Devamrutham Ayurvedic Clinic & Pharmacy

09/05/2021

Good morning 🌄🌄. Can you identify this one??

14/04/2021

31/12/2020

Wishing You A Happy New Year❤️

24/12/2020

🎄🎄🎄🎅🏻🎅🏻🎅🏻💤💤🎅🏻🎅🏻🎅🏻🎄🎄🎄

14/12/2020

Good morning 🌞

14/12/2020

Good morning 🌄

10/12/2020

Good morning

09/11/2020

😊😊😊

08/11/2020

❤️❤️❤️❤️

01/11/2020

🥰🥰🥰

31/10/2020

🙏🙏🙏

30/10/2020

ഔഷധങ്ങളെ തേടുന്നതിനു മുമ്പു തന്നെ സ്വയം പാലിക്കാവുന്ന - അറിഞ്ഞിരിക്കേണ്ട - ഭാരതത്തിലെ ചില പഴയ ചൊല്ലുകൾ

*അജീർണ്ണേ ഭോജനം വിഷം*
(പ്രാതൽ ദഹിയ്ക്കുംമുമ്പ് കഴിച്ച ഉച്ചയൂണും, ഉച്ചയൂണു ദഹിയ്ക്കുംമുമ്പ് കഴിച്ച അത്താഴവും വിഷമാണ്.)

*അർദ്ധരോഗഹരീ നിദ്രാ*
(പാതി രോഗം ഉറങ്ങിയാൽ തീരും)

*മുദ്ഗദാളീ ഗദവ്യാളീ*
(ചെറുപയർ രോഗം വരാതെ കാക്കും. മറ്റു പയറുകളുടെ ദോഷം ചെറുപയറിനില്ല.)

*ഭഗ്നാസ്ഥിസന്ധാനകരോ രസോനഃ*
(വെളുത്തുള്ളി ഒടിഞ്ഞ എല്ലിനെ കൂട്ടിച്ചേർക്കും)

*അതി സർവ്വത്ര വർജ്ജയേൽ*
(ഒന്നും അമിതമായി കഴിയ്ക്കരുത്, ചെയ്യരുത്, ഉപയോഗിയ്ക്കരുത്)

*നാസ്തി മൂലം അനൗഷധം*
(ഔഷധഗുണം ഇല്ലാത്ത ഒരു സസ്യവും ഇല്ല)

*ന വൈദ്യ: പ്രഭുരായുഷ:*
(വൈദ്യൻ ആയുസ്സിന്റെ നാഥനല്ല)

*ചിന്താ വ്യാധിപ്രകാശായ*
(മനസ്സുപുണ്ണാക്കിയാൽ ശമിച്ച രോഗം പുറത്തുവരും)

*വ്യായാമശ്ച ശനൈഃ ശനൈഃ*
(വ്യായാമം പതുക്കെ വർദ്ധിപ്പിയ്ക്കണം. പതുക്കെ ചെയ്യണം -- അമിതവേഗം പാടില്ല.)

*അജവത് ചർവ്വണം കുര്യാത്*
(ആഹാരം നല്ലവണ്ണം -- ആടിനെപ്പോലെ -- ചവയ്ക്കണം. ഉമിനീരാണ്, ആദ്യത്തെ ദഹനപ്രക്രിയ)

*സ്നാനം നാമ മനഃപ്രസാദനകരം ദുസ്സ്വപ്നവിദ്ധ്വംസനം*
(കുളി വിഷാദം മാറ്റും, പേക്കിനാക്കളെ പറപറത്തും)

*ന സ്നാനം ആചരേത് ഭുക്ത്വാ*
(ഊണുകഴിഞ്ഞയുടനെ കുളി പാടില്ല. ദഹനം സ്തംഭിയ്ക്കും)

*നാസ്തി മേഘസമം തോയം*
(മഴവെള്ളം പോലെ ശുദ്ധമായ വേറെ വെള്ളം ഇല്ല.)

*അജീർണ്ണേ ഭേഷജം വാരി*
(തെറ്റിയ ദഹനത്തെ പച്ചവെള്ളം ശരിയാക്കും.)

