17/10/2025
പ്രിയപ്പെട്ട അർജുന്റെ നിര്യാണത്തിൽ അഗാധമായ ദുഃഖം രേഖപ്പെടുത്തുന്നതിനൊപ്പം ചില കാര്യങ്ങൾ പങ്കുവെയ്ക്കുന്നു.
പ്രിയപ്പെട്ടവരേ,
നമുക്ക് ഒരു കുട്ടി കൂടി നഷ്ട്പ്പെട്ടിരിക്കുന്നു. അതും അവനെ ആരും കേൾക്കാ നുണ്ടായില്ല എന്ന ഒറ്റ കാരണം കൊണ്ടുമാത്രം. കാര്യം എന്തും ആകട്ടെ കുട്ടികൾ കുട്ടികളാണ്. അവരുടെ ശരീരം വളരുന്നത്ര പെട്ടെന്ന് മനസ് വളരില്ല. പ്രത്യേകിച്ച് ആൺകുട്ടികൾ താമസിച്ചാണ് പക്വത പെടുന്നത്. അപ്പോൾ സമൂഹത്തിനു കുട്ടികളോട് തീർച്ചയായും ഉത്തരവാദിത്വം ഉണ്ടാവണം. ടീൻ എജ് കുട്ടികൾക്കും അവരുടെ മാതാപിതാക്കൾക്കും നിർബന്ധം ആയും കുട്ടികളുടെ ശാരീരിക മാനസിക ആരോഗ്യത്തേക്കുറിച്ചുള്ള ക്ലാസുകൾ വർഷത്തിൽ രണ്ടുതവണ എങ്കിലും കൊടുക്കണം.
പ്രിയ മാതാ പിതാക്കളെ,
ആരെല്ലാം നിങ്ങളുടെ കുട്ടിയെ ഒറ്റപ്പെടുത്തിയാലും നിങ്ങൾ അവനോട് /അവളോട് ഒപ്പം ഉണ്ടാകണം. കുട്ടിയുടെ ഭാഗത്തു തെറ്റ് കണ്ടേക്കാം. പക്ഷേ ആവശ്യമായ സപ്പോർട്ട് കൊടുത്തുകൊണ്ട് തിരുത്തുകയാണ് വേണ്ടത്. ഒരിക്കലും അവരെ കേൾക്കാതെ ഇരിക്കരുത്. കാരണം അവരുടെ ബലം നിങ്ങൾ ആണ്.
പ്രിയ കുട്ടികളെ,
നിങ്ങൾ ഒരിക്കലും ഏകാകിയല്ലഎന്ന് അറിയുക. നിങ്ങൾക്ക് സപ്പോർട്ട് ആയി ചുറ്റും ധാരാളം ആൾക്കാർ ഉണ്ട്. പക്ഷെ നിങ്ങൾ തുറന്ന് പറയാനുള്ള ധൈര്യം കാണിക്കണം എന്ന് മാത്രം.
മാനസിക ആരോഗ്യം സംരക്ഷിക്കുന്ന വഴികളെ പറ്റി നിങ്ങൾ കൂടുതൽ അവഗതർ ആവേണ്ടതുണ്ട്. സ്കൂളുകളിൽ ലഭിക്കുന്ന കൗൺസിലറുടെ സേവനം പ്രയോജനപെടുത്തണം. അതുപോലെ തന്നെ കൗൺസിലർ മാസത്തിൽ ഒരിക്കൽ എങ്കിലും ഓരോ കുട്ടിയും ആയും സംസാരിക്കണം. അത് രേഖപ്പെടുത്തലുകളോടെ ആവണം. കുട്ടിയും ക്ലാസ്സ്ടീച്ചറും ആ രേഖയിൽ ഒപ്പ് വെയ്ക്കണം.
ഇന്നത്തെ അതിവേഗ ജീവിതത്തിൽ പലർക്കും പുറമേയുള്ള ചിരിയ്ക്ക് പിന്നിൽ മൗനമായി വേദനയും ആശങ്കയും ഒറ്റപ്പെടലും നിറഞ്ഞിരിക്കുന്നു. പലർക്കും അത് പറയാനാകുന്നില്ല — കാരണം നമ്മൾ പതിവായി കേൾക്കുന്നത് “ശക്തനാവണം”, “ഇത് കടന്ന് പോവും” എന്നതാണ്. പക്ഷേ യഥാർത്ഥ ശക്തി, സ്വന്തം മനസ്സിനെ കേൾക്കാനും, ആ വേദനയെ അംഗീകരിക്കാനും കഴിയുന്നതിലാണ്.
