02/03/2025
🙏🏼குருவே சரணம் நற்பவி🙏🏼
🙏🏼தனஞ்செயனே போற்றி 🙏🏼
🌷அமுதமொழி
எந்த மனிதன் தன்னிடம் இருப்பதை கொண்டு திருப்தியையும் மகிழ்ச்சியையும் பெறவில்லையோ, அவன் தனக்கு எது கிடைத்தாலும் மகிழ்ச்சியடைய மாட்டான்.
தன்னை விட அடுத்தவன் நன்றாக வாழ்கிறான் எனும் எண்ணம் தான் பலரின் எல்லா துன்பங்களுக்கும் காரணமாக இருக்கிறது.
யாருக்கோ வாழ்ந்து காட்ட இந்த வாழ்க்கை ஒன்றும் பரீட்சையில்லை.
உங்களுக்காக வாழ்ந்து விட்டு போவதற்கான ஒரு வாய்ப்பு மட்டுமே அதைச் சரியாக பயன்படுத்திக் கொள்ளுங்கள்.
சிறப்பான தனித்திறமை என்று ஒன்றும் தேவையில்லை, ஆர்வம் மட்டும் இருந்தால் போதும் வாழ்வில் எதையும் சாதிக்கலாம்.
குத்திக் காட்டும் மனிதர்களுக்கும், சுட்டிக் காட்டும் மனிதர்களுக்கும் இடையில் சிரித்துக் கொண்டு வாழ்ந்து காட்டுவது தான் சவாலான வாழ்க்கை.
கண்ணாடியில் இருக்கும் அழுக்கு எப்படி நம் முகத்திற்கு சொந்தம் இல்லையோ, அதைப்போலவே நம்மைப் பற்றிய மற்றவரின் எண்ணமும் நமக்கு சொந்தம் இல்லை.
வாழ்க்கையானது சுமூகமாக, சுகமாக வாழ்வதற்கே. எதிலும் முரண்படாமல் எதையும் இயல்பாக எடுத்துக் கொள்ளுங்கள்.
பார்ப்பவன் என்ன நினைப்பானோ என்ற பயத்துடன் வாழாதீர்கள். படைத்தவன் என்ன நினைப்பான் என்று பயந்து வாழுங்கள்.தவறு செய்ய மாட்டீர்கள்..
நன்றிகள் நற்பவி
தனஞ்செயனே போற்றி
அன்புடன்
முனைவர் போகர் வசீகரன்
போகர் சித்தாந்த சபை
பழனி