*സർവ്വത്ര നൂതനം ശസ്തം സേവകാന്നേ പുരാതനം*
(എല്ലാറ്റിലും പുതിയതാണ് നല്ലത്, പഴയരിയിലും പഴകിയ വേലക്കാരനിലും ഒഴികെ_)

*നിത്യം സർവ്വ രസാഭ്യാസ:*
(ദിവസവും ആറ് രസവും ചേർന്ന ഭക്ഷണം കഴിക്കണം -- ഉപ്പ്, കയ്പ്പ്, ഇനിപ്പ്, ചവർപ്പ്, പുളിപ്പ്, കഷായം)

*ജഠരം പൂരയേദർദ്ധം അന്നൈ:*
(ആഹാരം കൊണ്ട് വയറിന്റെ പാതിമാത്രം നിറയ്ക്കുക -- ബാക്കിയിൽ കാൽഭാഗം വെള്ളം, ബാക്കി ശൂന്യം )

*ഭുക്ത്വോപവിശതസ്തന്ദ്രാ*
(ഉണ്ടിട്ട് ഇരുന്നാൽ ക്ഷീണം വരും -- ഉണ്ടാൽ അരക്കാതം നടക്കുക )

*ക്ഷുത് സ്വാദുതാം ജനയതി*
(വിശപ്പ് രുചി വർദ്ധിപ്പിക്കും - Hunger is the best sauce.)

*ചിന്താ ജരാണാം മനുഷ്യാണാം*
(മനസ്സു പുണ്ണാക്കുന്നത് ജരയെ ത്വരിപ്പിയ്ക്കും -- Worrying ages men and women.)

*ശതം വിഹായ ഭോക്തവ്യം*
(നൂറു കാര്യം നിർത്തണമെങ്കിലും ഊണ് സമയത്തു കഴിയ്ക്കണം. )

*സർവ്വധർമ്മേഷു മദ്ധ്യമാം*
(എല്ലാറ്റിലും ഇടയ്ക്കുള്ള വഴിയേ പോകുക -- Via media is the best)

*നിശാന്തേ ച പിബേത് വാരി:*
(ഉണർന്നാലുടൻ ഒരു വലിയ അളവ് പച്ചവെള്ളം കുടിയ്ക്കണം. മലബന്ധം ഒഴിയും, ശരീരത്തിലെ toxins കഴുകിക്കളയും)

*വൈദ്യാനാം ഹിതഭുക് മിതഭുക് രിപു:*
(ഹിതാഹാരം മിതമായിക്കഴിയ്ക്കുന്നവൻ വൈദ്യന്റെ ശത്രു -- കാരണം, അവനു രോഗം വരില്ല. രോഗമില്ലാതെ വൈദ്യനെന്തു വരുമാനം ?)

*ശക്യതേऽപ്യന്നമാത്രേണ നര: കർത്തും നിരാമയ:*
(ആഹാരം മാത്രം ക്രമീകരിച്ചു രോഗങ്ങളില്ലാതെയാക്കാം.)

*ആരോഗ്യം ഭാസ്കരാദിച്ഛേത് ദാരിദ്ര്യം പരമൗഷധം*
(ദാരിദ്ര്യത്തിൽ പല രോഗങ്ങളും മാറും. അതായത്, അമിതഭക്ഷണത്തിൽ നിന്നും വ്യായാമക്കുറവിൽനിന്നും അമിത സുഖഭോഗത്തിൽ നിന്നുമാണ്, രോഗങ്ങൾ ജനിയ്ക്കുന്നത്)

*ആഹാരോ മഹാഭൈഷജ്യമുച്യതേ*
(ആഹാരമാണ് മഹാമരുന്ന്)

*രുഗബ്‌ധിതരണേ ഹേതും തരണീം ശരണീകുരുസുഹൃർദ്ദർശനമൗഷധം*
(ഇഷ്ടസ്നേഹിതരെക്കണ്ടാൽ രോഗത്തിന്/ ദുഖത്തിന് ആശ്വാസം വരും. Healing power of love and friendship)

*ജ്വരനാശായ ലംഘനം*
(പനിയുണ്ടെങ്കിൽ ഉണ്ണരുത് )

*പിബ തക്രമഹോ നൃപ രോഗഹരം*
(ഹേ, രാജാവേ, മോരു കുടിയ്ക്കൂ -- രോഗം മാറും. പാലിലും വെണ്ണയിലും മറ്റുമുള്ള കൊഴുപ്പു മോരിലില്ല, അവയിലെ മറ്റെല്ലാ ഗുണങ്ങളും ഉണ്ടുതാനും.)

