Dr Ajinal's Dentworld Multispeciality Dental Clinic Chunkapaara

15/09/2024

14/05/2021

https://dentworldpathanad.business.site/

Dental Clinic in Kangazha

12/05/2021

Eid Mubarak

16/07/2020

ആറാം വയസ്സിലെ വയസ്സിലെ അണപ്പല്ലുകൾ - ഇത്രയേറെ പ്രാധാന്യമുണ്ടോ ???
-------------------------
'എന്തായാലും പറിഞ്ഞു പോവേണ്ടതല്ലേ ??
അതങ്ങു പറിച്ചു കളഞ്ഞേക്കു !
പുതിയ പല്ലുകൾ ഇനി വന്നോളും '

ആദ്യത്തെ സ്ഥിരം അണപ്പല്ലിൽ (first permanent molar )വേദനയുമായി വരുന്ന മിക്ക കുട്ടികളുടെയും രക്ഷിതാക്കളുടെ പ്രതികരണം ഇങ്ങനെയാണ് . ആറാം വയസിൽ വരുന്ന പല്ലായത് കൊണ്ട് പാൽ പല്ലാണെന്നാണ് ബഹു ഭൂരിപക്ഷം ആളുകളുടെയും ധാരണ . ഇത്‌ സ്ഥിരം പല്ലാണെന്നും പറിച്ചു കളയാൻ പറ്റില്ല എന്നും അറിയുമ്പോൾ രക്ഷിതാക്കളുടെ മുഖത്തു ആശങ്ക ....

കുട്ടികളുടെ എല്ലാ പല്ലുകളും പറിഞ്ഞു പോവാനുള്ളതാണെന്ന മിഥ്യാ ധാരണ കൊണ്ട് കുട്ടികളുടെ ബ്രഷിങ് ആരും വേണ്ടത്ര ശ്രദ്ധ കൊടുക്കാറില്ല . ആറാം വയസിൽ മേൽത്താടിയിലും കീഴ്താടിയിലും രണ്ടു വീതം വരുന്ന ആദ്യത്തെ അണപ്പല്ലുകൾ (വായുടെ മധ്യത്തിൽ നിന്ന് ) കൃത്യമായി വൃത്തിയാക്കാത്തതു മൂലം 8-10 വയസാവുമ്പോഴേക്കും പൂർണമായും കേടാവുന്നു . പറിഞ്ഞു പോവേണ്ടതാണെന്ന തെറ്റായ ധാരണ കാരണം വേദന ഉണ്ടെങ്കിൽ പോലും ദന്ത ഡോക്ടറെ കാണാൻ വൈകുകയും ചികിത്സ ബുദ്ധിമുട്ടാവുകയും ചെയ്യുന്നു . സാധാരണ ഗതിയിൽ സ്ഥിരം അണപ്പല്ലുകളിൽ ആഴമുള്ള കേടുകൾ വന്നാൽ റൂട്ട് കനാൽ ചെയ്യുകയാണ് പതിവ് . പക്ഷെ കുട്ടികളുടെ ആദ്യത്തെ അണപ്പല്ലുകളിലെ ചികിത്സ ചിലവേറിയതും ബുദ്ധിമുട്ടുള്ളതുമാകുന്നു .

ആദ്യത്തെ അണപ്പല്ലുകളുടെ പ്രാധാന്യം
------------------------------------
1. ഒരു വ്യക്തിയുടെ വായിൽ ആദ്യമായി വരുന്ന സ്ഥിരം പല്ലുകളാണ് first permanent molar (ആറാം വയസ്സിലെ അണപ്പല്ല് ) . ഏറ്റവും പ്രാധാന്യമർഹിക്കുന്ന പല്ലും ഇതു തന്നെ

2 . മേൽത്താടിയുടെയും കീഴ്താടിയുടെയും വളർച്ചാ രൂപീകരണത്തിലും പൂർത്തീകരണത്തിലും പങ്കു വഹിക്കുന്നു .

3 . വലിയ പല്ലുകൾ ആയതിനാൽ ഭക്ഷണം ചവച്ചരച്ചു കഴിക്കാൻ സഹായിക്കുന്നു .

4 . മറ്റു സ്ഥിരം പല്ലുകളുടെ സ്ഥാന നിർണയത്തിലും ക്രമീകരണത്തിലും പങ്കു വഹിക്കുന്നു .

5. സംസാര ശൈലി , മുഖത്തിന്റെ രൂപം എന്നിവയെ സ്വാധീനിക്കുന്നു .

6. മറ്റു പല്ലുകളെ അപേക്ഷിച്ചു ഏറ്റവും കട്ടിയുള്ള വേരുകൾ ആയതിനാൽ ദന്ത ക്രമീകരണ ചികിത്സയിൽ മറ്റു പല്ലുകളെ വലിച്ചു കെട്ടുന്നതിനായി ഉപയോഗിക്കുന്നു .
ഈ പല്ലുകൾ പറിച്ചു കളഞ്ഞവരിൽ ദന്ത ക്രമീകരണ ചികിത്സ ബുദ്ധിമുട്ടുള്ളതാവുന്നു.

7.ഏതെങ്കിലും സാഹചര്യത്തിൽ ആദ്യത്തെ അണപ്പല്ലുകൾ പറിച്ചു കളയേണ്ട സാഹചര്യം ഉണ്ടായാൽ ഉറപ്പിച്ചു നിർത്താവുന്ന പല്ലുകൾ ഘടിപ്പിക്കുന്നതിനു തൊട്ടടുത്തുള്ള പല്ലുകളുടെ വളർച്ച പൂർത്തിയാവുന്നത് വരെ കാത്തിരിക്കേണ്ടി വരും . അല്ലെങ്കിൽ തൊട്ടടുത്ത് വരുന്ന അണപ്പല്ലിനെ തല്സ്ഥാനത്തേക്ക് ദന്ത ക്രമീകരണ ചികിത്സയിലൂടെ കൊണ്ട് വരേണ്ടി വരും .


