24/10/2025
ਬਹੁਤੇ ਲੋਕ ਸ਼ੂਗਰ ਵਧਣ ਤੋਂ ਪੀੜਤ ਹਨ ਜਦੋਂ ਕਿ ਸ਼ੂਗਰ ਘਟਣ ਤੋਂ ਵੀ ਬਹੁਤ ਲੋਕ ਪ੍ਰੇਸ਼ਾਨ ਹਨ।
ਇਸ ਨੁਕਸ ਨੂੰ ਹਾਇਪੋਗਲਾਇਸੀਮੀਆ ਕਿਹਾ ਜਾਂਦਾ ਹੈ। ਇਸਦੇ ਵੀ ਅਨੇਕਾਂ ਕਾਰਨ ਹਨ।
ਕੁੱਝ ਲੋਕਾਂ ਦੇ ਜ਼ਿਆਦਾ ਇੰਸੁਲਿਨ ਬਣਨ ਕਾਰਨ ਵੀ ਸ਼ੂਗਰ ਘਟਣ ਲੱਗ ਪੈਂਦੀ ਹੈ। ਜਦੋਂ ਕਿ ਜ਼ਿਆਦਾ ਖਾਲੀ ਪੇਟ ਰਹਿਣ ਜਾਂ ਜ਼ਰੂਰਤ ਤੋਂ ਜ਼ਿਆਦਾ ਵਰਜਿਸ਼ ਜਾਂ ਸਖ਼ਤ ਮਿਹਨਤ ਕਾਰਨ ਵੀ ਬਲੱਡ ਸ਼ੂਗਰ ਘਟ ਸਕਦੀ ਹੈ।
ਲੇਕਿਨ ਇਸ ਨੂੰ ਅਣਗੌਲਿਆਂ ਨਹੀਂ ਕਰਨਾ ਚਾਹੀਦਾ ਬਲਕਿ ਮਾਹਿਰ ਡਾਕਟਰ ਨੂੰ ਮਿਲਕੇ ਲੋੜੀਂਦੇ ਟੈਸਟ ਕਰਵਾ ਕੇ ਢੁਕਵੀਂ ਦਵਾਈ ਵੀ ਲੈਣੀ ਚਾਹੀਦੀ ਹੈ ਤੇ ਢੁਕਵੀਂ ਵਰਜਿਸ਼ ਅਤੇ ਡਾਈਟ ਵੀ ਲੈਣੀ ਸ਼ੁਰੂ ਕਰਨੀ ਚਾਹੀਦੀ ਹੈ।
ਘੱਟ ਖਾਣ ਕਾਰਨ ਗਰਭਵਤੀ ਦੇ ਵੀ ਬਲੱਡ ਸ਼ੂਗਰ ਘਟਣ ਲੱਗ ਸਕਦੀ ਹੈ।
ਗੈਸਟ੍ਰਿਕ ਬਾਈਪਾਸ ਸਰਜਰੀ ਕਾਰਨ ਵੀ ਬਲੱਡ ਸ਼ੂਗਰ ਘਟਣ ਲੱਗ ਸਕਦੀ ਹੈ ਤੇ ਦਿਲ, ਜਿਗਰ, ਗੁਰਦਿਆਂ, ਐਡਰੀਨਲ ਗਲੈਂਡ ਅਤੇ ਹਾਰਮੋਨ ਆਦਿ ਸੰਬੰਧੀ ਕੁੱਝ ਰੋਗਾਂ ਕਾਰਨ ਵੀ ਘਟਣ ਲੱਗ ਸਕਦੀ ਹੈ।
ਪੈਂਕਰੀਆਜ਼ ਦੇ ਰਸੌਲੀ ਕੈਂਸਰ ਆਦਿ ਕਾਰਨ ਵੀ ਬਲੱਡ ਸ਼ੂਗਰ ਘਟਣ ਲੱਗ ਪੈਂਦੀ ਹੈ ਤੇ ਹਾਇਪੇਟਾਇਟਿਸ ਕਾਰਨ ਵੀ।
ਸ਼ੂਗਰ ਰੋਗੀ ਦਾ ਮਨ ਪਤਲਾ ਪੈ ਜਾਂਦਾ ਹੈ ਤੇ ਉਹ ਬਹੁਤ ਜਲਦੀ ਚਿੰਤਾ ਫ਼ਿਕਰ ਕਰਨ ਲੱਗ ਪੈਂਦਾ ਹੈ। ਜ਼ਿਆਦਾ ਚਿੰਤਾ ਸੰਸੇ ਕਾਰਨ ਵੀ ਸ਼ੂਗਰ ਘਟਣ ਲੱਗ ਪੈਂਦੀ ਹੈ।