*ന ശ്രാന്തോ ഭോജനം കുര്യാത്*
(തളർന്നിരിയ്ക്കുമ്പോൾ ഉണ്ണരുത്.)

*ഭുക്ത്വോപവിശത: സ്ഥൗല്യം*
(ഉണ്ടിട്ടു നടന്നില്ലെങ്കിൽ തടിയ്ക്കും)

*ദിവാസ്വാപം ന കുര്യാതു*
(പകലുറങ്ങരുത് -- കാരണം, മേദസ്സു കൂടും, രാത്രിയിലെ ഉറക്കം തടസ്സപ്പെടും,)

*ലാഭാനാം ശ്രേഷ്ഠമാരോഗ്യം*
(ഏറ്റവും മുന്തിയ നേട്ടം -- ആരോഗ്യം. അതിനുവേണ്ടി മറ്റെല്ലാം കൈവെടിയണം)

*സർവ്വമേവ പരിത്യജ്യ ശരീരം അനുപാലയേത്*
(മറ്റെല്ലാം കൈവിട്ടാണെങ്കിലും ദേഹം കാത്തുരക്ഷിയ്ക്കണം)

*പ്രാണായാമേന യുക്തേന സർവ്വരോഗക്ഷയോ ഭവേൽ*
(ശ്വാസോച്ഛ്വാസം പ്രാണായാമരീതിയിൽ ചെയ്‌യുന്നവനെ രോഗം ബാധിയ്ക്കില്ല.)

*വിനാ ഗോരസം കോ രസം ഭോജനാനാം?*
(അൽപ്പം തൈരോ മോരോ ഇല്ലാത്ത ഊണ് ഊണാണോ ?)

*ആരോഗ്യം ഭോജനാധീനം*
(ആരോഗ്യം വേണമെങ്കിൽ എന്ത്, എങ്ങിനെ ആഹരിയ്ക്കുന്നു ശ്രദ്ധിയ്ക്

*മിതഭോജനേ സ്വാസ്ഥ്യം*
(ആരോഗ്യത്തിന്റെ അടിസ്ഥാനം അളവു മിതമായ ആഹാരത്തിലാണ്.)

*സർവ്വരോഗഹരീ ക്ഷുധാ*
(ഉപവാസം കൊണ്ട് അനവധി രോഗങ്ങൾ മാറ്റാം. ശരീരത്തിന് സ്വന്തം രോഗനാശന ശക്തിയുണ്ട്. അത് ഉപവസിയ്ക്കുമ്പോൾ ഉണർന്നു പ്രവർത്തിയ്ക്കും.) 🙏🙏

29/10/2020

Good Morning ❤️Morning Glory 🥰

28/10/2020

രോഗ കാരണങ്ങളെ വേണ്ടത്ര സൂക്ഷ്മമായി, പരിഗണിക്കാതെ,
ഒരാളിലെ രോഗ ലക്ഷണങ്ങളെ,
താത്കാലികമായി
മരുന്നു കൊണ്ട് അടക്കി നിർത്തുന്ന, ചികിത്സാ പദ്ധതികളോളം അശാസ്ത്രീയമായി മറ്റൊന്നില്ല..!

തുമ്മിയാലും ചൊറിഞ്ഞു തടിച്ചാലും, Cetrizine ഓ Monteleucas Sodium ഓ ഒക്കെ, കഴിച്ച് താത്കാലിക സമാധാനം തേടുന്ന ഒരു വലിയ സമൂഹം,
ഒരർത്ഥത്തിൽ ഇത്തരമൊരു അശാസ്ത്രീയതയുടെ ഇര തന്നെയല്ലേ..!

പറയാതിരിക്കാനാവില്ല..!
കഴിഞ്ഞ കാലങ്ങളിൽ, ഉണ്ടായ പല അനുഭവങ്ങളും
മനസിലാക്കിത്തന്നത് ഇക്കാര്യം തന്നെയാണ്..

മാസങ്ങൾക്ക് മുമ്പ്,
ചികിത്സ തേടി വന്ന പതിനേഴുകാരി,
നിരഞ്ജന യേയും അമ്മയേയും ആണ് ഓർമ്മ വരുന്നത്..!