ഇത്രയേറെ പ്രാധാന്യമുള്ള ആദ്യത്തെ അണപ്പല്ലുകളുടെ ചികിത്സ ബുദ്ധിമുട്ടേറിയതാണെങ്കിലും സമയ ബന്ധിതമായി പൂർത്തിയാക്കേണ്ടതാണ്

എന്ത് കൊണ്ട് ചെറു പ്രായത്തിൽ ആദ്യത്തെ അണപ്പല്ലുകളിലെ റൂട്ട് കനാൽ ചികിത്സ ബുദ്ധിമുട്ടുള്ളതാവുന്നു
-----------------------------------------
ആറാം വയസിൽ ആദ്യത്തെ അണപ്പല്ലുകൾ വായിൽ മുളച്ചു വരുമെങ്കിലും അവയുടെ വേരുകളുടെ വളർച്ച പൂർത്തിയാവുന്നത് 9- 10 വയസിൽ ആണ് .

വേരുകളുടെ വളർച്ച പൂർത്തിയാവുന്നതിന് മുൻപ് കേടാവുന്ന അണപ്പല്ലുകളിൽ ഒന്നോ രണ്ടോ തവണ കൊണ്ട് റൂട്ട് കനാൽ ചികിത്സ പൂർത്തിയാക്കാനാവില്ല . അത്തരം സന്ദർഭങ്ങളിൽ വേരുകളുടെ വളർച്ച പൂര്ത്തിയാവുന്നത് വരെയോ അല്ലെങ്കിൽ ശാസ്ത്രീയ മാർഗങ്ങളിലൂടെ വേരുകളുടെ അഗ്ര ഭാഗം അടക്കുന്നതു വരെയോ റൂട്ട് കനാൽ ചികിത്സ നീണ്ടു പോവും . സാധാരണ റൂട്ട് കനാൽ ചികിത്സകളെക്കാൾ കൂടുതൽ തവണ ഡോക്ടറുടെ സേവനം ആവശ്യമായി വരികയും ചികിത്സാ ചിലവു കൂടുകയും ചെയ്യുന്നു .
പല്ലുകളുടെ പ്രധാന ഭാഗങ്ങൾ കേടു വന്നു ദ്രവിച്ചു പോവുന്ന സാഹചര്യമുണ്ടായാൽ പല്ലുകൾക്ക് ബലത്തിനായി ക്യാപ് ഇടുന്നതിനു മുൻപ് പല്ലിനെ ബലപ്പെടുത്തേണ്ടി വരും .(post & core treatment ) . ഇത്തരം സാഹചര്യങ്ങളിൽ ചികിത്സാ ചിലവ് വീണ്ടും കൂടാനിടയുണ്ട് .

ഇത്രയേറെ പ്രാധാന്യമുള്ള ആദ്യത്തെ അണപ്പല്ലുകളുടെ സുരക്ഷ ഉറപ്പു വരുത്തുന്നതിലൂടെ ഒരുപാട് ആരോഗ്യ പ്രശ്നങ്ങളിൽ നിന്നും ഒപ്പം വലിയ ചികിത്സാ ചിലവുകളെയും നമുക്ക് ഒഴിവാക്കാം .

ഇനിയെങ്കിലും പറിഞ്ഞു പോവുന്ന പല്ലുകളാണെന്ന മുടന്തൻ ന്യായം ഒഴിവാക്കി കുട്ടികളുടെ പല്ലുകൾ വൃത്തിയാക്കാൻ രക്ഷിതാക്കൾ ശ്രദ്ധ നൽകണം .

15/07/2020

നിങ്ങളെന്തിനാ ഇതൊക്കെ ചോദിയ്ക്കാൻ നിക്കുന്നെ നിങ്ങൾക്ക് പല്ല് എടുത്തു തന്നാൽ പോരെ ? !!!!!
********
ഒട്ടു മിക്ക ദന്ത ഡോക്ടർമാരും രോഗികളോട് മറ്റ് ആരോഗ്യ പ്രശ്നങ്ങൾ ഉണ്ടോ എന്ന് ചോദിക്കുമ്പോൾ കേൾക്കുന്ന മറു ചോദ്യമാണിത് .

സത്യത്തിൽ നമ്മുടെ മറ്റു രോഗങ്ങളെ കുറിച്ചും അതുമായി ബന്ധപ്പെട്ട് കഴിക്കുന്ന മരുന്നുകളുടെ വിവരങ്ങളും ദന്ത ഡോക്ടർമാരുമായി പങ്ക് വെക്കേണ്ടതുണ്ടോ ?

തീർച്ചയായും വേണം .!!!

നിങ്ങളുടെ ദന്ത രോഗത്തിന്റെ കാരണം മുതൽ ചികിത്സയെ വരെ നിർണ്ണയിക്കുന്നതിൽ അവക്ക് നിർബന്ധമായും പങ്കുണ്ട് .

നമുക്കിടയിൽ കണ്ടു വരുന്ന പല അസുഖങ്ങളുടെയും അനന്തര ഫലമായി ദന്ത രോഗങ്ങള് ഉടലെടുക്കാം. ഉദാഹരണത്തിന് പ്രമേഹവും മോണ രോഗവും തമ്മിൽ അബേദ്ധ്യമായ ബന്ധമുണ്ട്.

