Jeeva Mudra Yoga Training & Therapy Centre

18/04/2026

யாராவது உங்களைத் திட்டினால் உடனே கோபம் வருகிறதா? அப்படியானால் உங்கள் மனம் இன்னும் உங்கள் கட்டுப்பாட்டில் இல்லை!

🌟 மன சுதந்திரம் — உண்மையான விடுதலை 🌟

🧘‍♂️ "மன சுதந்திரம் என்பது எதிர்வினை ஆற்றாமல் இருக்கும் தேர்வே ஆகும்!"
நண்பர்களே... இந்த வார்த்தைகளை ஒரு முறை மனதில் ஆழமாக யோசியுங்கள்! 🙏

🔵 நாம் யார்?
நம்மில் பலர் நினைக்கிறோம்... ➡️ பிறர் நம்மை பற்றி என்ன சொல்கிறார்களோ — அதுவே நாம்! ➡️ நம் மனம் இப்போது என்ன உணர்கிறதோ — அதுவே நாம்!
ஆனால் உண்மை என்னவென்றால்...
✅ நாம் அனைத்தையும் கவனிக்கும் விழிப்புணர்வு! ✅ நாம் உணர்வுகளை பார்க்கும் சாட்சி! ✅ நாம் எண்ணங்களில் மூழ்காமல் அவற்றை வேடிக்கை பார்க்கும் ஆன்மா!

🔵 எதிர்வினை vs பதில்வினை — என்ன வித்தியாசம்?
😡 எதிர்வினை (Reaction): யாராவது கோபமாக பேசினால்... உடனே நாமும் கோபப்படுகிறோம்! யாராவது விமர்சித்தால்... உடனே நாமும் வலிக்கிறோம், சோர்கிறோம்!
இது என்ன காட்டுகிறது? 👉 நம் மனம் இன்னும் அடிமையாக உள்ளது! 👉 வெளியிலிருந்து வரும் தூண்டுதல்களுக்கு நாம் கட்டுப்பட்டிருக்கிறோம்!

😌 பதில்வினை (Response): யாராவது கோபமாக பேசினால்... ஒரு நிமிடம் நிறுத்துகிறோம்! மூச்சை உள்ளே இழுக்கிறோம்! "இது என்னை பற்றியது அல்ல" என்று புரிந்துகொள்கிறோம்! அமைதியாக பதில் சொல்கிறோம்!
இது என்ன காட்டுகிறது? 👉 நம் மனம் சுதந்திரமாக உள்ளது! 👉 நாம் சூழ்நிலைகளை நாமே கட்டுப்படுத்துகிறோம்!

🔵 பிறர் சொல்வது நம்மை வரையறுக்க முடியாது!
உலகில் எத்தனையோ பேர்... 🗣️ உன்னை தவறானவன் என்பார்கள்! 🗣️ உன்னால் முடியாது என்பார்கள்! 🗣️ உன்னை கீழே தள்ள பார்ப்பார்கள்!
ஆனால் நினைவில் வையுங்கள்...
💡 பிறரின் வார்த்தைகள் — அவர்களின் உலகின் பிரதிபலிப்பு! 💡 அது உன் உண்மையான மதிப்பை தீர்மானிக்காது! 💡 நீ யார் என்பதை உன் செயல்கள் மட்டுமே நிரூபிக்கும்!

🔵 தற்காலிக உணர்வுகள் நம்மை ஆளக்கூடாது!
சில நேரங்களில்... 😢 மிகவும் சோர்வாக இருக்கும்! 😤 மிகவும் கோபமாக இருக்கும்! 😰 மிகவும் பயமாக இருக்கும்!
இந்த உணர்வுகள் தற்காலிகமானவை!
🌊 அலைகள் போல் வரும் — போகும்! ☁️ மேகங்கள் போல் மாறும்!
ஆனால் நீ... 🌊 அலைகளுக்கு அடியிலுள்ள ஆழமான கடல்! ☁️ மேகங்களுக்கு அப்பாலுள்ள நிரந்தர வானம்!

🔵 சுதந்திரமான மனதின் அடையாளங்கள்:
✅ யாரையும் பழிவாங்க வேண்டும் என்ற எண்ணம் இல்லை! ✅ யாரின் அங்கீகாரமும் தேவையில்லை! ✅ எந்த சூழ்நிலையிலும் அமைதி கலையாது! ✅ தோல்வியிலும் நம்பிக்கை இழக்காது! ✅ வெற்றியிலும் அகந்தை வராது! ✅ பிறரின் விமர்சனத்தில் சிதறாது!

