Dietricks

13/04/2025

जेवण झालं की काहीतरी गोड खावंसं वाटतं?

जेवण झालं की काहीतरी गोड खावसं वाटतं अशी तुमची तक्रार आहे का? आणि गोड खाल्ले की वजन सुद्धा वाढणार! जर तुम्हाला गोड खावेसे वाटले तर तुम्ही काय खातात?

आज आपण बघणार आहोत:
१) गोड खाण्याची तीव्र इच्छा का होते?
२) ती टाळण्यासाठी उपाय काय?

गोड खाण्याची इच्छा का होते?
१) फक्त कार्बोहायड्रेट्सचं जेवण: तुमचं जेवण किंवा तुम्ही जे खाताय त्याचं कॉम्पोझिशन बरोबर नाही म्हणजे जेवणामध्ये तुम्ही फक्त कार्बोदकं जास्ती खाताय किंवा त्यातल्या त्यात पचायला हलकी अशी कार्बोदकं म्हणजे उदाहरणार्थ तुम्ही तांदळाचा भात, ब्रेड किंवा उपमा ,पोहे असे पदार्थ जे पटकन पचणारे आहेत आणि पटकन रक्तातली साखर ज्यांची बनणार आहे अशांचं प्रमाण जर तुमच्या जेवणामध्ये जास्त असेल तर पोट भरण्याचं सेन्सेशन छान पैकी मिळत नाही आणि ते टिकूनही राहत नाही . अशा केसेस मध्ये पण जेवण झाल्यावर काही वेळातच पुन्हा भूक लागणं किंवा गोड खावसं वाटणं हे सुद्धा साहजिक आहे

२. घाईघाईत जेवण: काहीजण खूप घाई घाई मध्ये जेवतात . म्हणजे अगदी पाच-दहा मिनिटांमध्येच त्यांचं जेवण उरकलेलं असतं. अशा केसेस मध्ये सुद्धा तुमच्या मेंदूपर्यंत सिग्नल जातच नाही की माझं पोट आता भरलं आहे आणि आता आपण खाणं थांबवायला पाहिजे . त्यामुळे जरी तुमच्या ताटातलं सगळं संपलं असलं तरी सुद्धा तुम्हाला अजून खायची इच्छा होणं किंवा गोड खावसं वाटणं शक्य आहे .

३. B12, मॅग्नेशियम, कॅल्शियमची कमतरता मध्ये काही वेळा गोड खाण्याची इच्छा होते.

४. खारट/मीठ जास्त असलेलं जेवण: जर तुम्ही जेवणामध्ये खूप मीठ घातलेले किंवा processed food किंवा खारवलेले पदार्थ खात असाल तरी सुद्धा जेवल्यानंतर गोड खाण्याची इच्छा होणं हे शक्य आहे.

५. ताण, झोपेची कमतरता, पाण्याची कमतरता: याशिवाय जर तुम्ही खूप स्ट्रेस मध्ये असाल किंवा ताण तणावात असाल ,झोप पुरेशी होत नसेल , पाणी पुरेसं पीत नसाल तरीसुद्धा गोड खायचे क्रेविंग्स होऊ शकतात .

यावर उपाय काय ?

१. खूप गोड खायची अशी तीव्र इच्छा तुम्हाला होत असेल तेव्हा रक्तातली साखर तपासा जर ती खूप कमी किंवा खूप जास्ती असू शकते.

२. जर तुमच्या खाण्यामध्ये कुठले फायबर्स नसतील किंवा कुठलेच प्रोटीन्स नसतील तरी जेवणानंतर काहीतरी पुन्हा खाणं किंवा गोड खावसं वाटणं साहजिक आहे. तेव्हा अशावेळी तुमच्या जेवणामध्ये सॅलेड्सचं ,डाळींचं ,दही , ताकाच प्रमाण थोडंसं वाढवा जेणेकरून तुमचं पोट भरेल लवकर आणि ते भरलेलं राहील .

३. जेवणाच्या शेवटी एक ग्लासभर ताक घेणे , जेवण झाल्यावर गुळाचा तुकडा खाणं हे सुद्धा क्रेविंस कमी करण्याचे काही उपाय आहेत .

४. तुम्ही खूप घाईघाईत खात असाल तर ते सावकाश खायला सुरुवात करा . साधारण जेवण संपायला पंधरा ते वीस मिनिटांचा कालावधी लागायला पाहिजे .

५. जेवणानंतर सुद्धा तुमच्या दृष्टीस जर का खाण्याचे पदार्थ पडले आणि स्पेशली तुम्ही जर का घरी गोड पदार्थ आणून ठेवले असतील कॅडबरीज् , चॉकलेट्स किंवा लाडू , काही मिठाई सारखे पदार्थ तर तुम्हाला निश्चितच ते खावेसे वाटणार आहे .

