What are the opening hours?

Monday 10am - 2pm 5pm - 8:30pm Tuesday 10am - 2pm 5pm - 8:30pm Wednesday 10am - 2pm 5pm - 8:30pm Thursday 10am - 2pm 5pm - 8:30pm Friday 10am - 2pm 5pm - 8:30pm Saturday 10am - 2pm 5pm - 8:30pm Sunday 10am - 2pm

https://www.facebook.com/106619971597206/

Om Ayurveda & Panchakarma Centre, Nandurbar (2026)

17/08/2024

.
🧠अशी वाढवा स्मरणशक्ती 🧠

आपल्या मेंदूमध्ये माहिती प्रामुख्याने तीन प्रकारे साठवली जाते. पाहून, ऐकून, कृतीतून …पाहून शिकणारे हे ऐकून व कृतीतून शिकणाऱ्या लोकांपैकी लवकर शिकतात पण ते जास्त स्मरणात राहत नाही तर कृतीतून शिकणारे दीर्घकाळ स्मरणात ठेवतात. ते प्रत्येकाच्या बुद्धीवरही अवलंबून आहे.

या सर्व गोष्टींचा बारकाईने अभ्यास केला असता खालील काही पद्धतींचा वापर करून तुम्ही स्मरणशक्ती वाढवू शकता.

*१) जास्तीत जास्त बुद्धीचा वापर करणे 🧠बुद्धीचा वापर करणे म्हणजे विचार करणे, दैनंदिन प्रश्न सोडवणे, योग्य निर्णय घेणे. याचा जेवढा वापर कराल तेवढी स्मरणशक्ती वाढत जाते. त्यासाठी खालील गोष्टी करु शकता.

*बौद्धिक खेळ खेळा 🧠कोडी सोडवा, गणिताचे खेळ खेळा, ब्रेन गेम्स खेळा. Puzzle किंवा कोडे सोडवण्यासरख्या ब्रेनगेम्स खेळून आपल्या मेंदूला प्रशिक्षित करता येते. आपल्या मेंदूला आव्हान देणारे गेम्स आपली स्मरणशक्ती बळकट करण्यास मदत करतात आणि स्मरणशक्ती कमी होण्याचा धोका देखील कमी करतात.

*व्यक्तींची नावे लक्षात ठेवा 🤔समोर व्यक्ती दिसताच त्याची माहिती आठवा आणि ती बोलताना वापरा.

*लिखाण करा 🖋️🖍️कल्पनाशक्तीला चालना द्या, आपले विचार आणि मत मांडा किंवा बदल सुचवा.

*वाचन करा 📚दररोज काहीतरी नवीन वाचा, वाचलेल्या गोष्टी लिहून काढण्याचा प्रयत्न करा. वाचलेले इतरांना सांगा. वाचन केल्यामुळे देखील मेंदूला चालना मिळण्यास मदत मिळते. त्यामुळे शक्य असेल तेवढ्या वेळी तुम्ही वाचा. वाचनामुळे तुम्हाला प्रश्न पडतात. त्या प्रश्नांचा शोध घेण्यासाठी तुम्ही मेंदूचा वापर करता. त्यामुळे तुम्ही नक्कीच वाचन करा. स्मरणशक्ती वाढवण्यासाठी उपाय यामधील हा महत्वाचा उपाय आहे.

*छोट्या गोष्टी 🔖लक्षात ठेवा बाजारातून आणायच्या वस्तू, करायची सर्व कामे, अकाउंटचे आयडी पासवर्ड इ. लहान गोष्टी सहज लक्षात ठेवा.

*प्रश्न पडायला हवे ❓प्रत्येक गोष्टीमध्ये प्रश्न पडायला हवे. नुसते पाहून, ऐकून कधीच घेऊ नका. उत्तरे पण शोधा.

*स्मार्टवर्क करा 😎प्रत्येक गोष्ट सोप्या पद्धतीने, कमी श्रमात कशी करता येईल बघा. तंत्रज्ञान वापरून करा.

*२) बारीक निरीक्षण करायला शिकणे 🤓निरीक्षण चांगले करायला आल्यामुळे आपल्याला एखाद्या गोष्टीमध्ये बारकाईने पाहता येते. त्या बारीक गोष्टींचा वापर करून त्या संबंधित किंवा त्या शेजारील गोष्टीला आपण लक्षात ठेवू शकतो.

*३) आहार चांगला असायला हवा 🥗🥗🥗फक्त आपला मेंदू चांगला असून उपयोग नाही तर संपूर्ण शरीर चांगले आणि निरोगी असायला हवे. शरीर चांगले ठेवण्यासाठी आपल्याला योग्य आहाराची गरज आहे.

जेवणामध्ये 🥬🥦🫛🫑🥒🍉🍋‍🟩🍏🍐🥝🍓🍇हिरव्या भाज्या, मोड आलेले धान्य, दुधाचे पदार्थ इत्यादी गोष्टी असायला हव्या.सकाळी नाष्ट्यामध्ये काजू, बदाम, पिस्ता, अक्रोड, मनुके, ताजी फळे, ज्यूस इत्यादी आहार चांगला आहे. आठवड्यातून एकदा तरी उपवास ठेवायला हवा. पोटाला आराम मिळतो तसेच मनावर इंद्रियांवर चांगला कंट्रोल येतो. जास्त तेल, मीठ, साखर खाणे टाळावे कोल्ड्रिंक पिणे टाळावे. जंक फूड खाणे टाळावे. अति मांसाहार करू नये. नेहमी बाहेरचे खाणे टाळावे.
जाणीवपूर्वक आहारावर लक्ष ठेवावे. आहार कमी घेणे किंवा जास्त घेणे किंवा चुकीचा घेणे हे शरीरास व मेंदूस घातक आहे.

*४) विचार करताना 🙈आपले डोळे बंद असतात, तेव्हा लक्ष विचलित होण्याची शक्यता खूप कमी असते. एका विद्यापीठाने केलेल्या संशोधनानुसार ज्या व्यक्ती डोळे बंद करुन प्रश्नांची उत्तरं देतात ती अचूक असतात. त्यामुळे विचार करताना डोळे बंद करा. या सरावामुळे स्मरणशक्तीदेखील वाढते.

*५) स्वतःशी बोला 😗 स्वतःशी बोलणं ही चांगली सवय आहे. लोक काय म्हणतील याचा आजिबात विचार करू नका. याला प्रॉडक्शन इफेक्ट असं म्हणतात. ऐकणं आणि बोलणं या दोन कृती एकाच वेळी पार पडत असल्यामुळे स्मरणशक्ती वाढण्यास मदत होते.

*६) गाणी म्हणा 💃🎧🎤🎹🥁🎸गाणं गाताना मेंदूचा उजवी बाजू वापरली जाते, त्यामुळे समस्येचं निराकरण करण्याची क्षमता वाढते. नवीन गाण्याचे शब्द लक्षात ठेवणं, कठीण असलं तरीही तो एक प्रकारचा व्यायामच आहे. याचा मेंदूला फायदा होतो.