🔵 மன சுதந்திரம் பெற என்ன செய்யலாம்?
1️⃣ தினமும் தியானம் செய்யுங்கள் — 10 நிமிடம் போதும்! 2️⃣ மூச்சுப் பயிற்சி செய்யுங்கள் — கோபம் வரும்போது 5 முறை ஆழமாக மூச்சு விடுங்கள்! 3️⃣ எதிர்வினை ஆற்றுவதற்கு முன் நிறுத்துங்கள் — 5 வினாடி இடைவெளி கொடுங்கள்! 4️⃣ உணர்வுகளை கவனியுங்கள் — அதில் மூழ்காதீர்கள்! 5️⃣ நன்றியை பழகுங்கள் — தினமும் 3 நல்ல விஷயங்களை எழுதுங்கள்! 6️⃣ எதிர்மறை மனிதர்களிடமிருந்து தூரம் காத்துக்கொள்ளுங்கள்!

🔵 இன்றைய சங்கல்பம்:
🙏 "இன்று முதல் நான் எதிர்வினை ஆற்றமாட்டேன்! சூழ்நிலைகளை நான் தேர்ந்தெடுப்பேன்! என் மனம் சுதந்திரமாக இருக்கும்! என் ஆன்மா அமைதியாக இருக்கும்!" 🙏

💙 நினைவில் வையுங்கள்:
"சுதந்திரமான மனம் பழிவாங்க வேண்டியதில்லை... அங்கீகாரம் தேட வேண்டியதில்லை... தேவை ஒன்றே ஒன்றுதான் — அமைதி மட்டுமே!"

🌸 இந்த செய்தி உங்களுக்கு பயனுள்ளதாக இருந்தால்... 👍 Like செய்யுங்கள்! 🔁 Share செய்யுங்கள் — உங்கள் நண்பர்களுக்கும் இந்த அமைதி கிடைக்கட்டும்!

07/11/2024

சரணாகதி...

கோவிலுக்கு சென்றிருந்த போது
ஒரு அன்பர் சாஷ்டாங்கமாக விழுந்து
கருவறை நோக்கி ஆத்மார்த்தமாக வணங்கி கொண்டிருந்தார்.

என் பக்கத்தில் இருந்தவர், இந்த வேஷம் எல்லாம் தேவையா? என்று தன் நண்பரிடம் கூறி கொண்டு இருந்தார்.

அவருக்கு புரியவில்லை
இதன் உட்பொருள்.

சரணாகதி என்று இதை சொல்வார்கள்.

சாஷ்டாங்கமாக விழுந்து வணங்குவதற்கும் மனம் பண்பட வேண்டும். சட்டென்று எல்லோராலும் விழுந்து வணங்க முடியாது.

நம்முள் ஒரு மாற்றம் வர வேண்டும்.

Ego, Jealous, தான், தனது எல்லாம் கடந்தால் தான் முழு சரணாகதி.

என் செயல் என்று எதுவும் இல்லை. எல்லாம் உன் செயலே என்பதின்
உச்சமே சரணாகதி.

தனக்கென ஒரு செயலற்று தான்
அதுவாகி இருந்தல் என்று ஞானிகள் குறிப்பிடுவார்கள்.

நான் செய்யறதை சரியாக செஞ்சுட்டேன். இனி எல்லாம் உன் செயல் என்று மனப்பூர்வமாக ஆத்மார்த்தமாக
சரணாகதி அடைந்து பாருங்கள்.

உடனே நம் எண்ண அலை பிரபஞ்சம் எல்லாம் பரவி, பிரபஞ்ச சக்தியாகிய இறைவன் களத்தில் இறங்கி விடுவார்.

நம் வினை பதிவுகளுக்கேற்ப என்ன செய்தால் இவருக்கு நன்மை விளையும் என்று Blue print போட்டு ஆராய்ந்து நம் தகுதிக்கேற்ப தகுதியான குழ்நிலையை உருவாக்கி விடுவார்.

பார்ப்பதற்கு வேடிக்கையாக இருந்தாலும், அலை இயக்கமும் எண்ண ஆற்றல் தத்துவமும் புரிந்தவர்களுக்கு எளிதில் விளங்கும் .

இன்னும் எளிமையாக போனால், நல்லதையே நினை நல்லதே நடக்கும்.

எல்லா வேதங்கள், இதிகாசங்கள்,
புராண கதைகள், ஞான நூல்கள், ஞான உபதேசங்களின் Final drop இதுதான்.

எங்கே சுற்றினாலும் எல்லாம் நம் எண்ணங்களில்தான் வந்து முடியும்.

எண்ணத்தின் ஆற்றல் அளப்பரியது.

26/03/2024

உங்களுக்கு துன்பம் கொடுத்தோரை
பழி வாங்க போறீங்களா?

இந்த கதைய அவசியம் படிங்க அன்பர்களே!

“நினைத்துப் பார்த்தால் நெஞ்சு கொதிக்கிறது சாமீ. எத்தனை பேர் என்னை கேலி செய்திருக்கிறார்கள்? எத்தனை பேர் வசை பாடியிருக்கிறார்கள்?

எத்தனை பேர் என் முதுகில் குத்தியிருக்கிற
ார்கள்? அவர்கள் ஒவ்வொருவரையும் பழி
வாங்காமல் ஓயமாட்டேன்” என்று
அந்த சாமியார் முன் வந்து பொருமினான் ஒரு சீடன்.