ശരീരത്തിൽ ഇൻസുലിൻ എന്ന ഹോർമോണിന്റെ അഭാവമോ പ്രവർത്തന വൈകല്യമോമൂലം ഉടലെടുക്കുന്ന രോഗാവസ്ഥയാണ് 'ഷുഗർ' എന്ന് ഓമന പേരിട്ട് വിളിക്കുന്ന പ്രമേഹം. ഇൻസുലിന്റെ അഭാവമോ അപാകതയോ മൂലം രക്തത്തിൽ ഗ്ലൂക്കോസിന്റെ അളവ് കൂടുന്നു. ഇത് പല തരത്തിലുള്ള അണുബാധകൾക്കും കാരണമാകുന്നു.

മോണ രോഗത്തിന് കാരണമാകുന്ന ബാക്റ്റീരിയകൾ ഏറ്റവും കൂടുതൽ ഇഷ്ടപെടുന്ന ഒരവസ്ഥയാണ് രക്തത്തിൽ ഗ്ളൂക്കോസ് കൂടുന്നത്. അവയുടെ പ്രവർത്തന ശക്തി വ്യാപിക്കുകയും മോണ രോഗത്തിന്റ കാഠിന്യം വർധിക്കുകയും ചെയ്യുന്നു. അപ്പോൾ നിങ്ങൾ ദന്ത ഡോക്ടറുമായി നിങ്ങളുടെ പ്രമേഹ രോഗം മറച്ചു വെച്ചാൽ ശരിയായ രോഗ നിർണ്ണയം സാധ്യമാകാതെ വരുന്നു അത് ചികിത്സയെയും പ്രതികൂലമായി ബാധിക്കും.

രോഗി മറ്റു അസുഖങ്ങൾ മറച്ചു വെക്കുന്നത് ഏറ്റവും കൂടുതൽ ബാധിക്കുന്നത് പല്ലുകൾ എടുത്തു മാറ്റുന്ന (എക്സ്ട്രാക്ഷൻ) ചികിത്സയിലാണ്. ഉദാഹരണത്തിന് ഹൃദ്രോഗ സംബന്ധമായി രക്തം കട്ട പിടിക്കാതിരിക്കാനുള്ള മരുന്ന് കഴിക്കുന്ന ഒരു വ്യക്തി ദന്ത ചികിത്സ തേടിയെത്തി ഡോക്ടർ പല്ലു എടുത്തു മാറ്റാൻ നിർദേശിച്ചു. രോഗി തന്റെ രോഗാവസ്ഥയും കഴിക്കുന്ന മരുന്നിന്റെയും വിവരങ്ങൾ മറച്ചു വെച്ചു ഡോക്ടർ പല്ലെടുക്കുകയും ചെയ്തു .

ഇനിയാണ് പ്രശ്നം !!

പല്ലെടുത്ത ഭാഗത്തെ രക്തത്തിന്റെ ഒഴുക്ക് സാധരണ നിലയിൽ മിനിറ്റുകൾക്കുള്ളിൽ നിൽക്കേണ്ടതാണ് എന്നാൽ ഈ രോഗിയിൽ രക്ത പ്രവാഹം നടന്നു കൊണ്ടിരിക്കും .

പഴിയെല്ലാം ഡോക്ടർക്കുമായിരിക്കും .!!

ഇത്തരം മരുന്നുകൾ കഴിക്കുന്ന രോഗികൾ അവരുടെ ഹൃദ്രോഗ വിദഗ്ദ്ധൻ നൽകുന്ന സമ്മതപത്ര പ്രകാരം അഞ്ചു ദിവസത്തോളം ആ മരുന്ന് നിറുത്തിയിട്ടാണ് പല്ലെടുക്കുന്നതിനായി വരേണ്ടത് .എങ്കിൽ രക്തം നിൽക്കാതിരിക്കുന്ന സങ്കീർണ്ണത ഒഴിവാക്കാനാകും.

മറ്റു ഹൃദയ സംബന്ധമായ അസുഖങ്ങൾ ഉള്ളവരിൽ (ഉദാഹരണത്തിന് വാൽവുകളുടെ തകരാർ ) ദന്ത ചികിത്സകൾക്ക് മുമ്പായി പ്രൊഫയിലറ്റിക് ആന്റിബയോട്ടിക് തെറാപ്പി എന്നറിയപ്പെടുന്ന മുൻകരുതൽ ആന്റിബയോട്ടിക്കുകൾ കഴിക്കേണ്ടതുണ്ട്.
അല്ലെങ്കിൽ ദന്ത ചികിത്സ ഹൃദയ അസുഖങ്ങളെ കൂടുതൽ സങ്കീർണ്ണമാക്കും.

പലപ്പോഴും ദന്ത ചികിത്സ തേടിയെത്തുന്ന രോഗികൾ മറച്ചു വെക്കുന്ന ഒന്നാണ് അമിത രക്ത സമ്മർദ്ദം അഥവാ ബി പി (ബ്ലഡ് പ്രഷർ ).
ബി പി കൂടുതലുള്ള രോഗികളിൽ പല്ലെടുക്കുമ്പോൾ അമിത രക്ത പ്രവാഹം ഉണ്ടാകാൻ സാധ്യത കൂടുതലാണ് തൽഫലമായി രോഗി അബോധാവസ്ഥയിലാകാൻ വരെ സാധ്യതയുണ്ട്.
രോഗിയുടെ ബ്ലഡ് പ്രഷറിനെ കുറിച്ചു ഡോക്ടർക്ക് അറിവില്ലാ എങ്കിൽ പല്ലെടുക്കുമ്പോൾ ആവശ്യമായ മുൻകരുതലുകൾ എടുക്കാനും ചികിത്സ ശേഷം രോഗിയോട് ആവശ്യമായ നിർദ്ദേശങ്ങൾ നൽകാനും സാധിക്കാതെ വരും .

