Dadaai Organic

26/08/2022

*👉आज आपण वारंवार तोंड येण्याची कारणे, लक्षणे आणि त्यावरील उपाय पाहूयात*

*तोंड येण्याची कारणे...*
*👉कुपोषण.*
*👉आहारदोष किंवा चुकीची आहारपद्धती आणि जीवनशैली.*
*👉जीवनसत्त्व नायसीन, रायबोफ्लॅवीन. फोलेट अ‍ॅसिड, जीवनसत्त्व सायनोक्लोमाइनच्या कमतरता.*
*👉दात, जीभ, हिरडया आणि तोंडाची पुरेशी स्वच्छता नसणे.*
*👉दीर्घकाळ अँटिबायोटिक औषधाचे सेवन करणे.*
*👉कॅन्सरच्या औषधाचा दुष्परिणाम होणे.*
*👉तंबाखू दारू, गुटखा याचं सेवन करणे.*
*👉मानसिक ताणतणाव.*
*👉अपुरी झोप.*
*👉अति मसालेदार, तिखट अन्नपदार्थाचं सेवन करणे.*
*👉कमी प्रतिकारशक्ती.*
*👉जीवनसत्त्वांची कमतरता.*
*👉वारंवार टुथपेस्ट बदलणे.*
*👉कधी कधी काही स्त्रियांना मासिक पाळीपूर्वीदेखील तोंड येतं. पण ते मर्यादित काळासाठी असतं.*

*👉तोंड येणं म्हणजे नेमकं काय होतं...?*
*तोंड येतं तेव्हा जीभ, गालाचा आतील भाग, टाळू, हिरडया, जिभेच्या कडा, ओठाची आतली बाजू पूर्णत: लाल होते. काही वेळेला पांढरट, पिवळसर गोल जखमा तयार होतात. इतकंच नाही तर कधी कधी घशाच्या आत किंवा जिभेवर पांढरट थर जमा होतो. अशा वेळी तोंडातून गरम वाफा निघाल्याचं जाणवतं. जिभेच्या कडा खडबडीत होतात. तिथेही फोड येतात. कधी कधी ताप येतो किंवा अंगात कणकण जाणवते.*

*पचनसंस्थेवर ताण पडून शौचाच्या तक्रारीही निर्माण होतात. त्याचबरोबर भूक मंदावणे, प्रतिकार शक्ती कमी होणे, इतर आजरांना सामोरे जावे लागतं. यासारख्या तक्रारी वारंवार तोंड येण्याने दिसून येतात. वारंवार तोंड आल्यामुळे अपचन, जुलाब, मोठया आतडयाचे विकार, मानसिक ताणतणाव अशा प्रकारांना सामोरं जावं लागतं.*

*थोडक्यात शरीरातील ब गटातील जीवनसत्त्वांचं प्रमाण कमी झालं की त्याचा मज्जा पेशींवर परिणाम होतो. त्वचा, ओठ, गालाचा आतील भाग, जीभ आणि घसा तसेच पचनसंस्थेतील महत्त्वाचे पाचकरस करणा-या ग्रंथी, तसेच रक्त तयार करणा-या ग्रंथींचं कार्य जीवनसत्त्व बी गटामुळे होत असतं. मात्र या जीवनसत्त्वांच्या अभावाने त्यांचं कार्य बिघडतं त्यामुळे तोंड येतं.*

*👉तोंड येऊ नये म्हणून काय कराल...?*
◼️*🔰तोंडाची आंतरबाहय़ स्वच्छता.*

*🔰पान, तंबाखू, गुटखा यांसारख्या घातक घोष्टींचं सेवन पूर्णपणे बंद करावं.*

*🔰आहारात जीवनसत्त्व आणि चोथायुक्त पदार्थाचा समावेश करावा.*

*🔰भरपूर पाणी प्यावं. दिवसभरातून किमान आठ ते दहा ग्लास पाणी पिणं आवश्यक आहे.*

*🔰पुरेशी झोपही आवश्यक आहे. रात्रीच्या जागरणाने शरीरात उष्णता वाढते. त्यामुळेही तोंड येतं.*

*🔰किमान सहा ते सात तास झोपणं आवश्यक आहे.*

*🔰तणावरहीत जगणं आवश्यक आहे. कोणत्याही गोष्टीचा मनावर ताण आल्याने त्याच्या परिणाम आपल्या प्रकृतीवर होतो.*

*🔰तोंड आलेल्या ठिकाणी ग्लिसरीन लावावं. आणि लाळ थुकून टाकावी. तोंडात कात धरल्यानेही आराम पडतो. मात्र त्वरित आराम न पडल्यास तज्ज्ञांचा सल्ला घ्यावा.*

*शरीराला आवश्यक जीवनसत्त्व कोणती?*
» बी १ अर्थात थायमिन
» रायबोफ्लेवीन
» नायसीन

*ही जीवनसत्त्व कोणत्या पदार्थातून मिळतील...?*
*थायमिन :* सर्व प्रकारची तृणधान्य, हातसडीचा तांदूळ, कोंडयासकट गहू, मोड आलेली कडधान्य, ज्वारी आणि बाजरी.

*रायबोफ्लेवीन :* दूध, तृणधान्य, डाळी यातून अधिक प्रमाणात मिळतं.

गर्भावस्थेतील स्त्रिया, थायरॉईड ग्रंथीचे आजार, संतती नियमनाच्या गोळ्यांचे सेवन करणाऱ्यांना या जीवनसत्त्वाची अधिक गरज असते.*

*नायसीन :* संमिश्र आहार. तृणधान्य आणि दूध.

