Sitaram Ayurveda - Ernakulam Branch

13/08/2022

05/08/2022

Sitaram Ayurveda Ernakulam Branch Doctors..

04/08/2022

ലോകാരോഗ്യ സംഘടന ഓഗസ്റ് 1 മുതൽ 7വരെ മുലയൂട്ടൽ വാരമായി ആചരിക്കുന്നു.മുലയൂട്ടലിന്റെ പ്രാധാന്യത്തെ പറ്റി സ്ത്രീകളെ ബോധവൽക്കരിക്കാൻ വേണ്ടിയാണ് ഇങ്ങനെ ഒരു ആചരണം.


മുലപ്പാൽ കുഞ്ഞിന്റെ അവകാശം ആണ്. അത് നിഷേധിക്കരുത്. മുലപ്പാലിന്റെഗുണവും,പ്രസക്തിയും അറിഞ്ഞ് കുഞ്ഞിന് വയറു നിറയെ പാൽ നല്കാൻ ആഗ്രഹിച്ചിട്ടും സാധിക്കാത്ത അമ്മമാരുടെ എണ്ണം ഇക്കാലത്ത് കൂടുതലാണ് .
ഗർഭണീചര്യ മുതൽ പ്രസവചര്യവരെ നീണ്ടു നില്ക്കുന്ന ഒരു ജീവിതചര്യയിലൂടെയാണ് മുൻ കാലങ്ങളിൽ നാം കടന്ന് പൊയ്ക്കൊണ്ടിരുന്നത്.എന്നാൽ കൃത്യമായ ചര്യകൾ അനുഷ്ഠിച്ച കാലത്ത് ആരോഗ്യമുള്ള ഗർഭപാത്രവും കുഞ്ഞ് സ്കൂളിൽ പോയി തുടങ്ങിയാലും വറ്റാത്ത മുലകളും 50 വയസ് വരെ ക്രമം തെറ്റാതെ വരുന്ന ആർത്തവവും നമ്മുടെ സ്ത്രീകൾക്കുണ്ടായിരുന്നു.

ആയുർവേദം മുലപ്പാലിന് വേണ്ടത്ര പ്രാധാന്യം നൽകിയ ശാസ്ത്രമാണ്. മാതുരേവ പിബേത് സ്തന്യം (അമ്മയുടെ പാൽ കുടിക്കുക)എന്ന് ആയുർവേദത്തിൽ പറഞ്ഞിരിക്കുന്നത് ദീർഘവീക്ഷണത്തോടെയുള്ള ഉപദേശമായി കണക്കാകാം. ഇന്നത്തെ കാലത്തു മുലപ്പാൽ കൊടുക്കാതെ പാൽപ്പൊടികളും , പശുവിൻ പാലും കുടിച്ചു വളരേണ്ട അവസ്ഥയാണ് നമ്മുടെ കുഞ്ഞുങ്ങൾക്ക് ഉള്ളത്.

മുലപ്പാൽ അമൂല്യവും,ആരോഗ്യദായകമാണ് .മുല കുടിക്കുന്ന കുഞ്ഞിനു മാത്രമല്ല, അമ്മയ്ക്കും മുലയൂട്ടൽ ആരോഗ്യമേകും.

മാനസിക പ്രയാസങ്ങളെ ആദ്യം മാറ്റിനിർത്തുക.വാത്സല്യം കുറയുന്നത് കൊണ്ട് മുലപ്പാൽ കുറയും. . അമ്മ നന്നായി ഉറങ്ങേണ്ടതും ആവശ്യത്തിന് പോഷകാഹാരും വെള്ളവും (ദ്രവ പദാർത്ഥങ്ങൾ) കഴിക്കേണ്ടതും അനിവാര്യമാണ്.


ചില പൊതുവായ സംശയങ്ങൾ ✅

📍എത്രനാൾ മുലയൂട്ടണം❓
ലോകാരോഗ്യ സംഘടനയുടെ ഉപദേശം ആദ്യത്തെ 6 മാസക്കാലം സ്ഥിരമായി മുലപ്പാൽ കൊടുക്കുകയും ആറാം മാസം മുതൽ ഖരഭക്ഷണങ്ങൾ കൊടുത്തു തുടങ്ങുകയും ചെയ്യാമെന്നാണ്. മറ്റു ഭക്ഷണത്തോടൊപ്പം 2 വർഷം വരെ മുലപ്പാൽ കൊടുക്കണം.

എപ്പോഴാണ് മുലയൂട്ടേണ്ടത് ❓

ആരോഗ്യമുള്ള കുഞ്ഞ് രണ്ടുമണിക്കൂര്‍ ഇടവിട്ട്‌ വയറു നിറയെ പാല്‍ കുടിക്കുകയും സുഖമായുറങ്ങുകയും ചെയ്യുന്നു. ഒന്നുരണ്ടു തവണ മൂത്രമൊഴിച്ചാല്‍ വിശന്ന് പിന്നെയും കരയും . അപ്പോള്‍ വീണ്ടും കൊടുക്കാം. കുഞ്ഞ് പാലുകുടിച്ച് മുല ഒഴിവായാല്‍ പിന്നീട് രണ്ടു മണിക്കൂര്‍ കഴിഞ്ഞേ പാല്‍ വന്നു നിറയുകയുള്ളൂ. കൃത്യമായ ഇടവേളകളില്‍ കുഞ്ഞിനെ എഴുനേല്‍പ്പിച്ച് പാല് കൊടുത്തുകൊണ്ടിരിക്കണമെന്നില്ല. നാലുമണിക്കൂര്‍ ഇടവിട്ട്‌ കൊടുത്താലും മതിയാകും.

📍എത്ര പ്രാവശ്യം പാൽ കൊടുക്കണം ✅
കൃത്യമായി പറയാൻ കഴിയില്ല. പാൽ കുടിച്ച ശേഷം 2മണിക്കൂർ എങ്കിലും കുഞ്ഞു സുഖമായിട്ട് ഉറങ്ങുന്നുണ്ടങ്കിൽ ആവശ്യത്തിന്‌ വയർ നിറഞ്ഞു എന്ന് മനസിലാക്കാം.

