04/10/2022
MD ৱালৰ পৰা,
তলত এইখন এখন নিদানপত্ৰ বা prescription। উদাহৰণৰ বাবেহে লিখিলোঁ দেই। ৰোগীক আমি সাধাৰণতে এনেকৈ prescription বোৰ লিখি দিব লাগে। আৰু ৰোগীয়ে chemist shop / pharmacy / dispensary ৰ পৰা এইখন দেখুৱাই ঔষধ সংগ্ৰহ কৰি লব লাগে। এতিয়া তাত থকা pharmacist জনে আপোনাক কোনবিধ ঔষধ কেতিয়া, কিমানকৈ, কিমান দিনৰ বাবে সেৱন কৰিব লাগে তাক বিস্তৃত ভাবে বুজাই দিব লাগে আৰু ৰোগীয়ে কিবা নুবুজিলে তেওঁৰ লগত যোগাযোগ কৰিব লাগে। অৰ্থাৎ চিকিৎসকৰ কাম হৈছে ৰোগীৰ বিস্তৃত পৰীক্ষা কৰি, এটা সম্ভাব্য diagnosis নিৰ্দ্ধাৰণ কৰি, সেই অনুসৰি ৰোগীক ৰোগবিধ সম্পৰ্কে কিছু জ্ঞান দি, কি কৰিব লাগিব বা নালাগিব তাক বুজাই কৈ, prescription খন লিখি থুলমূলকৈ ঔষধ বোৰৰ বিষয়ে জনাই dispensary /chemist shop/pharmacy লৈ পঠিয়াই দিয়াতো। তাৰ পাছৰ দায়িত্ব pharmacist জনৰ। তেওঁলোক এই কামত বিশেষ ভাবে প্ৰশিক্ষিত।
আপোনালোকে মোৰ prescription খনলৈ চালে দেখিব আপোনাৰ বাবে কিছুমান দুৰ্বোধ্য শব্দ ইয়াত ব্যবহাৰ কৰা হৈছে। যেনে OD,HS, CM, BD, PC ইত্যাদি। আচলতে এইবোৰ চিকিৎসা শাস্ত্ৰৰ শব্দ, যিবোৰ কেৱল চিকিৎসক, pharmacist, nurse হে বুজি পাই। যেনে 1 tab BD,PC। ইয়াৰ মানে হৈছে এটাকৈ টেবলেট দিনে দুবাৰ, তাকো খোৱাৰ পাছত। আৰু ঔষধ বোৰৰো নাম ভয়ংকৰ, কিবা মুখতেই নুফুটে দেখোন। আচলতে সেইবোৰ ঔষধৰ বৈজ্ঞানিক নাম বা generic name। মই লিখা এই prescription খন পৃথিৱীৰ যি কোনো দেশলৈ লৈ যাওঁক, তাৰ সকলো চিকিৎসক, pharmacist এ বুজি পাব।
কিন্তু আমি সাধাৰণতে এনেদৰে prescription বোৰ নিলিখো। কাৰণ হৈছে জনতাৰ সুবিধাৰ বাবে। যিহেতু আমাৰ চিকিৎসা ব্যৱস্থাত এতিয়াও ঔষধ বিতৰণ ব্যৱস্থাটো (drug dispensing system) সুচল হৈ উঠা নাই সেই হেতুকে আমি চিকিৎসক সকলেই ৰোগীক ঔষধ আৰু ইয়াক গ্ৰহণ কৰাৰ বিধি সম্বন্ধে বিতংকৈ বুজাব লগীয়াত পৰো। আৰু লগতে চিকিৎসা শাস্ত্ৰৰ ভাষাৰ কম ব্যবহাৰ কৰি, সহজ ভাষাত কেনেকৈ খাব লাগে তাক নিৰ্দেশ দি prescription বোৰ লিখি দিওঁ।
Pharmacist সকলৰ সেয়েহে গুৰুত্ব বহু বেছি। সুচল চিকিৎসা ব্যবস্থাৰ বাবে চিকিৎসা সেৱাৰ প্ৰতিটো বিভাগৰে গুৰুত্ব অপৰিসীম।
(✓উপযোগী ভাবিলে share কৰক)
