Pallimangalath Ayurveda Vaidyashala

29/09/2025

https://youtu.be/wXKLhKTn8ks?si=6kaYFGWc0WlgQZ9R

ദശപുഷ്പങ്ങളും ഔഷധ ഗുണങ്ങളും | ജയകൃഷ്ണൻ പള്ളിമംഗലത്ത് | Janamonline Subscribe Janam TV YouTube ...

14/07/2025

നിങ്ങൾക്ക് ഒരു ഹൃദയം മാത്രമല്ല ഉള്ളത്. നിങ്ങളുടെ കാലുകളിൽ മറ്റൊരു ഹൃദയം കൂടിയുണ്ട്... അതിനെ സോളിയസ് എന്ന് വിളിക്കുന്നു. ദൃഢവും നിശബ്ദമായതും നാം പലപ്പോഴും മറന്നുപോകുന്നതുമായ ഈ പേശിയും നിങ്ങൾക്കായി മിടിക്കുന്നു. വൈദ്യുത പ്രേരണകൾ കൊണ്ടല്ല, മറിച്ച് ചലനത്തിലൂടെയാണ് അവൻ പ്രവർത്തിക്കുന്നത്.

നിങ്ങൾ നടക്കുമ്പോഴോ, പടികൾ കയറുമ്പോഴോ, കാൽവിരലുകളിൽ നിൽക്കുമ്പോഴോ, സോളിയസ് സജീവമാകുന്നു. അതിലൂടെ അത് ഒരു വീരോചിതമായ ദൗത്യം അവൻ നിർവഹിക്കുന്നു: ഗുരുത്വാകർഷണത്തെ ധിക്കരിച്ച് നിങ്ങളുടെ കാലുകളിൽ നിന്ന് സിരകളിൽക്കൂടെ രക്തം നിങ്ങളുടെ ഹൃദയത്തിലേക്ക് തിരികെ തള്ളുന്നു. അതുകൊണ്ടാണ് ഇതിനെ "രണ്ടാമത്തെ ഹൃദയം" എന്ന് വിളിക്കുന്നത്.

ഈ വിവേകമുള്ള നായകൻ എവിടെയാണ് താമസിക്കുന്നത്? ഇത് നിങ്ങളുടെ കാലിന്റെ പിൻഭാഗത്താണ്, ഗ്യാസ്ട്രോക്നെമിയസിന് (കാഫ് മസിൽ) കീഴിൽ മറഞ്ഞിരിക്കുന്നു. ഇത് സ്ഫോടനാത്മകമോ വേഗതയേറിയതോ അല്ല. ഇത് പ്രതിരോധശേഷിയുള്ളതുംഉറച്ചതും വിശ്വസ്തവുമാണ്. നിങ്ങളെ നിലനിർത്താൻ ഇത് നിർമ്മിച്ചിരിക്കുന്നു.......

എന്താണ് ഇവയുടെ പ്രാധാന്യം എന്നു നോക്കാം. ഈ മസിലുകൾ പ്രവർത്തിക്കുമ്പോൾ:
- രക്തചംക്രമണം മെച്ചപ്പെടുത്തുന്നു
- രക്തം കട്ടപിടിക്കുന്നതും സിരാസ്തംഭനവും തടയുന്നു
- കാലിലെ വീക്കം കുറയ്ക്കുന്നു
- നിങ്ങളുടെ ഹൃദയാരോഗ്യം സംരക്ഷിക്കുന്നു

ഏറ്റവും വലിയ ഗുണം : നിങ്ങൾ നിശ്ചലമായിരിക്കുമ്പോൾ പോലും ഇത് പ്രവർത്തിക്കുന്നു.

നിങ്ങൾക്ക് അതിനായി എന്തുചെയ്യാൻ കഴിയും? അതിന് ചലനം നൽകുക. നിങ്ങൾ മണിക്കൂറുകളോളം ഇരിക്കുകയോ നിൽക്കുകയോ ചെയ്യുകയാണെങ്കിൽ:
- കുറച്ച് മിനിറ്റ് നടക്കുക
- നിങ്ങളുടെ കുതികാൽ ആവർത്തിച്ച് ഉയർത്തുക
- നിങ്ങളുടെ കണങ്കാലുകൾ വളയ്ക്കുക
- നിങ്ങളുടെ പാദങ്ങൾ ഉപയോഗിച്ച് വൃത്താകൃതിയിലുള്ള ചലനങ്ങൾ നടത്തുക

ചെറിയ ചലനത്തിലൂടെ വലിയ ഫലങ്ങൾ... നിങ്ങളുടെ സോളിയസിന് താളം നൽകുക... നിങ്ങളുടെ ഹൃദയം നിങ്ങളോട് നന്ദി പറയും.......