ਬਹੁਤੇ ਸ਼ੂਗਰ ਰੋਗੀਆਂ ਦੇ ਤਣਾਉ ਕਾਰਨ ਸ਼ੂਗਰ ਵਧਣ ਘਟਣ ਲੱਗ ਪੈਂਦੀ ਹੈ ਜੋ ਉਨ੍ਹਾਂ ਨੂੰ ਸਿਰਫ ਸ਼ੂਗਰ ਵਧਣ ਨਾਲੋਂ ਜ਼ਿਆਦਾ ਤੰਗ ਕਰਦੀ ਹੈ।
ਕੁੱਝ ਦਵਾਈਆਂ ਵੀ ਬਲੱਡ ਸ਼ੂਗਰ ਬਹੁਤ ਜਲਦੀ ਘਟਾਅ ਸਕਦੀਆਂ ਹੁੰਦੀਆਂ ਹਨ ਜਿਵੇਂ ਕਿ ਮਲੇਰੀਆ ਦੀ ਕੁਨੀਨ ਦਵਾਈ ਵੀ ਬਲੱਡ ਸ਼ੂਗਰ ਇੱਕਦਮ ਘਟਾਅ ਸਕਦੀ ਹੈ।
ਸ਼ੂਗਰ ਵਾਲੀ ਦਵਾਈ ਜ਼ਿਆਦਾ ਖਾਣ ਕਾਰਨ ਵੀ ਬਲੱਡ ਸ਼ੂਗਰ ਘਟ ਸਕਦੀ ਹੈ।
ਜ਼ਿਆਦਾ ਸ਼ਰਾਬ ਪੀਣ ਕਾਰਨ ਵੀ ਬਲੱਡ ਸ਼ੂਗਰ ਘਟ ਸਕਦੀ ਹੁੰਦੀ ਹੈ ਤੇ ਕੁੱਝ ਖ਼ਤਰਨਾਕ ਰੋਗਾਂ ਕਾਰਨ ਵੀ ਬਲੱਡ ਸ਼ੂਗਰ ਘਟਣ ਲੱਗ ਸਕਦੀ ਹੈ।
ਆਮ ਤੌਰ ਤੇ ਜ਼ਿਆਦਾ ਸ਼ਰਾਬ ਪੀਣ ਤੋਂ ਪੰਦਰਾਂ ਵੀਹ ਘੰਟਿਆਂ ਬਾਅਦ ਹੀ ਬਲੱਡ ਸ਼ੂਗਰ ਘਟਦੀ ਹੈ।
ਸ਼ੂਗਰ ਰੋਗੀ ਦੇ ਗੁਰਦਿਆਂ ਸੰਬੰਧੀ ਨੁਕਸ ਪੈਣ ਦਾ ਬਹੁਤ ਜ਼ਿਆਦਾ ਖ਼ਤਰਾ ਹੁੰਦਾ ਹੈ।
ਲੇਕਿਨ ਅਕਸਰ ਹੀ ਗੁਰਦਿਆਂ ਚ ਨੁਕਸ ਪੈਣ ਬਾਅਦ ਬਲੱਡ ਸ਼ੂਗਰ ਵਧਣੋਂ ਹਟ ਕੇ ਘਟਣ ਲੱਗ ਪੈਂਦੀ ਹੈ।
ਬਲੱਡ ਸ਼ੂਗਰ ਘਟਣ ਵਾਲ਼ੇ ਵਿਅਕਤੀ ਨੂੰ ਘਬਰਾਹਟ, ਸਿਰ ਦਰਦ, ਲੱਤਾਂ ਬਾਹਾਂ ਦਰਦ, ਆਲਸ, ਕਮਜ਼ੋਰੀ ਆਦਿ ਜ਼ਿਆਦਾ ਮਹਿਸੂਸ ਹੁੰਦੇ ਹਨ।
ਅੱਖਾਂ ਅੱਗੇ ਹਨੇਰਾ ਆਉਣਾ, ਹੱਥ ਪੈਰ ਕੰਬਣੇ, ਗਲਾ ਸੁੱਕਣਾ, ਚੱਕਰ ਆਉਣੇ, ਹੱਥ ਪੈਰ ਠੰਢੇ ਪੈਣੇ, ਦਿਲ ਕਾਹਲਾ ਪੈਣਾ, ਧੜਕਣ ਵਧਣੀ ਆਦਿ ਲੱਛਣ ਵੀ ਉਭਰਦੇ ਹਨ।
ਚਾਹੇ ਕਿਸੇ ਕਾਰਨ ਵੀ ਬਲੱਡ ਸ਼ੂਗਰ ਘਟਦੀ ਹੋਵੇ ਤੁਰੰਤ ਕੁੱਝ ਦਾਖਾਂ, ਖਜੂਰ, ਛੁਹਾਰਾ ਆਦਿ ਖਾਣ ਨਾਲ ਤੁਰੰਤ ਫ਼ਾਇਦਾ ਪਹੁੰਚਦਾ ਹੈ।