*७) पेन्सिलचा ✏️🖊️वापर करा ऐकताना किंवा काही पाहताना कागदावर रेघोट्या ओढण्याची सवय अनेकांना असते. अशा लोकांचा स्मरणशक्ती चाचणीत ३० टक्के अधिक उत्तम निकाल दिसून आला आहे. तसंच लिहिण्यानेही मेंदूचा व्यायाम होतो. त्यामुळे जो मजकूर लिहून काढतो तो अधिक चांगल्याप्रकारे लक्षात राहतो, असा अनेकांचा अनुभव आहे. त्यामुळे शक्य असल्यास लिहा. अर्थात, कीबोर्ड ऐवजी हातानं कागदावर लिहा. यामुळे मनातील भावनांना वाट मोकळी करुन देता येईल.

*८) ध्यानधारणा करा 🕉️🕉️🕉️🧘‍♀️🧘🏻‍♂️🧘🏻दिवसातील पंधरा ते तीस मिनिटं ध्यानधारणा आणि योग करणाऱ्या व्यक्तींची स्मरणशक्ती उत्तम असते, असं एका अभ्यासातून समोर आलं आहे. यामुळे दृष्टिकोनात बदल होऊन सकारात्मक विचार करण्यास प्रेरणा मिळते. त्यामुळे अनेक मानसोपचारतज्ज्ञही ध्यानधारणा करण्याचा सल्ला देतात.

*९) दैनंदिन कामांमध्ये करा बदल 😇काही ठरावीक दिवसानंतर दैनंदिन कामांमध्ये लहानसहान बदल करणं आवश्यक आहे. नेहमीपेक्षा वेगळ्या खुर्चीवर बसा, टीव्ही पाहताना जागा बदला किंवा दैनंदिन वापरातील वस्तूंची जागा बदला. असे काही बदल केल्यानं बराच फरक पडेल. मेंदू सक्रीय हवा असेल तर त्याच्यासाठी काहीना काही करणे गरजेेचे असते. सतत कशात तरी बिझी राहण्यासाठी तुम्ही काहीतरी करुन घेत जा. त्यामुळे नक्कीच तुम्हाला तुमच्यामध्ये झालेला चांगला बदल जाणवेल.

*१०) वजन नेहमी कमी आणि नियंत्रणामध्ये ठेवा .
व्यायाम आणि डाइट ने करा 🙏.
इतर मार्ग ( short cuts )चूकिचे आहेत.उदा ॰ औषधी घेने, जाहिरातीना बली पडू नका॰॰॰ योग्य डॉ . चा सल्ला घ्या.

*११) पुरेशी झोप घ्या 🥱😴अभ्यासांती सिद्ध झाले आहे की स्मरणशक्ती वाढविण्यासाठी पुरेशी झोपेची खुप आवश्यकता असते. आठवणी एकत्रित करण्यात झोप मदत करते. पुरेशी झोप न मिळालेल्या व्यक्तिंपेक्षा योग्य झोप, विश्रांती घेणाऱ्या व्यक्तिंची स्मरणशक्ती चांगली असते.
पुरेशी झोप ही चांगल्या आरोग्यासाठी फारच जास्त महत्वाची असते. जर तुम्ही योग्य झोप घेतली तर तुमचा थकवा निघून जातो. मेंदूवरील ताण कमी होण्यास मदत मिळते. जर तुम्ही पुरेशी झोप घेतली तर तुमच्यातील निर्णय क्षमता अधिक वाढते. त्यामुळे तुम्हाला पुरेशी झोप घेणे फार गरजेचे असते.

*१२) अल्कोहोल/ दारुचे 🥂🥃🍻व्यसन कमी करा .अल्कोहोलचे मेंदूवर न्यूरोटॉक्सिक परिणाम होतात, जर तुम्ही दररोज आणि जास्त प्रमाणामध्ये मद्यपान करत असाल तर आपल्या मेंदूसाठी ते चांगले नसते, तसेच आपल्या मेंदूचा स्मरणशक्ती संबंधित महत्त्वाच्या भागावर त्याचा परिणाम होतो.

*१३) योग्य व्यायाम 🧘🏻‍♂️🏋🏻‍♀️कराव्यायामामुळे आपल्या मेंदूसह आपल्या संपूर्ण शरीराला अविश्वसनीय फायदे मिळतात.

08/06/2024

*शुद्ध देशी गाईचे तूप-*

वजन कमी करण्यासाठी अनेक जण डायटिंग सुरू केल्यानंतर सर्वात पहिले तुप खाणे बंद करतात. या पाठीमागचे त्यांचे कारण तुप खाल्ल्यामुळे वजन वाढते. पण तसे बिलकूल नाहीये. देशी तुपामुळे आपला मेंदू आणि शरीर तंदुरूस्त राहण्यास मदत होते. काही आजारांमध्ये डॉक्टरांतर्फे तुप खाण्याचा सल्ला दिला जातो. पण हा सल्ला सर्वच रुग्णांना देण्यात येत नाही. आज तुम्हाला देशी तुप खाल्ल्यामुळे काय फायदे होतात हे सांगणार आहोत.

*देशी तुपाचे फायदे-*
*देशी तुपामध्ये शॉर्ट चेन फॅटी ऍसिड असते त्यामुळे हे पचण्यास एकदम हलके असते.
*यामध्ये व्हिटॅमिन ए, डी आणि कॅल्शियम, फॉरस्फोरस, मिनरल्स, पोटॅशियम या सारखे अनेक पोषक तत्व देखील उपल्ब्ध असतात.
*देशी तुप खाल्ल्यामुळे सांधेदुखीचा त्रास कमी होण्यास मदत होते.
*देशी तुपाने डोक्याची मालिश केल्यामुळे केस लवकर पांढरे होत नाही तसेच त्वचेमध्ये चमक येण्यास मदत होत
*रोज शुद्ध तुप खाल्ल्याने वात आणि पित्त शांत राहण्यास मदत होते.
*शुद्ध तुप खाण्याने पचन क्रिया उत्तम राहते.
*मुलांच्या जन्मानंतर शरीरातील वात वाढ होते. त्यासाठी शुद्ध तुप खाल्ले पाहिजे.
*हृदयाच्या नलिकांमध्ये ब्लॉकेज असल्यास तुप लुब्रिकेंटचे काम करते.पन डॉ. चा सल्ला घेउनच.
*गॅसेसचा त्रास कमी करण्यासाठी तुप खुप फायदशीर आहे.
*उन्हाळ्याच्या दिवसांमध्ये शरीरातील पित्त वाढते ते कमी करण्यासाठी तुपाचे सेवन करावे.
*डाळी शिजवतांना तुप टाकल्याने गॅस होण्याचा त्रास कमी होतो.
*तुपामुळे डोळ्यांवर पडणारा ताण कमी होण्यास मदत होते.

*त्वचा आणि केसांसाठी उपयुक्त -*

*शुद्ध तुपामुळे स्किन सॉफ्ट जातात आणि त्वचा मॉयश्चराइज होते.
*स्किन नरिश करण्याबरोबर त्वचेतील ड्रायनेस कमी करण्यास मदत होते. शुद्ध तुपाने चेह-याचे मसाज करणे उत्तम असते.
*केस चमकदार आणि मऊ बनवण्यासाठी डोक्याला शुद्ध तुपाने मालिश करावी. यामुळे केस काळे, दाट आणि मजबूत होण्यास मदत होते.
*भाजलेल्या अथवा शरीरावरील जखमेची खुण कमी करते.