12/06/2025

ഇന്ന് വൈദ്യശാല സന്ദർശിച്ചപ്ലവഗ വൃന്ദേശ്വരന്മാർ.........

20/03/2025

31/12/2024

🔥 ॐ मनुर्भव जनया दैव्यं जनम् 🔥 Become a Human and Create a Divine Society

04/11/2024

1895 നവംബർ 8

രാത്രി വളരെ വൈകിയിരിക്കുന്നു.

അത്താഴം കഴിക്കാനായി വീട്ടുകാരൻ ഇനിയും എത്തിയിട്ടില്ല.

അദ്ദേഹം ദൂരെയെങ്ങും പോയിട്ടില്ല.വീടിന് അടുത്തുതന്നെയുള്ള ലബോറട്ടറിയിൽ പരീക്ഷണങ്ങളിൽ മുഴുകിയിരിക്കുകയാണ്.

കാത്തുകാത്തിരുന്ന് മുഷിഞ്ഞു സഹികെട്ട അന്ന അവസാനം ഭർത്താവിന്റെ പരീക്ഷണശാലയിലേക്ക് മുഖം വീർപ്പിച്ച് കടന്നുചെന്നു.

അവിടെ അപ്പോൾ എന്തോ പുതുതായി കണ്ടെത്തിയതിന്റെ അത്യാഹ്ളാദത്തിലും ആവേശത്തിലുമായിരുന്നു അന്നയുടെ പ്രിയപ്പെട്ടവൻ.

ഭാര്യയെ കണ്ടപ്പോൾ തന്നെ, ലബോറട്ടറിയിൽ സജ്ജീകരിച്ചിരുന്ന കാതോഡ് റേ ട്യൂബിന് നേരെ കൈപ്പത്തി കാണിക്കുവാൻ അദ്ദേഹം ആവശ്യപ്പെട്ടു.

കൈപ്പത്തിയിലെ മോതിരം ഉള്‍പ്പെടെയുള്ള ഭീതിപ്പെടുത്തുന്ന സ്ക്കെൽടൺ ചിത്രം അവിടെയുള്ള ഒരു ഫിലിമിൽ പതിഞ്ഞു.അതായിരുന്നു ലോകത്തിലെ ആദ്യത്തെ എക്സ്റേ ചിത്രം.

I have seen my death.
ചിത്രം കണ്ട അന്ന ബർത്ത ഭയന്ന് നിലവിളിച്ചു.

പ്രിയതമയെ പേടിപ്പിച്ച ആ പടം പിടിച്ച ഭർത്താവിൻറെ പേരാണ് റോൺജൻ

ജർമ്മനിയിലെ വേഴ്സ്ബർഗിലായിരുന്നു ആ അദ്ഭുതകണ്ടെത്തൽ സംഭവിച്ച പരീക്ഷണശാല

വിൽഹം കോൺറാഡ് റോൺജൻ

എക്സ്റേ കണ്ടുപിടിച്ചതിന്, 1901ൽ ഫിസിക്സിനുള്ള ആദ്യത്തെ നോബൽസമ്മാനം നേടിയ മഹാനായ ജർമ്മൻ ശാസ്ത്രജ്ഞൻ.

നോബൽ പ്രൈസായി കിട്ടിയ മുഴുവൻ തുകയും പഠിപ്പിച്ചിരുന്ന യൂണിവേഴ്സിറ്റിയുടെ വികസനത്തിനായി നൽകിയ റോൺജൻ എക്സ്റേയുടെ പേറ്റൻറും എടുത്തില്ല.
മാനവരാശിയുടെ നന്മയ്ക്കായുള്ളതാണ് തന്റെ കണ്ടുപിടുത്തമെന്നും അതിന് പ്രത്യേകിച്ച് പ്രതിഫലം വേണ്ടെന്നുമായിരുന്നു ആ മഹാനുഭാവന്റെ ഉറച്ച തീരുമാനം.

