30/12/2021
இலவங்கப்பட்டையும் இரத்த குழாய் அடைப்பும்.
ஏய் அது இல்லையாம்டா இது "இரத்த குழாய் அடைப்பாம்" என்று இன்று பலரும் முணுமுனுக்கும் வார்த்தை இரத்த குழாய் அடைப்பு உள்ளதை உள்ள படி காட்டும் மாயகண்ணாடி கூகுளே ஏதோ அடைப்பாம் அது என்னான்னு காட்டு என தட்டி பார்க்கும் போது அது உள்ளதை சற்று அதிகமாவே காட்டி நம்மை அச்சுறுத்தும்.
அவ்வை சண்முகி போல வேலை வேலை என ஓடிக்கொண்டே இருப்பவர்களுக்கு, ஓரு நாளைக்கு 3மணி நேரம் மட்டும் தான் தூங்க முடியும் என்பவர்களுக்கு, கிடைக்கிறத தானே சாப்பிட முடியும் என்பவர்களுக்கு , ஒரே மாதிரியான உணவு, தூக்கம் கெடும் இரவு பணி ,உடற்பயிற்சி இன்மை ஆகிய வாழ்வியல் மாறுபாடுகள் உண்டாக்கும் நோய்களில் இரத்த குழாய் அடைப்பு வரும் வாய்ப்புகள் அதிகம். அங்கொன்றும் இங்கொன்றுமாக கேள்விப்பட்ட ஒரு பாதிப்பு சட்டென்று மாறுது வானிலை என்பது போல இன்று பரவலாகி விட்டது.அதுவும் கோரோனா நோயில் அதிக இறப்பை உண்டாக்குவதில் இரத்த குழாய் அடைப்புக்கு முக்கிய பங்கு உண்டு.
வெறும் நுரையீரலை மட்டுமே பாதிக்கும் நோய் நிலை என்று ஆரம்பத்தில் நம்பப்பட்ட covid நோய் தற்போது எல்லா இடங்களிலும் அதிக பாதிப்பை ஏற்படுத்தும் ஒரு hyper inflammatory நோய் நிலையாக பார்க்க படுகிறது. அதிக அளவிலான இந்த தாபிதம் கோவிட் நோயாளிகளின் மூளை, நுரையீரல், இருதயம், சிறு ரத்த குழாய்கள் ஆகியவற்றில் ரத்த அடைப்பை ஏற்படுத்தி விடுகிறது.
கோவிட் நோயில் ரத்தம் கட்டி தன்மையை அடைவது( Hyper Coagulopathy) என்பது இரு காரணங்களால் நடக்கிறது.
1. வைரஸ் தாக்குதலின் போது நம் நோய் எதிர்ப்பு சக்தி(Innate immunity) உண்டாக்கும் பொருள்கள் (Cytokine storm)
2. வைரஸ் ஏற்படுத்தும் காரணம் ஆகிய இரண்டுமே ரத்தகுழாயில் அடைப்பை ஏற்படுத்துகிறது.
இரத்தம் கட்டி படுகிறதா என்பதை
CBC
CRP
LDH
D Dimer
Ferritin
PT
PTT என சில ரத்த பரிசோதனைகள் மூலம் எளிதில் கண்டுபிடிக்க முடியும். இதற்கு நாம் செய்ய வேண்டிய விஷயம் ஒன்றே ஒன்று தான், கோவிட் தொற்று என்று தெரிந்த உடன் இந்த பரிசோதனைகளை மறுக்காமல் மேற்கொள்ள வேண்டியது மட்டும் தான்.
இரத்தம் கட்டிபட்டுள்ளது என்று தெரியும் போது blood thinner மருந்துகள் (Heparin, Aspirin) வழங்க படுகிறது.
Blood thinner கள் என்றவுடன் ஏதோ செவ்வாய்கிரக மருந்து என்றெல்லாம் நினைக்க வேண்டாம், நாம் அன்றாடம் பயன்படுத்தும் சில உணவு பொருட்களில் blood thinner பண்பு உள்ள பொருட்கள் உண்டு. அவற்றில்...
கிராம்பு,
லவங்கப்பட்டை,
இஞ்சி,
வெள்ளை பூண்டு,
மஞ்சள் ஆகியவை முக்கியமானவை.
கோவிட் நோய் நிலையில் Infection Inflammation ஆகிய இரண்டும் குறைந்தால் மட்டுமே முழு தீர்வும் கிடைக்கும். இந்த இரண்டையும் அதாவது வைரஸ் செயல்திறனை மட்டுப்படுத்தல், வைரஸ் மற்றும் நோய் எதிர்ப்பு சக்தி ஏற்படுத்தும் அதிக அளவிலான தாபிதத்தை குறைத்தல் ஆகிய இரண்டையும் மேற்சொன்ன பொருள்கள் செய்யும்.
தொற்றால் பாதிக்கப்படும் வாய்ப்புள்ளவர்கள், லேசான பாதிப்பு உள்ளவர்கள் மருத்துவரின் ஆலோசனைப்படி மேற்கண்ட blood thinner களை குடிநீராகவோ, சூரணமாகவோ, இல்லை நோய் நிலைக்கு ஏற்ப வேறு மருந்து பொருட்கள் சேர்த்தோ உட்கொள்ளலாம்.
- சுவாமி ஆறுமுகம்