐬𝐚𝐩𝐩 𝐆𝐫𝐨𝐮𝐩-ல் இணைந்து கொள்ளலாம். அதனோடு 𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥-லும் இணைந்து கொள்ளலாம்.
𝐋𝐈𝐍𝐊 𝐃𝐢𝐭𝐚𝐢𝐥𝐬...
𝐖𝐡𝐚𝐭𝐬𝐀𝐩𝐩 𝐆𝐫𝐨𝐮𝐩 𝟏 : https://chat.whatsapp.com/ISjtxicB8b51tn4Af4wJtn
𝐖𝐡𝐚𝐭𝐬𝐀𝐩𝐩 𝐆𝐫𝐨𝐮𝐩 𝟐 : https://chat.whatsapp.com/IxKFbfbfIFi0jNfiM3nRHX
𝐖𝐡𝐚𝐭𝐬𝐀𝐩𝐩 𝐆𝐫𝐨𝐮𝐩 𝟑 : https://chat.whatsapp.com/EQktWZYX9zaAUzpGnG5pTT
𝐖𝐡𝐚𝐭𝐬𝐀𝐩𝐩 𝐂𝐡𝐚𝐧𝐧𝐞𝐥 : https://whatsapp.com/channel/0029Va6WSOtC1Fu8gjHLfA0J
𝐓𝐞𝐥𝐞𝐠𝐫𝐚𝐦 𝐂𝐡𝐚𝐧𝐧𝐞𝐥 : https://t.me/srikumarayionlinejothidam
