Dr. Nu Myat Theingi Oo

09/06/2025

စိတ်ဝင်စားသူတွေ သွားတက်နိုင်အောင်ပါ

နောက်ဆုံးပေါ်အဆင့်မြင့်နည်းပညာဖြင့်ကင်ဆာကုထုံးအကြောင်းနှင့်ဦးနှောက်နှင့်အာရုံကြောခေတ်မီနည်းပညာများဖြင့်ကုသမှုအကြောင်းဆိုင်ရာကျန်းမာရေးဆွေးနွေးပွဲမည်သူမဆိုအခမဲ့တက်ရောက်နိုင်

အိန္ဒိယနိုင်ငံနယူးဒေလီမြို့BLK-MAX ထိပ်တန်းအထူးကုဆေးရုံကြီးမှDr.Chandragouda
Dodagouda
ကImmunotherapy-နောက်ဆုံးပေါ်အဆင့်မြင့်နည်းပညာဖြင့်ကင်ဆာကုထုံးအကြောင်းနှင့်Dr.Rohit Bansil ကဦးနှောက်နှင့်အာရုံကြောခေတ်မီနည်းပညာများဖြင့်ကုသမှုများအကြောင်းကို ရန်ကုန်မြို့မှာ အခမဲ့ ဟောပြောသွားမှာ ဖြစ်ပါတယ်။
အခမ်းအနားမှာနောက်ဆုံးပေါ်အဆင့်မြင့်နည်းပညာဖြင့်ကင်ဆာကုထုံးအကြောင်းနှင့်ဦးနှောက်နှင့်အာရုံကြောခေတ်မီနည်းပညာများဖြင့်ကုသမှုများအကြောင်းကိုဟောပြောသွားမှာဖြစ်သလိုတက်ရောက်သူတွေကမိမိတို့သိလိုတာတွေကို မေးမြန်းဆွေးနွေးနိုင်မှာပဲ ဖြစ်ပါတယ်။
အဆိုပါကျန်းမာရေးဟောပြောပွဲကို ၂၀၂၅၊ဇွန်လ၂၁ရက်၊မွန်းလွဲ၂နာရီမှ စပြီး ရန်ကုန်မြို့၊ ParkRoyal Hotel မှာ ကျင်းပပြုလုပ်သွားမှာ ဖြစ်ပြီး
တက်ရောက်လိုသူတွေအနေနဲ့https://docs.google.com/forms/d/e/1FAIpQLSfTlM7baj0Pw7OLUh1MK5ic33CmOoeiyxsrmqpw_pbTYN72zw/viewform?usp=sharing&ouid=10332738255736307
0639ကနေ စာရင်းသွင်းနိုင်သလို ဖုန်း ၀၉၉၄၂၄၀ဝ၂၅၆၊ ဝ၉၉၆၅၄၀၅၄၂၂၊ +၉၁ ၉၆၅၄၀၂၄၇၀၉ တို့ကို ဆက်သွယ်စာရင်းသွင်းနိုင်ကြောင်း သတင်းကောင်းပါးအပ်ပါတယ်။

22/05/2025

Leh Market မှာ ရိုးရာဝတ်စုံလေးတွေနဲ့လည်း ဝတ်ရိုက်ခဲ့သေးတယ်

သူတို့ရိုးရာဝတ်စုံကို တခြားနိုင်ငံကသူတွေဝတ်ထားတော့ ဒေသခံတွေကတော့ ကိုယ်တွေကိုကြည့်ပြီး ပြုံးစိစိနဲ့ သဘောကျနေလေရဲ့

သူတို့ရိုးရာဝတ်စုံက အိန္ဒိယထက်စာရင် တိဘက်ဟန်လွှမ်းပါတယ်

Ladakh ဒေသက အိန္ဒိယမြောက်ဘက်အစွန်ဆုံးဖြစ်တော့ တရုတ်တို့ တိဘက်တို့နဲ့ နီးလို့ အဆောက်အအုံတွေရော Culture ရော Lifestyle ပါ တိဘက်ယဉ်ကျေးမှုလွှမ်းနေတာပါ

Dr. Nu Myat Theingi Oo








Shining Star Travels & Tours

04/04/2025

မန္တလေးတိုင်း နဲ့ စစ်ကိုင်းတိုင်း အတွင်း မှာ ရှိတဲ့
နိုင်ငံတကာမှ MEDICAL Team များနှင့် အခမဲ့ဆေးခန်း လိပ်စာတွေပါ

