College of Yoga Cochin

31/01/2026

31/01/2026

31/01/2026

പാതഞ്ജല യോഗസൂത്രം – സമാധിപാദം – സൂത്രം 9
​ശബ്ദജ്ഞാനാനുപാതീ വസ്തുശൂന്യോ വികല്പഃ
👉🏼​പദാർത്ഥം:
​ശബ്ദജ്ഞാന - വാക്കുകളെ (ശബ്ദത്തെ) കേട്ടുണ്ടാകുന്ന അറിവിനെ.
👉🏼​അനുപാതീ - പിന്തുടരുന്നതാണ് (അനുസരിച്ചുള്ളതാണ്).
👉🏼​വസ്തുശൂന്യഃ - യഥാർത്ഥത്തിൽ ഒരു വസ്തു ഇല്ലാത്തതാണ്.
👉🏼​വികല്പഃ - വികല്പം (ഭാവനാവൃത്തി).
❣️​സാരം: വാക്കുകൾ കേൾക്കുമ്പോൾ ഉണ്ടാകുന്നതും എന്നാൽ യഥാർത്ഥത്തിൽ അങ്ങനെയൊരു വസ്തു നിലവിലില്ലാത്തതുമായ ചിത്തവൃത്തിയാണ് വികല്പം.

❣️​ആചാര്യന്മാരുടെ ഭാഷ്യങ്ങൾ
👁️​1. ​വ്യാസഭഗവാൻ വികല്പത്തെ പ്രമാണത്തിൽ (ശരിയായ അറിവ്) നിന്നും വിപര്യയത്തിൽ (തെറ്റായ അറിവ്) നിന്നും വേർതിരിക്കുന്നു.
​ഇത് പ്രമാണമല്ല, കാരണം ഇതിന് ആധാരമായ വസ്തു നിലവിലില്ല.
​ഇത് വിപര്യയവുമല്ല, കാരണം വിപര്യയം പിന്നീട് തിരുത്തപ്പെടും, എന്നാൽ വികല്പം ഭാഷാപരമായ ഒരു രീതിയായി നിലനിൽക്കുന്നു.

👉🏼​ഉദാഹരണം: "പുരുഷൻ്റെ ചൈതന്യം" (ചൈതന്യം പുരുഷസ്യ). ഇവിടെ പുരുഷൻ തന്നെയാണ് ചൈതന്യം. എന്നാൽ വാചകഘടനയിൽ പുരുഷൻ വേറെയും ചൈതന്യം വേറെയുമാണെന്ന ഒരു തോന്നൽ വികല്പം വഴി ഉണ്ടാകുന്നു.

👁️​2. ​വാചസ്പതി മിശ്രൻ ഇതിനെ വ്യാകരണാടിസ്ഥാനത്തിൽ വിശകലനം ചെയ്യുന്നു.
​വികല്പം എന്നത് ചിത്തത്തിൻ്റെ ഒരു പ്രത്യേക വ്യാപാരമാണ്. ഇല്ലാത്ത ഗുണങ്ങളെ ഉള്ളതായി തോന്നിപ്പിക്കാനും ഉള്ളവയെ വേർതിരിച്ചു കാണിക്കാനും ഇതിന് കഴിയും. ​വാക്കുകളുടെ പ്രയോഗം കൊണ്ട് മാത്രം നിലനിൽക്കുന്ന ഈ വൃത്തി, വ്യവഹാര ലോകത്ത് (Daily Life) ഒഴിച്ചുകൂടാൻ വയ്യാത്തതാണെന്ന് അദ്ദേഹം നിരീക്ഷിക്കുന്നു.

​3. ​വിജ്ഞാനഭിക്ഷു ഇതിനെ ബുദ്ധിപരമായ ഒരു സങ്കല്പമായി കാണുന്നു. ​ജ്ഞാനവും ജ്ഞാനിയും ഒന്നായിരിക്കുമ്പോഴും അവയെ രണ്ടായി കാണുന്നത് വികല്പം മൂലമാണ്.
​മോക്ഷപ്രാപ്തിക്ക് ഈ വികല്പങ്ങളെയും മറികടക്കേണ്ടതുണ്ട്. കാരണം കേവല വാക്കുകളിലല്ല, അനുഭവത്തിലാണ് യോഗി ശ്രദ്ധിക്കേണ്ടത് എന്ന് അദ്ദേഹം ഓർമ്മിപ്പിക്കുന്നു.
​4. ഭോജരാജൻ വികല്പത്തെ 'പ്രതീതി' (Apperception) എന്ന നിലയിൽ വിശദീകരിക്കുന്നു.
​കേവലം ശബ്ദത്തെ മാത്രം ആശ്രയിച്ചുണ്ടാകുന്ന ഭാവനയാണിത്.
👉🏼​ഉദാഹരണത്തിന്, "രാഹുവിൻ്റെ തല" എന്ന് പറയുമ്പോൾ രാഹു എന്ന വ്യക്തിക്ക് തലയുണ്ടെന്ന് തോന്നും, എന്നാൽ രാഹു എന്നത് കേവലം ഒരു തല മാത്രമാണ്. ഇത്തരത്തിൽ വസ്തുവിൻ്റെ യാഥാർത്ഥ്യവുമായി ബന്ധമില്ലാത്ത അറിവാണിത്.

