Patanjali College Of Yoga

02/05/2026

#പാതഞ്ജലയോഗസൂത്രം #യോഗസൂത്രം 1:13

01/05/2026

സായാഹ്ന ചിന്ത......
#പുരാണങ്ങളും_അർത്ഥവും
അർജ്ജുനൻ--
"അര്‍ജ്ജുനന്‍ നമ്മുടെ മനസ്സാണ്. ഋജുവായ മനസ്സുള്ളവൻ, അർജ്ജുനൻ.

ആ മനസ്സിനോടാണ് ഭയത്തെ കൊന്നുകളഞ്ഞ് ജയിക്കാന്‍ ഭഗവാന്‍ പറഞ്ഞു കൊടുക്കുന്നത്.

ഭഗവാൻ- സുദർശന ധാരിയായ കൃഷ്ണൻ

സുദർശനം എന്നു പറഞ്ഞാൽ ശരിയായ ദർശനം. ശരിയായ ദർശനമുള്ള ബുദ്ധിയാണ് ഭഗവാൻ,

ആ ബുദ്ധിയാണ് മനസ്സിന്റെ തേരാളി",

രഥം നമ്മുടെ ശരീരമാണ്. അഞ്ച് കുതിരകൾ പഞ്ചേന്ദ്രിയങ്ങളും.

കടിഞ്ഞാൺ ബുദ്ധിയുടെ കയ്യിൽ അല്ലെങ്കിൽ പഞ്ചേന്ദ്രിയങ്ങളും നമ്മളെ തോന്നുന്നിടത്തേയ്ക്ക് കൊണ്ടുപോകും.

പൗരാണിക ശാസ്ത്രങ്ങളുടെ അർഥമറിയാതെ കഥമാത്രം കാണരുത്.

കഥകള്‍ക്ക്‌ സത്യത്തെ സാധകനില്‍ എളുപ്പമെത്തിക്കുക എന്ന ഒരേയൊരു ലക്ഷ്യമേയുള്ളു. സത്യസാക്ഷാത്കാരം വളരെ പ്രധാനപ്പെട്ടതായതുകൊണ്ട്‌ കഥകള്‍ കല്‍പ്പിതങ്ങളാണെങ്കിലും അതിനു ന്യായീകരണമുണ്ട്‌. കഥകള്‍ ഭാഗികമായേ സത്യവസ്തുവിനെ മനസ്സിലാക്കാന്‍ ഉതകൂ അതിനാല്‍ ആ ഭാഗം മാത്രം സ്വീകരിച്ച്‌ ബാക്കിയുള്ള കഥാഭാഗങ്ങളെ വിട്ടുകളയുകയാണുചിതം. സത്യം അറിഞ്ഞുണരുന്നതുവരെ മാത്രമേ ഒരുവന്‌ യോഗ്യനായ ഗുരുവിന്റെ കീഴിലുള്ള വേദപഠനവും ഈ വിധ കഥകളുടേയും ആവശ്യമുള്ളു. എന്നാല്‍ പരമസാക്ഷാത്കാരം നേടി പ്രബുദ്ധത കൈവരുന്നതുവരെ അയാള്‍ സാധന ഉപേക്ഷിക്കരുത്‌. പുരാണ ഇതിഹാസങ്ങളിലെ അല്‍പമാത്രമായ അറിവ്‌ ഗുണത്തിനുപകരം ചിന്താക്കുഴപ്പത്തിനു വഴിതെളിക്കുന്നു. അപൂര്‍ണ്ണവും അപക്വവുമായ അറിവ്‌ പലവിധ അബദ്ധധാരണകള്‍ക്കും കാരണമാവുന്നു. അല്‍പ്പജ്ഞാനികള്‍ വികടയുക്തിയുടെ പിടിയില്‍പ്പെട്ട്‌ ഏതെങ്കിലും കല്‍പ്പിതവസ്തുവിനെ സത്യമെന്നു കരുതി, സ്വഹൃദയത്തില്‍ ഹൃദയത്തിൽ കൊണ്ടുനടക്കുന്നു. ഈശ്വരനെ അറിയാതെ പോകുന്നു.