പ്രമേഹമുള്ള വ്യക്തികളിൽ പല്ലെടുക്കുകയോ മോണ ക്ലീൻ ചെയ്യുകയോ ചെയ്യുന്ന ചികിത്സകളിൽ മുറിവുണങ്ങാൻ സമയമെടുക്കും.അത്തരം രോഗികളിൽ രക്തത്തിലെ ഗ്ലുക്കോസിന്റെ അളവ് സാധാരണ നിലയിലെത്തിയാൽ മാത്രമേ ചികിത്സ നടത്താനാകൂ.അപ്പോൾ നിങ്ങൾ രോഗ വിവരങ്ങൾ മറച്ചു വെച്ചാൽ അത് ചികിത്സയെ പ്രതികൂലമായി ബാധിക്കുകയും കൂടുതൽ സങ്കീർണ്ണമാക്കുകയും ചെയ്യും.

അതു പോലെ തൈറോയ്ഡ് സംബന്ധമായ അസുഖങ്ങൾ ഉള്ള രോഗിയിലും ദന്ത ചികിത്സയിൽ ആവശ്യമായ മാറ്റങ്ങൾ വരുത്തേണ്ടതുണ്ട്.

വൃക്കയുമായി ബന്ധപ്പെട്ട അസുഖങ്ങളുള്ള രോഗിക്ക് അതിനനുസരിച്ച മരുന്നുകളെ നമുക്കു കുറിച്ചു നല്കാനാകൂ .

അപസ്മാരം,ആസ്ത്മ തുടങ്ങിയ അസുഖങ്ങളുള്ള രോഗികളിൽ ചികിത്സകൾ നടത്തുമ്പോൾ ഡോക്ടർമാർ ആവശ്യമായ മുൻകരുതലുകൾ എടുക്കേണ്ടതുണ്ട്. ഇത്തരം രോഗികളിൽ ചിലപ്പോൾ ചികിത്സാ സമയത്തിൽ വരെ മാറ്റം വരുത്തേണ്ടതുണ്ട്.

മരുന്നുകൾക്കും മറ്റും അലർജി ഉള്ളവർ നിർബന്ധമായും അത് ഡോക്ടറെ അറീക്കണം , എങ്കിലേ അലർജി ഉണ്ടാക്കുന്ന മരുന്നുകൾ ഒഴിവാക്കാനാകൂ.

അതു പോലെ ചില മരുന്നുകൾ ഒരുമിച്ച് കഴിച്ചാൽ രണ്ടിന്റെയും ഫലം നൽകാത്തിരിക്കുകയോ കൂടുതൽ സങ്കീർണ്ണതകൾ സൃഷ്ടിക്കുകയോ ചെയ്യാം.
അതിനാൽ നിങ്ങൾ കഴിച്ചു കൊണ്ടിരിക്കുന്ന മരുന്നുകളുടെ പൂർണ്ണ വിവരം ഡോക്ടറുമായി പങ്കുവെക്കേണ്ടതുണ്ട്.

ഗർഭിണികൾ , മുലയൂട്ടുന്ന അമ്മമാർ തുടങ്ങിയവരും ആ വിവരങ്ങളും നിർബന്ധമായും ഡോക്ടറെ ധരിപ്പിക്കണം , എങ്കിലേ ചികിത്സയിൽ ആവശ്യമായ മുൻകരുതലുകൾ എടുക്കാൻ ദന്ത ഡോക്ടർമാർക്ക് സാധിക്കൂ.

മദ്യപാന, പുകവലി, പുകയില ഉപയോഗ ശീലമുള്ളവരും ആ വിവരങ്ങൾ പങ്കുവെക്കൽ അനിവാര്യമാണ്.

അപ്പോൾ പറഞ്ഞു വന്നത് ഡോക്ടർമാരോട് കള്ളം പറയരുത്. മറ്റു അസുഖ വിവരങ്ങൾ പങ്കു വെക്കാൻ മടിക്കുകയോ അവ മറച്ചു വെക്കുകയോ ചെയ്യരുത്. നിങ്ങൾക്ക് ഉചിതമായ ചികിത്സ ലഭ്യമാക്കുന്നതിനാണ് ദന്ത ഡോക്ടർമാർ നിങ്ങളോട് മറ്റു രോഗ വിവരങ്ങളും ശീലങ്ങളും ആരായുന്നത്.

ആയതിനാൽ അവ സത്യസന്ധമായി ഡോക്ടറോട് പങ്ക് വെക്കുക ..
സങ്കീർണ്ണതകളില്ലാത്ത ചികിത്സ നേടുക ..!!
സൂക്ഷിച്ചാൽ ദുഃഖിക്കണ്ട !!!