ਕੋਈ ਵੀ ਫ਼ਲ ਜਿਵੇਂ ਸੇਬ, ਸੰਤਰਾ, ਅਨਾਰ, ਕੇਲਾ, ਖਰਬੂਜ਼ਾ, ਆੜੂ, ਅਮਰੂਦ ਆਦਿ ਖਾਣ ਜਾਂ ਥੋੜ੍ਹਾ ਜਿਹਾ ਸ਼ਹਿਦ ਖਾਣ ਜਾਂ ਇਕ ਗਿਲਾਸ ਲੋਅ ਫੈਟ ਦੁੱਧ ਪੀਣ ਨਾਲ ਵੀ ਬਹੁਤ ਜਲਦੀ ਘਟੀ ਹੋਈ ਬਲੱਡ ਸ਼ੂਗਰ ਠੀਕ ਹੁੰਦੀ ਹੈ।
ਬਲੱਡ ਸ਼ੂਗਰ ਘਟਣ ਵਾਲਿਆਂ ਨੂੰ ਹਰ ਢਾਈ ਤਿੰਨ ਘੰਟੇ ਬਾਅਦ ਥੋੜ੍ਹਾ ਥੋੜ੍ਹਾ ਕੁੱਝ ਨਾ ਕੁੱਝ ਖਾਂਦੇ ਰਹਿਣਾ ਚਾਹੀਦਾ ਹੈ।
ਉਨ੍ਹਾਂ ਨੂੰ ਵਰਾਇਟੀ ਚ ਖਾਣਾ ਚਾਹੀਦਾ ਹੈ ਪ੍ਰੰਤੂ ਜ਼ਿਆਦਾ ਮਿੱਠੇ ਖਾਣਿਆਂ ਤੋਂ ਬਚਣਾ ਚਾਹੀਦਾ ਹੈ। ਖ਼ਾਸ ਕਰਕੇ ਖੰਡ, ਚਾਕਲੇਟ, ਟੌਫੀਆਂ, ਕੋਲਡ ਡਰਿੰਕ, ਫਰੂਟੀ, ਰੂਹ ਅਫਜ਼ਾ, ਚਾਹ, ਕੋਲਡ ਡਰਿੰਕ ਆਦਿ ਤੋਂ ਬਚਣਾ ਚਾਹੀਦਾ ਹੈ।
Dr.Balraj Bains Dr.Karamjeet Kaur Bains, ਅਕਾਲਸਰ ਰੋਡ, ਬੈਂਸ ਹੈਲਥ ਸੈਂਟਰ, ਰਤਨ ਸਿਨੇਮਾ ਦੇ ਨੇੜੇ, ਰਾਮਾ ਕਲੋਨੀ, ਮੋਗਾ।
ਸਾਡੇ ਕਲਿਨਿਕ ਤੇ ਪਹੁੰਚਣ ਲਈ ਗੂਗਲ ਮੈਪ ਤੇ balraj clinic ਭਰੋ, ਲੋਕੇਸ਼ਨ ਆ ਜਾਏਗੀ। ਲੇਕਿਨ ਸਾਨੂੰ ਮਿਲਣ ਆਉਣ ਤੋਂ ਪਹਿਲਾਂ ਫ਼ੋਨ ਜ਼ਰੂਰ ਕਰੋ- 094630 38229
ਫੇਸਬੁੱਕ ਤੇ ਛੋਟੀਆਂ ਪੋਸਟਾਂ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ:-
https://www.facebook.com/share/1Ba5eEi4Yb/
ਫੇਸਬੁੱਕ ਤੇ ਵੇਰਵੇ ਸਹਿਤ ਲੰਮੀਆਂ ਪੋਸਟਾਂ ਪੰਜਾਬੀ ਚ ਪੜ੍ਹਨ ਲਈ ਇਥੇ ਕਲਿੱਕ ਕਰੋ :- https://www.facebook.com/Balraaaj?mibextid=ZbWKwL
फेसबुक पर हिंदी में पोस्टें पढ़ने के लिए यहां पर क्लिक करें -: https://www.facebook.com/profile.php?id=100088340566884&mibextid=ZbWKwL