" അവൾക്ക് ചില സമയങ്ങളിൽ, ദേഹം മുഴുവൻ ചൊറിഞ്ഞു തടിക്കും..
ചിലപ്പോൾ പ്രത്യേകമായിട്ട് ഒരു കാര്യോം ഉണ്ടാവില്ല..
തുടങ്ങിക്കഴിഞ്ഞാൽ പിന്നെ മുഖമൊക്കെ വീങ്ങി, കണ്ണ് ഇടുങ്ങി വല്ലാത്തൊരു അവസ്ഥയിലാകും.."

നിരഞ്ജനയെ കുറിച്ച്, അമ്മ പറഞ്ഞവസാനിപ്പിക്കുമ്പോൾ, തലേ ദിവസം ഉണ്ടായ allergic episode കൊണ്ടുള്ള പ്രശ്നങ്ങൾ അവളിൽ മാഞ്ഞ് തുടങ്ങിയിരുന്നില്ല..

ദേഹം മുഴുവൻ വട്ടത്തിണർപ്പുകളേറ്റ്, ഇടുങ്ങിയ കണ്ണുകളിൽ നിസ്സഹായത ഒളിപ്പിച്ച് അവൾ മുന്നിലിരുന്നു..

കഴിഞ്ഞ ഒരു വർഷമായി, അവൾക്ക് അലർജി പ്രശ്നങ്ങൾ ഉണ്ട്..

chronic urticaria എന്ന് വൈദ്യ ഭാഷയിൽ വിളിക്കുന്ന പഴകിയ അലർജി രോഗമായിരുന്നു
അവൾക്ക് ഉണ്ടായിരുന്നത്..!

അതിലേറെ അമ്പരിപ്പിച്ചത്,
ഒരു വർഷത്തോളമായി വലിയ ഇടവേളകളൊന്നും ഇല്ലാതെ, അവൾ കഴിച്ചു തീർത്ത മരുന്നുകളാണ്..!

അലർജി സമം cetrizine എന്ന സമ വാക്യത്തിലേക്ക്, അവൾ എന്നേ മാറിക്കഴിഞ്ഞിരുന്നു..

മാറാതെ തരമുണ്ടായതുമില്ല..

Cetrizine കഴിക്കാത്ത ദിവസങ്ങളിൽ, അവളുടെ ത്വഗ്, അത്രയധികം ചുവന്നു തടിച്ചിരുന്നു..!

നിരന്തരമായ തടിപ്പുകളും വീക്കവും, നിരഞ്ജനയെ വല്ലാത്തൊരു നിരാശയിലേക്കാണ് തള്ളി വിട്ടത്..

" ഇനിയീ രോഗം മാറുമോ.."

അവളുടെ ചോദ്യത്തിൽ,
കലർന്നതത്രയും വിഷാദമാണ്..!

രോഗ കാരണങ്ങളെ കുറിച്ച് അന്വേഷിച്ചു..

രാവിലെ നേരത്തെ തുടങ്ങുന്ന ക്ലാസിൽ എത്താൻ, വൈകാതിരിക്കാൻ,
നേരത്തെയുള്ള ഭക്ഷണം,
അവൾ പതിവായി തന്നെ ഒഴിവാക്കിയിരുന്നു..

പന്ത്രണ്ട് മണിക്കുള്ള Lunch break നാണ്, നിരത്ത്ജനയുടെ break fast..!

വൈകീട്ട് 4 മണിക്ക് വീട്ടിലെത്തുമ്പോൾ ഉച്ച ഭക്ഷണം..
രാത്രി പത്തരക്ക് അത്താഴം..!

കുറിച്ചു കൊടുത്ത രക്ത പരിശോധനാ ഫലങ്ങളുമായി അവളും അമ്മയും അടുത്ത ആഴ്ച്ച വീണ്ടും വന്നു..

കരുതിയതു പോലെ,
Liver function test ൽ SGOT യും SGPT യും ചെറുതായി ഉയർന്നിരുന്നു..
ഭക്ഷണ വ്യതിയാനങ്ങൾ കരളിൽ ഉണ്ടാക്കിയ Faty liver മാറ്റങ്ങൾ, സ്കാനിലും പ്രകടമായിരുന്നു..

അതിനിടെ,
ഭക്ഷണത്തെ കുറിച്ച് കൂടുതൽ അന്വേഷിച്ചപ്പോഴാണ്,
അമ്മയുടെ വെളിപ്പെടുത്തൽ ഉണ്ടായത്..