22/06/2020

ദന്താരോഗ്യത്തിന്റെ പ്രാധാന്യം

"ഡോക്ടറെ ഈ പല്ലിൽ ഒരു കേടുണ്ട് അതങ്ങ് എടുത്തു തരുമോ?" ക്ലിനിക്കിൽ സാധാരണ കേൾക്കുന്ന ചോദ്യമാണ് ഇത്.എത്ര ലാഘവത്തയോടെയാണ് ഈ ചോദ്യം ചോദിക്കാറുള്ളതെന്നോ. ഇത്തരക്കാരോട് "നിങ്ങളുടെ കൈയിലെ ഒരു വിരലിൽ ഒരു മുറിവുണ്ടെങ്കിൽ വിരൽ മുഴുവനായി മുറിച്ചു കളയാറാണോ പതിവ് ?" എന്ന മറുചോദ്യമാണ് ചോദിക്കാറുള്ളത്.
പൊതുവെ എല്ലാവരുടെയും ധാരണ വായിൽ മുപ്പത്തിരണ്ട് പല്ല് ഉണ്ടല്ലോ അതിൽ നിന്നും രണ്ട് മൂന്നെണ്ണം നഷ്ടപെട്ടാൽ യാതൊരു കുഴപ്പവുമില്ല എന്നാണ്. എന്നാൽ നമ്മുടെ ശരീരത്തിലെ മറ്റ് ഏതൊരു അവയവും പോലെ തന്നെ പ്രാധ്യാന്യമുള്ളതാണ് പല്ലുകളും.മാത്രവുമല്ല ഒട്ടു മിക്ക അവയവങ്ങളുടെയും ശരിയായ രീതിയിലുള്ള പ്രവർത്തനത്തിന് മികച്ച ദന്താരോഗ്യം അത്യാവശ്യമാണ്.

എന്താണ് പല്ലുകളുടെ ധർമ്മം?.
ഈ ചോദ്യത്തിനു പലരുടെയും ഉത്തരം ഭക്ഷണം കഴിക്കാൻ എന്നായിരിക്കും.അതിനു മാത്രമാണോ ദൈവം നമുക്ക് പല്ലുകൾ നൽകിയത് ?. അല്ല .
ഒരു വ്യക്‌തിയുടെ ചിരി , സംസാരം , ആഹാരം കഴിക്കൽ , തുടങ്ങി ആത്മവിശ്വാസത്തിൽ വരെ പല്ലുകൾക്ക് പങ്കുണ്ട്. മുൻ നിരയിലെ പല്ലുകൾ നഷ്ടപെട്ടാൽ മര്യാദക്ക് ചിരിക്കാൻ നമുക്ക് കഴിയില്ല.
ഒരു പല്ല് എടുത്തിനു ശേഷം സംസാരിക്കുമ്പോൾ എന്തോ അപാകത തോന്നുന്നു എന്ന ആശങ്ക ഒരു സുഹൃത്തു കൂടിയായ ഒരു രോഗി പങ്കു വെച്ചിരുന്നു.അപ്പോൾ ഒരുപാട് പല്ലുകൾ നഷ്ടപെട്ടവരുടെ അവസ്ഥ പറയാതിരിക്കുന്നതാകും ഭേദം.
ഭക്ഷണത്തിൻറെ കാര്യം പിന്നെ പറയേണ്ടതില്ലല്ലോ, ശരിയായ രീതിയിൽ ചവച്ചരച്ചു കഴിക്കാൻ കഴിയില്ലെങ്കിൽ പിന്നെന്തു കാര്യം?.
അപ്പോൾ പല്ലുകൾ നഷ്ടപെട്ടാൽ ഇതൊന്നും സാധ്യമാകില്ല.
മുൻപല്ലുകൾ നഷ്ടപെട്ടിട്ടോ നിറം മങ്ങിയിട്ടോ ആളുകളെ അഭിമുഖീകരിക്കാൻ ബുദ്ധിമുട്ടുന്ന ഒരുപാട് പേരെ കണ്ടിട്ടുണ്ട്.
അപ്പൊ ദന്താരോഗ്യം ആത്മവിശ്വാസത്തിന്റെ ഒരു അവിഭാജ്യ ഘടകമാണ്.
ആരോഗ്യമുള്ള പല്ലുകൾ ഇല്ലായെങ്കിൽ നമുക്കു വരാവുന്ന മറ്റു ആരോഗ്യ പ്രശ്നങ്ങൾ അനവധിയാണ്.
നല്ലവണ്ണം ഭക്ഷണം കഴിക്കാൻ സാധിച്ചിട്ടില്ലെങ്കിൽ ദഹന സംബന്ധമായ അസുഖങ്ങളും പോഷകഹാരകുറവുമൂലം ഉണ്ടാകാവുന്ന അസുഖങ്ങളും ബാധിക്കും.