*वारंवार तोंड येत असेल तर त्याची वर नमूद केल्याप्रमाणे बरीच कारणे आहेत.*
*----------------------------*
*सर्व आजार निसर्ग उपचाराने 100% बरे होतात*.👍
🥬🥒🌳🌴🎋🍊
*-------------------------------

18/08/2022

*👉लहान मुलांच्या पोट दुखीवर घरगुती उपाय*

*🔰जुलाब होत असतील तर १ ग्लास स्वच्छ पाण्यात १ चमचा 🥄साखर आणि आणि चिमुटभर मीठ घालून हे पाणी सतत मुलांना पाजावे.*

*🔰अपचन झाले असेल तर थोडया पुदिन्याच्या पानांचा 🍃 रस काढून १ चमचा रस, तेवढेच मध आणि चिमुटभर 🤏🏻 काळे मीठ घालून दिवसातून ३ ते ४ वेळा चाटायला दया.*

*🔰पोटात कळा येत असतील तर १ चमचा आल्याचा रस, १y चमचा मध 🍯 आणि चिमुटभर मीठ घालून हे ३-४ वेळा चाटायला दया.*

*🔰लहान बाळाचे 👶🏻 पोट दुखत असेल तर कापडात ओवा घालून त्याची पोटली तव्यावर गरम करून पोट शेकावे.*

*🔰पोटात जंत 🦠 झाले असतील तर वावडिंग उकळवून पाणी दयावे किंवा वावडिंगाची पूड व गुळ एकत्र करून त्याच्या छोटया आकाराच्या गोळ्या करून दिवसातून ३ वेळा दयाव्यात. जंत पडून जातात.*

*🔰जिरे व सैंधव मीठ समप्रमाणात एकत्र करून त्यात ते भिजेपर्यंत लिंबाचा 🍋 रस घालून ७ दिवस काचेच्या बाटलीत भिजत ठेवावे. हे मिश्रण नंतर उन्हात ☀️ वाळवून बाटलीत भरून ठेवावे. पोटदुखी, गॅसेस 💨 साठी हे उत्तम औषध आहे.*

*घरगुती 🏠 उपायामुळे वरील त्रासांपासून आराम मिळेल परंतु कोणत्याही आजारातून 🤒 जर पूर्णपणे बरे व्हायचे असेल तर तो शास्त्रशुद्ध चिकित्सा 👨🏻‍⚕️पद्धतीनेच बरा होईल हे लक्षात ठेवले पाहिजे.
धन्यवाद...

02/08/2022

*आरोग्यासाठी हाय एनर्जी सीड्‍स किती फायदेशीर आहे, जाणून घ्या.*

*🔰जवसाच्या बिया :*
या बियांमध्ये प्रथिने, ब 1 जीवनसत्त्व, ओमेगा 3 फॅटी ऍसिड्‌स, झिंक, मॅग्नेशियम, कॉपर हे क्षार असतात. दोन टेबलस्पून जवसाच्या बियांमध्ये 6 ग्रॅम फायबर आणि 4 ग्रॅम प्रथिने असतात.

*🔰शेंगदाणे :*

शेंगदाण्यांमध्ये प्रथिने आणि शरीराला आवश्‍यक असणारी फॅट्‌स भरपूर प्रमाणात असतात. कच्चे, भाजलेले खारे शेंगदाणे किंवा गूळ-शेंगदाण्याचा लाडू, शेंगदाण्याचा कूट, चिक्की अशा कोणत्याही प्रकारात शेंगदाणे खाता येतात. मात्र, पचायला जड असल्याने शेंगदाणे प्रमाणातच खावेत.

*🔰हळीव :*

100 ग्रॅम हळिवांत तब्बल 100 मिलिग्रॅम आयर्न असते.

तसेच लोह, कॅल्शियम, फॉलेट, बेटाकेरोटीन, क जीवनसत्त्व व टोकोफेरॉक हे पोषक घटक असतात. रज:स्रव नियमित करण्यात मदत करते. यात अँटिऑक्‍सिडंट्‌स व रक्तशुद्धी करणारे घटक असतात. अंकुरलेले हळीव सलाडमध्ये घालून घेतल्यास ते डोळ्यांसाठी हितकर आहेत. हळिवांतील चिकट गुणधर्मामुळे मलाविरोधाची तक्रार कमी होते. हळिवाच्या गॉयट्रोजेनिक गुणधर्मामुळे हायपोथायरॉईडचा त्रास असणाऱ्यांनी या बियांचे पदार्थ खाऊ नयेत.

*🔰काळे आणि पांढरे तीळ :*

तीळ बुद्धी वाढवितात, दातांसाठी हितकर असतात, वर्ण उजळवतात, व्रण भरून येण्यासाठी हितकर असतात, वाताला कमी करतात व कफ वाढवितात. तसेच, मूळव्याधीवर गुणकारी, हाडांच्या मजबुतीसाठी उपयुक्त आहेत. वजन वाढविणाऱ्या आणि कमी करू इच्छिणाऱ्या अशा दोघांनीही तीळ खाणे हितकारक आहे. काळ्या तिळांत औषधी गुणधर्म असतात.

