https://www.facebook.com/104475182161837/

Punarjani Genetic Clinic, Seventh Day Adventist Hospital, Palakad, Ottapalam (2026)

19/03/2026

Dear Parents,

Behavior Issues, Developmental Delay, Genetic ആവശ്യങ്ങൾക്കായി ഒറ്റപ്പാലം മേഖലയിൽ recommend ചെയുന്ന Speciality-യും, Doctors നെയും, സ്ഥാപനങ്ങളെയും നമ്മൾക്കൊന്നു പരിചയപ്പെടാം.

1. Paediatric Neurology (കുട്ടികളുടെ ന്യൂറോളജി) :
*Dr Davis Manuel (PK DAS Hospital)

2. Paediatric Genetics (ജനിതക അവലോകനത്തിനും Genetic Test നടത്തുന്നതിനും) :
* Dr Ebin Roshan Paul (Seventh Day Hospital)

3. Paediatric Opthalmology :
*Dr Sandhya & Dr Joe (Eye Care Hospital, തോട്ടകര)

4. Developmental Paediatrician :
*Dr Jithin Pankaj (Valluvanud Hospital)

5. Cardiologist :
*Dr Vikram Shankar (Vikram Shankar Clinic, Panamanna Road )
*Dr Frijo (PKDAS Hospital)

6. Paediatric Endocrinology :
*Dr Deepa Anirudhan, Thrissur Medical College (Friday Clinic)

7. Paediatric Dental :
*Dr Saranya (Seventh Day Hospital)

8. Counseling, Behaviour Therapy and Interventions :
*Dr Devapramod (Seventh Day Hospital)

9. Physiotherapy :
*Dr Sajeesh ( Seventh Day Hospital)

10. Fetal Medicine Specialist and Prenatal Analysis :
*Dr Prasanth (KARE Hospital)
*Dr Guha Preetha (Valluvanud Hospital)
*Dr Amita Kannan (Alathur FMC)

* 6 മാസം കൂടുമ്പോൾ Genetic/Development കേസുകൾ Follow up ചെയേണ്ട recommended Paediatrician (കുട്ടികളുടെ ഡോക്ടർ)*

1. Dr Anjali Ann Chacko (Seventh Day Hospital)

2. Dr Varsha VP (PKDAS Hospital)

* കുട്ടികളുമായുള്ള യാത്ര സൗകര്യം, സാമ്പത്തിക സ്ഥിതി, കുട്ടികളുടെ therapist ആയുള്ള rapport - ഇവയെല്ലാം നോക്കി തെരെഞ്ഞെടുക്കാവുന്ന അടുത്തുള്ള Therapy Centre List*

1. Moonlight Clinic (near Thaluk Hospital Ottapalam)

2. Amma Multi Speciality Clinic (Koonathara)

3. Amma Multi Speciality Clinic (Cherpulassery)

4. ICCONS (Shornour)

5. Bridge Center (near Pattambi Bridge)

6. Agaram OT (Perinthalmanna)

7. Peek A Boo Child Development Centre (Valluvanud Hospital)

Disclaimer: മേല്പറഞ്ഞ list യാതൊരു സ്ഥാപനത്തിന്റെയോ ആളുകളുടെയോ പരസ്യങ്ങൾ അല്ല. പൊതുജനതാല്പര്യാർത്വം മാതാപിതാക്കളുടെ അറിവിനായി സമർപ്പിക്കുന്നു. കാലക്രമേണ ലിസ്റ്റിൽ മാറ്റങ്ങൾ വരാനും സാധ്യതകൾ ഉണ്ട്.

06/03/2026

Little Steps Online platform. Happy to extend our reach worldwide. Please WhatsApp for further information.

Dr Ebin Roshan 9539318467 (Clinical Genetics)
Dr Jithin Pankaj 8921811967 (Developmental Paediatrician)

16/01/2026

"മത്തൻ-കൂവളം Paradox : ഒരു ജനതിക അവലോകനം "

"കുട്ടി പഠനത്തിൽ പിന്നോട്ടാണ് ഡോക്ടറെ, എന്തെങ്കിലും ചെയ്യണം" OP യിൽ സ്ഥിരം കേൾക്കാറുള്ള പരാതികളിൽ ഒന്നാണ്. ജാതിമതവർണ്ണവർഗഭേതമില്ലാതെ ഒരേ സ്വരത്തിൽ മാതാപിതാക്കൾ പറയുന്ന പരാതി. "ഇവൻ/ഇവൾ അത്ര പോരാ" ഇതു കേൾക്കുമ്പോൾ തന്നെ പല കുട്ടികളുടെയും മുഖം വാടും, ചിലർ താഴേക്ക് നോക്കും, മറ്റുചിലർ നിർനിമേഷരായി മിഴിച്ചു നോക്കും, ചിലർ കേൾക്കാത്ത മട്ടിൽ ഇരിക്കും, ചില വിരുതൻമാർ കൂളായിരുന്നു ചോദ്യവും കേട്ട് വെളുക്കനേ ചിരിക്കും. അങ്ങനെ ഓരോരുത്തരും ഓരോ രീതിയിലാണ് പ്രതികരിക്കുക.

ചോദ്യം നിസ്സാരം ആണെങ്കിലും ഇതിനൊരുത്തരം കൊടുക്കൽ പ്രയാസമാണ്. 10 min സമയം കൊണ്ട് യഥാർത്ഥ കാരണം കണ്ടെത്താൻ നമ്മൾ ശരിക്കും കഷ്ടപെടണം. എന്നാൽത്തന്നെയും എല്ലാവർക്കും എപ്പോഴും ഒരു കാരണം കിട്ടണമെന്നുമില്ല. ഒരു "structured format" ഇൽ വേഗത്തിൽ ഒന്നുപോയി നോക്കും.
"ചിലോർക്ക് ശരിയാകും ചിലോർക്ക് ശരിയാകില്ല" അത്ര തന്നെ.

ഒന്നാമതായി കുട്ടികളിലെ ശാരീരിക പ്രശ്നങ്ങൾ - കാഴ്ച, കേൾവി, വിളർച്ച (anemia) ആണ് നോക്കുക.

a) കാഴ്ച: ക്ലാസ്സിൽ ടീച്ചർ ബോർഡിൽ എഴുതുന്നത് കാണുന്നുണ്ടോ. അല്ലെങ്കിൽ കൂട്ടുകാരുടെ notebook നോക്കേണ്ടി വരുന്നുണ്ടോ, കാഴ്ചകൾ "രണ്ടായി" കാണുന്നുണ്ടോ, കാണുന്നതിൽ മങ്ങൽ ഉണ്ടോ, വൈകുന്നേരമാകുമ്പോൾ കണ്ണുവേദന വരുന്നുണ്ടോ എന്നി ചില പ്രാഥമിക ചോദ്യങ്ങളിലൂടെ അന്വേഷിക്കുന്നു. ആവശ്യം ഉണ്ടെകിൽ പരിശോധിക്കാൻ എഴുതി വിടുന്നു. അതിലൊരു 30-40 % കുട്ടികൾക്ക് അടുത്ത വരവിൽ മുഖത്തു കണ്ണട കാണും.

b) കേൾവി: വീട്ടിൽ TV volume കൂടുതൽ വയ്ക്കുന്നുണ്ടോ. വളരെ അടുത്ത് ഇരുന്ന് കേൾക്കുന്നുണ്ടോ. അവരെ ഉറക്കെ വിളിക്കേണ്ടി വരാറുണ്ടോ. വിളിച്ചാൽ കേൾക്കാത്ത മട്ടിൽ ഇരിക്കാറുണ്ടോ. ഇവയൊക്കെയാണ് ചോദിക്കാറുള്ളത്.

c) വിളർച്ച: കൈപത്തി, കൺപോള, നാവ് തുടങ്ങിയ ഭാഗങ്ങൾ പരിശോധിക്കാം. ആഹാരരീതികൾ പരിശോധിക്കാം. ആവശ്യത്തിന് protein, iron കിട്ടുന്നുണ്ടോ? ഇതൊക്ക നോകാം.

പിന്നെ വരുന്ന കാരണങ്ങളിൽ

a) വീട്ടിലെ കൂടുതൽ Screentime (ഇതിൽ ടീവി, മൊബൈൽ, ലാപ്ടോപ്, ടാബ് എല്ലാം ഉൾപെടും).
b) ചില Specific Learning disability (SLD)
c) അല്ലെങ്കിൽ അവരിലെ വ്യക്തിപരമായ കാര്യങ്ങൾ- trauma, abuse, broken family/relationship, school bullying ഇത്തരം പ്രശ്നങ്ങളാണ്. പക്ഷേ ഇവക്കെല്ലാം ഒരു Qualified Counselor-ലുടെ ആവശ്യം ഉണ്ട്, നമ്മളെ കൊണ്ട് കൂട്ടിയാൽ കൂട്ടില്ല.