മുലയൂട്ടൽ കാലത്ത് അമ്മമാർ ആഹാരത്തിൽ എന്തെല്ലാം ശ്രദ്ധിക്കണം ?⁉

പച്ചക്കറികൾ, പഴങ്ങൾ,പയർ വർഗ്ഗങ്ങൾ എന്നിവ കൂടുതൽ ഉൾപ്പെടുത്തി ആഹാരം കഴിക്കണം.
ഭക്ഷണത്തിൽ മുരിങ്ങയില, ഉലുവ, പപ്പായ, കാരറ്റ്, വെളുത്തുള്ളി, ചീര, ശതാവരിക്കിഴങ്ങ്, ബദാം, അണ്ടിപ്പരിപ്പ് എന്നിവ ഉൾപ്പെടുത്തുക.🥒🥕കുഞ്ഞിന് മലബന്ധം ഉണ്ടെങ്കിൽ അമ്മയുടെ ആഹാരരീതിയും ശ്രദ്ധിക്കുക.


📍എങ്ങനെ മുലയൂട്ടണം✅

അമ്മ ഇരുന്നു മാത്രമേ കുഞ്ഞിനെ മുലയൂട്ടാന്‍ പാടുള്ളു. കുഞ്ഞിനെ തലയണയുടെ സഹായത്തോടെ മടിയിൽ മാറിടത്തിന് സമാന്തരമായി എത്തുന്ന രീതിയിൽ പിടിച്ച് സുഖമായിരുന്ന് പാല് കൊടുക്കണം. കുനിഞ്ഞിരിക്കുന്നത് പേശീ വേദനയുണ്ടാക്കും. കിടന്ന് മുലയൂട്ടുമ്പോള്‍ പാൽ മൂക്കിലോ, ചെവിയിലോ കടന്ന് കുഞ്ഞിന് കുഴപ്പമുണ്ടാവും. സിസേറിയൻ കഴിഞ്ഞവരിൽ ഇരുന്നു മുലയൂട്ടാൻ ബുദ്ധിമുട്ട് ഉണ്ടെങ്കിൽ സൗകര്യമായ പൊസിഷനിൽ പാൽ കൊടുക്കണം.

📍കുഞ്ഞുങ്ങളില്‍ എപ്പോള്‍ മുതല്‍ കട്ടി ആഹാരം നല്‍കിത്തുടങ്ങാം✅
ആറ് മാസം പ്രായമായ കുട്ടികള്‍ക്ക് മുലപ്പാലിനോടൊപ്പം കട്ടി ആഹാരങ്ങള്‍ കൊടുത്തു തുടങ്ങാം. കുറുക്ക്, മുട്ടയുടെ മഞ്ഞ ,വിവിധ തരം ഫലവര്‍ഗങ്ങള്‍, തുടങ്ങിയവ ഈ പ്രായത്തിൽ കൊടുത്തു ശീലിപ്പിക്കാം. പഞ്ഞപ്പുല്ലും(റാഗി) ഏത്തയ്ക്കയുമൊക്കെ പൊടിച്ചു കുറുക്കി കൊടുക്കാം. അല്പം തേങ്ങാപ്പാലും ചേര്‍ത്ത്‌ കുറുക്ക് ഉണ്ടാക്കാം.


📍കുഞ്ഞിന്റെ പല രോഗങ്ങൾക്കും കാരണം അമ്മ കഴിക്കുന്ന ഭക്ഷണമാണെന്ന് മനസ്സിലാക്കി അതിൽ ആവശ്യമുള്ള മാറ്റങ്ങൾ വരുത്തേണ്ടതാണ്.
കരയുന്നതെല്ലാം പാലിന് വേണ്ടിയല്ല എന്ന് മനസ്സിലാക്കുക.
സദാ മധുര പദാർത്ഥങ്ങൾ ശീലിക്കുന്നതും ,സ്ഥിരമായി മാംസാഹാരങ്ങൾ കഴിക്കുന്നതും, മുലപ്പാലിനെ കുറയ്ക്കും.
ഉൾപുഴുക്ക് ( അധികം എരിവ്, പുളിയുള്ളവ ) ഉണ്ടാക്കുന്ന ആഹാരം, പകൽ ആഹാരം കഴിച്ചുടനെ ഉറക്കം, എന്നിവ പാലിന്റെ ഗുണത്തിൽ മാറ്റമുണ്ടാക്കും .പാൽ ഉണ്ടാകുന്നതിനായി അയില മീൻ,ചൂര,ചെമ്മീൻ എന്നിവ ധാരാളം ഉപയോഗിക്കുന്നവർ ഉണ്ട്. ഇങ്ങനെയുണ്ടാകുന്ന പാൽ കുട്ടികളിൽ വയറുവേദനക്ക് കാരണമാകാറുണ്ട്.
ഇവയുടെ ഉപയോഗം മാറ്റുമ്പോൾ കുഞ്ഞിന്റെ വയറുവേദന മാറുകയും ചെയ്യുന്നു.

✔ചെറു ചൂടുള്ള വെള്ളത്തിൽ തുണി നനച്ചു സ്തനങ്ങൾ തുടച്ച ശേഷമേ മുലയൂട്ടാവൂ. ആയുർവേദവിധി പ്രകാരം ചന്ദനവും രാമച്ചവും കുറുന്തോട്ടി വേരും കൊണ്ട് ഉണ്ടാക്കിയ കഷായമാണ് സ്തനങ്ങൾ കഴുകാൻ ഉപദേശിച്ചിരിക്കുന്നത്.

