LAPPM news bulletin

01/05/2024

तुमचा पडद्यामागचा डॉक्टर म्हणजे पॅथॉलॉजिस्ट होय!
प्रॅक्टिसिंग पॅथॉलॉजिस्ट आणि मायक्रोबायोलॉजिस्ट संघटना लातूर च्या वतीने पॅथॉलॉजिस्ट चे महत्व विशारद करताना डॉ. ऋजुता अयाचित आणि डॉ. रुपेश गुंडावार , जरूर पहा.

लातूर: तुमचा पॅथॉलॉजिस्ट कोण? या जनजागृती अभियाना अंतर्गत कृष्णा सर्जिकल पॅथॉलॉजी LLP लातूरच्या संचालक डॉ. ऋजुता अ.....

29/01/2024

https://youtu.be/xEDR1vur-mw?si=26s33dZY2TCA1oAN

लातूर: कोनत्या ही पॅथाॅलाॅजी लॅब मध्ये तज्ञ पॅथाॅलाॅजिस्ट कोनत्याही तपासण्याचे अचूक निदान करून अचूक रिपोर्ट दे.....

09/01/2024

आला हिवाळा हृदयरोग टाळा
हृदयाच्या आरोग्यावर नियंत्रण ठेवण्यासाठी योग्य त्या चाचण्या करा.
हिवाळा सुरु झाला कि अनेक आजारांना देखील सुरुवात होते. सर्दी, खोकला, सांधेदुखी, याबरोबरच हृदय व रक्तवाहिन्यांचे आजारदेखील बळावू लागतात. भारतीयांना हृदयविकार हा पाश्चात्य देशांच्या तुलनेत दहा वर्षे आधीच होतो हे अनेक अभ्यासामध्ये आढळून आले आहे.
हिवाळ्यात हार्ट अ‍ॅटॅक (हृदयविकाराचा झटका) चा धोका का वाढतो?
हिवाळ्यात हवेतील गारठ्यामुळे रक्तवाहिन्या आकुंचन पावतात त्यामुळे शरीराला योग्य रक्तपुरवठा करण्यासाठी व तसेच थंडीत शरीराला उबदार ठेवण्यासाठी हृदयाला दुप्पट काम करावे लागते. त्यामुळे ज्यांना पूर्वी हृदयविकाराची कोणतीही लक्षणे नव्हती त्यांना देखील ही लक्षणे उदभवू शकतात.
तुम्हाला हृदय विकाराचा धोका आहे की नाही हे ओळखण्यासाठी हृदयसंबंधी रक्ताच्या तपासण्या हे हृदयाच्या स्थितीचे निदान व व्यवस्थापन करण्यासाठी खूप महत्वाच्या ठरतात.
१) Lipid Profile:
याला सामान्य भाषेत कोलेस्टेरॉल किंवा रक्तातील चरबीचे प्रमाण असे म्हणतात.यामध्ये रक्तातील विविध प्रकारचे कोलेस्टेरॉल तपासले जाते.
a) Total Cholesterol : रक्तातील एकूण कोलेस्टेरॉल नियंत्रित ठेवणे हृदयाच्या दीर्घकालीन आरोग्यासाठी आवश्यक आहे.
b) LDL (Low Density Lipoprotein) : याला खराब कोलेस्टेरॉल म्हटले जातात. याचे रक्तातील प्रमाण वाढल्यास शरीरातील धमन्यामध्ये चरबीच्या खपल्या खपल्या चढून ब्लॉक होतो व रक्तप्रवाहास अडथळ निर्माण होतो.