മേല്പറഞ്ഞവ എല്ലാം വിലയിരുത്തിക്കഴിഞ്ഞാൽ പിന്നെയെന്തു എന്ന ചോദ്യം ബാക്കിയാകും. അപ്പോളാണ് നമ്മടെ "മത്തനും-കൂവളം paradox" കളത്തിൽ വരിക. ചോദ്യങ്ങൾ അടുത്ത തലത്തിലേക്കു കടക്കുകയായായി. ഒരു ഉദാഹരണം

"എത്ര ഒക്കെ സ്ഥാനങ്ങളിൽ വരും കുട്ടി ക്ലാസ്സ്‌ പരീക്ഷയിൽ"

"ഒന്നും പറയണ്ട ഡോക്ടറെ. കഴിഞ്ഞ വർഷം ക്ലാസ്സിൽ 1- നും 2 -ഉം നിന്ന ആളാണ് ഇപ്പോൾ 10 നുള്ളിൽ കയറിയാൽ ഭാഗ്യം. മിണ്ടാതെ ഇരിക്കുന്നെ കണ്ടില്ലേ".

"ആട്ടെ എത്ര പേരുണ്ട് കുട്ടിയുടെ ക്ലാസിൽ?

"അതൊരു 30-40 പേരുണ്ട്".

"40 പേരിൽ കുട്ടി 10 ത്തിനുള്ളിൽ വരുന്നത് നല്ലതല്ലേ. അതത്ര മോശം സ്ഥാനം ആണോ"

"ഡോക്ടറെ, നമ്മളോ എങ്ങും എത്തിയില്ല. ഇനി ഇവരിൽ ആണ് ആകെ പ്രതീക്ഷ".

"എന്നാൽ ആയകാലത്തു നിങ്ങൾക്കു പഠിച്ചു ഡോക്ടർ, എഞ്ചിനീയർ, IAS ഒക്കെ ആകാമായിരുന്നില്ലേ. അല്ല ഇനിയും സമയം ഉണ്ടല്ലോ ഒന്നു ശ്രമിച്ചുനോക്കു.

"അയ്യോ ഞങ്ങൾക്ക് അത്ര ബുദ്ധി പോരാ. മനസ്സിൽ പണ്ടേ ഒന്നും നിൽക്കില്ല ലേശംപിന്നോട്ടാ". കൂടെ ഒരു വെളുക്കനേ പല്ലുകാണിച്ചു 100W ചിരിയും.

"ഈ കുട്ടി നിങ്ങളുടെ അല്ലേ. പപ്പാതി നിങ്ങളുടെ അല്ലേ DNA. ആ (പൊട്ട) DNA യുടെ കഴിവുവെച്ചിട്ട് ക്ലാസിൽ 10-നുള്ളിൽ നല്ലൊരു സ്ഥാനം നേടുന്നില്ലേ. അപ്പോൾ അവരെ അഭിനന്ദിക്കുകയല്ലേ വേണ്ടേ?"

"ഡോക്ടർക്കു അതു പറഞ്ഞാൽ മനസ്സിലാവില്ല"

അതെ എനിക്ക് പലപ്പോഴും മനസിലാക്കാറില്ല സത്യം. പല സന്ദർഭങ്ങളിലും മാതാപിതാക്കൾ അവരുടെ നഷ്ടസ്വപ്നങൾ (Doctor/ Engineer/Professor/Dance/പാട്ട് / IAS/മറ്റു ഉയർന്ന സ്ഥാനങ്ങൾ) കുട്ടികളിലൂടെ നേടിയെടുക്കാൻ ശ്രമിക്കുന്നത് കണ്ടിട്ടുണ്ട്. എങ്ങാനും കുട്ടികൾ ആ മേഖലയിൽ ചെറിയ ചില മുന്നേറ്റങ്ങൾ നടത്തിയാൽ പിന്നെ അവർ ജീവിക്കുന്നത് തന്നെ ആ "Dopamine" ലഹരിയിൽ പൂണ്ടാണ്. കുട്ടിക്ക് ആ മേഖലയിൽ താല്പര്യം ഉണ്ടോ/ഇല്ലയോ എന്ന ചോദ്യത്തിന്റെ പ്രസക്തി അതോടെ അവസാനിച്ചു. അവരോടാണ് പറയാനുള്ളത്, ആയ കാലത്തു നിങ്ങൾ പഠിക്കണമായിരുന്നു/ശ്രമിക്കണമായിരുന്നു അല്ലെങ്കിൽ ഇപ്പോഴും ശ്രമിച്ചുകൊണ്ടിരിക്കണമായിരുന്നു നിങ്ങളുടെ passion/position ഇൽ എത്തിച്ചെരാൻ. അതെല്ലാം പണ്ടേക്ക് പണ്ടേ പൂട്ടികെട്ടി തട്ടിൻപ്പുറത്ത് വൈച്ചിട്ട് ഇപ്പോൾ തുമ്പിയെ കൊണ്ട് കല്ലെടുപ്പിക്കാൻ നോക്കിയാൽ അവസാനം നിങ്ങടെ തുമ്പി പറക്കത്തും ഇല്ല, ആ കല്ലോട്ടു പൊങ്ങത്തും ഇല്ല.

ഒരു കുട്ടി ഉണ്ടാകുന്നത് പലർക്കും അനുഗ്രഹമാണ്. ഒരു normal കുട്ടി ഉണ്ടാകുന്നത് മഹാഭാഗ്യം. ലേശം issues ഉള്ള കുട്ടികൾ ആണെങ്കിപ്പോലും ഒരു കണക്കിൽ അതും ഭാഗ്യം തന്നെ. Genetic issues ആണെങ്കിൽ അതു സമൂഹത്തിന്റെ കുട്ടി ആണ് അല്ലെങ്കിൽ സമൂഹത്തിന്റെ ബാധ്യത ആണ് അവരെ support ചെയുക, വളർത്തിവലുതാക്കി ചേർത്തു പിടിക്കുയെന്നത്. അപ്പോൾ ആണ് Super Man and Wonder Women നു വേണ്ടി ഓടിനടക്കുന്നവർ.

NB: മത്തൻ കുത്തിയാൽ കുമ്പളം വേണമെന്ന് വാശി പിടിക്കുന്ന മാതാപിതാക്കൾക്ക് കൂവളമെങ്കിലും നൽകുന്ന കുട്ടികളല്ലെ യഥാർത്ഥ Heros.

Dr Ebin Roshan Paul
Consultant Paediatrician & Clinical Geneticist
Ottapalam

05/01/2026

പഞ്ചാരവൈദ്യവും പഞ്ചാരചിരിയും ❤️

വൈകുന്നേരത്തെ ക്ലിനിക്കിൽ പരിഭ്രാന്തിയായി മറ്റുള്ളവരെയും തട്ടിമാറ്റിയാണ് ആയമ്മ കുട്ടിയെയും തൂക്കി വന്നത്. വരവ് കണ്ടപ്പോൾ എനിക്കും ആധിയായി അത്ര വലിയ എമർജൻസി കേസ് ഒന്നും ക്ലിനിക്കിൽ പറ്റില്ല refer ചെയേണ്ടി വരും. പക്ഷേ അതാണ് അതിലുമേറെ പ്രയാസം. ഒറ്റനോട്ടത്തിൽ കുട്ടിക്ക് അത്ര പ്രശ്നം തോന്നാത്തത് കൊണ്ട് ഞാനുമൊന്നടങ്ങി. വരുന്നിടത്തു വെയ്ച്ചു കാണാം.

"എന്ത് പറ്റി മോനു"

"ഒരു കുപ്പി ഗുളിക മുയുവൻ ഓൻ മിണുങ്ങിന്"

(ഉറപ്പിച്ചു Reference തന്നെ വയറു കഴുകണം)

"ഏതാ മരുന്ന്, ശീട്ടോ കുപ്പിയോ ഇണ്ടോ കൈയിൽ, വയറു കഴുകണം എപ്പോഴാ വിഴുങ്ങിയേ"

"ദാണ്ടേ ഇതു മുയുവൻ മിണുങ്ങിന്, ഇബടെ പറ്റില്ലേ"

"ഹേയ് ഇവടില്ല, casuality പോയി പേപ്പർ കാണിക്കണം അവിടുന്നു വിളിക്കും"

പറഞ്ഞശേഷം ഉമ്മച്ചി തന്ന കുപ്പി നോക്കുമ്പോൾ ഹമ്പട നമ്മടെ പഞ്ചാരഗുളികയാണ് താരം (Homeo). ശ്വാസം നേരെ വീണു.

"നീ മൊത്തം കഴിച്ചിനി?" ചോദ്യം അവനോടായി.
"ഹമ്മ്"
"എടാ മിടുക്കാ കൊള്ളാല്ലോ നീയ്, മിട്ടായി അന്നെനാ തോന്യേ..?"

ചോദ്യങ്ങൾ സരസമായി അന്തരീക്ഷം ശാന്തമായി.
കൊച്ചനിരുന്ന് കുടു കുടാ ചിരിക്കുന്നു. ഇനി ഒരു കുപ്പി കൂടി കിട്ടിയാൽ ഒതുക്കത്തിൽ മിനുങ്ങാൻ ready ആണ് പഹയൻ.

ഓന്റെ ചിരി കണ്ടു ഉമ്മാന്റെ control പോയി,
"അസത്തു"
ആദ്യനുള്ള് പൊട്ടി. നന്നായി മനസിലോർത്തു രണ്ടു കിട്ടേണ്ട case തന്നെ.