📍മുലപ്പാൽ ഉണ്ടാകുവാൻ ഉള്ള ചില ആയുർവേദവിധികൾ-✅

* മുരിങ്ങയില വെള്ളത്തിലിട്ട് ഉപ്പ് ചേർത്തു വേവിച്ച ശേഷം വെള്ളം ഊറ്റി കളയുക. അതിൽ നെയ്യ് ചേർത്തു വരട്ടി കഴിക്കണം
* അടപതിയൻകിഴങ്ങ് കഷായം വെച്ചു കഴിക്കണം
*ഞവരയരി ചോറ് നെയ്യോ പാലോ ചേർത്തു രാത്രി കഴിക്കുക
* പാലും പഞ്ചസാരയും ചേർത്തു കുറുക്കി കഴിക്കുക
*ശതാവരി കിഴങ്ങ് , കോവൽ കിഴങ്ങ്, അടപതിയൻ കിഴങ്ങ് എന്നിവ കഷായം വെച്ചു കുടിക്കണം.
*പ്രസവാനന്തരം കഴിക്കുന്ന ഉള്ളിലേഹ്യം, ഉലുവ ലേഹ്യം എന്നിവ മുലപ്പാൽ വർദ്ധിപ്പിക്കുന്നവയാണ്.

*മുലയൂട്ടുന്നതിന് മുൻപും ശേഷവും അമ്മ വെള്ളമോ ദ്രവരൂപത്തിലുള്ള പദാർത്ഥങ്ങളോ കഴിക്കുന്നത്
നല്ലതാണ്.
*ക്ഷീണം മാറ്റാൻ പ്രസവിച്ച സ്ത്രീയ്ക്കു മദ്യം വെള്ളം ചേർത്തോ അരിഷ്ടത്തിൽ ചേർത്തോ നല്കാമെന്നു മുതിർന്നവർ . ഇതു മുലപ്പാലിനെ ദുഷിപ്പിക്കുകയും ധാതുക്കളെ ക്ഷീണിപ്പിക്കുകയും ചെയ്യുമെന്നും അതിനാൽ പാടില്ലെന്നും പകരം കഞ്ഞി കുടിക്കുന്നതാണ് നല്ലതെന്നും ആയുർവേദത്തിൽ പറയുന്നു.

പ്രസവിച്ച സ്ത്രീകൾക്ക് ജീരകാരിഷ്ടം കൊടുക്കുന്നത് പതിവാണല്ലോ. ജീരകാരിഷ്ടം കുടിച്ചയുടനെ പാൽ കുഞ്ഞിന് കൊടുത്താൽ കുഞ്ഞിന് വയർ വേദന ഉണ്ടാവുന്നത് കാണാറുണ്ട്. അതിനാൽ ദശമൂലാരിഷ്ടം കൂടിയ അളവിലും ജീരകാരിഷ്ടം കുറഞ്ഞ അളവിലും ചേർത്ത് കൊടുക്കുന്നതായിരിക്കും നന്ന് !

*മിക്കവാറും ആളുകൾ കുഞ്ഞിന് പാലില്ല എന്നു പറഞ്ഞ് 28 ദിവസം കഴിയുമ്പോൾ കുറുക്ക് കൊടുക്കുന്ന ശീലം ഉണ്ട്. തീർത്തും നിരുത്സാഹപ്പെടുത്തേണ്ട ഒന്നാണ്* കുഞ്ഞ് ആറോ ഏഴോ തവണ മൂത്രമൊഴിക്കുകയും തൂക്കം ക്രമാനുഗതമായി വർദ്ധിക്കുകയും ചെയ്യുന്നുണ്ട് എങ്കിൽ ആവശ്യത്തിന് മുലപ്പാൽ ഉണ്ട് എന്നർത്ഥം.

📍മുലപ്പാലിനു പകരം എന്ത്?✅

മാതാവിനു മരണം സംഭവിക്കുക, കുഞ്ഞിനെ മുലയൂട്ടാൻ കഴിയാതെ വരുക, വേണ്ടത്ര മുലപ്പാൽ ഉണ്ടാകാതിരിക്കുക - എന്നീ സാഹചര്യങ്ങളിൽ രോഗങ്ങളില്ലാത്ത, പ്രസവിച്ച സ്ത്രീയോട് ആത്മ ബന്ധമുള്ളവളും ഏകദേശം അതേ
പ്രായവും മുലപ്പാൽ കുടിക്കുന്ന സ്വന്തം ശിശുവുള്ളവളുമായ മറ്റൊരു സ്ത്രീയെ (ധാത്രി - പോറ്റമ്മ ) ക്കൊണ്ടു മുലയൂട്ടണം.

📍അമ്മിഞ്ഞപ്പാല്‍ സൂക്ഷിച്ച് വയ്ക്കാനും ബാങ്കുകള്‍🏥✅.................................
പ്രസവശേഷം അമ്മയ്ക്ക് മുലപ്പാല്‍ നല്‍കാന്‍ കഴിയാതെ വരുകയും കുഞ്ഞിന് നേരിട്ട് മുലപ്പാല്‍ വലിച്ച് കുടിക്കാന്‍ കഴിയാതെ വരികയുമൊക്കെയുള്ള സന്ദര്‍ഭത്തില്‍ അമ്മയുടെ പാല്‍ പോഷക ഗുണങ്ങളൊന്നും തന്നെ നഷ്ടപ്പെടാതെ സൂക്ഷിച്ച് വയ്ക്കുന്നു. മുലപ്പാല്‍ കുറവുള്ള അമ്മമാര്‍ക്ക്‌ ഇത്തരം മിൽക്ക് ബാങ്ക്സ് ആശ്വാസമാണ്. സൂക്ഷ്മതയോടെയും വൃത്തിയോടെയും ശേഖരിച്ച് വയ്ക്കുന്ന ഇത്തരത്തിലുള്ള ബ്രസ്റ്റ് മില്‍ക്ക് ബാങ്കുകള്‍ ഇന്ത്യയില്‍ നിരവധിയുണ്ട്. 1980 ലാണ് WHO യും UNICEF ഉം കൂടി ഇങ്ങനെ ഒരു സംരഭം തുടങ്ങിയത്.