ഊണും ഉറക്കവും മറ്റ് ജീവിതാനന്ദങ്ങളും ഉപേക്ഷിച്ച് ജന്മം മുഴുവൻ പരീക്ഷണ നിരീക്ഷണ ഗവേഷണങ്ങൾക്കായി ഉഴിഞ്ഞുവച്ച റോൺജനെ പോലെയുള്ള നൂറുകണക്കിന് ശാസ്ത്രജ്ഞർ. അവരാണ് പ്രാകൃതമായ ഇരുട്ടിൽ നിന്ന് ഭൂമിയെ വെളിച്ചത്തിലേക്ക് കൈപിടിച്ച് നടത്തിയത്.

മഹത്തായ സാഹിത്യകൃതികളുടെ രചയിതാക്കളെ ചരിത്രവും വർത്തമാനവും ചേർത്തുപിടിക്കുമ്പോൾ ആധുനിക ലോകത്തിന്റെ സൃഷ്ടാക്കളായ സയന്റിസ്റ്റുകൾ വിസ്മൃതിയിലേക്ക് തള്ളപ്പെടുന്നു.

പടയോട്ടങ്ങളിലൂടെ ചോരപ്പുഴ ഒഴുക്കിയ മാസിഡോണിയൻ അലക്സാണ്ടർ The great ആയി വാഴ്ത്തപ്പെടുമ്പോൾ പെൻസിലിൻ കണ്ടുപിടിച്ച് കോടിക്കണക്കിന് മനുഷ്യജീവനുകൾ രക്ഷിച്ച അലക്സാണ്ടർ ഫ്ലെമിംഗ് പാഠപുസ്തകത്തിലെ ഒന്നരവരിയിലേക്ക് ചുരുങ്ങി ചുളുങ്ങുന്നു.

ഒന്നേകാൽ നൂറ്റാണ്ട് മുമ്പ് റോൺജൻ കണ്ടെത്തിയ എക്സ് രശ്മികൾ മാനവാരോഗ്യത്തിന് കരുത്തും കരുതലുമേകുന്ന ചങ്ങാതിയായി ഇന്നും നമുക്കൊപ്പമുണ്ട്.

'ഓർക്കുക വല്ലപ്പോഴും'

അത്രയെങ്കിലും ആദരം സയന്റിസ്റ്റുകൾ അർഹിക്കുന്നുണ്ട്.

29/10/2024

ഇന്ന് ധന്വന്തരീജയന്തി .......

തുലാമാസത്തിലെ കൃഷ്ണപക്ഷ ത്രയോദശി
ധന്വന്തരീ ഭഗവാൻ ആയുർവേദവുമായി മനുഷ്യരാശിയുടെ അന്തർ പ്രജ്ഞയിലേക്ക് കടന്നുവന്ന പുണ്യദിനം.. .ധന്വന്തരീ ജയന്തി ,ഒപ്പം ഈവർഷം മുതൽ ഭാരതം അതിൻറെ സംസ്കൃതിയിലൂടെ ഉയിർകൊണ്ട മൂല്യാവബോധത്തിൻ്റെ ഉൺമയിലേക്കൊരു തിരിച്ചുപോക്കെന്ന വിധം ,ഇന്നേ ദിവസം ദേശീയ ആയുർവേദ ദിനമായ് ആചരിക്കാൻ തയാറെടുക്കുന്നു.....

ഓം നമോഭഗവതേവാസുദേവായ ധന്വന്തരയേ
“അമൃതകലശ ഹസ്തായ,സർവ്വാമയ വിനാശായ
ത്രൈലോക്യനാഥായ, മഹാവിഷ്ണവേനമ:

നമാമി ധന്വന്തരിമാദിദേവം സുരാസുരൈർ വ്വന്ദിതപാദപത്മം
ലോകേ ജരാരുഗ്ഭയമൃത്യുനാശം ധാതാരമീശം വിവിധൌഷധീനാം”