६. जेवण झाल्यावर तुम्ही बडीशेप खाल्ली तर नंतर फार खायची काही इच्छा होत नाही.

७. जेवण झाल्यानंतर ब्रश करणं ,एकदा तोंड स्वच्छ झालं की पुन्हा काही लवकर खायची आपली इच्छा होत नाही .त्यामुळे गोडाचे क्रेवींगज् टाळता येतील.

गोडावर नियंत्रण ठेवणं म्हणजे ‘गोड’ आयुष्याचं पहिलं पाऊल!

ही माहिती उपयोगी वाटली का?

Instagram Page: https://www.instagram.com/dietricks.smita?igsh=MXRsNjBxNnY2ZDQzcw==

Dt. Smita Kale

M.Sc. in Food & Nutrition, P.G.D. in Dietetics (Symbiosis-Pune)
9823049877
https://wa.me/message/YXQ3UYLQPTMQM1

709 Followers, 244 Following, 150 Posts - See Instagram photos and videos from Dietricks (.smita)

12/02/2025

New to Healthy Eating? Start Here!

Beginning your diet journey can feel overwhelming, but small, simple changes make a big impact!
Here’s your beginner-friendly guide to better nutrition and a healthier lifestyle.

The key?
Consistency over perfection.

Start today, stay committed, and watch the transformation happen!

📩 DM me for a personalized diet plan!



[ Weightloss, Diet , Nutritionist, Dietitian ]

10/02/2025

See this incredible 10 KG weight loss in just 3 months!

With the right nutrition, balance, and a personalized diet plan, you can achieve sustainable weight loss, better digestion, and renewed energy—all without starving yourself!

✅ Improved metabolism
✅ Healthy & natural weight loss
✅ Glowing skin & better digestion
✅ More energy, less cravings

Your transformation starts with one step—are you ready?

📩 DM me to begin your journey today!



[ Weightloss, Diet, Weightloss Before After, Nutritionist, Dietitian ]

06/12/2024

‘पेट सफा तो हर रोग दफा! ‘
हे वाक्य तुम्ही जाहिरातीत ऐकलं असेल ना? असं म्हणतात आपल्या शरीराचे आरोग्य हे बहुतांशी पोटाच्या आरोग्यावर अवलंबून असतें.पोट जर नियमित साफ होत असेल तर बरेचशे आजार दूर राहतात. परंतु ,आजकालच्या खाण्याच्या सवयीमुळे बद्धकोष्ठतेची समस्या ही सर्वच वयोगटातील व्यक्तींमध्ये दिसून येते. बद्धकोष्ठता ही कायस्वरुपीची समस्या आहे हा देखील गैरसमज अनेकांमध्ये दिसून येतो. मात्र योग्य जीवनशैली बाळगणे, संतुलित आहार असेल तर ही समस्या दूर होईल.
बद्धकोष्ठता दूर करण्यासाठी घरगुती उपाय दोन प्रकारात विभागले गेले आहेत. पहिला म्हणजे अन्नात बदल आणि दुसरे म्हणजे पोट लवकर साफ करण्यासाठी खास उपाय. चला तर मग प्रथम जाणून घेऊयात आहारात काय बदल करावेत?
बद्धकोष्ठतेचा त्रास झाल्यास पहिली गोष्ट म्हणजे भरपूर पाणी पिणे. कॉफी, चहाचे सेवन कमीत कमी करणे, आणि कोल्ड्रिंक्सचे सेवन बंद करणे.
चपाती आणि भातापेक्षा कोशिंबीर आणि हिरव्या भाज्या जास्त खा. रात्रीच्या जेवणात गॅस वाढवणाऱ्या गोष्टी खाणे टाळा कारण त्या पचनशक्तीनुसारही जड असतात. जसे, चणे, हरभरा, राजमा, उडीद, डाळ मखनी, चना डाळ त्याचे सेवन कमी करणे. रात्रीचे जेवण झाल्यावर लगेच झोपू नये, तर कमीत कमी ३० मिनिटे संथ गतीने चालावे. यामुळे अनेक गोष्टींपासून सुटका मिळू शकते
निरोगी राहण्यासाठी आपल्याला हिरव्या भाज्या खाण्याचा सल्ला दिला जातो. तुम्ही तुमच्या आहारात पालक, मेथी आणि कांदा पात यांसारख्या भाज्यांचा समावेश करू शकता. ते पोषक तत्वांनी समृद्ध आहेत. त्यामध्ये फायबरचे प्रमाण जास्त असते. ते पोट निरोगी ठेवण्याचे काम करतात. हे वजन कमी करण्यास मदत करतात. ते पचनसंस्था निरोगी ठेवतात.