အားလုံးပဲ ဘေးအန္တရာယ်ကင်းပြီး အဆင်ပြေကြပါစေ

17/03/2025

ဘယ်စာအုပ်လေး ဖတ်ဖူးကြလဲ

နုမြတ်နဲ့ နုမြတ်ရဲ့ စာအုပ် ၅ အုပ် ပါ 📚📚

ဒီစာအုပ်တစ်အုပ်ချင်းစီက ကိုယ့်ရဲ့ရင်သွေးလေးလိုပါပဲ
စာအုပ်တစ်အုပ်ထွက်တိုင်းတစ်ခါ စိတ်လှုပ်ရှားပျော်ရွှင်ရပါတယ်

စာအုပ်တစ်အုပ်တစ်အုပ်ထွက်ဖို့က ကိုယ့်အတွက်တော့ မလွယ်လှပါဘူး

အကောင်းဆုံးကိုပေးချင်တဲ့ဆန္ဒကြောင့် စာအုပ်တစ်အုပ်ချင်းဆီတိုင်းကို စိတ်ရောကိုယ်ပါနှစ်ပြီး လပေါင်းများစွာ အချိန်ပေးရေးသားရတာပါ

အခုဆိုရင် စာအုပ် ၅ အုပ်ရေးသားပြီးတဲ့အတွက် ကိုယ့်ဟာကိုယ်လည်း ဂုဏ်ယူမိပါတယ်

📚📚📚📚📚

ဒီ စာအုပ် ၅ အုပ်ကတော့

1. ဂျင်ဆင်းမြေရောက် ကင်(မ်)ချီနေ့ရက်များ

2. ထူးဆန်းခန္ဓာအဖြေရှာ

3. ပိရမစ်မြေရောက် အီဂျစ်နေ့ရက်များ

4. ကမ္ဘာတစ်လွှား ခရီးသွားအတွေ့အကြုံဆန်းများ (My 101 Travel Bucket List Experiences)

5. နိုင်ငံခြားခရီးသွားလမ်းညွှန် (Foreign Travel Guide)
တို့ပါ။

📚📚📚📚

ဒီစာအုပ်လေးတွေထဲက ဘယ်စာအုပ်လေးဖတ်ဖူးလဲ

သဘောကျရဲ့လားဆိုတာ အားရှိသွားအောင် မန့်ပေးပါဦးနော် ❤️

အားပေးကြလို့လည်း ကျေးဇူးအများကြီးတင်ပါတယ်

03/03/2025

ကိုယ်တိုင်ရေးသားပြုစုခဲ့ရတဲ့
ရင်နှစ်သည်းခြာ စာအုပ်လေးတွေပါ ❤️

28/02/2025

အိန္ဒိယမှ ပန်းရောင်မြို့တော် ဂျိုင်ပေါ
အရောင်အသွေးစုံလှတဲ့ အိန္ဒိယနိုင်ငံမှာ အပြာရောင်မြို့တော်၊ အဖြူရောင်မြို့တော်၊ ပန်းရောင်မြို့တော်၊ ရွှေရောင်မြို့တော်၊ အနီရောင်မြို့တော်၊ လိမ္မော်ရောင်မြို့တော်စသဖြင့် အရောင်အလိုက် မြို့အသီးသီး ရှိကြပါတယ်။ ဒီထဲကမှ နုမြတ်ရောက်ဖူးတဲ့ ပန်းရောင်မြို့တော် ဂျိုင်ပေါ (Jaipur) အကြောင်း ပြောပြချင်ပါတယ်။