*शुद्ध तुपाच्या सेवनामुळे इम्यून सिस्टिम मजबूत होण्यास मदत होते. यामुळे इन्फेक्शनमुळे होणा-या आजारांशी लढण्यास ताकद मिळते.
*शुद्ध तुपामध्ये सूक्ष्म जीवाणु, ऍन्टी-कॅंन्सर आणि ऍंटी-व्हायरल एजेंट उपलब्ध असते. यामुळे अनेक आजारांशी लढा देण्यास मदत होते.

*वजन कमी करण्यासाठी -*
*शुद्ध तुपामूले मेटाबॉल्जिम उत्तम राहते व वजन कंट्रोलमध्ये राहण्यास मदत होते.

*हाडांसाठी लुब्रिकेंट म्हणून काम करते, गुडघेदुखी साठी उपयुक्त.

*तुप दिवसभरात दोन चमचे खावे.*
*भात,भाजी, आमटी यावर घेतले तरी चालते.

22/03/2024

*'ओम्' उच्चारणे फक्त अध्यात्मिकच नाही तर आरोग्यासाठी सुद्धा फायदेशीर आहे.*

रोज फक्त पाच मिनिटे *'ओम्'* उच्चारण केल्याने मानसिक आणि शारीरिक फायदे होतात.
*कसे करावे 'ओम्' उच्चारण ?*
'ओम्' उच्चारण करण्यासाठी आरामदायी स्थितीत बसा. डोळे बंद करुन दीर्घ श्वास घ्या आणि नंतर 'ओम्' उच्चारण करत हळूहळू श्वास सोडा. या काळात पूर्ण शरीरात कंपन होईल याचा प्रयत्न करा.
*'ओम्' कार जपाचे महत्त्व आणि परिणाम 😗
*१)* मानवी मनाची शुद्धता करणे.
*२)* मानवी मनातील भावनांवर नियंत्रण करणे.
*३)* मनाची एकाग्रता, स्मरणशक्ती व बुद्धिमत्ता वाढविणे, तसेच एखादी गोष्ट समजून घेण्याची मनाची पात्रता वाढविणे.
*४)* शारीरिकदृष्ट्या, मानसिकरीत्या आराम वाटणे, तसेच भाव-भावनांवर नियंत्रण आणणे.
*'ओम्' कार जप* ➡️
अ......उ.....म् ………
अ......उ......म्.........
अ......उ.......म्……………..
*ओंकाराच्या उच्चाराने मिळवा अनेक आजारांवर नियंत्रण.*
ओंकाराचा उच्चार केल्याने शारीरिक स्तरावर अनेक फायदे होतात.

*१. थायरॉईड ॰॰ॐ
ओंकाराचा उच्चार केल्याने गळ्यात कंपन निर्माण होतात. याचा थायरॉईड ग्रंथींवर सकारात्मक परिणाम होतो.

*२. अस्वस्थता ॰॰ॐ
तुम्हाला अस्वस्थ वाटत असेल तर डोळे बंद करून पाच वेळा लांब श्वास घेऊन ओंकाराचे उच्चारण करा.

*३. तणाव ॰॰ॐ
यामुळे शरीरातील विषारी पदार्थ (टॉक्झिन्स) दूर होतात.

*४. रक्तप्रवाह ॰॰ॐ
यामुळे हृदय सुदृढ राहून रक्तप्रवाह सुरळीत राहतो.

*५. पचन ॰॰ॐ
ओंकाराचा उच्चार केल्याने पचनशक्ती वाढते.

*६. स्फूर्ती ॰॰ॐ
ओंकारामुळे शरीरात स्फूर्तीचा संचार होतो.

*७. थकवा ॰॰ॐ
थकवा मिटवण्यासाठी याहून दुसरा चांगला उपाय नाही.
*८. झोप ॰॰ॐ
ओंकाराच्या नियमित उच्चाराने काही दिवसातच झोप न येण्याची समस्या दूर होते. म्हणून झोपण्यापूर्वी ओंकाराचा उच्चार करणे आवश्यक आहे.

*९. फुफ्फुस ॰॰ॐ
ओंकाराच्या उच्चाराने फुफ्फुसाचे कार्य सुधारते.

*१०. पाठीचा कणा ॰॰ॐ
ओंकारामुळे निर्माण होणारे कंपन पाठीच्या कण्याला बळकट बनवते.

असे या ओंकार उच्चरणाचे अनेक फायदे असुन त्याने आपली रोगप्रातिकार शक्ति वाढीस सुध्धा खुप मदत होते.

28/12/2023

*गाजरांना हिवाळ्यातील सुपरफूड म्हटले जाते !*

गाजरांना हिवाळ्यातील सुपरफूड म्हटले जाते. हे फक्त खायला चविष्ट नसून त्यात अनेक पोषक तत्व असतात. कडाक्याच्या थंडीने दार ठोठावले आहे. अशा स्थितीत या ऋतूमध्ये शरीरावर सर्वात आधी परिणाम होतो.

हिवाळ्यात रोगप्रतिकारक शक्ती कमकुवत झाल्यामुळे अनेक प्रकारचे आजार होऊ लागतात. हंगामी आजारांपासून बचाव करण्यासाठी तुम्ही गाजरासारख्या हंगामी भाज्यांना तुमच्या आहाराचा भाग बनवू शकता.

*चला जाणून घेऊया गाजर खाल्ल्याने शरीराला कोणते फायदे होतात.*

व्हिटॅमिन A, K, C, पोटॅशियम, फायबर आणि कॅल्शियम तसेच लोह यांसारखे महत्त्वाचे पोषक घटकदेखील गाजरात असतात. त्यातील अँटीऑक्सिडेंट गुणधर्म फ्री रॅडिकल्सपासून शरीराचे संरक्षण करतात. गाजर डोळे आणि हृदयासाठी फायदेशीर आहे. तसेच ते मधुमेह आणि कर्करोगासारख्या आजारांमध्येही फायदेशीर आहे. बीटा कॅरोटीन आणि जीवनसत्त्वे यांसारख्या सर्व पोषक तत्वांनी समृद्ध असलेली ही भाजी आरोग्यासाठी खूप फायदेशीर आहे. हे सॅलड्स, भाज्या आणि मिठाईमध्ये मोठ्या प्रमाणावर वापरले जाते, ज्यामुळे हिवाळ्यापर्यंत त्याचा वापर लक्षणीय वाढतो.

*हृदयासाठी खूप फायदेशीर 😗
गाजर हृदयासाठी खूप फायदेशीर मानले जाते. याचे सेवन केल्याने हृदयविकाराचा धोका कमी होतो. जर तुम्हाला हृदयाशी संबंधित समस्या असतील तर तुम्ही गाजराचे सेवन करू शकता.

*मधुमेहासारख्या आजारांवरही नियंत्रण ठेवू शकता 😗 तज्ज्ञांच्या मते, गाजराचे सेवन केल्याने तुम्ही मधुमेहासारख्या आजारांवरही नियंत्रण ठेवू शकता. यामध्ये आढळणारे व्हिटॅमिन-ए आणि बीटा कॅरोटीन मधुमेहाचा धोका कमी करण्यास मदत करतात. याशिवाय गाजर खाल्ल्याने तुमच्या रक्तातील साखरेची पातळीही नियंत्रणात राहते.