01/05/2026

പാതഞ്ജല_യോഗപാഠം..20
#ചിത്തഭേദം....6

യോഗസൂത്രം 21
കൈവല്യ പാദം

ചിത്താന്തര ദൃശേ ബുദ്ധി ബുദ്ധിരേതി പ്രസംഗ: സ്മൃതി സങ്കരശ്ച

വസ്തുവിന്റെ ദ്രഷ്ടാവ് പുരുഷനാണ് ചിത്തമല്ല എന്നു വ്യക്തമാക്കുകയാണ് ഈ സൂത്രത്തിലൂടെ

ആദ്യത്തെ ചിത്തത്തെ രണ്ടാമത്തെ ചിത്തത്തിന്റെ ദൃശ്യമായ് കരുതുമ്പോൾ ബുദ്ധിയിൽ നിന്നും ബുദ്ധിയിലേക്കുണ്ടാവുന്ന അനവസ്ഥാ ദോഷവും സ്മൃതി സങ്കരവും ഭവിക്കും. ഒരു ചിത്തം മറ്റൊരു ചിത്തത്തിന് ദൃശ്യ പദാർത്ഥമായി ത്തീരുമെന്നു പറയുമ്പോൾ അവിടെ അനവസ്ഥയും സ്മൃതി സങ്കരത്വവും ആകുന്ന രണ്ട് ദോഷങ്ങൾ സംഭവിക്കുന്നു.

ചിത്തം വസ്തുവിനെ ദർശിക്കാതെ മറ്റൊരു ചിത്തത്തിൽ നിന്നും ഒരു വസ്തുവിനെ ഗ്രഹിക്കുന്ന പക്ഷം ആ വസ്തുവിനോടു കൂടി ഈ ചിത്തത്തെ തന്റെ ചിത്തത്തിന് ദൃശ്യമാക്കി തീർക്കുകയാണ്. അനന്തരം തന്റെ ചിത്തത്തെ അതേ രൂപത്തിൽ തന്നെ മറ്റൊരു ചിത്തത്തിനു ദൃശ്യമാക്കുന്നു. ആ ചിത്തം പിന്നെ വേറൊരു ചിത്തത്തിനും ദൃശ്യമായിത്തീരുന്നു.
(കര കമ്പി പോലെ ഒരാളിൽ നിന്നും മറ്റൊരാളിലേക്ക്)

അങ്ങനെയാവുകയാണെങ്കിൽ ഒരു വസ്തുവിന്റെ ബോധം പൂർണ്ണമോ അവസാന മുള്ളതോ ആയിത്തീരുകയില്ല. ഈ അവസ്ഥ ഓരോരുത്തരോടെ യും നിത്യ അനുഭവം ആണല്ലോ.

അങ്ങനെയാണെങ്കിലും ഏതൊരു വസ്തു ബോധവും അതിന്റെ ശ്രവണം മാത്രം കൊണ്ടു തന്നെ പൂർണ്ണമായും അവസാനമുള്ളതായും അനുഭവപൊടുന്നുണ്ടല്ലോ. ഇതിൽ നിന്നും ചിത്തമല്ല പുരുഷനാണ് ഒരു വസ്തുവിന്റെ ദൃഷ്ടാവ് എന്നാണ് മനസ്സിലാക്കാൻ കഴിയുന്നത്.

ദൃഷ്ടാവ് ചിത്തമായിരുന്നെങ്കിൽ ഓരോ വസ്തു ബോധത്തിലും ചിത്തത്തിന് അനവസ്ഥ അതായത് സ്ഥിരതയില്ലാത്ത നിലയും സ്മൃതി സങ്കരത്വവും സംഭവിക്കണം.

അങ്ങനെ അനുഭവത്തിൽ കാണാത്തതു കൊണ്ട് വസ്തുവിന്റെ ദൃഷ്ടാവ് ചിത്തമല്ലെന്ന് വ്യക്തമാവുന്നുണ്ട്.