അതു പോലെ അനാരോഗ്യ ദന്തങ്ങളും അവയുടെ ചുറ്റുപാടും ശരീരത്തിലെ ഓരോ അവയവത്തിന്റെയും പ്രവർത്തനങ്ങളെ പ്രതികൂലമായി ബാധിക്കാനുള്ള സാധ്യത വളരെ കൂടുതലാണ്.
പക്ഷെ നമുക്കു ആ പല്ലുകളുടെ ആരോഗ്യം കാത്തു സൂക്ഷിക്കാൻ മടിയാണ്. പലപ്പഴും നമ്മുടെ അശ്രദ്ധയും അജ്ഞതയുമാണ് ഇതിനു കാരണം.അതോടൊപ്പം അവഗണനയും.
പല്ലുകളെ വളരെ നിസാരമായി കാണുന്ന പ്രവണത ഉപേക്ഷിക്കണം.
നമ്മുടെ അശ്രദ്ധ കൊണ്ട് പല്ലുകൾക്ക് ബലക്ഷയം സംഭവിച്ചാൽ അതിനുള്ള ചികിത്സ പല്ലു എടുത്തു കളയലല്ല.
ചെറിയ പോടുകൾ അടക്കുന്നതിനും പൊട്ടിപ്പോയ പല്ലുകളുടെ ഭാഗങ്ങൾക്കു പകരമായി അതിനൂതനമായ പല്ലുകളോട് എല്ലാ സവിശേഷതകളിലും തുല്യമാകുന്ന വ്യത്യസ്തമായ വസ്തുക്കൾ ഇന്ന് ലഭ്യമാണ്.
അതു പോലെ കൂടുതൽ ആഴത്തിലുള്ളതോ പഴുപ്പ് ബാധിച്ചതോ ആയ പല്ലുകൾ വേരു (റൂട്ട് കനാൽ) ചികിസയിലൂടെ അടച്ചു കൊടുത്തു ഒരു ക്യാപ് കൂടി നൽകി സംരക്ഷിക്കാവുന്നതേയുള്ളൂ..
നമ്മുടെ തുടർച്ചയായ അവഗണനകളാൽ തീർത്തും നശിച്ചു പോയ പല്ലുകൾ മാത്രമേ എടുത്തു കളയേണ്ടതുള്ളൂ.. പക്ഷെ നഷ്ടപെട്ട പല്ലുകൾക്ക് പകരം കൃത്രിമ ദന്തങ്ങൾ വെച്ചു നൽകണം. വിവിധ തരത്തിലുള്ള കൃത്രിമ ദന്തങ്ങൾ ഇന്ന് ലഭ്യമാണ്.
അപ്പൊ പറഞ്ഞു വന്നത് ഈ പല്ലുകൾ അത്ര നിസാരന്മാരല്ല , സൂക്ഷിച്ചാൽ ദുഃഖിക്കേണ്ട ..!!!

വാൽകഷ്ണം: ദന്ത ഡോക്ടർമാർ ഇപ്പഴും 'പല്ലു പറിയന്മാർ' മാത്രമാണ് എന്നു വിശ്വസിക്കുന്ന സാധാരണക്കാരും അഭ്യസ്ഥ വിദ്യരും ഇപ്പഴുമുണ്ട്.അവരുടെയൊക്കെ ചിന്തകളും ചിന്താഗതികളും മാറ്റേണ്ട സമയമായിരിക്കുന്നു..

ഡോ. മുഹമ്മദ് ഷാഫി പിസി
ചീഫ് ഡെന്റൽ സർജൻ
ട്രസ്റ്റ് ഹോസ്പിറ്റൽ ,രണ്ടത്താണി .





Please like and follow this page for more public awareness messages

22/06/2020

തലമുറകളായി കൈമാറി വരുന്ന ഒരു തെറ്റിദ്ധാരണയാണു പല്ല് ക്ലീൻ ചെയ്താൽ പുളിപ്പു വരും എന്നത്‌ !!
സത്യത്തിൽ പല്ല് ക്ലീൻ ചെയ്യുന്നതാണോ പുളിപ്പിനു കാരണം ??

ഏതൊരു അസുഖവും തടയാൻ പറ്റുന്ന, അല്ലെങ്കിൽ ചികിൽസിച്ച്‌ ഭേദമാക്കാവുന്ന ഒരു ഘട്ടത്തിലൂടെ കടന്ന് പോകും,
ആ സമയം മനസിലാക്കി വേണ്ട ചികിൽസ നൽകിയാൽ തടയാൻ പറ്റുന്നതാണു മിക്ക രോഗങ്ങളും!!

മോണരോഗമായാലും, പല്ലു വേദനയായാലും എത്ര നേരത്തെ ചികിൽസിക്കുന്നുവോ അത്രയും നല്ലത്‌ !!

പലപ്പോഴും ചികിൽസ വൈകുന്നത്‌ പല തെറ്റിദ്ധാരണകളുടെയും പേരിലാണു,
മോണരോഗത്തിന്റെ കാര്യത്തിൽ രോഗിയേക്കാൾ ഏറെ ഉത്തരവാദിത്തം ഏറ്റെടുക്കേണ്ടവർ, അവർക്ക്‌ ചുറ്റും നിന്ന് തെറ്റായ അഭിപ്രായങ്ങൾ അല്ലെങ്കിൽ നിർദ്ദേശങ്ങൾ നൽകുന്നവരാണ് .
അതിൽ പ്രധാനമായി പറയുന്നൊന്നാണ് പല്ല് ക്ലീൻ ചെയ്താൽ ഇനാമൽ (Enamel )പോകും, പുളിപ്പു വരുമെന്നുള്ള ഒരു കേട്ടറിവ് !!

അതു കണ്ണടച്ച്‌ വിശ്വസിച്ച്‌ പലരും വേണ്ട സമയത്ത്‌ ചികിൽസിക്കാതെ ആ ഒരു ഘട്ടം അവഗണിക്കുകയും ചെറിയ പ്രായത്തിൽ തന്നെ മോണരോഗം വന്ന് പല്ലിനു ഇളക്കം വരെ സംഭവിക്കുന്ന അവസ്ഥയിലെത്തുകയും ചെയ്യുന്നു....

ആദ്യം പല്ല് ക്ലീൻ(scaling) ചെയ്യാനുള്ള സാഹചര്യം എങ്ങനെ വരുന്നു എന്ന് നോക്കാം..
പലരുടെയും പല്ലിൽ അഴുക്ക്‌ കട്ടപിടിച്ച്‌ നിൽക്കുന്നത്‌ ശ്രദ്ധിക്കുമ്പോഴാണു ക്ലീൻ ചെയ്യണം എന്ന തോന്നൽ വരാറു..
പല്ലിനും മോണയ്ക്കുമിടയിൽ(എത്തിൾ/കക്ക) അഴുക്കടിയുന്നതിനു പല കാരണങ്ങൾ ഉണ്ടെങ്കിലും .... ദന്തശുചിത്വം പാലിക്കാത്തതാണു പ്രധാന കാരണം..