📍 മറ്റുള്ള പാൽ നല്കുമ്പോൾ ശ്രദ്ധിക്കേണ്ടവ✅
അമ്മയുടെ സ്തന്യം തികയാതെ വരുമ്പോഴോ അല്ലാതെയോ മറ്റ് പാൽ കാച്ചി ക്കൊടുക്കുന്ന കുട്ടികൾക്ക് കഫക്കെട്ടുകാണാറുണ്ട്‌.
ആട്ടിൻ പാൽ ആയാലും പശുവിന്റെ പാൽ ആയാലും അതിൽ ഓരില വേര്, മൂവില വേര്,ചെറുള വേര്, ചെറുവഴുതിന വേര്, മുത്തങ്ങ എന്നിവയിൽ ഏതെങ്കിലും ചതച്ചു കിഴി കെട്ടിയിട്ട് പാൽ കാച്ചി കുറുക്കി കൊടുക്കണം.പശുവിന്റെയോ ആടിൻ്റെയോ ആണ് പാലെങ്കിൽ സമം വെള്ളം ചേർത്ത് തിളപ്പിക്കുക. മുഴുവൻ വെള്ളം വറ്റി പാൽ ബാക്കിയായാൽ വേണ്ടത്ര വെന്തതായി മനസ്സിൽ ആക്കി ഉപയോഗിക്കാം.. വേവാത്ത പാൽ ദഹിക്കില്ല. വെള്ളം ചേർത്തത് കഫക്കെട്ടും ഉണ്ടാക്കും.
മുലപ്പാൽ വേണ്ടത്ര ഇല്ലെങ്കിൽ നറുവെണ്ണ കൊടുത്തും ശീലിപ്പിക്കാം.
📍സ്തനങ്ങളിൽ പാൽ കെട്ടി നിന്നാൽ✅
സ്തനങ്ങളില്‍ പാല്‍ കെട്ടി നിന്നും ചിലപ്പോള്‍ അണുബാധയുണ്ടാകാം. പാല്‍ കെട്ടിനില്‍ക്കാന്‍ അനുവദിക്കരുത്. കുഞ്ഞ് പാല്‍ കുടിക്കാത്തപ്പോള്‍ അധികമുണ്ടാകുന്ന പാല്‍ പിഴിഞ്ഞു കളയണം.പാൽ കെട്ടി നിന്ന് കല്ലിക്കുന്ന അവസ്ഥ ചില അമ്മമാരിൽ വേദനയുളവാക്കാറുണ്ട്. അമിതമായി പാൽ ഉണ്ടാവാതിരിക്കാൻ പിച്ചിപ്പൂക്കൾ ബ്രായിൽ വയ്ക്കുന്നതുപോലെയുള്ള നാടൻ രീതികൾ ചെയ്തുനോക്കുക.

📍മുലക്കണ്ണ് വിണ്ടുകീറുന്നത് മാറാൻ താഴെ പറയുന്ന കാര്യങ്ങൾ ചെയ്തു നോക്കുക :✅
* കോവലില വെണ്ണയിൽചാലിച്ചു പുരട്ടുക.
*ചെത്തിപ്പൂ നാളികേരപ്പാലിൽ കാച്ചിയത് പുരട്ടുക
*തുളസിയില അരച്ചു ഇടാം
*മത്തന്റെ ഞെട്ട് ഉപ്പ് ചേർത്ത് അരച്ചുപുരട്ടുന്നത് നല്ലതാണ്.
*മുലപ്പാൽ തന്നെ പുരട്ടിയാലും നന്ന്*.

ഗർഭിണി ആകുന്ന സമയം മുതൽ തന്നെ സ്തന പരിചരണത്തിൽ ശ്രദ്ധിക്കുക. അതുപോലെ കുഞ്ഞിനു പാലു കൊടുക്കുന്ന ആദ്യ സമയം മുതൽ തന്നെ Black ar**la മുഴുവനും കുഞ്ഞിന്റെ വായിൽ ഉൾപ്പെടുത്താൻ ശ്രദ്ധിച്ചാൽ വിണ്ടു കീറൽ വരാതെ നോക്കാം.

*മാതുരേവ പിബേത് സ്തന്യം തത് ഹി അലം ദേഹ വൃദ്ധയേ! [കുഞ്ഞിന് പുഷ്ടി ഉണ്ടാവണമെങ്കിൽ ബേബി ഫുഡ്‌ അല്ല മറിച്ചു അമ്മയുടെ പാൽ തന്നെ വേണമെന്ന് ആയുർവ്വേദം ഉപദേശിക്കുന്നു*

മുലയൂട്ടുന്നതിലുടെ കുഞ്ഞിനു മാത്രമല്ല അമ്മയ്ക്കും ആരോഗ്യം ലഭിക്കും . ബ്രെസ്റ്റ് കാൻസർ, ഹൃദ്രോഗങ്ങൾ, പക്ഷാഘാതം തുടങ്ങിയ അസുഖങ്ങൾ മുലയൂട്ടുന്ന അമ്മമാരിൽ കുറവാണന്ന്‌ പുതിയ പഠനങ്ങൾ തെളിയിക്കുന്നു.
ആരോഗ്യത്തെ മനസ്സിലാക്കി ,വാത്സല്യം ചൊരിഞ്ഞ് ,മനസ്സറിഞ്ഞ് മുലയൂട്ടാം ... 👶എപ്പോഴും ചിരിക്കുന്ന പൊന്നോമനകൾക്കായി...