"എവിടുന്നാ ഗുളിക വാങ്ങിയേ, കൊള്ളാവുന്ന സ്ഥലം ആണോ"

"Government Hospital നിന്നാ, ദാ ശീട്ടുണ്ട്"

"എന്നാ പേടിക്കണ്ട വീട്ടിൽ പൊക്കോ, ലേശം വയറുവേദന ചിലപ്പോ ഇളക്കം വരും സാരല്ല. കൂടുതലാണെങ്കിൽ ഫോണിൽ അറിയിച്ചാൽ മതി. തത്കാലം ഒന്നും വേണ്ടാ"

"പ്രശ്നന്മാകുമോ ഡോക്ടറെ?" ഉമ്മ വിടുന്നില്ല.

"എന്തൂട്ട് പ്രശ്നം, ഒന്നും പേടിക്കണ്ട ഇതു പഞ്ചാരഗുളികയും ലേശം കള്ളും (alcohol) മാത്രേയുള്ളൂ. Science പ്രകാരം ഒരു തരി (molecule) പോലും മരുന്നില്ല അതോണ്ടന്നെ side effects ഇല്ല. ഇങ്ങള് പൊക്കോളിൻ."

"അപ്പൊ അസുഖം മാറുന്നതോ" ഉമ്മച്ചി പിന്നെയും വിടുന്നില്ല.

"അതു നിങ്ങൾ പ്രാർത്ഥിക്കുന്ന ചില കാര്യങ്ങൾ പടച്ചോൻ ജീവിതത്തിൽ നടത്തിതരുന്നില്ലേ... അതുപോലെയുള്ളൂ പ്രാത്ഥന ഫലിച്ചാൽ Homeo- യോയും ഫലിക്കും. ധൈര്യമായി പൊക്കോളിൻ"

NB: ഇപ്പോൾ vital force, water memory, കുലുക്കിയടി, 30C യുടെ explanation ഒക്കെ നിർത്തി. സാധാരണക്കാർക്ക് ഇതാണ് സൗകര്യം.

വാലറ്റം : അങ്ങനെ അവസാനം Homeo medicine poisoning antidote കിട്ടിയിരിക്കുന്നു..
2 നേരം ബ്ലാക്ക് കോഫി കുടിക്കുക പോയി കിടന്നു ഉറങ്ങുക. കോഫി ഇഷ്ടം ഉള്ളവർക്ക് 3 നേരം ആയിക്കോളു 🙂

Dr Ebin Roshan Paul
Consultant Paediatrician and Clinical Geneticist
Ottapalam

24/12/2025

"Sexual Grooming" സമൂഹത്തിലും കുടുംബങ്ങളിലും & കുടുംബബന്ധങ്ങളിലും
- Part I Pe******ia

തലക്കെട്ട് : ഗുണത്തെക്കാളേറെ ദോഷമാണോ ഈ എഴുത്ത് വരുത്തുന്നതെന്ന പേടി കാരണം വേണ്ടെന്നു കരുതിയ വിഷയങ്ങൾ ആണ്. എന്നാൽ നമ്മിൽ ഇല്ലാത്ത ലൈംഗികവിചാരം മറ്റുള്ളവരിലും സമൂഹത്തിലും കാണുകയില്ലെന്ന ജനങ്ങളുടെ ശക്തമായ പൊതുബോധവും അറിവില്ലായ്മയും മിഥ്യാധാരണയും മൂലം ആ പേടി തൽക്കാലം മാറ്റിവെയ്ക്കുന്നു.

വളരെയേറെ controversy ഉള്ള, തൊട്ടാൽ കൈപൊള്ളുന്ന ഒരു വിഷയമാണ്. ഈയിടെ 4 കുട്ടികളുടെ പിതാവ് UK യിൽ 13 കാരിയെ sexual grooming ശ്രമിച്ചു അറസ്റ്റിൽ ആയി എന്ന വാർത്ത ഞെട്ടലോടെയാണല്ലോ നാമെല്ലാം വായിച്ചത്. അതൊന്നും പോരാത്തതിന് അയാൾ ആയിരുന്നത്രെ അവിടുത്തെ ക്രിസ്ത്യൻ പള്ളിയിലെ സൺ‌ഡേ സ്കൂൾ അദ്ധ്യാപകൻ. പുറമെ നിന്നു നോക്കുമ്പോൾ ജീവിതത്തിൽ ഉത്തമനായ ഒരു പുരുഷൻ - കുടുംബം, കുട്ടികൾ, ദൈവഭക്തി, ജോലി, സാമൂഹികവേല എല്ലാമുണ്ട്. പക്ഷേ ആരും അറിയാത്ത ഒരു "inner life". സ്വന്തം കുട്ടിയുടെ പ്രായത്തിലുള്ള അന്യകുട്ടികളെ തന്നിലേക്ക് ലൈംഗികമായി ആകർഷികാൻ നോക്കുന്നു. അവരെ ചൂഷണം ചെയ്യാനുള്ള സാഹചര്യങ്ങൾ തന്ത്രപൂർവ്വം മെനെഞ്ഞെടുക്കുന്നു. അയാൾ പിടിക്കപ്പെട്ടോണ്ട് നാട്ടുകാർ ഈകാര്യം അറിഞ്ഞു ഇല്ലായിരുന്നെങ്കിലോ? പിടിക്കപ്പെടാത്ത എത്രയെത്രയോ ആളുകൾ, എത്രയോ സംഭവങ്ങൾ നമ്മുക്ക് ചുറ്റിലും നടക്കുന്നു.

എന്താണ് ഇതിന്റെയൊക്കെ അർത്ഥം - പുറമെ നോക്കുമ്പോൾ ഒരു ഉത്തമ കുടുംബസ്ഥൻ/സ്ഥയായതുകൊണ്ടോ, ഉന്നത വിദ്യാഭ്യാസം കിട്ടിയതുകൊണ്ടോ, സമൂഹത്തിൽ ഉന്നതസ്ഥാനം വഹിക്കുന്നതുകൊണ്ടോ, ദൈവീകമായ ജോലികൾ (മദ്രസ, പള്ളി, sunday സ്കൂൾ, അധ്യാപകജോലി), care taker, orphanage, സ്കൂൾ ഇതര ജോലികൾ- ആയ, ഗാർഡനർ, ക്ലീനർ, പ്യുൺ എന്നിവ ചെയുന്നതുകൊണ്ടോ നമ്മൾക്ക് ആരെയും പുറമെ വിലയിരുത്താൻ സാധിക്കുകയില്ല.

ഈ എഴുത്ത് സീരീസ് മുഴുവൻ തീരുമ്പോൾ ഇത്തരം ജോലികളിൽ സ്വമേധയാ വന്നു ചേരുന്നവരെ സംശയദൃഷ്ടിയോടെ നിങ്ങൾക്ക് നോക്കി കാണേണ്ടിവരുമെന്നുള്ളതിനാൽ അത്ര മാനസികബലം ഇല്ലാത്തവർ തുടർന്നു വായിക്കാൻ നിൽക്കരുത്.

Pe*****le x Hebephile x Ephebophile

POCSO എന്ന ഒറ്റകുറ്റത്തിൽ ഇവയെല്ലാം ഉൾപ്പെടുന്നതിനാൽ പലപ്പോഴും Pe*****les "ഞരമ്പു രോഗികൾ" എന്ന ലേബലിൽ സമൂഹം നിസ്സാരവൽകരിക്കുന്നത് കാണപ്പെടുന്നുണ്ട്. സമൂഹത്തിൽ ഏറ്റവും മനുഷ്യത്വമില്ലാത്തതും ക്രൂരവും പൈശാച്ചികവുമായ കുറ്റമാണെങ്കിലും അതു യഥാർത്ഥ രീതിയിൽ റിപ്പോർട്ട്‌ ചെയപ്പെടാതെയും അല്ലെങ്കിൽ അതിൽ വളരെ ചെറിയൊരംശം മാത്രം പുറം വെളിച്ചം കാണുകയും ചെയുന്നു. "Tip of the iceberg" പോലെ വലിയൊരു ഭാഗം ആഴത്തിൽ മുങ്ങിക്കിടക്കുന്നു അല്ലെങ്കിൽ കിടപ്പിക്കുന്നു. ഇത്തരം Pe******ia കേസുകളിൽ Victim അഥവാ ഇര ആകുന്നത് വളരെ ചെറിയ കുട്ടികൾ (Puberty ലക്ഷണങ്ങൾ ഒന്നുമില്ലാത്ത- മാറു വളർച്ച, രോമവളർച്ചയില്ലാത്ത, ശരീരഘടന മാറാത്ത) ആടിപാടിഓടി പൂമ്പാറ്റകളെ പോലെ പാറി നടക്കുന്ന നിഷ്കളങ്കരായ കുട്ടികൾ ആയതിനാൽ വളരെ പ്രാധാന്യമുണ്ട്. താൻ ആണാണോ പെണ്ണാണോ എന്ന് മനസ്സുക്കൊണ്ടോ ശരീരംക്കോണ്ടോ തിരിച്ചറിയാനാവില്ലാത്ത അവരോടു തോന്നുന്ന ലൈംഗികതൃഷ്ണ ഏറ്റവും മ്ലേച്ഛവും നിന്ദാപരവുമാണ്. മനുഷ്യരിൽ അല്ലാതെ വേറൊരു മൃഗജാതിയിലും ഇത്തരമൊരു വൈകൃതം ഉള്ളതായി അറിവില്ല.

