09/04/2026
नमस्कार! 🌸
खरं सांगायचं तर…
आपल्या आजूबाजूची प्रत्येक स्त्री सतत कुठल्या ना कुठल्या भूमिकेत वावरताना आपल्याला दिसते. ती कधी मुलीच्या भूमिकेत असते, कधी बहिणीच्या, कधी मैत्रिणीच्या, कधी बायकोच्या तर कधी आईच्या… ती कधी स्वतःहून त्या भूमिकेत शिरते तर कधी तिच्यावर ती भूमिका लादली जाते.
इतरांची काळजी घेण्यात, त्यांच्या भावनांचं, अपेक्षांचं आणि जबाबदाऱ्यांच ओझ सांभाळत असताना ती हळू हळू स्वतःची काळजी घेणंच विसरून जाते.
ह्या भूमिकांमधून तिची कधी सुटका होते का? त्या भूमिका आपण तिला कधी विसरू देतो का? ह्या भूमिका विसरून ती फक्त एक ‘माणूस’ कधी असते?
म्हणूनच आम्ही असा विचार केला की —
आपण त्यासाठी एक जागा तयार केली तर?
सुरू करत आहोत- The Women’s Circle 🌿
मानसोपचारतज्ज्ञ आणि मानसशास्त्रज्ञ यांच्या मार्गदर्शनाखाली एक अशी सुरक्षित आणि नि:पक्षपाती जागा-
जिथे तुम्हाला सतत “Strong” राहायची गरज नाहीये, जिथे तुम्हाला व्यक्त होण्यासाठी योग्य शब्द शोधण्याची गरज नाहीये, आणि सगळ्या प्रश्नांची उत्तरं माहीत असण्याचीही गरज नाहीये…
तुम्ही या, बसा, व्यक्त व्हा किंवा फक्त ऐका...
ही एक अशी जागा आहे जिथे तुम्ही कुठल्याही मुखवट्याशिवाय वावरू शकता, बोलू शकता, आणि स्वतःशी किंवा तुमच्या सारख्याच इतरांशी जोडले जाऊ शकता…
आणि हो—
हे लेक्चर किंवा वर्कशॉप नाहीये.
आणि ही भिशीही नाहीये (पण चहा/कॉफी मात्र मिळू शकते 😄)
हे वाचून तुम्ही नकळत स्वतःशीच हसला असाल, किंवा एका सेकंदासाठी तरी विचारात पडला असाल तर कदाचित ही जागा तुमच्यासाठी बनली आहे…💛
तर नक्की या! स्वतःला समजून घेण्यासाठी, भावना ओळखण्यासाठी आणि व्यक्त होण्यासाठी!
तुम्हाला भेटायला आम्हाला खूप आवडेल 🌿
आपल्याच,
डॉ. तन्वी नाईक (Psychiatrist)
राधा आपटे (Psychologist)