ओट्स
तुम्ही सकाळी नाश्त्यात ओट्स घेऊ शकता. त्यात soluble आणि insoluble अशा दोन्ही प्रकारच्या फायबर असतात. हे पोट निरोगी ठेवण्यास मदत करतात.

काळ्या मनुका
काळ्या मनुका रात्री भिजवून सकाळी खाल्यास पचनसंस्था निरोगी ठेवण्यास मदत करतात. यामध्ये असणारे फायबर मुबलक प्रमाणात असते. बद्धकोष्ठतेची समस्या दूर करण्याचे काम करतात.

फळे खा
तुम्ही किवी, संत्रा, केळी आणि सफरचंद यांसारखी फळे खाऊ शकता. ते पचनसंस्था निरोगी ठेवतात. जर तुम्हाला बद्धकोष्ठतेची समस्या असेल तर तुम्ही या फळांचे सेवन करा. या फळांमध्ये भरपूर फायबर असते. याशिवाय या फळांमध्ये पाणी, सॉर्बिटॉल आणि फ्रक्टोजचे प्रमाणही जास्त असते. हे बद्धकोष्ठतेवर उपचार करण्यास मदत करतात.

ओवा आणि त्रिफळा
बद्धकोष्ठतेच्या समस्येपासून आराम मिळवण्यासाठी ओवा आणि त्रिफळा खूप प्रभावी आहेत. पोटाशी संबंधित समस्यांपासून सूटका मिळण्यास याची मदत होते. तुम्ही त्रिफळा आणि ओवा मिक्स करून त्याचे सेवन करू शकता. पचनसंस्थेशी संबंधित इतर अनेक समस्यांपासून मुक्त होण्यास मदत होईल.
बद्धकोष्ठता सामान्य आहे असं वाटू शकत.पण ही वरवर लहान दिसणारी समस्या तुम्हाला खूप त्रास देऊ शकते. बद्धकोष्ठतेची समस्या वाढल्यास सूज येणे आणि आम्लपित्ताचा त्रासही होऊ शकतो. बद्धकोष्ठतेमुळे डोकेदुखी, मळमळ, मूळव्याध,पोटात गॅस आणि पचनाच्या समस्यांना सामोरे जावे लागते. अशा परिस्थितीत आपण या समस्येवर उपचार करणे महत्वाचे आहे.
© Dietician Smita Kale
098230 49877
M.Sc. (Food & Nutrition)
P.G.D in Dietetics

29/10/2024

On this Dhanteras, prioritise the gold standard of well-being—good health.

Mark this sacred celebration by valuing your most prized possession—yourself.

27/09/2024

*केस गळण्याची समस्या*
बहुतांश जणांना केस गळण्याची समस्या कमी अधिक प्रमाणात जाणवते. बरेच जण विचारतात अनेक उपाय केले तरीही काही फरक पडत नाही. मग डाएट ने कसा फरक पडेल? आज आपण हेच समजून घेऊयात.
दिवसाला 50 ते 100 केस गळणे हे अगदी स्वाभाविक आहे. पण अगदी पुंजके च्या पुंजके प्रत्येक वेळी जात असतील, तर मात्र या समस्येकडे लक्ष देणे आवश्यक आहे.
यासाठी बरेच जण महागडे शाम्पू, तेलं, मसाज, स्पा, या बाह्य उपाया वर भर देतात. पण या पेक्षा सर्वात महत्त्वाचा घटक आहे तो पोषण मूल्यांचा. पुरेशी झोप, सकस आहार, व्यायाम व ताण-तणावांचे योग्य नियोजन यामुळे शारीरिक स्वास्थ्याबरोबर केसांच्या समस्या मुळातूनच दूर व्हायला मदत होते.

पोषण मूल्यांचा अभाव, हार्मोनल असंतुलन, हिमोग्लोबिनची कमतरता, अति ताण, अपुरी झोप व बिघडलेली पचनसंस्था यासारख्या कारणांबरोबरच काही जणांमध्ये धूम्रपान, अति मद्यसेवन अशी अनेक कारणे, केसांचे व शरीराचे आरोग्य बिघडवत असतात.
चांगल्या व योग्य आहाराने यात सुधारणा होऊ शकते हे जरी खरं असलं तरी आपल्या जीनशैलीच्या सर्व बाबींवर सुधारणा केली तर खूप चांगले परिणाम दिसून येतात.
पोषण मूल्यांचा अभाव कसा परिणाम करतो ?
सर्वांगीण स्वास्थ्यासाठी, जीवन पद्धतीत सुधारणा करण्यावर भर दिला जातो. यात आपण आहारात काय पोषणमूल्यं असावित हे ठरवू व अमलात आणू शकतो.
तर आधी हे पाहू की कोणती पोषणमूल्ये केसांच्या स्वास्थ्यासाठी महत्त्वाची आहेत. मुख्यत्वे करून विटामिन B7, A ,D, C, E आणि मिनरल्स, जसं की झिंक, लोह, फॉलिक ऍसिड, सेलेनियम आणि बोरॉन. यातला प्रत्येक घटक महत्त्वाचा असतो व एखादा जरी कमी अधिक झाला तरी केसांच्या प्रकृतीवर परिणाम होतो. त्यामुळे कोणत्याही प्रकारचे डायट करण्यापूर्वी आपल्याला योग्य व पुरेशी पोषणमूल्य मिळत आहेत याची खात्री करून घ्यावी.