03/08/2022

ആയുർവേദ ചികിത്സയുടെ അടിസ്ഥാന ഘടകങ്ങൾ ആണ് ആയുർവേദ ഔഷധങ്ങൾ. കഴിഞ്ഞ 100 വർഷത്തിലേറെയായി ആയുർവേദ ചികിത്സയിലും ഔഷധ നിർമ്മാണ വിപണന മേഖലകളിലും നൂതനമായ പഠനങ്ങളിലൂടെയും, സാങ്കേതികങ്ങളിലൂടെയും, പ്രവർത്തനങ്ങളിലൂടെയും, ലോകമെമ്പാടും വളർന്നു കൊണ്ടിരിക്കുന്ന സീതാറാം ആയുർവേദയുടെ എറണാകുളം ബ്രാഞ്ച് ചിറ്റൂർ റോഡിൽ എസ്. ബി. ഐയ്ക്ക് എതിർവശം ഉദ്ഘാടനം ചെയ്ത് പ്രവർത്തനമാരംഭിച്ചിരിക്കുന്നു. ആയുർവേദ മേഖലയിലെ വിദഗ്ദ്ധരായ ഡോക്ടർമാരുടെ സേവനം സീതാറാം ആയുർവേദ എറണാകുളം ബ്രാഞ്ചിൽ ലഭ്യമാണ്. സ്പെഷ്യാലിറ്റി ഓ. പി. യിൽ കൺസൾട്ടേഷന് വരുന്നവർക്ക് മുൻകൂട്ടി ബുക്ക്‌ ചെയ്യാനുള്ള സൗകര്യവും വീട്ടിലിരുന്നു തന്നെ മരുന്നുകൾ ഓൺലൈൻ ആയി വാങ്ങാനുള്ള സൗകര്യവും ഏർപ്പെടുത്തിയിട്ടുണ്ട്

03/08/2022

കഴിഞ്ഞ ഏതാനും വർഷങ്ങളായി ആയുർവേദ ചികിത്സാരംഗത്ത്‍ ഒട്ടനേകം രോഗികൾക്ക് രോഗശാന്തി നൽകിയ റിട്ടയേർഡ് സീനിയർ മെഡിക്കൽ ഓഫീസർ ഡോ. ഉസ്മാൻ കെ. യുടെ സേവനം 04. 08. 2022 മുതൽ എല്ലാ വ്യാഴാഴ്ചയും വൈകുന്നേരം 4 മുതൽ 6 വരെ സീതാറാം ആയുർവേദ എറണാകുളം ബ്രാഞ്ചിൽ ലഭ്യമാണ്.

26/07/2022

കർക്കടക കഞ്ഞി 🌿

22/07/2022

ആയുർവേദ മരുന്ന് നിർമാണ രീതികളെക്കുറിച്ചും ഗുണനിലവാര പരിശോധനകളെ കുറിച്ചും മനോരമ ആരോഗ്യം ഓഗസ്റ്റ് 2022 ലക്കത്തിൽ സീതാറാം ആയുർവേദ മാനേജിംഗ് ഡയറക്ടറും ചീഫ് ഫിസിഷ്യനുമായ ഡോ. ഡി. രാമനാഥൻ എഴുതിയ ലേഖനം...

19/07/2022

Now Available at sitaram Ernakulam Branch

Home Delivery Available.
Call Now: 81388 85653

16/07/2022

സീതാറാം ആയുർവേദയുടെയും ഹസ്ത സാംസ്‌കാരിക വേദി, ചെറായിയുടെയും സംയുക്താഭിമുഖ്യത്തിൽ വലിയകുന്ന് മൈതാനിയിൽ വച്ച് സൗജന്യ ആയുർവേദ പരിശോധന മെഡിക്കൽ ക്യാമ്പും ബോധവത്ക്കരണ ക്ലാസും സംഘടിപ്പിച്ചു. ഹസ്ത സാംസ്‌കാരിക വേദി സെക്രട്ടറി ശ്രീ. സുധീർ കുമാർ സ്വാഗതവും, പ്രസിഡന്റ് രതീഷ് കെ. വി. അധ്യക്ഷതയും നിർവഹിച്ചു. പള്ളിപ്പുറം ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയർപേഴ്സൺ ശ്രീമതി. ബിന്ദു തങ്കച്ചൻ ക്യാമ്പ് ഉദ്ഘാടനം ചെയ്തു. പള്ളിപ്പുറം ഗ്രാമ പഞ്ചായത്ത് 16ാം വാർഡ് മെമ്പർ ശ്രീവിദ്യ ആശംസയും, ശ്രീ. കൃഷ്ണകുമാർ കൃതജ്ഞതയും രേഖപ്പെടുത്തി. ഉദ്ഘാടന ചടങ്ങിന് ശേഷം 'മഴക്കാല ആരോഗ്യം ആയുർവേദത്തിലൂടെ' എന്ന വിഷയത്തിൽ നടന്ന ബോധവത്കരണ ക്ലാസ്സിന് ഡോ. രാഹുൽ പനയൻ (സീനിയർ ഓഫീസർ - മാർക്കറ്റിംഗ്) നേതൃത്വം നല്കി. സീതാറാം ഏരിയ സെയിൽസ് മാനേജർ ഷൈൻ കെ. എം., ഡോ. ആഷ്മി എന്നിവരും സംബന്ധിച്ചു.