“ஏதாவது மந்திரம் கிந்திரம் இருந்தா சொல்லுங்க சாமி” என்றான்.
சாமி யோசித்தார்.

“சரி… ஒன்று செய்யலாம்” என்று கோணிப்பையை சீடன் கையில் கொடுத்தார் சாமி.

“நீ யாரையெல்லாம் பழி வாங்கவேண்டும் என நினைக்கிறாயோ, அவர்கள் பெயரை ஒரு உருளைக்கிழங்கில் செதுக்கி இந்த கோணிப்பையில் போட்டுக்கொண்டே வா” என்றார்.

“ஆனால் இரண்டு நிபந்தனைகள்” என்று தொடர்ந்தார்…. “ஒரு உருளைக்கிழங்கில் இரண்டு மூன்று பெயர்களை செதுக்கக்கூடாது. ஒவ்வொரு பெயரையும் தனித்தனியாய் செதுக்க வேண்டும்”.

“சரி… அப்புறம்?”

“நீ எங்கெல்லாம் போகிறாயோ அங்கெல்லாம் இந்த கோணியை தூக்கி கொண்டு போகவேண்டும்”..

“ப்பூ, இவ்வளவுதானா? நான் என்னமோ பெரிசா ஏதோ சொல்லப்போறீங்கன்னு நினைச்சேன்”

என்று சீடன் எழுந்து போனான்.

அன்றிலிருந்து யார் மீதெல்லாம் ஆத்திரமோ யார் யாரை பழிவாங்க வேண்டும் என்று நினைப்பு வருகிறதோ, அப்போதெல்லாம் ஒரு உருளைக்கிழங்கை எடுத்து பெயரை செதுக்கி கோணிப்பையில் போட்டுக்கொண்டே வந்தான்.

ஆரம்பத்தில் கோணியை தூக்கி கொண்டு திரிவது ஒன்று பெரிய சிரமமாய் தெரியவில்லை.

ஆனால் நாளாக .....நாளாக, அது சுமையாக தோன்றியது. இன்னும் கொஞ்சநாள் போனதும் தூக்குவதே சிரமமாகிவிட்டது.

இதனிடையே சில நாட்களுக்கு பின் அந்த உரித்த உருளைக்கிழங்குகளிலிருந்து வாசனை வர ஆரம்பித்தது. நாள் போக போக அது சகிக்க முடியாத அழுகிய நாற்றமாக வீச ஆரம்பித்தது.

அவன் மூட்டையை தூக்கி கொண்டு வந்தாலே, எல்லோரும் – நெருங்கிய நண்பர்கள், கட்டிய மனைவி, பெற்ற பிள்ளைகள் என எல்லோரும் ஓட ஆரம்பித்தார்கள்.

அவனிடம் பேசவோ, அவன் சொல்வதை யாரும் காதுகொடுத்து கேட்கவோ கூட தயாராக இல்லை.

சீடன் மறுபடியும் சாமியிடம் வந்தான்.

“என்ன சாமி இப்படிப் பண்ணிட்டீங்களே..?” என்றான்.

“என்ன புரிந்தது?” என்றார் சாமி.

“பழி வாங்கும் குரோத உணர்வை சேகரித்துக்கொண்டே வந்தால் அது சுமையாகிவிடும்.

துர்நாற்றம் வீசும். யாரும் பக்கத்தில் வரமாட்டார்கள். அதை எனக்கு விளக்கத்தானே இப்படி செய்தீர்கள்?” என்றான் சீடன்.

“ம்… சரி. ஆனால் நீ இன்னும் முழுக்கிணற்றை தாண்டவில்லை” என்றார் சாமி.

“புரியலையே…?”

“உன் பிரச்னை சுமை கூடி போச்சே என்பதும் நாற்றமடிக்கிறதே என்பதும் தான் என நீ நினைக்கிறாய், இல்லையா?”

“ஆமாம்”

“சரி… அந்த உருளைக்கிழங்குகளை அவ்வப்போது கொட்டி அந்த கோணியை காலி செய்து கொண்டே வந்தால் இந்த சுமைப் பிரச்னை, நாற்றப் பிரச்சனை தீர்ந்துவிடும் என்று நினைக்கிறாய் இல்லையா?”

“ஆமாம்.”

“மகனே, பிரச்சனை உருளைக்கிழங்கில் இல்லை. கோணிப்பை. ?!

கோணி இருப்பதால் தானே அதில்
உருளைகிழங்கை சேர்க்க ஆரம்பித்தாய்?

எனவே,

உனக்கு சுமையில்லாமல் இருக்க வேண்டுமானால், அந்த சுமை நாற்றமெடுக்காமல் இருக்க
வேண்டுமானால் கோணியை முதலில் தூக்கி எறி.

உனக்கு துன்பம் இழைத்தவர்கள் தண்டனை பெற்றே தீருவார்கள்.. நீ உன் வேலையில் கவனம் செலுத்தி உன் கடமையை சரியாக செய்து வா.”..என்றார்..