​5. ​നാഗേശഭട്ടൻ ഇതിനെ ലക്ഷണാ (Metaphor) രീതിയിലുള്ള ആശയവിനിമയവുമായി ബന്ധിപ്പിക്കുന്നു. ​വികല്പം എന്നത് സത്യമല്ലെങ്കിലും വ്യവഹാരത്തിന് (Communication) അത്യാവശ്യമാണ്.
​തർക്കശാസ്ത്രപരമായി വികല്പം എങ്ങനെയാണ് അവിദ്യയുമായി ബന്ധപ്പെട്ടിരിക്കുന്നത് എന്നും അതിനെ എപ്രകാരം ധ്യാനത്തിലൂടെ ഇല്ലായ്മ ചെയ്യാം എന്നും അദ്ദേഹം വിവരിക്കുന്നു.
​ഒരു അധ്യാപകൻ്റെ കാഴ്ചപ്പാടിൽ:
​യോഗാഭ്യാസത്തിൽ സാധകൻ പലപ്പോഴും "ഞാൻ ശാന്തി അനുഭവിക്കുന്നു" എന്ന് ചിന്തിക്കാറുണ്ട്. ഇവിടെ 'ഞാൻ' എന്നും 'ശാന്തി' എന്നും വേർതിരിക്കുന്നത് ഒരു വികല്പമാണ്. സത്യത്തിൽ ആ അവസ്ഥ ഒന്നാണ്. ഈ സൂത്രം പഠിപ്പിക്കുന്നത് വാക്കുകൾക്കും ഭാവനകൾക്കും അപ്പുറമുള്ള സത്യത്തിലേക്ക് (നിർവികല്പ അവസ്ഥ) ചിത്തത്തെ നയിക്കാനാണ്.

31/01/2026

31/01/2026

#ധ്യാന #പരിശീലനം

മെഡിറ്റേഷൻ എന്നാൽ ഒരു transformation ആണ്, അത് ഒരു ശുദ്ധീകരണവുമാണ്. നമ്മൾ അടിച്ചമർത്തി വച്ചിരിക്കുന്ന എല്ലാ സ്വഭാവങ്ങളുടെയും, സംസ്കാരത്തിന്റെയും ശുദ്ധീകരണവും, ബുദ്ധിയും ആത്മാവുമായുള്ള ചേർച്ചയുമാണ്. ഇത് മാത്രമാണ് ഓരോരുത്തരുടെയും പൂർണമായ ലക്ഷ്യമെന്ന് ഉറപ്പിക്കുക. എപ്പോഴും മനസ്സിനെ അത് പറഞ്ഞു ധരിപ്പിക്കുക. ധർമാനുസരണമായ ജീവിത ചര്യകളിലൂടെയും, ഘട്ടം ഘട്ടമായ സ്ഥിരമായ അഭ്യാസത്തിലൂടെയും മാത്രമേ ഇത് നേടിയെടുക്കാനാകൂ. ഇന്ന് ഒരു ചെറിയ പരിശീലനമാണ് പരിചയപ്പെടുത്തുന്നത്. ഗുരുക്കന്മാരുടെയും, ഈശ്വരന്റെയും അനുഗ്രഹം പ്രതീക്ഷിച്ചുകൊണ്ട് തുടങ്ങാം.

ആദ്യം സ്വസ്ഥമായി ഇരിക്കുവാനുള്ള ഇടം കണ്ടെത്തി, ഏതെങ്കിലും ധ്യാനാസനത്തിൽ, നട്ടെല്ല് നിവർത്തി, ശിരസ്സ് ഉയർത്തി, കണ്ണുകൾ അടച്ചിരിക്കുക. കയ്യുകൾ ചിന്മുദ്രയിലോ, ആകാശത്തേക്ക് തുറന്നു വയ്ക്കുകയോ ചെയ്യുക.