13/07/2022

കർക്കിടക മാസത്തിലെ ആയുർവേദ രീതിയിലുള്ള ആരോഗ്യ സംരക്ഷണം പ്രസിദ്ധമാണ്. ആയുർവേദം അനുശാസിക്കുന്നത് രോഗം വരാതിരിക്കാനുള്ള ജീവിതചര്യയാണ്. ഈ ശാസ്ത്രമനുസരിച്ചു എല്ലാ രോഗങ്ങൾക്കും കാരണം മന്ദീഭവിച്ചിരിക്കുന്ന ജഠരാഗ്നിയാണ്. ഇത് തുടർന്ന് നിൽക്കുന്ന ദഹനക്കേടുണ്ടാകാൻ കാരണമാകുകയും തൽഫലമായി പലതരം രോഗങ്ങൾ ഉദ്ഭവിക്കുകയും ചെയ്യുന്നു. ആയുർവേദ ശാസ്ത്രത്തിൽ ഓരോ കാലത്തിനനുസരിച്ചു (ഋതു) ജീവിതചര്യകൾ നിർദ്ദേശിച്ചിട്ടുണ്ട്. അക്കൂട്ടത്തിൽ വർഷ ഋതുവിൽ (വർഷക്കാലം) പിത്ത വാത ദോഷങ്ങൾ രോഗകാരികളാകാൻ സാധിക്കുന്ന രീതിയിൽ ക്രമത്തിൽ സഞ്ചയ പ്രകോപ അവസ്ഥകളിൽ എത്തിച്ചേരുന്നു. അവയെ ശമിപ്പിക്കുവാൻ ഉതകുന്ന രീതിയിൽ അഗ്നിബലത്തെ ഉത്തേജിപ്പിക്കുവാൻ വേണ്ടി കർക്കിടക മാസത്തുടക്കത്തിൽ സേവിക്കുവാൻ വേണ്ടി ഔഷധ കഞ്ഞിക്കൂട്ടുകൾ കേരളത്തിലെ പാരമ്പര്യ ആയുർവേദ ചികിത്സകർ നിർദ്ദേശിക്കുന്നു.

കർക്കിടക മാസത്തിൽ ഈ ഔഷധക്കഞ്ഞി ഉപയോഗിക്കുന്നതുകൊണ്ട് ശരീരത്തിന് ബലവും ആരോഗ്യവും ശരിയായ രീതിയിൽ ആഹാരം ദഹിപ്പിക്കുന്നതിനുള്ള ശക്തിയും ലഭിക്കുന്നു. അങ്ങനെ വേണ്ട രീതിയിൽ അഗ്നിദീപ്തി ഉണ്ടായിവരുന്നതിലൂടെ ദഹനപ്രക്രിയ ശക്തമാകുകയും ശരീരത്തിലെ സപ്തധാതുക്കൾക്കും പുഷ്ടിയുണ്ടാവുകയും രോഗപ്രതിരോധശക്തി വർദ്ധിക്കുകയും ജഠരാഗ്നി മന്ദീഭവിച്ചുണ്ടാകുന്ന രോഗങ്ങളെ അകറ്റി നിർത്താൻ സാധിക്കുകയും ചെയ്യുന്നു. അങ്ങനെ ശേഷിക്കുന്ന വർഷം മുഴുവൻ ശരീരത്തിന് സമ്പൂർണ ആരോഗ്യം നിലനിൽക്കുകയും കായികബലവും ഓജസ്സും കൈവരുകയും ചെയ്യുന്നു. ഈ ഔഷധ കഞ്ഞി തുടർച്ചയായി ഏഴു മുതൽ പത്തു ദിവസം വരെയാണ് ഉപയോഗിക്കേണ്ടത്.

സീതാറാം ഔഷധകഞ്ഞിക്കൂട്ടിൽ ആരോഗ്യത്തിന് ഏറ്റവും ഉത്തമമായ ഞവരയരി (490 ഗ്രാം - 7 ദിവസത്തേക്ക് 7 പായ്ക്കറ്റുകളിൽ) അടങ്ങിയിരിക്കുന്നു. കൂടാതെ, ചുക്ക് (നാഗര), കുരുമുളക് (മരീച), ജീരകം (ജീരക), ഗ്രാമ്പൂ (ലവംഗ), ജാതിക്ക (ജാതിഫല), തിപ്പലി (പിപ്പലി), ഉലുവ (മേഥിക), ആശാളി (ചന്ദ്രശൂര), കരിംജീരകം (കൃഷ്ണ ജീരക), അയമോദകം (അജമോദ), കുറുന്തോട്ടി (ബല), തക്കോലം (തക്കോല), കുടകപ്പാലയരി (ഇന്ദ്രയവ), വിഴാലരി (വിഡംഗ), കാർകോകിലരി (ബാകുചി), ചെറുപുന്നയരി (ജ്യോതിഷ്മതി), ഏലത്തരി (ഏല), കൊത്തമ്പാലയരി (ധാന്യക) എന്നീ മരുന്നുകൾ ചേർന്ന വിശിഷ്ട ഔഷധക്കൂട്ട് (50 ഗ്രാം) കൂടിയുണ്ട്. ഇവകളോടൊപ്പം തേങ്ങാപ്പാലും ചുവന്നുള്ളിയും, പാകത്തിന് ഇന്ദുപ്പോ ഉപ്പോ കൂടി ചേർത്ത് കർക്കിടക ഔഷധ കഞ്ഞി ഉണ്ടാക്കേണ്ടതാണ്. ഇത് ദഹനശക്തി വർദ്ധനവിനും തദ്വാര വർഷക്കാലം മുഴുവനും അതിനു ശേഷവും തുടർന്ന് നിൽക്കുന്ന ആരോഗ്യസംരക്ഷണത്തിനും ഉത്തമമാണ്.

ഉപയോഗക്രമം (ഒരാൾക്ക്) :
ഒരു പായ്ക്കറ്റ് ഞവരയരിയെടുത്ത് ഒരു ടീസ്പൂൺ (7 ഗ്രാം) ഔഷധക്കൂട്ട് ചേർത്ത് 300 മില്ലി / യുക്തമായ അളവ് വെള്ളത്തിൽ വേവിച്ച് വെന്തുവരുമ്പോൾ, അരമുറിതേങ്ങയുടെ പാലും ചേർത്ത് വാങ്ങിവയ്ക്കുക. രുചിയ്ക്ക് കുറച്ച് ചുവന്നുള്ളി നെയ്യിൽ മൂപ്പിച്ച് ചേർക്കാവുന്നതാണ്. ആവശ്യാനുസരണം ഇന്തുപ്പ് ചേർത്ത് ഈ കഞ്ഞി ചെറുചൂടോടെ അത്താഴത്തിന് പകരം ഉപയോഗിക്കാവുന്നതാണ്