സൈക്കോമോട്ടോർവർക്ക് ശരിയാകാൻ (തലച്ചോറും വിരലും തമ്മിലുള്ള ബന്ധം ) മണ്ണ് കുഴച്ച് കളിച്ച തലമുറയിൽ നിന്നും ഇന്നിൻ്റെ ടച്ച് സ്ക്രീൻ വിരൽതുമ്പ് ബന്ധങ്ങളിലേക്ക് കുഞ്ഞുതലമുറയുടെ ലോകം പിച്ചവച്ച് നടന്ന് , സൂക്ഷിക്കുന്ന പ്ളാസ്റ്റിക് ഡബ്ബയേപ്പോലുംപൊടിക്കുന്ന അമോണിയ ബേക്കറികളിലൂടെ വളർന്ന് , ശ്വാസകോശത്തിലൂടെയോ ത്വക്കിലൂടെയോ ശരീരത്തിനകത്തെത്തിയാൽ ഒരിക്കലും പുറത്ത് പോകാത്ത പോപ്സിലുടെ (persistant organic pollutants - POPs )അടിഞ്ഞുകൂടി സംക്രമിച്ച് വിശ ഷാത്മകമായ് തീർന്ന ബുദ്ധിയിലൂടെ ലോകം കാണുന്ന ഇന്നിൻ്റെപുതുതലമുറയ്ക്ക് ആയുർവേദമെന്ന പദം 'ഏതോ കാലത്തെ പച്ചമരുന്ന് മാത്രമായിരിക്കാനാണ് സാധ്യത.
കുടിച്ചാൽ മൂത്രം പോകാൻ ഡൈയുറേറ്റിക് മരുന്ന് ചേർത്ത് വരുന്ന വൃക്കദ്രോഹിയായ മിനറൽ വാട്ടറാണ് വെള്ളം എന്ന് അനുവിക്കുന്ന വെള്ളത്തിൻ്റെപോലും പ്രേതഭാവം ഉപയോഗിക്കാൻ വിധിക്കപ്പെട്ട തലമുറയോട് ഗംഗ ,ദേവിയാണെന്ന് പറയും പോലെയാണ് ഒരു പക്ഷേ ആയുർവേദത്തെയും ധന്വന്തരിമൂർത്തിയേയും കുറിച്ച് പറയേണ്ടിവരുക..

എങ്കിലും ചിന്തപോലും ഭാവദ്രവ്യമാണെന്നും അതുരോഗമായ് തീരുമെന്നും , ഒരാളിലെ മൂന്നുശരീരത്തേയും അറിഞ്ഞ്സ്വസ്ഥവൃത്തം പഠിപ്പിച്ച , ആയുർവേദത്തിൻറെ ഈറ്റില്ലങ്ങളിൽ നിന്ന് , പത്ത് പ്രസവിക്കാൻ പ്രസവസമയത്ത് പ്രസവമെടുക്കാനൊരുഒരു ''വയസിതള്ള'' മാത്രം തുണവേണ്ടിയിരുന്ന അമ്മയിൽ നിന്ന് , സ്പെഷ്യൽ റിസർച്ച് സർട്ടിഫിക്കറ്റുള്ള മൂന്നൂ ഡോക്ടർമാരും , അതിലേറേഅതിലും മിടുക്കുള്ള അത്യാധുനിക ഉപകരണങ്ങളുടേയും സഹായത്തോടെ , ഒന്നു പ്രസവിക്കാൻ , നാരുപോലെഎങ്കിലും ആരോഗ്യമുള്ള ഒരു കുഞ്ഞിനെ കിട്ടാൻ , - കൃത്യമായ് ആർത്തവം വരാൻ , ഓടിനടക്കുന്ന - അനിമൽ ഇൻസ്റ്റിൻക്ട് ബയോളജിക്കൽ പ്രോസസായതുകൊണ്ട് പ്രഗ്നനൻ്റായതും, പി എസ് ഡി ഡിസോർഡർ ജീനിലുള്ള , ഫീമെയിലിലേക്ക് ...
സനാതന ഭാരതം മാറിയ ഇക്കാലത്ത് ,
ഗൃഹാതുരത്വത്തിൻറെ , ഭക്തിയുടെ ലോകങ്ങളെ ഇനിയും പുച്ഛിച്ച് തുടങ്ങിയിട്ടില്ലാത്ത , പാരമ്പര്യം കോളോണിയലിസത്തിൻറെ പരസ്യ കമ്പനികൾക്ക് പണയം വയ്ക്കാത്ത പ്രിയ സഹൃദയർക്ക് ,
ആയുർവേദ ദിനാശംസകൾ ! !
പള്ളിമംഗലത്ത് ജയകൃഷ്ണൻവൈദ്യർ