അടുത്തതായി "Sexual Grooming". ഇതിനെപ്പറ്റി നമ്മുടെ നാട്ടിൽ അത്ര പരിചയമില്ലെന്ന് തോന്നിയിട്ടുണ്ട്. ഒരു അപ്രതീക്ഷിത സാഹചര്യത്തിൽ പെട്ടു, അപ്രതീക്ഷിതമായി ഒരു കുട്ടി ആക്രമിക്കപെടുന്ന അവസ്ഥയല്ലിതു. അതുകൊണ്ട് തന്നെ അതിലേക്കു നയിക്കുന്ന ഘടക്കങ്ങളെ ഒരു സംശയലാക്കുള്ള വ്യക്തിക്ക്/മനസ്സിന് മാത്രമേ തിരിച്ചറിയാൻ കഴിയുള്ളൂ. സമൂഹത്തിൽ ഉള്ള ഭൂരിഭാഗമുള്ള നിഷ്കളങ്കകർക്കും തിരക്ക് പിടിച്ച ജീവിതത്തിന്റെ രണ്ടറ്റം കൂട്ടിമുട്ടിക്കാൻ ഓടിനടക്കുന്നവർക്കും ഇതൊന്നും ഇങ്ങനെ ആലോചിക്കാനോ കൂട്ടിചിന്തിക്കാനൊ തിരിച്ചറിയാന്നോ സാധിക്കുകയില്ല. ഒരു ചിലന്തി തന്റെ വല നെയ്യും പോലെ വളരെ പതുക്കെ ഘട്ടം ഘട്ടമായി കെണിയൊരുക്കി, ഇരയെ (ഇവിടെ കുട്ടിയെ) അവിടെ എത്തുന്നതിനായി കാത്തിരിക്കുതിനെയാണ് "grooming" എന്നു പറയുക.

ഈ കേസുകളിലെ പ്രതികൾ അടുത്ത ബന്ധുക്കളോ, പരിചയക്കാരോ, അധ്യാപകരോ ആണെന്നുള്ളതാൽ ആ മേഖലയിൽ വരുന്ന കാര്യങ്ങൾ ഉദാഹരണങ്ങൾ ഉപയോഗിച്ചു focus ചെയാം.

Part 1 Pe******ia
നമ്മുക്കു ചുറ്റും ശ്രദ്ധിക്കേണ്ട പൊതു ലക്ഷണങ്ങൾ

1.1 അവർ മാതാപിതാകളിലും വീട്ടുകാരിലും ആദ്യമായി അവരുടെ വിശ്വാസം അഥവാ "trust" നേടിയെടുക്കുന്നു. Over charming-ആയ വിശ്വസ്ഥനായ ഒരു കുടുംബാംഗം എന്ന തലത്തിലേക്ക് സ്വയം ഉയരുകയും, വീട്ടിൽ എപ്പോൾ വേണമെങ്കിലും എവിടെയും കയറിയിറങ്ങാൻ ഉള്ള സ്വാതന്ത്ര്യം നേടിയെടുക്കുകയും ചെയുന്നു. പ്രതേകിച്ചും വീട്ടിലെ റൂമിനുള്ളിലെ / private space-ലെ സഞ്ചാരസ്വാതന്ത്ര്യം കൈവശമാക്കുന്നു.

1.2 കുട്ടികളിൽ നിഷ്കളങ്കമായ അമിതതാല്പര്യം കാണിക്കുക. അവരുടെ പഠനമികവ്, സൽസ്വഭാവം, കലാപരമായ കഴിവുകൾ, അഭിരുചികൾ എന്നിവയിൽ അവർ അമിതതാല്പര്യങ്ങൾ പ്രകടിപ്പിക്കുകയും അതിലെ ചില "പോരായ്മകൾ" പരസ്യമായി ചൂണ്ടിക്കാട്ടി അതു തിരുത്തേണ്ടുന്നത് അവരുടെ നന്മക്കു ആണെന്ന പൊതുബോധം ചുറ്റിലും ഉണ്ടാക്കിയെടുക്കുന്നു. അങ്ങനെ അവർ മുൻകൈ എടുത്തു ചില നിയത്രണങ്ങൾ - സ്പെഷ്യൽ ട്യൂഷൻ, വേറെ കുട്ടികളുമായി ഇടപഴക്കുന്നതിനും, സംസാരിക്കുന്നതിനും വിലക്ക് ഏർപ്പെടുത്തുകയും, കൂട്ടുകാരെ select ചെയ്യാൻ ശ്രമിക്കുകയും, അവരുടെ കളി സമയങ്ങൾ നിയന്ത്രിക്കാൻ ഉള്ള സ്വാതന്ത്ര്യം കുടുംബങ്ങളിൽ നിന്നും നേടിയെടുക്കുകയും അതു വഴി Private time ഉണ്ടാക്കിയെടുക്കാൻ അവസരം സൃഷ്ടിക്കുകയും ചെയുന്നു.

1.3 Target ആയ കുടുംബങ്ങളിൽ "അത്യാവശ്യ" സമയം നോക്കി "ആവശ്യ" സേവനങ്ങൾ കൈയ്യയച്ചു കൊടുക്കുക. പെട്ടന്ന് ആരും പ്രതീക്ഷിക്കാതെ ഇവർ (Predator) തങ്ങളുടെ മിനക്കേടും, സമയവും, പണവും ചിലവാക്കി കാര്യങ്ങൾ ആ കുടുംബത്തിൽ ചെയ്തു കൊടുക്കും. കേൾക്കുന്നവർ എല്ലാം അതിശയിച്ചു അവരെ പുകഴ്ത്തി പാടും. അങ്ങനെ ആ കുടുംബത്തിലെ Dependency / ആശ്രിതത്വം ഇവർ നേടിയെടുക്കും, ബഹുമാനം കൈക്കലാക്കും. ഇതൊക്കെ കാണുന്ന പാവം കുട്ടികൾ അവരെ ആർക്കും എതിർക്കാൻ കഴിയില്ലെന്നും, നടന്ന കാര്യങ്ങൾ പുറത്തു അറിയിച്ചാൽ പ്രയാസങ്ങൾ തന്റെ കുടുംബത്തിനും മാതാപിതാക്കൾക്കും ഉണ്ടാക്കും എന്ന ചിന്ത അവരിൽ പതിയെ ഉളവാക്കപെടുന്നു. അങ്ങനെ അവർ ഉള്ളിൽ നിന്നും emotionally silent ആക്കുന്നു. ആരോടും ഒന്നും തുറന്നു പറയാൻ കഴിയാതെ എല്ലാം സഹിച്ചു ഒടുവിൽ അന്തർമുഖനായി മാറുന്നു.

1.4 Prey and Predator ഒറ്റയ്ക്ക് ആയാലും സാരമില്ല, സുരക്ഷിതർ ആണെന്ന പൊതുബോധം ഉണ്ടാക്കിയെടുക്കുക. സ്കൂളിൽ നിന്നോ ട്യൂഷൻ നിന്നോ വിളിച്ചു കൊണ്ട് വരുമ്പോൾ ചെറിയ ചെറിയ ബ്രേക്ക്‌ (snack/ഐസ്ക്രീം/ഷോപ്പിങ്) എടുത്തു ഒരു "safe zone" ഉണ്ടാക്കിയെടുക്കുന്നു. ആ സമയങ്ങളിൽ തന്റെ കുട്ടി safe ആണെന്ന ധാരണ മാതാപിതാക്കളിൽ പതിയെ അശ്രദ്ധ വളർത്തുന്നു. പതിയെ അവരെ ആരും ശ്രദ്ധിക്കാതാക്കുകയും ചെയ്യുന്നു.

1.5 കുട്ടിയുടെ "Safeguard" -ടുകൾ മനഃപൂർവം താഴ്ത്തുക പിന്നെ "Boundary Erosion" പ്രയോഗിക്കുക. "അരുത്" എന്ന് പലയിടങ്ങളിൽ നിന്നും പറഞ്ഞു പഠിപ്പിച്ച കാര്യങ്ങൾ പതിയെ പതിയെ normalise ചെയ്തു അവരിൽ അതു സ്വാഭാവികമാക്കി മാറ്റുന്നു (desensitization). പരസ്യമായി കുട്ടികളെ "good touch" ചെയ്തു പതിയെ confusion ഉളവാക്കി പിന്നെ സ്വകാര്യതയിൽ അതു "bad touch" ഇലേക്ക് കടക്കുന്നു. കുട്ടിക്ക് തന്നെ അവസാനം സംശയമാകുന്നു ഇതിൽ ഏതു ഏതാണെന്നു. പിന്നെ മുൻ‌കൂർ ആയി "trust" നേടിയെടുത്തിട്ടുള്ളത് കാരണം അവരുടെ മനസ്സിൽ അതു തെറ്റായി പതിയാതെയാകുന്നു പിന്നെ ഓർക്കാതെയാകുന്നു.

