Dilasa Care Center (Old Age)

23/05/2025

दिलासा, गेल्या 20 वर्षांपासून अंथरुणाला खिळलेल्या रुग्णांना, ज्यांच्या नातेवाईकांना त्यांना सांभाळणे काही कारणास्तव शक्य नाही, वा जे पूर्णपणे निराधार आहेत, जे पोलिसांकडून दिलासात दाखल झाले आहे, अशा शारिरीक व मानसिक व्याधिग्रस्त रुग्णांना सांभाळतो.
अर्थात, सर्वस्व वाहून घेतलेले कर्मचारीवर्ग आणि समाजातील काही दानशूर व्यक्तिमत्त्व यांच्या सहकार्यातून दिलासा आपले कार्य इनामेइतबारे पार पाडत आहे.
अशात जर, एखाद्या प्रतिष्ठित संस्थेकडून ज्यावेळेस पुरस्कृत केले जाते, तो दुग्धशर्करा योग ठरतो.
दि. 21 मे 2025 रोजी, "दिलासा केअर सेंटरचे" संस्थापक सदस्य, श्री. सतिश जगताप यांना, "कल्याणी महिला बहुउद्देशीय सेवाभावी संस्था" यांच्यामार्फत "राष्ट्रीय प्रेरणा गौरव पुरस्कार" देऊन सन्मानित करण्यात आले.
असे पुरस्कार म्हणजे, आतापर्यंत केलेल्या कामाची पावती असते. तसेच ह्या पुरस्कारांसोबत आपले कार्य अधिक चांगल्या पद्धतीने करण्याची जबाबदारीही वाढते.
कल्याणी महिला बहुउद्देशीय सेवाभावी संस्थेचे मनापासून आभार.

14/03/2025

कोण म्हणतंय आयुष्य निरस आहे.
आयुष्याची मजा घेता आली पाहिजे, आयुष्य वेगवेगळ्या आठवणींच्या धाग्याने विणता आले पाहिजे.
वेळ पडली तर, ज्याच्यावर नाराज आहोत, त्याच्या नावाने शिमगा करता आला पाहिजे, ज्याने मनातील कोंडलेल्या भावनांना वाट मिळेल. सर्व नकारात्मक भावना होळीत जळून जातील व भावनांना नविन धुमारे फुटतील.
आयुष्यातील सर्व नकारात्मकता जाळून नविन ऊर्जेने आयुष्यातील सकारात्मकतेचा स्विकार करण्यासाठीच दिलासा प्रतिष्ठान संचलित, दिलासा केअर सेंटर आणि दिलासा राम जानकी होम इथे होळी उत्साहात साजरी करण्यात आली.

18/10/2024

07/09/2024

गणपती बाप्पा मोरया
गेल्या १४ वर्षात बाप्पा दिलासात नियमित येत आहेत. आणि आम्हां सर्वांचे आयुष्य उत्साह व आनंदाने भरत आहेत.
गणपतीची आरास आजपर्यंत एकदाही repeat झाली नाही. गणपती आयच्या आधि महिनाभर देखावा काय असावा, इथून तर तो कसा उभारावा याची जय्यत तयारी सुरु होते.
शाडू मातीचा गणपती तर ठरलेला असतो, यावर्षी बाप्पा सोबत १२ ज्योतिर्लिंगाचे दर्शन करवायचे ठरले मग महिनाभर आधि शाडू माती आणून, भिजवून "मिट्टी फाउंडेशन" च्या मोरे बंधूंच्या मार्गदर्शनाखाली ज्योतिर्लिंग बनविले.
राजू भाऊ, रोहन, दुर्गा भाऊ, ओम, अनुज, अवनिश, नागले बाबा, अलि भाई, श्रुती आणि दिलासाचा सर्व कर्मचारीवृंद अशी सर्व team सज्ज झाली.
आणि आज गणपती बाप्पाची सांग्रसंगित, सर्व विधिवत स्थापना झाली.
आपण सर्वांनीही बाप्पा सोबतच १२ ज्योतिर्लिंगाच्या दर्शनासाठी दिलासात नक्की यावे.
गणपती बाप्पा मोरया.

26/07/2024

Raju Kaka's incredible journey from illness to independence....✨

10/07/2024

Music to our ears! This week on "Smriti Sangrah," Nagle Aajoba shares his lifelong passion for singing and how he keeps the melody alive even today. Don't miss his inspiring story!