*🔰भोपळ्याच्या बिया :*

यामध्ये ई जीवनसत्त्व, झिंक, मॅंगेनीज, फॉस्फरस, मोनोसॅच्युरेटेड फॅट्‌स, ओमेगा 6 फॅटी ऍसिड्‌स असतात, हृदयविकार, मधुमेहींसाठीही भोपळ्याच्या बिया उपयुक्त आहेत. सर्व प्रकारचे कॅन्सर्स, विशेषत: प्रोस्टेट कॅन्सरचा धोका कमी होतो. यासाठी रोज दोन ते चार चमचे भोपळ्याच्या भाजलेल्या बिया खाल्ल्याच पाहिजेत.

*🔰सूर्यफूलाच्या बिया :*

सूर्यफुलात ई जीवनसत्त्व, कॅल्शियम, अँटी ऑक्‍सिडेंट्‌स मोठ्या प्रमाणात असतात. या बिया पोषणमूल्यांनी अत्यंत समृद्ध आहेत. या बियांमधील फायटोसस्टेरॉल घटकामुळे कोलेस्टेरॉल कमी व्हायला मदत होते. रोगप्रतिकार शक्ती वाढवतात. केसांची मुळे घट्ट होतात. मासिक पाळीच्या वेळी होणारी चिडचिड, मूड स्विंग, पोटदुखी आदी त्रास कमी होतात.

*🔰खसखस :*

या काहीशी मातकट चव लागणाऱ्या बिया पोषणमूल्यांनी समृद्ध असतात. यातून कॅल्शियम, लोह, प्रथिनेही मिळतात. यात प्रति औंस 6 ग्रॅम फायबर्स असतात. यामुळे पचनक्रिया सुधारते. यामध्ये औषधी गुणधर्मही आहेत. पोटदुखी, उलटीच्या समस्येवर गुणकारी आहेत.
*----------------------------*
👍 *माहिती आवडली तर नक्की शेअर करा. काळजी घ्या आणि सुरक्षित रहा...!*

27/07/2022

*जमिनीवर बसून जेवणाचे 10 फायदे*

*🔰- पचन सुधारते*

जमिनीवर मांडी घालून बसल्याने, अर्धपद्मासनाची स्थिती निर्माण होते. तसेच जमिनीवर ताट असल्याने जेवणाचा घास घेण्यासाठी वाकावे लागते या सतत होणार्‍या शारीरिक हालचालीमुळे पोटाजवळील स्नायूंना चालना मिळते व पचनाची क्रियादेखील सुधारते.

*🔰-वजन घटवण्यास मदत होते*

जमिनीवर बसून जेवल्याने, वजन कमी होण्यासही मदत होते. वजन वाढण्याचे मुख्य कारण म्हणजे प्रमाणापेक्षा अधिक खाणे. जमिनीवर बसून जेवताना ‘वेगस नर्व्ह’ (पोटाकडून मेंदूला संकेत देणारी) भूक व जेवणाचे प्रमाण योग्यप्रकारे राखू शकते. टेबलापेक्षा जमिनीवर बसून जेवल्याने, जेवणाचा वेग मंदावतो व पोट आणि मेंदूतील समन्वयता सुधारते. परिणामी अतिप्रमाणात खाण्याची वृत्ती कमी होते व वजनही काबूत राहते.

*🔰-लवचिकता वाढवत*े

पद्मासनात बसल्याने, पाठीचे, कमरेतील तसेच पोटाजवळील स्नायूंवर ताण आल्याने पचनसंस्थेचा मार्ग सुधारतो. अशा स्थितीत बसल्याने पोटावर ताण येण्याऐवजी जेवण पचण्यास व ग्रहण करण्यास मदतच होते. परिणामी पोटाजवळील स्नायूंवर ताण आल्याने शरीर लवचिक व आरोग्यदायी बनण्यास मदत होते.

*🔰-मन शांत होते व खाण्यावर लक्ष केंद्रित होते*

जमिनीवर बसून जेवल्याने मेंदू शांत होतो व तुमचे सारे लक्ष जेवणाकडेच राहते. मनाची अस्थिरता कमी झाल्याने, जेवणातून मिळणारी पोषणतत्त्वे शरीर अधिक उत्तमप्रकारे ग्रहण करण्यास समर्थ होते.

*🔰-कुटुंबातील सदस्यांशी जवळीक वाढते*

दिवसातील किमान एका जेवणाचा आपल्या कुटूंबासोबत जरूर आनंद घ्यावा.दिवसभरातील क्षीण व ताणतणाव हलका होतो. तसेच एकमेकांशी बोलल्याने, काही समस्यांतून मार्ग शोधण्यास मदत होते व नकळत कुटूंबातील सदस्यांशी जवळीक वाढते.

*🔰-शरीराची स्थिती (पॉश्चर) सुधारते*

शरीराची स्थिती उत्तम राखणे हे निरोगी आरोग्याचे गमक आहे.शरीरातील काही स्नायू व सांध्यांवरील अतिरिक्त ताण कमी करून थकवा कमी होण्यासदेखील मदत होते. जमिनीवर बसून जेवताना पाठीचा कणा ताठ राहतो व पोट, खांदा व पाठीच्या स्नायूंची योग्य प्रमाणात हालचाल होते.