*डोळ्यांसाठी रामबाण औषध 😗
गाजर डोळ्यांसाठी रामबाण औषधापेक्षा कमी नाही. यामध्ये बीटा-कॅरोटीन मुबलक प्रमाणात आढळते, जे शरीरात जाऊन व्हिटॅमिन-ए मध्ये बदलते. हे जीवनसत्व डोळे निरोगी ठेवण्यास मदत करते. हे बीटा-कॅरोटीन डोळ्यांना तीव्र सूर्यप्रकाशापासून होणाऱ्या नुकसानापासून संरक्षण देतात आणि मोतीबिंदू आणि डोळ्यांच्या इतर समस्यांची शक्यता कमी करतात.

*फायबरमुळे बद्धकोष्ठता कमी होते 😗
बद्धकोष्ठतेची समस्या दूर करण्यासाठी गाजर खूप फायदेशीर आहे. जर तुमचे पोट साफ नसेल तर तुम्ही काही कच्चे गाजर खावे. यामध्ये असलेल्या फायबरमुळे बद्धकोष्ठता कमी होते. याव्यतिरिक्त, गाजरमध्ये कॅल्शियम आणि व्हिटॅमिन के असते, जे दोन्ही हाडे मजबूत करण्यास मदत करते.

12/12/2023

*रोज सकाळी १ चमचा तीळ खा; पोटाचे त्रास दूर-हाडांना मिळेल पोषण, पाहा जबरदस्त फायदे.....*

हिवाळ्याच्या दिवसांत सर्दी, खोकल्यापासून सांधेदुखीपर्यंत सर्वच त्रास उद्भवतात. अशावेळी वातावरणानुसार आहारातही बदल करायला हवेत.

थंडीच्या दिवसांत शरीराला गरम पडतील अशा पदार्थांचे सेवन करायला हवे. पांढऱ्या तिळांच्या बीया हे असे एक सुपरफूड आहे .ज्याचे थंडीच्या दिवसांत सेवन करायला हवे. पांढरे तीळ खाल्ल्याने शरीर आतून गरम राहण्यास मदत होते. याशिवाय कॉमन फ्लू सारखे आजारही उद्भवत नाहीत.

*१) पांढरे तीळ एनर्जीचा एक उत्तम स्त्रोत आहेत...* तीळ खाल्ल्याने आळस, कमकुवतपणा, थकवा दूर होतो. हे सुपरफुड्स थंडीच्या दिवसांत एक्टिव्ह राहण्यास मदत करतात. (Health benefits of white sesame seed in winter) या लहान लहान बीयांमध्ये कॅल्शियम, मॅग्नशियम, आयर्न यांसारखी पोषक तत्व असता. एनसीबीआयच्या रिपोर्टनुसार तुमचे बोन्स आणि हार्ट हेल्थ सुधारण्यासाठी हे उत्तम ठरते.

*२) हिवाळ्याच्या दिवसांत इम्यूनिटी कमकुवत होते...* अशावेळी पांढरे तीळ खाल्ल्याने शरीराला पुरेपूर फायदे मिळतात. यातून जिंकसारखी पोषक तत्व मिळतात. ज्यामुळे कमकुवतपणा दूर होण्यास मदत होते आणि आजारांपासूनही बचाव होतो.
पांढऱ्या तिळाच्या बीयांमध्ये ओमेगा-६ फॅटी एसिड्स असतात. हे एक हेल्दी फॅट स्किन स्मूथ बनवते. जर त्वचेवर कोरडेपणा आल्याने तुम्ही त्रस्त असाल तर या बीया फार फायदेशीर ठरू शकता. यामुळे केस, सेल्स मेंब्रेन आणि मेंदू चांगला राहण्यास मदत होते.

*३) थंडीच्या दिवसांत डायडेस्टिव्ह फायबरसुद्धा कमी होते...*
यामुळे अपचन, गॅस, ब्लोटींग, पोटदुखी यांसारख्या समस्या उद्भवू शकता. तिळातील फायबर्स पचनक्रिया सुधारण्यास मदत करतात. याशिवाय पांढऱ्या तिळांचा आहारात समावेश केल्याने वजन नियंत्रणात राहण्यासही मदत होते. तिळात एंटी ऑक्सिडेंट्स आणि एंटी बॅक्टेरिअल गुणधर्म असतात ज्यामुळे संक्रमणापासून लढण्यास मदत होते.

*४) तिळात शक्तीशाली तत्व असतात...*
जे शरीरातील इन्सुलिनची क्षमता सुधारतात. तिळातील एंटी ऑक्सिडेंट्समुळे रक्तातील साखरेचा स्तर कमी होण्यास मदत होते. यामुळे डायबिटीसचा प्रभाव कमी होतो. चमचाभर तीळ खाल्ल्याने कोलेस्टेरॉलही लेव्हल नियंत्रणात राहण्यास मदत होते.

26/07/2023

*हळदीच्या सेवनाने झपाट्याने कमी होईल खराब कोलेस्ट्रॉल?*

प्राचीन काळापासून हळदीचा वापर आरोग्यासाठी केला जातो. कोलेस्ट्रॉलच्या समस्येवरही हळद उपयुक्त ठरू शकते. फक्त वापरण्याची पद्धत एकदा जाणून घ्या
हळद आपल्याला प्रत्येक घरामध्ये पाहायला मिळते. हळदीचा वापर सामान्यतः घरांमध्ये जेवण चवदार बनवण्यासाठी केला जातो. त्वचेचे सौंदर्य वाढवण्यापासून ते रोगप्रतिकारक शक्ती वाढवण्यासाठी हळद खूप फायदेशीर आहे. हळदीचा वापर प्राचीन काळापासून संसर्ग, जखम आणि पोटाच्या समस्यांसाठी केला जातो. हळद हा अनेक पोषक तत्वांनी समृद्ध आहे जी कर्करोग आणि मधुमेह यांसारख्या रोगांवर उपचार करण्यास मदत करते. हळदीचे आरोग्यदायी फायदे बाजारात सहज उपलब्ध आहेत आणि ती विविध प्रकारे वापरली जाऊ शकते. हळद रक्तातील कोलेस्टेरॉल नियंत्रित ठेवून हृदय निरोगी ठेवण्यास देखील मदत करू शकते. चला जाणून घेऊया हळदीचे सेवन कोलेस्टेरॉल नियंत्रित करण्यासाठी कसे उपयुक्त ठरते?

*हृदयविकारात फायदेशीर*
शरीरात उच्च कोलेस्ट्रॉल म्हणजे तुम्हाला हृदयविकाराच्या झटक्यापासून स्ट्रोकपर्यंत कोणत्याही गोष्टीचा धोका असू शकतो. अशा परिस्थितीत हळदीसोबत कोलेस्टेरॉलची पातळी राखण्यासाठी वेळोवेळी अनेक अभ्यास आणि संशोधन केले गेले आहेत. प्राणी आणि मानवांवर केलेल्या संशोधनानुसार हळदीचे सेवन केल्याने रक्तातील कोलेस्टेरॉलच्या पातळीवर तीन प्रकारे परिणाम होतो.

