15/11/2025
കേരളത്തിൽ ഓട്ടിസവും മറ്റ് ന്യുറോ ഡെവലപ്മെന്റൽ വ്യത്യാസങ്ങളും ഉള്ള കുട്ടികൾക്കായി/ മുതിർന്നവർക്കായി പ്രവർത്തിക്കുന്ന സ്പെഷ്യൽ സ്കൂളുകളും സ്ഥാപനങ്ങളും സമൂഹമാധ്യമങ്ങളിൽ നടത്തുന്ന പല പരസ്യങ്ങൾക്കൊപ്പം മുഖ്യധാരാ മാധ്യമങ്ങളിലെ ഓട്ടിസവുമായി ബന്ധപ്പെട്ട വാർത്തകളും ന്യൂറോ അഫൈമിംഗ് ആശയങ്ങളോട് പൊരുത്തപ്പെടുന്നവയല്ല.
ഇവയിൽ പലതും ഓട്ടിസത്തെ 'ബാധ', ‘പ്രശ്നം’, ‘തടസം’, ‘ചികിത്സയിലൂടെ സാധാരണപ്പെടുത്തേണ്ട അവസ്ഥ’ എന്ന രീതികളിലൊക്കെ ചിത്രീകരിക്കുകയോ, കുട്ടികളുടെ ദുഖം, meltdown, before–after visuals എന്നിവ ഉപയോഗിച്ച് sympathy marketing നടത്തുകയോ ചെയ്യുന്നതായി ശ്രദ്ധയിൽപ്പെടുന്നുണ്ട്
ഇത്തരം പ്രചരണങ്ങൾ RPwD Act-ലെ dignityയും privacy യുമെന്ന അവകാശങ്ങളെ ലംഘിക്കുകയും, സമൂഹത്തിൽ ഓട്ടിസത്തെക്കുറിച്ചുള്ള ഭയവും സ്റ്റിഗ്മയും കൂടുതൽ ശക്തിപ്പെടുത്തുകയും ചെയ്യുന്നു.
ന്യൂറോഡൈവേഴ്സിറ്റി ഒരു മനുഷ്യ വൈവിധ്യമാണ് എന്ന അടിസ്ഥാന ബോധ്യത്തെ മാറ്റി നിര്ത്തി, സ്ഥാപനങ്ങൾ തന്നെ ‘നായകന്മാർ’ ആയും കുട്ടികളെ ‘രക്ഷിക്കപ്പെടേണ്ടവരായി’ അവതരിപ്പിക്കുന്ന നരേറ്റിവുകൾ inclusion-നെയും self-advocacy-യെയും ദുർബലപ്പെടുത്തുന്നു.
അതിനാൽ, മലയാളത്തിൽ പ്രസിദ്ധീകരിക്കുന്ന മുഖ്യധാരാ മാധ്യമങ്ങൾക്കൊപ്പം കേരളത്തിലെ എല്ലാ പ്രത്യേക വിദ്യാഭ്യാസ/തെറപ്പി സ്ഥാപനങ്ങളും സമൂഹമാധ്യമങ്ങൾ ഉപയോഗിക്കുമ്പോൾ neurodiversity-affirming, rights-based, consent-driven, ethical communication മാനദണ്ഡങ്ങൾ അനിവാര്യമായി പിന്തുടരുന്നു എന്ന് ഉറപ്പു വരുത്തേണ്ടതും ഇപ്പോൾ രക്ഷിതാക്കളുടെ ചുമതലയായി മാറിയിരിക്കുന്നു.
“ബാധിച്ച” (affected by / suffering from) എന്ന പദം സാധാരണയായി രോഗങ്ങൾക്കോ ദോഷകരമായ സാഹചര്യങ്ങൾക്കോ ആണ് ഉപയോഗിക്കുന്നത്.
ഓട്ടിസം രോഗമല്ല, മറിച്ച് ന്യുറോളജിക്കൽ വ്യത്യസ്തത (neurodevelopmental divergence) എന്ന നിലയിലാണ് ന്യുറോഡൈവേഴ്സിറ്റി പ്രസ്ഥാനങ്ങൾ കാണുന്നത്.