എല്ലാവർക്കും 🙏നമ്സതെ
വി.ബി. സജീവ്
ആരോഗ്യ ഭാരതി
സംഘനാ കാര്യ ദർശി
949 550 9700. For more info visit us at http://www.patanjaliyogacentre.co.in/latest-update/-20-/637?utm_source=facebookpage

01/05/2026

രാജയോഗം....10
#യോഗത്തിനുള്ള_യോഗ്യത
ആത്മൗപമ്യേന സർവത്ര
സമം പശ്യതി യോƒർജുന
സുഖം വാ യദി വാ ദുഃഖം
സ യോഗീ പരമോ മതഃ
(ഗീത 6 : 32)

ആത്മസാദൃശ്യം കൊണ്ട്‌ സകല ജീവികളുടേയും സുഖദുഃഖങ്ങളെ ആരാണോ തന്റേതെന്നപോലെ തുല്യമായി കാണുന്നത്‌ ആ യോഗി ഉത്തമനാണ്‌.

സര്‍വ്വജീവജാലങ്ങളിലും സ്ഥിതിചെയ്യുന്നത് തന്നില്‍ സ്ഥിതിചെയ്യുന്ന അതേ പരമാത്മചൈതന്യം തന്നെയാണെന്ന അറിവോടെ മറ്റുള്ളവരുടെ സുഖദുഃഖങ്ങളെ തന്‍റേതെന്നപോലെ കാണുന്നവന്‍ ഉത്തമനായ യോഗിയാണ്.

എന്നാല്‍ സാധാരണക്കാരനെ സംബന്ധിച്ച് ആ സ്ഥിതിയിലേക്കെത്തുന്നതുവരെ ആത്മീയചൈതന്യം നിലനിര്‍ത്തുന്നതിനും മനശ്ശാന്തി കൈവരിക്കുന്നതിനും. കൃത്യമായ സാധാനകൾ പാലിക്കേണ്ടതുണ്ട്.

ഉത്തമനായ ഒരു യോഗി സ്വാനുഭവം പ്രമാണമാക്കി ഓരോരുത്തരുടേയും സുഖദുഃഖ ങ്ങൾ അയാൾ മനസ്സിലാക്കുന്നു. താനും ഈശ്വരനും തമ്മിലുള്ള ബന്ധം മറന്നു പോകുന്നതാണ് ജീവന് ദുഃഖകാരണം. മനുഷ്യന്റെ സർവ്വകർമ്മ ങ്ങളുടേയും പരമഭോക്താവും സർവ്വഗ്രഹങ്ങളുടേയും ദേശങ്ങളുടേയും ഉടമയും ജീവാത്മാക്കളുടെ ഉറ്റ സുഹൃത്തും ഈശ്വരനാണ് എന്ന് ബോദ്ധ്യമാകുന്നതാണ് സുഖത്തിന്റെ കാരണം. പ്രകൃതിയുടെ തിഗുണങ്ങളാൽ, ഭൗതികപ്രകൃതിയുടെ ഗുണങ്ങളാൽ, ബദ്ധനായ ജീവാ ത്മാവിന്, താനും ഭഗവാനുമായുള്ള ബന്ധം വിസ്മരിക്കുമ്പോഴാണ് മു ന്നു വിധം ഭൗതികദുഃഖങ്ങൾ അനുഭവിക്കേണ്ടി വരുന്നതെന്ന് ഒരുത്തമ യോഗിക്കറിയാം.

സകല ജീവജാലങ്ങളുടേയും ശ്രേയസ്സിനെ കാംക്ഷിക്കുന്ന ഒരാൾ ഏവരുടേയും ഉത്തമ സുഹൃത്താണെന്നും പറയാം. അയാൾ തനിക്കുവേണ്ടി മാത്രമല്ല, മറ്റുള്ളവർക്കുകൂടി വേണ്ടിയാണ് യോഗത്തിൽ പൂർണ്ണത നേടാൻ ആഗ്രഹിക്കുന്നത്. അതിനാൽ ഉത്തമയോഗി ആയിത്തീർന്ന ആ സാധകൻ തന്റെകൂടെയുള്ള ജീവാത്മാക്കളിൽ ഈർഷ്യാലുവാവില്ല.