*1) LDL कोलेस्टेरॉलची पातळी कमी करणे...*
लो-डेन्सिटी लिपोप्रोटीन म्हणजेच LDL कोलेस्टेरॉलला वाईट कोलेस्ट्रॉल म्हणतात आणि त्यामुळे हृदयाच्या गंभीर समस्या उद्भवू शकतात. हळदीचे सेवन केल्याने एलडीएल कोलेस्ट्रॉलची पातळी कमी होते आणि शरीरातील चांगल्या कोलेस्ट्रॉलची पातळी वाढते, ज्यामुळे आरोग्य सुधारण्यास मदत होते.

*2) ऑक्सिडेशनपासून एलडीएल कोलेस्टेरॉलचे संरक्षण*
एथेरोस्क्लेरोसिस तेव्हा होतो जेव्हा एलडीएल कोलेस्टेरॉल ऑक्सिजनसह प्रतिक्रिया देते, ज्यामुळे रक्ताभिसरणात अडथळा येऊ शकतो. हळदीचे सेवन केल्याने हे ऑक्सिडेशन थांबते, त्यामुळे कोलेस्ट्रॉल नियंत्रित राहते आणि रक्तवाहिन्याही निरोगी राहतात.

*3) ट्रायग्लिसराइड पातळी कमी करणे*
उच्च रक्तातील कोलेस्टेरॉलसह उच्च ट्रायग्लिसराइड पातळी हृदयाच्या आरोग्यास धोका निर्माण करू शकते. ट्रायग्लिसराइड देखील धमन्यांमध्ये तयार होते, ज्यामुळे LDL कोलेस्टेरॉल रक्ताभिसरण समस्या निर्माण करणे सोपे होते. हळदीच्या वापराने ट्रायग्लिसराइडचे प्रमाण नियंत्रित करता येते.

हळदीमध्ये अँटीबॅक्टेरियल गुणधर्म असतात. खराब कोलेस्टेरॉल कमी करण्यासाठी रोज भाज्यांमध्ये हळदीचा वापर करावा. तसेच रात्री झोपण्यापूर्वी एक ग्लास दुधात चिमूटभर हळद टाकून प्यावे. याशिवाय रोज एक कप ग्रीन टी प्यायल्याने उच्च कोलेस्ट्रॉलची पातळी कमी होण्यास मदत होते.

27/03/2023

*लालबुंद गारेगार टरबूज उन्हाळ्यात खाण्याचे ५ फायदे, रसरशीत हवाहवासा गारवा, मात्र लक्षात ठेवा धोका.....*

डोक्यावर ऊन तापायला लागलं की आपल्याला गारेगार काहीतरी खायची इच्छा होते. सतत पाण्याने ही तहान भागत नाही इतकेच नाही तर शीतपेय, बर्फ, आइस्क्रीम या गोष्टी आरोग्याला म्हणाव्या तितक्या चांगल्या नसतात. अशावेळी आपल्याला दिलासा देणारी गोष्ट असते ती म्हणजे उन्हाळ्यात बाजारात येणारी फळे. ठराविक ऋतूमध्ये बाजारात मिळणारी फळे आवर्जून खायला हवीत असे डॉक्टर आणि आहारतज्ज्ञ नेहमी सांगतात, त्यामागे कारणही तेच आहे. विशिष्ट ऋतूमध्ये मिळणारी फळे ही त्या ऋतुमध्ये खाणे फायदेशीर असते. आंबा या फळांच्या राजाची आपण उन्हाळ्यात आतुरतेने वाट पाहत असतो. त्याचबरोबर या काळात मिळणारी आणि आपली तहान शमवणारी फळे म्हणजे कलिंगड आणि खरबूज. लालबुंद गारेगार कलिंगडाच्या फोडी म्हणजे उन्हाळ्याच्या भर दुपारी शरीराला आणि मनाला शांत करणारी गोष्ट. बाहेर कडक ऊन असताना रवाळ आणि गोड कलिंगड खाल्ले की आपल्यालाही तृप्त झाल्यासारखे वाटते. मनाची आणि शरीराची तहान शमवणारे हे फळ आरोग्यासाठी कसे फायदेशीर (Benefits of Watermelon) असते पाहूया...

*१. कलिंगड हे पाणीदार फळ असल्याने उन्हाळ्याच्या दिवसांत होणारे डिहायड्रेशन कमी करण्याचे काम या फळामुळे होते. चवीला गोड असलेले कलिंगड खाऊन उन्हामुळे आलेली मरगळ निघून जाण्यास मदत होते. त्यामुळे कार्यक्षमतेत वाढ होण्यास मदत होते.

*२. कलिंगडमध्ये अँटिऑक्सिडेंट्स, जीवनसत्त्वे बी, सी आणि डी मोठ्या प्रमाणात आढळतात. उन्हाळ्यात शरीराची लाहीलाही होत असल्याने पुरेसे अन्न खाल्ले जात नाही. सतत पाणी, सरबत, ज्यूस या गोष्टी घ्याव्याशा वाटतात. अशात कलिंगड खाल्ल्यास शरीराला आवश्यक असणारी जीवनसत्त्वे मिळण्याचे काम कलिंगडाच्यामार्फत होते. त्यामुळे शरीराचे पोषण करण्याचे काम कलिंगड करते.

*३. कलिंगड खाल्ल्याने गॅसेस, बद्धकोष्ठता या तक्रारी दूर होण्यास मदत होते. हल्ली जीवनशैलीतील बदलामुळे पचनाशी निगडीत तक्रारींचे प्रमाण वाढले आहे. मात्र कलिंगडामुळे या तक्रारी दूर होतात. असे असले तरी आवडते म्हणून किंवा उन्हाचा त्रास होतो म्हणून प्रमाणापेक्षा जास्त कलिंगड खाल्ल्यास पोट खराब होण्याचीही शक्यता असते.

*४. कडक उन्हात फिरल्याने अनेकांना ग्लानी येणे किंवा डोळ्यासमोर अंधारी येणे असे त्रास होतात. अशावेळी कलिंगड खाल्लेले असल्यास या त्रासांचे प्रमाण कमी होऊ शकते. त्यामुळे घरातून बाहेर पडताना कलिंगड खाल्लेले चांगले. पण कडक उन्हातून आल्या आल्या कलिंगड खाऊ नये. त्यामुळे त्रास होऊ शकतो.

*५. कलिंगड हे नाश्ता झाल्यावर, दुपारच्या वेळी किंवा संध्याकाळीही शरीराची लाहीलाही होत असताना खावे. सकाळी उठल्यावर उपाशी पोटी कलिंगड खाल्ल्यास त्याचाही शरीराला त्रास होऊ शकतो. कलिंगडामुळे रक्तदाब नियंत्रणात राहण्यास मदत होते. तसेच कोलेस्टेरॉल नियंत्रणात राहण्यासाठी आणि हृदयाचे कार्य सुरळीत चालण्यासाठीही कलिंगड खाणे उपयुक्त ठरते.

24/02/2023

*खारीक खाण्याचे फायदे*

धष्टपुष्ट शरीरासाठी खारीक अत्यंत उपयुक्त फळ आहे. खारकेचे सेवन खूप पौष्टिक मानले जाते. जर तुमची पचनशक्ती चांगली असेल तर खारीक जास्त प्रमाणात खाणे फायदेशीर ठरते. खारकेचे सेवन वर्षभर केले जाऊ शकते, कारण हे फळ वाळलेल्या स्वरुपात बाजारात वर्षभर उपलब्ध असते.
खारीक खाल्ल्यास शरीराला विविध फायदे होतात. विशिष्ट जातीचा खजूर वाळवून खारीक तयार केली जाते. संस्कृत; तसेच हिंदीत खर्जुरी, मराठीत खारीक, तर इंग्रजीत ड्राय डेट असे म्हणतात.खारीक ही खजुराची बहीण असली तरी स्त्रियांच्या आरोग्यासंबंधात तिचं स्थान विशेष आहे. स्त्रियांच्या सर्व तक्रारींवर विशेषत: प्रसूतीनंतर खारीक आहारात असायला हवी असं सांगतात.