21/10/2024

നെയ്യാറ്റിൻകര പള്ളിമംഗലത്ത് വൈദ്യശാലയ്ക്ക് ഇന്നു പതിനഞ്ചു വയസ്സു തികയുന്നു. 15 വർഷം മുമ്പ് എൻ്റെ ഗുരുനാഥൻ തെളിയിച്ച ദീപം ഇന്നും ഹൃദയത്തിൽ കെടാതെ സൂക്ഷിക്കുന്നു. ആളും ആരവവും ഇല്ലാതെ 300 രൂപയുടെ ഒരു ചെറിയ ടേബിൾ (തിരുവനന്തപുരം ഗിരീഷ് സാർ തന്നത്) 60 രൂപയുടെ ഒരു റെക്സിൻ ഷീറ്റ്, വളരെക്കുറച്ചു മരുന്നുകളുമായി തുടങ്ങി........അത്രേയുള്ളൂ മൂലധനം. എനിക്ക് പരിചയമില്ലാത്ത ഒരു രോഗി എന്നെക്കാണാൻ ആദ്യമായി വരുന്നത് 3 മാസത്തിനു ശേഷമായിരുന്നു. വളരെ അദ്ധ്വാനിച്ചും കടംവാങ്ങിയും വാടക കൊടുക്കാൻ നിവർത്തിയില്ലാതെയും വളരെക്കാലം കഷ്ടപ്പെട്ടു. ആരോടും കണക്കു പറഞ്ഞ് പണം വാങ്ങിയില്ല. ഈ തൊഴിൽ എൻ്റെ ജീവിതധർമ്മമായി കണ്ടൂ. ഒരുപാടു പാവപ്പെട്ടവർ ഇന്നും ഈ സ്ഥാപനത്തെ വിശ്വസിച്ച് ഓടി വരുന്നു. ഗുരുക്കന്മാരുടെയും പിതൃക്കളുടെയും ഈശ്വരൻ്റെയും അനുഗ്രഹത്തിൽ ഇന്ന് ഇവിടെ വരെയെത്തി. ഇന്ന് കേരളത്തിൽ 14 ജില്ലകളിലും ഞങ്ങൾ ചികിത്സിച്ചവരുണ്ട്. തമിഴ്നാട് കർണ്ണാടക, ആന്ധ്ര, മഹാരാഷ്ട്ര, ദില്ലി, പഞ്ചാബ്, ഹരിയാന എന്നീ സംസ്ഥാനങ്ങളിലുള്ളവരേയും - അമേരിക്ക, ജപ്പാൻ, ഇറ്റലി, uk തുടങ്ങിയ രാജ്യങ്ങളിലുള്ളവരെയും ചികിത്സിച്ചിട്ടുണ്ട്.