അതിനാൽ “ഓട്ടിസം ബാധിച്ച” എന്ന് ഉപയോഗിക്കുമ്പോൾ:
ഓട്ടിസം ഒരു പ്രശ്നം അല്ലെങ്കിൽ ദുരിതമെന്ന് തോന്നിപ്പിക്കുന്നു;
വ്യക്തിയെ പ്രവർത്തനക്ഷമത കുറഞ്ഞയാളായി ചിത്രീകരിക്കുന്നു;
സാമൂഹിക കാഴ്ചപ്പാടിൽ അവരെ “തെറ്റായവർ” എന്ന് സൂചിപ്പിക്കാൻ ഇടയാക്കുന്നു.
ഇത് ന്യുറോഡൈവേഴ്സിറ്റിയുടെ അടിസ്ഥാന ചിന്തകൾക്ക് വിരുദ്ധമാണ്.
“ബാധിച്ചവർ”, സഹായം വേണ്ടവർ , ദുർബലർ, കരുണയ്ക്ക് അർഹരായവർ എന്ന രീതിയിൽ സമൂഹത്തിന്റെ കാഴ്ചപ്പാട് ഉറപ്പിക്കപ്പെടുകയും ഓട്ടിസം ദുഃഖകരമായ അവസ്ഥയാണെന്ന തരത്തിലുള്ള നാരേറ്റീവുകൾ ഉൽപ്പാദിപ്പിക്കപ്പെടുന്നത്, ന്യുറോഡൈവേഴ്സിറ്റി മുന്നേറ്റങ്ങൾ അടിസ്ഥാനമാക്കിയ അംഗീകരിക്കലിനെ, ആത്മാഭിമാനത്തെ, വ്യത്യസ്തതയുടെ മൂല്യങ്ങളെ ഒക്കെ ദുർബ്ബലപ്പെടുത്തുകയും ചെയ്യും.ഈ ഭാഷ ഉൾപ്പെടുത്തലിനെയും നയങ്ങളെയും സ്വാധീനിക്കും.
“ബാധിച്ച” എന്നത് മെഡിക്കൽ മോഡൽ (fix/cure) ആയും “ഓട്ടിസ്റ്റിക്” “ഓട്ടിസം ഉള്ള വ്യക്തി സോഷ്യൽ/ആക്സസ് മോഡൽ (support/accommodate) ആയും ആണ് പരിഗണിക്കുന്നത്. പരസ്യങ്ങളുടെയും മാധ്യമ വാർത്തകളുടെയും ഭാഷ മെഡിക്കൽ മോഡലിലേക്കാണ് സമൂഹ ശ്രദ്ധ കൊണ്ടുപോകുന്നത്, ഇത് സമകാലീന ന്യുറോഡൈവേഴ്സിറ്റി മുന്നേറ്റങ്ങൾക്ക് വിരുദ്ധമാണ്.
സോഷ്യൽ മീഡിയയും സംഘടനകളും ഉപയോഗിക്കുന്ന “ഓട്ടിസം ഉള്ള വ്യക്തികൾ, “ഓട്ടിസ്റ്റിക് വ്യക്തികൾ”, “ഓട്ടിസം സ്പെക്ട്രത്തിൽ പെടുന്നവർ”, “ന്യുറോഡൈവേർജന്റ് വ്യക്തികൾ” മുതലായ ഭാഷ പ്രയോഗങ്ങൾ, വ്യക്തിയെ ആദരിക്കുന്നതും വ്യത്യസ്തതയെ വിലമതിക്കുന്നതും
ന്യുറോഡൈവേഴ്സിറ്റി നിലപാടുമായി പൊരുത്തപ്പെടുന്നതുമാണ്.
അതിനാൽ, ഭാഷാമാറ്റം ഒരു ചെറിയ കാര്യമായി തോന്നിച്ചാലും, സമൂഹത്തിന്റെ ചിന്താഗതിയും ഉൾപ്പെടുത്തലും രൂപപ്പെടുത്തുന്നതിൽ അതി നിർണായകമാണ്.
©ശിവദാസ് കൃഷ്ണൻ