🔹खारीक ही खजुराच्या जातीतील असली तरी स्त्रियांकरिता त्याचे वेगळे विशेष स्थान आहे. ज्या मुलींची मासिक पाळी साफ येत नाही त्यांनी नियमितपणे खारीक चूर्ण तुपाबरोबर खावे किंवा किमान एक खारीक रोज खावी. दोन-तीन महिने असा प्रघात ठेवला तर मासिक पाळी नियमित होते.

🔹 मासिक पाळीच्या त्रासामुळे ज्यांना गर्भधारणा होत नाही त्यांना नियमित खारीक खाल्ल्यामुळे दिवस राहतात.

🔹खारीक खाल्ल्यामुळे वजन वाढत नाही, तर खारकेसारखे शरीर खुटखुटीत व ताठपणे काम करणारे बनते.

🔹 वाईट कोलेस्टोरॉल कमी करण्यासाठी, शरीराला लोहाचा पुरवठा करण्यासाठी खारकेचा उपयोग होतो.

🔹नियमित 2-3 खारीक दूधात उकळून प्यायल्यास वीर्यनिर्मितीस चालना मिळते. खारीकातील मॅग्नेशियम घटक शरीरातील साखरेचे प्रमाण नियंत्रणात ठेवण्यास मदत करते.

🔹खारकेत भरपूर फायबर, जीवनसत्त्व बी १, बी २, बी ३,बी ५ असून पोटॅशियमही आहे. योग्य प्रकारे वजन वाढण्यासाठी खारकेचा वापर करावा, लहान मुलांना उगाळून द्यावी, मोठय़ाने भिजवून किंवा पावडर करून खावी. खारकेची पूड दुधात शिजवून घेतली तर नक्कीच फायदा होतो.

🔹बिया काढलेल्या चार खारका, एक चिमुटभर केशर( १२५ मिलीग्रॅम) आणि आवश्यकतेनुसार साखर ५०० मि.ली दुधामध्ये उकळून घ्या. रात्री झोपताना या दुधाचे सेवन केल्यास शरीराला उर्जा प्राप्त होते.

🔹खारकातील बिया काढून बारीक करून घ्या आणि २५० मिलीग्रॅम दुधामध्ये केळासोबत मिल्कशेक तयार करा. याचे नियमित सेवन केल्यास वृद्धपणाशी संबंधित समस्या दूर राहतील.

🔹खारीक नियमित खाल्ल्यास दमा असणार्या रुग्णांना आराम मिळेल. अर्धांगवायू आणि हृदयविकाराचा त्रास खारकाच्या सेवनाने कमी होईल.

🔹भूक वाढवण्यासाठी खारीक दुधामध्ये उकळून घ्या. थोड्या वेळाने थंड झाल्यानंतर बारीक करून घ्या. हे दुध खूप पौष्टिक असते, यामुळे भूक वाढते आणि अन्न व्यवस्थित पचते.

🔹सर्दीने त्रस्त असाल तर खारीक उकळलेल्या दुधामध्ये विलायची पूड टाकून सेवन करा. सर्दी लवकर बरी होईल.

🔹सर्दी, पडसे, खोकल्यामुळे त्रास होत असल्यास ग्लासभर दूधात पाच खारीक, पाच काळामिरीचे दाणे, वेलचीचे तुकडे एकत्र करून उकळावेत. या मिश्रणामध्ये चमचाभर तूप मिसळा. हे ड्रिंक सायनसच्या रूग्णांदेखील फायदेशीर आहे

🔹खारीक नियमित खाल्ल्यास हृदयविकार होत नाहीत. शरीरातील रक्ताची कमतरता खारकाच्या सेवनाने दूर होईल.

🔹खारीक हाडांसाठी पोषक असते. पाठीचा कणा व सांधे यांची झीज होणे, अशक्‍ततेमुळे कंबर दुखणे वगैरे त्रासांवर खारकेची पूड दुधासह घेणे उपयुक्‍त असते.

🔹नियमित 2-3 खारीक दूधात उकळून प्यायल्यास वीर्यनिर्मितीस चालना मिळते.

🔹खारीकातील मॅग्नेशियम घटक शरीरातील साखरेचे प्रमाण नियंत्रणात ठेवण्यास मदत करते.

🔹मधूमेहींसाठी खारीक गुणकारी ठरते. त्यामधील नैसर्गिक गोडवा रक्तातील साखरेमध्ये अचानक होणारे बदल नियंत्रणात ठेवण्यास मदत करते.

🔹बद्धकोष्ठतेचा त्रास असणार्‍यांनाही खारीक फायदेशीर ठरते. यामध्ये पोटॅशियम घटक मुबलक असतात. दूधामध्ये खारीक मिसळून प्यायल्याने त्यामधील फायबर घटक पचनक्रियेला चालना देतात. त्यामुळे नियमित दूध – खारीकाचे मिश्रण एकत्र करून प्यावे.

🔹पचनाचा त्रास, डायरिया, पोटदुखी अशा समस्यांवर खारीक आणि दूध फायदेशीर आहे. खारीकातील पोटॅशियम, कॅल्शियम, कॉपर, मिनरल्स, मॅगनीज, सेलेनियम असे घटक मुबलक प्रमाणात आढळतात. हाडांना बळकटी देण्यासाठी खारीक आणि दूध फायदेशीर आहे. खारीकमधील फायबर घटक कोलोन कॅन्सरचा धोका कमी करण्यास मदत करतात.

🔹खारीकमध्ये व्हिटामिन ए, व्हिटामिन बी मुबलक प्रमाणात आढळतात. यामुळे त्वचेला चकाकी येण्यास मदत होते. सोबतच शरीरात नव्या पेशींची निर्मिती होण्यास मदत होते.

🔹खारकांचे बारीक तुकडे व तितकेच आल्याचे लहान तुकडे, भरपूर लिंबाचा रस व त्यात अष्टमांश प्रमाणात सुंठ, मिरे, पिंपळी, जिरे व बडीशेप असे चूर्ण, चवीपुरते मीठ व तुपावर भाजलेला हिंग असे लोणचे मुरल्यावर खावे. उत्तम रुची येते. भूक लागते.

🔹 रक्तपित्त विकारात खारीक व तूप खावे.

🔹लहान मुलांचे दात बळकट व्हावयास हवे असतील तर रोज एक खारीक चावून, चघळून खावयास लावावी.