ഞാൻ ഈ സ്ഥാപനം തുടങ്ങാൻ കാരണം ശ്രീമാൻഗിരീഷ് സാറാണ്. അദ്ദേഹത്തിൻ്റെ നടു വേദന ചികിത്സിക്കാൻ 18 വർഷങ്ങൾക്കുമുമ്പ് സാഹചര്യമുണ്ടായി. ചികിത്സ കഴിഞ്ഞപ്പോൾ അദ്ദേഹത്തോട് ഞാനൊരു ജോലി ശരിയാക്കിത്തരുമോ എന്നു ചോദിച്ചിരുന്നു. "എന്തിനാ ജയകൃഷ്ണാ മറ്റൊരു ജോലി? ഇതിലും നന്നായി മറ്റൊന്നും നിങ്ങൾക്ക് സാധിക്കില്ല." ആ മറുപടിയിൽ നിന്നാണ് ഇന്ന് ഇവിടെ വരെ എത്തിയത്. ആദ്യകാലത്ത് തിരുവനന്തപുരത്ത് കരമനവിനായകനഗറിൽ അദ്ദേഹത്തിൻ്റെ ഓഫീസിലെ ഒരു മുറിയിലും, പിന്നീട് ആദിത്യ വർമ്മ തമ്പുരാൻ്റെ സഹായത്തിൽകവടിയാർ കൊട്ടാര ഗസ്റ്റ് ഹൗസിലും , കോട്ടയ്ക്കകത്ത് സുന്ദരവിലാസം പാലസിലും ചികിത്സ നടത്തി. തുടർന്നാണ് പടിഞ്ഞാറേ നടയിൽ സ്വന്തമായി ഒരു കെട്ടിടമെടുത്ത് വൈദ്യശാല നടത്തിയത്. അന്നും സിറ്റിയിലെ ധാരാളം സഞ്ജനങ്ങൾ സഹായിച്ചു വളരെയധികം. പണം ചോദിക്കാനുള്ള മടി ഒരു പരാജയമായിരുന്നു. അങ്ങിനെ 2010 ലാണ് നെയ്യാറ്റിൻകര LIC ഓഫീസിനു സമീപം ശ്രീമാൻ കേശവൻചേട്ടൻ്റെ കെട്ടിടത്തിൽ എൻ്റെ മാസ്റ്റർ നേരിട്ടു വന്ന് ഞങ്ങളുടെ ജീവിതത്തിൻ്റെ തന്നെ ദീപം തെളിയിച്ചത്......... ആ ഈശ്വരസ്വരൂപി തെളിയിച്ച ദീപങ്ങളൊരുപാട് പ്രശോഭിച്ചിട്ടേ ഉള്ളൂ ഒന്നും മങ്ങിയിട്ടില്ല. നെയ്യാറ്റിൻകരയിലും ധാരാളമുണ്ട്. എല്ലാവരോടും നന്ദി മാത്രം......... ഇനിയും ഞങ്ങളാലാവും വിധം ആതുര ശുശ്രൂഷ ചെയ്തു കൊണ്ടേയിരിക്കും. Work is worship എന്ന ഭാവനയിൽ .........ആദിഗുരുവായ അഗസ്ത്യ ഭഗവാൻ്റെ കൃപയും മൃതസഞ്ജീവനി ക്ഷണമാത്രയിൽ മലയോടെ കൊണ്ടു വന്ന എൻ്റെ ഹൃദയാധിനാഥൻ്റെ പാദങ്ങളിൽ സമസ്ത കർമ്മ സങ്കല്പങ്ങളും സമർപ്പിക്കുന്നു........
പള്ളിമംഗലത്ത് ജയകൃഷ്ണൻ
(ഇന്നുരാവിലെ പ്രിയ സുഹൃത്ത് വിളിച്ച് ആശംസ പറഞ്ഞപ്പോൾ തോന്നി കുറിച്ചു പോയതാണ്)

13/08/2024

ഐയ്യഞ്ചുമഞ്ചുമുടനയ്യാറുമെട്ടുമുട-
നവ്വണ്ണമെട്ടുമുടനെൺമ്മൂന്നുമേഴുമഥ
ചൊവ്വോടൊരഞ്ചുമപിരണ്ടൊന്നുതത്ത്വമതിൽ
മേവുന്നു നാഥ ജയ നാരായണായ നമഃ