1.6 Public ആയി കുട്ടികളെ കുറ്റപ്പെടുത്തി/കളിയാക്കി അവരെ ചെറുതായി ഒന്നു മാനസികമായി തളർത്തിയതിനു ശേഷം Private ആയി അവരെ ആശ്വസിപ്പിക്കാൻ ചെല്ലുന്നു - അങ്ങനെ ഒരു bonding ഉണ്ടാകുക. ഭാവിയിൽ ഇതൊരു bo***ge ആയും hidden connection/ secret relation /പ്രതിബദ്ധത ഉടലെടുപ്പിക്കുകയും പതിയെ അതു "victim isolation" എന്ന തലത്തിലേക്ക് ഉയരുകയും ചെയ്യുന്നു.

1.7 കേൾക്കുമ്പോൾ നിർദോഷകരമായ തമാശകളിലൂടെ സംസാരങ്ങളിലൂടെ ചെറിയ തോതിൽ sexual content ചേർക്കുകയും. ശേഷം കുട്ടികളിൽ സ്വാഭാവിക "കൗതുകം" മുതലെടുത്തു എല്ലാം അവരുടെ പഠനം/അറിവിന് എന്ന മറവിൽ അതു വലിയ തലങ്ങളിലേക്കു തിരിക്കുന്നു. എന്താണെന്ന് അറിയാനുള്ള ആകാംഷയിൽ മുന്നോട്ട് പോകുന്ന കുട്ടികൾ പിന്നെ തിരിച്ചുവരാൻ, പുറത്തു പറയാൻ പേടിക്കുന്ന അവസ്ഥയിൽ എത്തുന്നു.

വാലറ്റം: അടുത്ത ഭാഗം മുതൽ മുകളിൽ പറഞ്ഞ ഓരോ subheading ഉദാഹരണസഹിതം വിശദമായി എഴുതുന്നതാണ്. ഉദാഹരണങൾ എല്ലാം വർഷങ്ങളായി കേട്ടതും കണ്ടതും അനുഭവവും സങ്കൽപവും കൂടികലർന്നത് ആണെങ്കിലും ഇതെല്ലാം ഒരു രീതിയിൽ ക്രിമിനൽ offence പരിധിയിൽ വരുന്നതാകയാൽ സങ്കല്പികമാണെന്ന് കരുതുന്നതാണ് ഉത്തമം 🙂

Dr Ebin Roshan Paul
Consultant Paediatrician and Clinical Geneticist
Ottapalam

12/12/2025

MBBS "പെങ്ങളുട്ടി" from ഉഗാണ്ട 👩🏻‍⚕️🙏🏻✋🏻

ഒരു ദിവസം സായാഹ്നത്തിൽ ആശുപത്രിയിൽ ഒന്നു നടക്കാൻ ഇറങ്ങിയതാ. അവിടാക്കുമ്പോൾ നല്ല മുഴുത്ത മരങ്ങളുടെ അടിയിൽ കൂടി കാറ്റും കൊണ്ട് പതിയെ നടക്കാം. നോക്കുമ്പോൾ അതാ ഒരു മൂലയ്ക്ക് ചെറിയോരാൾക്കൂട്ടവും ബഹളവും. പൊതുവെ നല്ല ശാന്തസമാധാനമായ അന്തരീക്ഷമാണ് ഇവിടെ. മറ്റിടങ്ങളെ വച്ചു നോക്കുമ്പോൾ "അല്ലമ്പുകൾ" വളരെ കുറവാണ്. വല്ലപ്പോഴുമാണ് ചെറിയൊരു പൊട്ടലും ചീറ്റലും കേൾക്കുന്നെ. അതുകൊണ്ട് തന്നെ കണ്ടപ്പോൾ ഒരു കൗതുകവും, മനസ്സിൽ ഒരാഗ്രഹവും പൊന്തി- ഒന്നു പോയി നോക്കിയാലോ? സാധാരണരീതിയിൽ ഇത്തരം വള്ളിക്കെട്ടുകൾ ഒഴിവാക്കാറാണ് പതിവ്. പിന്നെ കോട്ടും കുഴലും ഒന്നുമില്ലാതെ, ജീൻസ് - ടീഷർട്ടിലായോണ്ട് അങ്ങനെയാരും നമ്മളെ ആൾക്കൂട്ടത്തിൽ തിരിച്ചറിയാനും വഴിയില്ല (തല്ലുകൊള്ളാൻ വകുപ്പില്ലെന്നു സാരം ഉണ്ണ്യേ). പൂച്ചയെപ്പോലെ പതിയെ അവിടെക്കൂടെ അങ്ങോട്ടും ഇങ്ങോട്ടും പതുങ്ങി ഓരോ റൗണ്ട് അടിച്ചു, ഒരു അപ്പാപ്പനോട് കാര്യം തിരക്കി "അല്ലാ, എന്താപ്പാ ഇവിടെ പ്രശ്നം?

അവിടുന്നും ഇവിടുന്നും കിട്ടിയ ക്ലൂ വൈച്ചു നോക്കുമ്പോൾ പ്രശ്നം സങ്കീർണമാണ്. അതിഭയങ്കരമായ കുറ്റങ്ങൾ ആണ് ആൾകൂട്ടം ആരോപിക്കുന്നത്.

a) ഇവിടെ ജനിച്ച പിഞ്ചുകുട്ടികൾക്ക് overdose മരുന്ന് അടിച്ചു കയറ്റി മയക്കി, ബോധം ഇല്ലാതെയാക്കി ICU കിടത്തി കാശു പിടുങ്ങുന്നു.

b) ശ്വാസം മുട്ടൽ ഉള്ള കുഞ്ഞിന് മുലപ്പാൽ കൊടുക്കാൻ സമ്മതിക്കുനില്ല, പകരം ICU യിൽ ആക്കി drip ഇടുന്നു അങ്ങനെ കാശു പിന്നെയും പിന്നെയും പിടുങ്ങുന്നു. പാവം കുഞ്ഞിന്റെ മൗലികാവകാശം ഹനിക്കുന്നു.

"ഹാ കഷ്ടമേ!!! സാമദ്രോഹികൾ!!!
ഇതൊക്കെ കേട്ടിട്ട് എന്റെയും ചോര തിളച്ചു. ആ കൂട്ടത്തിൽ കേറി ലവന്മാർക്ക് രണ്ടങ്ങു പൊട്ടിച്ചാലോ എന്നോർത്തപ്പോഴാ മനസ്സ് മന്ത്രിച്ചേ "അല്ല മോനെ ഇജ്ജല്ലേ ഇവിടുത്തെ Paediatrician, ഇനിയെങ്ങാനും നിന്നെ തല്ലാൻ ഉള്ള മീറ്റിങ്ങാന്നോ ഇതു".
ഉയർന്നു വന്ന ആവേശം തെല്ലോന്നടങ്ങി.

സമയം കഴിയുംതോറും പതിയെ പതിയെ പ്രശ്നത്തിന്റെ ചുരുൾ അഴിഞ്ഞു. അവരുടെ കൂടെ Bystander- ആയി ഒരു "budding" MBBS കാരി ബന്ധു ഉണ്ടത്രെ (undercover agent നമ്മൾക്ക് ഒരു ക്ലൂ പോലും കിട്ടിയില്ല- ഇതൊക്കെ നേരത്തെ പറയേണ്ടേ കുട്ടി), പുള്ളികാരിക്ക് ചില തെളിവ് കിട്ടിയത്രേ ഇവിടെ overdose മെഡിസിൻ കൊടുത്തതിന്റെ. ആ കൊച്ചിന്റെ statement മുൻനിർത്തി ആണ് ഈ ബഹളം മുഴുവനും കുടുംബക്കാർ കാണിക്കുന്നത്.

അതെന്തു തെളിവ്? തെറ്റ് ആർക്കു വേണമെങ്കിലും എവിടെയും സംഭവിക്കാം. അതുകൊണ്ട് തന്നെ എല്ലാവരും തിരിച്ചും മറിച്ചും case file പരിശോധിച്ചു, drug dose വീണ്ടും വീണ്ടും കൂട്ടിനോക്കി, Drug കാർഡ് നോക്കി, എന്തിനേറെ പറയുന്നു കുപ്പയിൽ ഇട്ട ബാക്കി waste bottle വരെ തൊണ്ടിയെടുത്തു നോക്കി.
നോ രക്ഷ ആർക്കും ഒന്നും കിട്ടിയില്ല. അവസാനം എല്ലാവരും സുല്ലിട്ടു ആ കുട്ടിയോട് അന്റെ തെളിവ് ഹാജർ ആക്കാൻ പറഞ്ഞു. എല്ലാവരും ചുറ്റും ആകാംഷകഞ്ചുകരായി നോക്കിനിൽക്കേ അതാ എടുക്കുന്നു ബാഗിൽ നിന്നും ഒരു വെള്ള തുണ്ട് പേപ്പർ. നമ്മടെ IP Pharmacy Bill.