അതെങ്ങനെ ശെരിയാകും?
നമ്മളു പല്ല് തേക്കുന്നുണ്ടല്ലോ.. കുറഞ്ഞത്‌ ദിവസം ഒരു നേരമെങ്കിലും പല്ല് തേക്കുന്നവരാണു മലയാളികൾ,ഒരു പരിധി വരെ മിക്കവരും രണ്ട്‌ നേരവും ബ്രഷ്‌ ചെയ്യുന്നുണ്ട്‌..

പക്ഷെ ശെരിയായ രീതിയിലാണോ ബ്രഷ് ചെയ്യുന്നത്‌ ??
തെറ്റായ രീതിയിൽ എത്ര തവണ തേച്ചാലും അത്‌ ഫലം ചെയ്യില്ല ,
എത്രത്തോളം തെറ്റായാണു ബ്രഷ്‌ ചെയ്യുന്നതെന്ന് മനസിലാക്കാൻ യൂട്യൂബിൽ കയറി Brushing technique എന്നൊന്ന് സെർച്ച് ചെയ്താൽ മതി..
അതിനെവിടെ സമയം.. അല്ലെ..?? ഇതൊക്കെ ഇപ്പൊ ആര് ശ്രദ്ധിക്കാൻ...

തെറ്റായ ബ്രഷിംഗ്‌ രീതി പിന്തുടരുന്നത്‌ മൂലം ബ്രഷിംഗിന്റെ ഫലം കിട്ടാതെ പല്ലിനും മോണയ്ക്കും ഇടയിൽ പ്ലാക്ക് ( വെള്ള നിറത്തിലുള്ള കട്ടി കുറഞ്ഞ അഴുക്ക് )‌ രൂപപെടുകയും അത്‌ കാലക്രമേണ കാൽകുലസ്‌ (കക്ക /എത്തിൾ )ആയി മാറുകയും ചെയ്യുന്നു.
(കക്ക -calculus രൂപപെടുന്നതിന്റെ ഒരു കാരണം മാത്രമാണണിത്‌, വേറെയും പല കാരണങ്ങളുണ്ട്‌ )

ബ്രഷ്‌ ചെയ്യുമ്പോൾ രക്തം വരുന്നു എന്നത്‌ മോണരോഗത്തിന്റെ പ്രാരംഭ ലക്ഷണമാണ് .
ഈ സമയത്ത്‌ തന്നെ ചികിൽസ തേടിയാൽ മോണരോഗവ്യാപനം തടഞ്ഞ്‌ മോണയുടെ ആരോഗ്യം നിലനിർത്താൻ സാധിക്കും.

എന്നാൽ അവിടെയാണു ചില അഭിപ്രായങ്ങൾ വരുന്നത്‌..
ഡെന്റിസ്റ്റിനെ കാണിക്കുന്നതിനു പകരം ആരെങ്കിലും പറയുന്നതും കേട്ട്‌ ചികിൽസ നടത്താതിരിക്കും !!
പലരും ബ്രഷ്‌ ചെയ്യുമ്പൊ രക്തം വരുന്നതിനു പരിഹാരം നിർദ്ദേശിക്കുന്നത്‌ ബ്രഷ്‌ ഒഴിവാക്കി വിരലുപയോഗിച്ച്‌ പല്ല് തേക്കുക എന്നതാണെത്രെ....!!

അങ്ങനെ ഒരു പ്രയാസവുമില്ലാതെ ക്ലീൻ ചെയ്ത് കാര്യങ്ങൾ മാറ്റാവുന്ന സമയം അവഗണിച്ച്‌ മോണരോഗം അടുത്ത ഘട്ടത്തിലേക്ക്‌ കൊണ്ട്‌ പോകുന്നു..

മോണക്കും പല്ലിനുമിടയിൽ കൂടുതൽ കക്ക(calculus) അടിയുന്ന അവസ്ഥയിൽ ‌എത്തുന്ന ഘട്ടം ആവുമ്പോഴാണ് മിക്കവരും ശ്രദ്ധിക്കുക .

എത്രയാണോ അഴുക്ക്‌/കക്കയടിഞ്ഞോ അത്രയോളം പല്ലിനു ചുറ്റുമുള്ള മോണയും, എല്ലും നഷ്ടമായി എന്ന് വേണം മനസിലാക്കാൻ..

പല്ലിനു പുറമേ അടിഞ്ഞ്‌ കൂടുന്ന കാൽകുലസ്‌ ശ്രദ്ധിക്കാത്തവർ ആ കാൽകുലസിനു താഴെ നടക്കുന്ന നശീകരണ പ്രവർത്തനങ്ങളെ പറ്റിയും വ്യാകുലരല്ല..
ക്ലീൻ ചെയ്യാൻ താമസിക്കുന്നതിനനുസരിച്ചു ‌ കട്ടപിടിച്ചിരിക്കുന്ന അഴുക്കിനു താഴെയുള്ള എല്ലും മോണയും നഷ്ടമായികൊണ്ടിരിക്കും .