അർത്ഥം... ആദ്യത്തെ അയ്യഞ്ച് (ഇരുപത്തിയഞ്ച്) തത്വങ്ങൾ....ഇതിൽ.. ഭൂമി, ജലം, അഗ്നി, വായു,ആകാശം ഇവകളായ പഞ്ചഭൂതങ്ങൾ... അടുത്തത്... നാക്ക്, മൂക്ക്, ചെവി, കണ്ണ്, ത്വക്ക് എന്നീ പഞ്ചേന്ദ്രിയങ്ങൾ...അടുത്തത്... രൂപം, സ്വാദ്, ശബ്ദം, ഗന്ധം, സ്പർശം ഇവ അഞ്ച്... അടുത്തത്.. വാക്ക്, പാദ,പാണി, പായു, ഉപസ്ഥം ഇവ അഞ്ച്... അടുത്തത്.. പ്രാണൻ, അപാനൻ, സമാനൻ, ഉദാനൻ, വ്യാനൻ ഇവ അഞ്ച് ആക്കുന്നു... ഇതാണ് ആദ്യത്തെ ഇരുപത്തിയഞ്ചുകൊണ്ട് സൂചിപ്പിക്കുന്നത്......പിന്നെ
അടുത്ത അഞ്ച് എന്നത്... നാഗൻ, കൂർമ്മൻ, കൃകലൻ, ദേവദത്തൻ, ധനഞ്ജയൻ എന്നതാകുന്നു.. പിന്നെ അടുത്ത അഞ്ച് എന്നത്... വചനം, ദാനം, ഗമനം,വിസർജ്ജനം, ആനന്ദം എന്നിവയാകുന്നു...അടുത്ത ആറെണ്ണം എന്നത്....മൂലാധാരം, സ്വാധിഷ്ഠാനം, അനാഹതം, ആജ്ഞ, വിശുദ്ധി, ലംബികാ എന്നിവയാകുന്നു...അടുത്ത എട്ട് എന്നത് ... കാമം, ക്രോധം, ലോഭം, മോഹം, മദം, മാത്സര്യം, ഡംഭം, അഹങ്കാരം എന്നിവയാകുന്നു...അടുത്ത എട്ട് എന്നത്... മനസ്സ്, ബുദ്ധി, ചിത്തം, അഹങ്കാരം(വൈരാഗ്യം), ചലനം, ഭാവനം, കമ്പനം, കുഞ്ചനം എന്നിവയാകുന്നു... പിന്നെ അടുത്ത എൺമൂന്നു (ഇരുപത്തിനാല്) എന്നത്.. ഇളാ, പിംഗള, സുഷുമ്‌ന ഇവ മൂന്ന്, ...സൂര്യമണ്ഡലം, ചന്ദ്രമണ്ഡലം, അഗ്നി മണ്ഡലം ഇവ മൂന്ന്,... വാതം, പിത്തം, കഫം ഇവ മൂന്ന്, പുത്രേഷണ
, വിത്തേഷണ, ദാരേഷണ ഇവ മൂന്ന്, ....സത്വം, രജസ്സ്, തമസ്സ് ഇവ മൂന്ന്,.... ജാഗ്രത, സ്വപ്നം, സുഷുപ്തി ഇവ മൂന്ന്,...അദ്ധ്യാതമികം, ആധിഭൗതികം, ആധിധൈവികം ഇവ മൂന്ന്, ... സ്തൂലം, സൂഷ്മം, കാരണം ഇവ മൂന്ന്.... ഇങ്ങിനെ ഇരുപത്തി നാല് തത്ത്വങ്ങൾ ആകുന്നു...അടുത്ത ഏഴ് എന്നത്... രസം, രക്തം, മാംസം, മേദസ്സ്, മജ്ജ, അസ്ഥി, ശുക്ലം ഇവകളാകുന്നു....അടുത്ത അഞ്ച് എന്നത്... അന്നമയം, മനോമയം, പ്രാണമയം, വിജ്ഞാനമയം, ആനന്ദമയം എന്നിവയാകുന്നു....അവസാനത്തെ രണ്ടും ഒന്നും (മൂന്ന്) എന്നത്.. ജനനം, ജീവിതം, മരണം എന്നിവയാക്കുന്നു... ഈ തൊണ്ണൂറ്റിയാറ് തത്ത്വങ്ങൾ ചേർന്നതാണ് എൻ്റെ ഈ ശരീരം....ഇതാണ് ഞാൻ മുജ്ജന്മ കർമ്മഫലം അനുഭവിച്ചു തീർക്കുവാൻവേണ്ടി ഈ ഭൂമിയിൽ എനിക്ക് ലഭിച്ചതും നാളെ നശിക്കാൻ പോകുന്നതുമായ ദേഹം... അല്ലയോ നാരായണാ.....ഇങ്ങിനെയുള്ള ഈ ശരീരത്തിൽ ഞാനെന്ന ജീവാത്മായി വാഴുന്നത് നീ തന്നെയാണല്ലോ....അതിനാൽ ഈ ശരീരത്തിൽ നിന്നും വേർപെടുത്തി നീയാകുന്ന ഈ ജീവാത്മാവിനെ നീയാകുന്ന പരമാത്മാവിൽ ലയിപ്പിച്ച് ജീവാത്മാവിനെ ജയിപ്പിക്കുക... അതിനായ് കൊണ്ട് നിൻ തിരുച്ചേവടികളിൽ അനന്തകോടി നമസ്കാരം...🙏🙏🙏🙏🙏

06/06/2024

വൈദ്യശാലയിൽ വന്ന് പരിചയപ്പെട്ട അദ്ഭുതപ്രതിഭ.ശ്രീമാൻ കൃഷ്ണൻ സാർ ..... ആറന്മുള സ്വദേശിയാണ്...... രാമായണം , മഹാഭാഗവതം , ഹരിനാമകീർത്തനം, ജ്ഞാനപ്പാന എന്നു വേണ്ട ഭക്തിയുള്ളതെന്തും കാണാപ്പാഠം ..... പരമഭക്തനുമുന്നിൽ സാഷ്ടാംഗപ്രണാമം ......