നഴ്സറിയിൽ കിടക്കുന്ന 2.5 കിലോ ഉള്ള കുട്ടിക് മരുന്ന് വാങ്ങാൻ ചെന്നപ്പോൾ IP pharmacy യിൽ നിന്നും 1 gm(1000mg) ഇന്റെ vial ഈ ഡാക്കിറ്റർ കൊച്ചിന് കൊടുത്തു പോലും. അതു NICU യിൽ നൽകി ബില്ലും പിടിച്ചു പുറത്തിരിപ്പാണ്. ബാക്കി ഈ"കൊച്ചു ഡാകിറ്റർ" തന്റെ MBBS ഭാവനയിൽ ഊഹിച്ചു (ആ കുപ്പി മുഴുവനും NICU staff കലക്കി കുട്ടിക്കു കൊടുക്കുന്നതായും, കുട്ടിയുടെ "കിഷ്ണി" അടിച്ചു പോയതായും, തളർന്നു വീണതായും) ഓർത്തോർത്തു ഈ പാവം കണ്ണീർ വാർത്തു, പോരാഞ്ഞിട്ട് വീട്ടുകാരെയും നാട്ടുകാരെയും എല്ലാം വിളിച്ചു ഈ സങ്കടകഥ അറിയിക്കുകയും ചെയ്തു. ശുഭം 🙏🏻

Allegations എല്ലാം 100% പരിശുദ്ധമായ മണ്ടത്തരവും ഭാവനയും ആണെന്നറിഞ്ഞപ്പോൾ എല്ലാവരുടെയും ശ്വാസം വീണു. അവളുടെ കരണകുറ്റിക്കു ഒന്നു പൊട്ടിച്ചു "നീയൊക്കെ എന്തിനാടാ പഠിക്കുന്നെ" എന്ന് ചോദിക്കണമെന്നുണ്ടായിരുന്നിട്ടും തലയും താഴ്ത്തി ആ "വളിച്ച" ഇരിപ്പു കണ്ടിട്ട് സങ്കടം ആണ് തോന്നിയത്. മൊത്തത്തിൽ നമ്മുടെ മെഡിക്കൽ പ്രൊഫഷനോടുള്ള പുച്ഛവും. മുക്കിനുമുക്കിനു "മുറുക്കാൻ കട" പോലെ മെഡിക്കൽ കോളേജ് ഉണ്ടാക്കി ഓരോ 👨🏻‍⚕️👩🏻‍⚕️ ങ്ങളെ പടച്ചു വിടും.

ഉള്ളിൽ നുരഞ്ഞുവന്ന ദേഷ്യം അടക്കി വാത്സല്യത്തോടെ സ്നേഹത്തിൽ പൊതിഞ്ഞു ചോദിച്ചു "മോളെ നീ 5 ml syrup കൊടുക്കാൻ പറയുമ്പോൾ രോഗിക്ക് medical സ്റ്റോറിൽ നിന്നും സ്പൂണിൽ അല്ലാലോ, 100 ml bottle ഇൽ അല്ലേ കൊടുക്കുന്നെ, ഇവിടെയും അത്രേയുള്ളൂട്ടോ, അബദ്ധമൊക്കെ ആർക്കും സംഭവിക്കാം സാരമില്ല. ഭാവിയിൽ സൂക്ഷിച്ചാൽ മതി. ഞങ്ങൾക്ക് ദേഷ്യമൊന്നുമില്ലാട്ടോ". സൗമ്യഭാവത്തിൽ ഇത്ര പറഞ്ഞതിന് ഞാൻ റൂമിൽ നിന്നും പോകണം എന്നായി ബന്ധുക്കൾ. എന്റെ വാക്കുകൾ അവരുടെ ഡോക്ടറുട്ടിയെ വേദനിപ്പിച്ചത്രേ. Soo Soft കുട്ടി..
Ohh ശരി നമ്മൾ അങ്ങു പോയികൊടുത്തു സന്തോഷം 🥰.

അങ്ങനെ വെടിയും പുകയുമെല്ലാം അടങ്ങി കൂട്ടമെല്ലാം പിരിഞ്ഞു പോയി. കുറച്ചു നേരം സ്റ്റാഫിനോടും RMO കുട്ടികളോടും നടന്ന കഥയൊക്കെ പറഞ്ഞു ചിരിച്ചു കാറിൽ കയറാൻ പോയപ്പോൾ അതാ അവൾ!!! കൂട്ടമില്ലാതെ രാത്രിയിൽ ഒറ്റയ്ക്കൊരു മരചോട്ടിൽ ആകാശത്തോട്ടും നോക്കി ഫോണിൽ അടുത്ത കുത്തിത്തിരുപ്പിനുള്ള കോപ്പു കൂട്ടുന്നു. അവക്കേs കൊച്ചിന്റെ "ചുക്കാമണി" അടിച്ചു മാറ്റി എന്നാകും അടുത്തത് 😃

അടുത്ത ചെന്ന് രംഗണ്ണൻ സ്റ്റൈലിൽ "എടാ മോളെ, "ബ്രൂറ്റിഷൻ" കോഴ്സ് പഠിക്കുന്ന പോലെ MBBS പഠിക്കല്ലെടാ" എന്ന് പറയണമെന്നുണ്ടായിരുന്നിട്ടും, എന്റെ 1/2 മീറ്റർ തുണിയാണോ നിങ്ങളുടെ പ്രശ്നം എന്ന ചോദ്യത്തിന് തിരിച്ചു സാധ്യത ഉണ്ടായിരുന്നതിനാൽ ബുദ്ധിപൂർവം ഉപേക്ഷിച്ചു. മതേതരം മുഖ്യം ബിജിലെ ❤️

NB: താല്പര്യം ഇല്ലാത്തവർ ദയവായി ഈ കോഴ്സിൽ നിന്നും ഒഴിഞ്ഞു നിൽക്കുക. ഇനിയുള്ള കാലത്തു വലിയ മെച്ചം ഒന്നും MBBS -ന് ഇല്ല. ഇപ്പോൾ തന്നെ ഒരു JR സാലറി Tier 1 സ്ഥലങ്ങളിൽ 30000-40000 ആണ്. ഒരു ഹോം നഴ്സിന് 25000+food+accomodation കിട്ടും. So ഉപകാരം ചെയ്തില്ലെങ്കിലും ബാക്കിയുള്ളവരെ ജോലി ചെയ്യാൻ വിടുക.

Grunting and nasal prong O2 പോകുന്ന നവജാതശിശുവിനു മുലപ്പാൽ അല്ല അത്യാവശ്യം എന്ന് പറയണമെന്നുണ്ടായിരുന്നു. പിന്നെ ഓർത്തു വെറുതെ എന്തിനാ...
"ചുവരുണ്ടെങ്കില്ലല്ലേ ചിത്രം വരക്കേണ്ടു"

Dr Ebin Roshan Paul
Consultant Paediatrician & Clinical Geneticist
Ottapalam

15/11/2025

3.5 വർഷം തികയുന്നു Clinical Genetics ഇൽ പിച്ചവയ്ച്ചു തുടങ്ങീട്ട്, പക്ഷേ ഇപ്പോൾ ആണ് മനസ്സിൽ തട്ടി എഴുതാൻ ഒരു അനുഭവം ഉണ്ടാവുന്നത്.

പാലക്കാട്‌-തൃശൂർ മേഖലയിലെ Fetal Medicine Specialist-ഇൽ ഏറ്റവും പ്രിയപ്പെട്ട Dr Prasanth സർ വഴി വന്ന Antenatal കേസ് ആയിരുന്നു. 33 വയസ്സ് ഗർഭിണിയായ അമ്മ, ഏകദേശം 20 വർഷം മുൻപേ SMA Type III/IV എന്ന Clinical diagnosis Neurologist ഒരു OP പേപ്പറിൽ കോറിയിട്ടിട്ടുണ്ട്. അതല്ലാതെ വേറെ ഒരു രേഖയും അവരുടെ കൈയ്യിൽ ഇല്ല, ഒരു proper follow up ഇല്ല, detailed test ഒന്നും ചെയ്തിട്ടില്ല. ഒരു സഹോദരൻ ഉണ്ടായിരുന്നു പക്ഷേ ഇതു പോലെ അസുഖം ബാധിച്ചു നേരത്തെ മരണപെട്ടു. അവരുടെയും പറയത്തക്ക details ഒന്നുമില്ല. മൊത്തത്തിൽ ഒരു ഇരുട്ടും പുകയും - "ഈ കേസ് ഏറ്റെടുക്കണ്ട" അതായിരുന്നു ആദ്യം മനസ്സിൽ വന്ന ചിന്ത. പക്ഷേ ആ അമ്മയുമായി ഫോണിൽ സംസാരിച്ചപ്പോൾ തോന്നി അവർ ഒരു guidance അതിയായി ആഗ്രഹിക്കുന്നുണ്ട്. പഴയതു എല്ലാം തിരുത്തി ജീവിതം ഒന്നു ശരിയാക്കിയെടുക്കാൻ കടുത്ത ആഗ്രഹം പോലെ. പക്ഷേ ഇവിടെ പ്രശ്നമെന്താണെന്നന്നു
ചോദിച്ചാൽ അമ്മ ഇപ്പോൾ 8 ആഴ്ച pregnant ആണ്, പോരാഞ്ഞു ഒരു proper diagnosis ആവാത്ത ജനിതക അവസ്ഥയും. ഈ Pregnancy "വേണമോ? വേണ്ടയോ?" എന്ന അവരുടെ ചോദ്യത്തെക്കാൾ അമ്മക്ക് ഇതു മുന്നോട്ട് കൊണ്ട് പോകാൻ "പറ്റുമോ ഇല്ലയോ" എന്നായിരുന്നു എന്റെ സംശയം.