c) HDL (High Density Lipoprotein) : याला चांगले कोलेस्टेरॉल म्हणले जाते. ते तुमच्या धमन्यामध्ये चरबी साचण्यापासून रोखते व रक्तप्रवाह सुरळीत ठेवण्यास मदत करते.
d) Triglycerides : याचे सतत चे वाढलेले प्रमाण हृदयविकाराचा धोका वाढवते.
२) PRO BNP : हे रसायन हृदयाची कार्यक्षमता ओळखण्यास मदत करते
३) Cardiac risk assessment म्हणजेच हृदयविकाराचा धोका किती आहे यांचे मूल्यांकन - याअंतर्गत Homocysteine, Hs-CRP, Lipoprotein a, apolipoprotein a व b या काही विशेष तपासण्या केल्या जातात.
लक्ष्यात घ्या वरीलपैकी कोणतीही एक तपासणी तुमच्या हृदयाचे आरोग्य सांगण्यास तितकी महत्वाची ठरत नाही. परंतू सर्व तपासण्या एकत्रितपणे केल्यास तुमच्या डॉक्टरला काही निष्कर्षापर्यंत पोहोचण्यास व उपचार सुरु करण्यास खूप महत्त्वाचे ठरते. तपासण्या च्या रिपोर्ट वरून तुम्हाला तुमच्या आहारात व जीवनशैलीत बदल सुचवले जातात.
या तपासण्या कोणी कराव्यात ?
35 ते 40 वर्षाच्या पुढील व्यक्ती, उच्च रक्तदाब ( ब्लडप्रेशर), मधुमेह, कुटुंबामध्ये हृदयविकाराचे रुग्ण असलेल्यांनी, तसेच स्थूलपणा, किडनीचे आजार, धुम्रपान व दारूचे सेवन करणार्‍या व्यक्ती यांनी आपल्या हृदया.च्या आरोग्यावर लक्ष ठेवणे गरजेचे आहे.
हृदयविकार हा जीवनशैलीशी संबंधित असल्याने आपल्या हृदयाचे आरोग्य सांभाळणे ही आपल्या डॉक्टर पेक्षा आपली जबाबदारी आहे व हल्ली निदान शास्त्रातील प्रगतीमुळे ते शक्य देखील आहे.
त्यामुळे आतापर्यंत नसाल तर इथून पुढे जागरूक व्हा आणि हृदयाचे आरोग्य सांभाळा.
वरील तपासण्या पॅथॉलॉजिस्टच्याच लॅब मध्ये करण्याचा आग्रह धरा.
कोणत्याही तपासण्या ह्या पॅथॉलॉजिस्टच्या लॅब मध्येच कराव्या. कारण तिथे प्रत्येक तपासणी प्रत्यक्ष पॅथॉलॉजिस्टच्या देखरेखीखाली केली जाते.
लक्षात ठेवा योग्य लॅब म्हणजे योग्य रिपोर्ट म्हणजेच योग्य उपचार.!!
लेखक :डॉ पूनम पावले (चिपडे) शैक्षणिक विभाग
संपादक :डॉ संजीवनी मुंडे ( उपाध्यक्ष) व डॉ रुपेश गुंडावार (सहसचिव)
प्रॅक्टिसिंग पॅथॉलॉजिस्ट आणि मायक्रोबायोलॉजिस्ट संघटना, लातूर

