Unnikkannan Astro Research Centre

13/09/2024

🔥ഭക്തിയാണ് മുക്തി യുക്തിയാണ് ശക്തി🔥

1. വെളുപ്പിന്‌ ബ്രാഹ്‌മ മുഹൂര്‍ത്തത്തില്‍ തന്നെ ഉണര്‍ന്നു ശീലിക്കണം. മനസ്സ് പ്രകൃതിയുടെ സൂക്ഷ്മമായ ഊർജ്ജങ്ങളുമായി സന്തുലിതാവസ്ഥയിലാകുന്ന സമയമാണിത്.

2. വലതുവശം ചരിഞ്ഞ്‌ എഴുന്നേല്‍ക്കണം. ശരീരത്തിൻ്റെ കാന്തികക്ഷേത്രത്തെ ശക്തിപ്പെടുത്താനും, ശരീരത്തിലെ ഊർജ്ജപ്രവാഹം വർദ്ധിപ്പിക്കാനും സഹായിക്കുന്നു.

3. കണി കാണാനായി പ്രധാന ഹാളിലോ, മുറിയിലോ ഇഷ്‌ടദേവതയുടെ ഒരു ചിത്രം തൂക്കിയിടുക. ആ ദിവസം ശുഭമായിത്തീരും. പ്രഭാതേ കരദർശനമായാൽ ഉത്തമം.

4. മാതാപിതാക്കള്‍, മുതിര്‍ന്നവര്‍ എന്നിവരെ നമസ്‌ക്കരിച്ചില്ലെങ്കിലും സന്തോഷവും ആദരവുമെങ്കിലും പ്രകടിപ്പിക്കുക.

5. കുളിച്ചു പൂജാമുറിയില്‍ ദീപം തെളിച്ചിട്ടേ സ്‌ത്രീകള്‍ അടുക്കളയില്‍ കയറാവൂ. അടുക്കളയിൽ ഉണ്ടാക്കുന്ന ഭക്ഷണമാണ് പരിണമിച്ച് നാളെ കോശങ്ങൾ ഉണ്ടാകുന്നത്.

6. വീടിന്‌ വെളിയില്‍പ്പോകുമ്പോള്‍ മുതിര്‍ന്നവരോടു യാത്ര ചോദിക്കുക. മുതിർന്നവർ ഇല്ലെങ്കിൽ ഇഷ്ടദേവതയോട് യാത്ര ചോദിക്കുക.

7. പരീക്ഷ, ഇന്റര്‍വ്യൂ, പ്രധാനകാര്യങ്ങള്‍ നടത്തുക, പുതിയ കരാറുകള്‍, ഇടപാടുകള്‍ എന്നിവയ്‌ക്കു പുറപ്പെടുക, ഈ സമയം മുതിര്‍ന്നവരുടെ പാദനമസ്‌ക്കാരം ചെയ്‌തോ, തൊഴുതു വണങ്ങിയോ, ഇഷ്ടദേവതയുടെയോ അനുവാദം തേടുക. ഈശ്വരകൃപ വര്‍ദ്ധിക്കും.

8. മുതിര്‍ന്നവരെ പിന്നില്‍നിന്ന്‌ വിളിച്ചുനിര്‍ത്തി അനുമതി തേടരുത്‌. മുന്നില്‍ച്ചെന്ന്‌ കൈകൂപ്പിവേണം അനുഗ്രഹം തേടാന്‍.

9. ഗുരുക്കന്മാര്‍, യോഗിമാര്‍, ജ്‌ഞാനികള്‍ എന്നിവര്‍ക്കു മുന്നില്‍ സാഷ്‌ടാംഗ നമസ്‌ക്കാരം ചെയ്‌തുവേണം അനുഗ്രഹം തേടാന്‍. സ്‌ത്രീകള്‍ക്കും രോഗികള്‍ക്കും ഇതു ബാധകമല്ല.

10. കുളിക്കുന്നതിനു മുൻപ് രണ്ടു കൈയിലും വെളളമെടുത്ത്‌ ഇഷ്‌ടദേവനെ ധ്യാനിച്ച്‌ കുളിക്കുക.

11. നിത്യകര്‍മ്മങ്ങള്‍ ഭഗവാന്റെ പൂജയെന്ന്‌ സങ്കല്‌പിച്ച്‌ പൂര്‍ണ്ണ മനസ്സോടെ ചെയ്യുക. ഫലം ആഗ്രഹിക്കരുത്‌.