അതിനായി നമ്മൾ നമ്മുടെ വികാരങ്ങളെ മനസ്സിലാക്കുക. എന്നുപറഞ്ഞാൽ ഓരോ സമയത്തും നമുക്ക് അനുഭവപ്പെടുന്ന വികാരങ്ങൾ കൂടുതലും പ്രതികൂലമായവ ആണോ എന്ന് നമ്മൾ തിരിച്ച് അറിയണം. ഇത് നമ്മുടെ കുട്ടികളെയും പരിശീലിപ്പിക്കണം.. ഇടക്ക് നല്ല മോട്ടിവേഷൻ ക്ലാസ്സുകളിൽ പങ്കെടുക്കാം. ഒപ്പം കുട്ടികളെയും കൂട്ടുക.
മാനസിക ആരോഗ്യത്തിന്റെ അർത്ഥം എല്ലായ്പ്പോഴും സന്തോഷവാനായി ജീവിക്കുക എന്നല്ല. അത് നമ്മുടെ മനസ്സിൽ എന്ത് നടക്കുന്നു എന്ന് തിരിച്ചറിയുകയും, ആ വികാരങ്ങളെ കരുതലോടെ കൈകാര്യം ചെയ്യുകയും ചെയ്യുന്നതാണ്.
ദുഃഖമോ ആശങ്കയോ തോന്നുമ്പോൾ, അത് ദൗർബല്യത്തിന്റെ അടയാളമല്ല — നിങ്ങളുടെ മനസ്സ് വിശ്രമവും കരുതലും ആവശ്യമെന്ന് പറയുന്ന സന്ദേശമാണ്.പ്രശ്നങ്ങൾ ഉണ്ടാവുമ്പോൾ പെട്ടെന്ന് ഒരു തീരുമാനം എടുക്കരുത്. വിദഗ്ധരുടെ ഉപദേശം തേടാനും മടിക്കരുത്.
വലിയ വിഷമങ്ങൾ ഉണ്ടാവുമ്പോൾ പെട്ടെന്ന് ആഴത്തിൽ ശ്വസിക്കുക, കുറച്ച് നിമിഷങ്ങൾ ശാന്തമായി ഇരിക്കുക, പിന്നെ പുറത്തിറങ്ങി നടക്കുക, കുറിപ്പെഴുതുക — ഇങ്ങനെ ചെറുതായെങ്കിലും ആശ്വാസ നിമിഷങ്ങൾ സൃഷ്ടിക്കുക. ഇത്തരം നിമിഷങ്ങൾ മനസ്സിനെ സാന്ത്വനപ്പെടുത്തും.
സഹായം തേടാനുള്ള ധൈര്യം പരിശീലിക്കുക എന്നത് വളരെ പ്രധാനം ആണ്. നമ്മളിൽ പലരും എല്ലാ പ്രശ്നങ്ങളും സ്വയം നേരിടാൻ ശ്രമിക്കുന്നു. എന്നാൽ ഒരു വിശ്വസനീയ വ്യക്തിയോട് സംസാരിക്കുക, ഒരു കൗൺസിലറുമായി ബന്ധപ്പെടുക — ഇതെല്ലാം പ്രശ്നത്തിന്റെ തീവ്രത കുറയ്ക്കാനുള്ള വലിയ ചുവടുകളാണ്.
നിങ്ങളെ ആരും മനസ്സിലാക്കുന്നില്ലെന്ന് തോന്നുമ്പോൾ പോലും, ഓർമ്മിക്കുക: ഒരാൾ എങ്കിലും നിങ്ങളെ കേൾക്കാനും മനസ്സിലാക്കാനും ഉണ്ടാവും.
അനുഭവസമ്പന്നരായ കൗൺസിലർമാരും, സഹായഹസ്തം നീട്ടുന്ന സംഘടനകളും നിങ്ങൾക്കൊപ്പം ഉണ്ട്.
സഹായം ചോദിക്കുക ദൗർബല്യം അല്ല — അത് ധൈര്യത്തിന്റെ അടയാളമാണ്. നിങ്ങൾക്ക് ഒരു പ്രശ്നം ഉണ്ടാവുമ്പോൾ മുതിർന്നവർ നിങ്ങളെ കേൾക്കുന്നില്ല എങ്കിൽ ഒപ്പമുള്ള കൂട്ടുകാരുടെ സഹായം ആദ്യം തേടുക. തുടർന്ന് അധികാരികളെ യും മറ്റു വേണ്ടപ്പെട്ടവരെയും സമീപിക്കുക
പ്രിയ കൂട്ടുകാരെ മറ്റുള്ളവർക്കായി കരുതൽ നിങ്ങളിൽ എപ്പോഴും ഉണ്ടാവണം
നമ്മൾക്ക് സഹായംആവശ്യമുള്ളതുപോലെ മറ്റുള്ളവർക്കും അത് ആവശ്യമുണ്ട്. ഒരാൾക്ക് ഒരു ചെറു സന്ദേശം, ഒരു പ്രോത്സാഹന വാക്ക്, അല്ലെങ്കിൽ കേൾക്കുന്ന ഒരാൾ മാത്രം മതിയാകും.