ပန်းရောင်မြို့
---------------
ဂျိုင်ပေါကို ပန်းရောင်မြို့တော်အဖြစ် ခေါ်ရတာက မြို့ထဲရှိ ပန်းရောင်သန်းနေတဲ့ အဆောက်အအုံတွေကြောင့်ပါ။ ၁၈၇၆ ခုနှစ်မှာ ဝေလပြည်နယ်က Prince Albert နဲ့ ဗစ်တိုးရီးယားဘုရင်မကြီးကို ကြိုဆိုတဲ့အနေနဲ့ မဟာရာဂျာ Ram Singh II က မြို့တော်ရဲ့ အဆောက်အအုံတွေကို ပန်းရောင်သုတ်ခိုင်းခဲ့ပြီးနောက် ဒီလိုအမည်တွင်ခဲ့တာပဲဖြစ်ပါတယ်။ အဲဒီတုန်းက ပန်းရောင်ကို ဧည့်ဝတ်ကျေပွန်မှုအရောင်အဖြစ် သတ်မှတ်ထားလို့ ပန်းရောင်သုတ်ခိုင်းခဲ့တာတဲ့။ အခုထိ မြို့လယ် အဆောက်အအုံတွေက ပန်းရောင်ဖြစ်နေပြီး မြို့အမည်နဲ့လိုက်ဖက်စွာ ဘယ်နေရာကြည့်ကြည့် ပန်းရောင်သန်းနေလို့ မြို့လေးက ထူးခြားပြီး ချစ်ဖို့ကောင်းနေပါတယ်။

အိန္ဒိယရဲ့ ပထမဆုံးမြို့ပြစီမံကိန်းမြို့
-------------------------------------
ဂျိုင်ပေါက အိန္ဒိယနိုင်ငံ၊ ရာဂျက်စတန် (Rajasthan) ပြည်နယ်ရဲ့ မြို့တော်နဲ့ အကြီးဆုံးမြို့ပါ။ အိန္ဒိယရဲ့ ပထမဆုံး စနစ်တကျ မြို့ပြစီမံကိန်းရေးဆွဲထားတဲ့မြို့ဖြစ်ပြီး ၁၇၂၇ ခုနှစ်မှာ မဟာရာဂျာ Sawai Jai Singh II ကနေ တည်ထောင်ခဲ့တာပါ။ မြို့တစ်ခုလုံးကို ထောင့်လေးမျက်နှာစာမှာ တံခါးရှစ်ပေါက်ပါတဲ့ မြို့တံတိုင်းနဲ့ ဝန်းရံထားပါတယ်။ ကျယ်ပြန့်တဲ့လမ်းတွေနဲ့ မြို့ပြစီမံကိန်းတွေက ပါရီမြို့ကို အမှတ်ရစေလို့ ဂျိုင်ပေါကို တစ်ခါတစ်ရံ 'Paris of India' လို့လည်းခေါ်ပါတယ်။

ကျောက်မျက်ရတနာမြို့
-----------------------
ဂျိုင်ပေါကို ကမ္ဘာ့ကျောက်မျက်ရတနာမြို့တော် အဖြစ်လည်း ခေါ်ကြပါသေးတယ်။ ဘာကြောင့်လဲဆိုရင် မြ၊ ပတ္တမြားနဲ့နီလာတို့လို အဖိုးတန်ကျောက်မြတ်ရတနာတွေကို ဒီမြို့မှာ သွေးလေ့ရှိတာကြောင့်ပါ။

Golden Triangle City
-----------------------
ဂျိုင်ပေါက အိန္ဒိယရဲ့ မြို့ကြီးသုံးမြို့ကို ပြေးဆွဲနေတဲ့ နာမည်ကျော် ရွှေတြိဂံလမ်းကြောင်းမှာလည်း မြို့တော် နယူးဒေလီ၊ ကမ္ဘာ့အံ့ဖွယ် တက်ဂျ်မဟာရှိရာ အာဂရာမြို့တို့နဲ့အတူ ပါဝင်နေလို့ Tourist တွေ လာရောက်လည်ပတ်လေ့ရှိတဲ့ မြို့တစ်မြို့ပဲဖြစ်ပါတယ်။ နုမြတ်တို့လည်း ထိုလမ်းကြောင်းအပြင် ကက်ရှ်မီးယားဒေသကိုပါ သွားလည်ရင်း ဂျိုင်ပေါကို ရောက်ဖြစ်ခဲ့တာပါ။