ਫੇਸਬੁੱਕ ਤੇ ਇੰਗਲਿਸ਼ ਚ ਪੋਸਟਾਂ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ :- https://www.facebook.com/profile.php?id=61556344041380&mibextid=ZbWKwL
इंस्टाग्राम पर हिंदी में पोस्टें पढ़ने के लिए यहां पर क्लिक करें-: https://www.instagram.com/mogahealthcenter?igsh=MXZtZnU0NzJmZjMzYg==
ਇੰਸਟਾਗ੍ਰਾਮ ਤੇ ਇੰਗਲਿਸ਼ ਚ ਪੋਸਟਾਂ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ -: https://www.instagram.com/drbalrajbains?igsh=MTRnbXo1NTZxdWZmaQ==
ਇੰਸਟਾਗ੍ਰਾਮ ਤੇ ਪੰਜਾਬੀ ਚ ਪੋਸਟਾਂ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ :- https://www.instagram.com/moga.health.center?igsh=MTFoOGh4ZDgyOXU4Mg==
tumblr ਤੇ ਸਾਡੀਆਂ ਪੋਸਟਾਂ ਪੰਜਾਬੀ ਚ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ:- https://www.tumblr.com/blog/mogahealthcenter
ਚਾਹੇ ਕਿੰਨੇ ਵੀ ਥੱਕੇ ਟੁੱਟੇ ਬਾਹਰੋਂ ਆਏ ਹੋਵੋ ਘਰ ਆਕੇ ਮਾਪਿਆਂ ਅਤੇ ਪਤਨੀ ਨੂੰ ਹਮੇਸ਼ਾ ਖੁਸ਼ ਹੋ ਕੇ ਮਿਲੋ ਤੇ ਉਹਨਾਂ ਦਾ ਹਾਲ ਚਾਲ ਜ਼ਰੂਰ ਪੁੱਛੋ। ਕਿਉਂਕਿ ਉਹ ਰੋਜ਼ਾਨਾ ਹੀ ਤੁਹਾਡਾ ਫ਼ਿਕਰ ਕਰਦੇ ਰਹਿੰਦੇ ਹਨ ਜਦ ਤੱਕ ਤੁਸੀਂ ਘਰ ਨਹੀਂ ਆ ਜਾਂਦੇ।