സീതാറാം ഔഷധ കർക്കിടക കഞ്ഞിക്കൂട്ട് ഇപ്പോൾ സീതാറാം എറണാകുളം ബ്രാഞ്ചിൽ ലഭ്യമാണ്. കൂടുതൽ വിവരങ്ങൾക്ക് : +91 95268 34142

12/07/2022

അപരാജിത ധൂപ ചൂർണം ❤❤

അപരാജിത ധൂപ ചൂർണത്തിന്റ അണുനാശന ശക്തി - ഒരു ശാസ്ത്രീയ പഠനം

കോവിഡ് 19 ന്റെ ഭാഗമായി രാജ്യമൊട്ടാകെ ലോക്ഡൗൺ പ്രഖ്യാപിച്ചു. കേരളത്തിൽ നിരവധി അതിഥി തൊഴിലാളികൾ വിവിധ ക്യാമ്പുകളിൽ തിങ്ങിനിറഞ്ഞു താമസിക്കുകയായിരുന്നു. ഇവർക്ക് ഈ സമയത്ത് ചിക്കൻപോക്സ്, ഡെങ്കി തുടങ്ങിയ സാംക്രമിക രോഗങ്ങൾ പടർന്നു പിടിക്കാനുള്ള സാധ്യത കൂടുതലാണ്.

തൃശ്ശൂർ ജില്ലയിലെ അതിഥി തൊഴിലാളികളുടെ ക്യാമ്പിന്റെ ആരോഗ്യ പരിശോധന ചുമതല, ജില്ലാ കളക്ടർ ശ്രീ എസ് ഷാനവാസ് ഐ എ എസ് വിശ്വസ്തതയോടെ ഏൽപിച്ചത് ആയുഷ് വകുപ്പിനെ ആണ്. എല്ലാ ക്യാമ്പുകളിലും ആയുഷ് മെഡിക്കൽ ഓഫീസർമാർ സന്ദർശിക്കുകയും ആരോഗ്യസ്ഥിതി വിലയിരുത്തുകയും പ്രതിരോധ മരുന്നുകൾ നൽകുകയും ചെയ്തു. കൂടാതെ എല്ലാ ക്യാമ്പുകളിലും അന്തരീക്ഷ ശുദ്ധീകരണത്തിന് അപരാജിത ചൂർണം ധൂമനം ചെയ്യുകയുമുണ്ടായി.
വളരെ നല്ല ഫലം ഉളവാക്കുന്ന ധൂപനത്തിന്റെ ശാസ്ത്രീയ വിശകലനം നൽകാൻ സാധിക്കുമോ എന്ന് ജില്ലാ കളക്ടർ ശ്രീ എസ് ഷാനവാസ്‌ ഐ എ എസ് അന്വേഷിച്ചപ്പോൾ, തികഞ്ഞ സന്തോഷത്തോടെ, ഉത്സാഹത്തോടെ, ഭാരതീയ ചികിത്സ വകുപ്പ് ആ കാര്യം ഏറ്റെടുത്തു.

ജില്ലാ മെഡിക്കൽ ഓഫീസർ ഡോ പി ആർ സലജ കുമാരി, ഡോ എൻ വി ശ്രീവൽസ് (ജില്ലാ പ്രോഗ്രാം മാനേജർ നാഷണൽ ആയുഷ് മിഷൻ), ഡോ ജോസ് ടി പൈകട (സീനിയർ സ്പെഷ്യലിസ്റ്റ് മെഡിക്കൽ ഓഫീസർ)എന്നിവരുടെ നേതൃത്വത്തിൽ 13 അംഗ ടീമാണ് പഠനം നടത്തിയത്.
സീതാറാം ആയുർവേദിക്സ് ലെ മൈക്രോ ബയോളജിസ്റ്റ് സുമിത സന്തോഷ് ആണ് മൈക്രോബയോളജി പഠനത്തിന് നേതൃത്വം നൽകിയത്. തൃശ്ശൂർ ഗവ മെഡിക്കൽ കോളേജിലെ മൈക്രോ ബയോളജി ഡിപ്പാർട്മെന്റിലെ ഡോക്ടർ മാരുടെ മാർഗ നിർദേശവും സ്വീകരിച്ചിരുന്നു. ആയുർവേദത്തിൽ വളരെക്കാലമായി തന്നെ ഉപയോഗിച്ചുവരുന്ന അപരാജിത ധൂമ ചൂർണ്ണം കൊടുക്കുന്നതുകൊണ്ട് വായുവിലെ ബാക്ടീരിയ ഫംഗസ് എന്നിവ യുടെ രോഗാണുക്കളുടെ സാന്ദ്രത എത്രമാത്രം കുറയുന്നു എന്നുള്ളതായിരുന്നു പഠനം. *പഠനത്തിലെ കണ്ടെത്തലുകൾ*

🌱ഒമ്പത് ദിവസം നീണ്ടു നിന്ന പഠനത്തിൽ അപരാജിത ധൂമ ചൂർണ്ണം പുകക്കുന്നതുകൊണ്ട് രോഗാണുക്കളുടെ സാന്ദ്രത ഗണ്യമായി കുറഞ്ഞതായി കണ്ടു.

🔬ബാക്ടീരിയകൾ 99.6 2 ശതമാനവും ഫംഗസുകൾ 98.92 ശതമാനവും മൂന്നുദിവസത്തെ ധൂപനത്തിന് ശേഷം കുറഞ്ഞതായി കണ്ടു.

🧪ഒരു ദിവസത്തെ ധൂപനം കൊണ്ടു തന്നെ ബാക്ടീരിയയുടെ തോത് 95 ശതമാനവും ഫംഗസിനെ 96 ശതമാനവും കുറഞ്ഞിരുന്നു.