ഓംകാരം (അ -ഉ -മ ) 3 തവണ
ഓംകാരം ചൊല്ലുമ്പോൾ മകാരത്തിന്റെ ധ്വനികൾ ശിരസ്സിലേക്കെത്തുകയും, അവിടെ ഉണ്ടാകുന്ന തരംഗങ്ങൾ അറിയുകയും ചെയ്യുക.

#ധ്യാനശ്ലോകം- നമ്മുടെ ഇഷ്ട മൂർത്തിയുടെ ശ്ലോകം/ഗുരുധ്യാനം ചൊല്ലുക

#സോഹം #ബ്രീത്തിങ്

സോഹം എന്നാൽ "ഞാൻ അതാകുന്നു" എന്നാണ്. ഈശ്വരനുമായി അല്ലെങ്കിൽ വിശ്വത്തിന്റെ ഊർജവുമായുള്ള സമ്പൂർണ ലയനമാണ് ഇത് അർത്ഥമാക്കുന്നത്.

ശ്രദ്ധയെ ശ്വാസഗതിയിലേക്കു കൊണ്ടുവരിക. ശ്രദ്ധ ശ്വാസത്തിലും നിശ്വാസത്തിലുമായി മാത്രമാക്കി നിറുത്തുക. ദീർഘമായി ശ്വാസം എടുത്തു വിടുക. ശ്വാസം എടുക്കുമ്പോൾ "സോ" എന്നും ശ്വാസം വിടുമ്പോൾ "ഹം" എന്നും മനസ്സിൽ ഉച്ചരിക്കുക. ഇത് തുടർച്ചയായി ചെയ്യുക. "സോ" "ഹം"ശബ്ദങ്ങളെ പൂർണമായും ആവാഹിക്കുക. തുടർന്ന് ചെയ്യുമ്പോൾ ശ്വാസം ഉള്ളിലേക്കെടുക്കുന്നതിന്റെ ശബ്ദം "സോ"ആണെന്നും പുറത്തേക്കു വിടുന്നതിന്റെ ശബ്ദം "ഹം" ആണെന്നും തിരിച്ചറിയാൻ കഴിയുന്നു. മനസ്സിനെ പൂർണമായും ആ ശബ്ദത്തിലേയ്ക്ക് തന്നെ ലയിപ്പിക്കുക. മനസിന്റെ ശാന്തമായ അവസ്ഥയെ തിരിച്ചറിയുക, അതിനെ ആസ്വദിക്കുക. മനസ്സിന് എത്രമാത്രം സമയം അതിൽ തുടരാൻ കഴിയുന്നുവോ അത്രയും നേരം തുടരുക.

വീണ്ടും ഓംകാരം (അ -ഉ -മ ) 3 തവണ

ഇപ്പോഴും നട്ടെല്ല് നിവർന്നു തന്നെയാണെന്ന് ഉറപ്പു വരുത്തുക

ശ്രദ്ധയെ ശ്വാസഗതിയിലേക്കു കൊണ്ടുവരിക. ശ്രദ്ധ ശ്വാസത്തിലും നിശ്വാസത്തിലുമായി മാത്രമാക്കി നിറുത്തുക. ദീർഘമായി ശ്വാസം എടുത്തു വിടുക.ഇപ്പോൾ ശ്വാസം എടുക്കുമ്പോൾ നിങ്ങളുടെ ശ്രദ്ധയെ തലയ്ക്കു മുകളിൽ (നിറുകയിൽ) കേന്ദ്രീകരിക്കുക, ശ്വാസം വിടുമ്പോൾ ഉള്ളം കാലിലേക്ക് ശ്രദ്ധയെ കേന്ദ്രീകരിക്കു. ഇത് തുടർച്ചയായി ചെയ്യുക. ഓരോ ശ്വാസം എടുത്തുവിടുമ്പോഴും തലയ്ക്കു മുകളിലും ഉണ്ടാകുന്ന വൈബ്രേഷൻസ് ശ്രദ്ധിക്കുക. കൂടുതൽ കൂടുതൽ ആഴത്തിൽ ശ്രദ്ധ പതിപ്പിക്കുക. കുറച്ചു നേരം കുടി അത് തന്നെ തുടരുക. നിങ്ങളുടെ മനസ്സ് വളരെ ശാന്തമാണ്. തൃപ്തിയും, ആനന്ദവും ഉണ്ട്. ഈശ്വരനുമായി ചേർന്ന് നിൽക്കുക എന്ന ലക്‌ഷ്യം ബുദ്ധിയിൽ ശക്തമായി ഉറപ്പിക്കുക.