*🔰-दीर्घायुषी बनवते*

ही अतिशयोक्ती नाही. जमिनीवर बसून जेवल्याने आयुष्य वाढते. ‘European Journal of Preventive Cardiology’च्या अहवालात प्रसिद्ध केलेल्या अभ्यासानुसार, जमिनीवर मांडी घालून बसलेली व्यक्ती जर कशाचाही आधार न घेता उठली तर त्यांचे आयुष्यमान अधिक आहे, असे समजावे. कारण अशा स्थितीतून उठण्यासाठी शरीराची लवचिकता अधिक असणे गरजेचे आहे. आणि जी व्यक्ती उठू शकत नाही त्यांचा मृत्यू नजीकच्या 6 वर्षात होण्याची शक्यता 6.5 पटीने अधिक असते.

*८🔰गुडघे व कमरेतील सांधे मजबूत होतात*

Yoga for Healing या पुस्तकाचे लेखक पी.एस. वेंकटेशवरा यांच्यामते, पद्मासनामुळे शरीर निरोगी राहण्यास मदत होते. पचन संस्थेसोबतच सांधेदुखीचा त्रास होत नाही. गुडघा, घोटा व कंबरेतील सांधे लवचिक राहिल्याने अनेक विकार दूर होण्यास मदत होते. जमिनीवर बसल्याने स्नायूंबरोबर सांध्यांची लवचिकतादेखील वाढते.

*🔰-चंचलता कमी होत*े

मांडी घालून किंवा पद्मासनात बसल्याने नसांमधील थकवा कमी होतो. म्हणूनच जेवताना जमिनीवर मांडी घालून बसण्याचा सल्ला दिला जातो. यामुळे मन, मेंदू व परिणामी शरीरातील त्रास कमी होतात.

*🔰-हृदयाला होणारा रक्तपुरवठा सुधारतो*

काही वेळेस जेवल्यानंतर तुम्हाला गरम होते किंवा घाम आल्याचे आठवते का ? हो हे शक्य आहे. कारण अन्नाचे पचन होण्यासाठी शरीराला उर्जेची अधिक गरज असते. खुर्चीवर बसण्याऐवजी जमिनीवर बसून जेवल्याने शरीरातील रक्तप्रवाह सुधारतो. तसेच पचनही सुधारते.
*----------------------------*

23/07/2022

*👉महत्वपूर्ण आरोग्यदायी माहिती सर्वांनी संग्रही ठेवावी*

*🔰 गुणकारी हळद*

*हळद हे फक्त पदार्थांमध्ये वापरण्याची वस्तू नाही. तुमच्या त्वचेसाठीही हळद गुणकारी असते. चेहऱ्याचा रंग उजळवण्यासाठी याचा उपयोग केला जातो हे सर्वांना माहीत आहेच. पण तुमच्या डोळ्यांखालील डाग कमी करण्यासाठीही याचा उपयोग करण्यात येतो.*
*एका वाटीत अननसाचा रस काढून घ्या.*
*यामध्ये 2 चमचे हळद घालून मिक्स करा.*
*ही पेस्ट व्यवस्थित तयार झाली की काळ्या वर्तुळांवर लावा आणि सुकण्यासाठी साधारण 10 मिनिट्स वाट पाहा.*
*सुकल्यावर ओल्या कपड्याने पुसून घ्या.*

*🔰ताजे टॉमेटो...*

*टॉमेटोमध्ये भरपूर प्रमाणात असणारी पोषक तत्व आणि अँटिऑक्सिडंट्समुळे कॅन्सरसारख्या आजाराशी लढण्याची क्षमता वाढते. दृष्टी, पचनक्रिया, रक्तप्रवाह यांची देखभाल करण्यासाठीही टॉमेटोचा उपयोग होतो. तुम्हाला या गोष्टी कदाचित माहीत असतील पण तुम्हाला हे माहीत आहे का? टॉमेटो हा एक ब्लिचींग एजंटदेखील आहे.*
*एका वाटीत एक चमचा टॉमेटोचा रस आणि अर्धा चमचा लिंबाचा रस मिसळा. दोन्ही व्यवस्थित मिक्स करून घ्या.*
*कापसाच्या बोळ्याने हे मिश्रण तुम्ही तुमच्या डोळ्यांखालच्या काळ्या झालेल्या वर्तुळांना लावा.*
*10 मिनिट्स हे तसंच राहू द्या त्यानंतर कोमट पाण्याने चेहरा धुवून घ्या.*

*🔰कच्चा बटाटा...*

*टॉमेटोप्रमाणेच बटाटादेखील तुमचा रक्तदाब नियंत्रणात आणण्यासाठी फायदेशीर ठरतो. काळ्या डागांना हे काढून टाकण्यासाठी मदत करतं आणि त्याशिवाय झोपल्यानंतर डोळ्याखाली येणारी सूजही कमी करतो.*
*🔰अथवा 2 थंड बटाट्याचा रस काढून घ्या.*
*या रसामध्ये कापसाचा बोळा घालून मग तुमच्या eyelids ठेवा आणि 10-15 मिनिट्स तसंच ठेवा.*
*नंतर थंड पाण्याने चेहरा स्वच्छ धुवून घ्या*

*🔰अमूल्य बदामाचं तेल...*

*बदाम केवळ तुमच्या केसांसाठी नाही तर तुमच्या त्वचेसाठीही खूप फायदेशीर आहे. यामध्ये असणारे विटामिन ई त्वचेसाठी वरदान ठरतं.*
*झोपण्यापूर्वी तुम्ही तुमच्या काळ्या वर्तुळांना बदामाचं तेल लावा.*
*लावल्यावर मसाज करा जेणेकरून तेल तुमच्या त्वचेमध्ये मुरू द्यावं.*
*रात्रभर तसचं ठेवा आणि सकाळी उठल्यावर थंड पाण्याने धुवा.*