ஆம்,அன்பர்களே..

கைவிடவேண்டியது பழி வாங்கும் நினைப்பை மட்டுமல்ல, பழி வாங்கும் எண்ணத்தையும்,உணர்வையும் கூடத்தான்...

"மறக்க வேண்டியவைகளை மறக்காமல் நினைத்திருப்பதும்........

மறக்க வேண்டாதவகைகளை மறந்துவிடுவதும்தான் ".
இந்த உலகத்தின் இன்றைய துன்பங்களுக்கு எல்லாம் காரணம்.

19/06/2023

கலங்கி இருக்கும் மனம் தெளிவடைய.../மகாபாரதத்தில் வரும் கிருஷ்ணனின்உபதேசம்

07/05/2023

13/07/2021

ஒருவன் தன் எண்ணத்தால் செயலால் இன்னொருவனுக்கு காரணமில்லாமல் தீங்கு விளைவிக்க எத்தனிக்கும் போது தனது பாவ கணக்கை கூட்டிக் கொள்கிறான்.

அதே போல் தன்னுடன் எந்த தொடர்பும் இல்லாத ஒருவனுக்கு நன்மை செய்யும் போது புண்ணிய கணக்கை கூட்டிக் கொள்கிறான். எந்த ஒரு சந்தர்ப்பத்திலும் பாவ கணக்கு, புண்ணிய கணக்கை விட அதிகரித்துக் காணப்பட்டால் இயற்கை எனும் சக்தி அதனை சமப்படுத்த அந்த நபருக்கு தீய விளைவுகளைக் கொடுக்கும்.

அதே வேளை, ஒருவரது புண்ணிய கணக்கு ஒரு சந்தர்ப்பத்தில் பாவ கணக்கை விட அதிகமாக காணப்படின் இயற்கை சக்தி அவனுக்கு பாவ கணக்கு, புண்ணிய கணக்கு சமப்படும் வரை நன்மையான விளைவுகளைக் கொடுக்கும்.

ஒருவர் தற்சமயம் தீமையான பலன்களை அநுபவிப்பவராயின் அவரது பாவ கணக்கு சற்று அதிகமாக இருக்கிறது என்று அர்த்தம். மாறாக, ஒருவர் தற்சமயம் நன்மையான பலன்களை அநுபவிப்பவராயின் அவரது புண்ணிய கணக்கு சற்று அதிகமாக இருக்கிறது என்று அர்த்தம்.

அந்த சந்தர்ப்பத்தில் புத்திசாலியான ஒருவர் பாவங்களை குறைத்து புண்ணியங்களைக் கூடுதலாக செய்ய முற்படுவார். ஒருவருக்கு நல்லது நடக்கும் போதே அவரால் ஏனையவருக்கு நன்மை செய்ய முடியும். தீய விளைவுகள் ஏற்படும் போது ஏனையோருக்கு நன்மை செய்வது கடினம். இதுதான் யதார்த்தம். இதுதான் வாழ்கையின் உண்மை. கஷ்டமான காலத்திலும் ஒருவர் இன்னொருவனுக்கு நன்மை செய்வானாயின் அது ஆச்சரியம்.

இருந்தாலும் அந்த புண்ணியத்திற்கு பெறுமதி அதிகம். இந்தச் சிந்தனையை உங்கள் அன்றாட வாழ்கையில் பின்பற்றுங்கள். உண்மை புரியும். ஆனால் நம்பிக்கையில்லாத இன்னொருவருக்கு இந்தச் சிந்தனையைத் திணிக்க வேண்டாம்.

28/06/2021

"ஐயோ அக்கிரமம் செய்தவன் நன்றாக இருக்கிறானே" என்று ஆண்டவன் மேல் நம்பிக்கை இழக்காதீர்கள்

இதோ அதற்கு ஓர் உதாரணம்:

அந்த நாட்டு அரசன் தன் மக்கள் நலப் பணிகளைச் செயல்படுத்த மூன்று அதிகாரிகளை நியமித்து, அவர்களுக்கு வானளாவிய அதிகாரங்களையும் கொடுத்தான். ஒரு அமைச்சருக்குச் சமமான ஊதியத்தையும் அந்தஸ்தையும் வழங்கினான்.

மக்கள் நலப் பணிகளில் ஊழல் நடப்பதாகப் புகார்கள் குவிந்தன. அதிகாரிகளைக் கூப்பிட்டு விசாரித்தான் மன்னன்.

""ஐயோ நாங்கள் உத்தமர்கள் மன்னா! மக்களுக்காகவே தியாக வாழ்க்கை வாழ்ந்து கொண்டிருக்கிறோம்'' என்று சிந்து பாடினார்கள் அதிகாரிகள். "செய்யும் ஊழலை மிகவும் திறமையாகச் செய்திருக்கிறார்கள். இந்த மூவருமே ஊழல் பெருச்சாளிகளா அல்லது விதிவிலக்குகள் ஏதாவது இருக்கிறதா என்பதை அறிய வேண்டும்,'' என்று நினைத்தான் மன்னன். அவர்களை அனுப்பிவிட்டு யோசனையில் ஆழ்ந்தான்.