#ആത്മൗപമ്യേന_സർവത്ര
സമം പശ്യതി യോƒർജുന

യോഗ മാർഗത്തിത്തിലൂടെ, ഈശ്വരനുമായി ബന്ധം തുടരുന്നതിന് മുന്‍പ്, ഒരു യോഗി തന്റെ സ്ഥിതി എന്തായിരുന്നു എന്ന് അറിയണം. ദുഃഖങ്ങള്‍ മാത്രമല്ല, സുഖങ്ങളും തന്റെ യോഗ പരിശീലനത്തിന് തടസ്സം സൃഷ്ടിക്കുക ആയിരുന്നു. ഇതുപോലെ തന്നെയാണ്, എന്റെ ഈ അനുഭവത്തിന് സമം തന്നെയാണ്, (സര്‍വത്ര) ഈ ലോകത്തിലും മറ്റു ദിവ്യ ലോകങ്ങളിലും സ്ഥിതി ചെയ്യുന്ന ദേവ, മനുഷ്യ, മൃഗ, പക്ഷി, വൃക്ഷ കീടാദികളുടെയും അവസ്ഥ എന്ന് ആ യോഗിവര്യന്‍ അറിയുന്നു. അതുകൊണ്ട് എല്ലാവര്‍ക്കും ദുഃഖം വരാതിരിക്കാനും സുഖം ഉണ്ടാവാനും വേണ്ടി പ്രവര്‍ത്തിക്കാന്‍ ആ യോഗി തീരുമാനിക്കുന്നു. ഭൗതിക സുഖദുഃഖങ്ങള്‍ക്കപ്പുറത്ത്, എല്ലാവരും യോഗ പരിശീലനത്തിലൂടെ, യാഗത്തിന്റെ നിഷ്ഠയിലൂടെ ഭഗവദീയധാമത്തിലെത്തി, പരമാനന്ദ രസം അനുഭവിക്കാന്‍ വേണ്ടി പ്രവര്‍ത്തിക്കുന്നു. ആ പ്രവര്‍ത്തനം ലൗകിക പ്രവര്‍ത്തനം പോലെ നമുക്ക് തോന്നിയേക്കാമെങ്കിലും അങ്ങനെയല്ല. അവ, ഭഗവാന് ആരാധനയായും ഭഗവാന്റെ സന്തോഷത്തിന് പൊതുവായും തീരുകയാണ് ചെയ്യുന്നത്. ഭഗവദ് ഭക്തന്മാരുമായി സംവദിച്ച്, ഭഗവത്തത്വ വിജ്ഞാനം നേടി, ആത്മീയ അനുഷ്ഠാനത്തിലൂടെ ഭഗവാന്റെ ദിവ്യധാമത്തിലെത്തി സകലജീവികള്‍ക്കും പരമാനന്ദ ലബ്ധിക്കുവേണ്ടിയാണ് ഈ അത്യുത്കൃഷ്ടമായ പരോപകാരം ആ യോഗി ചെയ്യുന്നത്

യോഗാചാര്യൻ ടി മനോജ്
കോളേജ് ഓഫ് യോഗ
9388038880, 8891139811
www.patanjalicollegeofyoga.org. For more info visit us at http://www.patanjaliyogacentre.co.in/latest-update/-10-/638?utm_source=facebookpage

01/05/2026

YCB - Ayush,
Yoga Protocol Instructor പരീക്ഷ പാസ്സായി അനിൽകുമാർ കൊച്ചിയിൽനിന്നും

01/05/2026

Benefits of meditation
,

01/05/2026

പരീക്ഷിച്ചു നോക്കിയാലോ 👇🏽

01/05/2026

❣️സുപ്രഭാതം❣️
👉🏼യോഗ ചിന്തകൾ👇🏼
സംസാരത്തിൽ നിയന്ത്രണമില്ലാത്തവർ ആഴ്ചയിൽ ഒരു ദിവസമെങ്കിലും മൗനവൃതം ആചാരിക്കുന്നത് നല്ലതാണ്. നമ്മുടെ മനസ്സിനെ നമ്മുടെ നിയന്ത്രണത്തിൽ നിർത്താനും, ഊർജ്ജം സംരക്ഷിക്കാനും ഈ പരിശീലനം നമ്മെ സഹായിക്കും. അമിതമായി സംസാരിക്കുമ്പോഴും കോപിക്കുമ്പോഴുമെല്ലാം നമ്മുടെ ഓരോ രോമകൂപത്തിലൂടെയും ഊർജ്ജം നഷ്ടമാകും. യോഗ ശീലമാക്കാം 🙏🏼
Patanjali College Of Yoga
📞9388038880, 9388803300

01/05/2026

30/04/2026

🥰

30/04/2026

സായാഹ്ന ചിന്താ......
#ബോധം....