12. ഭക്ഷണം കഴിക്കുന്നതിനു മുൻപ് പ്രാര്‍ത്ഥിച്ചശേഷം അല്‌പം മറ്റു ജീവജാലകങ്ങള്‍ക്ക് നല്‍കി ശീലിക്കുക.

13. വിശക്കുന്ന ഒരാള്‍ക്കെങ്കിലും അല്‌പം ആഹാരം നിത്യവും നല്‍കി ശീലിക്കുക. അന്നദാനം മഹാദാനം.

14. പുരാണ പുസ്‌തകങ്ങള്‍ പാരായണം ചെയ്യുന്നതും സസ്യജാലങ്ങളെ സ്‌നേഹപൂര്‍വം പരിചരിക്കുന്നതും ഹോബിയാക്കുക.

15. സന്ധ്യാസമയത്ത്‌ വിളക്കു തെളിച്ചു പ്രാര്‍ത്ഥിക്കുക.

16. മിണ്ടാപ്രാണികളെ ദ്രോഹിക്കാതിരിക്കുക.

17. ആരെയും പറഞ്ഞു പറ്റിക്കരുത്‌.

18. ആരെങ്കിലും സഹായം അഭ്യര്‍ത്ഥിച്ചാല്‍ കഴിവതും ചെയ്യുക.

19. നമുക്ക്‌ അര്‍ഹപ്പെടാത്ത ഒരു ധനവും സ്വീകരിക്കരുത്‌.

20. പണം കടം കൊടുക്കുകയോ, വാങ്ങുകയോ ചെയ്യരുത്‌. അത്‌ ശത്രുക്കളെ സൃഷ്‌ടിക്കും.

21. ആശയും അഹങ്കാരവും വെടിഞ്ഞാല്‍ സൗഭാഗ്യം നമ്മെത്തേടിവരും.

22. കഴിയുന്ന ദിവസങ്ങളില്‍ ദേവാലയങ്ങളില്‍ പോയി പ്രാര്‍ത്ഥിക്കണം.

23. പാരിതോഷികം കഴിവതും സ്വീകരിക്കാതിരിക്കുക.

24. പ്രായമായ മാതാപിതാക്കളെ വൃദ്ധസദനത്തില്‍ ഏല്‌പിക്കാതിരിക്കുക. പിതൃശാപത്തില്‍നിന്നും രക്ഷനേടാം.

25. നന്മ ചെയ്‌താല്‍ ഏതു ശനിദശാകാലവും ഏഴരശ്ശനിക്കാലവും കണ്ടകശ്ശനിക്കാലവും വലിയ ദോഷം കൂടാതെ കടന്നുപോകും.

26. എപ്പോഴും ഈശ്വരചിന്ത മനസ്സില്‍ ഉണ്ടാകണം. നമ്മുടെ എല്ലാ പ്രവൃത്തികളും അദൃശ്യമായ കണ്ണുകള്‍ പിന്തുടരുന്നുണ്ടെന്ന്‌ മനസ്സിലാക്കുക.

27. അസൂയ, വാശി, വൈരാഗ്യം, പക, നിന്ദ, ക്രോധം എന്നീ വികാരങ്ങള്‍ മനസ്സില്‍നിന്നും പിഴുതു കളയുക. ദൈവാനുഗ്രഹം ഉണ്ടാകും.

സർവ്വേശ്വരൻ എല്ലാവരെയും കാത്തു രക്ഷിക്കട്ടെ

08/03/2024

ക്യഷ്ണമൂർത്തി പദ്ധതി അടിസ്ഥാനമാക്കി ഉള്ള ജ്യോതിഷ പഠന ക്ലാസ്സുകൾ ഓൺലൈൻ വഴി ഏപ്രിൽ മുതൽ തുടങ്ങുന്നു.

വിശദ വിവരങ്ങൾക്ക് വാട്സ് ആപ്പ് വഴി ബന്ധപ്പെടുക. (വൈകിട്ട് 7 മണിക്ക് ശേഷം നേരിട്ട് വിളിക്കാം)

29/09/2022

Krishna Murthy Padhati (KP Astrology)

ഏത് ഗ്രഹമാണ് ശുഭഗ്രഹം?
ഏത് ഗ്രഹമാണ് പാപഗ്രഹം?

സാധാരണ ഗതിയിൽ വ്യാഴം ശുഭൻ. ശനി പാപൻ.

ഏതൊരു ഗ്രഹവും താൻ നിൽക്കുന്ന സ്ഥാനം അനുസരിച്ച് ശുഭനായോ, പാപനായോ പ്രവർത്തിക്കും ( തൻറെ യഥാർത്ഥ ഗുണം ഉണ്ടാകും)

29/09/2022