ခံတပ်နဲ့နန်းတော်များ
-----------------------
အိန္ဒိယရဲ့ သမိုင်းကြောင်းကြီးမြတ်မှုတွေ၊ ရိုးရာဗိသုကာလက်ရာတွေ၊ ရိုးရာယဉ်ကျေးမှုတွေကို တွေ့မြင်ချင်ရင် ဂျိုင်ပေါကို သွားလည်သင့်ပါတယ်။ ဂျိုင်ပေါမှာ ကြီးမားထည်ဝါလှတဲ့ခံတပ်ကြီးတွေ၊ ခမ်းနားတဲ့အဆောက်အအုံတွေ၊ လှပတဲ့ နန်းတော်တွေ အများကြီးရှိတာကြောင့်ပါ။
ရာဂျက်စတန်ပြည်နယ်ရဲ့ မြို့ကြီးတိုင်းလိုလိုမှာ ခံတပ်ကြီးတွေကို တွေ့နိုင်မှာဖြစ်ပေမဲ့ ဂျိုင်ပေါမှာတော့ ခံတပ်ကြီး ၃ ခုတောင်ရှိပြီး ၃ ခုလုံးက ဂျိုင်ပေါမြို့ရဲ့ အထင်ကရနေရာတွေပါ။ ဒါ့အပြင် ဂျိုင်ပေါက တစ်မြို့ထဲမှာ နန်းတော် ၅ ခုရှိရာမြို့လည်းပဲဖြစ်ပါတယ်။ အဲဒီထဲကမှ Amber ခံတပ်နဲ့ City Palace က နာမည်အကြီးဆုံးပါ။ တချို့နန်းတော်တွေကို ဟိုတယ်အဖြစ်ဖွင့်ထားလို့ နန်းတော်မှာတည်းတဲ့ အတွေ့အကြုံလိုချင်ရင် တည်းကြည့်ပါ။

ကမ္ဘာ့အမွေအနှစ်မြို့
-----------------------
ဂျိုင်ပေါက ကြွယ်ဝတဲ့ ယဉ်ကျေးမှုနဲ့ ဗိသုကာအမွေအနှစ်တို့ကြောင့် ယူနက်စကို ကမ္ဘာ့အမွေအနှစ်မြို့ပါ။ ယူနက်စကိုအသိအမှတ်ပြုနေရာ ၂ ခုလည်းရှိပါတယ်။ အဲဒါတွေကတော့ Amber ခံတပ်နဲ့ နက္ခတာရာကြည့်အဆောက်အုံ Jantar Mantar တို့ပဲဖြစ်ပါတယ်။

ဘယ်တွေသွားလည်ခဲ့လဲ
-----------------------
Amber Fort
နုမြတ်တို့ပထမဆုံး သွားလည်ခဲ့တာကတော့ ဂျိုင်ပေါရဲ့ နာမည်ကြီးဆုံး Amber ခံတပ်ကြီးပါ။ အိန္ဒိယနိုင်ငံရဲ့ မဟာတံတိုင်းကြီးအဖြစ် နာမည်ကြီးသလို တကယ်ကို ခမ်းနားလှပါတယ်။ တောင်ပေါ်မှာဆောက်ထားတော့ မြို့ကို အပေါ်စီးကနေ မြင်ရပါတယ်။ ခံတပ်ဝင်းထဲမှာ နန်းတော်တွေ၊ ခန်းမတွေနဲ့ ဥယျာဉ်တွေ ရှိပါတယ်။ UNESCO Heritage Site ပါ။

လှေကားထစ်ရေတွင်း
Amber Fort ရှိရာ တောင်ပေါ်မတက်ခင် တောင်ခြေက အထပ်အဆင့်ဆင့်ရှိတဲ့ ရှေးဟောင်း လှေကားထစ်ရေတွင်းကလည်း ထူးခြားလို့ ဝင်ကြည့်ခဲ့ပါသေးတယ်။

City Palace
ဒီနန်းတော်ကတော့ Rajasthani ဗိသုကာလက်ရာ အလှတရားကို တွေ့မြင်နိုင်တဲ့ ခမ်းနားထည်ဝါတဲ့ နန်းတော်ပါ။ နန်းတော်ထဲ အဆောင်တွေ၊ ဥယျာဉ်တွေ အများကြီးရှိပြီး အမြင့်ဆုံးနေရာက Chandra Mahal ခုနစ်ထပ်နန်းတော်ဆောင်ပါ။ တော်ဝင်မိသားစု လက်ရှိနေထိုင်နေလို့ဒီအဆောင်ထဲ ဝင်ရောက်ခွင့်မပြုပေမဲ့ နန်းတော်ရှိ အခန်းသုံးခန်းကို အပိုဝင်ကြေး အိန္ဒိယရုပီး ၂၅၀၀ ပေးပြီး ဝင်ကြည့်လို့ရပါတယ်။ ဒီ ၃ ခန်းထဲက အပြာရောင်အခန်းလို့ လူသိများတဲ့ Chhavi Niwas ခန်းမကို ကြည့်ချင်လို့ အပိုကြေးပေးပြီး ဝင်ခဲ့ပါတယ်။ တခြား ၂ ခန်းကတော့ မှန်စီရွှေချထားတဲ့ မှန်ခန်းမ Rang Mandir နဲ့ ကျောက်အစစ်ရွှေအစစ်တွေနဲ့ အလှဆင်ထားတဲ့ Shobha Niwas ခန်းမပါ။ Blue Room မှာ ဓာတ်ပုံလှလှရပေမဲ့ အရမ်းမထူးခြားလို့ မဝင်ကြည့်လည်းရပါတယ်။

