12/01/2022
শীতকালত উফিঁৰ সমস্যা:
______________________
উফিঁৰ সমস্যা শীতকালত হোৱা এবিধ ছালৰ সমস্যা। মুৰৰ ছালখন যেতিয়া শুকান হৈ পৰে অথবা মুৰত ভেঁকুৰৰ সংক্ৰমন হৈ ছালৰ সৰু সৰু টুকুৰা বোৰ চুলিৰ
মাজত দেখা দিয়ে আৰু তাকে উফিঁ বুলি কোৱা হয়।
চেবৰিক দাৰমাটাইটিছ, মেলাচেজিআ নামৰ ভেঁকুৰৰ দ্বাৰা হোৱা এবিধ চৰ্মৰোগ, যাৰ ফলত বেচিকৈ ছালৰ সমস্যা ৰ লগতে উফিঁৰ সমস্যাই ও দেখা দিয়ে । চেবৰিক দাৰমাটাইটিছ মুৰৰ লগতে চেলাউৰি অথবা নাকৰ দুয়ো কাষে হব পাৰে।
যি সকল লোকৰ ছাল খন স্বাভাৱিকতে শুকান
তেওঁ লোকৰ উফিঁ হোৱাৰ সম্ভাৱনা বেছি ।
বেচিকৈ ঘনাই শেম্পু কৰা, ছালৰ গুনাগুণ বিচাৰ
নকৰাকৈ বজাৰৰ পৰা কিনা যিকোনো শেম্পু, কন্দিশ্বনাৰ , বিভিন্ন ধৰণৰ ৰাসায়নিক পদাৰ্থ যুক্ত চুলিৰ ৰং আদি ব্যৱহাৰ কৰিলে মুৰৰ ছালখন শুকান হৈ পৰাৰ লগতে ছালৰ এলাৰ্জীক পাৰ্শ্বক্ৰিয়া হব পাৰে, খজুৱতি হব পাৰে-- আৰু লগতে উফিঁৰ সমস্যাত ভুগিব লগাত পৰে।
* কিছুমান বিশেষ চৰ্ম ৰোগ যেনে ছৰিএছিচ , একজেমা, অত্যাধিক মানসিক চাপ, পৰিপূৰক টোপনি আৰু পুষ্টিকৰ খাদ্যৰ অভাৱ, আদিৰ বাবে ও ছালৰ লগতে উফিঁৰ সমস্যা হব পাৰে।
* কিছুমান স্নায়ু জনিত ৰোগ , থাইৰয়ড, মধুমেহ
বা যি সকলৰ ৰোগ প্ৰতিৰোধী ক্ষমতা কম, সেই সকলৰ চেবৰিক দাৰমাটাইটিছ, উফিঁৰ সমস্যা অথবা অন্যান্য চৰ্ম ৰোগ হোৱাৰ সম্ভাৱনা বেছি।
* অত্যাধিক উফিঁৰ সমস্যাৰ ফলত অত্যন্ত খজুৱতি হৈ মুৰৰ ছালখন ৰৰ্ঙা হৈ উখহি পৰিলে
লগতে চুলি সৰা সমস্যা ই দেখা দিলে অনতিপলমে
চিকিত্সকৰ (চৰ্ম ৰোগ বিশেষজ্ঞ) MD Dermatologist ৰ পৰামৰ্শ লোৱা উচিত।