അചിന്ത്യവും അവ്യക്തവും അനന്ത രൂപങ്ങൾ ഉള്ളതും എപ്പോഴും മംഗളകരമായതും ശാന്തവും അമൃതവും സൃഷ്ടികർത്താവിന്റെ ഉത്പത്തിസ്ഥാനമായതും ആദിയും മദ്ധ്യവും അന്ത്യവുമില്ലാത്തതും, സർവ്വവ്യാപിയായതും ചിദാനന്ദമായിരിക്കുന്നതും അരൂപവും അത്ഭുതകരമായതുമായ ഏകമാത്രമാണ് സത്യം, അതുതന്നെയാണ് ഈശ്വരനും.

അനന്തവും അനശ്വരവുമായ ബോധം തന്നെയാണ് ഓരോ വ്യക്തിയുടെയും ആത്മാവായിരിക്കുന്നത്. എല്ലാ രൂപങ്ങളും ഏതൊരു ആധാരത്തിൽ നിന്നാണോ ആവിർഭവിച്ചത്, ഏതിലാണോ നിലനിൽക്കുന്നത് ഏതൊന്നിലാണോ വിലയം പ്രാപിക്കുന്നത്, ആ ആധാരം തന്നെയാണത്. തിരകളും ഓളങ്ങളും കുമിളകളുമെല്ലാം എപ്രകാരമാണോ സമുദ്രത്തിൽ നിന്നും ഉണ്ടായി അവസാനം വിലയംപ്രാപിച്ച് സമുദ്രം തന്നെയായിത്തീരുന്നത്, അപ്രകാരം ജീവിതത്തിലും പരമ ബോധസത്തയെ ആശ്രയിച്ചാണ് ഭൂത ജന്യമായ ഉപാധികൾ ആവിർഭവിച്ച് പ്രപഞ്ച രൂപമായി മാറുന്നത്. ഈ അനന്തമായ സത്തയാണ് ധ്യാന വിഷയമായിരിക്കുന്നത്.

അത് നമ്മിൽത്തന്നെയുള്ള നമ്മുടെ സ്വരൂപമായിരിക്കുന്നതു കൊണ്ട്, ബുദ്ധിക്ക് തന്നെ വീര്യം പ്രധാനം ചെയ്യുന്ന ശക്തി യായിരിക്കുന്നതുകൊണ്ട്, ബുദ്ധിപരമായി മനസ്സിലാക്കാൻ കഴിയുന്ന ഒരു വിഷയമാകാൻ സാധ്യമല്ല. പരമമായ ആ സത്യം ഇന്ദ്രിയ വികാരവിചാരങ്ങൾക്ക് വിഷയവുമല്ല.

ഇന്ദ്രിയങ്ങൾക്ക് വിഷയം ആകണമെങ്കിൽ അത് ഇന്ദ്രിയങ്ങളാൽ ഗ്രഹിക്കപ്പെടുന്ന വ്യക്തതയുള്ളതായിരിക്കണം. അത് ഇന്ദ്രിയങ്ങളാൽ ഗ്രഹിക്കപ്പെടാത്ത വിഷയമായതുകൊണ്ട് അതിനെ അവ്യക്തം എന്നു പറയുന്നു. മറ്റുള്ള എല്ലാ വസ്തുക്കളെയും കാണുന്ന ദ്രഷ്ടാവാണ് അത്. സ്വാഭാവികമായും അത് അവ്യക്തം എന്ന വാക്കു കൊണ്ടാണ് സൂചിപ്പിക്കപ്പെടുന്നത്.