03/01/2024

पॅथॉलॉजिस्ट जनजागृती अभियानाचा लातूरमध्ये शुभारंभ

लातूर येथील प्रॅक्टिसिंग पॅथॉलॉजी आणि मायक्रोबायोलॉजी असोसिएशनने नवीन वर्षाच्या प्रारंभी "आपला पॅथॉलॉजिस्ट डॉक्टर कोण?" या अभिनव अशा उपक्रमाची सुरुवात केली.
नुकतेच नॅशनल मेडिकल कमिशन ऑफ इंडियाने पॅथॉलॉजी या शाखेला क्लीनिकल वैद्यकीय शाखा म्हणून घोषित केले.
पण अजूनही ग्रामीण भागामध्ये हा रोग निदान करणारा पॅथॉलॉजी डॉक्टर रोगाचे निदान करूनही पडद्यामागे राहतो.
त्या अनुषंगाने येथील पॅथॉलॉजी व मायक्रोबायोलॉजी संघटनेने सबंध जिल्हाभर जनजागृती अभियान राबवण्यास सुरवात केली आहे.
त्यानुसार आपला "पॅथॉलॉजिस्ट डॉक्टर कोण?"
या नावीन्यपूर्ण अभियानाचा प्रारंभ लातूरमध्ये सर्व पॅथॉलॉजिस्ट मायक्रोबायोलॉजिस्ट यांच्या उपस्थितीमध्ये श्रीराम पॅथॉलॉजीचे संचालक डॉ. राम कुलकर्णी यांच्या हस्ते करण्यात आला.
संघटनेचे अध्यक्ष डॉक्टर सचिन इंगळे यांनी याविषयी माहिती देताना सांगितले.पॅथॉलॉजिस्ट डॉक्टर हा रोग निदान मध्ये महत्त्वपूर्ण भूमिका बजावणारा निष्णात तज्ञ डॉक्टर ( एमबीबीएस एमडी पॅथॉलॉजी डीसीपी डीपीबी/एमडी मायक्रोबायोलॉजी) असतो, तरी रुग्णांना त्याची माहिती नसते. त्या संदर्भात जनजागृती करण्याचा निर्णय संघटनेचे सचिव डॉ. अभिजीत आचार्य आणि या अभियानाचे प्रमुख आणि संघटनेचे मुख्य प्रवक्ते डॉ रुपेश गुंडावार, कोषाध्यक्ष डॉ प्रिया पुरी आणि संघटनेच्या सर्व पदाधिकाऱ्यांनी संघटनेच्या बैठकीमध्ये घेतला.
निश्चितच या जनजागृती अभियानामुळे लातूर शहर व जिल्ह्यामध्ये सर्व रुग्णांना पॅथॉलॉजी आणि मायक्रोबायोलॉजी डॉक्टर कोण आणि तो कसे प्रकारे योग्य निदान करतो याची माहिती विविध प्रसारमाध्यम, विविध सामाजिक उपक्रम, विविध वृत्तपत्रे यांच्या माध्यमातून जनजागृती मोहीम वर्षभर राबविण्यात येणार आहे.
वरिष्ठ पॅथॉलॉजिस्ट डॉ राम कुलकर्णी यांनी रोग निदानामध्ये पॅथॉलॉजिस्ट आणि मायक्रोबायोलॉजिस्ट डॉक्टर कशी महत्त्वाची आणि मोलाची भूमिका वटवतो त्याची माहिती सविस्तर दिली, त्यामुळे सर्व जनतेने व रुग्णांनी योग्य तज्ञ पॅथॉलॉजी आणि मायक्रोबायोलॉजी डॉक्टरांकडूनच तपासण्या करून घ्याव्यात असे आवाहन त्यांनी केले, जेणेकरून रुग्णांना योग्य व गुणवत्तापूर्ण अहवाल प्राप्त होतील व त्यांचे पुढील उपचार व्यवस्थित होतील.

लातूर: लातूर येथील पॅथॉलॉजी आणि मायक्रोबायोलॉजी असोसिएशनने नवीन वर्षाच्या प्रारंभी "आपला पॅथॉलॉजिस्ट डॉक्टर को...

02/01/2024

01/01/2024

पॅथॉलॉजिस्ट ची गोष्ट
“अरे विशाल (काल्पनिक नाव), 57 नंबर चा CBC कोणाकडून आलाय रे, पटकन सांग पाहून आणि पेशंटला फोन लावून दे.” मी PS (peripheral smear) पाहण्या आधीच, फक्त मशीन चा रिपोर्ट आणि graph पाहून अगदी किंचाळलोच आणि कारणही तसंच होत. मी सहसा प्रत्येक CBC (complete blood count) रिपोर्ट काचपट्टि न पाहता कधीच रिपोर्टिंग करत नाही. कारण ह्या काचपट्टि शिवाय कोणताच CBC रिपोर्ट हा पूर्ण होऊच शकत नाही. पण त्या 57 नंबर चा रीपोर्ट एवढा क्लासिक होता कि तेव्हाच कळून गेल कि it’s a medical emergency डॉक्टर किंवा पेशंट ल लगेच कळवायला हव .