ഇനി നിങ്ങളുടെ ശ്രദ്ധയെ പൂർണമായും ശിരസ്സിനു മുകളിലായി തന്നെ നിറുത്തുക. ഇപ്പോൾ നിങ്ങളുടെ ഊർജം പൂർണമായും ശിരസ്സിനു മുകളിലാണ് കേന്ദ്രീകരിക്കപ്പെട്ടിരിക്കുന്നത്. നിങ്ങളേയും കാത്തു വിശ്വത്തിന്റെ ഊർജം നിലനിൽക്കുകയാണ്. നിങ്ങൾ ഇപ്പോൾ പൂർണമായും ഭാരരഹിതമാണ്. നിങ്ങൾ അറിയാതെ തന്നെ അതിലേയ്ക്ക് ലയിക്കുകയാണ്. എപ്രകാരത്തിൽ ഒരു നദി കടലിൽ ചേരുന്നുവോ, അത് പോലെ. പിന്നെ അവിടെ നദിയില്ല. കടൽ മാത്രമാണ്. കടൽ മാത്രം. ഇപ്പോൾ നിങ്ങളും വിശ്വചൈതന്യത്തിൽ പൂർണമായി ലയിച്ചുചേർന്നിരിക്കുന്നു. എന്താണോ സാക്ഷിയായിരുന്നുകൊണ്ടു ഈ വിശ്വത്തിലെ സകലതിനെയും ചലിപ്പിക്കുന്നത്, നിങ്ങളും അത് തന്നെയായി മാറിയിരിക്കുന്നു. പരമാനന്ദമായി മാറിയിരിക്കുന്നു. എത്രമാത്രം സമയം അതിൽ തുടരാൻ കഴിയുന്നുവോ അത്രയും നേരം തുടരുക.

നമ്മൾ നമ്മൾ അടിച്ചമർത്തി വച്ചിരിക്കുന്നപലതും പുറത്തേയ്ക്കു വരുന്നുണ്ടാകും, എന്നാൽ അതിൽ വീണുപോകാതെ ദൃഢ ബുദ്ധിയുടെ സഹായത്തോടെ , അതിനെ നിസ്സാരമായി തള്ളിക്കൊണ്ട്, ഉയരങ്ങളിൽ നിന്നും വീണ്ടും ഉയരങ്ങളിലേക്ക് സഞ്ചരിക്കാൻ ഈശ്വരന്റെ അനുഗ്രഹം ഉണ്ടാകട്ടെ...

#തിരികെവരാം

വീണ്ടും ഓംകാരം (അ -ഉ -മ ) 3 തവണ
ശാന്തി മന്ത്രം...
"സർവ്വേ ഭവന്തു സുഖിനഃ...."
സർവ്വ ചാരാചാരങ്ങൾക്കും സുഖം ഉണ്ടാവട്ടെ എന്ന് മനസ്സിൽ ഉറപ്പിച്ച്
കയ്യുകൾ കുട്ടിത്തിരുമ്മി ആ ചെറുചൂട് മുഖത്തും ശരീരത്തിലും പതിക്കുക. മെല്ലെ മെല്ലെ കണ്ണുകൾ തുറക്കുക. നിങ്ങൾക്കുണ്ടായിരിക്കുന്ന ഉന്മേഷവും, ആനന്ദവും, തൃപ്തിയും അറിയുക. അതിനു സഹായിച്ച എല്ലാത്തിനും നന്ദി പറയുക

യോഗാചാര്യൻ സോമരാജ്
College of Yoga
9388038880, 8891139811
www.patanjalicollegeofyoga.org

05/12/2025

#ജ്യോതിശബ്ദം_പരമാത്മ_വിഷയം
ജീവന്‍ ബ്രഹ്മസ്വരൂപത്തെ പ്രാപിച്ചിട്ട് തന്റെ പരമാര്‍ത്ഥ സ്വരൂപത്തില്‍ ലയിക്കുന്നു. എന്ന് ശ്രുതി പറയുന്നുണ്ട്. പരമപദമാകുന്ന ബ്രഹ്മത്തെയാണ് ജീവന്‍ പ്രാപിക്കുന്നത്.