ആർക്കെങ്കിലും വിഷമമാണെന്ന് തോന്നിയാൽ അവരോട് സൗമ്യമായി സമീപിക്കുക. ശരിയായ വാക്കുകൾ വേണ്ട — മനസ്സിന്റെ ചൂടാണ് ഏറ്റവും വലിയ മരുന്ന്. നിങ്ങളുടെ കൂട്ടുകാർക്ക് ഈ ചൂട് ആവശ്യം ഉണ്ട് എന്ന് തോന്നിയാൽ തീർച്ചയായും അതിന് മടിക്കല്ലേ. നഷ്ടം വന്നതിനു ശേഷമുള്ള കുറ്റപ്പെടുത്തലുകൾ അല്ല നമുക്ക് ആവശ്യം. മറിച്ചു നഷ്ടപ്പെടാതെ ഉള്ള ചേർത്തു നിർത്തലാണ്.
മാനസികാരോഗ്യത്തെക്കുറിച്ച് സംസാരിക്കുന്നത് സാധാരണമായ ഒരു ലോകം നമുക്ക് ഉണ്ടാക്കാം — ഇവിടെ ആരും നിശബ്ദമായി വേദനിക്കേണ്ടതില്ല.
പ്രിയ കുട്ടികളെ
പ്രതീക്ഷയുടെ സന്ദേശം എപ്പോഴും നിങ്ങളെ കാത്തിരിക്കുന്നുണ്ട്.
ചിലപ്പോൾ എല്ലാം ഇരുണ്ടതുപോലെ തോന്നാമെങ്കിലും, ചികിത്സയും മാറ്റവും സാധ്യമാണ്.ദുഃഖം ശാശ്വതമായ ഒന്നല്ല. വീണ്ടും ചിരിയുടെയുംസമാധാനത്തിന്റെയും പ്രകാശത്തിന്റെയും നിമിഷങ്ങൾ വരും.
ഒരേ സമയം ഒരു ചെറിയ ചുവടുവെയ്ക്കുക. സഹായം തേടുക. സംസാരിക്കുക. വിശ്രമിക്കുക. വീണ്ടും തുടങ്ങുക.
നിങ്ങളുടെ കഥ ഇതുവരെ അവസാനിച്ചിട്ടില്ല. — അത് ഇപ്പോഴും മുന്നോട്ട് പോകുന്നു, അതിനൊരു അർത്ഥമുണ്ട്. കാരണം ആത്മഹത്യാ ആണ് എല്ലാറ്റിനും പരിഹാരം എന്ന് ഇനിയും ഇതുപോലെ എത്ര കൂട്ടുകാർ ചിന്തിക്കും എന്ന് പറയാൻ ആവില്ലല്ലോ.
പ്രിയ കുട്ടികളെ നിങ്ങൾ ഞങ്ങൾക്ക് വേണ്ടപ്പെട്ടവർ ആണ്. നിങ്ങൾ മിടുക്കർ ആണ്. . നിങ്ങളെ ഞങ്ങൾ വിലമതിക്കുന്നുണ്ട്. നിങ്ങൾ അടുത്ത തലമുറ വാർത്തെടുക്കേണ്ടവർ ആണ്. ജീവന് വിലയുണ്ട് എന്ന കാര്യം ഒരിക്കലും മറക്കല്ലേ മക്കളേ!
മറ്റെല്ലാ കാര്യങ്ങൾക്കുമപ്പുറം — നിങ്ങൾ ഒരിക്കലും ഏകാകിയല്ല
ഈ ലേഖനം ഒരുപാട് പേരുടെ മനസ്സിലേക്കുള്ള സ്നേഹ സന്ദേശമാണ് — പ്രതിസന്ധികൾക്കിടയിലും സഹായം തേടുന്നത് ലജ്ജയല്ല, ശക്തിയാണ്.
ജീവിതം ചിലപ്പോൾ കടുപ്പമായിരിക്കും, പക്ഷേ നമ്മൾ കൈകോർത്താൽ തന്നെ സാന്ത്വനവും പ്രതീക്ഷയും തിരിച്ചുകിട്ടും.
---
മാനസികാരോഗ്യ സഹായ ഹെൽപ്ലൈൻ (ഇന്ത്യ)
നിങ്ങളോ നിങ്ങൾ അറിയുന്ന ആരെങ്കിലും വിഷമത്തിലാണെങ്കിൽ, താഴെപ്പറയുന്ന വിശ്വസനീയ സംഘടനകളിൽവിളിക്കാം
iCall (TISS):
+91- 9152987821 (തിങ്കൾ–ശനി, രാവിലെ 10 മുതൽ രാത്രി 8 വരെ) — icallhelpline.org
Snehi: +91-9582208181 (24x7) — www.snehi.org
Vandrevala Foundation Helpline: 1860 2662 345 / 9999 666 555 — www.vandrevalafoundation.com
NIMHANS Helpline: 080-46110007 (24x7 മാനസികാരോഗ്യ പിന്തുണ)
Mindglow foudation Trippunithura Eranakulam
Phone 8289984221