मुलांन सह अबालवृध्दांना चॉकलेट व केकपेक्षा हा खुराक उत्तम आहे. रोज काही करुन खाता आले नाही तर खारिक खजूर नुसतेच खा दोन महीन्यात तुम्हाला तुमचे बदल जाणवतील.
🌹आरोग्यम् धनसंपदा.🌹

20/02/2023

*🍇हे आहेत काळ्या द्राक्षांचे १० फायदे, वाचाल तर रोज खाल🍇*

काळ्या द्राक्षांचे १० फायदे काय आहेत हे पुर्णतः अनेकांना माहिती नसेल. मात्र याची माहिती घेणे आवश्यक आहे. कारण काळे द्राक्ष अनेक समस्यांवरील उपाय ठरू शकतात.

*१. डायबिटीस, ब्लड प्रेशरवर नियंत्रण*
काळी द्राक्ष नियमित खाल्यामुळे डायबिटीस आणि ब्लड प्रेशर नियंत्रणात राहते. काळ्या द्राक्षांमध्ये रेसवटॉल नावाचा पदार्थ असतो, ज्यामुळे रक्तात इन्सुलिन वाढते. ही द्राक्ष खाल्यामुळे शरिरातलं रक्त वाढायलाही मदत होते, तसेच ब्लड प्रेशरचा त्रास होत नाही.

*२.एकाग्रता वाढायला मदत*
काळी द्राक्ष खाल्यामुळे एकाग्रता आणि स्मरणशक्ती वाढायला मदत होते. तसेच मायग्रेनसारखा आजारही या द्राक्षांमुळे बरा होतो.

*३. हार्ट ऍटेकचा धोका कमी*
काळ्या द्राक्षांमध्ये सायटोकेमिकल्स असतात जे हृदयाला स्वस्थ ठेवतात. तसेच या द्राक्षांमुळे कोलेस्ट्रॉलही नियंत्रणात राहते, ज्यामुळे हार्ट ऍटेकचा धोका कमी होतो.

*४. वजन होते कमी*
नियमित काळी द्राक्ष खालली तर वजन कमी होऊ शकते. यामध्ये असणारा एँटीऑक्साईड शरिरात जास्तीचे असलेले टॉक्सिन्स बाहेर काढायला मदत करतो. ज्यामुळे वजन कमी होते.

*५. अस्थमा होतो बरा*
काळी द्राक्ष शरिरात असलेल्या बॅक्टेरिया आणि फंगसला मारायचे काम करतात, जी इंफेक्शन तयार करतात. पोलिओविरुद्ध लढण्यासाठीही द्राक्ष हा चांगला उपाय आहे. काळ्या द्राक्षांमुळे अस्थमा बरा व्हायला मदत होते.

*६. कॅन्सरला रोखा*
काळी द्राक्ष खाल्यामुळे ब्रेस्ट, लंग, प्रोस्टेट आणि आतड्यांच्या कॅन्सरच्या धोक्यापासून वाचता येऊ शकते.

*७. अपचन होत नाही*
काळ्या द्राक्षांमध्ये शुगर, ऑरगॅनिक ऍसिड आणि पॉलीओस जास्त प्रमाणात असल्यामुळे अपचन आणि पोटाची जळजळ होत नाही.

*८. डोळ्यांसाठी गुणकारी*
दृष्टी सुधारण्यासाठीही काळी द्राक्ष गुणकारी आहेत.

*९. तसेच त्वचेवर पडणाऱ्या सुरकुत्याही यामुळे कमी होतात.

*१०. केस गळती थांबवायला मदत*
काळ्या द्राक्षांमध्ये असलेल्या विटॅमिन इ मुळे केस गळणे, केस पांढरे होणे यासारख्या समस्या दूर होतात. द्राक्ष खाल्याने केसांच्या मुळापर्यंत रक्त पोहोचायला मदत होते,त्यामुळे केस मुलायम आणि मजबूत होतात.

24/01/2023

*सुक्या खोबर्‍याचा एक तुकडा रोज खा; 4 फायदे- तब्येतीच्या तक्रारी गायब!*

रक्तातील लोहाचं प्रमाण वाढवण्यापासून ते हाडांचं आरोग्य सुरक्षित राखण्यापर्यंत सुकं खोबरं महिलांच्या आरोग्यासाठी खूप फायदेशीर ठरतं.सुक्या खोबर्‍यात असलेले गुण जाणून घ्याल तर सुकं खोबरं न चुकता खाल हे नक्की!

भूक लागली की भेळ, फरसाण, बिस्किटं हे पदार्थ खाण्यापेक्षा पर्समधे एक छोट्या डब्यात सुक्या खोबर्‍याचा किस ठेवणं, किंवा सुक्या खोबर्‍याचे तुकडे ठेवणं लाभदायक ठरतं.
सुक्या खोबर्‍यात लोहाचं प्रमाण भरपूर असतं. त्यामुळे दिवसभरात मधून मधून थोडं सुकं खोबरं चावून खाल्ल्यानं रक्तातील हिमोग्लोबिन वाढायला मदत होते.
जर स्वत:ला किंवा घरात कोणा इतरांना संधिवात असेल किंवा ऑस्टियोपोरोसिस असेल तर सुकं खोबरं अवश्य खावं.
ओलं नारळ खाण्यास सगळ्यांनाच आवडतं. पण सुकं खोबरं खायला मात्र जिवावर येतं. पौष्टिकतेच्या बाबतीत ओल्या नारळाचाच विचार केला जातो. ओलं नारळ खाण्याचे जसे फायदे आहेत तसेच सुकं खोबरं चावून खाण्याचे, आपल्या आहारात कोणत्या न कोणत्या स्वरुपात सुक्या खोबर्‍याचा समावेश करण्याचे अनेक फायदे आहेत. सुकं खोबरं हे प्रामुख्यानं हदय, मेंदूच्या आरोग्यासाठी फायदेशीर असतं तसेच महिलांच्या आरोग्यासाठीही सुक्या खोबर्‍याचे विशेष फायदे आहेत.

एखादी गोष्ट खायला सांगितली आहे म्हणून खायची असं म्हटलं तर ते होत नाही. पण अमूक कारणांसाठी तमूक खाणं गरजेचं आहे , त्याचे हे विशिष्ट फायदे आहेत हे समजून घेतलं तर मग तो पदार्थ आवर्जून खाल्ला जातो. सुक्या खोबर्‍यातले हेच गुण जाणून घेतले तर सुकं खोबरं आवर्जून खाल्लं जाईल

*सुकं खोबरं खाणं का महत्त्वाचं?*

1. सुकं खोबरं आपण कधीही, कुठेही खाऊ शकतो. भूक लागली की भेळ, फरसाण, बिस्किटं हे पदार्थ खाण्यापेक्षा पर्समधे एक छोट्या डब्यात सुक्या खोबर्‍याचा किस ठेवणं, किंवा सुक्या खोबर्‍याचे तुकडे ठेवणं लाभदायक ठरतं. मधेच लागणारी भूक हे सुकं खोबरं खाऊन तर शमतेच शिवाय शरीरालाही त्याचा फायदा होतो. दोन वेळेच्या जेवणात जे पदार्थ आपण खातो तेच फक्त आरोग्यावर परिणाम करतात असं नाही. तर मधल्या काळात खाल्ले जाणारे पदार्थही शरीरावर चांगले वाईट परिणाम करत असतात. मधल्या वेळेत भूक लागली असता सुकं खोबरं चावून खाल्लं तर भूक शमते, रक्ताचा प्रवाह सुरळीत राहातो. सुक्या खोबर्‍यात फिनॉलिक हा घटक असतो जो अँण्टिऑक्सिडण्टससारखा काम करतो. तसेच सुक्या खोबर्‍यामुळे पेशींचं ऑक्सिडेशन होण्याचं टळतं. सुक्या खोबर्‍यातील फायबरमुळे पोट भरल्यासारखं राहातं, जेवणापर्यंत भूक लागत नाही.