അങ്ങനെ പതിയെ ആഴ്ചകൾ കഴിഞ്ഞു- പല Google Meet, Whatsapp Consultation, ഫോൺ call ലൂടെ അമ്മയിലെ Clinical Diagnosis ഏകദേശം ഉറപ്പിച്ചു, ശേഷം Genetic Test ചെയ്തു confirmation (Homozygous status) പൂർത്തിയായി (മരിച്ചു പോയ സഹോദരന്നും അതു തന്നെ ആയിരുന്നിരിക്കാം). Test റിപ്പോർട്ട്‌ -ൽ നിന്നും Pregnancy യുമായി മുന്നോട്ട് ഉള്ള യാത്ര പ്രയാസം ആണെന്നും, നിരവധി ആരോഗ്യപ്രശ്നങ്ങൾ അമ്മക്ക് വരാൻ ഉള്ള സാധ്യത മനസിലാക്കി ഇരുവരോടും കൗൺസിലിംഗ് session ഇൽ ഇക്കാര്യം വ്യക്തമാക്കി.

പിന്നെ കുട്ടിയുടെ (ഗർഭസ്ഥ) റിപ്പോർട്ടിനായി കാത്തിരിപ്പു. 3 ആഴ്ച കഴിഞ്ഞു കുട്ടിയുടെ test റിപ്പോർട്ട്‌ വന്നപ്പോൾ normal (Heterozygous status).
അങ്ങനെ കഥയിൽ ട്വിസ്റ്റ്‌ ആയി. "നായകൻ മാറി" അഥവാ വയറിനുള്ളിലെ കുട്ടി മാറി പിന്നെ അമ്മ ആയി എന്റെ patient (Population ഇൽ Normality നമ്മളുടെ മേഖല അല്ല 🙂)

തികച്ചും സാധാരണക്കാരായ അവരെ ഈ കാര്യങ്ങൾ പറഞ്ഞു മനസിലാക്കി, അവരുടെ സാമ്പത്തികസ്ഥിതിക്കു ചേരുന്ന രീതിയിൽ സൗകര്യങ്ങൾ ഒരുകി, വരുംവരായ്കകൾ അറിയിച്ചു ഒരു post test കൗൺസിലിംഗ് നൽകുക എന്നത് ശരിക്കുമൊരു വെല്ലുവിളി തന്നെയായിരുന്നു. Google Meet ഇലെ ആ ചെറിയ സ്‌ക്രീനിൽ കൂടെ അവർ എത്ര മാത്രം കാര്യങ്ങളുടെ ഗൗരവം മനസിലാക്കി എന്നത് ഇപ്പോളും സംശയം ആണ്.

ഗവണ്മെന്റ് മെഡിക്കൽ കോളേജ് അല്ലാതെ വേറെ ഒരു option-നും അവർക്കു യാതൊരു രീതിയിലും സാധ്യമാക്കില്ലായിരുന്നു. പക്ഷേ തൃശൂർ MCH ഇലെ Gynecology, Cardiology, Pulmonology, Anaesthesia Department ഒരുമിച്ചു ഒരു സ്തുതഹാർമായ Quality Tertiary Care service അവർക്കു നൽകി. ഒന്നു രണ്ടു പ്രാവിശ്യം കൈയിൽ നിന്നും പോയി എന്ന് വിചാരിച്ചിട്ടും അവസാനം ദൈവാനുഗ്രഹത്തോടെ 34 ആഴ്ച വരെ അമ്മയും കുഞ്ഞും എത്തി, സിസേറിയൻ ചെയ്തു രണ്ടും രണ്ടായി മാറി. ഇരുവരും ഡിസ്ചാർജ് ആയി വീട്ടിൽ പോയി സന്തോഷത്തോടെ ഇരിക്കുന്നു.

NB: ഇതിലെ "സ്പെഷ്യൽ" എന്താണെന്ന് വൈച്ചാൽ ദൂരവും, അമ്മയുടെ ആരോഗ്യവസ്ഥയും, യാത്രബുദ്ധിമുട്ട് കാരണം ഇതുവരെ ഞങ്ങൾ നേരിട്ട് കണ്ടിട്ടില്ല ❤️

റൂമിലെത്തി വിളിച്ച ആ ഫോൺ call- നു ഒരുപാട് നന്ദി 🙏🏻. നല്ലവാക്കുകൾ ഒരുപാട് കിട്ടിയിട്ടുണ്ടെങ്കിലും ആ പറഞ്ഞ വരികൾ ഒരിക്കലും ജീവിതത്തിൽ മറക്കില്ല... നമ്മൾ കണ്ടിട്ടില്ല എന്ന സങ്കടം വേണ്ടാ ജീവിതം അല്ലേ യാത്രയിൽ ഏതെങ്കിലും സ്ഥലത്തു നമ്മൾ കണ്ടുമുട്ടും 🙂

Dr Ebin Roshan Paul
Consultant Paediatrician & Clinical Geneticist
Seventh Day Adventist Hospital
Ottapalam

02/11/2025

കുലതൊഴിലും, കളികൂട്ടുകാരും ഇത്തിരി DNA യും 👫🏻👩‍❤️‍👨🧬

ഉച്ചയൂണ് കഴിഞ്ഞുള്ള evening OP യിൽ ആകാംഷയോടെ ആ പത്തു കണ്ണുകൾ എന്റെ മുഖത്തു നോക്കിയിരിക്കുന്നു. ചെറിയ "നീലരാശി" യുള്ള രണ്ടു കുഞ്ഞികണ്ണുകൾ ഇതൊന്നും ശ്രദ്ധിക്കാതെ അവിടെ ഇവിടെ കൗതുകത്തോടെ പരത്തി നടക്കുന്നു. ഒരു പതിനഞ്ച് മിനുട്ട് അധ്വാനത്തിന് ശേഷം ചെറിയൊരു ദീർഘനിശ്വാസത്തോടെ ഞാൻ pen താഴെ വയ്ച്ചു. മുന്നിലെ കേസ് ഷീറ്റിൽ വരച്ചിട്ടിരിക്കുന്നത് ആ കുടുംബത്തിന്റെ "3 generation family tree" pedigree chart ആണ്. സംഭവം ഈ കുസൃതി കുട്ടിക്ക് രക്തബന്ധത്തിൽ നിന്നും കല്യാണം കഴിച്ചാൽ ഉണ്ടാകുന്ന ഒരു ജനിതക അസുഖം സംശയിച്ചു റഫറൻസ് വന്ന കേസ് ആണ്. നേരിട്ടു ഒരു ബന്ധം കാണാതിനാൽ diagnosis വേണ്ടി ഒരു Geneticist കണ്ടു ഉറപ്പിക്കാൻ വന്ന കേസ്. Pedigree നോക്കുമ്പോൾ കുടുംബത്തിലെ പുതിയ തലമുറയിലെ ഏകദേശം 40% ത്തോളം pregnancy ഏതെങ്കിലും തരത്തിലുള്ള പ്രശ്നങ്ങളിലൂടെ ആണ് പോകുന്നത്. ഒന്നുങ്കിൽ അബോർഷൻ ആകും, അല്ലെങ്കിൽ anomaly കണ്ടു വേണ്ടന്ന് വയ്ക്കും, പിന്നെ ജനിച്ചതിൽ 2 കുട്ടികൾ affected ആണ്. എല്ലാം കൂടെ ഒരു Autosomal Recessive disorder ആണ് കാണിക്കുന്നത്. എന്നാൽ പറയുമ്പോൾ യാതൊരു രക്തബന്ധമില്ലെയും താനും.

"നിങ്ങൾ തമ്മിൽ ഏതെങ്കിലും തരത്തിൽ രക്തബന്ധം ഉണ്ടോ? ഒരു 3rd കസിൻ അല്ലെങ്കിൽ ഒരു 4th കസിൻ relation, ഒന്നുകൂടി ശരിക്കു ആലോചിച്ചേ"

ഞാൻ പതിയെ അടുത്ത step ആഴത്തിൽ ചോദ്യങ്ങൾ ചോദിക്കാൻ തുടങ്ങി.

"അവർ തമ്മിൽ അങ്ങനെ ഒരു ബന്ധവും ഇല്ല ഡോക്ടറെ, പിന്നെ ഞങ്ങളുടെ 2 പേരുടെ കുടുംബങ്ങളിലും ഇങ്ങനെ ഒന്നും കേട്ടിട്ടില്ല, അങ്ങനെ ഞങ്ങൾ പെണിനെ കൊടുക്കാറും ഇല്ല. പിന്നെ എങ്ങനെയാണാവോ അസുഖം കുട്ടിക്ക് വരുന്നേ" കൂടെ വന്ന രണ്ട് അപ്പൂപ്പന്മാർ സ്ഥലം കൈയ്യേറി മാതാപിതാക്കളെ ചോദ്യശരങ്ങളിൽ നിന്നും രക്ഷിച്ചു.

"അല്ല അങ്ങനെ ഉറപ്പിച്ചു പറയാൻ നിങ്ങൾക്ക് ഇവരെ കാലാകാലങ്ങൾ ആയി പരിചയം ഒന്നും ഇല്ലാലോ, ഉണ്ടോ" അപ്പൂപ്പന്റെ overconfidence കണ്ടു ഞാൻ ലേശം പുച്ഛം ചാലിച്ചു തിരിച്ചുചോദിച്ചു.