ഒരു പല്ലിനോളം വലുപ്പത്തിൽ വളർന്നു അടർന്ന് വീഴുന്ന കാൽകുലസ് കണ്ട്‌ അത്‌ പല്ല് പൊട്ടി വരുന്നതാണെന്ന് കരുതിയാണു മിക്കവരും ചികിൽസ തേടാറുള്ളത്.‌
അത്തരം സമയമാകുമ്പോഴേക്കും അടിഞ്ഞ്‌ കിടക്കുന്ന കാൽക്കുലസിനുള്ളിലെ പല്ലിന്റെ മുകൾ ഭാഗത്തെ മോണയും എല്ലും നഷ്ടമായി പല്ലിന്റെ വേരിന്റെ ഭാഗത്തേക്ക്‌ മോണ ഇറങ്ങിയിട്ടുണ്ടാകും ,എന്നാൽ അഴുക്ക്‌ കട്ടപിടിച്ച്‌ നിൽക്കുന്നതിനാൽ രോഗി ഇത്‌ തിരിച്ചറിയാതെ പോകും,
ഈ അഴുക്ക്‌ ഒരു മറയായി നിൽക്കുന്നത്‌ കാരണം വേരിന്റെ പ്രതലത്തിൽ വെള്ളം തട്ടാറില്ല എന്നത്‌ കൊണ്ട്‌ തന്നെ പുളിപ്പോ മറ്റ്‌ പ്രശ്നങ്ങളോ രോഗി അനുഭവിക്കാറുണ്ടാവില്ല..!!

പല്ല് ക്ലീൻ ചെയ്യുമ്പോൾ കട്ട പിടിച്ച അഴുക്ക്‌ പല്ലിൽ നിന്നും വേർ പെട്ട്‌ പോവുകയും,മോണ ഇറങ്ങിയതും ,എല്ലും മോണയും നശിച്ച്‌ പോയതും തിരിച്ചറിയപെടുകയും ചെയ്യുന്നു..
വേരിന്റെ പ്രതലത്തിൽ വെള്ളം തട്ടുമ്പോൾ അനുഭവപെടുന്ന പുളിപ്പാണു എല്ലാവരും പരാതിയായി പറയുന്ന പുളിപ്പ്‌..നേരത്തെ കണ്ടെത്തി ചികിൽസ തേടുന്നവർക്ക്‌ പുളിപ്പ്‌ പെട്ടെന്ന് തന്നെ മാറി എല്ലാം പഴയപടി ആവുകയും ചെയ്യും,അല്ലാത്തവർക്ക്‌ ആന്റി സെൻസിറ്റിവിറ്റി ടൂത്ത് പേസ്റ്റ് (പുളിപ്പ് കുറക്കുന്നതിനുള്ള പേസ്റ്റ് ) ഉപയോഗിച്ച്‌ പരിഹാരം കാണാവുന്നതാണ് .

എത്ര നേരത്തെ ക്ലീൻ ചെയ്യുന്നോ അത്രയും പെട്ടെന്ന് മോണ തിരികെ യഥാസ്ഥാനത്തേക്ക് വരാൻ സഹയിക്കുന്നു..
അതുകൊണ്ട് തന്നെ പുളിപ്പ് എന്ന അനുഭവവും കുറച്ചു നാളത്തേക്ക് മാത്രമാണ് ഉണ്ടാവുക...

പുളിപ്പ്‌ പേടിച്ച്‌ ചികിത്സ അവഗണിച്ച്‌ മുന്നോട്ട്‌ പോകുന്നവർക് പല്ലുകൾക്ക് ഇളക്കം സംഭവിക്കുകയും വൈകാതെ പല്ല് നഷ്ടമാവുകയും ചെയ്യും.

ക്ലീൻ ചെയ്യാതെ കൊണ്ട്‌ നടക്കുന്നതാണു മോണരോഗത്തിനു കാരണമാകുന്നത്‌.. പാരമ്പര്യമായി മോണരോഗമുള്ളവർ,പ്രമേഹമുള്ളവർ,പുകവലിക്കുന്നവർ എന്നിവരിൽ മോണരോഗത്തിന്റെ വ്യാപനം വളരെ വേഗത്തിലാണു സംഭവിക്കുക എന്നതിനാൽ അവർ വളരെ ഏറെ ജാഗ്രത കാണിക്കേണ്ടതുണ്ട്‌.

ഡോക്ടർമാർ നിർദ്ദേശിക്കുന്നത് 6മാസത്തിൽ ഒരിക്കൽ ക്ലീനിങ് നിർബന്ധമായും ചെയ്യണം എന്നാണ്.. ഇത് പ്രമേഹം (Diabetes), എല്ലുതേയ്മാനം (osteoporosis) പോലുള്ള രോഗാവസ്ഥകൾ ഉള്ളവർക്കു 3-4 മാസം കൂടുമ്പോൾ ചെയ്യുന്നതാണ് നല്ലത്....

കൃത്യമായി 6മാസത്തിൽ ഒരിക്കൽ ക്ലീൻ ചെയ്യുന്ന വ്യക്തിയുടെ മോണയും, പല്ലും ദൃഢമായിരിക്കും.. അവർക്ക് പുളിപ് ഉണ്ടാവാറില്ല എന്നതാണ് സത്യം...

പല്ല് തേക്കുമ്പോൾ രക്തം വരുന്നത്‌ ഡെന്റിസ്റ്റ്നെ കാണാൻ ഉള്ള സമയമായി എന്നുള്ള ഓർമ്മപെടുത്തലായി കണക്കാക്കി ചികിൽസ തേടുക...

ഡോ. അഖിൽ മഠത്തിൽ.

Please Like & Follow this page for more Updates...

16/02/2020

Our New world...@ Chunkapaara
Inauguration : 13 Feb 2020
By Pathanamthitta MP: Mr Anto Antony