இரண்டு நாட்கள் கழித்து அதிகாரிகள் மீண்டும் அழைக்கப்பட்டார்கள்.

""மக்கள் பணியில் இருக்கும் உங்களுக்குக் களப்பயிற்சி தரப் போகிறேன். உங்களிடம் ஒரு பெரிய சாக்கு தரப்படும். அதை எடுத்துக்கொண்டு நம் நாட்டின் எல்லைகளில் உள்ள காட்டுப் பகுதிகளுக்குச் செல்லுங்கள்.

உங்களிடம் கொடுக்கப்பட்டிருக்கும் சாக்குகளை காய், கனி, கிழங்குகளால் நிரப்ப வேண்டும். அப்படி நீங்கள் நிரப்பும் பொருட்களை வைத்துக்கொண்டு ஒரு மனிதன் இரண்டு வாரம் சாப்பிட வேண்டும்.

நீங்கள் கொண்டு வரும் சாக்குகளை நாங்கள் யாரும் பரிசோதிக்க மாட்டோம். அதை அப்படியே ஒரு ஏழையிடம் கொடுத்து விடுவோம். அவன் அதை உண்டு உங்களை வாழ்த்த வேண்டும்..

இந்தப் பயிற்சி திட்டம் வெற்றி பெற்றால், மக்கள் நலப் பணியாளர்களை இந்தப் பணியில் அமர்த்தி மக்களின் பசி போக்கலாம்.''

மறுநாள் மூவரும் வெவ்வேறு காடுகளுக்கு அனுப்பப்பட்டார்கள். காடுகளில் காய் கனி கிழங்குகளுக்குப் பஞ்சமில்லைதான். ஆனால், அவற்றை அலைந்து திரிந்து சேகரிக்க வேண்டியிருந்தது. மேலும் அதை சேகரிக்கும் வரை அதிகாரிகளுக்கும் காட்டில் கிடைக்கும் காய் கனிகள்தான் உணவு. மூன்று அதிகாரிகளும் அரண்மனை போன்ற வீடுகளில் சொகுசாக வாழ்ந்து பழகியவர்கள்.

அதனால் அவர்களுக்கு அந்த வேலை மிகவும் கடினமாக இருந்தது.

முதல் அதிகாரி நல்ல பொருட்களைச் சேகரித்தார். நாம் துன்பப்பட்டாலும் இந்தத் திட்டம் வெற்றி பெற்றால் மக்கள் பசியாறுவார்களே என்ற நினைப்பே அவருக்கு உந்து சக்தியாக இருந்தது.
சாக்குப்பையை நிரப்ப அவருக்கு மூன்று, நான்கு நாட்கள் தேவைப்பட்டது. ஆனால், உள்ளே இருந்தவை எல்லாம் தரமான பொருட்கள்.

இரண்டாமவர் கொஞ்சம் குறுக்கு வழியில் யோசித்தார். பையை யாரும் சோதிக்க மாட்டார்கள் என்று மன்னரே சொல்லிவிட்டார். சோதித்தாலும் மேலோட்டமாகத்தான் பார்ப்பார்கள். மேலே நல்ல தரமான பொருட்களை வைத்துவிடலாம். கீழே அழுகிய பழங்கள், கொட்டைகள், என்று வைத்துவிட்டால் யாருக்கு என்ன தெரியப் போகிறது? என்று எண்ணி அப்படியே செய்த அந்த நபர், ஒரே நாளில் தன் பணியை முடித்துவிட்டார்.

மூன்றாம் அதிகாரி அந்த அளவிற்குக்கூடச் சிரமப்படவில்லை. பைக்குள் என்ன இருக்கிறது என்பதை யார் பார்க்கப் போகிறார்கள் என்ற நினைப்பில் காய்ந்த இலைகளையும் சருகுகளையும் போட்டு பையை நிரப்பி அரண்மணையில் சேர்த்துவிட்டார். ஒரு நாழிகைப் பொழுதில் வேலையை முடித்துவிட்டுத் தன் மாளிகைக்குச் சென்று சுகமாக உண்டு உறங்கிவிட்டார்.

மன்னன் மூன்று அதிகாரிகளையும் அழைத்தான். அவர்கள் முன்னிலையில் தன் காவலர்களுக்குக் கட்டளையிட்டான்.

""இந்த மூவரையும் தனித்தனியாகப் பாதாளச் சிறையில் அடையுங்கள். அவரவருடைய சாக்குப் பைகளை அவரவரிடம் வைத்துவிடுங்கள். சிறைத்தண்டனை இரண்டு வாரங்கள் தொடரும். அந்த இரண்டு வாரங்களில் அவர்களுக்கு வேறு எந்த உணவும் வழங்க வேண்டாம். அவர்கள் சேகரித்த காய் கனி கிழங்கு வகைகள்தான் அவர்களுக்கு உணவு.''