पेशंटला लगेच फोन करून बोलवून घेतलं. वनिता (काल्पनिक नाव) 19 वर्षाची मुलगी होती आणि तिच्या वडिलांसोबत आली होती. “साहेब तिला बऱ्याच दिवसापासून ताप होता आणि अशक्त पण झाली होती. एका दिवशी हिरड्यातून रक्त आल तर आमच्या गल्लीतल्या लॅब मध्ये रक्त तपासलं, त्यांनी सांगितलं हिला डेंगू झाला आहे आणि हिचे रक्त गोठवणाऱ्या पेशी (platelets) कमी झाल्या. मग त्यांनी सुचवलेल्या डॉक्टर कडे गेलो, तर त्यांनी पॅथॉलॉजिस्ट कडून तपासणी करून घ्या असे सांगितले. मुलगी सलाईन वर आहे, पण तिच्या पेशी काही वाढल्या नाही. रक्त पुन्हा एकदा दुसऱ्या जागी तपासाव म्हणून मग तुमच्या कडे आलो.”

एखाद्या चुकीच्या रीपोर्ट मुळे कशी चुकीची ट्रीटमेंट मिळू शकते याच हे एक उदाहरण होत. जुनी फाइल उघडून पहिली तर एका पण रिपोर्ट वर PS च्या म्हणजे काचपट्टीचे निष्कर्ष नव्हते. त्यामुळेच डॉक्टर ने पॅथॉलॉजिस्ट कडे जा असा सल्ला दिला असणार. खातरजमा करण्यासाठी मी वनिताचे पुन्हा एकदा सॅम्पल घेतले. त्यांना बाहेर बसवून ते पुन्हा एकदा चेक केले. आणि यस आय वॉज राइट इट वॉज क्लियर केस ऑफ Acute promyelocytic leukemia (APML).

“काका अहो हिला ब्लड कॅन्सर झाला आहे, आणि जमेल तेवढ्या लवकर उपचार सुरु केले पाहिजेत. तुम्ही घाबरू नका योग्य उपचार लवकर सुरु केले तर हा कॅन्सर बरा पण होऊ शकतो.” माझ बोलन ऐकून ते कावरेबावरे झाले होते, एवढ्या छोट्या वयात ब्लड कॅन्सर होऊ शकतो यावर त्यांचा विश्वासच बसत नव्हता. त्यांच नीट समुपदेशन करून धीर दिला आणि रक्त विकारतज्ञ कडे पाठवले.

पॅथॉलॉजी चे पदव्युत्तर शिक्षण घेत असताना आमचे वरिष्ठ नेहमी म्हणायचे, “missing the diagnosis of APML is nothing less than CRIME”. जर तुम्ही APML चे निदान लवकर करू शकत नसाल तर तुम्ही पॅथॉलॉजीस्ट झालाच नाही अस समजा. मला पदव्युत्तर शिक्षण घेत असताना मी स्वतः ओळखलेली पहिली कॅन्सरची केस म्हणजे APML! “आजचा दिवस लक्षात ठेव, मायक्रोस्कोप वर बसून तू आज एकाचे जीव वाचवले आहेस”. हे वरिष्ठांचे शब्द आजही आठवतात.
वनिताची ट्रीटमेंट बरोबर चालू होती आणि ती उपचाराला बरोबर साथ देत होती. काही महिन्यानंतर वनिताचे वडील एक छानशी भेटवस्तू घेऊन आले होते, "धन्यवाद साहेब, तुमची योग्य ती मदत मिळाल्यामुळेच वनिता बरी झाली.”
"अहो काका, असे काय म्हणता, तेच तर माझे काम आहे. वनिता बरी झाली हेच माझं गिफ्ट आहे. आता डॉक्टरांचा सल्ला नीट ऐका आणि सांगितलेली ट्रीटमेंट पूर्ण करा". काका समाधानाने परत गेले
सांगायचे तात्पर्य म्हणजे एका सध्या काचपट्टि च्या आधारे सुद्धा जीव वाचवता येते याचेच एक उदाहरण. जर एखाद्या CBC रीपोर्ट वर काचपट्टीचे निष्कर्ष नमूद नसतील तर तो रीपोर्ट पॅथॉलॉजिस्ट चा नाहीच म्हणून समजा.
आपले सगळे रिपोर्ट पॅथॉलॉजिस्ट लॅब चेच असावेत याचा आग्रह धरा.
योग्य लॅब म्हणजे योग्य रीपोर्ट म्हणजेच योग्य उपचार.