ഛാന്ദോഗ്യത്തില്‍ 'ഏവമേ വൈഷ സംപ്രസാദോ/സ്മാച്ഛരീരാത് സമുത്ഥായ പരം ജ്യോതിരൂപ സംപദ്യ സ്വേന രൂപേണാഭിനിഷ്പദ്യതേ'

ഭാഗ്യവാനും ശുദ്ധനുമായ ജീവന്‍ ഈ ശരീരത്തില്‍ നിന്ന് വേറിട്ട് ഉത്കൃഷ്ടമായ തേജോരൂപത്തെ പ്രാപിച്ച് തന്റെ യഥാര്‍ത്ഥമായ സ്വരൂപത്തെ പ്രാപിക്കുന്നു എന്ന് പറയുന്നു. ഇവിടെ സ്വേന എന്ന പദം സ്വന്തം രൂപത്തെ കുറിക്കുന്നു. എല്ലാ ജീവന്‍മാരുടേയും യഥാര്‍ത്ഥ സ്വരൂപം പരബ്രഹ്മം തന്നെയാണ്.

സ്വസ്വരൂപത്തെ അറിയുന്നതിനാല്‍ മുക്തനാവുന്നു. പ്രതിജ്ഞാനംകൊണ്ട് മുക്ത ജീവന്‍ പിന്നെ സംസാരത്തിലേക്ക് തിരിച്ച് വരില്ല. പഞ്ചമഹാഭൂതങ്ങളാല്‍ നിര്‍മ്മിതമായതും ഇന്ദ്രിയങ്ങളെ കൊണ്ട് അറിയാന്‍ കഴിയുന്നതുമായ ഈ ശരീരമാണ് താന്‍ എന്ന തെറ്റിദ്ധാരണ നീങ്ങണം. എന്റെ യഥാര്‍ത്ഥ സ്വരൂപത്തെ ഞാന്‍ തിരിച്ചറിയണം. ആ പരമാത്മാവ് അഥവാ പരബ്രഹ്മം തന്നെയാണ് ഞാന്‍ എന്നറിയുമ്പോള്‍ ഒരാള്‍ മുക്തനാവും. പരബ്രഹ്മമായിത്തീരുന്നയാളുടെ കര്‍മ്മങ്ങള്‍ നശിച്ചുപോകും. അയാള്‍ക്ക് വീണ്ടും ജനിക്കേണ്ടി വരില്ല. പരമപദത്തെ പ്രാപിച്ച ജീവന് തിരിച്ചുവരവില്ലെന്നും ഉപാധി സംബന്ധവുമില്ല.

ആത്മാവ് തന്നെയാണത്. പ്രകരണം പരമാത്മ വിഷയമാണ്. പ്രകരണത്തില്‍ നിന്ന് ആത്മാവ് ശുദ്ധനാണെന്ന് അറിയണം. ഛാന്ദോഗ്യത്തിലെ മന്ത്രത്തില്‍ പറയുന്ന 'ജ്യോതി'എന്ന ശബ്ദം എന്നത് പരമാത്മാവ് തന്നെയാണ്.

ബൃഹദാരണ്യകത്തില്‍. 'തദ്ദേവാ ജ്യോതിഷാം ജ്യോതിഃ ' എന്ന ശ്രുതി വാക്യമനുസരിച്ച് ആത്മാവില്‍ ജ്യോതി ശബ്ദം ഉറപ്പാക്കുന്നു. അതിനാല്‍ ജ്യോതിശബ്ദം പരമാത്മ വിഷയം തന്നെയാണ്. പരമപദത്തിലെത്തുമ്പോള്‍ കര്‍മ്മ സ്പര്‍ശവും ഉപാധി സംബന്ധവും ഉണ്ടാകില്ല അതിനാല്‍ ശുദ്ധനാകുന്നുവെന്നും അറിയണം.

മുക്തനായ ആത്മാവിന് പരമാത്മാവില്‍ അവിഭാഗമായ അഥവാ അഭേദമയ സ്ഥിതിയാണ് എന്ന് ശ്രുതി പറയുന്നു.

കഠോപനിഷത്തില്‍ 'യഥോദകം ശുദ്ധേ ശുദ്ധമാസിക്തം താദൃഗേവ ഭവതി ഏവം മുനേര്‍ വിജാനത ആത്മാ ഭവതി ഗൗതമ 'ശുദ്ധമായ ജലത്തില്‍ ശുദ്ധമായ വെള്ളം ഒന്നായിരിക്കുന്നത് പോലെയാണ് ജീവാത്മാവ് പരമാത്മാവില്‍ ലയിക്കുന്നത് എന്ന് പറയുന്നു. അതിനാല്‍ തന്നെ വിഭാഗം അഥവാ ഭേദമില്ല...