17/04/2024

नाशिकच्या पावनभूमीत जी श्रीरामांच्या पदस्पर्शाने पावन झाली आहे. तिथे आज रामनवमीनिमित्त सर्वत्र जल्लोष सुरु आहे. ठिकठिकाणी राम जन्मोत्सव अगदी जोरात साजरा केला जात आहे.
अशात दिलासा तरी कसा मागे राहिल?
सौ. मधुवंती भाटे - तांबट यांनी आपल्या स्वर्गवासी आईंच्या स्मरणार्थ रामनवमीच्या, मुहूर्तावर ' भक्तिसंध्या' चे आयोजन केले होते. त्यांना त्यांच्या दोन बालमैत्रिणींनीही उत्तम साथ दिली. दिलासातील आजी - आजोबाही ह्या भक्ति रसात नाहून निघाले.
रामनवमीच्या सर्वांना मनःपूर्वक शुभेछा.

25/03/2024

Good Mooring.

14/03/2024

Testimonial of Donor

बोलायला नको पण भांडायला या....
ह्या वाक्याने मन चर्रर्रर्र झालं..

आमच्या आर्य वैश्य महिला मंडळ नाशिक कडून दरवर्षी गरजूंना छोटीसी भेट देत असतो तर आज एका दिलासा केअर सेन्टर नाशिक येथे 100 ब्लँकेट्स आणि थोडा खाऊ घेऊन आम्ही गेलो..
एकाकी , व्याधीग्रस्त , म्हातारपण... असे जवळपास 70 जण लहान मोठे मिळून .. ह्यांना मायेने जपणारे श्री व सौ. जगताप दिलासाचे सर्वेसर्वा.. *ह्या सगळ्या लोकांच्या दिलामध्ये बसलेले...त्या सगळ्यांचे मायबाप*..🙏
तर सांगायचे असे की इथे एक आजी होत्या उच्चशिक्षित एका कॉलेज च्या प्रिन्सिपॉल म्हणून निवृत्त झालेल्या.. 2 मुले अपघातात गेले .. पतीचेही निधन झालेले.. तरुण वयात मुलं गेले ..सुनांच्या हितासाठी त्यांना त्यांच्या आयुष्याचे निर्णय घेऊ देऊन त्यांना मोकळीक दिली.. अश्या सगळ्या परिस्थितीत त्यांना निवृत्ती नंतर एकाकी पण छळायला लागलं त्यात त्यांच्या मनस्थिती कोलमडली आणि त्याचा परिणाम त्यांच्या प्रकृती वर झाला.. त्या आजारी होत्या 15 दिवस एकट्याच घरात होत्या पण त्यांना काय होत आहे हे त्यांनाच कळत नव्हतं.. बाजूच्यांनी कोणीतरी त्यांना ह्या दिलासामध्ये आणले .. जेव्हा त्या ह्या सेन्टर मध्ये आल्या तेव्हा काहीच समजत नव्हते पण आज त्या खूप सावरल्या आहे त्या फक्त आणि फक्त त्यांच्यातल्या possitivity मूळे... आज दिलासा म्हणजेच त्यांच कुटुंब ... त्यांच्यातली possitivity म्हणून आज त्या तिथेच counsiler म्हणून काम करतात.. आमच्याशी बोलायला येत जा आम्हाला काही घेऊन येत नका जाऊ आम्हाला काही नको फक्त बोलायला या .. बोलायला या नाहीतर भांडायला तरी नक्की या ..या त्यांच्या एका वाक्यांनी मन सुन्न झालं बधिर झालं मनाचा कोपरा न कोपरा चर्रर्रर्रर्र झालं 😔 😪 त्यांच्या या एका वाक्यात समजू शकतो आपण की त्यांना शब्दाची किती भूक आहे .. ना पैशाची भूक ..ना कुठली खाण्याची.. फक्त आणि फक्त मायेच्या शब्दाची भूक....खूप अंतर्मुख झाले मी आज..
अशा कितीतरी आज्या होत्या .. कोणी पेपर वाचत होत्या कोणी बसल्या होत्या कोणी व्याधीग्रस्त होत्या तर कोणी एकाकीपणा मुळे होत्या अश्या वेगवेगळ्या कारणाने तिथे होत्या..
ह्या एकच नाही तर असे जवळपास 70 जण आहे इथे , प्रत्येकाची वेगवेगळी history आहे खूप मन हेलावून टाकणारी..
एक आजोबा बँकेतून झोनल मॅनेजर म्हणून retire झालेले .. एका संध्याकाळी पती, पत्नी जेवण करून येत असताना वाटेत अपघातात पत्नी डोळ्यासमक्ष गेली त्याचा एव्हढा जबर धक्का बसला की त्यांची आई 15 दिवस घरात मरून पडली होती तरीपण त्यांना काहीच समजले नाही ..वास पसरला म्हणून बाजूच्यांनी बघितलं तर समोर हे दृश्य.. ह्यांच्या पायाला जखम झाली किडे पडले तरीपण हे फिरतच .. पायाला गंग्रीन झालेले .. तरीपण ह्यांना काहीच भान नाही .. एव्हढी मानसिक परिस्थिती बिघडलेली..अपत्य नव्हते..एकाकीपणा मूळे आलेले नैराश्य...मानसिक संतुलन पूर्णपणे बिघडलेले.. पाय कापला इथे आल्यावर..आता बरे आहेत पण मानसिक स्थिती अजूनही बेताचीच...
अस सगळं पाहून ... आता नाही बोलवत काही...😔🙏
शेवटी एकच म्हणेन