*🔰टी बॅग्ज...*

*चहामध्ये कॅफेन आणि अँटिऑक्सिडंट्सचं प्रमाण अधिक असतं. त्यामुळे तुम्ही सकाळी सकाळी चहा पिऊन तुम्हाला ताजंतवानं वाटतं.* *तुमच्या डोळ्यांच्या पफीनेससाठी हा पर्याय खूपच चांगला ठरतो.*
*२ टी बॅग्स फ्रिजमध्ये ठेवा.*
*थंड झाल्यानंतर तुमच्या दोन्ही डोळ्यांवर ठेवा.*
*10-15 मिनिट्स तसंच राहू द्या आणि मग थंड पाण्याने डोळे धुवा.*

*🔰नैसर्गिक गुलाबपाणी...*

*गुलाबपाणी तुम्हाला नेहमी फ्रेश आणि ताजंतवानं करतं. केवळ चेहऱ्यासाठीच नाही तर डोळ्यांनाही यामुळे थंडावा मिळतो.*
*एका भांड्यात थंड गुलाब पाणी घ्या आणि त्यामध्ये 2 कापसाचे बोळे बुडवा.*
*कापसाचे हे बोळे 15 मिनिट्स तसंच राहू द्या.*
*नंतर तुमच्या डोळ्यांखाली आलेल्या काळ्या वर्तुळांवर हे 10 मिनिट्स ठेवा.*
*कोमट पाण्याने डोळे धुवून घ्या.*

*🔰 काकडी.....*

*काकडी अतिशय थंड असते आणि त्वचेवर तजेलदारपणा आणण्यासाठीही याचा उपयोग केला जातो. डोळ्यांखालील काळे डाग काढण्यासाठी ही उपयुक्त ठरते. याचा वापर करणंही सोपं आहे*
*काकडीचे गोलाकार काप काढून घ्या.*
*हे काप काही वेळ फ्रिजमध्ये थंड करायला ठेवा.*
*अर्ध्या तासानंतर फ्रिजमधून काढून तुमच्या डोळ्यांवर ठेवा*
*15 मिनिट्स नंतर काढून डोळे धुवा.*

*🔰 कोरफड*

*कोरफड हे त्वचेसाठी उत्कृष्ट औषध आहे. याचे अनेक फायदे आहेत. त्यापैकीच एक फायदा म्हणजे डोळ्यांखालील काळी वर्तुळं कमी करण्यासाठी होतो. तुमच्या चेहऱ्यावरील काळे डाग कमी करून चेहरा अधिक उजळवण्यासाठी तुम्ही* *कोरफडचा वापर करू शकता.*
*कोरफडमधील जेल काढून तुमच्या डोळयांखालील काळ्या वर्तुळांवर लावा.*
*साधारण 1 मिनिट मसाज करा.*
*रात्री झोपताना हे करा आणि रात्रभर तुम्ही हे मिश्रण तसंच डोळ्याखाली मुरू द्या.*
*सकाळी उठल्यानंतर हे धुवा. चांगल्या परिणामासाठी तुम्ही रोज हे करा.*

*🔰केशर*

*अगदी अनादी काळापासून सौंदर्यासाठी केशराचा वापर करण्यात येत आहे. यामध्ये असलेले अँटिऑक्सिडंट्स आणि अँटिइन्फ्लेमेटरी तत्व तुमच्या डोळ्यांखालील काळी वर्तुळं कमी करण्यासाठी उपयुक्त ठरतात.*
*एक चमचा दूध घेऊन त्यामध्ये केशर भिजवून ठेवा.*
*काही वेळानंतर हे मिश्रण तुमच्या डोळ्याखाली लावा आणि मसाज करा.*
*रात्री झोपताना हे करा आणि रात्रभर तुम्ही हे मिश्रण तसंच डोळ्याखाली मुरू द्या.*
*सकाळी उठल्यानंतर हे धुवा. चांगल्या परिणामासाठी तुम्ही रोज हे करा.*

*🔰संत्र्याचा रस*

*संत्र्याच्या रसामध्ये विटामिन सी जास्त प्रमणात असतं जे तुमच्या डोळ्यांखाली आलेल्या काळ्या डागांसाठी उपयुक्त ठरतं. तसंच यामध्ये असणारं सायट्रिक अॅसिडदेखील तुमच्या काळ्या डागांवर चांगला परिणाम दर्शवतं.*
*संत्र्याचा रस काढून घ्या*
*डोळ्यांखालील काळ्या डागांवर ते लावा आणि साधारण 30 मिनिट्स तसंच ठेवा.*
*अतिशय हळूवारपणे कापसाच्या सहाय्याने हे पुसून काढा आणि नंतर चेहरा धुवा.*

*🔰थंड दूध*

*थंड दूध हा अगदी पूर्वीपासून करण्यात येणारा उपाय आहे. दुधामध्ये असणाऱ्या लॅक्टिक अॅसिडमुळे डोळ्यांखालील डाग जाण्यास मदत मिळते. तसंच डोळ्यांखाली येणाऱ्या सुरकुत्या आणि डाग कमी करण्यासाठीही याचा उपयोग होतो.*
*एका वाटीत दूध घ्या आणि कापसाचा तुकडा त्यात बुडवून ते शोषून घ्या.*
*डोळ्यांखालील काळ्या डागांवर ते लावा आणि साधारण 15 मिनिट्स तसंच ठेवा.*
*थंड पाण्याने त्यानंतर चेहरा धुवून घ्या आणि स्वच्छ करा.*