2. भारतातल्या महिलांमधे लोहाची कमतरता मोठ्या प्रमाणात आहे. त्यामुळे महिलांनी मधे मधे सुकं खोबरं खाणं हे फायदेशीर मानलं जातं. सुक्या खोबर्‍यात लोहाचं प्रमाण भरपूर असतं. त्यामुळे दिवसभरात मधून मधून थोडं सुकं खोबरं चावून खाल्ल्यानं रक्तातील हिमोग्लोबिन वाढायला मदत होते. गुळ खोबरं एकत्रं खाणं किंवा सुक्या खोबर्‍याचा समावेश केलेले पौष्टिक लाडू खाल्ल्याने महिलांचं आरोग्य चांगलं राहातं. प्रसूतीनंतर महिलांना सुकं खोबरं आणि डिंक मेथीचे लाडू खाऊ घालतात ते याचसाठी.

3. रोगप्रतिकारशक्ती वाढवून आजारांचं आणि औषधांचं प्रमाण कमी करायचं असेल तर सुकं खोबरं खाण्याला पर्याय नाही. सुक्या खोबर्‍यात प्रथिनं, जीवनसत्त्वं, लोह, कॅल्शिअम, मॅग्नीज, सेलिनियम हे घटक मोठ्या प्रमाणात असतात. थोडं सुकं खोबरं रोज चावून चावून खाण्याची सवय लावली तर आपली रोगप्रतिकाराशक्तीही वाढते. सुकं खोबरं रोज खाल्ल्यानं संसर्गजन्य आजार दूर राहातात. त्वचेचा पोतही चांगला होतो.

4. जर स्वत:ला किंवा घरात कोणा इतरांना संधिवात असेल किंवा ऑस्टियोपोरोसिस असेल तर सुकं खोबरं अवश्य खावं. सुकं खोबरं नियमित खाल्ल्याने सांधेदुखी कमी होते, हाडांची झीज होत नाही. तसेच इतर गंभीर आजारांचा धोकाही कमी होतं. त्यामुळे सुक्या खोबर्‍याचा एक तुकडा खूप फायदेशीर असतो एवढं लक्षात ठेवून तो रोज चावून खाण्याची सवय लावल्यास आरोग्य उत्तम राहील हे नक्की!

सुक्या खोबर्‍याचा समावेश आहारात करण्यासाठी खोबर्‍याची चटणी, डिंक खोबरं गूळ किंवा खजूर आणि खोबरं, शेंगदाणे, गूळ आणि खोबरं यांचे लाडू करणं, रश्याच्या भाज्यांमध्ये आवर्जून सुक्या खोबर्‍याचा वापर करणं , पोहे, मसाले भात यावर भरपूर प्रमाणात सुकं खोबरं भुरभुरणं हे आरोग्यासाठी फायदेशीर असतं. त्यामुळे आपल्या स्वत:च्या आरोग्याचा विचार करुन स्वयंपाक घरातलं सुकं खोबरं नेहेमी राहील याची काळजी घ्या.

22/01/2023

*🎯 उन्हात बसणे शरीरासाठी आवश्यक*

आजच्या धावपळीच्या जीवनात अनेक लोक आपल्या गरजा पूर्ण करण्यासाठी दिवसभर ऑफिस, काम आणि घरात बसतात. कामात व्यस्त असल्यामुळे अशा गोष्टी पासून दूर जातात जे त्यांच्या शरीरासाठी फायदेशीर आणि निरोगी राहण्यास मदत करते.

सूर्यप्रकाश आपल्या शरीरासाठी अत्यंत आवश्यक आहे. सूर्यप्रकाशामुळे शरीरातील हाडे तर मजबूत होतातच शिवाय अनेक फायदेही होतात.
दररोज २५ ते ३० मिनिटे उन्हात बसणे शरीरासाठी आवश्यक आणि पुरेसे आहे. सूर्योदया नंतर अर्धा तास आणि सूर्यास्त होण्यापूर्वी प्रत्येकाने २० ते २५ मिनिटे सूर्यप्रकाशात बसावे. यातून शरीराला केवळ
व्हिटॅमिन डी मिळत नाही
तर शरीरात अनेक हार्मोन्स बाहेर पडतात जे आपल्या आरोग्यासाठी चांगले असतात.

*सूर्यप्रकाशात बसण्याचे फायदे*

*ताण कमी होतो* :

दररोज २० ते २५ मिनिटे उन्हात बसल्याने आपल्या शरीरात मेलाटोनिन नावाचा हार्मोन तयार होतो
ज्यामुळे तणाव कमी होण्यास मदत होते.

*चांगली झोप येते* :

तुमची मेलाटोनिन पातळी कधी वाढवायची आणि कमी करायची हे तुमच्या शरीराला सांगून सूर्यप्रकाश तुमच्या सर्कॅडियन लय नियंत्रित करतो.
झोपेच्या वेळी एखादी व्यक्ती जितका जास्त सूर्यप्रकाश घेईल तितके शरीरात मेलाटोनिनचे उत्पादन चांगले होईल.

*रोग प्रतिकारशक्ती वाढण्यास मदत* :

सूर्यप्रकाशात राहिल्याने रोगप्रतिकारशक्तीही मजबूत होते. शरीराची प्रतिकारशक्ती चांगली असेल तर अनेक आजार, इन्फेक्शन, कॅन्सरचा धोका कमी करता येतो.

*रक्त प्रवाह सुरळीत राहतो* :

दररोज २० ते २५ मिनिटे सूर्यप्रकाश घेतल्यास शरीराला उष्णता मिळते.
त्यामुळे थंडी मध्ये आकुंचित होणाऱ्या रक्तवाहिन्या सामान्य होऊन शरीरातील रक्ताभिसरण चांगले होते.

व्हिटॅमिन-डी च्या कमतरतेमुळे हृदयरोग, मेटाबॉलिक सिंड्रोम, प्रजनन क्षमता प्रभावित होते. आरोग्य तज्ज्ञांचे म्हणणे आहे की वर्षातील किमान ४० दिवस, दररोज ४० मिनिटे सूर्यप्रकाशात राहणे आवश्यक आहे.
सकाळी किंवा संध्याकाळी जरी ४०% सूर्यप्रकाश घेतला तरी आरोग्यासाठी चांगला असतो.

Om Ayurveda & Panchakarma Centre

17/08/2024

08/06/2024

22/03/2024

28/12/2023

12/12/2023

26/07/2023

27/03/2023

24/02/2023

20/02/2023

24/01/2023

22/01/2023

Address

Opening Hours

Website

Alerts

Shortcuts

Share

Category

Monday	10am - 2pm
	5pm - 8:30pm
Tuesday	10am - 2pm
	5pm - 8:30pm
Wednesday	10am - 2pm
	5pm - 8:30pm
Thursday	10am - 2pm
	5pm - 8:30pm
Friday	10am - 2pm
	5pm - 8:30pm
Saturday	10am - 2pm
	5pm - 8:30pm
Sunday	10am - 2pm