மூன்றாம் அதிகாரியால் காய்ந்த இலைகளையும் சருகுகளையும் உண்டு உயிர் வாழ முடியவில்லை. ஐந்தே நாட்களில் அவர் பசி தாங்காமல் மாண்டுவிட்டார்.

இரண்டாமவரோ அழுகிய கனிகளையும் நல்ல கனிகளையும் கலந்து உண்டு எப்படியோ இரண்டு வாரங்கள் உயிர் வாழ்ந்துவிட்டார். ஆனால், அவர் உடல்நலம் கெட்டுவிட்டது. மன்னன் அவரைப் பதவியிலிருந்து நீக்கிவிட்டான்.

முதலாம் அதிகாரி இரண்டு வாரங்களையும் தனிமைச்சிறையில் மகிழ்ச்சியாகக் கழித்துவிட்டு வெளியே வந்தார். தான் சேகரித்த தரமான காய் கனி கிழங்குகளை உண்டு இன்னும் அதிகமான தெளிவுடன் வெளியே வந்தார்.

மன்னன் அவனுக்குப் பல பரிசுகளைக் கொடுத்து அவனை முதலமைச்சர் ஆக்கிக் கொண்டான்.

இந்தக் கதையில் உள்ள வாழ்வியல் தத்துவத்தை நச்சென்று விளக்குகிறது மகாபாரதத்தில் வரும் ஒரு ஸ்லோகம்.. அதன் உட்பொருள் இதுதான்.

ஒரு இடத்தில் ஆயிரம் பசுக்கள் இருக்கின்றன. தன் தாயைத் தேடி வரும் ஒரு கன்று அந்த ஆயிரம் பசுக்களில் தன் தாயைச் சில நொடிகளில் கண்டுபிடித்து அதனிடம் போய்ச் சேர்ந்துவிடுகிறது.

அதேபோல், ஒருவன் செய்யும் வினையின் பயனானது அவன் எங்கிருந்தாலும் அவனைக் கண்டுபிடித்து அவனைச் சென்றடைந்துவிடும்

நாம் அனைவரும் நன்மை செய்கிறோமா, தீமை செய்கிறோமா என்று இறைவன் கண்காணிப்புக் கேமரா வைத்துக் கொண்டு பார்ப்பதில்லை. நீங்கள் என்ன வேண்டுமானாலும் செய்து கொள்ளுங்கள் என்று நமக்குப் பூரண சுதந்திரத்தைக் கொடுத்துவிட்டான். ஆனால் உங்கள் செயலின் பலனை நீங்கள்தான் அனுபவிக்க வேண்டும் என்ற நியதியையும் அழுத்தமாக வைத்துவிட்டான்.

நீங்கள் உங்கள் பையில் நல்ல பழங்களைப் போடுகிறீர்களா.. இல்லை.. சருகுகளையும் அழுகிய பழங்களையும் போடுகிறீர்களா என்று யாருமே கண்காணிப்பதில்லை.. ஆனால் நீங்கள் சேகரித்ததை நீங்கள்தான் சாப்பிட வேண்டும் என்பதை மட்டும் மறந்துவிடாதீர்கள்.

"ஐயோ அக்கிரமம் செய்தவன் நன்றாக இருக்கிறானே' என்று ஆண்டவன் மேல் நம்பிக்கை இழக்காதீர்கள். அக்கிரமம் செய்பவன் இப்போதுதான் காய்ந்த சருகுகளையும் அழுகிய பழங்களையும் தன் பைக்குள் போட்டுக் கொண்டிருக்கிறான்.

விரைவில் தனிமைச் சிறையில் அவற்றை உண்ண வேண்டிய காலம் வரும். அப்போது அவனுக்குப் பசியும் மரணமுமே பரிசாகக் கிடைக்கும்.

இது மனிதன் இயற்றிய சட்டம் இல்லை; இறைவன் வகுத்த நியதி. இதற்கு விதிவிலக்கு இல்லை

03/06/2021

இதை படிக்கும் முன் உங்கள் மனதை ஒரு நிலைப்படுத்திய பின்னர் படியுங்கள். அப்போது தான் ஒரு தெளிவு உங்களுக்குள் பிறக்கலாம்...

(இது ஆத்மார்ந்த மூத்தோரின் அனுபவ அறிவுரை)

உன்னை வாழ்த்த மனம் இல்லாதவர்கள் இருப்பார்கள். அவர்களைப் பற்றி கவலைப்படாதே.....

நீ எதை செய்தாலும் அதில் ஒரு குறையை கண்டுபிடிக்கக்கூடிய மனிதர்களும் இருந்து கொண்டுதான் இருப்பார்கள்.
அதையும் பெரிது பண்ணாதே......

உன் லட்சியம் எதுவோ அதை நோக்கி பயணம் போ.....