*🔰 ताक आणि हळदीची पेस्ट*

*ताक आणि हळदीची पेस्ट जेव्हा तुम्ही बनवता तेव्हा हे अतिशय उत्तम मिश्रण आहे. या दोन्हीतील घटकांमुळे काळे डाग निघून जाण्यास मदत होते.*
*ताक आणि हळद नीट मिक्स करून पेस्ट करून घ्या.*
*डोळ्यांखालील काळ्या डागांवर ते लावा आणि साधारण 30 मिनिट्स तसंच ठेवा.*
*चांगल्या परिणामांसाठी तुम्ही आठवड्यातून किमान तीन वेळा तरी हा प्रयोग नक्की करा.*

*🔰नारळाचं तेल...*

*नारळाच्या तेलाचा वापर केल्याने तुमची त्वचा अधिक नरम आणि मुलायम होते त्याशिवाय निरोगी राहते. काळ्या डागांना काढून टाकण्यासाठी हा सर्वात सोपा आणि कमी खर्चिक उपाय आहे.*
*डोळ्यांखालील नारळाचं तेल तुम्ही क्लॉकवाईज आणि अँटिक्लॉकवाईज लावा.*
*रात्रभर तुम्ही हे तेल त्वचेमध्ये मुरू द्या आणि सकाळी उठल्यानंतर तुमचा चेहरा धुवा.*

*🔰 बेकिंग सोडा...*

*बेकिंग सोड्यामध्ये* *अँटिइन्फ्लेमेटरी गुण आढळतात, जे तुमच्या डोळ्याखाली झालेले काळे डाग काढून टाकण्यास मदत करतात. पुन्हा डाग न येण्यासाठीही हे फायदेशीर आहे.*
*एक चमचा बेकिंग सोडा कोमट पाण्यात घाला आणि नीट मिक्स करा*
*यामध्ये कापसाचा बोळा बुडवा आणि नंतर त्याच बोळ्याने तुमच्या डोळ्यांखालील झालेल्या काळ्या डागांवर मसाज करा. असं तुम्ही आठवड्यातून तीन वेळा तरी चांगल्या परिणामांसाठी करणं फायदेशीर ठरेल.*

*🔰 Antox टी...*

*Antox टी तुमच्या डोळ्यांखालील काळे डाग कमी करण्यासाठी उत्तम पर्याय आहे. यामध्ये असणाऱ्या विविध वनस्पतींमुळे तुम्हाला त्याचा फायदा मिळतो. तुमची त्वचा अधिक सुंदर होण्यासाठीही याचा उपयोग तुम्हाला होतो.*
*एक कप पाण्यामध्ये टी बॅग घालून ठेवा.*
*ही टी बॅग तुम्ही तुमच्या डोळ्यांखालील काळ्या डागांवर लावा आणि काही वेळ तसंच ठेवा. नंतर चेहरा धुवा.*
*----------------------------
---------------------------------------------------------
🥬🥒🌳🌴🎋🍊
*----------------------------------*
👍 *माहिती आवडली तर नक्की शेअर करा. काळजी घ्या आणि सुरक्षित रहा...!*

18/07/2022

*घशातील जंतुसंसर्ग*

*थ्रोट इन्फेक्शन*

घशाचा दाह किंवा घशात खवखवणे ह्या आजाराला शास्त्रीय भाषेत फॅरेनजायटिस असे म्हणतात. म्हणजे जंतू दोष अथवा जंतुसंसर्ग होय हे सर्दी किंवा फ्लू प्रमाणेच घशाला होणारे एक व्हायरल इन्फेक्शन आहे. हे इन्फेक्शन काही दिवसांत आपोआप कमी होते.
घसा दुखणे किंवा खवखवणे, बोलताना किंवा गिळताना घसा दुखणे, गिळायला त्रास होणे, टॉन्सिल्सला सूज येऊन ते लाल होणे, टॉन्सिल्सवर पांढरे चट्टे उठणे किंवा त्यावर पस तयार होणे ही फॅरिन्जायटिसची कॉमन लक्षणे आहेत.घशाला हा त्रास होत असताना शरीर सुद्धा ह्या इन्फेक्शनची ताप, खोकला, नाक सतत वाहणे, अंगदुखी, डोकेदुखी, शिंका, मळमळ किंवा उलटी होणे ही लक्षणे दाखवत असते. मोठी माणसे हे सगळे काही प्रमाणात सहन करू शकतात. पण लहान मुलांना श्वास घेण्यास त्रास होतो. तसेच गिळताना त्रास होतो आणि त्यामुळे सतत तोंडातून लाळ गळत असते. असे झाल्यास त्यांना त्वरित डॉक्टरांकडे नेणे आवश्यक आहे.