" അവൾ എന്നും രാത്രി തൈര് കഴിക്കും..
നല്ല ഇഷ്ടമാണ്...
തൈര് തണുപ്പാണല്ലോ.."

രോഗത്തിലേക്കു നയിച്ച വിവിധങ്ങളായ കാരണങ്ങൾ അതോടെ തെളിഞ്ഞു തെളിഞ്ഞു വരികയായിരുന്നു..!

തൈര് സത്യത്തിൽ ഉഷ്ണ വീര്യമാണ്..

പതിവായി ഉപയോഗിക്കാൻ ആയുർവേദം നിർദ്ദേശിക്കാത്ത diary product ആണ് തൈര് അഥവാ ദധി..
പ്രത്യേകിച്ച് രാത്രി കാലങ്ങളിൽ..!

അകാലത്ത് ആഹാരം കഴിച്ച്, കരളിന് ഉണ്ടായ ഗുണ ക്ഷയവും കൊഴുപ്പുള്ള തൈരിൻ്റെ അതി സേവ കൊണ്ടുള്ള പിത്ത രക്ത ദുഷ്ടിയും
ആയിരുന്നു, രോഗ കാരണം..

തൈരിലെ കൊഴുപ്പിനെ
വേണ്ട വിധം, ദഹിപ്പിക്കാനാവാത്തത്,
ക്രമേണ allergic Manifestation നിലേക്ക് നയിക്കുകയായിരുന്നു..!

തൈര് നിർത്തുകയും
ആഹാരം കൃത്യമാക്കുകയും ചെയ്ത്, ആയുർവേദ
മരുന്നുകൾ കൂടി കഴിച്ചു തുടങ്ങിയതോടെ,
രോഗം പതിയെ ഭേദമായിത്തുടങ്ങി..!

ആയുർവേദത്തിൽ ഇതിനെ, ശീത പിത്തം എന്ന രോഗാവസ്ഥയാണ് പരിഗണിക്കുന്നത്..

താമസിയാതെ നിരഞ്ഞ്ജന cetrizine പൂർണ്ണമായും നിർത്തി..!

ഇടക്ക് ചില allergic episode കൾ ഉണ്ടായി എങ്കിലും, മുഖത്തിൻ്റെയും കണ്ണിൻ്റെയും വീക്കമായൊന്നും അത് മൂർഛിച്ചില്ല...

ഇപ്പോൾ നിരഞ്ഞ്ജന
പൂർണ്ണമായും രോഗമുക്തയാണ് എന്നു പറയാം..

ഒരു episode കളും ഇല്ലാതെ അവൾ മാസങ്ങൾ പിന്നിട്ടു കഴിഞ്ഞിരിക്കുന്നു..!

രോഗ ലക്ഷണങ്ങളെ,
മരുന്ന് കൊണ്ട്,താത്കാലികമായി തടഞ്ഞു നിർത്തുന്ന ചികിത്സയെ അശുദ്ധ ചികിത്സ എന്നും,
രോഗകാരണങ്ങളെ ഒഴിവാക്കിക്കൊണ്ട്,
ദോഷ ശോധനം വരുത്തുന്ന ചികിത്സയെ ശുദ്ധ ചികിത്സ എന്നുമാണ് ആയുർവേദം വിളിക്കുന്നത്..

ഇതിൽ, Symptomatic relief മാത്രം തരുന്ന, ആദ്യം പറഞ്ഞ ചികിത്സയാണോ, രോഗ മുക്തി തരുന്ന, രണ്ടാമത് പറഞ്ഞ ചികിത്സയാണോ
കൂടുതൽ ശാസ്ത്രീയം എന്നത്, എളുപ്പത്തിൽ ആർക്കും അറിയാവുന്നതേ ഉള്ളൂ..

ആയുർവേദത്തിൻ്റെ
രോഗ സമീപനങ്ങൾ,
ആ അർത്ഥത്തിൽ അത്രയും ശാസ്ത്രീയവും സമഗ്രവുമാണ്...

രോഗ മുക്തിക്ക് ആയുർവേദം അനിവാര്യമാണ്..

❤❤❤

Dr. Shabu

25/10/2020

Making Dantapala Tailam👍