എന്നാൽ അതേസമയം അവ്യക്തമായിരുന്നാലും ഇവിടെ വ്യക്തമായി കാണപ്പെടുന്നതെല്ലാം അതിന്റെ തന്നെ പ്രകടിത ഭാവങ്ങളാണ്. തിരമാലകളെ കണ്ടുകൊണ്ടിരിക്കുമ്പോൾ സമുദ്രം ദൃശ്യമാവുന്നില്ല. ആഭരണങ്ങൾക്കിടയിൽ സ്വർണ്ണം ദൃശ്യമാകുന്നില്ല എന്നാൽ എല്ലാ ആഭരണങ്ങളും സ്വർണ്ണത്തിന്റെതന്നെ രൂപഭേദങ്ങളാണ്. എല്ലാ തിരമാലകളും സമുദ്രത്തിന്റെ പ്രകടിതഭാവങ്ങളാണ്. അതുപോലെ ആത്മതത്ത്വം തന്നെ ദൃശ്യവസ്തുക്കളായി പ്രകടമായിരിക്കുകയാണ്. ഈ നാനാത്വപ്രപഞ്ചത്തിലെ നാം കാണുന്ന പ്രകടമായ രൂപങ്ങൾ എല്ലാംതന്നെ ആ ബോധത്തിന്റെ തന്നെ പ്രകടിത ഭാവങ്ങളാണ്. അതിനെ നാം ധ്യാനത്തിലൂടെ അറിയേണ്ടതുണ്ട്.

College of Yoga
9388038880, 8891139811
www.keralayoga.org

30/04/2026

പാതഞ്ജല_യോഗപാഠം..19
#ചിത്തഭേദം....5
ഏക സമയേ ചോഭയാനവധാരണം
സൂത്രം 20 കൈവല്യ പാദം

ഒരേ സമയത്തിൽ രണ്ടു വിഷയങ്ങളെ അറിയാൻ ചിത്തത്തിനാവില്ല

ഒരു ബാഹ്യ പദാർത്ഥം ചിത്തത്തിൽ പ്രതിബിംബിക്കുമ്പോൾ ആ പ്രതിബിംബത്തോടു കൂടിത്തന്നെ ചിത്തത്തെയും അറിയാൻ പുരുഷന് കഴിയുന്നുണ്ട്. കാരണം പുരുഷൻ പരിണാമ മില്ലാത്തവനും ചൈതന്യ സ്വരൂപനുമാണ്. എന്നാൽ ചിത്തമങ്ങനെയല്ല പ്രതിബിംബിതമായിരിക്കുന്ന വസ്തുവിനെ ചിത്തത്തിൽ കാണുമ്പോൾ അതിനെ കാണാൻ കഴിയുകയില്ല. ഒരു സമയത്ത് ചിത്തത്തിന് ഒരു പദാർത്ഥത്തെ മാത്രമെ ബോധിക്കാൻ കഴിയുകയുള്ളൂ. കാരണം ചിത്തം പ്രകാശമില്ലാത്ത ഒരു ജഡ വസ്തുവാണ്. ചിത്തം അതിന്റെ പ്രകാശം കൊണ്ട് ഒന്നിനെയും അറിയുന്നില്ല, ഒന്നിനെയും കാണുന്നുമില്ല. ചിത്തം എപ്പോഴും ബാഹ്യ പദാർത്ഥങ്ങളുടെ പ്രതിബിംബത്തെ തന്റെ പ്രഭുവായ പുരുഷന്റെ മുമ്പിൽ അവതരിപ്പിക്കുകയാണ് ചെയ്യുന്നത്. പ്രതിബിംബ രൂപത്തിൽ തന്റെ മുമ്പിൽ അവതരിപ്പിക്കുന്ന വസ്തുവിനെ അറിയാനുള്ള ആഗ്രഹം പുരുഷന്റേതുമാണ്.

എല്ലാവർക്കും 🙏നമ്സതെ
വി.ബി. സജീവ്
ആരോഗ്യ ഭാരതി
സംഘനാ കാര്യ ദർശി
949 550 9700. For more info visit us at http://www.patanjaliyogacentre.co.in/latest-update/-19-/636?utm_source=facebookpage