လေပြေနန်းတော်
ဒီနန်းတော်ကြီးလည်း တော်တော်လှပါတယ်။ အထပ် ငါးထပ်ရှိပြီး ပြတင်းပေါက်ပေါင်း ၉၅၃ ခုတောင်ရှိတဲ့ လေပြေနန်းတော် Palace of Breeze - Hawa Mahal နန်းတော်ပါ။ နန်းတော်ရှေ့တိုက်ပေါ်က ကော်ဖီဆိုင်တွေကနေ ဓာတ်ပုံရိုက်ရင် ပုံကောင်းကောင်းရပါမယ်။

အခြားထင်ရှားတဲ့နေရာတွေ
-----------------------
ဂျိုင်ပေါရဲ့ အခြားထင်ရှားတဲ့နေရာတွေကတော့ မြို့ဝင်ပေါက်တစ်ခုဖြစ်တဲ့ ဓာတ်ပုံရိုက်လို့လှတဲ့ Patrika Gate၊ အာရှအကြီးဆုံး စက်ဝိုင်းပုံပန်းခြံတစ်ခုဖြစ်တဲ့ Jawahar Circle၊ မျောက်ဘုရားကျောင်း Galtaji Monkey Temple၊ နက္ခတာရာကြည့်အဆောက်အုံ Jantar Mantar၊ သက်တမ်း ၂၃၀၀ နှစ်ရှိ အီဂျစ်လူမျိုး ဆယ်ကျော်သက်မိန်းမငယ်လေး မမ်မီရုပ်အလောင်းရှိရာ Albert Hall ပြတိုက်တို့ပဲဖြစ်ပါတယ်။

ဘယ်အချိန်သွားလည်သင့်လဲ
-----------------------
သွားလည်ဖို့ အကောင်းဆုံးလတွေကတော့ ရာသီဥတုသာယာတဲ့ အောက်တိုဘာလမှ မတ်လအကြားဖြစ်ပါတယ်။ နုမြတ်တို့ကတော့ ဖေဖော်ဝါရီလထဲ သွားဖြစ်ခဲ့တာပါ။ ဒီနှစ်ထဲမှာလည်း နုမြတ်တို့ သွားခဲ့တဲ့ Eastern Shining Star Travels & Tours ကနေပြီး ကက်ရှ်မီးယားနဲ့ ဂျိုင်ပေါပါတဲ့ တိုးသွားဖြစ်မယ်လို့ ကြော်ငြာထားလို့ သွားချင်ရင် အဲဒီမှာ စုံစမ်းကြည့်နိုင်ပါတယ်။

shining

အားလုံးပဲ ကျန်းမာရွှင်လန်းကြပါစေ

With Love,
Nu Myat
(Nu Myat around the World)
Dr. Nu Myat Theingi Oo

28/02/2025

စာအုပ်အသစ်လေးက ဘာဖြစ်မလဲ ခန့်မှန်းပြီး စာအုပ်လက်ဆောင်ယူလိုက်နော်

နုမြတ်ရဲ့ စာအုပ်အသစ်လေး ထွက်ရှိလို့လာပါပြီ

ဒီတစ်ခေါက်မှာ ဘယ်လိုစာအုပ်မျိုးလေး ဖြစ်မလဲ ❓

စာအုပ်ခေါင်းစဉ်ကရော ဘာဖြစ်မလဲဆိုတာ ❓

မန့်မှာ မန့်သွားပေးနော်

အဖြေမှန်တဲ့သူထဲက ၂ ယောက်ကို စာအုပ်လက်ဆောင်ပို့ပေးပါမယ် 🎁

Stay Tuned for the Big Reveal !
ဘာစာအုပ်လေးဖြစ်မလဲဆိုတာ မကြာမီကြေငြာပေးမယ်နော်

သေချာတာကတော့ ခရီးသွားအားလုံးအတွက် အကျိုးရှိစေမယ့်စာအုပ်လေးပါ

I hope it will be a complete Guide for your Foreign Travel.