ஒன்றை மட்டும் தெரிந்து கொள்....
ஒவ்வொரு மனிதனும்
தனித்தனி ஜென்மங்கள்.
தனித்தனி பிறவிகள்
தனித்தனி ஆன்மாக்கள்.....

அவர்களுக்கென்று தனித்தனி ஆசாபாசங்கள் இருக்கும். குணங்களும் இருக்கும். அதன் வழியில் தான் அவர்களின் பயணமும் இருக்கும். அவர்களை ஒழுங்கு படுத்துகிறேன் என்று வேதனைகளை சுமந்து கொள்ளாதே. அவர்கள் போகும் வரை போகட்டும். போய் ஒரு அனுபவத்தை பெற்றபின் திரும்பி வருவார்கள்.....

அதுவரை நீ பொறுமையாக இருக்க வேண்டும். அவர்கள் போன பாதை நல்லதா? கெட்டதா? என்பதை அவர்களாக உணர்ந்தால்தான் அவர்களுக்கு ஒரு உண்மை தெரியும். அந்த உண்மையை நீ முன்கூட்டியே சொன்னால் உன்னை அவர்களுக்கு பிடிக்காது......

இதுதான் வாழ்க்கையின் தத்துவ உண்மை.....

அவர்களது பூர்வ புண்ணியத்தின் அடிப்படையில்தான் அவர்களின் குணங்களும் செயல்களும் இருக்கும்....

அது,
உடன் பிறந்தவர்களாக இருந்தாலும்,
நண்பர்களாக இருந்தாலும்,
கணவன், மனைவியாக இருந்தாலும்,
பெற்ற குழந்தைகளாக இருந்தாலும்,
பேரன் பேத்திகளாக இருந்தாலும்,
எந்த உறவுகளாக இருந்தாலும்,
அவர்களது பிறவி குணம் ஒரு போதும் மாறாது.......

எதைச் செய்ய வந்தார்களோ அதை செய்வதுதானே அவர்களின் விதி. இதை நீ மாற்றி அமைக்க முடியுமா...?

ஒதுங்கி நின்று வேடிக்கை பார்!....
பந்த பாசத்தில் உள்ளே விழுந்து அறிவுரை சொல்லுகிறேன் என்று கெட்ட பெயரை சம்பாதித்துக் கொண்டிருக்காதே.....

அவர்களுக்கு அனுபவம் தான் குரு.....

அந்த அனுபவம் ஏற்பட்ட பிறகு தன்னை மாற்றிக் கொள்வதற்கு அவர்களுக்கு விதி இருந்தால் தன்னை திருத்திக் கொள்வார்கள். அதுவரை நீ பொறுமையாக இரு........

செயற்கையாக ஒரு குணத்தை உருவாக்கி உன்னிடம் அன்பை காட்டினாலும்,
தான் யார்? தன் குணம் என்ன?
என்பதை ஒரு நாள் வெளிப்படுத்தி விடுவார்கள். எதையும் ஏற்றுக்கொள்ளும் பக்குவத்தோடு இருந்து கொள்ள பழகிக் கொள்....

நாம் வந்து போகும் உலகத்தில் பிறந்திருக்கிறோம். அவரவர்களுக்கு என்ன வேஷம் கொடுக்கப்பட்டிருக்கிறதோ அதைத்தான் செய்து கொண்டிருக்கிறோம். அதைத் தவிர நாம் வேறு எதையும் செய்து காட்ட முடியாது.....

எல்லையில்லாத அன்பை வைத்திருந்தேன் என்னை ஏமாற்றி விட்டார்கள் என்று புலம்பிக் கொண்டு இருக்காதே. கடலுக்கும் ஒரு எல்லை வைத்திருக்கிறான் கடவுள்.
அதையும் மீறி சிலவேளைகளில் இறைவன் வகுத்த எல்லையை கடல் தாண்டி விடுகிறது. அது போல் இயற்கையின் சுபாவங்களைப் போல் மனித இயற்கை சுபாவங்கள் சில நேரங்களில் தங்களை வெளிப்படுத்தி விடும்.......

நீ உன்னை எப்படி வைத்துக் கொள்ள வேண்டும் என்று நினைக்கிறாயோ அப்படி வைத்துக் கொண்டு வாழப்பழகிக் கொள். அதில் நன்மை வந்தாலும், தீமை வந்தாலும், உனக்கும் ஒரு அனுபவம் கிடைக்கும். அதை வைத்து உன்னையும் திருத்திக் கொள்ளலாம்....

இன்பமானாலும் துன்பமானாலும் அதை நீயே சந்திக்க கற்றுக்கொள். அதை பகிர்ந்து கொள்வதற்கு ஒரு துணையைத் தேடாதே.....

உன் இன்ப துன்பத்தில் பங்கு பெறுவதற்கு இந்த பிரபஞ்சத்தில் ஒருவர் பிறந்திருந்தால் நிச்சயம் அவர் உன்னை கைவிடாமல் உன்னோடு சேர்ந்தே பயணிப்பார். அது உன் பிறவி பிராப்தத்தை பொறுத்து இருக்கிறது. அப்படி அது நடந்து விட்டால், எந்த சூழ்நிலையிலும் உன்னோடு இணைந்தே இருப்பார்....