തുടർച്ചയായ മൂന്നു ദിവസത്തെ ധൂപനത്തിന് ശേഷം പിന്നീട് ധൂപം നടത്താതെ മൂന്നുദിവസം നിരീക്ഷിച്ചതിൽ ഈ ദിവസങ്ങളിൽ രോഗാണുക്കളുടെ സാന്ദ്രത കാര്യമായ തോതിൽ വർദ്ധിക്കാതെ നിന്നതായി കണ്ടു. ആയതിനാൽ കൂടുതൽ ദിവസം നീണ്ടു നിൽക്കുന്ന ഫലം അന്തരീക്ഷത്തിൽ ഉണ്ടാക്കുന്നതിനും അപരാജിത ധൂമ ചൂർണ്ണത്തി
നു കഴിവുണ്ടെന്ന് ഈ പഠനത്തിൽ കാണുവാൻ കഴിയുന്നു.

വളരെ അപൂർവമായി മാത്രം കാണുന്ന ചില ഫംഗസുകളെ ഈ പഠനത്തിനിടയിൽ കാണുവാനിടയായി ധൂപനത്തിനു ശേഷം അവപൂർണമായും ഇല്ലാതായി.

ഗൗരവതരമായ പാർശ്വഫലങ്ങൾ ഒന്നും തന്നെ ഈ ധൂമ ചൂർണ്ണം പുകയ്ക്കുന്നത് കൊണ്ട് അവിടത്തെ അന്തേവാസികളായ ആളുകളിൽ ഉണ്ടാകുന്നില്ല എന്നത് ഈ പഠനത്തിന്റെ പ്രത്യേകതയാണ്.

പഠന പരീക്ഷണങ്ങളുടെ സമഗ്ര റിപ്പോർട്ട് തൃശ്ശൂർ ജില്ലാ കളക്ടർ നാഷണൽ ആയുഷ് മിഷൻ ഡയരക്ടർ, ഭാരതീയ ചികിത്സ വകുപ്പ് ഡയറക്ടർ എന്നിവർക്ക് നൽകി. ഭാരതീയ ചികിത്സാ വകുപ്പ് ഡഡയറക്ടർ ഡോ.കെ. എസ് പ്രീയ റിപ്പോർട്ട്‌ ആരോഗ്യ വകുപ്പ് മന്ത്രി കെ .കെ ഷൈലജ ടീച്ചർ ക്ക് കൈമാറി.
*ഉപയോഗം*
കാര്യമായ പാർശ്വ ഫലങ്ങൾ ഒന്നും അവിടത്തെ താമസക്കാർക്ക് ഉണ്ടാകാത്തതിനാൽ തികച്ചും സുരക്ഷിത മായ ഈ ധൂപനം
വീടുകൾ, ഓഫീസ് മുറികൾ, സ്കൂളുകൾ, ആശുപത്രികൾ, വളർത്തുമൃഗങ്ങളുടെ വാസസ്ഥലങ്ങൾ, ഭക്ഷ്യവസ്തുക്കൾ സൂക്ഷിക്കുന്ന സ്ഥലങ്ങൾ, എന്നിവിടങ്ങളിൽ രോഗാണു നശീകരണത്തിനായി ഉപയോഗിക്കാൻ കഴിയും.

*പുകക്കുന്നതിനുമുമ്പ്* ബാക്ടീരിയ കോളനി - 8025 cfu, ഫംഗസ് 835 cfu
*പുകച്ചതിന് ശേഷം* ബാക്ടീരിയ കോളനി 60 cfu, ഫംഗസ് 9cfu.

(Air quality according to the standards for non industrial premises (CEC, 1993), the pollution degree is small if the bacterial colony is between50-100cfu and the fungal colony is between 25-100cfu).

*പുകക്കാതെ മൂന്നു ദിവസം കഴിഞ്ഞപ്പോൾ*
ബാക്ടീരിയ കോളനിയിൽ 100 cfu മാത്രം

അപരാജിത ധൂമചൂർണത്തിൽ 8 തരം മരുന്നുകളാണ് ഉള്ളത്. അഷ്ടാംഗ ഹൃദയത്തിൽ ആണ് ഈ ചൂർണം പറയുന്നത്.

1.ഗുഗുലു 2നാന്മുഖ പുല്ല് 3വയമ്പ് 4.ചെഞ്ചല്യം 5.വേപ്പിൻ തൊലി 6.എരുക്ക് 7അകിൽ 8 ദേവദാരു

കൂടുതൽ കണ്ടെത്തലുകൾ

🐛Effective against spore forming bacteria .
It is also having activity against Gram positive and Gram negative bacteria.

It is highly effective against capsulated bacteria.

💥During the first day of fumigation itself it reduced bacterial and fungal count to 95 % and 96 % respectively.

🔥During the third day of fumigation , level of bacteria reduced from 8020 cfu to 60cfu and that of fungi colony count reduced to 835 cfu to 9 cfu

🐽🐽Species which are rare in the area like Cladosporium and Alternaria also isolated. Aparajitha Dhooma choornam *proved to be efficient in removing those fungi completely from those sites.*

🎇🎇Fumigation is very effective against *candida albicans* which is an opportunistic pathogen in *immunocompromised individuals including HIV patients*

😤Aparajitha Dhooma choornam also effective in removing organisms that can act as pathogens causing community and nosocomial infections

🤜🏼🤜🏼 Antibacterial activity of Aparajitha Dhooma choornam remained as such even upto 24 hours after fumigation . Within 72 hours after the completion of fumigation procedure bacterial or fungal count was very low compared to that before the fumigation procedure. This show retention of certain amount of antimicrobial effect upon 72hors

💃🏽💃🏽Aparajitha Dhooma choornam improved microbial quality of air by drastically reducing fungal and bacterial count according to sanitary standards of non industrial premises CEC,1993

🍟🍟 Aparajitha Dhooma choornam is efficient in removing food contaminating fungi mucor and Rhizopusft from the airCT

ഭാരതീയ ചികിത്സാ വകുപ്പ് തൃശ്ശൂർ
നാഷണൽ ആയുഷ് മിഷൻ

(കടപ്പാട് പോസ്റ്റ്‌ )