#ဒေါက်တာနုမြတ်သိင်္ဂီဦး


#နိုင်ငံရပ်ခြားခရီးသွား
#လွယ်ကူပေါ့ပါးခရီးသွား
#လိုရာခရီးအရောက်သွား

03/05/2024

မွေးနေ့အလှူ

မည်သူမဆို လာရောက်သုံးဆောင်နိုင်ပါတယ်ရှင်

. 💜 🩷 ဒေါက်တာနုမြတ်သိင်္ဂီဦးမွေးနေ့🩷 💜
🙏💙စတုဒိသာအလှူတော်ဖိတ်ကြားခြင်း 💙 🙏

ဒေါက်တာနုမြတ်သိင်္ဂီဦး၏မွေးနေ့အလှူစတုဒိသာ

လှူဒါန်းပွဲကို အောက်ပါအစီအစဉ်များအတိုင်း

ကျင်းပပြုလုပ်မည်ဖြစ်ပါသဖြင့်ဆေးရုံရှိ

အတွင်းလူနာ ပြင်ပလူနာများနှင့်တကွ အမှူထမ်း

အရာထမ်း ဆရာဝန် သူနာပြု အားလုံးမည်သူမဆို

လာရောက်သုံးဆောင်ကြပါရန်လေးစား

ဖိတ်ကြားအပ်ပါတယ် ။ ♥️🤍♥️

ထမင်း

ကြက်ကုလားပဲဟင်း ( ကြက်ပဲ )

ငြုပ်သီးထောင်း

သခွားသီးတို့စရာ တို့ဖြင့်

စုစုပေါင်းလူဦးရေ အယောက် ( ၅၀၀ ) စာ

လှူဒါန်းပါမယ်ရှင့် 🙏💙🙏💙🙏

နေ့ရက် ။ ။ ၃.၅.၂၀၂၄( သောကြာနေ့ )
အချိန် ။ ။ နံနက် ( ၁၀း၃၀ )
နေရာ ။ ။ ရန်ကုန်ဆေးရုံကြီး။

#အပြီးအစီးခေတ်ရေစီး
#ခေတ်ရေစီးအိုးကြီးချက်နှင့်
#မြန်မာ့အစားသောက်ဝန်ဆောင်မှုလုပ်ငန်း

31/03/2024

ခေါင်းကိုက်ခြင်း

17/03/2024

မျက်ကပ်မှန်သမားများ ဆောင်ရန် ရှောင်ရန် - Dos and Donts for Contact Lens

15/03/2024

အပူဒဏ်ကိုတွန်းလှန်မယ့်အစားအစာများ

ပူအိုက်တဲ့ရာသီမှာ ခန္ဓာကိုယ်အေးမြဖို့ အမျိုးမျိုးကြံစည်နေကြရပါတယ်။ ကိုယ်စားတဲ့ အစားအစာကလည်း အပူဒဏ်ကို တွန်းလှန်နိုင်ပြီး အေးမြလန်းဆန်းမှုကို ပေးစွမ်းနိုင်တဲ့အစားအစာဖြစ်ဖို့ လိုပါတယ်။ အောက်ပါတို့ကတော့ ပူပြင်းတဲ့ ရာသီမှာ မှီဝဲသင့်တဲ့ အစားအသောက်တချို့ပဲ ဖြစ်ပါတယ်။