நீ பெண்ணாக இருந்தாலும், ஆணாக இருந்தாலும், வரும் துன்பத்தை எதிர்கொள் ளக்கூடிய ஆற்றலை உருவாக்கிக் கொள்.

மனிதன் மீது வைக்கும் நம்பிக்கையை விட இறைவன் மீது வைக்கும் நம்பிக்கையை அதிகரித்துக் கொள்.....

உன் கண்ணீரும். உன் கவலையும் உன்னை பலவீனமாக காட்டிவிடும்... அழுவதாலும் சோர்ந்து போவதாலும் ஒன்றும் நடக்கப் போவதில்லை. எப்படி இருந்தாலும் நீதான் அந்த சுமையை சுமந்து ஆகவேண்டும்.

"அழுது சுமப்பதை காட்டிலும், ஏற்று சுமப்பது உனக்கு சிரமம் இல்லாமல் இருக்கும்."

தைரியமும் தன்னம்பிக்கையும் தான்
ஒரு மனிதனை உலகத்தில் வாழ வைக்கும் என்ற உண்மையை உணர்ந்துகொள். இந்த பக்குவத்தை அடைந்து விட்டால் எத்துன்பமும் உன்னை நெருங்காது என்பதை உணர்ந்துகொள்....

இப்பதிவை பத்திரப்படுத்தி, உங்களுக்கு நேரம் கிடைக்கும் போதெல்லாம் பொறுமையாக மீண்டும் மீண்டும் படிக்கவும்...

28/05/2021

நம்மாழ்வார் சொன்ன நான்கு ரகசியங்கள்! *

''உடல் நாம் சொல்வதைக் கேட்க வேண்டுமானால், நான்கு விஷயங்களில் முக்கியமாக கவனம் செலுத்த வேண்டும்.

ஒன்று... பசி வந்து சாப்பிட வேண்டும்,
இரண்டு... தாகம் வந்து தண்ணீர் அருந்த வேண்டும்,
மூன்று... சோர்வு வந்து ஓய்வு எடுக்க வேண்டும்,
நான்கு... தூக்கம் வந்து தூங்க வேண்டும்.’

இந்த நான்கு விஷயங்களும் ஆரோக்கியத்துக்கு அத்தியாவசியமான விஷயங்கள். ஆனால், பட்டண வாழ்க்கையில் வேலைப் பளு காரணமாக இந்த விஷயங்கள் எதுவுமே சாத்தியம் இல்லாமல் இருக்கிறது’

நோய் வந்த பிறகுதான் உடலைப் பற்றிய ஞாபகமே மக்களுக்கு வருகிறது; மருத்துவமனைகளைத் தேடிப் போய்ப் பணத்தைக் கொட்டுகிறார்கள். ஆனால், நோய் வருவதற்கு முன் தங்களது உடலைக் காப்பதற்காக நேரம் செலவழிப்பது இல்லை.

உணவு, நீர், காற்று... இந்த மூன்றில் இருந்துதான் நம் உடலுக்குச் சக்தி கிடைக்கிறது. இந்த மூன்றில் இருந்து தவறான விஷயங்கள் ஏதேனும் உடலுக்குள் சென்றுவிட்டால்தான் நோய் வருகிறது.

நம்மை ஆரோக்கியமாக வைத்திருக்கும் நாளமில்லாச் சுரப்பிகளை தியானம், யோகாசனம் போன்றவைதான் ஊக்குவிக்கின்றன. அதனால், ஒவ்வொருவரும் தங்கள் உடலைப் பராமரிப்பதற்காக ஒரு குறிப்பிட்ட நேரத்தை ஒதுக்க வேண்டும். உடலுக்குள் தேங்கிவிடும் கழிவுகளை வெளியேற்றுவதற்கும், உணவின் கலோரிகள் எரிக்கப்படுவதற்கும் காரணம் இந்த மூச்சுக்காற்றுதான். நாம் சுவாசிக்கும் இந்த பிராண வாயுதான் ரத்தத்தை சுத்தப்படுத்துகிறது. மூச்சை இழுக்கும்போது, காற்று நுரையீரலுக்குள் முழுமையாகச் சென்று சேர வேண்டும். ஆனால், நாம் பெரும்பாலும் மேலோட்டமாகவே சுவாசிக்கிறோம். இதனால், நுரையீரல் முழுமையாகச் சுருங்கி விரிவது இல்லை. நுரையீரல் நன்றாகச் சுருங்கி விரிய மூச்சுப் பயிற்சி அவசியம்.

எந்த ஒரு வலியும் இல்லாமல் நம்மைக் குணப்படுத்தும் வல்லமை மூச்சுப் பயிற்சி மற்றும் யோகாசனங்களுக்கு உண்டு’ என்றார் மறைந்த பசுமை நாயகன் நம்மாழ்வார்