College of Yoga
Yoga Teachers Training Centre
9388038880, 9388803300
https://www.patanjalicollegeofyoga.org

05/12/2025

#യോഗവാസിഷ്ഠം 👇
ആകാശത്തിന്റെ നീലിമ ഒരു ദൃശ്യ സംഭ്രമം മാത്രമാണെന്നതുപോലെ ഈ കാണപ്പെടുന്ന ലോകം ആകെ ചിന്താക്കുഴപ്പം പിടിച്ചതാണ്‌. ആയതിനാല്‍ ഈ ലോകത്തിനെപ്പറ്റി അധികം വിചിന്തനം ചെയ്ത്‌ മനസ്സു ഭ്രമിപ്പിക്കുന്നതിനു പകരം അതിനെ നമ്മുടെ ചിന്തയില്‍പ്പെടുത്താതിരിക്കുകയാണു നല്ലത്‌.

ഇക്കാണപ്പെടുന്ന പ്രപഞ്ചം യാഥാര്‍ത്ഥ്യമല്ലെന്ന ഉറച്ച ബോധം ഉള്ളില്‍ അങ്കുരിച്ചു വളര്‍ന്നുനിറഞ്ഞാലല്ലാതെ നമുക്ക്‌ ദുഃഖനിവൃത്തിയോ ഉണ്മയുടെ സാക്ഷാത്കാരമോ സാദ്ധ്യമല്ല. യോഗവാസിഷ്ഠം അതീവ ശ്രദ്ധയോടെ പഠിച്ചാല്‍ ഈ ബോധം നമ്മില്‍ വളര്‍ത്തിയുറപ്പിക്കാന്‍ സാധിക്കും. അങ്ങിനെ നാം അനുഭവിക്കുന്ന ഈ ദൃശ്യ-വസ്തു പ്രപഞ്ചം എന്നത്‌ ഉണ്മയില്‍ അസ്ഥിരമായ വസ്തുവിനെ കണ്ടുവെന്നു തോന്നുന്ന വെറും വിഭ്രാന്തി മാത്രമാണെന്നുള്ള ദൃഢബോധം നമ്മിലുണ്ടാവും.
മോക്ഷം എന്നത്‌ നമ്മിലുള്ള എല്ലാ ‘വാസന’കളേയും സമൂലം നീക്കം ചെയ്യുക എന്നതാണ്‌. ഈ വാസനകളാകട്ടെ രണ്ടു തരത്തിലാണ്‌. ഒന്ന് പരിശുദ്ധവും പുണ്യപ്രദവും ആകുമ്പോള്‍ മറ്റേത്‌ അശുദ്ധവും പാപജന്യവും ആണ്‌. പാപ വാസനകള്‍ ജനനഹേതുവാകുമ്പോള്‍ പുണ്യവാസനകള്‍ മോക്ഷഹേതുവാണ്‌. അശുദ്ധവാസനകള്‍ അജ്ഞാനത്തേയും അഹങ്കാരത്തേയും വളര്‍ത്തി പുനര്‍ജന്മങ്ങള്‍ക്കു ബീജമായിത്തീരുന്നു. ഈ വാസനാ ബീജങ്ങളെ തീര്‍ത്തും ഉപേക്ഷിച്ചാല്‍ ശരീരത്തെ നിലനിര്‍ത്തുവാന്‍ വേണ്ട പരിശുദ്ധ മനോപാധികള്‍ മാത്രം ബാക്കിയാവുന്നു. ജീവന്‍ മുക്തരായവരില്‍ പോലും ഇത്തരം വാസനകള്‍ നിലനില്‍ക്കുന്നുണ്ട്‌. ഇവ പുനര്‍ജന്മത്തിനു കാരണമാകുന്നില്ല. എന്തെന്നാല്‍, അവ നിലനില്‍ ക്കുന്നത്‌ ഭൂതകാലകര്‍മ്മങ്ങളുടെ സംവേഗശക്തിയാലാണ്‌- ഇപ്പോഴത്തെ കര്‍മ്മങ്ങളുടെ പ്രേരണയാല്‍ അല്ല എന്നര്‍ത്ഥം.

Collegeofyoga
9388038880, 8891139811
www.patanjalicollegeofyoga.org

05/12/2025

#ഗർഭത്തിന്റെ പ്രായം #കണക്കാക്കുന്നത് #എങ്ങനെ. ഇതുമായി ബന്ധപ്പെട്ടുണ്ടാകുന്ന ആശയ കുഴപ്പങ്ങൾ എന്തെല്ലാം?