*उपाययोजना*

१) घशाची सूज उतरण्यासाठी आपल्याला गरम पाणी पिण्याचे व हळद मिठाच्या पाण्याच्या गुळण्या करा.
२) सुंठ, गवती चहा, ज्येष्ठमध, हळद, पुदिना यांचा चहा करा लिंबू पिळून प्या.
३) घशाला झालेले इन्फेक्शन घालवण्यासाठी पेरूचे पान अत्यंत उपयुक्त आहे. पेरूच्या पानात आयुर्वेदिक गुणधर्म आहेत. ते चाऊन अथवा उकळून रस प्या.
४) थंडीमध्ये घशाचे इन्फेक्शन होणे ही अतिशय सामान्य समस्या आहे. याच्या जोडीला येणारा ताप, सर्दी यामुळे आपण हैराण होऊन जातो. पण वाफ घेणे हा यारील सोपा उपाय आहे. घरच्या घरी गरम पाणी करुन त्याची वाफ घेतल्यास घशाला आराम पडतो. दिवसातून दोन ते ती वेळा हे केल्यास इन्फेक्शन कमी व्हायला मदत होते.
५) घसा दुखत असल्यास काहीतरी गरम पिण्याची इच्छा होते. अशावेळी गरम काढा प्यायल्यास त्याचा निश्चित फायदा होतो. काढा मध्ये तुळस, लवंग, आले घातल्यास घशासाठी तो जास्त उपयुक्त होतो. असा काढा दिवसातून २ वेळा घेतला तरी घशाला आराम मिळतो.
६) दोन मिर्याची पुड किंचित हळद, किंचीत काथाची पुड मधात घ्यावी.
७) काथाची फुड गरम पाण्यात घेतल्यास घसा सुटतो.
८) गरम पाण्यात एक लिंबू रस घ्यावा
९) लसणाची पाकळी पिठी साखरेत घालून खायची.
१०) मध व जेष्ठीमध पावडर, व हळद, कोरफडीचा गर आवाजा साठी एकत्र करून चाटावा. दोन वेळा.
११) घसा दुखत असल्यास आल्याचा तुकडा तोंडात ठेऊन चावा. त्यामुळे तुम्हाला लवकरआराम मिळेल.
१२) आल्याचे चार तुकडे, दोन टोमॅटो, मध यांचा रस करुन प्या.
१३) पाण्यात मध व कांदा टाकून उकळा व गाळून ते पाणी थोडयाथोड्या वेळाने प्या.
१४) मधात काही लवंगा टाका. काही तासांनी लवंगा काढून त्याचे चाटण खा. लवंगामुळे वेदना कमी होतील व मधाने घशाला आराम मिळेल.
(१५) पाण्यात बडीसोप टाकून ते काही मिनीटे उकळा त्यानंतर पाणी गाळून घ्या व त्यात मध टाकून थोड्या थोड्या वेळाने प्या.
१६) लिंबाचा रस व एक चमचा मध टाकलेले कोमट पाणी प्या.
१७) पुरेसा आराम करा. व्यवस्थित आराम केल्यामुळे शरीर इनफेक्शनला प्रतिकार करु शकते.

*आयुर्वेदिक उपाययोजना*

१)खदिरादी वटी एक एक गोळी खडीसाखरे सोबत. यामुळे घसा सुजणे, पडजीभ सुजणे, ढास लागणे, घशातील खवखव, खरखर, कफ न सुटणे, घसा लाल होणे यात आराम मिळतो
२) एलादी वटी एक एक चार वेळा घेतल्यास ही लवकर फरक पडतो.
३) पोटातील अन्नरस घशात येऊन जळजळ आग आग होत असेल तर. जेवल्यानंतर अर्धा चमचा अविपत्तीकर चुर्ण थंड पाण्यात घ्या सोबत. व प्रवाळपंचामृत एक एक गोळी पाव कप दूधात घ्या. अनेक लोकांना घशाच्या जळजळीचा त्रास आहे टेस्ट नाँर्मल येऊन ही कारणं कळत नाही की घशात का जळजळ होतेय त्यानी हे उपाय केल्यास निश्चितच फरक दिसेलच.
*----------------------------*
---------------------------------------------------------
*सर्व आजार निसर्ग उपचाराने 100% बरे होतात*.👍
🥬🥒🌳🌴🎋🍊
*----------------------------------*
👍 *माहिती आवडली तर नक्की शेअर करा. काळजी घ्या आणि सुरक्षित रहा...!*

17/07/2022

*पावसाळ्यात होणाऱ्या सर्दी, खोकला, ताप यांसारख्या आजारांना आळा घालण्यासाठी आणि त्यावर उपचार म्हणून हे मसाल्याचे पदार्थ फायदेशीर ठरतील.*

कॉलरा, थायरॉईड, मलेरिया, डेंग्यू, श्वसनमार्गातील इन्फेकशन यांसारखे अनेक आजार पावसाळ्यात उद्भवतात. आपल्याकडील मसाल्याचे पदार्थ हे औषधी असल्याचे आपण जाणतोच आणि त्यात इन्फेकशनशी लढण्याचे गुणधर्म देखील असतात.

*रोगप्रतिकारशक्ती वाढवण्यासाठी आणि हवा पाण्यातून होणारे आजार टाळण्यासाठी काही मसाल्यांच्या पदार्थाचे फायदे सांगितले आहे ते पुढील प्रमाणे.....*

*हळद...* रोगप्रतिकारशक्ती वाढवण्यास आणि पर्यायाने आजार दूर ठेवण्यास हळद उपयुक्त ठरते. हळदीत अँटी इन्फ्लामेटरी गुणधर्म असल्याने त्याचा आहारात समावेश करा. गरम दुधात हळद घालून रात्री झोपण्यापूर्वी प्यायल्यास फायदा होईल.