ആ ചോദ്യത്തോടെ കളി എല്ലാം മാറി. മറക്കപ്പെട്ടത് എല്ലാം pedigree യിൽ വെളിവായി 😬

ചുരുക്കത്തിൽ പറഞ്ഞാൽ ഈ അപ്പൂന്മാർ ഇരുവരും കളികൂട്ടുകാർ ആണ്, അവർ പരസ്പരം വീടിനടുത്തുള്ള വേറെ 2 കളികൂട്ടുകാരികളെ കെട്ടി. അവരുടെ കുട്ടികളെ അങ്ങോട്ടും ഇങ്ങോട്ടും മാറ്റി കെട്ടി പോരാഞ്ഞിട്ട് കൊച്ചു മകളെ വരെ അങ്ങോട്ടും ഇങ്ങോട്ടും കെട്ടിക്കാൻ ഉള്ള plan ready ആക്കിയിരിക്കുന്ന teams ആണ്.

വേറെ ഒരു രസം എന്തെന്നാൽ ഇവരുടെ മുന്നേ ഉള്ള പൂർവികർ (അപ്പൂന്മാരുടെ അപ്പൂപ്പൻമാർക്കും മേലേ) വേറെ ഒരു ദേശത്തു നിന്നും വന്നു (Founder Effect), ഇവിടെ ഒരു ഗ്രാമമായി (Closed Population) ജീവിക്കുക ആണ്, അവർ ഇതേ സമ്പ്രദായം ആണ് അന്ന് മുതൽക്കേ നടത്തി കൊണ്ടിരിക്കുന്നേ. അതൊന്നും ആർക്കും അറിയില്ല - ഒറ്റ കാര്യം അറിയാം "രക്തബന്ധം പാടില്ല". അങ്ങനെ രക്തബന്ധം ഇല്ലാത്ത സ്നേഹബന്ധനത്തിൽ ആണ് ഫുൾ ഗ്രാമം.

"അതെ ഡോക്ടറെ ഞങ്ങൾ ഈ **** കുലതൊഴിൽ ആണ്. ഞങ്ങൾ കാലങ്ങൾ ആയി കുട്ടികളെ പുറത്തേക്കു കൊടുക്കാറില്ല. എന്താണെന്ന് അറിയില്ല ഇപ്പോൾ ആണ് ഇങ്ങനെ ഒക്കെ കേൾക്കുന്നത് പണ്ടൊന്നും പറഞ്ഞു കേട്ടിട്ടുകൂടിയില്ല" വിഷമത്തോടെ ഒരു അപ്പൂപ്പൻ പറഞ്ഞു.

അവസാനം എല്ലാരേയും 1 മണിക്കൂർ ഇരുത്തി പ്രത്യക്ഷത്തിൽ രക്തബന്ധം ഇല്ലെങ്കിലും അവരുടെ "നല്ല പ്രവർത്തി" കാരണം കുടുംബങ്ങളിൽ DNA matching ഉണ്ടായിട്ടുണ്ടെന്നും. (Reduced Gene Pool) ഭാവിയിൽ ഈ ദേശം വിട്ടു, ജാതി വിട്ടു, മതം വിട്ടു ആലോചന നോക്കുന്നതായിരിക്കും ഉചിതം (Genetic Diversity) എന്ന സരോപദേശം കൊടുത്തു യാത്രയാക്കി.

ഞാൻ പറഞ്ഞത് അവർക്കു എത്ര മനസിലായി എന്നറിയില്ലെങ്കിലും പോകാൻ നേരം അവസാനം ഇറങ്ങിയ അമ്മൂമ്മ പറഞ്ഞു "നന്ദി ഉണ്ട് ഡോക്ടറെ, ഞങ്ങൾ ഒരു കുടുംബം ആണെന്ന് ഡോക്ടർ പറഞ്ഞില്ലേ. ഞാൻ എത്ര പറഞ്ഞാലും ഇപ്പോഴത്തെ പിള്ളേര് കേൾക്കില്ല. ഇനി ഡോക്ടർ പറഞ്ഞു എന്ന് പറയാമല്ലോ. വരട്ടെ 🙏🏻"

ഇതിപ്പോ ആര് ആരെയാണ് counselling ചെയ്തേ എന്നോർത്തു ചിരിയോടെ തലയാട്ടി അടുത്ത കേസ് വിളിച്ചു 🥰

Dr Ebin Roshan Paul
Consultant Paediatrician & Clinical Geneticist
Ottapalam

15/06/2025

Dear all,
വാണിയംകുളം PK Das മെഡിക്കൽ കോളേജിൽ നിന്നും കൊടുത്തു വന്നിരുന്ന എല്ലാ സേവനങ്ങളും Seventh Day Adventist Hospital, ഒറ്റപ്പാലത്തിലേക്കു മാറ്റിയിരിക്കുന്നു.

Genetic case സംബന്ധിച്ച ആവശ്യങ്ങൾക്കു വേണ്ടി Whatsapp no 9539318467 വഴി മുൻ‌കൂർ ആയി appointment എടുക്കേണ്ടതാണ്. അത്യാവശ്യം ഉള്ള കേസുകളിൽ ആവശ്യാനുസരണം Online വഴി Google Meet സൗകര്യം നൽകപെടുന്നതാണ്.

Post test counseling കഴിഞ്ഞതും, Follow up പറഞ്ഞിട്ടുള്ളതുമായ കുട്ടികളെ നിർബന്ധമായും 6 മാസം കൂടുമ്പോൾ OP-യിൽ നേരിട്ട് കൊണ്ട് വന്നു കാണിക്കേണ്ടതാണ്.

Dr Ebin Roshan Paul
MBBS DNB (Paed) PGPN
(PDF) Paediatric Genetics
Consultant Paediatrician & Clinical Geneticist

11/06/2024

Autism Awarness Talk Part I

NB: All our genetic services, consultations and follow up cases have been shifted to Seventh Day Adventist Hospital, Ottapalam from May 20 2024 onwards.

OPD timing
Monday - Friday 9.30 am - 4.30 pm
Saturday Holiday (As per Hospital policy)
Sunday 11.30 am- 4.30 pm

Booking number: 8113817686
Other queries please Whatsapp : 9539318467

08/06/2024

PGC is a free online genetic platform meant for addressing all your genetic related doubts, queries, clinical cases, syndrome analysis, genetic testing, molecular diagnosis, counseling sessions, carrier testing, extended family screening, infertility assessment and recurrent abortion in couples.

Hai I am Dr Ebin Roshan Paul MBBS, DNB (Paed), PDF (Genetics). I am basically a Consultant Paediatrician but also doing Clinical Genetics at Seventh Day Adventist Hospital, Ottapalam, Palakad Kerala.

I have a deep interest in genetic cases and completed my Post Doctoral Fellowship in Paediatric Genetics (PDF) from IGICH (Bangalore) and training from Center for Human Genetics (Bangalore). Now i have completed 6+ years in General Paediatrics and 3+ years in Clinical Genetics. We evaluated about 200+ suspected Genetic cases till now and all of them are on our regular follow up.

My areas of expertise include
1. Developmental delay & Intellectual disability
2. Speech delay
3. Suspected Genetic disorders
4. Syndromic case evaluation
5. Metabolic disorders
6. Short stature & Skeletal Dysplasias
7. Familial Cancer Work up
8. Infertility and recurrent miscarriage in couples (Genetic causes)
9. Genetic testing & Pre/Post test counseling
10. Antenatal/ Pregnancy evaluation and testing (Amniocentesis & Chorionic Villus Sampling -CVS)
11. Treatment and follow up of all possible cases

As we all know the fact that Genetic tests are very expensive and most of our families can't afford it and no private/government insurance policies will cover the cost. So here all our testings are done directly with main Genetic labs like Medgenome Lab/Lifecell/Neuberg- without any doctor, hospital, lab commissions, so that all our patients will be getting maximum benefits at retail price. (about 3 times less)

NB: This platform will be open 24*7 online and Seventh Day Hospital, Ottapalam OPD timing will be between 9.30 am- 4.30 pm from Monday-Friday.
11.00 am - 4.30 pm on all Sundays.
Saturdays will be off as per our Hospital policy.

Questions and queries can be sent to punarjaniclinic21@gmail.com
Whatsapp is available @ 9539318467 and telephone call can be done @ 9539318467 (9 am -4 pm)
Hospital Booking can be taken at 8113817686

Other speciality we cover
* Paediatric Ortho (SDA Hospital)
* Paediatric Neurology (PKDAS MCH)
* Paediatric Opthal (Eye Care Hospital)
* Clinical Psychology (SDA Hospital)
* Behavior Therapy (SDA Hospital)
* Physiotherapy (SDA Hospital)

Thank you 🙂
Dr Ebin Roshan Paul
MBBS DNB (Paed) PDF (Genetics)

Punarjani Genetic Clinic

19/03/2026

06/03/2026

16/01/2026

05/01/2026

24/12/2025

12/12/2025

15/11/2025

02/11/2025

15/06/2025

11/06/2024

08/06/2024

Address

Telephone

Website

Alerts

Contact The Practice

Shortcuts

Share

Category