ഗർഭത്തിന്റെ പ്രായം കണക്കാക്കുന്നതെങ്ങനെയെന്നും ഗർഭിണി ആയിരിക്കുമ്പോൾ നടത്തേണ്ട സ്കാനിങ്ങിനെ കുറിച്ചുമെല്ലാം അറിയാൻ......
കല്യാണം

കഴിഞ്ഞിട്ട് രണ്ടരമാസം. ഓള് ഗർഭിണിയാണ്, ആദ്യസ്കാൻ കഴിഞ്ഞു. സ്കാൻ ചെയ്ത് നോക്കിയപ്പോ മൂന്ന് മാസം പ്രായമുള്ള ഗർഭം. അടി, വെടി, കലാപം, കച്ചറ, വിവാഹമോചനഭീഷണി... ഒന്നും പറയേണ്ട. ഇത്തരത്തിൽ സംഭവിച്ച് കാര്യം മനസ്സിലാവാതെ കുഴങ്ങിയ പെൺകുട്ടികൾ ഒന്നല്ല, പലത് കാണും. ഒന്നുകിൽ പുതുമണവാട്ടികൾ, അല്ലെങ്കിൽ പ്രവാസിപത്നിമാർ. ബന്ധപ്പെടാതെ കുഞ്ഞെവിടെ നിന്ന് വന്നെന്ന് അവർക്കും മനസ്സിലാവില്ല !
ഇതിന്റെ ഗുട്ടൻസ്....

ഗർഭത്തിന്റെ പ്രായം അളക്കുന്നത് അവസാനമായി മാസമുറ ഉണ്ടായതിന്റെ ആദ്യദിവസം തൊട്ടാണ്. ശരാശരി 28 ദിവസം വരുന്ന ഒരു ആർത്തവചക്രത്തിന്റെ മദ്ധ്യത്തിലാണ് അണ്ഢവിസർജ്ജനം നടക്കുന്നത്. ഈ അണ്ഢം ഇരുപത്തിനാല് മണിക്കൂർ ബീജത്തെയും കാത്തിരിക്കും. ഒരുദാഹരണത്തിന് നവംബർ 1ന് ആർത്തവം ഉണ്ടായ മണവാട്ടി നവംബർ 15ന് കല്യാണം നടന്ന് ആദ്യരാത്രി ആഘോഷിക്കുമ്പോൾ അന്നത്തെ ആഘോഷത്തിൽ നിന്ന് അവൾ ഗർഭം ധരിക്കാൻ സാധ്യതയുണ്ട് എന്ന് മാത്രമല്ല, ഗർഭത്തിന്റെ പ്രായം കണക്കാക്കുന്നത് കല്യാണത്തിന് രണ്ടാഴ്ച മുൻപ് അവൾക്ക് ആർത്തവം തുടങ്ങിയ നവംബർ 1 തൊട്ടാകും. ഫലത്തിൽ, കുട്ടിയെ വന്നപ്പോൾ കൊണ്ടു വന്നു എന്ന് ആരോപിക്കപ്പെടാം.
ആർത്തവചക്രത്തിൽ എപ്പോൾ അണ്ഢവിസർജനം നടന്നു എന്ന് കണക്കാക്കുന്ന മാർഗങ്ങൾ ഉണ്ടെങ്കിലും, അവ ചിലവേറിയതായത് കൊണ്ടാണ് ഇത്തരത്തിൽ LMP (Last Menstural Period) വെച്ച് ലോകം മുഴുവൻ ഗർഭത്തിന്റെ പ്രായം കണക്കാക്കുന്നത്. ഗർഭസ്ഥശിശുവിന്റെ യഥാർത്ഥ പ്രായം അത് കൊണ്ട് തന്നെ എല്ലായെപ്പോഴും സ്കാനിലെ ഗർഭത്തിന്റെ പ്രായത്തേക്കാൾ അൽപം കുറവായിരിക്കും. സ്കാനിങ്ങിനെ വില്ലനാക്കി ജീവിതം കളയും മുൻപ് ഇപ്പറഞ്ഞതൊന്ന് പരിഗണിച്ചേക്കണേ...........
ഇപ്പോഴത്തെ കണക്കിൽ മൂന്ന് സ്കാനുകളെങ്കിലും ഗർഭിണി ആയിരിക്കുമ്പോൾ ചെയ്യണമെന്നാണ്. ആദ്യത്തെ സ്കാൻ ഗർഭം ഗർഭപാത്രത്തിൽ തന്നെയാണോ എന്നും, കുഞ്ഞിന് ഹൃദയമിടിപ്പുണ്ടോ എന്നുമൊക്കെ അറിയാനാണ്. അണ്ഢവാഹിനിക്കുഴലിൽ ഉണ്ടാകുന്ന ട്യൂബർ പ്രഗ്നൻസി ആണെങ്കിൽ, ട്യൂബ് പൊട്ടിയാൽ ആന്തരികരക്തസ്രാവമുണ്ടാകും, ഗർഭിണി മരണപ്പെടും. അതുകൊണ്ട് തന്നെ അവരുടെ ജീവനോളം വിലയുണ്ട് ഈ സ്കാനിന്. കൂടാതെ ഗർഭത്തിന്റെ പ്രായവും, പ്രസവ ഡേറ്റും അറിയാനും ഈ സ്കാൻ വേണം.
അഞ്ചാം മാസം ചെയ്യുന്ന രണ്ടാമത് സ്കാൻ കുഞ്ഞിന് അംഗവൈകല്യങ്ങൾ ഇല്ലെന്നുറപ്പ് വരുത്താനും പ്രസവഡേറ്റിന് അടുപ്പിച്ചുള്ള മൂന്നാമത് സ്കാൻ കുഞ്ഞിന്റെ നില അറിയാനും, പ്രസവത്തോടനുബന്ധിച്ച് മറ്റ് സങ്കീർണതകൾ ഒന്നുമില്ലെന്ന് ഉറപ്പ് വരുത്താനുമാണ്. ഇതൊന്നുമല്ലാതെ ഡൗൺ സിണ്ട്രോം ലക്ഷണങ്ങൾ കണ്ട് പിടിക്കാൻ പന്ത്രണ്ടാമത് ആഴ്ചയിൽ ചെയ്യാവുന്ന മറ്റൊരു സ്കാനും ഉണ്ട് കേട്ടോ. താൽപര്യമുണ്ടെങ്കിൽ അത് കൂടി ചെയ്യുന്നത് നല്ലതാണ്. കല്യാണദിനത്തിനും മുന്നേ വയറിൽ കുഞ്ഞ് കയറിക്കൂടിയതിന്റെ പേരിൽ സംശയാലുക്കളായ ഭർത്താക്കൻമാർക്കും സംശയത്തിൽ പെട്ട് പോയ ഭാര്യമാർക്കും ഇനി സംശയാലുക്കളാകാൻ പോകുന്നവർക്കുമൊക്കെ ഇത് ഗുണം ചെയ്യും.