सर्वांना प्रॅक्टिसिंग पॅथॉलॉजिस्ट आणि मायक्रोबायोलॉजिस्ट संघटना, लातूर कडून नवीन वर्षाच्या हार्दिक शुभेच्छा

- लेखक - डॉ. रुपेश गुंडावार , पॅथॉलॉजिस्ट, कृष्णा सर्जिकल पॅथॉलॉजी, लातुर
- संपादक - 1) डॉ. संजीवनी तांदळे मुंडे, उपाध्यक्ष व मायक्रोबायोलॉजिस्ट,
२) डॉ. रुपेश गुंडावार , पॅथॉलॉजिस्ट व उपसचिव,
प्रॅक्टिसिंग पॅथॉलॉजिस्ट आणि मायक्रोबायोलॉजिस्ट संघटना, लातूर

17/12/2023

लातूर: शहरातील डॉक्टरांनी नुकतीच नोंदणीकृत पॅथॉलॉजिस्ट आणि मायक्रोबायोलॉजिस असोसिएशनची स्थापना केली आसुन या स....

17/12/2023

https://youtu.be/e4Aj29Ycwpc?si=ndy583iSiEu4xgkr
पॅथॉलॉजिस्ट आणि मायक्रोबायोलॉजि असोसिएशनच्या वतीने जनजागृती
लातूर शहरातील डॉक्टरांनी नुकतीच नोंदणीकृत पॅथॉलॉजिस्ट आणि मायक्रोबायोलॉजिस्ट असोसिएशनची स्थापना केली असून या संघटनेच्या अध्यक्षपदी डॉ सचिन इंगळे यांची निवड करण्यात आली आहे. या असोसिएशन च्या माध्यमातून रूग्ण आणि रुग्णांच्या नातेवाईकांची जनजागृती करण्यात येणार आहे. ही जनजागृती अध्यक्ष डॉ. सचिन इंगळे, सहसचिव आणि प्रवक्ते डॉ. मंगेश कुलकर्णी, कोषाध्यक्ष डॉ. प्रिया पुरी, सहसचिव आणि प्रवक्ते डॉ. रूपेश गुंडावार यांच्या माध्यमातून करण्यात येणार असल्याचे असोसिएशन चे अध्यक्ष डॉ. सचिन इंगळे यांनी "माझं लातूर" शी बोलताना सांगितले.

लातूर: शहरातील डॉक्टरांनी नुकतीच नोंदणीकृत पॅथॉलॉजिस्ट आणि मायक्रोबायोलॉजिस असोसिएशनची स्थापना केली आसुन या स....

01/12/2023

WORLD AIDS DAY

आज दि. 1 डिसेंबर 2023, जागतीक AIDS दिन म्हणुन पाळला जातो. भारतात 2023 मध्ये HIV बाधित रुग्णांची संख्याही सुमारे 24 लाख एवढी आहे. HIV बाधित रुग्णांच्या संख्येत भारत जगात तिसर्‍या क्रमांकावर आहे. याचे कारण म्हणजे HIV बद्दल लोकांमध्ये बरेच गैरसमज आहेत.
त्या पैकी एक म्हणजे, HIV बाधित व्यक्ति ह्या फक्त काही वर्षच जगतात. तर असे नाही, लवकर निदान आणि उपचार मिळाल्यास त्यांचे आयुष्यमान बरेच वाढू शकते.
त्यासाठी लवकर व अचूक निदान होणे गरजेचे आहे, ज्यासाठी योग्य तपासण्या, योग्य तपासणी केंद्रामध्ये करणे आवश्यक आहे.

तपासणी का करावी?
HIV ची लागण झाल्यानंतर देखील सुरुवातीच्या काळात काहीच लक्षणे दिसत नाहीत. हा काळ काही वर्षांचा देखील असू शकतो, त्यामुळे HIV टेस्ट करणे आवश्यक आहे.