आता आपण पाहूया, पाच असे पदार्थ ज्यांच्या सेवनाने केस गळती कमी होईल.

१) *प्रोटीन्सयुक्त आहार*
डाळींमध्ये plप्रोटीन्स असतात. डाळ तांदूळ खिचडी, वरण ,कडधान्ये, उसळी, राजमा राईस.
सुकामेवा, नट्स, बिया, अंड्याचा पांढरा भाग, मासे यात भरपूर प्रमाणात B7 ही मिळते.
छोले/हम्मस मध्ये विटामिन B, प्रोटीन, लोह, A, D, C अशी अनेक पोषक मूल्यं असतात.

*२) बीटरूट*
बीटरूट मध्ये विटामिन B6, C, फायबर, B9,मॅंगेनीज, पोटॅशियम,लोहअसतात. त्यात असणाऱ्या नायट्रिक ऍसिड मुळे रक्ताभिसरण सुधारते. बीटमध्ये अँटिऑक्सिडेंट असतात, जे केस गळतीत मदत करतात. बीट कुठल्या पद्धतीत घ्यावे. बीटचा ज्यूस, स्मूदी सूप किंवा सलाड रूपात, भाजी स्वरूपात घेऊ शकता.

*३) कढीपत्ता*
कढीपत्त्याच्या पानांमधील पोषणमूल्यं बघितली की जाणवेल भारतीय स्वयंपाकात कढीपत्ता इतका का वापरला जातो? कडीपत्त्याच्या पानांमध्ये बीटा कॅरेटोन, प्रोटीन, लोह, कॅल्शियम, विटामिन सी, फॉस्फरस इत्यादी असते जे केस गळती आणि अकाली केस पिकणे थांबवते. कढीपत्त्याच्या पानांचा वापर कसा करावा?
भाज्या, आमटी, रस्सा, चटण्या, ताक यात कढिपत्त्याचा वापर.भाज्यांचा ज्यूस बनवताना किंवा नुसतं चावूनही खाणे. अनेक आयुर्वेदिक केस तेलांमध्ये याचा वापर होतो.

*४) लोहयुक्त खाद्यपदार्थ*
हिमोग्लोबिनची कमतरता दूर करण्यासाठी लोहयुक्त खाद्यपदार्थ जसे की खजूर, नट्स, बिया, हिरव्या पालेभाज्या, लिंबू इत्यादींचा आहारात समावेश करावा.
पदार्थांचे गुणधर्म ओळखून त्यांचे सेवन करणे योग्य ठरते. जसे की हिरव्या भाज्यांवर लिंबू पिळणे. लोहयुक्त पदार्थांच्या सेवनानंतर चहा कॉफी घेतल्याने पदार्थांचे गुणधर्म शरीरात शोषले जात नाहीत. त्यामुळे खाल्ल्यावर कमीत कमी एक तासानंतरच चहा किंवा कॉफी घ्यावे.

*5) कांदा*
कांद्यात catalase नावाचे enzyme असते. यामुळे केस गळती आणि अकाली केस पांढरे होण्यास प्रतिबंध करता येतो. केसांना नैसर्गिक रंग देणाऱ्या मेलानिन चा मुख्य घटक असणारा सल्फर कांद्यात भरपूर प्रमाणात असतो.
जेवणात कच्चा कांदा खाणं हे भारतीय परंपरेत आहेच.
सॅलड, भाज्या, रस्सा यात कांद्याचा वापर करावा.
केसांच्या खालील त्वचेवर कांद्याचा रस चोळावा.
वरील खाद्यपदार्थ तुमच्या केस गळतीच्या समस्येवर उपयोगी होतीलच, पण तुम्ही तुमच्या संपूर्ण जीवनशैली व आहारावर लक्ष देणेही तितकेच आवश्यक आहे. योग्य आहार पद्धती मुळे तुम्ही केस गळतीच्या समस्येतून सुटका मिळवू शकता.
© *Dt. Smita Kale *
M.Sc. Food & Nutrition
P.G.D. Dietetics*
9823049877
https://wa.me/message/YXQ3UYLQPTMQM1