വാൽക്കഷ്ണം : അന്നേരത്തെ പൊസിഷൻ മാറ്റിയാൽ ആൺകുട്ടി/പെൺകുട്ടി ആവുമെന്നൊക്കെ പറഞ്ഞോണ്ട് വരുന്നവരെ ഓടിച്ചിട്ട് തല്ലേണ്ടതാണ്. ബന്ധപ്പെടുന്ന സമയത്ത് കുഞ്ഞിന്റെ ലിംഗം തീരുമാനിക്കാൻ ഒരു കാരണവശാലും നമുക്ക് സാധിക്കില്ല. അവനോ അവളോ ആയിക്കോട്ടേ, ഇങ്ങ് വരട്ടേന്ന്. ആരോഗ്യമുള്ള കുഞ്ഞായിരിക്കാൻ വേണ്ടതെല്ലാം ഗർഭിണിയായിരിക്കുമ്പോൾ തന്നെ ചെയ്യാം. ഒരായുഷ്കാലത്തെക്കുള്ള നിക്ഷേപമാണവർ, ഈ ആയുസ്സിലെ സമ്പാദ്യവും....മറക്കണ്ട.......

കടപ്പാട് ഡോ.ഷിംന അസീസ്


9496332058, 8891139811
www.patanjalicollegeofyoga.org

05/12/2025

is spiritual maturity?

🍁1. Spiritual Maturity is when you •stop trying to change others, ...instead focus on changing yourself.•

🍁2. Spiritual Maturity is when you •accept people as they are.•

🍁3. Spiritual Maturity is when you •understand everyone is right in their own perspective.•

🍁4. Spiritual Maturity is when you •learn to "let go".•

🍁5. Spiritual Maturity is when you are able to •drop "expectations" from a relationship and give for the sake of giving.•

🍁6. Spiritual Maturity is when you •understand whatever you do, you do for your own peace.•

🍁7. Spiritual Maturity is when you •stop proving to the world, how intelligent you are.•

🍁8. Spiritual Maturity is when you •don't seek approval from others.•

🍁9. Spiritual Maturity is when you •stop comparing with others.•

🍁10. Spiritual Maturity is when you •are at peace with yourself.•

🍁11. Spiritual Maturity is when you •are able to differentiate between "need" and "want" and are able to let go of your wants.•
& last but most meaningful !

🍁12. You gain Spiritual Maturity when you •stop attaching "happiness" to material things !!•

"Wishing all a happy Spiritually matured life

9496332058, 8891139811
www.patanjalicollegeofyoga.org

05/12/2025