*दिलासा*खऱ्या अर्थाने इथल्या प्रत्येकाच्या दिलाचा राजा झाला आहे*..

सीमा तंगडपल्लीवार🍁🌾

28/01/2024

दिलासात दरसालाबादाप्रमाणे, २६ जाने. ला प्रजासत्ताक दिनाच्या निमित्ताने SMRK College च्या Sociology च्या विद्यार्थिनींनी कार्यक्रम आयोजित केला होता.
यावेळेस, धर्मदास बोरसे ज्यांनी आपले ३८ वर्षे वायूसेनेला दिली, आणि ते राष्ट्रपती पदक विजेतेही आहेत, विजय भामरे यांनी आपल्या आयुष्याची १८ वर्षे भारतीय नौसेनेला दिली, रणजितसिंग जे आज army मधे आहेत, अशा आपल्या रक्षकांच्या सत्कार केला. यासोबतच SMRK College च्या Sociology चे विभाग प्रमुख श्री. सतिश धनावडे सर आणि अंशतः डोळस असूनही ज्यांनी आपल्या नावावर moentering मधे ५ world record जमा केले आहेत, तसेच cycling, मॅराथॉन मधे बरीच पदके मिळविली आहेत, अशा सागर बोडके सरांचाही सत्कार, दिलासाला गेल्या १३ वर्षांपासून वैद्यकिय सेवा देणा-या डॉ. योगेश भावे सर यांच्यासोबत करण्यात आला. सत्कारार्थिंनी ह्यावेळेस आपले मनोगत व्यक्त केले.
दिलासातील दिघे आजोबा, सुजय नागले काका, अर्चना ताई, निकम काका, खेताडे आजोबा, प्रमिला ताई यांनी तसेच SMRK च्या विद्यार्थिनींनी ही आपली कला सादर केली. तसेच भोपे आजींनी आपली जिवनकथा उलगडली, व दिलासात आलेल्या अनुभवांवरून आज अशा संस्थांची गरज असल्याचे नमूद केले.
दिलासाच्या संचालिका उज्वला जगताप यांनी सर्व उपस्थितांचे आभार मानले.
अशाप्रकारे, अतिशय सुरेख असा कार्यक्रम प्रजासत्ताक दिनानिमित्त दिलासात पार पडला.
हा कार्यक्रम ज्यांच्यामुळे यशस्वी पार पडला अशा रश्मी शिरसाठ, आश्विनी लोणारे, जस्टिना, देवयानी पाटील, श्वेता, प्रतिक्षा उगले, वैष्णवी बोरसे यांचे विशेष आभार.

20/12/2023

उधळण करत रंगाची सकाळ आली,
सोनपावलांनी आनंदाची चाहूल लागली,
नव्या दिवसाची, नव्या सुरुवातीची आशा घेऊन,
तुमच्या - माझ्या आयुष्यात परत एक सकाळ आली.

03/12/2023

Thank you so much Anand Bora Sir and Dainik Pudhari.