ရိုးရိုးရေ
----------
ပူအိုက်လွန်းတဲ့အချိန်မှာ ကျွန်မတို့တစ်တွေ အငမ်းမရ သောက်မိကြတာ ရေခဲစိမ်ထားတဲ့ အချိုရည်တွေနဲ့ ရေခဲရေတွေကိုပါ။ တကယ်တော့ ရေခဲရေတွေ သောက်ပြီးပါက ခန္ဓာကိုယ်အနေနဲ့ ခန္ဓာကိုယ်ရဲ့ ပုံမှန်အပူချိန် ပြန်ရောက်ဖို့ အရမ်းကြိုးစားရပါတယ်။ ရေခဲရေတွေက သောက်သောက်ချင်းမှာ အေးမြ လန်းဆန်းစေပေမယ့် မိနစ် ၂၀ လောက် အကြာမှာတော့ ခန္ဓာကိုယ်က နဂိုအပူချိန် ပြန်ရောက်အောင် ကြိုးစားရတာကြောင့် ပိုလို့တောင် ပူအိုက်လာတတ်ပါတယ်။ ဒါကြောင့် အခန်းတွင်း အပူချိန်ရှိတဲ့ ရိုးရိုးရေကို သောက်တာ အကောင်းဆုံးပါ။ ရိုးရိုးရေထဲ ပူဒီနာအဆီ နှစ်စက်၊ သုံးစက်လောက် ချကာ သောက်ပါက မွှေးပျံ့ကာ အေးမြသွားမှာပါ။

သစ်သီးဝလံနှင့် ဟင်းသီးဟင်းရွက်များ
--------------------------------
ရေဓာတ်ကြွယ်ဝတဲ့ သစ်သီးနဲ့ ဟင်းသီး ဟင်းရွက်တွေက အပူဒဏ်ကို ကြံ့ကြံ့ခံနိုင်အောင် ကူညီပေးကြမှာပါ။ ဒါကြောင့် ကျွဲကောသီး၊ မှို၊ ဟင်းနုနယ်၊ ငရုတ်ပွသီး၊ ခရမ်း ချဉ်သီး၊ မုန်လာဥ၊ ဘရိုကိုလီနဲ့ ဖရဲသီးတို့လို အသီးအရွက်တွေကို စားပေးပါ။ ဖရဲသီးဆိုရင် အရသာလည်းရှိ ရေငတ်လည်း ပြေစေသလို အာဟာရဓာတ်လည်း များစွာ ပါဝင်ပါတယ်။ ဒါတင်ဘယ်ကမလဲ။ ခရမ်းလွန်ရောင်ခြည်ကိုပါ ကာကွယ်ပေးတာကြောင့် နွေရာသီရဲ့ အဓိကအစားအစာလို့တောင် ပြောရမှာပါ။

အစပ်ဟင်း
----------
ရာသီဥတုက ပူလောင်ရတဲ့ကြားထဲ ပူစပ်ပူလောင်တွေ လာစားခိုင်းလို့ မျက်မှောင်ကျုံ့မသွားကြပါနဲ့။ အစပ်ဟင်းတွေကလည်း အပူဒဏ်ကို တွန်းလှန်ရာမှာ အထောက်အကူပြုပါတယ်။ အစပ်ဟင်းတွေလို စပ်တဲ့အစာတွေ စားပါက နှလုံးခုန်နှုန်းကို မြန်စေပြီး ခန္ဓာကိုယ်အနှံ့ သွေးစီးဆင်းမှုများလာတာကြောင့် ချွေးတွေ ထွက်လာစေပါတယ်။ ချွေးထွက်တာက ခန္ဓာကိုယ်က အပူချိန်မတက်အောင် ထိန်းထားပေးသလို ခန္ဓာကိုယ်တွင်း အပူချိန်ကိုလည်း လျော့ကျစေပါတယ်။ တော်ရုံတန်ရုံစပ်တဲ့ ဟင်းလောက်ဆို အတော်ပါပဲ။

ဘာကိုရှောင်ရမလဲ
----------------
ဆားများစွာပါဝင်တဲ့ အစားအစာတွေက ရေဓာတ်ခန်းခြောက်စေနိုင်တာကြောင့် နွေနေ့ရက်တွေမှာ ရှောင်ကြဉ်သင့်ပါတယ်။ အာလူးကြော်တို့လို မုန့်ထုပ်တွေနဲ့ အမြန်စာတွေကို မစားပါနဲ့။ အဆာပြေစားချင်ရင် သစ်သီးဝလံတွေနဲ့ မုန်လာဥ၊ သခွားသီးတို့လို အသီးအနှံတွေကို စားပေးပါ။

ဒေါက်တာနုမြတ်

14/03/2024

နေ့လိမ်း ညလိမ်း Moisturizer တွေအကြောင်း သိထားသင့်တာတွေ