HIV टेस्ट कोणी करावी?
NACO(National AIDS Control Organisation) च्या नुसार 13 ते 64 वयोगटातील सर्वांनी किमान एकदा HIV टेस्ट केली पाहिजे व ज्यांना संसर्गाचा जास्त धोका आहे त्यांनी वर्षातून एकदा ही टेस्ट केली पाहिजे.

HIV टेस्ट कधी करावी?
HIV विषाणू लागण झाल्यानंतर लगेच रक्तात आढळून येत नाही. त्यासाठी किमान 15दिवस व जास्तीत जास्त 6 महिने लागू शकतात. त्यासाठी संभाव्य संसर्ग झाल्यानंतर 3 महिन्यानंतरही टेस्ट करणे योग्य आहे.

HIV टेस्ट कुठे करावी?
अनेक शासनमान्य तपासणी केंद्र (ICTC) आहेत जेथे रुग्णाची परवानगी (Consent) घेऊनच HIV Testing तसेच समुपदेशन व मार्गदर्शनदेखील केले जाते. तसेच प्रायवेट Pathology व Microbiology lab मध्ये देखील टेस्ट होते.

HIV टेस्टचे प्रकार :
HIV ची लागण झाली आहे का हे तपासण्यासाठी विविध tests ची मदत घेत येते. यामध्ये antibodies, Antigen, अथवा virus detection अशा विविध तपासण्या असतात. NAAT test सर्वात लवकर म्हणजे 15 ते 33 दिवसात positive येते तर Antibody टेस्ट पॉजिटिव येण्यासाठी 23 ते 90 दिवस लागतात.

HIV टेस्ट Negative म्हणजे काय?
Negative result सूचित करते की रक्ताच्या नमुन्यात HIV संसर्गाचा कोणतीही लक्षणे नाहीत. पण negative result याचि नेहमीच हमी देत नाही की तुम्ही HIV तपासून मुक्त आहात. कदाचित रक्तामध्ये वायरस Antigens व antibodies अजून तयार झाल्या नाहीत असेही असू शकते. त्यासाठी पुन्हा 3 ते 6 महिन्यानंतर टेस्ट करणे आवश्यक आहे.

HIV टेस्ट Positive म्हणजे काय?
Positive result असे सूचित करतो की रक्तामध्ये HIV संसर्गाचा सर्व लक्षणे समाविष्ट आहेत. यासाठी सुरूवातीच्या rapid test नंतर अनेक confirmatory tests केल्या जातात व मगच अंतिम निदान केले जाते.

HIV टेस्ट चा रीपोर्ट गोपनीय ठेवता येतो का?
होय! NACO या संस्थेच्या निर्देशानुसार HIV टेस्ट रिपोर्ट positive असो अथवा negative असो तो पूर्णपणे गोपनीय ठेवला जाणे ही तपासणीकेंद्राची जबाबदारी आहे. त्यामुळे HIV टेस्ट करण्यासाठी कचरू नये. तुमची ओळख कुठेही कळू दिली जाणार नाही.
वेळेवर अचूक तपासणी, अचूक निदान, योग्य मार्गदर्शन व उपचार हा HIV व AIDS शी लढण्याचा मार्ग आहे.
त्यासाठी आवश्यक आहे ते योग्य व अधिकृत तपासणी केंद्र निवडणे आणि योग्य डॉक्टरचा सल्ला घेणे.
धन्यवाद!
- लेखक - डॉ. पूनम पावले चिपडे, पॅथॉलॉजिस्ट, निर्णय Diagnostic सेंटर, लातूर
- संपादक - 1) डॉ. संजीवनी तांदळे मुंडे, उपाध्यक्ष व मायक्रोबायोलॉजिस्ट,
२) डॉ. रुपेश गुंडावार , पॅथॉलॉजिस्ट व उपसचिव,
प्रॅक्टिसिंग पॅथॉलॉजिस्ट आणि मायक्रोबायोलॉजिस्ट संघटना, लातूर