*दालचिनी...*
यात अँटी बॅक्टरील गुणधर्म असतात. तसंच दालचिनी ही नैसर्गिकरित्या उष्ण असते. त्यामुळे सर्दी, खोकला, घसा दुखणे, खवखवणे हे त्रास दूर होण्यास मदत होते. घसा दुखणे, खवखवण्याचा त्रास, सर्दी यावर दालचिनी घातलेला गरम चहा घेणे हा परिणामकारक उपाय आहे.

*लवंग...*
सर्दी, खोकल्याच्या टॉनिकमध्ये लवंग घातली जाते. नाक चोंदणे आणि sinusitis यांसारख्या त्रासापासून आराम मिळतो. त्याचबरोबर श्वासमार्गातील सर्दी बाहेर पडण्यास मदत होते.

*लसूण...*
लसणामध्ये अँटीबॅक्टरील, अँटीफंगल, अँटीव्हायरल आणि अँटीप्रोटोझोल गुणधर्म असतात. त्यामुळे खोकला आणि फुफ्फुसात अडकलेला कफ दूर होण्यास मदत होईल.

*आलं...*
आल्यामध्ये अँटी इन्फ्लामेटरी गुणधर्म असून gingerols आणि shaogals हे घटक असतात. त्यामुळे घसा खवखवण्याचा त्रास पटकन बरा होतो. सर्दी होण्यास कारणीभूत ठरणारे rhinoviruses नष्ट होतात.
*----------------------------*
---------------------------------------------------------
*सर्व आजार निसर्ग उपचाराने 100% बरे होतात*.👍
🥬🥒🌳🌴🎋🍊
*----------------------------------*
👍 *माहिती आवडली तर नक्की शेअर करा. काळजी घ्या आणि सुरक्षित रहा...!*

16/07/2022

पुजेसाठीचा कापूर आहे बहुगुणी, या शारीरिक समस्या होतील काही दिवसांत होतील गायब*

पूजेच्या वेळी कापूर वापरला जातो. असं मानलं जातं की कापरामध्ये वास्तू दोष आणि घरातील नकारात्मकता दूर करण्याची क्षमता असते. या कारणास्तव कापूर अत्यंत पवित्र मानला जातो.

पण तुम्हाला माहीत आहे का, कापरामध्ये असे अनेक गुणधर्म असतात, जे तुमच्या सर्व शारीरिक समस्या दूर करू शकतात. कापरामध्ये अँटी-बॅक्टेरियल गुणधर्म असतात. यामध्ये अनेक औषधी गुणधर्म आहेत, जे शरीर आणि मन दोन्ही तंदुरुस्त ठेवण्यास मदत करतात. याशिवाय विविध समस्यांमध्ये कापूर कसा वापरावा, हेही समजून घेणं आवश्यक आहे.

जाणून घेऊ, कापरापासून कोणकोणते फायदे मिळतात, ज्याबद्दल आपण आतापर्यंत अनभिज्ञ आहोत.
◼️तणाव दूर करतो कापराचा सुगंध मनाला शांत करतो. जर तुम्हाला जास्त ताण येत असेल तर, एका भांड्यात कापूर ठेवा आणि खोलीत ठेवा. यामुळं तणाव दूर होईल आणि तुम्हाला बरं वाटेल. शिवाय, तुम्हाला रात्री चांगली झोपही लागेल.
◼️डोकेदुखी दूर करतो डोकेदुखीचा त्रास झाल्यास कापूर, शुंथी, अर्जुन वृक्षाची साल आणि पांढरं चंदन समप्रमाणात बारीक करून कपाळावर लावावं. थोडा वेळ तसंच पडून रहावं. या उपायानं तुम्हाला भरपूर आराम मिळेल.
◼️स्नायू वेदना आणि खोकल्यामध्ये आराम स्नायूंच्या वेदना कमी करण्यासाठी कापूर देखील उपयुक्त मानला जातो. यासाठी मोहरीच्या तेलात कापूर टाकून नियमितपणे शरीराची मालिश करावी. खोकला झाल्यास या तेलानं छाती आणि पाठीला मालिश करा. तुम्हाला भरपूर विश्रांती मिळेल. तुम्ही मोहरीऐवजी तिळाचं तेलही वापरू शकता.
◼️शिवाय, सर्दी झाल्यास गरम पाण्यात कापूर टाकून वाफ घेतल्यानं खूप आराम मिळतो.
◼️खोबरेल तेलात कापूर मिसळून ते नियमितपणे त्वचेवर लावावं. यामुळे त्वचेवरील डाग दूर होतात आणि त्वचा स्वच्छ होते. पण जर त्वचा तेलकट असेल तर तज्ज्ञांचा सल्ला घेतल्यानंतर हे करा.
◼️खोबरेल तेलात कापूर मिसळून केसांमध्ये लावल्याने कोंड्याची समस्या दूर होऊन केस काळे राहतात.
◼️हिवाळ्यात टाचांना भेगा पडण्याची समस्या खूप सामान्य आहे. अशा स्थितीत कापूर तेलात पाणी मिसळा आणि त्यात काही वेळ पाय ठेवा. यानंतर पाय पुसून क्रीम किंवा तेल लावा. यामुळे तुम्हाला काही दिवसांत आराम मिळेल.
*----------------------------
---------------------------------------------------------
*सर्व आजार निसर्ग उपचाराने 100% बरे होतात*.👍
🥬🥒🌳🌴🎋🍊
*----------------------------------*
👍 *माहिती आवडली तर नक्की शेअर करा. काळजी घ्या आणि सुरक्षित रहा...!*

16/07/2022

16/07/2022